رواية بيت السلطان الفصل الثالث 3 بقلم منار مجدي

رواية بيت السلطان الفصل الثالث 3 بقلم منار مجدي

رواية بيت السلطان البارت الثالث

رواية بيت السلطان الجزء الثالث

رواية بيت السلطان الحلقة الثالثة

نادر:ايوه اعرفك من زمان كمان
حلا:المفروض أنى اصدق
نادر:انتى مش قولتى تتجوزنى وانا بقولك انى موافق و هتجوزك.
حلا:والله بجد بس انا بقا مش موافقه ابعد عنى بقا.
نادر قرب بعصبية ليها لحد ما لزقها فى الحيطه:انتى عايزه ايه بالظبط.
حلا:عايزاك تبعد عنى.
نادر:ليه هو انا وحش.
حلا:انت مش وحش انا إلى وحشه ابعد بقا.
نادر:بس انتى مش وحشه.
حلا:اشمعنا انا مالبنات كتير حواليك.
نادر:بس انا عايزك انتى.
حلا زقته وخرجت من الاوضه ونزلت.
نادر راح وراها لقاها بتخرج من الفيلا.
نادر:البت ديه لسعه بس عجبانى وانا لما حاجه بتعجبنى بأخدها سواء برضاها أو غصب عنها.
راح وراها وركب العربيه.
نادر قرب ليها وهى بتمشى بسرعه ودموعها نازله.
نادر:حلا اركبى.

حلا بعياط:ابعد عنى بقا وسيبنى فى حالى
نادر:بطلى بس عياط واركبى نتفاهم
حلا بعياط:مش هتفاهم انا مش عايزه سيبونى فى حالى بقا
نادر:نسيبك ازاى حلا بلاش جنان واركبى.
حلا:مش متزفته
نادر وقف العربيه بزهق ونزل جريت حلا جرى وراها لحد ما مسكها من ضهرها بقا حضانها من ضهرها.
حلا وهى بتزقه:ابعد عنى والا هصوت والم عليك الناس ابعد
نادر بضحك:بجد هتنادى مين فوقى احنا فى صحراء.
حلا:انت عايز ايه منى.
نادر:عايزك.
حلا:وانا مش هقدر خلاص سيبنى بقا
نادر:ليه مش عايزانى احنا كنا صحاب زمان.
حلا:صحاب ازاى متضحكش عليا.
نادر:مش فاكره زمان لما كنتى فى مدرسه الجمهوريه الثانويه مش كان فى واحد بكرش شويه ونضاره كبيره كانو بيقولو ليه يا تختوخه.
حلا:ايوه عارفاه بس انت مالك بيه انت كمان متنمر اسمع بقا ده كان صديقى زمان مستحيل اسمحلك تتريق عليه سامع.
نادر:انا هو.
حلا:ايه بس بقا بطل كدب وسيبنى.
نادر:مش هسيبك تهربى منى انا برضو اتفاجأت زى زيك لما شوفتك بس مكنتيش بلسان طويل زمان ده جديد كنتى دائما كيوت وبتعمل قطتين فى شعرك وبتلبسى هدوم بناتى كيوت بألوان فاتحه زى روز واحمر وبامبى اتغيرتى اوى بس لسه من جواكى نضيف انتى مافتكرتنيش عشان انا خسيت وعملت عمليه فى عينيا ومبقاش محتاج نضاره وعدلت سنانى بتقويم انا كنت بحبك من زمان لما كنتى بتدافعى عنى وسط زمايلنا.
حلا:طيب انا هختبرك اسماء زمايلى فى المدرسه ديه كان اسمهم ايه
نادر:منه إلى شوفتها من شويه وكان فى فاطمه وكريم وسالم.
حلا:يعنى انت تختوخه

