رواية 30 يوم حياة الفصل الحادي والثلاثون 31 بقلم أميرة اسامة

رواية 30 يوم حياة الفصل الحادي والثلاثون 31 بقلم أميرة اسامة

رواية 30 يوم حياة البارت الحادي والثلاثون

رواية 30 يوم حياة الجزء الحادي والثلاثون

رواية 30 يوم حياة الحلقة الحادية والثلاثون

نزلت منار بسرعه من البيت ومسكت موبايلها وأتصلت علي وعد..
وعد….ايه ده وحشتيني بقالك كتير مكلمتنيش
منار…وعد انتي فاضيه
وعد…تعالي يامنار اه
منار…لا انا عيزاكي معايا في مشوار ممكن
وعد…في ايه يا منار
منار….لما اشوفك يا وعد فاضيه ولا لا
وعد…اه فاضيه هتصل بس بزين اقوله
منار…خلاص البسي وخليكي مستنيه لحد ما اكلمك
وعد…بقلق ماشي يا حبيبتي
منار…سلام
وعد…سلام
قفلت وعد معاها وأتصلت بزين.
زين….الوو
وعد….ابوه يازين عامل ايه
زين…بخير يا حبيبي انت كويسه
وعد…اه الحمد لله
زين…يارب ديما في حاجه ولا ايه
وعد…اه بصراحه منار لسه قافله معايا وعايزاني اروح معاها
زين…تروحي معاها فين
سكتت وعد ثواني
زين…وعد.
وعد…ايوه معاك
زين…طيب ردي
وعد…ماهو انا مش عارفه

 

 

 

زين…نعم يعني ايه مش عارفه
وعد ..والله ماعرف هي كلمتني الوقت وصوتها متغير وبتتكلم بسرعه وشكلها مضايق وبتقولي تعالي معايا وشكلها مخنوقه يمكن عايزه تتمشي
زين…ماشي يا حبيبي خلاص روحي وخلي بالكم من نفسكم
وعد….حاضر
زين…بقولك
وعد…نعم
زين…ادخلي الاوضه عندي افتحي الدولاب وخدي منه فاوس خليها معاكي
وعد…لا انا معابا مش عايزه
زين…وعد انتي سمعتي اللي قولته صح
وعد….يازين مش عايزه والله وبعدين انا مش هقدر ادخل اوضتك اصلا واعمل اللي قولته ده
أبتسم زين…ايه مكسوفه انتي ناسيه انك مراتي يا وعد
وعد….لا مش ناسيه بس بجد مش هقدر
زين…خلاص وانتي خارجه عدي عليا
وعد…حاضر
زين…ماشي يا حبيبي
وعد…باي
زين…باي
قفلت معاه وعد وابتدت تجهز بسرعه ولما منه ومديحه سألوها قالتلهم ان منار عيزاها معاها…
وصلت منار في مكتب اخوها واستنت المساعد يبلغه
خرج عادل بسرعه وهو مخضوض لعد ما المساعد بلغه
عادل…منار انتي بتعملي ايه هنا
منار…مالك في ايه بس
عادل…انتي كويسه امك وابوكي كويسين
منار…الحمد لله كلنا بخير
عادل…وقعتي قلبي انتي نادرا لما بتعدي عليا
تعالي ندخل جوه
دخلت معاه منار المكتب واعدت ادامه عالكرسي وهي بتفرك في ايدها وباين عليها القلق والتوتر
منار…حقك عليا خضيتك وجيت من غير ما أقولك
عادل….تقوليلي ده ايه انتي عبيطه منار انتي تيجي اي وقت انا بس فكرت في حاجه المهم قوليلي تشربي أيه
منار مكانتش مركزه معاه وكل شويه تبص فالساعه
عادل ..منار
منار…هاا
عادل ..تشربي ايه
منار…لا ولا حاجه انا بس جايه اقولك حاجه وهمشي
عادل…طيب قوليلي الاول تشربي ايه
منار…مش عايزه يا عادل
عادل…حس بتوترها وكل شويه تبص فالساعه وشكلها مش طبيعي
عادل قام وراح اعد ادامها عالكرسي
عادل….منار انتي كويسه يا حبيبتي
وكأن جملته كانت زرار داس عليه ونزلت دموعها
فضلت منار تهز راسها بلأ
عادل…في ايه يا منار اهدي ياحبيبتي

 

 

 

