رواية 30 يوم حياة 2 الفصل الثالث 3 بقلم أميرة أسامة
رواية 30 يوم حياة 2 الفصل الثالث 3 بقلم أميرة أسامة
رواية 30 يوم حياة 2 البارت الثالث
رواية 30 يوم حياة 2 الجزء الثالث
رواية 30 يوم حياة 2 الحلقة الثالثة
في صباح يوم جديد..
عدت ساعات كتير من اليوم وقرب الوقت علي الساعه 5 المغرب والكل او الاغلب لسه نايم كان أسبوع مرهق ويوم متعب علي الكل.
صحي اخيرا زين من نومه
زين…صباح الخير يا امي
مديحه…اخيرا حد فيكم صحي صباح النور ياحبيبي
زين…معلش والله كنت تعبان جدا حاسس اني بقالي زمن منمتش انا صحيت علي تليفون عامر هو اللي صحاني واستغربت لما قاللي ان الساعه خمسه المغرب
مديحه…انا مرضتش أصحيكم قولت أسسبكم تصحوا براحتكم
بقولك ايه هعملك كوبايه شاي وبلاش تفطروا بقي اتغدوا علي طول
زين…البنات لسه نايمين
مديحه…اه لسه لحد الوقت نايمين هروح اعملكم الشاي وانت ادخل صحيهم انا معنديش وقت لسه عايزه اروح اشوف شهد امها ميته يا ابني وميصحش نسبها وبعدين نبص علي بوسي وهاخد منه واروح بسرعه نشوف الحاجه اللي نقصاها انهرده اخر يوم خلاص مبقاش فاضل غير 3 ايام علي فرحها يادوب نفرش فيهم
زين…طيب ماشي هروح اغسل وشي واروح اصحيهم بقولك ايه ناقصك فلوس
مديحه…لا ياحبيبي الفلوس الانت مديهاني كتير وهيفيض كمان معابا هي مش ناقصها حجات كتير اصلا
زين….ماشي يا حبيبتي المهم اللي تشاور عليه هاتيهولها متخليش نفسها في حاجه
مديحه…ربنا يخليك ليها يارب يا حبيبي
زين…ويخليكي لينا يا امي يلا هخلص واروح احميهم
مديحه…حرام عليك الجو صاقع 😂
زين…هما ونصيبهم لا يصحوا بالذوق لا هحميهم
مديحه….ماشي
دخل زين خد شاور سريع وظبط نفسه ولبس وخرج كانت منه خرجت فالوقت ده من اوضتها
زين…صباح الفل نفدتي بجلدك انتي
منه…صباح الخير يعني ايه🙄
زين…كنت ناوي اجي احميكم بالميه بس صحيتي
منه…بضحك ربنا بيحبني روح صحي مراتك يا خويا مش راضيه تصحي
زين…ماشي أستعني عالشقي بالله
دخل زين اوضتها كانت لابسه ترنج لونه بينك ماسك في جسمها بطريقه مغريه ومبين تقسيمات جسمها والغطا واقع من عليها والتيشرت مرفوع مبين بطنها ونايمه بطريقه مغريه جدا وشعرها مفرود علي السرير
وقف زين مصدوم من منظرها المغري وقرب براحه اعد جمبها علي طرف السرير
أبتسم بحب رفع خصل شعرها اللي مخبيه وشها وقرب منها طبع بوسه صغيره علي خدها بهدوء
محستش وعد وفضلت زي ماهي قرب زين تاني وطبع بوسها علي خدها وحط ايده علي شعرها يلعب في خصل شعرها بهدوء وقرب ومن شفايفها براحه وطبع عليهم بوسه بسيطه.
