رواية بيت السلطان الفصل الثاني 2 بقلم منار مجدي

رواية بيت السلطان الفصل الثاني 2 بقلم منار مجدي

رواية بيت السلطان البارت الثاني

رواية بيت السلطان الجزء الثاني

رواية بيت السلطان الحلقة الثانية

حلا بضيق عين:هتعمل ايه.
نادر بابتسامه:هساعدك.
حلا بصيت بإستغراب فى عينيه.
نادر:خلاص خليكى كده ونروح لصحبتك وانتى كده.
حلا:لا خلاص خلاص هغمض.
نادر:جاهزه.
حلا غمضت وهزيت راسها:جاهزه جاهزه.
نادر مسك راسها
حلا:هتعمل ايه.
نادر:ملكيش دعوه بقا اسكتى خالص.
حلا سكتت وهي مضايقه ومغمضه عينيها
نادر سرح فى ملامحها رموشها الطويله وبشرتها البيضه الصافيه وشفايفها إلى متلونين باللون الاحمر وجميله جدا قرب لوشها وباسها من جمب شفايفها جامد
حلا مسكت فى هدومها وفتحت عينيها بصدمه
رفعت أيديها وهى متوتره عشان تزقه اول ما حطيت إيديها على كتفه مسكها وزق ضهرها للكرسى ونقل لشفايفها وهو بيتعمق فيهم.
حلا كانت بتطلع صوت عشان يبعد عنها بس هو مكنش فى العالم ده اصلا فاق لما سمع رنه تليفونها بعد عنها وهو شايفها بتبصله بغضب شديد ووشها احمر مش عارف ده كسوف وله غضب .
نادر:احم تليفونك.
حلا بنرفزه:ايه إلى حصل ده.
نادر:ايه إلى حصل ساعدتك.

حلا:نعم ساعدتنى يا راجل
نادر كتم ضحكته على منظرها:ايوه حتى بصى فى المرايا مفيش حاجه
حلا:انا مش هثق فيك تانى.
نادر:ليه يعنى قولتلك هساعدك وساعدتك
حلا فتحت الباب ونزلت .
نادر:رايحه فين يا مجنونه.
حلا مرديتش ومشيت
نادر حرك العربيه وراها.
حلا:امشى بعيد عنى بقولك.
نادر:اركبى مش هينفع تمشى كده الحته ديه مقطوعه.
حلا:مش هركب مع متحمرش زيك.
نادر ضحك:اركبى بقا.
حلا:قولت لا
وقف قدامها واحد ماسك فى ايديه سيجاره ملفوفه:خلاص تعالى معايا انا.
نادر:حلا

حلا بغضب زقت الراجل ده ونزلت عليه بوكسات فى وشه وهو بينادى على صحابه.
حلا وقفت ضرب وبصيتله بضيق
هو:هتندمى والله هتندمى.
كان نادر واقف مصدوم.
حلا لفت لقيت خمس رجاله حجمهم كبير بالنسبالها.
حلا بصوت عالى:يا ولاد الكل***ب
وطيت عشان تجيب عصايا من الأرض مسكها واحد من شعرها.
حلا بوجع:سيب يا حيوان.
فجأة مسك نادر ايديه وشالها من على شعر حلا.
نادر زقه.
حلا استخبت وراه
قربو وبقو بيضربوه نادر لأنهم اكبر واضخم واكتر منه.
حلا اخدت العصايا وراحت بعزم وبقيت تحرك العصايا لمين وشمال وتلف بيها ضربتهم كلهم بعدو عن نادر.
واحد منهم:انتى إلى طلبتى.
جيه يقرب لها كان نادر ماسكه وطحنه الرجاله جت تضرب نادر كانت حلت بتضرب إلى تقدر عليه وتبعده كانت بتحمى ضهره.
لحد ما الرجاله كلهم بقو فى الارض طبعا لأنهم سكرانين ده كان مسهلها على حلا ونادر.
نادر بصوت عصبى: اركبى.
حلا بخوف ركبت.
ركب نادر العربيه وساقها.
حلا بقيت تبصله من تحت بخوف
حلا بتوتر :انت كويس.
نادر:متزفت اسكتى بقا.
حلا عيطت:ماهو انت السبب.
نادر:انا إلى نزلت فى منطقه مقطوعه.