منار…انا محتجاك يا عادل
أعد عادل بسرعه علي ركبته ومسك ايدها في ايه يا حبيبتي انا جمبك يا منار قوليلي حصل ايه عشان خاطري متقلقنيش عليكي انا اخوكي يامنار
منار….عادل انا مبقاش ليا غيرك يمكن طول عمري كنت قريبه من كيمو اكتر بس والله غلاوتكم كانت واحده بس الوقت انا مبقاش لبا غيرك يا عادل
عادل…وانا جمبك يا حبيبتي منار…انا جيالك وانا مش مرتبه اي كلام ويمكن اللي هقوله ده صعب عليا اني اطلبه منك بس والله يا عادل غصب عني
نزلت دموع عادل علي دموعها
عادل…وانا تحت امرك في أي طلب تطلبيه يا منار
منار….عادل انا بحب
أبتسم عادل بحزن ونزلت دمعه من عينه سريعه
عادل…وايه المشكله يامنار الحب مش عيب
منار….اللي بحبه يا عادل ميعرفش او هو اصلا مش بيحبني
عادل….كملي
منار….انا بحب عامر ياعادل ومن زمان اوي وهو طول عمره بيتعامل معايا علي اني اخته عمري ما بينتله حبي كنت بتعامل معاه عادي جدا بس خلاص يا عادل مش هقدر مش هقدر اشوفه بيمشي من غير ما يعرف شعوري ناحيته وكملت بانهيار كريم راح يا عادل وكان هو اكتر حد مالي عليا الدنيا ومخليني متعايشه مع عدم وجود عامر في حياتي بس كريم راح يا عادل وانا مش عايزه عامر يروح انا جيالك ياعادل عشان مش هقدر اعمل اي حاجه من وراك ولا حتي اصغرك وعشان اتعودت اني معملش اي حاجه من وراكم انا محتاجه اشوف عامر قبل ما يمشي ارجوك ياعادل وافق …لو موافقتش مش هزعل بس صدقني انا هتعب اوي والله العظيم قلبي ما مستحمل
مسح عادل دموعه وبصلها.كتير وهو مبتسم
وانا عارف يا منار
منار…🥺🥺عارف ايه
عادل…عارف انك بتحبي عامر كريم قاللي
منار…ايه كريم بس كريم ميعرفش
عادل…كان عارف يا منار وكان حاسس بيكي ووصاني عليكي قبل ما يموت بيوم واحد يا منار
نزلت دموع منار حطت ايدها الاتنين علي وشها وهي منهاره ورجعت بصتله قالك ايه يا عادل وليه مقاليش انه عارف
عادل….مرضيش يحرجك
كريم قبل الرحله بيوم جالي المكتب ودي كانت اول مره يجيلي من سنه تقريبا
فلاش باك…
عادل…ايه ياعم عاش من شافك ده المكتب أشتكي من قلت الزيارات طب حتي تعالي كده اعمل شكل حتي الناس يقولوا ده محامي شاطر والناس طالعه نازله عليه
كريم…بضحك والله ما بقدر يا كيمو اطلع وبعدين يا عم بتبقي طول اليوم في وش اعلي وبليل عالقهوه في وشي وفالبيت فالاوضه مع بعض حبه راحه بقي
عادل…ماشي ياعم مقبوله المهم انك جيت ونورت تشرب ايه
كريم…ولا اي حاجه انا جاي اقولك كلمتين وهطير عشان هروح مع امك مشوار لحد الميدان كده نجيب اكل الرحله والكلام الفاضي ده
عادل….ااااه كمان جاي تقولي حاجه ياواطي وانا اللي فكرتك جاي تطمن عليا
كريم…لا بجد انا عايزك في حاجه ضروري
عادل بتركيز في ايه قلقتني
كريم…منار بتحب
عادل….نعم شوفت عليها حاجه
كريم…حاجه ابه انت اهبل ياض وبعدين مالك اتخضيت كده ليه ما تحب ما انت بتحب وكل اللي حواليها بيحبوا ومرتبطين
عادل…طب فهمني
كريم…منار بتحب عامر يا عادل من زمان وعامر بيعتبرها اخته زي مانت عارف
عادل…ايوه مش فاهم عايز ايه اروح يعني اقوله
كريم…بلاش تريقه وحيات ابوك انا مقولتش كده بس هي واجعه قلبي انت عارف اختك متبحبش تبين ولا هتتكلم علي فكره انا قايل لزين الكلام ده

 

 

 

عادل…انا مش عارف اقولك ايه
كريم…ولا حاجه انا اصلا معرفش انا ايه اللي خلاني اجي اقولك بس عايزك تخلي بالك عليها ياعادل وفكر معايا يا اخويا في اي حل عادل…ملهاش حل يا كيمو ملهاش حل يا اخويا هنرخص اختنا ونروح نقول لصاحب عمرنا اختنا بتحبك
كريم…انا مقولتش كده يا عادل ولا يمكن ارخص منار بس كمان معنديش اي مانع اني اروح واقوله حتي لو شكلي هيبقي وحش
عادل…بس مينفعش يا كريم
كريم…عارف انه مينفعش انا بس جاي اقولك عاللي في نيتي انا مستني رد زين عليا هو قاللي هيفاتحه بطريقته بس بعيدا عني وعن منار يعني كأنه اقتراح منه بس لو زين لسه مفاتحهوش هتكلم مع منار لما نرجع ولو حسيت ان هي معندهاش مانع هقوله بس مش هقوله ان منار بتحبه هقوله ان انا اللي عايز ده
عادل…انا مش عارف اقولك يا كريم
كريم…ولا اي حاجه عايزك بس متخدهاش علي صدرك وتقول كرامه وحوارات الشباب دي انت عارف عامر عندنا ايه وبردو منار تهمنا عايزك تحطها في عينك يا عادل وتخلي بالك منها
عادل…انت مالك بتتكلم كده وكأنك هتودع
كريم…ياعم ولا هودع ولا حاجه انا اعد علي قلبكم انا بشاركك بس باللي في دماغي
عادل…ماشي يا كيمو خلينا بس نرجع من الرحله وهيبقي لينا كلام تاني انا وانت بعض وهنشوف حل بس بعيد عن ان منار تنزل من عينه او احنا يا اخويا ننزل من عينه منار غاليه ومش هندلل عليها لأي حد مهما كان
كريم….اللي فيه الخير يقدمه ربنا يلا هقوم انا بقي امك زمانها لبست ومستنياني
عادل…ماشي يا كيمو يلا سلام
باااااك
منار….يعني هو ده اللي كريم كان عايز يقولهولي لما نرجع هو قالي لما نرجع هاخد رأيك في حاجه ولو وافقتي هعملها عشان خاطرك
بس مقاليش انه عارف كريم قالي حاربي عشان توصلي للي بتحبيه يعني كريم كان يقصد عامر
عادل….اه يا منار كان يقصد عامر…بصي يامنار انا مش همنعك يا حبيبتي عامر اخويا مش زي اخويا وعارف تربيته واخلاقه ورغم هزاره وضحكه بس هو راجل انا هسيبك تروحي يا منار عشان ميمشيش وترجعي تقولي ان انا ضيعت عليكي فرصه او حلم بتتمني توصليله ومش هقولك لا عشان كرامتك الحب مش عيب والتمسك بيه مش إهدار لكرامتك روحي يامنار بس انا هطلب منك طلب
منار..اطلب
عادل….اولا ايآ كانت النتيجه ايه مش عايزك تزعلي يكفي انك حاولتي لاخر لحظه ثانيا عامر ميعرفش اني عارف اي حاجه عشان اقدر احط عيني في عينه و عشان لو الموضوع اترفض من ناحيته ميبقاش في بينا اي خلاف مش عايز اخسره عشانك ولا عايز اجي عليكي عشانه
حاولي ويمكن كريم كان ليه وجه نظر لما كان بيقولك متضيعيش حلمك من ايدك
منار….أبتسمت من وسط دموعها
مسك عادل الموبايل كلم عامر
عامر…ايه ياصاحبي
عادل….هتوحشني
عامر…انت اكتر كان نفسي اطلع اسلم عليك تاني بس مفايه سلام امبارح مش عايز اشوفكم مضايقين
عادل….خلاص نازل
عامر…انا نزلت يا صاحبي علي اول الشارع خلاص هوقف تاكسي وهمشي
عادل…ماشي يا صاحبي توصل بالسلامه طمني عليك اول ما توصل
عامر…ان شاء الله خلوا بالكم من بعض وادعيلي ياعادل
عادل….ربنا يوفقك يا صاحبي لا إله إلا الله
عامر…سيدنا محمد رسول الله
قفل عادل وبص لمنار