فتحت وعد عينها براحه
واول ما حست بنفسه قريب منها بالطريقه دي برقت عينها😳 وفضلت ثابته ومثبته ايدها كأن حد مرفعها😂🙈
ابتسم زين وغمزلها صباح الفل
وعد…وشها أحمر وارتبكت وفضلت تبص شمال ويمين وقامت بسرعه اعدت عالسرير تعدل هدومها وتظبط شعرها وهو باصص عليها ومبسوط من أرتباكها ده
وعد…انت هنا من امته
زين…يعني بقالي شويه باصص عالقمر وهو نايم
أحمر وشها زيادها واتحرجت منه
وعد…انت جيت ليه
زين…بصراحه ولا اكذب
وعد…لا بصراحه
زين…كنت جاي اصحيكي او بمعني اصح حميكي عشان مش راضيه تصحي بس بصراحه اولا صعبتي عليا ثانيا مكنش ينفع اسيب الفرصه دي تضيع من ايديا وغمزلها😉😉
وعد….فرصه ايه
زبن….أصل لو انتي كنتي شوفتي منظرك وانتي نايمه كنتي عذرتيني
وعد…ماله منظري
زين….بلاش
وعد….هو ايه اللي بلاش
زين….بلاش اقول
وعد….ليه وحش اوي كده
زين….وحش ده ايه احمدي ربنا ان كان في حد معانا فالبيت وإلا الشيطان كان لعب في دماغي😉
وعد…بأحراج علي فكره بقي انت قليل الادب
زين….بتمثيل الغضب انا ايه🤨
وعد…مش قصدي بس انت😔
أبتسم زين علي شكلها وكمل بجرأه غير مسبوقه ليها وهو في احلي منها
وعد…بصتله هي مين
زين…قله الادب
وعد…زين انت ابه اللي جرالك
زين…بحبك فيها حاجه دي
وعد…طيب مانا بحبك بس مؤدبه
زين…اهو انا بقي نفسي تبقي قليله الادب
وعد…بأبتسامه أحراج انت مالك عالصبح
زين….بتحذير لو شوفتك نايمه النومه دي تاني متلوميش غير نفسك مفهوم
برقت وعد من جرأته
ضحك عليها زين ومسك ايدها باسها بحبك يا وعد
وعد…وانا بحبك اوي
زين….علي فكره حلوين اوي
وعد…🙄🙄هما ايه
ضحك زين وبص علي شفايفها وبعتلها بوسه فالهواء يلا عشان نفطر😉
فهمت وعد قصده وشها احمر واتحرجت قامت وعد من مكانها وهي مبتسمه وحاطه أيدها علي شفايفها
دخلت عليها منه فالوقت ده
منه…بخبث الله الله
وعد…أنتبهت وعد بارتباك في ايه
منه…ابدا واقفه مش علي بعضك ووشك احمر وزين خارج مبسوط😉😉😉الله يسهلوا
منه…حست ان قلبها هيقف من الاحراج علي فكره مفيش حاجه وبعدين بطلي قله ادب
منه…انا بردو اللي أبطل قله ادب
وعد….يابت احترمي نفسك اصلا انتي واخوكي قللات الادب😒
ضحكت منه علي وعد
طب تصدقي اني هروح اقوله زين يا زين يا زييين
جريت عليها وعد وحطت ايدها علي بوئها بس بس اسكتي ايه فضيحه🥺🥺
فضلت منه تضحك
زين جه ..في ايه بتنادي ليه
وعد شالت ايدها بسرعه من علي بوئها بارتباك هااا لا مفيش بنهزر
زين…بابتسامه في ايه يامنه
منه واقفه ميته من الضحك
زين…بضحك يابت في ايه
وعد خبطتها في دراعها بغيظ
منه…مفيش يا زين بس يعني كنت بقولها ان
وعد….اه كانت بتشتمني يازين عشان ضربتها
زين…وضربتيها ليه
وعد…هااا
منه…بضحك قوليله ضربتيني ليه
وعد…من بين سنانها اتلمي هقتلك
منه…انا اتكلمت
زين….مش هتبطلوا شغل الاطفال ده
وعد….ماشي حاضر بس هي اللي بتضايقني
منه…يابت هو انا قولت حاجه والله يازين كل اللي قولته
حطت وعد ايدها علي بوئها ومنه مش قادره تمسك نفسها من الضحك
زين…🤨🤨طب انا مش خارج بقي غير لما اعرف فيه ايه
وعد….🥺🥺
منه….خلاص مفيش يا زين انا اللي برخم عليها
زين…وانا مش خارج غير لما اعرف🤨😉
