رواية بيت السلطان الفصل الأول 1 بقلم منار مجدي

رواية بيت السلطان الفصل الأول 1 بقلم منار مجدي

رواية بيت السلطان البارت الأول

رواية بيت السلطان الجزء الأول

رواية بيت السلطان الحلقة الأولى

..:فين حلا السيد.
مديره الميتم:هى عملت ايه
…:مش عايز كلام كتير بقولك فين حلا السيد
مديره الميتم بخوف:اهى هناك فى الملعب مع الاطفال.
راح عندها.
…:انتى حلا السيد.
حلا برقت وقالت لنفسها:يخربيت حلاوت امك.
… بصوت عالى:انتى حلا السيد.
هزيت راسها بخوف:ايوه ايوه انا.
مسكها من قفاها وجرها قدامه
حلا بخوف:الله هو فى ايه مسكنى كده ليه
…:اخرسى خالص انتى تمشى وانتى ساكته.
حلا بدموع وعياط:والله يا بيه معاملت حاجه ديه مدام مرڤت مديره الميتم بتتبلى عليا الله يخليك سيبنى ده انا غلبانه ويتيمه ومليش حد.
…:انتى هتشحتى امشى وانتى ساكته
حلا بعياط:والله يا بيه.
…:بس اسكتى خالص.
رماها فى العربيه ومشى بأسرع سرعه فى العربيه
حلا بدموع وخوف وصريخ:هنمووووووت خلى خلى بااااااالك
بعد ربع ساعة دخلو فيلا وجرها من قفاها وطلع بيها.

حلا بعياط:يعنى هو انا عشان يتيمه تعمل كده فيا روح يا شيخ ربنا يهدك
بصيلها بغضب
حلا بعياط وابتسامه خوف:يهديك ربنا يهديك سيينى اللهى يا رب يتفتحلك الابواب المغلقه سيبنى بقا مش أصول ديه.
دخلها اوضه وزقها
…:عشر دقايق لو مريحتهاش من الألم ده هموتك سامعه.
حلا ابتدت تستوعب الكلام وبصيت حواليها لقيت ست كبيره بتتألم فى ضهرها
حلا:انت جررنى كده عشان اعالجها
…:انتى لسه هترغى اتفضلى اعملى شغلك.
حلا مسحت دموعها بابتسامه:يعنى انا مش هموت
…:هتموتى لو مخففتيش ألمها.
الست بوجع ودموع:نادر براحه عليها هى مخضوضه معلش يا بنتى
حلا راحت عندها:ايه واجعك يا تيته.
الست بابتسامه:ضهرى يا بنتى ضهرى هيموتنى.
حلا لفت لنادر:تسمح تتفضل وتسيبنى لوحدى مع المريضه.
نادر:لا عالجيها وانا واقف.
حلا:مش هينفع حضرتك انا هحتاج اقلعها هدومها لو سمحت متقلقش انا عارفه شغلى.
الست:روح يا نادر متخافش
نادر رفع سبابته لحلا:عارفه لو حصلها حاجه بس وقتها هعمل فيكى ايه هموتك هدفنك مش هخليكى عارفه نفسك.
حلا:ايه ايه حيلك يا كابتن ليطقلك عرق.

الست ضحكت بوجع.
حلا بعصبية:اتفضل بقا متعطلناش
نادر:انا خارج بس هحاسبك كويس على إلى قولتيه
حلا بصوت واطى:يعم غور
نادر:قولتى ايه
حلا:اتفضل يا باشا
نادر:بحسب.
خرج وحلا قفلت الباب وراه:اسهال فى منخيرك
الست بضحك: اه اه ضهرى مش قادره.
حلا:وله يهمك يا تيته هتبقى فله دلوقتى.
بعد فتره حلا فتحت الباب
حلا:اتفضل هى بقيت كويسه.
نادر بصيلها بضيق عين ودخل
نادر:تيته كريمه انتى كويسه.
كريمه بابتسامه:احسن بكتير حلا ايديها تتلفف حرير.
حلا بابتسامه:متشكره جدا دلوقتى انا همشى بقا.
نادر:استنى عندك.