 

 

 

ونزلت دموعه
عادل….عامر علي اول الشارع في طريقه للمطار لو تقدري توقفيه وتدافعيه عن حب عمرك يامنار اوعي تترددي روحي بسرعه يلااا
أبتسمت منار من وسط دموعها حضنت عادل اوي وجريت بسرعه وهي بتكلم وعد
منار….وعد اخرجي بسرعه يلا
وعد…يلا طيب سلام
خرجت وعد راحت لزين
اداها زين الفلوس وفالوقت ده كانت منار ماشيه بسرعه زي المجنونه اللي روحها بتتسحب منها ودموعها علي وشها
منار….يلا ياوعد
زين…في ايه يامنار انتي كويسه
منار…بعدين يا زين ارجوك
هز زين راسه وفهم يلا بسرعه يا منار
أبتسمتله منار وخدت وعد ومشيوا واختفوا في اقل من دقيقه
خرجت منار علي اول الشارع وقفت في وسط الطريق تدور بعينها زي المجنونه علي عامر مكانش ليه أي أثر
مسكت منار موبايلها وطلعت رقم عامر اللي معاها ودي كانت اول مره تكلمه.
عامر…الوووو
منار…عامر
عامر…مين معايا
منار…سكتت ودموعها نازله انا منار ياعامر
عامر اول ما سمع أسمها قلبه اتقبض
عامر…ازيك يا منار
منار…بخير
عامر…في حاجه يا منار
منار…هو انت مشيت
عامر…اه انا راكب تاكسي ورايح عالمطار
منار….انا كنت محتاجه أشوفك ضروري
عامر….الوقت انا الطايره فاضل عليها ساعه ونص تقريبا مش هلحق يامنار قوليلي في ايه
منار….مش هينفع لازم اشوفك واديلك حاجه طيب بص ينفع اجيلك عالمطار وكمان عشان متتأخرش هركب علي طول وراك ومش هأخرك والله
عامر…بقله حيله طيب خلاص انا هنزل علي اي جنب وهستناكي
منار…لا يا عامر خليك انا هاجي وراك حالا سلام
قفلت منار ومدتلوش فرصه وقفت تاكسي وركبت بسرعه وراحت وراه عالمطار
طول الطريق متوتره ومع كل إشاره يقف التاكسي كأن قلبها وقف
وعد….بحزن منار انتي كويسه
هزت منار راسها ودموعها نازله
وعد…طيب انتي متأكده من اللي انتي هتعمليه ده
منار بصتلها…عندك حل تاني
عندك حل يريح قلبي ياوعد
هزت وعد راسها بالنفي وسط دموعها هي كمان
بعد وقت عدي وكأنه سنين وصلت منار المطار هي ووعد لكن كان لسه أدام صاله المطار اللي هي عايزه تروح لعامر فيها مسافه مش بسيطه ولكن كانت العربيات كتير وبتعدي براحه عشان التفتيش
حاسبت التاكسي ونزلت تجري في المطار وكأنها بتسبق الزمن ووعد وراها جريت كتير عشان تقدر توصل في اسرع وقت
كان عامر وصل ووقف يستناها..لمحها من بعيد وهي جايه بتجري
وهي لمحته وهو واقف مستني
وعد بطأت الجري لحد ما وقفت واستنت بعيد عنهم شويه
وقفت منار تبصله وهي بتاخد نفسها بسرعه رهيبه وفضلت تقرب اكتر لحد ما وقفت ادامه وهي بتحاول تاخد نفسها
عامر….انتي كويسه
منار….هزت راسها بلأ واتجمعت الدموع في عينها
عامر…حس باللي هي جايه عشانه وكان شايل هم رده
عامر…طيب اهدي وخدي نفسك انا لسه ادامي نص ساعه
منار….ممكن أسألك سؤال
عامر…بحزن طبعا
منار….هو انت مسافر عشان شغلك ولا مسافر عشان خاطر كيمو مات ومش عايز تأعد فالشارع تاني
عامر….هتفرق معاكي
منار….فوق ما تتخيل
عامر….الاتنين يامنار اولا عشان شغلي يمكن كنت بفكر ويمكن كنت هرجع في كلامي تاني بس بعد موت كريم مش قادر حسيت ان لازم امشي عشان انسي
منار…تنسي ايه تنسانا ياعامر
عامر…مقدرش يا منار انساكم انا اقصد انسي الوجع
نزلت دموع منار بوجع وقهر بس انت اناني اوي يا عامر
عامر…انا؟؟ ليه بتقولي كده؟

 

 

 