وعد…بصوت واطي عجبك كده😡
منه…لنا مالي كنت بهزر هو شكله اللي مصدق عشان يجي يكمل😉😉😉🤭🤭
وعد…بصتلها بغيظ
زين….كان سامع صوتهم ومخبي ضحكته ها وبعدين في ايه
وعد…بنفاذ صبر في ان انت واختك قللات الادب هو ده اللي انا قولته من شويه
وخرجت بره الاوضه وهي بتدب فالارض زي الاطفال
زين…😳😳😳 البت دي اتجننت عملتلها ايه يامصيبه
منه…بضحك انا جيت جمبها
زين…يعني انا مش عارفك يارخمه
منه…بضحك والله ابدا اصل دخلت لقتها مش علي بعضها فا هزرت معاها بقولها مالك مش علي بعضك ليه🤣🤣
زين…فهم وضحك خفي عليها شويه يارخمه ملكيش دعوه بيها
منه…دي وعد حبيبتي هي بس اللي وش كسوف🤭🤭
زبن…يابت اسكتي بقي وروحي يلا صالحيها
منه…مش هترضي والنبي صالحها انت هي هتوافق علي طول😉
زين…بابتسامه اتلمي عشان ما قلبش عليكي
منه…الله وانا قولت حاجه بس😂🤭
بعد وقت بسيط خرج الكل بره كانت مديحه حضرت الغدا فضلت وعد اعده بتوتر وباصه في طبقها وباين علي ملامحها الغضب
منه…كانت اعده بتضحك بصوت واطي وزين مبتسم علي الغضبانه زي الاطفال وعارف انها اكيد مش طيقاه عشان هو اللي حطها فالموقف ده
انتهوا من الغدا ودخلت مديحه تحضر نفسها عشان تنزل تروح لشهد وبوسي بسرعه وبعد وقت بسيط خرجت من الشقه راحت لسهير وستات الحاره
ودخلت منه تجهز هي كمان لحد ما مديحه تخلص
وعد عملت شاي لزين وجت حطته عالتربيزه بغضب ولسه هتمشي
زين…وعد
وقفت وعد وبصتله نعم
زين…بيحاول ما يضحكش مالك مضايقه كده ليه
وعد…وكانها ما صدقت انه سألها انت كمان بتسأل انت السبب علي فكره وحطتني في موقف زي الزفت
زين…ليه ده كله بس وانا عملت ايه
وعد…انت بتستفزني صح
زين…بصراحه 🙄
وعد…🤨😒
زين…لا 🙄🙄
وعد…زين متكلمنيش تاني ممكن
مسك بسرعه ايدها وشدها اعدها جمبه
زين…خلاص بقي ياوعد
أبتسم حقك عليا
وعد…اختك رخمه
زين…بضحك عارف والله😂
وعد …وانت كمان 😔
زين…انا طب ده انا حبيبك
وعد….لا مش بحبك خلاص
زين…اهون عليكي وقربومن خدها براحه
خرجت منه فالوقت ده
منه…..أمسكككككك
اتخضت وعد وبعدت عن زين بسرعه اللي كان ميت من الضحك تصدقي بالله انتي فعلا عيله رخمه ده انا لسه بصالحها
منه….الله وانا مالي انتوا اللي اعدين فالصاله🤭😂😂😂
وعد….علي فكره بقي انا بكرهك انتي وهو ودخلت بسرعه علي أوضتها بغضب
زين…مش هتبطلي يابت تبقي زي المخبرين كده
منه…بضحك انا بقول تتجوزوا بقي وتتلموا في بيت
زين…امشي من وشي يابت بدل ما احطك في دماغي انتي وسي هيما بتاعك ده
منه…لا وعلي ايه 😂🤭🤭
…………
عند شهد طلعوا كلهم اطمنوا عليها كانت فرحانه اوي حست فعلا ان امها عايشه جوه كل واحده فيهم
توته كانت مع شهد فالاوضه
توته…طمنيني يابت عملتي ايه
وطت شهد راسها بكسوف
توته…يابت هتعملي فيها مؤدبه ما تتنيلي طمنيني عليكي
شهد…ولا حاجه ياتوته
توته..هو ابه اللي ولا حاجه مش فاهمه ما تتكلمب بابت بدل ما اجيبك من شعرك😡
شهد…يعني محصلش حاجه🥺😔
توته…🙄🙄ليه اوعوا تكوني يابت نكدتي عالواد لاحه ده غلبان وبيحبك
شهد…لا والله احنا كويسين ومتخانقناش
توته…طب امال في ايه
شهد….بصتلها توته وكملت بعياط انا خايفه يا توته.