حلا بعياط وصوت عالى بصيتله:انا إلى بوستك.
نادر افتكر: انا انا كنت بساعدك
حلا:يعنى انا إلى غلطانه بردو.
نادر:بالظبط
حلا بعياط:مش هتيجى عليك أنا على طول غلطانه انا سبب موت ماما عشان مكنش المفروض تحمل فيا وانا السبب فى موت بابا برضو وانا السبب فى إفلاس الميتم وانا السبب فى انك تجرنى من قفايا وانا السبب فى إلى انت عملته واقولك انا السبب في الاحتباس الحراري وانا إلى ثقبت الأوزون .
نادر بتأثر:م…
حلا بمقاطعه ودموع:خلاص متتكلمش لو سمحت خلاص.
نادر سكت بضيق.
بعد فتره وصل تحت بيت منه وركن.
نادر:وصلنا يالا انزلى.
حلا مسكت المنديل
نادر يصيبها:منزلتيش ليه.
حلا:نازله بس الاول (حطيت المنديل على جرح جمب شفايفه)
نادر بصيلها بإستغراب وحط أيده على ايديها إلى ماسكه المنديل بصيتله وشالت ايديها بتوتر.
منه بصوت عالى:حلا.
حلا اتنفضت وغمضت عينيها
منه بزعيق:اخرجى حالا.
حلا اتنهدت وخرجت.
منه:شايفه الساعه يا هانم ومين الله المتشلفط ده.
حلا شاورت بإيديها على نادر:ده استاذ نادر انا بعالج جدته.
منه:اوه استنى ايه فى ايديك.ده.
حلا بصيت لقيتها ورمه لانها خبطت نفسها بالغلط.
حلا:ده عادى.
منه:ايه حصل يا حلا
حلا عيطت ومنه حضنتها

نادر نزل
منه:ايه إلى حصل استاذ.
نادر:قابلنا قطاع طريق.
شهقت منه.
حلا بعياط:كانو عايزين يتحمرشو بيا يا ميمون كنت هضيع
منه:بس خلاص متعيطيش(ضربتها على رأسها بخفه)قولت بلاش ميمون متشكرين جدا لحضرتك اكيد انت ساعدتها هو باين على وشك.
نادر بقا مصدوم من الكلام.
حلا:وانا كمان ساعدته.
نادر ابتسم.
خالد: حلا
حلا بعدت عن منه وابتسمت:خالود عامل ايه.
خالد:كويس وانتى.
حلا دمعت
خالد:فى ايه مالك مالها يا منه.
منه:قطاع طرق طلعو عليها هى والأستاذ وهما جايين.
خالد:يخبر طيب تعالو اتفضلو فوق
نادر:متشكر بس انا لازم امشى.
خالد:لا طبعا لازم تطلع تشرب حاجه ونعقملك الجرح ده
حلا بابتسامه:دكتورنا بقا
خالد ابتسم وحط أيده على شعرها ونحكشه:وانتى ايه ها.
حلا:كده بوظت التسريحه العتريس هيطفش
منه:اه صح العريس تعالى
شديتها وطلعو وخالد صمم نادر يطلع معاهم
منه:انا جبتلك ده