منار…انت قررت تبعد عشان تنسي ويخف وجعك شويه بس مفكرتش في اي حد غير نفسك وبس مفكرتش ان في حد هتحمله وجع فراق كريم ووجع …..سكتت منار
عامر…وجع ايه يا منار
منار….عامر انا يمكن الوقفه اللي انا وقفاها دي اصعب وقفه عدت عليا بعد موت كريم انا بقالي يومين في حرب بين عقلي وقلبي بين اني اجي واقف الوقفه دي او مجيش اصلا…حاولت امنع نفسي بس والله ما قدرت ياعامر غصب عني
انا مش عيزاك ترد عليا عيزاك تسمعني انا طول عمري ساكته ومش قادره اتكلم ولولا موت كريم بردو مكنتش هتكلم يمكن في ناس كتير اوي في حياتي غاليين عليا بس كان في اتنين اقرب لقلبي مني انا شخصيا يمكن كنت بحب دنيتي عشان هما موجودين فيها كريم كان شخص منهم كريم كان كل حاجه ليا فالدنيا صحبي واخويا وابويا وجوده كان مصبرني علي عدم وجود الشخص التاني في حياتي بس كريم راح يا عامر ومبقتش قادره اتحمل انا مش عايزه اكون لوحدي ياعامر مش هقدر والله ما هقدر قلبي مش هيستحمل فراق اكتر اتنين غاليين عندي كريم وانت ياعامر💔🥺
عامر….😳🥺🥺
منار….مستغربش انا محبتش في حياتي ادك يا عامر مشوفتش غيرك غصب عني لقيت نفسي بحبك
عامر….منار انااا ااا
منار….انا عارفه انك بتعتبرني زي شهد بس انا عمري ما اعتبرتك زي كيمو وعادل يا عامر عمري ماشوفت فيك اي رابط بينا غير انك حبيبي وبس
عامر….افهميني يا منار انتي غاليه عندي اوي ومكنتش اتمني ابدا اشوفك فالموقف ده ولا اشوفك فالحاله دي ولا كنت اعرف انك زي مابتقولي بتحبيني بالشكل ده منار انا طول عمري مخلص لاخواتك طول عمري بحامل منار اخت صحابي علب انها اختي زي شهد طول عمري مافكرتش ابص لاي بنت اخت صاحبي عشان محسش اني بخونه وبخون ثقته فيا انا مش عايز اضايقك بس انتي اكيد عارفه انا عمري ما كان ليا علاقه بأي بنت طول عمري حاطط حلمي ادام عيني وبجري عشان اوصله وبس يمكن اتعرفت علي بنات وقت الجامعه والمدرسه بس زيي زي اي شاب كان تفاهه لعب عيال لكن عمري حبيت يا منار ولا عمري اصلا فكرت فالارتباط عشان انا زي ماقولتلك عايز الاول اوصل لحلمي واقف علي رجلي عشان بوم ما افكر ارتبط ابقي اد الارتباط ده لاني بأختصار يا منار انا لسه بدري عليا عشان اتحمل مسؤوليه انا بكون نفسي ومعنديش استعداد اني ارتبط واعلق بنت بيا وانا فاضي او بمعني اصح مش اهل اني اكون اد حبها ده وانا لسه في اول الطريق هظلمها معايا وهضيع عمرها وهي مستنيه ويمكن ميحصلش نصيب مع الوقت واللي مرضاش انه يحصل في شهد يا منار مرضاش انه يحصل في اي حد ده بالنسبه لارتباطي يا منار واللي حبيت افهمهولك…اما بخصوصك انتي في كذا سبب يمنعني اولهم زي ماقولتلك انتي اختي يا منار تاني سبب كريم وعادل وحاج سعيد وامك يا منار مقدرش اخون ثقتهم فيا ولا اقدر اوعدك بحاجه انا مش ادها ولا اقدر التزم بحاجه الوقت لاني معنديش اي حاجه يامنار انا زي ماقولتلك لسه في اول طريقي
منار….بس انا مش عايزه اي حاجه منك وعندي استعداد استناك حتي لو ميت سنه بس انت وافق ياعامر
عامر….منار افهميني متصعبيهاش عليا ارجوكي قولتلك مش هقدر مش هقدر اخسر اخوكي ولا هقدر اخون ثقه كيمو فيا ولا هقدر اوعدك بحاجه انا مش حاسسها
منار….نزلت دموعها اكتر وهي ساكته
عامر…يلا يامنار روحي وعشان خاطري انسيني وفكري في حياتك مع حد يستاهلك بجد وصدقيني يوم ما تلاقي الشخص ده هكون انا اول واحد واقف جمبك زي زي عادل وكيمو
عامر…اشوف وشك بخير
اداها ضهره ومشي كام خطوه
منار…عامر
وقف عامر وبصلها
منار…وهي بتروحله
يمكن لو وافقت يبقي في احتمالين احتمال انك متقدرش تحبني وتفضل شايفني اختك وبس واحتمال انك تقدر وتحس بحبي ليك
بس في احتمال اكبر ياعامر أنك لو بعدت عني هموت
عامر…قرب منها ومسك ايدها منار افهميني عشان خطري اللي جوايا ليكي ده غصب عني زي ما اللي جواكي ليا غصب عنك ويمكن احساسك بحبك ليا غلط او يمكن عشان انتي عارفه ان انا وكيمو ازاي كنا قريبين من بعض يمكن انتي شايفه كيمو فيا..
منار…بأنهيار انا لا شايفه كيمو فيك ولا شيفاك في كيمو انا مش شايفه غير حاجه واحده وبس اني بحبك ياعامر واني مش شايفه نفسي مع راجل غيرك.
عامر…وقف مش قادر ينطق ولا يتكلم بص في ساعته

 

 

 

 