توته…خدتها في حضنها تهديها خايفه من ايه يابت انتي عبيطه ياشهد
شهد….معرفش انا كنت حاسه أني قلبي هيقف من الخوف وهو لما شافني كده هداني وقاللي ان مش هيحصل حاجه
توته…والنبي فيه الخير انا بيتهيألي لو كنت عملت زيك كده في ادهم كان زمانه قاسمني نصين بس لاحه طيب كويس انه متعصبش
شهد….يعني هو بمزاجي ياتوته انا اول نا الباب اتقفل علبنا حسيت اني بترعش وبتلج وحسيت ان قلبي هيقف
توته…بهدوء متخافيش يا شهد يابت امال دي بتتسمي ليله العمر ليه كل حاجه فيها بتبقي جديده بيت جديد عفش جديد هدوم جديده حياه جديده حتي اللي بيحصل بينكم جديد عليكي وعليه مينفعش تضيعي حلاوه الليله دي في خوف وعياط وهي اصلا حاجه عبيطه
شهد…مانت مش عارفه حاجه يا توته ومحدش قاللي اي حاجه اعمل ايه ومعملش ايه ياريت امي كانت هعايشه او حتي ليا اخوات بنات فصلت تعيط اكتر
توته…مسحت دموعها يابت واحنا روحنا فين كلنا اخواتك واللي اعدين بره دول كلهم بيعتبروكي بنتهم أسألي ياشهد مش عيب
شهد…مقدرش يا توته اتكسفت
توته….ومن امته ياختي وانتي بتتكسفي وش كسوف اوي 🤨
أبتسمت شهد غصب عنها
توته….بصي ياشهد لما اتجوزت انا وادهم يمكن اكون كنت مرعوبه زيك او اكتر منك كمان ويمكن كمان مش يومها بس كل ما كنت احسن الوقت قرب اموت في جلدي واحس ان دمي هرب مني ويوم الفرح كنت صاحبه متعصبه ومتنرفزه وراحه جايه فالشقه من غير اي هدف كأن حاجه ضايعه مني بس طبعا ده كان بسبب التوتر والخوف وتفكيري في اللي هعمله بعد ما يتقفل علينا باب واحد بس بعدها فكرت بالعقل كده وهديت نفسي بنفسي وعايزه اقولك اني اتجوزت هبله زيك كده وبالرغم من ان امي عايشه بس والله ما قالتلي اي حاجه غير حافظي علي جوزك وبيتك ومتتخانقيش النصايح بتاعت الامهات دي لاكن اي حاجه تخص الليله دي مقالتش وانا أتكسفت أسأل وبالرغم من ان سهير تبان مبتتكسفش بس هي
كمان أتكسفت تقولي اي حاجه فا قررت بقي انا مع نفسي بما ان الحاجه دي هتحصل هتحصل خوفت ما خوفتش بردو هتحصل فا أيه اللي يخليني اخوف نفسي وافضل موزه وشكلي وحش يوم الفرح واخلي الخوف يسيطر عليا وفعلا حاولت ابطل تفكير واديكي شوفتي كنت عامله ازاي يوم الفرح مبسوطه وفرحانه وبرقص وسطكم ولما جينا طلعنا البيت حسيت ان الخوف هيسيطر عليا تاني أفتكرت ان ادهم ده حبيب عمري ودي اللحظه اللي بنستناها طول عمرنا فا حاولت ما خافش واول ما قرب مني حسيت اني مبسوطه ونسيت خوفي سلمت نفسي ليه بهدوء وبعدها حسيت ان الخوف اللي كنت مخوفاه لنفسي ده طلع هبل ونكدت علي نفسي عالفاضي وكانت احلي ليله في عمري وانا معاه وفي حضنه متفكريش فالخوف يا شهد عشان لو سيطر عليكي هتفضلي خايفه صلاح طلع طيب وابن حلال وقدر موقفك وشال منك رهبه اول يوم دي لاكن ده راجل ياشهد وزيه زي اي راجل فالدنيا الموضوع ده بيفرق معاه جدا وممكن يفضل صابر عليكي بس شوشه شويه هتحسي انه مضايق متعصب وده حقه لانك حرمتيه من حاجه فضل مستنيها وقت طويل هو بيحاول يوصلها فالحلال فا استهدي كده بالله اركني خوفك علي جنب وخليها تيجي وهو لسه مستني انك تهدي مش تيجي وهو صابره نفذ منك افرحي يا شهد وعيشي كل لحظه في حياتك بحب ومن غير خوف خصوصا لو كانت الحاجه دي مفيش منها مفر وهتحصل هتحصل وبجد صدقيني والله العظيم الموضوع بسيط اكتر مما تتخيلي وبكره تقولي توته عندها حق
أبتسمت شهد ومسحت دموعها انا بحبك اوي يا توته ربنا يخليكي ليا
حضنتها توته بحب وانا بحبك اكتر ياشهد ويارب متتكسفيش مني تاني انا لو اعرف انك مدهوله كده كنت كلمتك بس فكرتك جامده وهترفعي راسنا
شهد…انتي طمنتيني وبجد كلامك فرق معانا
توته…خلاص انا هخرج أخدهم ونطلع للبت بوسي وانتب قومي خدي شاور كده والبسي حاجه حلوه وابعدي خوفك ده خالص وخلي اللحظه دي احلي لحظه في حياتك وافتكري ان لاحه ده حبيبك اللي عمره ما هيأذيكي
شهد…حضنتها بفرحه ربنا يخليكي ليا
توته…ويخليكي ليا ياقلبي
خرجت توته وشهد
سهير…يلا نقوم احنا بقي
شهد…ماتستنوا شويه والنبي
سهير…يابت يابخت من زار وخفف عايزه العريس يقتلنا ولا ايه
صلاح…متقوليش كده ياسوسو انتوا نورتونا والله العظيم
نعمه…ده نوركم يا حبيبي
مديحه….لا كفايه كده يادوب نطلع لبوسي عشان لسه هاخد منه نڜتري اخر حاجه نقصاها عشان من بكره هنفرش
صلاح…ربنا يتمملها علي خير هي وهيما وتفرحي بيها يارب
مديحه…يارب يا لاحه وافرح بيكم قريب وبحمل شهد
صلاح…يارب ياخالتي
سلموا عليهم وودع هم وطلعوا لبوسي..