حلا:ايه ده اصلا انا ألبس الفستان ده ليه اصلا قصير وانا مش يرتاح فيهم انتى عارفه.
منه:عشان العريس جاى ومعاه صاحبه وعايزه ينبهر بيكى.
حلا بضحك:هو مين إلى بيتجوز انا وله انتى بس يا هبله ألبسة انتى عشان عتريسك.
منه بابتسامه ذات معنى:هتلبسى بالزوق وله اقلب على الخطه ب.
حلا:خطه ايه.
منه:هروح اقول لخالد انك كنتى
حلا بضحك اخدت الفستان:ههههه ايه الفستان الجميل ده بجد الله الله الله زوقك يجنن يا حبيبتى.
منه بضحك:اه مانا عارفه.
حلا :تعال لما نلبسك ما اصل انا واحده مهزقه اصلا منى لله.
منه بضحك:هتفضل نبرطم كتير
حلا:خلاص خلاص.
دخلت حلا غيرت وخرجت
حلا بتبص لمنه:ايه الحلاوه ديه يا عروستنا.
منه : شكرا يا حبيبتى ايه الجمال ده كله انتى كمان كده العريس هيهرب منى
حلا :صح أنا هغير اللبس ده ميرضنيش العتريس يهرب منك.
منه مسكتها بضحك:مش هتهربى يا حبيبتى العريس بره اصلا
حلا:منى لله والله.
منه بضحك:ايه رأيك فيا.
حلا:قمر يا روحى انتى على طول حلوه اصلا.
خالد دخل على طول ووشه مخضوض:حلا جدته نادر.
وقف تنح فيها فى حين حلا اتوترت.
حلا قربت بقلق بس من كتر ما هو سرحان شافها بتقرب بابتسامه فابتسم.
حلا بقلق:خالد مالها تيته استاذ نادر يا خالد
خالد:اه صح تعبانه اتصلت بتعيط من الوجع.
حلا زقته وخرجت.
حلا:هو فين يا خالد.
خالد:تحت فى العربيه

حلا نزلت بسرعه وهى نازله خبطت فى حد.
حلا:انا اسفه اوى عن أذنك.
هو:انتى العروسه
حلا وهى نازله:لا صاحبتها.
شافت حد طالع ببوكيه ورد احمر.
حلا لفت بسرعه وكملت نزول.
وصلت للعربيه وفتحتها وركبت:يالا بسرعه.
نادر بعصبية:ايه اخرك
حلا:اسفه عقبال ما نزلت يالا بس.
نادر:مهمله
حلا بصوت عالى:ينفع تبطل رغى وتتحرك.
نادر يصيلها بغضب بس اول ما شافها ملامحه اتغيرت.
حلا:يالا.
نادر لسه بيبصلها
حلا نزلت وقررت انها تجرى.
نادر شغل العربيه واتحرك:اركبى خلاص.
ركبت حلا وانطلق نادر بأقصى سرعه للبيت
وصلو نزلت وجريت حلا بأقصى سرعة طلعت لكريمه.
كريمه كانت فى الارض بتتأوا من الألم.
حلا مسكتها من كتفها:بس بس انا جيت متخافيش.
كريمه:شد عضل رهيب يا حلا فى ضهرى.
حلا:خلاص خلاص .
حلا حركت ايديها على فقرات ضهرها وعرفت فين شد العضل وساعدتها.
كريمه:اه ايوه كده بقيت احسن
حلا مسحت دموع كريمه
حلا بزعل:انا اسفه اوى كان المفروض افضل معاكى هنا.
كريمه:مضايقيش نفسك انا إلى اسفه مكنش المفروض اتحرك كتير.
حلا:متعتزريش يا تيته عشان انا السبب مش انتى.
نادر دخل لقا حلا هى إلى بتعيط وكريمه بطبطب عليها

نادر:ايه حصل.
كريمه:مفيش خلاص
نادر:انتى كويسه يا تيته.
كريمه:كويسه يا بنى
نادر:امال لازم ليه.
كريمه:عشانى
حلا:انا هروح اغير واجيلك يا تيته هنعمل شويه تمارين وهتبقى احسن بعد كده مش هيجيلك شد عضل تانى ماشى.
كريمه:طيب يا حبيبتى.
اتحركت حلا للباب وقف قدامها نادر.
كريمه ضحكت ومثلت أنها نامت.
حلا: وسع.
نادر:وأوسع ليه.
حلا:عايزه اخرج.
نادر:متخرجى.
حلا نفخت بضيق.
نادر:متنفخيش .
حلا:عايز ايه يا استاذ.
نادر:مش عايز
حلا:طيب عدينى عشان اخرج من الباب إلى حضرتك سده.
نادر بضيق وسع.
حلا فتحت وخرجت ومشيت لأوضتها ولسه بتفتح الباب لقيت إلى بيزقها للأوضه.
حلا:فى ايه
نادر مكنش عارف يقول ايه
نادر:متغيريش
حلا:افندم.
نادر كان بيقرب ليها وهى مش واخده بالها المجنونه ودموعها لسه فى عينيها حاسه بتأنيب ضمير.
نادر:بقولك متغيريش.
حلا: ليه مش فاهمه.
نادر: اصل .