نادر: نادر أسمى نادر
حلا بسخريه:اسمع بقا الكبيره عارف سالم
نادر:اه ده كان دائما معاكى.
حلا:سالم بقا خطيبى.
نادر سابها
نادر:انتى بتكدبى صح.
حلا:مش بكدب الدليل اهو.
طلعت من رقبتها سلسله فيها خاتم.
حلا:ديه دبلتى .
نادر:ليه مش لبساها
حلا:عشان انا وسالم مش هنكمل سوا لما يرجع من السفر انا هديهاله كفايه انا استحملت كتير.
نادر بفرحه: يعنى مش هيفضل خطيبك.
حلا:انت مبسوط كده ليه ايوه مش هكمل كان المفروض افهم من الاول أن مش كل إلى بيحبو بيتجوزو عشان كده لازم اتجوز الاول وبعدين احب.
نادر:خلاص اتجوزينى
حلا:لا انا معرفكش كويس.
نادر: خلاص نتخطب نتعرف وبعدين اتجوزك.
حلا:مش عارفه سالم قال كده برضو وبعدين سابنى وبيخونى كل شويه ومشاكل كتير لحد ما عملتله بلوك مستنيه اشوفه واديله دبلته وبعدين افكر في الموضوع ده.
نادر:ليه مش عايزه تدينى فرصه أنا متأكد انك هتحبينى زى ما بحبك
حلا:ماشى نتعرف بس من غير ما تقربلى إلى حصل في العربيه مش هيحصل تانى ولو لقيتك كويس انا لوحدى هاجى ليك واقولك نتجوز تمام.
نادر ابتسم:تمام.
حلا:طيب نرجع
نادر: يالا.
حلا ركبت العربيه جمبه ومشيو
نادر:أنا متأكد هتحبينى
حلا:هنشوف يالا.
اتحرك نادر ومشيو وصلو الفيلا.

كريمه:كنتو فين
حلا:غيرتى.
كريمه:ايوه وسألت قالو انكم خرجتم.
نادر:تعالى يا تيته أنا هحكيلك بس تعالى.
حلا:انا هغير وأجى عشان التمرين.
طلعت حلا ودخلت اوضتها خطوتين وضحكت وحطيت إيديها على بقها تكتم ضحكها.
حلا:هو بجد فاكر انى صدقتو ده على اساس انى معرفش مين تختوخه واسمه ايه الاهبل ميعرفش أن تختوخه هو نفسه كريم لا بجد مش قادر اصلا هو اول واحد باركيلى لما اتخطبت انا وسالم بدايتها كدب طيب لما نشوف نهايتها.
دخلت غيرت
كريمه:كدبت يا نادر.
نادر:مكنتش هتفضل وله تصدق انى بحبها.
كريمه:ليه مقولتش الحقيقه انك حبيتها لما شوفتها من العربيه وهى بتلعب كوره مع العيال وانت كنت بتتفرج عليها من بعيد وأنك كنت بتمشى وراها وعرفت عنها كل حاجه وليه مقولتلهاش انها شبه خالتك.
نادر:ساعتها مش هتوافق يا تيته تحبنى الاول وهقولها الحقيقه
حلا خبطت ودخلت:ها يا تيته جاهزه
لبست حلا بيجاما رياضيه بكم وبنطلون وقافله السوسته للأخر.
نادر:اساعدكم
حلا:مش بحب حد يساعدني في شغلى.

كريمه:خلاص يا نادر روح انت.
نادر:طيب طيب.
خرج نادر وابتسم راح اوضته وفتح اللاب توب بقا بيشوفها من الكاميرا.
حلا:يالا يا تيته.
بدأو تتدريب بس حلا شعرها ضايقها فلمته ديل حصان.
بعد فتره من التدريب والتعب
كريمه:انا حرانه.
حلا:عشان الحركه بس انا كمان حرانه حته بصى هقلع الجاكت .
كريمه:طيب يالا
حلا قلعت الجاكت ورجعت تتدرب لحد ما تعبت ونامت على الأرض بتعب.
حلا:خلاص تعبت.
كريمه بضحك:المفروض أنا إلى اتعب
حلا:لا بجد خياص تعبت بصى هعيط
كريمه ضحكت ونامت جمبها.
حلا:الا قوليلى يا تيته انتى عندك كام سنه.
كريمه:عندى خمسين سنة.
حلا:واو وحفيدك فى العشرينات تقريبا.
كريمه:عشان هو حفيد اخويا الكبير.
حلا:اوووو.
كريمه: انا عندى بنت واحده فى أواخر العشرينات بس مش بشوفها عشان كانت عايشه مع باباها وبعدين بقيت عايشه لوحدها.
حلا:ديه قصه كبيره شكلها.
كريمه:وله كبيره وله حاجه انا بس أطلقت وجيت عيشت مع اخويا الكبير الله يرحمه انا إلى ربيت نادر اصلا.
حلا:اه طيب قوليلى بقا بنتك عايشه فين محاولتيش تتواصلى معاها لو تعرفى فينها قوليلى وانا اتصلك بيها واهزقها واجيبها من قفاها زى ما حفيدك جابنى كده.
كريمه بضحك:مش بتنسى أبدآ