شهد…باحراج..أعملك شاي
صلاح….لا دي بتاعتي انا 😉
شهد…بابتسامه لا انسي شغلك ده خالص هنا الوقت انت متجوز يعني انا اللي اعملك كل حاجه نفسك فيها
صلاح…باس ايدها ربنا يخليكي ليا وطلع من جيبه ظرف كبير باين ان فيه فلوس كتير ومد ايده لشهد امسكي ياشهد
شهد…مسكت الظرف ايه ده
صلاح…دي الفلوس اللي جاتلي فالفرح من صحابي ومن الكل
شهد….ادخلها الدولاب
صلاح…لا باحبيبتي دي ليكي
شهد…بأستغراب ليا انا
مانا معايا
صلاح….عارف ان معاكي بس انا مقرر ان اي فلوس هتجيلي هديه او نقطه لجوازنا انتب اللي هتخديها
شهد…ايوه بس دول كتير
صلاح…مفيش حاجه تكتر عليكي يا احلي عروسه كل ده ليكي انتي انا مش عابز اي حاجه انا هديتي الكبيره أنك معايا
شهد…ابوه بس هعمل بيهم ايه
صلاح…اللي يعجبك اعمليه عايزه تروحي تحطيهم فالبنك عايزه تصرفيهم عايزه تخليهم معاكي كل ما تعوزي اي حاجه انتي حره
شهد…بحب ربنا يخليك ليا يا لاحه
صلاح…ويخليكي ليا ياقلب لاحه يلا بقي شليهم واعمليلي شاي
شهد…طيب بقولك ايه ايه رأيك ناكل الاول اصلي انا جعانه اوي
صلاح…طيب ماشي يا قلبي يلا ناكل
دخلت شهد حطت الاكل يسخن وحضرته وشويه واعدوا ياكلوا مع بعض وبعد ما خلصوا عملتله شاي وادتهوله ودخلت تاخد شاور
وبعد فتره بسيطه خرجت من الحمام وهي لابسه قميص قصير حطت مكياچ بسيط وهادي علي بشرتها وحطت برفيوم جميل وبصت علي نفسها فالمرايه برضا وفضلت تدعي من جواها وتطمن نفسها
وخرجت بخطوات بطيئه بره الاوضه كان لاحه بيقلب فالتليفون بتاعه ومش مركز معاها
وقفت شهد أدامه بأحراج أعملك حاجه تاني
رفع صلاح عينه ليها باعجاب وصدمه لاكن محبش يبين لها.
صلاح…لا ياحبيبي شكرا اعدي بقي ارتاحي
اعدت شهد جمبه وهي مكسوفه بتدعك في ايدها
فضل هو ساكت وبيحاول يمسك نفسه عشانها
شهد…لاحه
بصلها صلاح…عيون لاحه
شهد…باحراج وتوتر انت عارف اني بحبك صح
صلاح….صح
شهد….وكمان يعني انا عايزه اقولك متزعلش
صلاح…ازعل من ايه
شهد…مني
صلاح…انا عمري ما ازعل منك ابدا ولو كنتي تقصدي عاللي حصل امبارح فا والله انا مش زعلان لو زعلان كان بان عليا صح ولا ايه وبعدين يا ستي انا مستعد استناكي لحد ما تيجي وتقوليلي انك جاهزه المهم انك معايا وفي حضني
شهد…باحراج وتوتر… طيب اناا انا يعني
صلاح….رفع وشها ليه ايه مالك
شهد…وشها احمر انا جاهزه
صلاح😳🙄…بجد ولا
شهد…بابتسامه وسط كسوفها لا بجد
صلاح…شهد لو بتعملي كده عشان ترضيني فاقولتلك اني مش زعلان هستناكي تكوني جاهزه انا مش مستعجل
شهد…هزت راسها بالنفي لا مستعده صدقني
صلاح…بأبتسامه طيب يلا نصلي تاني مع بعض
راحت شهد معاه وهي بتحاول تسيطر علي خوفها صلوا مع بعض وحط صلاح ايده علي راسها يردد دعاء..وبعد ما خلص مسكها من ايدها..
صلاح…بقولك ايه
شهد…ايه
صلاح…هو انا مقولتلكيش اني عايزك في موضوع مهم مأجله من أمبارح
ضحكت عليه شهد وخدها صلاح بحب لعالمه الخاص
……..