عامر ..منار انا لازم امشي الطياره خلاص ارجوكي روحي وانسيني يامنار
منار…مسحت دموعها شوف حياتك ياعامر ومتشغلش بالك بيا انساك افتكرك عادي النتيجه عندك واحد..ربنا يوفقك في حياتك وتوصل لحلمك وتقدر تلاقي بنت تحبها من قلبك وتجرب الحب صدقني هتمنالك من قلبي انك تحب وتتحب مش هتمنالك انك تحب وبس عشان متحسش بالوجع اللي انا حساه..ومدتله ايدها بشنطه.
عامر…ايه ده
منار….دي كانت اول واخر صوره تجمعني بيك واخر صوره تجمعنا بكريم اشوف وشك بخير.
ادتله منار ضهرها ومشيت علي وعد وهي دموعها نازله زي الشلال وعامر واقف عينه عليها بحزن وصلت منار لوعد
وعد…منار انتي كويسه
منار…عايزه امشي من هنا بسرعه
خدتها وعد ومشيوا لحد ما اختفت عن عيون عامر
مسك عامر شنطته والصوره في ايده ودخل علي المطار بسرعه
بصت منار من بعيد لقيته دخل المطار انهارت من العياط في حضن وعد
منار….عامر وكريم سابوني يا وعد
وعد….بس يا منار
منار…ااااااااااه
وعد…منار عشان خاطري اهدي وفجأه وقعت منار من حضن وعد
وعد…بصريخ منار منار ردي عليا ارجوكي يامنار يااااارب حد يلحقني
جريوا عليها الناس وحطوا منار في تاكسي وراحت بيها وعد علي اقرب مستشفي
وعد مسكت موبايلها واتصلت بزين وهي منهاره
زين…ايه ياحبيبي
وعد…بصريخ الحقني يازين
زين…في ايه ياوعد😳😳مالك
وعد…منار وقعت مني يا زين ومش بتنطق
زين…انتي فين
وعد….انا راحه بيها عالمستشفي
زين…مستشفي ايه
وعد…معرفش سألت السواق ايه اقرب مستشفي من المطار قالها علي اسمها وقالت هي لزين..
قفل معاها زين واتصل بعادل.
عادل….ايوه يازين
زين…انت معاك شغل
عادل…لا انا خلصت
زين…طيب تعلالي عشان عايزك في مشوار
عادل…بقلق في حاجه ولا ايه
زين…لا ابدا مشوار يخصني انا هقفل الورشه وادخل اغير بسرعه تكون نزلت
عادل…طيب تمام سلام
زين…سلام.
اتصل تاني زين علي وعد
وعد…ايوه زين

 

 

 

 

زين…اسمعيني ياوعد كويس في حد غيري عرف
وعد…لا انا كلمتك انت بس
زين….انتوا رحتوا لعامر المطار صح
سكتت وعد ثواني…ايوه يا زين
زين…ولحقتوه
وعد…ايوه
فهم زين ان عامر رفض تمام يا وعد طيب اسمعي انا جاي وجايب معايا عادل لما نيجي كأن منار مقابلتش عامر خالص عشان كده تعبت فهمتي مش عايز عادل يخسر عامر
وعد…حاضر وادام حاج سعيد وست فاطمه والكل انتي ومنار كنتوا لتتمشوا عشان هي نفسيتها تعبانه وهفهم ده لعادل ده اللي هنقوله مفهوم
وعد…حاضر
زين…انا جاي علي طول متقلقيش يلا سلام
وعد…سلام.
خلص زين بسرعه وخرج خد عادل وركبوا تاكسي وراحوا عالمستشفي بعد ما زين فهموا ان وعد كلموه وقالتله ان منار تعبت وملحقتش عامر وعرفه انه عارف كل حاجه عشان ميتحرجش منه وطلب منه ادام اي حد يقول انهم كانوا بيتمشوا
سمع عادل كلامه وطول الطريق قلبه واجعه علي منار وخايف عليها
وصلوا لوعد بسرعه
وعد اول ما شافتهم جريت علي زين اترمت في حضنه وهي منهاره
عادل…منار كويسه ياوعد ياصح اوعي تقولي حصلها حاجه
وعد ..لا لا متخافش هي بس تعبانه ولسه محدش خرج طمني
زين…اهدي ياوعد تعالي معايا يا عادل
راحوا مع بعض وقفوا ادام الاوضه اللي فيها منار
لحد ما عدي وقت بسيط خرج دكتور
عادل…دكتور طمني اختي كويسه
الدكتور…المريضه اللي جوه دي اختك
عادل…ايوه
الدكتور….طيب اناا
زين…في حاجه يا دكتور
الدكتور….اولا هي حالتها النفسيه وحشه جدا ثانيا انا شاكك في حاجه بس طبعا لسه في اشاعات وتحاليل لازم اعملها فورا عشان اتأكد

 

 

 

 