حلا:مفيش حاجه بتتنسى فى حاجه انا بتنساها لكن مش بنسى
كريمه:قلبك اسود اوى.
حلا:انا خالص ده ابيض اوى
تليفون حلا رن.
حلا:ديه منه.
كريمه:صحيح هى عملت ايه.
حلا:مش عارفه هنشوف اهو.
كريمه:افتحى الاسبيكر عايزه اسمع صوتها.
حلا بابتسامه:اوكى ألو.
منه بفرحه وطنطيت:اتقرى فتحتى اتقرى فتحتى.
حلا: مبروك يا قلبى
منه:بس انتى طلعتى شبح رغم انك مشيتى برضو صاحبه شافك وطلب أنه يطلب ايديك.
حلا:ايه.
منه:انا قولتله انك يتيمه وكده قال هيكلم أهله ويعرفهم بس هياجوزك يعنى هيتجوزك شكله مصمم انتى عملتى ايه يا قروبه.
حلا بصدمه:والمصحف ما عملت حاجه انا نزلت جرى على طول اه شكله هو إلى خبطت فيه وانا نازله بس حب ايه بلا وكسه.
منه:والله ده انتى قمر حتى ده الفستان الاحمر كان جامد عليكى كنتى شبه عروسه الباربى
حلا:انا مش عايزه اتجوز يا منه.

منه:هو بمزاجك وله ايه وبعدين متقلقيش سالم كلمنى وحتى بكره وعايز يقابلك.
حلا:الله يخربيتك ويخربيت اخبارك ويخربيت اليوم إلى عرفتك فيه.
كريمه ضحكت
منه:هو مين جمبك.
كريمه:انا جده نادر يا حبيبتى إلى حلا بتعالجنى
منه:اه اتشرفنا انا منه البيست فرند بتاعها
حلا:منه انتى تقولى لصاحب العريس بتاعك انى مش موافقه وابقى ابعتيلى اللينك بتاع سالم فى امانه عندى لازم ترجعله.
منه:ليه يا فقر مش موافقه مش كنت اقنعتك خلاص بلاش برود بقا انا حددتلك معاد بعد بكره معاه فى كافيه عشان تتعرفو.
حلا:والله محجزتيش القاعه بالمره.
منه:انا غلطانه انى عايزه استتك.
حلا:تستتى مين بس منه انتى صاحبتى مش خالتى إلى عايزخ تفرح بيا
منه:بس يا بت انا خلاص قررت والله لو ما قبلتهوش لألم شنطه هدومى ومش هتعرفيلى طريق
حلا:غورى يا منه واقفلى عشان متنرفزش عليكى اقفلى
منه:سلام سلام يا تيته

كريمه:سلام يا حبيبتى.
قفلت حلا وبقيت بتلف حوالين نفسها.
حلا:اعمل ايه دلوقتى حسبى الله ونعم الوكيل
كريمه:مش عايزه تقابليهم.
حلا:انا كده كده هقابل سالم بس التانى إلى معرفش اسمه حتى ده مش عارفه هى كانت بتقنعنى بيه من زمان من ساعت ما قابلت خطيبها إلى ينشك فى معميعه
كريمه:طيب هتعملى ايه.
حلا:مفيش هقابله ونشوف يمكن كويس.
اتفتح الباب على آخره بغضب ونادر حاطط الهاند فرى وماسك التليفون فى ايديه.
حلا:يا فتاح يا عليم يا رزاق يا كريم.
نادر:هتروح تقابلى مين
حلا:وانت مالك .
نادر:مالى ده ايه
حلا:اسمع انا حره.
نادر بصوت عالى:لا مش حره انتى بتاعتى انا وبس سامعه.
حلا:ايه بتاعتك ديه هو انا شىء تملكه انا بنى ادمه ومش بتاعت حد وانا مش بحب حد يتدخل فى خصوصياتى.
كريمه:اهدو بس.
نادر:مش سامعه استفزازها
حلا:انا عايزه اعرف فى ايه انت عرفت منين اصلا انت كنت بتتصنت علينا.
نادر:خلينا فى موضوعنا متلفيش وتدورى هتروح تقابليهم
حلا:ايوه هروح أقابل سالم .