عند بوسي وصالح
في المطبخ
توته….بصوت واطي يابت انتي بتستعبطي والله العظيم صالح ده خساره فيكي
بوسي…بقولك ايه انتي معايا ولا معاه
توته…انا مع الحق يا ختي الواد غلبان وانتي معذباه معاكي علي طول ومنكده عليه وهو بيحاول طول الوقت يرضيكي عشان بيحبك
بوسي…ياتوته أفهمي انا كمان بحبه والله العظيم بس صالح كل حاجه لا خصوصا في اي حاجه تخص شغلي وابسط حاجه عنده يقولي الفلوس اللي تحتاجيها اطلبيها مني ولما تلاقيني قصرت انزلي أشتغلي الكلمتين اللي بيقولهم اي راجل
توته… يابت صالح بيحبك وبيخاف عليكي وبعدين علي فكره صالح مش بيقول كلمتين وخلاص وانتي عارفه انه بيتكلم جد وانك لو طلبتيه منه ايه هيدهولك وبعدين حوار الشغا من اخر مشكله بينك وبينه رضاكي وقالك خلاص أشتغلي واعملي اللي يريحك وانه مش هيقولك تاني سيبي شغلك ايه اللي جد
بوسي…اللي حد انه اهو بيرجع في كلامه
توته…لا يابوسي اللي جد انك غيرتي الاتفاق وبدل ما كنتي بتتكلمي علي شغلنا بتتكلمي علي شغل جايلك في بيوتي سنتر كبير في فندق
بوسي…اديكي بتقولي اهو في بيوتي سنتر كبير في فندق يعني فرصه
توته…لبكي مش ليه انتي بتغيري أتفاقك يابوسي والمشكله انك حطتيهاله من اول بوم ليكم في وشه شغلك أدام انه يقربلك والراجل يا بوسي مينفعش يتساوم غبيه بدل ما كنتي جبتهاله بدلع وقت يكون فيه هادي لا رزعتيها في وشه يا اما تعملي اللي عيزاه يا انا مش هخليك تقرب مني
بوسي…مانا ياما كلمته وياما حايلته حصل ايه دماغه زي ما هي ناشفه
بوسي…ادام بتحبيه كنتي ترضي خصوصا ان رغم انه مش عايزك تشتغلي ضغط علي نفسه ووافق كان ممكن ترضي انتي كمان وكان كفايه شغلك اللي كان ممكن بأيدك تكبريه وتخليه احسن بيوتي سنتر فالسيده كلها زي ما اتفقنا قبل كده اننا نكبره مع بعض بس انتي مشكلتك با لوسي ان احلامك ديما انتي مستعجله عليها ودي اكبر مشكله عندك مش عيب انك تحلمي وتحققي حلمك بس العيب انك تستعجلي خطوات حلمك لان الاستعجال ممكن يبوظ حياتك وانتي مش حاسه ويضيع صالح من ايدك صالح راجل جدع والف واحده تتمناه متخربيش بيتك بايدك يا بوسي واعقلي
بوسي….انتي جايه عليا ليه اوي كده ياتوته
بوسي…عشان انتي اختي ويهمني مصلحتك والمفروض يا بوسي لما الاقيكي غلط اقولك في وشك لاكن مشجعكيش انك تتمادي فالغلط لازم انبهك لما احس انك بتبوظي حياتك عشان جريك ورا حلمك اللي لو تعبتي نفسك شويه هتلاقي ان حلمك ده ممكن يتحقق وتقدري توصليله لاكن وانتي في مكانك وتحت عيون جوزك مش لازم تبصي بعيد با بوسي حلمك ممكن يبقي تحت رجلك وانتي مش شيفاه عشان باصه لبعيد ومتعبتيش نفسك انك تبصي في مكانك وتصحي مره واحده تلاقي نفسك لا طولتي البعيد ولا حتي لحقتي اللي تحت رجلك ووقتها هتفوقي بس وانتي خاربه حياتك فكري يابوسي صالح ميستاهلش منك كده
لو امك سالتني عليكي هقولها كله تمام وهطمنها بلاش ننكد عليها
خرجت توته وسابتها لوحدها فالمطبخ وهي بتفكر في كلام توته اللي فوقها .
عدي الوقت بسرعه ومشيوا من عند بوسي وراحت مديحه مع منه يجيلوا باقي اللي ناقصها
واعدت وعد تذاكر شويه
وخرج زين طلع لعامر وايهاب هو وباقي الشباب
……….