عادل…اختي فيها ايه يا دكتور
الدكتور…طيب معلش خليني الاول اعمل الاشاعات والتحاليل وان شاء الله اطمن بس واقولكم هستأذن بس الوقت بسرعه وشويه وهرجعلكم
عادل…طيب ينفع اطمن عليها
الدكتور…اه هي فاقت تقدروا تشوفوها بس من غير ما تتعبوها من فضلكم
عادل…حاضر
دخل عادل بسرعه ووراه زين ووعد كانت نايمه منار علي السرير وباصه للشباك ودموعها نازله من غير كلام
عادل….منار منار ياحبيبتي ردي عليا حصل ايه
منار………………………
عادل…منار طمنيني عليكي عشان خاطري وعد منار ملها
وعد…مفيش هي بس مضايقه شويه ومغرددعرفش حصلها ايه مره واحده وقعت من ايدي واغم عليها جبتها علي هنا علي طول
عادل…انتوا شفتوا عامر
بصت وعد بطرف عينها لزين…لا ملحقناهوش وموبايله كان مغلق معرفناش نوصله
عادل…..منار عشان خاطري ردي عليا سمعيني صوتك
زين…سبها ياعادل سبها ترتاح
بعد وقت بسيط خرجوا تاني وخدوا منار يعملولها الاشعه والتحاليل المطلوبه
وبعد وقت مش بسيط
حالهم الدكتور وخدهم علي مكتبه
عادل…طمني يا دكتور اختي فيها ايه
الدكتور…للأسف اللي كنت شاكك فيه طلع صح
اختك محتاجه تعمل عمليه فالقلب ضروري خلال اسبوع بالكتير
عادل ..بصدمه نعمم😳
وعد حطت ايدها علي بوئها بصدمه🥺😱
زين…طمنا يادكتور لو سمحت
الدكتور ..هي بتعاني من انسداد في الشرايين والشريان التاجي والشريان الاورطي فيهم مشاكل وطبعا ده غريب بالنسبالي لحد في سنها وانا طبعا اشك ان حالتها النفسيه هي اللي مقصره عليها بالشكل ده خصوصا ان التعب اللي عندها ده تقريبا من فتره بس يمكن حالتها النفسيه دي اللي ظهرت التعب عليها اكتر
عادل…يعني ايه انا مش فاهم حاجه
الدكتور…اهدي بس هي عمليه مش بسيطه ومش كبيره الاول لازم توافق عالعمليه وطبعا خلال الاسبوع ده هي هتفضل موجوده هنا عشان تجهز للعمليه ونتابع الفتره دي الضغط القل السكر نظبط كل حاجه ونخلص التحاليل وواضح ان في انيميا بسيطه لازم الاول نجهزها للعمليه
عادل…حط ايده علب راسه امي وابويا لو عروفوا هيروحوا فيها انا اخويا لسه ميت وهما مش مستحملين خبر زي ده
زين…هنلاقيلها حل يا عادل المهم نطمن عليها
الدكتور….ممكن نقولهم انها الزايده المراره ومتقلقش دي حاجه هفهمها للكل
عادل…والزايده ولا المراره بيتحجزوا قبلها بأسبوع مش هيصدقوا طبعا
الدكتور….ممكن نقول ان الزايده ملتهبه جدا وفي حجات لازم تظبطها قبل العمليه ضروري وتحاليل خصوصا ان حالتها تعبانه
عادل…ماشي يارب استر
وعد….وانا ممكن اعد معاها
عادل….امي لو عرفت هتأعد معاها وهتفهم
الدكتور…هنقول مفيش مرافق او انتوا تقنعوها ان مش هينفع وهتتعب وسيبه معاها حد صغير يقدر يساعدها
زبن….وعد هتفضل معاها
وعد…ايوه هفضل معاها
الدكتور…ان شاء الله خير متقلقش دي حاجه بسيطه
عادل….يارب
……………
بعد مرور أسبوع وبعد دخول منار العمليه طبعا الكل كان عرف وعادل قال زي ما زين فهمه انهم كانوا بيتمشوا وتعبت منار منها وراحت بيها المستشفي وزين وعادل راحولها وقالوا ان الزايده تعباها ..امها وابوها كانوا هيتجننوا خصوصا فاطمه اللي كانت هتتجنن وتأعد معاها عادل. والكل اقنعوها انهم يسيبوا معاها حد اصغر عشان يبقي حركته اسرع ويقدر يساعدها وافقت فاطمه غصب عنها وكانت كل يوم بتروحلها…وجه يوم العمليه….
اغلبهم كانوا معاها
طبعا البنات والشباب والكل كان عارف ان منار هتعمل عمليه فالقلب معادا حاج سعيد وست فاطمه..
الكل كان قلقان ومتوتر
عامر…كان وصل وابتدا شغله فورا عرف ان منار تعبت بس مكانش عارف تعبت ازاي فا قرر انه يحاول يختفي علي اد ما يقدر عشان تنساه
عملت منار العمليه وعدت علي خير لاكن اتنقلت علي العنايه المركزه عشان تفضل تحت الملاحظه لحد ما حالتها تتحسن.
فالوقت ده عرف حاج سعيد وعرفت فاطمه اللي كانوا منهاريين ومرعوبين علي بنتهم..
عامر….طول الوقت منظر منار في المطار مش راضي يروح من باله وطول الوقت بيشتغل ويقتل نفسه فالشغل ويطلع ينام عشان ميفكرش
والصوره اللي منار رسماها ادام عينه شويه يبص علي كريم وشويه علي منار..
فالوقت ده اتصل بيه زين…لاول مره من يوم ما سافر.
عامر…اوا ما افتكرت
زين….انا ولا انت ولا انت بعت الدنيا خلاص
عامر…ليه بتقول كده يازين من امته وانا بياع يا صاحبي
زين…من يوم ما البت جريت وراك يا صاحبي واترجتك تفضل من يوم ما حطت كرامتها تحت رجلك في مقابل انك بس تحس بيها من يوم ما كسرتها ووجعتها بكلامك من يوم ما سبتها تمشي. انت فارم قلبها ومصعبتش عليك انت عارف انها بتحبك وانا قولتلك انها بتحبك…وعارف ياعامر اخره حبها ليك ده ايه عمليه كبيره في قلبها اللي انت جيت وبكل بساطه دوست عليه
عامر…بخضه انت بتقول ايه
زين…منار بقول اللي انت متعرفهوش ياصاحبي منار وقعت من وعد فالمطار بعد ما سبتها ومشيت جريت عليها انا وعادل والدكتور بلغنها انها لازم تعمل عمليه فالقلب ضروري وهي الوقت فالعنايه المركزه ياصاحبي وحالتها وحشه والدكتور قال ان حالتها النفسيه اللي وصلتها لده..
عامر….زين انا مقصدتش والله ما قصد انا قولت الحقيقه انها اختي مغلطتش مرضتش العب بيها حسيت ان حبها كبير عليا يا صاحبي مقدرتش اقاوح وفالاخر مقدر واجرحها واخون ثقه كريم فيا يا زين مقدرتش ازعله مني حتي وهو ميت مش قادر اخونه ياصاحبي
زين….ولو عرفت ان كريم كان امنيه حياته يا عامر انك تحب اخته ربع حبها ليك
عامر…😳😳😳😳انت بتقول ايه كريم كان عارف ازاي
زين….زي الناس كان عارف ومكنش قادر يقولك ويرخص اخته ولا يفرض عليك حاجه انت مش عايزها واتكلم معايا وكان موجوع علي منار وكان بيتمني انك تحبها ولما قولتله اني هفاتحك مرفضش وقاللي بس مقولش ادامك انه عارف عشان لو انت رفضت متبقاش محرج منه عمل حسابك لاخر لحظه وانت بكل برود دوست علي اخته

