رواية 30 يوم حياة 2 الفصل السابع 7 بقلم أميرة أسامة
رواية 30 يوم حياة 2 الفصل السابع 7 بقلم أميرة أسامة
رواية 30 يوم حياة 2 البارت السابع
رواية 30 يوم حياة 2 الجزء السابع
رواية 30 يوم حياة 2 الحلقة السابعة
بعد وقت طويل قضوه الشباب مع بعض فالحاره في رقص وغنا وفرحه كبيره خلص اخيرا يومهم واتقفلت الشاشه وابتدوا الناس ينسحبوا شويه شويه لما المطر ابتدا يعلن بالهطول من جديد وابتدت الناس تدخل من الشبابيك والبلكونات وهما مبسوطين وفرحانين بالوقت اللي قضوه حتي لو مجرد مشاهده من بعيد.
زين…مبروك يا عامر
ادهم…مبروك يا عموري😍
ايهاب….مبروك يا ابن امي وابويا عقبال ما اشوفك مكسر الدنيا اكتر
وابتدوا الشباب كلهم يهنوه والجميع يباركله.
حضن عامر الشباب بحب والفرحه كانت جواه كبيره
عامر…ربنا يخليكم ليا وتفضلوا سند ليا طول حياتي انا بجد فرحان اوي ومتخيلتش انكم تعملوا كده
زين….الصراحه دي فكره چو هو اللي قالنا عليها واحنا جهزنا كل حاجه علي طول
عامر…حضن يوسف ربنا يخليك ليا ياصاحبي ويخليكم ليا كلكم
يوسف…متقولش كده ياعامر انت اخويا شد بس انت حيلك وانتبه لشغلك واحنا في ضهرك
صالح….عقبال ما نشوفك اكبر مطرب فالوطن العربي كله انت والواد بوب ونشاور عليكم بفخر ونقول العيال دي صحابنا
عادل….يارب قريب ان شاء الله انا واثق ان ربنا هيقف معاك وحاسس ان اليومين الجايين بتوعك يا صاحبي وبكره تقول عادل قال
عامر…يارب يا عادل ادعولي والنبي
هيما…ربك كريم ومن بكره هتلاقي عدد المشاهدات بيزيد واسمك هيتردد علي لسان الكل
صلاح…بضحك وهتتفضحي يا بيضه
عامر…بضحك ربنا يفضحك يا بعيد
بقول ايه يلا بقي اطلعوا المطره بتزيد والعرسان زمانهم مش علي بعضهم
ايهاب…كله يهون عشان خاطر عيونك يا خويا
زين….يلا اطلعوا بقي وانت يا چو ادخل روحيه اعده عالكرسي بتنام
يوسف…تعبت من الرقص
ادهم…هي اول مره ما علي طول فضحانا كده 😂
عامر…طب والله من غيرها مينفعش نتلم اصلا هي اللي بتحلي اللمه
صالح…ربنا يجمعنا فالخير ديما
الجميع…يارب
صلاح…ان شاء الله المره الجايه نباركلك انت وبوب علي اول دويتوا تعملوه مع بعض
ايهاب…ربك كريم
يوسف…طب واللي خلق الخلق يومها هقلبهالكم فرح بصحيح
زين…بضحك وانا اقول امك جيباه من بره مانت زيها تموت فالهيصه
ضحكوا كلهم علي زين
ادهم…ياعم ربنا يكتر افراحنا احنا بنتشعبط في اي حاجه تفرحنا
عامر…بقولكم ايه اي حد فيكم صور فديو يبعتهولي واي حد من اخواتكم مراتتكم صور ابعتوا عشان هنزلهم علي صفحتي
زين…هبعتلك ومديحه ووعد كانوا بيصوروا هبعتهملك
صالح…بقولك ايه يا ادهم خليك بقي انت وتوته الجو برد عالعيال بكره القوا تعالوا اطمنوا علي بوسي
بدل ما العيال ياخدوا برد
ادهم….خلاص ماشي بس عرف بوسي عشان متزعلش
الجو فعلا قلب واحمد اصلا صدره تعبان
زين…خليك بيهم احسن ربنا يستر
عامر…يلا ياشباب اكلعوا احسن شكلي هتقتل من مراتتكم
ضحكوا الشباب وسلموا علي بعض وطلع كل واحد بيته
وفضل عامر عينه عالشباك بتاع منار لحد ماطلع ومبتسم وهو شايف خيالها فالشباك..