عادل….فين صالح ولاحه الوقت الشاي بتاعك ميتشربش الله يحرقك
أيهاب….لا بقول ايه انا كمان عريس المفروض مكنتش اقوم من مكاني اصلا
زين…اهو هيسوق فيها هو كمان
هيما….بضحك ابه ده وانا كمان عريس
زين…بقرف ايه ناسي يا خويا لو ناسي قولي بس
هيما…ماتهدي عليها يا ابو نسب ياض انا صاحبك وحبيبك بردو
زين…بأبتسامه عيل رخم
يوسف…زين الوقت مش طايقك عشان منه وادهم مش طايق ايهاب
ايهاب…بس انت يا بوتجاز
وبعدين ما هيما اهو محترم
عادل…اكيد عشان عريس زيك مش حاسس
هيما…والله العظيم ولا طايقه يا عادل
ضحوا الشباب كلهم
عادل….ولايا عامر صحيح نسيت أقولك ابويا كلم حاج محمد عالشقه وقاله تمام أتفق بقي مع البنت دي علي يوم
ايهاب….ايه حوار البنت دي صحيح ياعامر
هيما….وهو بيغمزله أيه موزه ولا ايه
عامر…ياعامر لا موزه ولا هباب قابلتها فالطياره وحمتها بكوبايه الميه وانا جاي أقوم
أدهم…الله يحرقك كاسفنا كده علي طول
عامر ..مخدتش باللي والله 😂😂 المهم يعني انها بنت غلبانه مجتهده وبتحاول وانا قولتلها اني هساعدها وهي مصدقت
يوسف….طيب عرفها بقي قبل ما تتاخد الشقه
هيما…ياعم اتنيل ماهي الشقه متلقحه بقالها اكتر من 8 شهور محدش بيأعد فيها شهر علي بعضه
عامر…ايه فيها عفاريت😳
زين…عفاريت ايه ياض انت عندك خال أهبل
عامر….لا بس صحابي بالكووووم😂😂😂
قام علبه الشباب فضلوا يضربوا فيه بهزار
وبعد وقت بسيط.
عامر…بس بقي وربنا تعبت الله يحرقكم بتزغزغوني ولا بتحطوا شنيور في جسمي أبو ام هزار البوابين ده😡 وبص لهيما وانت ياعم ما تخف ايدك شويه
هيما….انت اللي فرفور اعملك ايه🤨
عامر…😳فرفور ياض انت ايدك شبه رجل الجمل بزمتك دي أيد لني ادم طبيعيه
زين….صراحه لا😂
ادهم…بقول ايه حد فيكم كلم صالح او لاحه
عادل…وهو بيضحك وبيولع السيجاره اه انا اتصلت ارخم عليهم لقيتهم قافلين الموبايل ولاد الجزمه
ادهم…عيال رخمه انا عارف قافلينه ليه
عامر…مابلاش انت يا ابو العيال شوف مين اللي بيتكلم😒🤨
زين….اللي يشوف كده يقول مقفلهوش
ادهم…بضحك بصراحه اصلها حاجه رخمه انا قفلته بسببكم عارف انك مكنتش هتسكت😂😂 وبعدين بكره نشوف يا خويا كل واحد فيكم هيتجوز هيقفل موبايله
زين….انا عن نفسي مش هقفل موبايلي
يوسف…اما نشوف
عادل…سيبه وحياتك ده وهو طالع عالسلم هيقفله
زين…بضحك تصدق بالله انت وهو عيال رخمه بص لهيما عارف ياض انت لو قفلت موبايلك هعمل فيك ايه
هيما…ياجدعان متنكشهوش بيطلعه عليا انا
يوسف….انا حاسس ان هيما ساكت عشان يعدي اليومين دول علي خير
ضحك هيما وضرب يوسف بالكف…الوحيد اللي عارف اللي في دماغي يا چو
عامر…بص لزين ده ساكتلك غلب
زين….وانا بيهمني وربنا اعمل زي عادل امام في عريس من جهه امنيه واطلع ابات في وسطهم
هيما….كملها بالستر يارب😂😂😂
عامر…بقولكم ايه انا جعان مش جعانين
زين…انا لا مش قادر
ادهم…وانا كمان مش قادر
يوسف….وانا كلت وطلعت علي طول
وفضل كل واحد فيهم يقوله سبب
عامر…بأبتسامه حزينه الله يرحمك يا كيمو وقت ما كنت احب اكل كان بيشجعني
زين…مسك موبايله تحب تاكل ايه يا معلم وانا عازمك اصل بصراحه واقع من الجوع
يوسف…تصدق يا زين انا كنان جعان اوي
ادهم…وانا حسيت بالجوع فجأه
ايهاب…طب تصدقوا انتوا بالله انا اللي ميت من الجوع عمكم حسني قام الصبح يخترع والاكل اقول ايه بس اللي يمسيكي بالخير يا شهد
زين…يارب يطلع ويسمعك
وبص لعامر…ايه يامعلم هتاكل ايه
عامر…😒😒خلاص جعتوا الوقت
زين…اه وانا اللي عازمك
عامر….لا بقولك ايه انا اللي هعزمكم ليا مزاج يا جدع
وبعد وقت بسيط طلبوا الاكل..
