رواية أوقعتني في حبها الفصل الأول 1 بقلم ياسمين محمود

رواية أوقعتني في حبها الفصل الأول 1 بقلم ياسمين محمود

رواية أوقعتني في حبها البارت الأول

رواية أوقعتني في حبها الجزء الأول

رواية أوقعتني في حبها الحلقة الأولى

نتعرف على الابطال
مراد ..بطل القصه شاب فى اوائل الثلاثينات من عمره لا يفكر فى الحب ولا يؤمن به ظابط شرطه من انجح وامهر الضباط في الداخليه ويدخل فى الكثير من المهمات الصعبة وينجح بها
وصفه يمتلك جسد رياضى وبشره قمحاويه وعيون خضراء يقع بها الكثير من الفتيات ولكنه لا يبالى بهم
عشق ..هى فتاه صغيرة السن وبرغم صغر سنها إلا أنها أصبحت أكثر الدكاتره الناجحين برغم انها مازلت تدرس لتزويد من نجاحها اكثر واكثر هى فتاه محجبه بيضاء البشرة عيناها زرقاء بلون السماء من يشوفها يقع فى حبها
ادهم ..صديق مراد واكثر شخص مضحك في الروايه ولكنه وقت الجد جد وقت الهزار هزار يمتلك جسد رياضى وشعر بالون البنى ولا يقل وسامه عن مراد وعنده 28سنه
منه ..اخت عشق وهى شخصيه مرحه وتعشق الهزار كثيرا فتاه بيضاء وتمتلك شعر أشقر يخفيه حجاب رقيق عيناها عسليه وفى أولي كليه وعندها 18 سنه
احمد ..اخو عشق ومنه يحب منه أكثر من عشق بقليل لانها قريبه منه بسن ونفس الجنان عنده 19 سنه
رنا ..صديقه منه ولها ماضى مؤلم سنتعرف عليه فى الفصول القادمه عندها 18 سنه تمتلك عيون زرقاء وبشره بيضاء وانف دقيق
ادم ..هو ابن صاحب المشفاء إلتي تعمل بها عشق وهو لا يقل وسامه عن مراد وادهم وسنتعرف عليه فى الروايه وعنده 30 سنه ويمتلك بشره قمحاويه وشعر اسود وعيون حاده بعض الشئ
رحمه ..صديقه عشق وتحبها كثيرا ولها دور مهم في الروايه وسنعرفه فى الفصول القادمه هى فتاه جميله جدا جسدها ممشوق عينها عسليه وعندها 26 سنه

مراد صحى من نومه ولبس الزي الرسمي ونزل راح القسم
فى نفس الوقت إللى عشق صحيت فيه من النوم وبصت على السماء وابتسمت
عشق ..شكل الجو جميل وهيبقا يوم تحفه
بس اوقافها صوت زعيق برا
خرجت وكانت مستغربه ولقت الموضوع ان احمد ومنه بيتخانقه كالعاده
احمد ..انتي ازاي تيجى تصحينى بتلج يا زباله
منه ..ما انت إللى مش راضى تصحى واحنا ورانا كليه
احمد ..ملكيش دعوه بيا وبعدين انتي فى كليه وانا فى كليه
منه ..بس انت معايا فى نفس الجامعه
خرجت سهام مامت منه واحمد وعشق من المطبخ
سهام ..يخربيت اليوم إللى خلفتكم فيه كانت غلطت عمرى والله
عشق ادخلت ..كفايه يا هبل منك ليها وانتوا بتتخانقه ليه انا مش عارفه
احمد ..بتصحينى بتلج يا عشق
منه ..احسن انا فرحانه فيك
احمد ..علشان انتي حيوانه ومش بتحسي
منه ..احسن بردو فرحانه فيك
عشق ..بسسس خلاص افصلوا يلا روح يا احمد انت الجامعه وخد معاك منه علشان انت عارف مش بتحب تروح لوحدها
احمد ..اووووف حاضر
منه باسة عشق ..بحبك ياللى نصرانى
عشق باستها ..وانا بحبك يا مجنونه
عند مراد دخل القسم الكل كان مرعوب منه وعمله حساب لحد ما دخل المكتب بتاعه وقلع الجاكيت وحطه على الكرسي وابتدا يشتغل على الملف إللى فى ايديه
دخل عليه ادهم
ادهم بمرحه المعتاد ..حبيبي يا ابو دماغ جزمه واحشنى
مراد بصله بسخرية..لحقت اوحشك لسه كنت معاك امبارح
ادهم بصوت انوثي ..دا انت حبيبي يا مراد ازاي متوحشنيش بس
مراد ..اجرى ياض ورايا ملف مهم
ادهم ..ايه دا ملف فريد المنشاوى أكبر تاجر مخدرات وسلاح فى البلد
مراد ..اه