نادر:والتانى.
حلا:هروح برضو وافتكر انى قولتلك ملكش فيه عن أذنك يا تيته.
اخدت شنطتها وعلقتها على كتفها ونزلت للجنينه فتحت المزكره.
حلا:أنه قادم ذالك النذل قادم فل يأتى كى اوريه قوتى اوريه اننى لست بحاجه لمساعدته لم اعد اهتم به لقد مر الزمن وقلبى تم شفائه هو لن ولا ولم يعد يأثر به ليأتى ويرى كيف اصبحت كيف سرت لا اهتم مازلت جميله كما كنت لقد حافظت على رشاقتى فليستمتع هو بهؤلاء العاهرات الذين حوله لكن يتركنى وليبتعد عنى لاننى لا استطيع تحمل قذراته فليتحملها بمفرده.
قلبت الصفحه
حلا:هناك ضوء إمامى وضوء خلفى وانا بالعتمه فى المنتصف لا اعرف هل اتقدم للأمام ام أتراجع للخلف لا استطيع القرار هل يمكن أن اتقدم للأمام واعود للخلف ثانيه ام أتراجع واعد للأمام ثانيه أشعر اننى ضائعه لماذا اوقع نفسى فى ورطات دائما افكر أن أظل مكانى فى العتمه لقد تعودت على العتمه لم تعد تزعجنى اخاف ان اخرج للنور وعندما اتعود يلقا بى مجددا في عتمه اكبر هل اغامر أم لا ولكن سأغامر سأتقدم للأمام لأرى ما يخبأه لى القدر لنرى هل سأنتصر فى معركتى مع هذه الحياه ام سأخسر كل شئ لنرى.
قفلت المزكره وبصيت قدامها بتنهيده.
حلا:وبعديهالك يا حلا هيحصلك ايه تانى
نادر:انا هاجى معاكى.
حلا:نعم تيجى فين.

نادر قعد جمبها:هاجى معاكى بكره وبعده.
حلا:ليه
نادر:عشان انا بحبك ومش عايزك تضيعى منى.
حلا:انت بجد بتحبنى.
نادر:ايوه
حلا:طيب قولى بتحبنى ليه.
نادر:بحبك عشان طيبتك عشان قلبك الأبيض عشان حنينه وبتخافى على كل إلى حواليكى جواكى نضيف.
حلا ابتسمت ليه:بس.
نادر:لا لسه كتير.
حلا حطيت إيديها على خدها وهى بتبصله وسانده على الترابيزه:ايه تانى.
نادر لف وبصيلها بابتسامه:عشان جدعه وقويه وبتعرفى تتصرفى وتأخدى حقك وتعرف كويس تدافعى عن نفسك ويعتمد عليكى بتعرفى تشيلى المسئوليه.
حلا:بس يعنى مش حلوه
نادر:لا دول غير جمالك (حط أيده على وشها) وشك البرئ الى زى الاطفال ناعم زى البيبى الصغير عينيكى إلى دايما بتلمع ومنخيرك الصغيره وشفايفك إلى زى حبه الكرز الاحمر صغيره ومغريه جدا حتى لما مش بتحطى روج بتبقا حلوه اوى وخدودك إلى بيحمرو لما بتتكسفى زى دلوقتى والغمزه إلى بتزهر لما تبتسمى بتخطف قلبى معاها انتى حلوه فى كل حالاتك زعلانه فرحانه مضايقه متعصبه مكسوفه فى كل حاجه حلوه.
حلا اتكسفت وبصيت فى الارض وبعدت عن الترابيزه جت تقوم مسكها نادر وقام وقف قدامها.
نادر وهو بيبص لإيديها إلى ماسكها:ايديكى الناعمه بتدوب قلبى بحب أمسكها نفسى تفضل فى ايدى على طول .
حط أيده التانيه على شعرها:شعرك بيسحرنى مع كل حركه ليه .

حلا كانت مبتسمه وبصاله فى عينيه
(اى بنت بتحب إلى يمدح فيها حتى لو كدب بس بيديها ثقه فى نفسها بدون ما تحس بتنجذب ليه)
نادر حط أيده على خدها وقرب لوشها.
نادر بصوت حنين وواطى قرب لودنها: حلا انتى اكتر بنت حبيتها فى حياتى (باسها من خدها)
حلا غمضت عينيها
نادر قرب لشفايفها وهو ماسك إيديها.
حلا افتكرت حاجه خلتها تزقه
حلا:ده مش اتفاقنا.
نادر اتنهد:عارف عارف.
حلا ابتسمت:طيب يالا نطلع ننام عشان نصحى بدرى.
نادر بإستغراب:نصحى بدرى.
حلا:مش هتيجى معايا وله غيرت رأيك لو غيرت رأيك تمام.
نادر:لا لا غيرت ايه انا هاجى.
حلا:طيب تصبح على خير.
نادر:وانتى من اهلى أن شاء .
طلعت حلا وهى مبتسمه وكل شويه تبص وراها
نادر بابتسامه:هتوقعى وهتبقى ليا زى مانا وقعت ودخلتك جوه قلبى
حلا دخلت الاوضه:رومانسى بس الرومانسيه مش كل حاجه برضو.
غيرت ولبست بيجاما نوم عليها ستيتش
وفردت شعرها ونامت.