فضلوا يتكلموا ويهزروا ويضحكوا وطول الوقت عامر بيحاول يقول حاجه بس مش عارف وبيرجع في كلامه
لاكن فجأه الكل سكت لما سمعوا سؤال عامر ليه عادل..
عامر….ممنعتش منار ليه يا عادل وانت واثقه اني مش هقدر أكمل غير بيها
الجميع…😳😔😔😔😔
عادل…سكت ثواني
عامر….انا عملت كل حاجه اقدر عليها ياصاحبي
عادل…صدقني ياعامر أسألهم كلهم مكنش في حاجه في اديا ولا كان ينفع ارفض وهي مصممه وقتها كانت هتقولي عشان صاحبك
زين…عادل مقصرش ياعامر
عامر….طيب قولولي انا قصرت في ايه قولولي كنت غلط في ايه
ايهاب…ولا انت غلط ولا هي غلط
عادل….بص ياعامر انت والشباب مش مجرد صحاب وبس انتوا عشره عمر غيشنا مع بعض طفوله ومراهقه وشباب يعني مش لسه بنتعرف علي بعض واللي بينا واحد مفيش واحد عنده سر مع واحد بس احنا كلنا اسرارنا واحده يعني انا مش هخجل ولا هضايق ولا هخبي لما اتكلم عن حبك لاختي او حب اختي ليك واظن ان كلهم بيتمنوا العلاقه دي تكمل زيي واكتر مني كمان
ادهم…طبعا يا عادل منار دي اختنا كلنا واللي يمس اي بنت يبقي كأنه مسنا
عادل….بص ياعامر انا معاك فالانت عملته بس مش قادر اكون مش مع منار منار اختي وانا عارف حبها ليك اد ايه. بس صدقني انا مش عارف هي ليه مصممه علب رأيها مع اني واثق ومتأكد انها بتحبك
عامر….طب مش موافقه ليه وليه راحت اتخطبت
زين ..اعتبره عند يا عامر تحدي بتثبت انها تقدر تكمل من غيرك عايزه تأكد لله ان حكايتكم خلصت
عامر….ويمكن تكون حبته
عادل…انا مش هضحك عليك هو شاب جدع فوق ما تتخيل وراجل وبيحب منار واتقدملها كذا مره وهي كانت بترفض لاكن اخر مره وافقت هو مفيهوش عيب واظن الشباب كلهم شافوه ويقدروا ياكدوا علي كلامي هو شبهنا اوي
عامر…بعصبيه هو ايه انت بتحرق دمي بتشكر فيه ليه هو انا هتجوزه انا مالي وماله اصلا
عادل….يا ابني افهم انا برد علي كلامك انها ممكن تكون حبيته انا قولتلك كل صفاته الحلوه بس اللي حابب اقوله ان برغم كل الصفات دي انا واثق ان منار محبتهوش
عامر….اتنهد بوجع. يا عادل اختك مش مدياني فرصه اتكلم معاها اختك بتهرب مني بقالها كذا شهر واخرهم امبارح فالفرح
عادل….هكلمها تاني يا عامر وهخلي امي تكلمها هي وابويا يمكن يأثروا عليها
عامر…انا عارف ان ممكن طلبي يضايقك بس انا عابز اشوف منار واعد اتكلم معاها عايزها تسمعني انشالله عندكم فالبيت عندك فالمكتب اي حاجه
عادل….حاضر ياعامر انا الاول هكلمها وخلينا نخلص من الفرح ولو كده هظبط يوم
زين…ان شاء الله اللي فيه الخير ربنا هيعمله..
عدي الثلاث ايام من غير أي جديد
عامر…كلم سهر واتفق معاها تيجي تكتب العقد بعد فرح ايهاب وهيما..
عامر…كان طول الوقت بيحاول يلمح حتي منار مكانتش بتبين نفسها خالص تصحي الصبح علي شغلها بسرعه وترجع عالبيت علي طول….منه ورحاب فرشوا الشقق وخلصوا
صلاح…وشهد عايڜين مبسوطين و اخيرا شهد شالت حاجز الخوف❣️
اما صالح وبوسي….علاقتهم كانت متوتره خالص حاولت بوسي تهدا وتركز في كلام توته حست انها فعلا غلطانه حاولت كتير تجر معاه الكلام كان بيصدها كان بياكل مع نفسه يعمل لنفسه الشاي مكانش بيطلب منها اي حاجه وده اللي كان هيجننها
لدرجه انها ابتدت تنسي زعلها من موضوع الشغل وهتتجنن وتخليه يكلمها حتي…
واخيرا جه يوم الفرح الموعود🙈🙈🙈🙈🙈🙈🙈🙈🙈🙈🙈🙈
لحظه لقاء😉😉
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)