حلا:افندم.
نادر بابتسامه ساحره:مين قالك انك هتمشى من هنا
حلا بعدم استعاب:افندم.
نادر:ايه مسمعتيش وله ايه يا بت
حلا:بت لما تبتك ماتلم نفسك يا جدع انت.
نادر بغضب جحيمى:انتى اتجننتى يا بت انتى بتعملى صوتك على نادر السلطان.
حلا بدموع خوف:يطلع مين يعنى نادر السلطان عفريت ما هو بني أدم زينا
نادر:بتعصبينى وترجعى تعيطى.
حلا بدموع ونرفزه طفولى:مش بعيط
نادر بابتسامه سخريه:امال ايه ديه بلاعه
حلا بصيت له ودموعها بتنزل
كريمه:بس يا نادر متزعلهاش.
حلا بعياط:قوليله هو بس عشان انا يتيمه ومحدش هيجبلى حقى تقعد تزعقلى كده مانت مش هامك حاجه فاكر انى ضعيفه وله ايه لا انت غلطان هتزعقلى هزعقلك والبادئ اظلم
نادر :متعصبنيش انا قولت ملكيش مشيان يبقا ملكيش مشيان.
حلا بزعيق وسط دموعها:ومش همشى ليه انت فاكر نفسك مين يا بتاع انت يعنى عشان حلو حبتين هتشوف نفسك علينا وله ايه ياخى يلعن ابو شكلك.

نادر بصيلها بغضب شديد خلاها رجعت لورا من الخوف
قرب خطوه رجعت خطوتين جيه يقرب تانى جريت استخبت فى كريمه
كريمه:خلاص يا نادر البنت خايفه ربنا يسامحك.
نادر:مش شايفه يا تيته قله أدبها.
حلا:ومش شايف نفسك يا بومه ده انت ياض بيخوفو بيك العيال
نادر:ياض لا انتى زودتيها.
كريمه:أهدى يا بنى معلش بس فهمها براحه.
حلا:والنبى يا تيته خليه يسيبنى .
كريمه:طيب براحه هتروحى فين مش انتى لسه قايله انك يتيمه.
حلا:مانا شغاله مع ابله مرڤت فى الميتم بخلى بالى من الأطفال وعندى شغل تانى فى عياده عشان أساهم للميتم بقبضى.
كريمه:طيب ايه رأيك تشتغلى هنا بدل الميتم.
حلا:لا لا مستحيل انا والكائن ده فى مكان واحد(بتشاور على نادر)
نادر بغضب:مش بمزاجك اصلا.

حلا:بس ياض
كريمه بضحك:استنى يا نادر بس يا حلا طيب خلاص خليكى معايا بس لحد ما اخف.
حلا مسكت أيديها:انا والله حبيتك يا تيته ومش هسيبك هجيلك كل يوم بعد العياده قبل الميتم
كريمه:انا محتاجاكى معايا عشان بتعب كتير بالذات بليل.
حلا:مانا مش هينفع افضل على طول خلاص هيجيلك مرتين صبح وليل.
كريمه:يا بنتى متتعبنيش.
نادر:انتى هتتحايلى عليها يا تيته وله ايه
كريمه:بس يا نادر انا بتكلم معاها .
حلا:خلاص طيب بس هبدأ من بكره عشان اجيب حاجاتى إلى هحتاجها لأن العلاج هيعوز على الأقل شهر او شهرين.
نادر:كل حاجه هتحتاجيها موجوده هنا.
حلا:وشرط لو سمحت يا تيته.
كريمه بابتسامه:اؤمرى يا حبيبتى.
حلا:خلى البنى أدم ده بعيد عنى
نادر بسخريه:لا انا إلى هموت عليكى
كريمه:وبعدين يا نادر يالا اخرج عشان عايزه حلا فى كلمتين.
نادر بعصبية: ماشى.

خرج نادر.
حلا:اسهال فى منخيرك.
كريمه بضحك:قوليلى عملك ايه عشان مش عايزاه للدرجه ديه.
حلا بتوتر:معملش بس زعقلى(دمعت) وجرنى زى الحيوانات .
كريمه اديتها منديل:طيب خلاص امسكى حفيدى طيب اوى هو بس عمل معاكى كده عشان كان خايف عليا انا إلى فضلت ليه بعد باباه ومامته.
حلا مسحت دموعها بضهر ايديها زى الاطفال:هو زيى
كريمه:ايوه هو حاسس بيكى لأن زى مانتى يتيمه هو كمان يتيم.
حلا:بس برضو مينفعش يبقا فى وشى كده.
كريمه:ليه بس
حلا قعدت على ركبتها وهى بتقولها:مانتى شايفه يا تيته حفيدك حلو اوى خايفه اقع على وشى زى الهبله وهو باين عليه حلوف ومش هيحس بيا.
كريمه بضحك:انتى ألفتى حكايه وانتى قاعده
حلا:اصل انا عارفه نفسى حظى دكر.
كريمه ضحكت جامد:دمك خفيف اوى.
حلا بابتسامه:والنبى انتى عسل.
كريمه:طيب يا حلا مرتبك فى الشهر هيكون ٥٠٠٠ جنيه كويسين
حلا قامت وهى مضايقه:ايه ده لا طبعا أنا مش هاخد منك مرتب.
كريمه:بس ده شغلك وتعبك.