بليل الباب خبط جامد كانت الشغاله.
..:إلحقى يا دكتوره الست الكبيره تعبانه اوي
جريت حلا وهى لسه مفقتش من النوم ومش شايفه قدامها.
دخلت كانت كريمه بتعيط من الوجع
حلا:بس براحه براحه هتبقى كويسه
نادر:فى ايه حصل.
حلا:ده اكيد رد فعل من التدريبات بعد كده الالم هيخف واحده واحده لحد ما يختفى ها يا تيته بقيتى احسن.
كريمه بدأت تهدى: ايوه الحمدلله بسيط.
حلا راحت وجابت من الدرج برشام مسكن:اتفضلى يا تيته وهتبقى كويسه خالص.
شربت المايه ورجعت نامت
غطتها حلا وخرجت هى ونادر وقفلت الباب وراهم
حطيت إيديها على بقها تتاوب جت ترجع اوضتها شدها نادر فى طرقه مفيهاش حد واضاءاتها خفيفه وزنقها فى الحيطه.
حلا بنعاس:فى ايه
نادر:فى حلاوه.
ابتسمت حلا:وقته يعنى عايزه انام
نادر:مش مستحمل بصراحه
حلا؛بكره تزهق.
نادر:مظنش انى فى يوم هزهق منك
حلا ابتسمت وبصيت فى الارض رفع نادر وشها بإيديه وقرب لوشها وطبع شفايفه على شفايفها جامد وحضنها لحد ما حس بيها بتقع بعد عنها لقاها نايمه على ايديه ضحك وشالها ودخلها اوضتها وخرج
تانى يوم صحيت من النوم وهى بتتاوب
حلا:ليه الصبح جيه بسرعه كده.

تليفونها رن بإشعار فتحته
منه بعتت:ده اللينك بتاع الكافيه هيقابلك الساعه تلاته ربنا معاكى وخليكى قويه انتى قادره على التحدى والمواجهة.
ضحكت حلا:ده انا لو داخله حرب مش هيبقا كده.
قامت ولبست كويس وخرجت..
حلا:صباح الخير يا تيته
كريمه:صباح النور يا حبيبتى.
حلا:جاهزه للتدريب.
كريمه:بدرى كده.
حلا:ايوه عشان انا نازله الساعه تلاته معلش بقا مضطره شر لابد منه.
كريمه:اه طيب انا جاهزه.
بعد فتره تليفون حلا رن
ردت وهى بتنهج من المجهود.
حلا:ألو مين معايا.
فضلت تتنفس بصوت عالى ومفيش صوت جاى.
حلا:شكل حد مهزق إلى على التليفون وانا مش فاضيه
سالم:استنى استنى متقفليش ده انا سالم.
حلا:افندم.
سالم:انا مش عارف ايه حصل لكل ده بس لما اقابلك كل سوء تفاهم هيروح لحاله.
حلا:كل حاجه هتنتهى يا سالم خلاص.
سالم:اسمعينى الاول ممكن المهم انا بتصل عشان اقولك انى وصلت ومستنيكى.
حلا:بس الساعه لسه واحده.
سالم:مش مستحمل استنى اكتر من كده

حلا:يا سلام طيب طيب خلاص جايه سلام.
قفلت السكه قبل ما تسمعه.
حلا بغضب:لو مكنتش محتاجه التليفون كنت كسرته مليون حته قال سوء تفاهم قال.
كريمه:ايه يا بنتى.
حلا:اسفه يا تيته مضطره امشى دلوقتى عشان النحنوح مستنى.
كريمه بضحك:طيب هتيجى امتى
حلا:مش هتأخر يا دوبك هرميله دبلته فى وشه واجيلك على طول.
كريمه:طيب هستناكى.
حلا:مش هتأخر ادعيلى.

يتبع …..

لقراءة الفصل التالي : اضغط هنا 

لقراءة جميع فصول الرواية اضغط على ( رواية بيت السلطان )