 

 

 

عامر….بصدمه كريم عارف..زين والله العظيم انا مدوستش علي منار انا خوفت مبقاش اد حبها واخسر عادل واخون كريم وثقته فيا واخسر عم سعيد
زين….عموما انا قولتلك اللي حاصل عشان يبقي عندك خلفيه وعلي فكره عادل مكانش يعرف ان منار راحه تقابلك فالمطار وانا فهمت وعد انها متقولش
عامر….انا لازم اجي واشوف منار
زين…لو هتيجي ياصاحبي عشان تقولها انك موافق وانت من حواك عاملها شفقه متحيش عشان متدوسش عاللي باقي من قلبها
عامر…افهمني يازين يمكن اللي هقوله ده انت مش هتصدقه بس انا من يوم ما جيت هنا وصوره منار مش راضيه تفارقني مبعملش اي حاجه غير اني بفكر فيها وبفتكر كل حاجه وكل موقف كان بيجمعني بيها محبتهاش بس مبفكرش غير فيها خليني احاول ياصاحبي يمكن اقدر اعوضها الوجع ويمكن اقدر احبها ولو مقدرتش مش مهم بس هعمل اي حاجه عشانها وعشان اريح كيمو
زين….وانا مستنيك ياصاحبي
…….
عدي يومين عرف عامر ياخد اجازه من شغله لمده يوم واحد لانه لسه مستلم الشغل من قريب فالوقت ده كانت منار فاقت خلاص بس حالتها النفسيه كانت زيرو وكانت لسه فالرعايه…
عادل….يلا يا امي تعالي روحي مع يوسف والجماعه عشان تجهزي حجات لمنار
فاطمه ..خايفه اسيبها يا ابني
عادل…يا اما والنبي ما توجعي قلبي هي احسن الحمد لله وبعدين انا والشباب معاها متقلقيش
فاطمه…حاضر يا ابني ابوك قاللي انه جاي بعد العشا
عادل…ابويا مروح من ساعه ونص قوليله يرتاح هو اصلا اعدته ممنهاش فايده غير انه هيتعب وبس
فاطمه…مش هيرضي سيبه بقي علي راحته
عادل…ماشي طيب يلا
مشيت فاطمه ومديحه وستات الحاره مع يوسف اللي كان هيرجع تاني لعد ما يوصلهم عشان ياخد البنات.
فالوقت ده وصل عامر من المطار عالمستشفي علي طول
راح عليهم سلموا صحابه عليه وحضنوه حتي عادل اللي كان موجوع علي اخته كان نفسه يقوله اللي في اختي ده بسبب حبها ليك بس مقدرش وخده في حضنه…
عامر…منار عامله ايه
عادل…الحمد لله جيت ليه بس
عامر…بتقول ايه بس انا لو اعرف من الاول كنت جيت بس زين لسه قايلي اول امبارح وعلي ما اقنعتهم اخد اجازه انا المفروض مسافر الصبح
عادل….ربنا يخليك ليا ياعامر
عامر…هي الزياره ممنوعه ولا ايه وبص لزين
زين…لا مش ممنوعه بس هما مش بيدخلو عدد ولا بنأعد كتير عشان متتعبش
عامر…يعني ينفع ادخل اطمن واسلم عليها
عادل….اه طبعا ادخل هي هتفرح لو شافتك
زين…ادخل يلا الاول بس اتعقم وادخل شوفها.
ظبط نفسه عامر ودخلها كانت مغمضه عينها ونايمه
اعد عامر ادامها.
عامر….انا اسف اسف يامنار والله العظيم مكنتش اقصد سامحيني
فتحت منار عينها براحه وفضلت بصاله وهي ساكته
عامر…كان لازم تعزريني طول عمري بعاملك علي انك اختي مكنش ينفع في يوم وليله احبك ولا كان ينفع استوعب كلامك وقتها بس انا رجعت عشانك ورجعو عشان اقولك اني مستعد اننا نجرب زي ما قولتي ولا ايه قومي بقي عشان خاطري..
أبتسمت منار بوجع..
يمكن لو كنت متعبتش وجيت قولتلي الكلمتين دول كنت وافقت ومن غير ما افكر يا عامر بس الوقت لو روحي في ايدك مش هوافق عشان انت مرجعتش عشاني انت رجعت عشان حسيت بالذنب رجعت عشان صعبت عليك رجعت عشان اشفقت عليا اللي خلاني اتنازل عن كرامتي في مقابل اني اكسب حبك ميخلنيش اعيش معاك شفقه ولا يخليني اوافق انك تمحي ذنب حسيت بيه متقلقش ياعامر انا ولا محملاك الذنب ولا انت ليك ايد في اللي حصلي
عامر….لا يا منار انتي فاهمه غلط

 

 

 