ادهم ..بلاش يا مراد انت لسه مصر على انك تكمل فى الملف والقضيه ديه
مراد .. اه يا ادهم مصمم وهفضل كده على طول مش علشان عرف يفلت بجلده من اول مرة يبقا هسيب كل حاجه
ادهم ..لا يا مراد الموضوع خطر
مراد ..وانا مفيش حاجه صعبه عليا عارف نفسي كويس وهكمل في القضيه ديه
ادهم ..طب خلاص اشتغل معاك على نفس القضيه
مراد بعد تفكير ..تمام ماشي يا ادهم
ادهم ..حبيب قلبي والله
عند عشق لبست علشان تروح الكليه
سهام ..حبيبتى مش هتاكلى قبل ماتلبسي
عشق ..لا يا ماما انا متأخرة اووى
سهام ..حبيبتى كلى انتي بتشتغلى بعد الكليه
عشق ..متخافيش يا ماما انا كويسه
منه خرجت فى نفس الوقت
منه ..اشمعنا عشق تفضلى تقوليلها كلى ومتاكليش وانا لا
سهام ..علشان انتي متتوصيش بتاكلى من غير ما حد يقولك حاجه
منه ..والله انتي ظلمانى
سهام ..انا بردو يا جزمه
منه ..نعم يا ست ماما
عشق وهى بتضحك ..انا هنزل علشان ماتجننيش
ونزلت عشق وركبت تاكسي وراحت الكليه
وهى راكبه تليفونها رن
عشق ..الو يا دكتور ادم
ادم ..الو يا دكتورة بقولك هو حضرتك هتيجى المستشفى امتى
عشق ..فى معادى بتاع كل يوم على الساعه 4 كده
ادم ..طب هو فى حاله طالبه انك انتي إللى تعالجيها مش حد تانى هتعرفي تيجي بدري
عشق ..تمام بس لما اخلص الكليه ولو عرفت اجى بدرى هاجى
ادم..تمام يا عشق سلام
عشق ..سلام

ادم بعد ما قفل معاها اتنهد بحب
آدم ..لحد امتى هفضل بحبك وانت مش حاسه ولا عارفة بس هستحمل لحد ماتحسى انى بحبك
عند عشق نزلت من التاكسي ودخلت الكليه وطبعا كل الولاد كانت هتموت عليها بس طبعا محدش يقدر يجى يكلمها علشان عارف ان عشق بتصد الناس كلها
دخلت كعادتها ودخلت السكشن
عشق ..رحمه حبيبتى عامله ايه
رحمه ..الحمد لله يا حبيبتى
عشق ..وحشانى والله
رحمه ..وانتي اكتر انتي إللى مش بتيجى الكليه
عشق ..معلش انتي عارفة الشغل
رحمه ..ربنا معاكى يا قلبي
دخل عليهم اكتر شخص بارد وهو عمرو وهو بيحب عشق من زمان بس عشق مش بتحبه ولا بتديله اي اهتمام
عمرو ..ازيك يا اجمل دكتورة
عشق ببرود ..الحمد لله
عمرو ..يارب دايما انا بحب اشوفك كتير فى الكليه ياريت تيجى كتير
عشق ..ان شاء الله هاجى بس مش علشانك علشان محضرتي
عمرو اتحرج بس ما بينش ..طب ممكن تقعدى معايا فى الكافيه بتاع الكليه بعد ما تخلصي
عشق ..مش هينفع يا عمرو للاسف
عمرو ..انتي ليه مش عايزة تدينى فرصه انك تحبينى
عشق ..مش عايزة احب اصلا يا عمرو
عمرو ..خلاص براحتك يا عشق وسابها ومشي وهو بيطلع نار
رحمه بضحك ..والله شكلك حلو اووى وانتي بتستفزيه
عشق ..مهو إللى شايف انى ممكن احبه سخيف
رحمه ..جدا

دخل الدكتور السكشن وابتدا يشرح
ولما خلص الشرح وعشق خرجت اخدت تاكسي وراحت على المستشفى بسرعه علشان الحاله إللى طالبها
عشق هى دكتورة جراحه وأكبر دكتوره فى المستشفى
اول مدخلت راحت عند آدم
عشق ..دكتور آدم بجد اسفه على تأخير بس عقبال ما السكشن خلص
آدم ..عارف يا عشق اتفضلى روحى شوفى المريض
عشق..تمام يا دكتور
راحت عشق غيرت لبسها وراحت للمريض
دخلت لقت طفل صغير متعور وبينزف من دراعه جامد
وست اقعده جامبه وباين انها مامته وشكلها حزينه عليه جدا
عشق ..انا اسفه والله على التاخير
ست ..لا يا حبيبتى محصلش حاجه
عشق للولد ..ايه يا قمر مالك متعيطش حاجه بسيطه
الولد ببراءه..بس متدنيش حقنه يا دكتورة علشان بخاف
عشق ..متخافش يا قمر بس انا هديك حقنه صغيرة علشان متحاسش بوجع
الولد ..ماشي يا دكتورة
وبعد فترة كانت عشق خلصت
ست ..انا مش عارفة اشكرك ازاي لا وكمان خلصتى بسرعه
عشق ..دا واجبي بس هو يشرب عصاير كتير وهيبقا تمام علشان بس يعوض الدم إللى فاقده
الست ..ميرسي جدا ليكى
عشق ابتسمت وراحت مكتبها تريح شويه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية أوقعتني في حبها)