حلا بضحك:لو على كده المفروض أنا إلى ادفع الفلوس انتو إلى هتتعبو اكتر منى.
كريمه:بس يا بنتى.
حلا:والله مش هاخد منك حاجه انا حلفت وبعدين انا حاسه انى اعرفك من زمان وكأنك قريبتى بجد.
كريمه:اعتبرينى حد من قرايبك
حلا تليفونها رن جابته من جيبها بابتسامه:دى منه.
كريمه:منه مين
حلا:صاحبتى من الميتم بس هى فى ناس اتبنوها بس على طول بتكلمنى ومش نسيتنى أبدآ صاحبه جدعه بجد
كريمه:ربنا يخليك لبعض يا بنتى.
حلا:طيب انا هستأذن بقا عشان ارد عليها.
كريمه: اتفضلى يا بنتى.
حلا رديت:ألو يا ميمون
منه:بس بقا مش بحب الاسم ده.
حلا بضحك:انا بحبه مش مهم انتى بتحبيه وله لا.
منه:طيب يختى هتيجى امتى العريس جاى بكره العصر.
حلا ضربت جبهتها:يا سوحتى على ديه ناسيه.
منه بعصبية:لا مش معقول كده انا كنت عامله حسابى تيجى انهارده وتباتى معايا كده كده مديره الميتم مش بيفرق معاها انتى هناك وله لا.
حلا:طيب خلاص مش تزعلى بكره هستأذن واجيلك بدرى.
منه :نعم بكره ده ايه
نادر:مفيش مرواح حته.
حلا:طيب يا منه هكلمك بعدين.
منه:استنى استنى انا بكلمك.

قفلت حلا
حلا:حضرتك قولت ايه.
نادر:مفيش مرواح حته.
حلا بابتسامه استفزاز:ومين انت بقا عشان تقولى اروح وله مروحش انا هستأذن من تيته.
سابته ودخلت
نادر دخل بعصبية:بت انتى متخلنيش أفقد أعصابى عليكى مش هتستحملى قلبتى
حلا بشجاعته مزيفه: يمى يمى يمى خوفت بص بص ايدى اشعرت ازاى.
كريمه بضحك:فين ايديك ديه
حلا:تحت التشيرت يا تيته مش نغير الموضوع مش انا هقعد معاكى انتى يا تيته وهو ملوش دعوه بيا
كريمه:ايوه صحيح
حلا؛طيب هتسمحيلى بكره اروح ليها عشان جايلها عتريس.
كريمه بضحك:عتريس
حلا:ايوه ومين عارف مش يمكن الأقى عتريس انا كمان.
كريمه:خلاص طالما كده يبقا روحى بس متتأخريش عليا.
حلا راحت وباستها من خدها:هو انا اقدر برضو احلى تيته والله.
بعدت لقيت كريمه مصدومه
حلا بتوتر:انا انا اسفه بس مكنتش اقصد.
كريمه بدموع:بس يا بنتى انتى معملتيش حاجه بس افتكرت بنتى الله يرحمها كانت بتعمل زيك كده.
حلا:الله يرحمها.
كريمه:انتى شبها اوى فى تصرفاتك.

حلا:ده شرف ليا (اتاوبت)
نادر بضيق:تعالى اوديكى اوضتك.
حلا:هو مفيش غيرك هنا.
نادر:بت انتى متعصبنيش
حلا:هتقل أدبك هقل ادبى والبادئ اظلم
نادر:تعالى ورايا وانتى ساكته.
مشيت حلا ورا نادر لحد ما وصلو لأوضه.
نادر:ادخلى ديه اوضتك
حلا:من هنا ورايح خليك بعيد عنى اوكى عشان نتجنب المشاكل لحد ما امشى من هنا.
نادر بسخرية:لا يا بت انا إلى هموت عليكى.
حلا:ههه ظريف اوى الصراحه مش بتفهم .
نادر:قولتى ايه
حلا قفلت الباب بسرعه فى وشه و هى بتلطم على وشها:لسانى مستحيل يفضل فى بقى لحظه واحده مش كده.
فى لحظه الباب اتفتح على آخره بسبب زقه من نادر.
حلا بس شهقه:كده طيرت الباب بشلوط يا مفترى.
نادر قرب بعصبية شديده وهى رجعت وركبها بتخبط فى بعض من الخوف.
خبطت فى الحيطه غمضت عينيها وهى حاسه بيه بيقرب اكتر.
حلا بدموع:الله يخليك ابعد.