منار…انت اللي فاهم غلط اللي بيحب ياعامر بيتمني يشوف اللي بيحبه في احسن حال وانا كان عندي تحب وتتجوز بس تفضل ادامي كنت هرضي ومش هقولك اني بحبك لتكن اللي خلاني اجري وراك اني خوفت تبعد ومترجعش انساني ياعامر وانسي اي حاجه حصلت بينا ارجوك وصدقني انا عمري ما هزعل منك ولا اكرهك ولا حتي اقول انك سبب في اي تعب عشان حقيقي انا اللي تعبت نفسي بأيدي لما حلمت بحاجه مش ليا ولما جريت ورا كلام كيمو وقالي امسكي في حلمك بأيدك صدقته بس كنا غلط الاحلم مش ديما بتتحقق يا عامر بس انت هتفضل احلي حلم حلمته في حياتي…ارجوك اخرج وانساني وعيش زي ماكنت كأن مفيش حاجه حصلت
نزلت دموع عامر وهو شايفها بحالتها….خرج عامر وهو من جواه قلبه واجعه مش عارف السبب
عدي وقت طويييل ايام اسابيع شهور خرجت منار وحالتها اتحسنت كتير وقررت انها تدور علي شغل عشان متفكرش واشتغلت في شركه كبيره ومعروفه..
طول الوقت عامر كان مبيعملش حاجه غير انه يفكر فيها وبس حاول كتير يكلمها مكانتش بترد ابدا ولا حتي كانت بترد علي اي رقم غريب نزل كذا مره اجازه مكانتش بتخاول تلمحه اتجدد شغاه من 3 شهور لسنه بس مع الاجازات وضعه اتحسن كتير ابتدا عامر شويه بشويه يتعرف بقي ليه جمهور وليه معجبين وكل ده مش فارق معاه غير منار اللي استحوذت علي عقله بالكامل وحس انه خلاص حبها بجد ومش قادر يستغني عنها وقرر يكلم عادل وفعلا كلمه فرح عادل وطار من الفرحه لاكن اتصدم من رفض منار اللي مكانش متوقعه حاول كتير معاها وحاول عامر معاها اكتر كل مره كان بيلاقي رفض لاكن مفقدش الامل…كل واحد من الشباب أجل جوازه بسبب موت كريم
علي اد ما فات حوالي سنه علي موته لاكن مكانوش بينسوه يمكن وجع قلبهم هدي شويه بسيطه لاكن طول الوقت كريم كان حديثهم وقت ما بيتجمعوا…
واخيرا مر 9 شهور كاملين
علي حمل توته…واللي اكتشفوا انها خامل في توأم ولدين…واخيرا جه معاد ولادتها بعد عذاب
توته….الحقني يا ادهممممممم
ادهم بيجري بيها هو والكل وراه بالترول في المستشفي
الممرضه….اهدي خلاص قربنا
توته….هموووووت اااااه منك للله يا ادهمممممم انت السببب
ادهم…بضحك ماهو مان بمزاجك يا اختي
توته….كنان ليك مزاج تضحك بكرهكككككك
ادهم…بحبك يا بت
دخلت توته اوضه الولاده والمل منتظرها وبعد وقت بسيك خرجت الممرضه اخيرا طمنتهم انها ولدت وان ربنا رزقهم بولدين زي القمر…..
بعد مرور أسبوع كان المل متجمع عند ادهم وتوته عشان يحضروا السبوع
عامر…كلمه فالي التليفون
مبروك يا ابو العيال يتربوا في عزك
ادهم…الله يبارك فيك يا واطي مش كنت جيت معانا عالاقل تشوف العيال
عامر…غصب عني والله في شغل كتير مش عارف اخد اجازه بس اقرب اجازه هكون عندك
ادهم…عاملي فيها مطرب يا واطي واتشهرت علينا طب كنت تعالي غنيلك اغنيتين وانا كنت حاسبتك قطعت برزقك
عامر…بضحك انا بس اجي وهعملك احلي سبوع ومن غير حساب ياعم دي نقطتي لولاد اخويا صحيح سمتهم ايه
ادهم….سميت أحمد وكريم علي اسم ابويا وعلي اسم كريم الله يرحمه
عامر…بحزن يارب ربنا يرحمه هققل معاك بقي الوقت روح للناس اللي عندك بارك لتوته ولعم احمد وللكل لحد ما اجيلكم
ادهم…جاي امته
عامر….هاجي علي فرح منه وهيما ورحاب والبوب ان شاء الله
ادهم…هستناك واياك متنزلش
عامر…فرح اخواتي يا جدع منزلش ايه بس
ادهم…تمام خلي بالك من نفسك
عامر…يلا سلام اشوفك علي خير
ادهم راح تاني انضملهم عملوا السبوع الكل كان فرحان فاطمه وحاج سعيد كانوا طايرين بكريم الصغير
روحيه…كانت بتجري ورا العيال تاخد منهم السبوع الكل كان ميت من الضحك
دقوا الهون وخلصوا كل حاجه
واليوم خلص
يوسف…يلا ياروحيه عشان ننزل بقي
مديحه…هي فين
يوسف…انا عارف تلاقيها جوه
توته…جوه فين الاوض مقفوله دي كانت واقفه هنا
زين…شوفها فالحمام

 

 

 

وابتدوا يشفوها لحد ما اكتشفوا ان روحيه مش موجوده فالشقه🙈🙈🤣🤣
نزل الكل ينادي عليها
يوسف…ياروحيه
هيما….مشوفتش خالتي روحيه
وانتشر الشباب في كل حته
وفجأه وقف يوسف فالشارع وبص لزين
زين…واقف كده ليه
يوسف…عرفت امي ممكن تبقي فين
زين…فين
يوسف ..اكيد بتتخانق مع الفكهاني اللي فالسيده عالجميز🤣🤣🤣
زين…منك لله انت وامك يلا بسرعه
………
ليست الصداقة البقاء مع الصديق وقتاً أطول بل هي أن تبقى على العهـد حتى وإن طالت المسافات أو قصرت.❣️😍
وللحديث بقيه أستنوني في الجزء التاني و30 يوم حياه جديده عشان نعرف ايه اللي هيحصل مع ابطالنا 😍❣️
تم بحمد الله🙏🙏

• لقراءة الرواية كاملة اضغط على : (رواية 30 يوم حياة)