حلا:اصل ايه.
نادر مسكها من وسطها وده خضها وخلى جسمها كله قشعر شالها وقعدها على التربيزه قدامه.
نادر وهو بيحرك شعرها ورا ودنها:اصل شكلك حلو اوى.
حلا كانت مبرقه ومحمره بس الدموع إلى كانت فى عينيها نزلت.
نادر مسحهم بحنيه:دموعك بتوجعنى انا.
حلا استغربت وقلبها بقا بيدق جامد.
نادر بابتسامه وهو بيتأملها:بس ملامحك حلوه اوي.
حلا احمرت وهى بالله ريقها بتوتر
نادر حط أيده على خدها وقرب وشه ليها.
حلا اخيرا نطقت:انت فاكر انى عشان يتيمه ابقا رخيصه.
نادر بعد بصدمه: ايه.
حلا زقته ونزلت :اسمع انا متربيه كويس اوى وعارفه ايه الصح وايه الغلط مش هتضحك عليا سامع ومش معنى انى يتيمه وانك غنى انك تعمل إلى انت عايزه انا هنا بشتغل وبس وانت ملكش دعوه بيا سامع ابعد عنى ابعد عنى احسن انا مش ناقصه وجع.
نادر:بس ده مكنش قصدى.
حلا اتنهدت:اسمع انا ميهمنيش قصدك وميهمنيش انت عايز ايه إلى يهمنى انك متلمسنيش وله تتكلم معايا وله تقربلى اصلا خليك بعيد احسن ليك وليا.
نادر:للدرجه ديه مش طايقانى.
حلا ابتسمت بسخرية.
نادر بعصبية:متنرفزنيش.
حلا بابتسامه:فاكر انى عبيطه صح.
نادر:مترضيش على سؤالى بسؤال.

حلا:مش مش طايقاك بس انا عارفه النهايه كويس اوى.
نادر:قصدك ايه.
حلا:يعنى هتفضل ورايا لحد ما اتنيل احبك وبعدين تقولى انتى مين انتى عشان احبك انتى مش مجرد واحده كنت بتسلى بيها وبعدين تبعد عنى ومفيش فى الاخر حد هيتأذى غيرى.
نادر:بس انا مش كده.
حلا:والله لو كده خلاص سهله تتجوزنى.
نادر:ايه
حلا ضحكت:ايه مسمعتش وله متوقعتش بص انا مش بتاعت تسليه يا تتجوزنى يا متتكلمش معايا وله تقربلى سامع دلوقتى اخرج بره عشان جوابك باين على وشك.
نادر بصيلها بعصبية كبيره.
حلا:ايه مسمعتش اخرج بره
نادر:مش ملاحظه انه بيتى
حلا:خلاص همشى انا.
نادر:والله بالنسبه لعلاج تيته.
حلا:يبقا تخرج بره وخليك فاكر انت إلى محتاجنى مش انا.
نادر:انتى تقصدى ايه
حلا:مقصدش انا كل إلى بقوله لو عايزنى افضل مكمله علاج لتيته كريمه وانا هنا يبقا تسيبنى فى حالى تبطل تقرب منى متفكرش انى نسيت إلى عملته فى العربيه انا عديته بمزاجى بس هتتمادى انا اعرف كويس اوى اوقفك عند حدك.
نادر:قصدك انى معرفش حدودى.
حلا:انت إلى قولت مش انا ابعد عنى وبلاش كلام كتير
نادر:ولو مبعدتش انتى فاكره انى هسمع كلامك تبقى غلطانه مش انا إلى واحده ست تمشينى.
حلا:لا والله.
نادر:اه والله
حلا:مكنتش اعرف انك شخصيه مستبده بس كله بيبان مع المعامله كنت باين من بعيد جنتل ووسيم ولطيف وحنين بس دلوقتى بقيت عكس كل ده انت انسان مستبد وعايز تستغلنى عشان انا مليش حد بس مش معنى كده انى هستسلم ليك وهسمحلك تعمل إلى انت عايزه تؤتؤ ميبقاش أسمى حلا.
نادر:انتى ايه خلكى تقولى كده اصلا استغلك ده ايه
حلا بصوت عالى ونرفزه:امال ده ايه انت لسه شايفنى امبارح انهارده بتبوسنى بكره هتعمل ايه.
نادر:انا مقصدش.