نادر:انا مش بفهم ها.
حلا بتوتر:انا مكنش قصدى كده انا كان قصدى انك يعنى مش بتفهمنى.
نادر:افهم ايه.
حلا وهى بتبص بعيد ومتوتره ومش حاسه هى بتقول ايه:ماهو حضرتك حلو اوى ولو فضلت فى وشى انا هضعف وممكن بعد الشر احبك وانا مش هستحمل وانت عصبى وتضربنى وانا اعيط.
وعيطت جامد.
نادر بعد وهو مبتسم ومستغرب من صراحتها.
اخد منديل واداها:خدى امسحى دموعك.
حلا اخدته وهى بتتشحتف:انت ليه بجد كده.
نادر بضحك:حلو.
حلا:شرير.
نادر بصيلها بغضب بس هى مكنتش مركزه معاه كانت بتبص المنديل.
حلا:شكلك يقول انك ملاك مش شرير خالص.
نادر بصيلها بصدمه
حلا اتاوبت
نادر:نامى دلوقتى نتكلم بعدين تصبحى على خير.
خرج وقفل الباب وراه.
نادر بضحك:مجنونه.
تانى يوم صحيت حلا على صوت تليفونها
حلا بنوم:امممم
منه:انتى لسه نايمه يا بهيمه.
حلا بفزع:انا تحت البيت.
منه:فين انا واقفه فى البلكونه.

حلا:بصى كويس كده اهو انا شوفتك.
قامت حلا وبقيت بتلف حوالين نفسها.
منه:فينك انتى توهتى وله ايه.
حلا:طيب اقفلى أما اشوف انا فين اقفلى.
قفلت حلا وهى بتلطم على وشها
حلا:منى لله كل ده نوم اعمل ايه دلوقتى اه الكوتش الكوتش طيب لغسل وشى لا مش مهم القا اغسله عند منه ينهار على التأخير.
فتحت الباب
نادر:خلى بالك من نفسك يا تيته هاجى على طول.
حلا:اه باى يا تيته
نادر:انتى رايحه فين
حلا زقيته وهى بتجرى:لا مش وقتك خالص هتهزق اكتر كده ساعات بحس أن مكتوب على وشى المهزقه اه منه هتاكلنى حاف.
نادر:تيته البت ديه مجنونه صح.
كريمه بضحك:دمها خفيف.
نادر:ربنا يشفيها انا مش هتأخر و(بصوت عالى)انتى يا بت.
حلا بغضب بصيت وراها ووقفت بعد ما كانت ماشيه:لما تبتك.
نادر:لمى لسانك

حلا:ليه هو متبحتر متتعدل يا استاذ انت.
نادر:بت.
حلا بصوت عالى:هتفولى بت هقولك واد والبادئ اظلم.
نادر تتنهد بضيق:متتأخريش الساعه ٧ لو مجتيش هاجر اجيبك من قفاكى.
حلا:ايه من قفاكى ديه هو انا حيوانه عندك وله بقولك ايه انا مش فايقالك سلام.
جريت حلا.
نادر بصدمه:وله انا على اخر الزمن حته فصعونه زى ديه تقولى يا وله.
كريمه بضحك:اخى ديه إلى هتخلص القديم والجديد.
حلا دخلت تانى وهى بتبتسم بإحراج.
نادر برفع حاجب:ايه ده.
حلا بابتسامه بريئه:هو يعنى ممكن يعنى حضرتك توصلنى بالعربيه إلى بره ديه.
نادر بصدمه:نعم.
حلا ضمت ايديها برجاء قدام وشها :ارجوك ارجوك ارجوك
نادر:ده بجد
كريمه:وصلها يا نادر.
نادر:أمرى لله هتروح فى أنهى داهيه.
حلا:داهيه لما تاخدك.
نادر بعصبية:شوفى شوفى بتقلى أدبك ازاى.
حلا:معلش معلش الله يخليك.
نادر:قدامى.
نزل نادر ووراه حلا وهى بتشاور الكريمه بإيديها وبتعملها باى
كريمه بضحك: مجنونه بس طيبه وحلوه يااااه لو إلى بتمناه يحصل.
ركب نادر وقفت حلا مش عارفه تركب فين بس حسمت قرارها انها هتركب ورا.
نادر:والله السواق بتاعك انا.
حلا:افندم.
نادر:اتزفتى اقعدى قدام عشان متعصبش.
حلا:بترجع تضايق انى بقل أدلى عليك.
نادر:انا همشى واسيبك.(شغل العربية)
جريت حلا وركبت جميع وهى بتقول:لا لا وحياه امك.
نادر بابتسامه بجمب بس مبينش لحلا واتحرك.
نادر:انتى غسلتى وشك.
حلا بصيت لنفسها فى المرايا:هو باين اوى كده.
نادر بسخرية:لا خالص عماص وقرف بس.

حلا لفت لقيت مايه أخدتها وفتحت الشباك وغسلت وشها ودخلت وهى بتضحك.
نادر:انتى مجنونه.
حلا بضحك:لا بس بحب اعمل كده 😁😁
نادر اخد مناديل وادهالها:خدى امسحى وشك
حلا اخدته:ربنا يخليك.
نادر ابتسم وكان بيبصلها من المرايا وهى بتمسح وشها.
حلا بصيت فى المرايا لقيته بيبصلها.
حلا كانت هتتكلم بس سمعت تزمير بصيت لقيت عربيه قدامهم صرخت:حااااااسب.
نادر لف لحد ما رجعو لمسارهم الصحيح.
حلا كانت ماسكه فى الكرسى وفى أيد نادر:موتنا موتنا موتنا يا بلوتى السوده موتنا.
نادر:اخى محدش مات.
حلا فتحت عينيها وضربته فى كتفه:انت مجنون عايز تموتنى وتخلص منى مش كده.
نادر:بت بت.
حلا:والله لأعضك.
نادر:بت عض ايه بت انتى كلب.
حلا:وله هات ايدك ديه.
اكلت ايديه وعملتله ساعه حلوه
نادر:اعاااا يا مسعوره يا كلبه.
حلا:اهو انت يا بهيم مش بتعرف تسوق.
نادر بصوت عالى وهو سائق:والله مش عاجبك متركبيش معايا.
حلا لنفسها:لا لا يا حلا انتى محتجاله لو موصلكيش مش هتعرف تروحى لمنه انهارده الجمعه مفيش مواصلات استحملى بس عشان منه.
حلا:اووووف خلاص مش عايزه اتكلم تانى.
نادر:يا ريت اسكتى خالص عشان زهقت.

حلا بصيت له بجمب عينيها ورجعت بصيت فى المرايا:قمر والله (عدلت رموشها بإيديها) بس ناقص حاجه بسيطه يا حلوله.
نادر بسخرية:حلوله.
حلا’متتكلمش معايا بس انت اعتبر انى مش راكبه معاك وانا اعتبر انى مش راكبه معاك ماشى امشى وانت ساكت.
نادر زفر بضيق.
حلا رجعت بصيت قدامها وطلعت من جيبها صوباع روچ بابتسامه حطيته قدامها وهى بتقول:رررروووچ.
نادر ضحك بس كتمها قبل ما تشوفه حلا.
حلا فتحته وبقيت تحط وهى بتبص للمرايا بس نادر اتحرك بالعربيه لمين الورچ كله بقا فى خدها.
حلا وهى باصه لنفسها صرخت جامد.
نادر ركن بسرعه وبصيلها:فى ايه انتى كويسه حاجه حصلت
حلا بقيت تعيط بصمت.
نادر:انتى بتعيطى طيب بتعيطى ليه.
حلا بصيت له بغضب:عشان بوظت الروچ.
نادر بصيلها وضحك
حلا بعصبية وسط دموعها:مش تتضحك عليا.
نادر قعد يكح محاوله أنه ميضحكش
حلا مسكت المنديل وحاولت تمسحه بس مفيش فايده الروج ثابت جابت ازازه المايه لقيتها فاضيه كلها خلصت لما غسلت وشها اتنهظا بضيق وهى بتعيط.
حلا:هعمل ايه دلوقتى.
نادر:استنى.
حلا بصيت له بإستغراب:ليه
نادر:غمضى عينيك وانا هساعدك وهشيلك ده كله.
(شاور على خدها جمب شفايفها)
حلا:لو غمضت هتعمل ايه
نادر:لا ديه اسرار بقا.
حلا:يعنى ايه
نادر:ها هتغمضى وله لا.

يتبع …

لقراءة الفصل التالي : اضغط هنا 

لقراءة جميع فصول الرواية اضغط على ( رواية بيت السلطان )