حلا:حقيقى.
نادر:متتعامليش معايا بلامبالاه.
حلا:ابعد عنى يا استاذ نادر ابعد ماشى.
خرجت حلا من الأوضه كلها بس طلعت من شنطتها الكروس إلى على طول متعلقه فيها مزاكراتها إلى مرسوم عليها يونى كورن
قعدت على الكرسى فى الجنينه وحطيت إيديها على اليونى كورن المحفور فى المزكره ودموعها نزلت.
فتحتها وكتبت:أن التاريخ يعيد نفسه وغالبا مقدر بقلبى أن يتألم ولكن لن اقبل ان أهان مجددا لن اقع في نفس الفخ ولن أظل المغفله المغلوب أمرها سوف احارب واقاتل لن استسلم لمشاعرى واذهب خلف قلبى الاحمق الذى ينجذب لأى شخص يظهر له أى اهتمام سوف اهتم بقلبى لدرجه لن يعود بحاجه لينجذب لأى أحد لا لنادر وله لسالم وله لأمثالهم من الرجال سوف أجبره على حب من يحبنى بصدق من يكون زوجى لن انخدع مجددا.
قفلت المزاكره وقامت لأوضتها
حلا لنفسها:هخلص علاج تيته بسرعه وامشى من هنا بسرعه
كريمه:حلا مالك شكلك مضايقه
حلا ابتسمت:لا خالص محدش يعرف يضايقنى انا فله وفرش خالص
كريمه:بجد انتى كده.
حلا يتمايل:طبعا احنا فرش وفرافيش احنا فرش نحب نعيش.
كريمه ضحكت:طيب انتى لسه مغيرتيش.
حلا:هدخل اغير اهو انتى كمان غيرى ألبسى هدوم رياضيه عشان هنتمرن كتير عشان تخفى بسرعه ومتبقيش محتاجه ليا.
كريمه:ايه
حلا:يالا بقا ادخلى غيرى مش عايزين نضيع وقت.
نادر كان سامع كلامهم كله واضايق زياده من نفسه
حلا دخلت الاوضه لقيت نادر جوه
حلا:حضرتك ليه هنا.
نادر:انا لسه مرضتش على سؤالك.

حلا:بس انا مسألتش.
نادر:ازاى سألتى.
حلا:سألت ايه
نادر:مش قولتى اتجوزك
حلا بصيت بسخريه:ده مكنش سؤال وانا مستنتش اجابه ومش مستنيه انا دلوقتي عندى هدف واحد اعالج نيته وامشى من هنا.
نادر:مش هتمشى.
حلا:لا نمشى مش اشترتنى حضرتك
نادر:هشتريكى
حلا بعصبية: انا مش للبيع يا حضرت ولو سمحت متعصبنيش زياده انا ماسكه لسانى بالعافيه
نادر:مقصدش انك للبيع.
حلا:امال.
نادر:هتجوزك.
حلا:نعم.
نادر:قولت هتجوزك مش ده إلى انتى عايزاه.
حلا:لا مش عايزه حاجه
نادر:وهو مش بمزاجك هتجوزك يعنى هتجوزك انا خلاص اخدت قرار.
حلا:تتجوز مين يا اخ انت انت تعرفنى اصلا.
نادر:اكيد ومن فتره لعلمك.
حلا:ايه.
(انا:تتجوزك وتعرفها من زمان هو ايه حصل للناس يا جدعان.
مجنونه انا اوى انا عارفه لسه فى بارت كبير هينزل بعده ولسه الالغاز مخلصتش عشان انا اصلا مش متوقعه نفسى بطلع بأفكار غريبه والله المهم انتو اتوقعو معايا حلا هتوافق تتجوزه وله لا ونادر يعرف حلا منين ومن امتى اصلا هنعرف البارت الجاى

يتبع ….

لقراءة الفصل التالي : اضغط هنا 

لقراءة جميع فصول الرواية اضغط على ( رواية بيت السلطان )