………
طلع صالح لبوسي لقاها اعده علي كنبه الانتريه وسانده راسها علي ضهر الكنبه
صالح…سلام عليكم
بوسي…بصوت ضعيف عليكم السلام
صالح…عامله ايه الوقت
بوسي…الحمد لله
قرب صالح منها وحط مفاتيحه وموبايله علي التربيزه واعد جمبها وهو بيجس راسها
صالح…انتي سخنتي تاني
بوسي….لا متقلقش انا بخير
صالح…بخير ايه بس انتي سخنه يظهر لما وقفتي بردتي تاني جسمك بيتعرش جامد اوي تعالي ادخلي فالاوضه وهجبلك الكمدات وهاجي
لسه بوسي هتقوم قرب منها صالح شالها ودخل بيها عالاوضه
سكتت بوسي من غير اي اعتراض من كتر تعبها
نيمها عالسرير وغطاها كويس
وراح جبلها طبق التلج والفوطه وفضل بعملها في كمادات
………..
حسني بفرحه…مبروك يا حبيبي
عامر…عجبك الكليب
حسني…اوي الاغنيه خلوه دمها خفيف وانت كنت زي القمر
عامر…بجد يا عم حسني
حسني…اه والله وعارف احلي حاجه فيها ايه
عامر..ايه ياراجل يا طيب
حسني…انك طالع فيها لوحدك من غير تنطيط ورقص ورقاصه جايه تلفت نظر الناس حاجه محترمه بجد ياريت يا عامر تفضل ديما كده ولو مضطر تبقي حاجه محترمه
عامر….انا ناوي علي كده فعلا يا حاج واوعدك اني عمري ما هجيب ولا واحده ترقص ولا تستعرض نفسها عشان المشاهدات تزيد ولو اضطريت زي ما بتقول تبقي فرقه محترمه ومن غير لبس لبنات بمتذل انا عايز ربنا يكرمني يا ابا ويباركلي فالنجاح اللي هحققه
حسني…جدع ياض وصدقني طول ما صوتك فعلا حلو واحساسك بيوصل للناس هتلاقي ربنا بيكرمك وهتلاقي اللي يشجعك ويشجع فنك بجد اصل اللي بيطلعوا يتنططوا ويرقصوا دول لا صوت ولا منظر وبيستعينوا بالاشكال دي عشان بس زي ما قولت مشاهداتهم تزيد علي ايامنا يا عامر ياابني المطربين كانوا محترمين صوتهم حلو اغانيهم جميله والكلمات اللي بيغنوها كان ليها معني حتي الموسيقي يا ابني كانت بتتكلم من قبل ما المطرب يبتدي الاغنيه والمطربه كانت تطلع لابسه هدومها بكل احترام ووقار مش زي مطربين اليومين دول والمطرب كان يقف ادام المايك يغني من غير تنطيط زي القرود الفن زمان كان ليه طعم يا ابني وكل اغنيه كانت بتسيب ذكري حلوه جوانا وكنا بنعلم الاماكن والشوارع بالاغاني لما نتجمع في مكان نفتكر ان
الاغنيه دي سمعناها هنا نمشي في شارع نفتكر لما سمعنا الاغنيه دي لاول مره هنا كل اغنيه كانت بتنزل كان ليها مكان معين ذكري معينه شوارع ناس معينه سمعت معاهم الاغنيه دي طريق سفر كل ما تروحه تفتكر الاغنيه اللي نزلت وقتها وكنت طول الطريق بتسمع وتعيد وتزيد فيها الاغاني زمان يا عامر كانت بتتكتب بحرفنه والمطربين كانوا بيخاتروا اغانيهم بعنايه وكانت الاغاني بتشبه صاحبها عشان كده يا ابني الوقت بنقول زمن الفن الجميل يمكن هو منتهاش ومكمل معانا لحد الوقت بس مبقاش في زيهم للاسف يمكن في اصوات كتير حلوه بس ماشيين تبع الطيار اللي يجيب فلوس وهو التنطيط والرقص مستعجلين عالفلوس مع ان لو فضلوا كده كام سنه وهيختفوا مش هيفضلوا زي باقي نجوم زمان…
فهمت يا ابني
عامر…الله عليك يا عم حسني عندك حق في كل كلمه وانا ناوي اعمل كده متقلقش هرفع راسك ديما واخليك فخور بيا
حسني…انا ديما فخور بيك انت واخواتك يا عامر وبحمد ربنا ان انتوا ولادي انت وايهاب ترفعوا الراس بجد مش زي باقي الشباب اللي بنشوفها الوقت ربنا يحميكم يا ابني ويبعد عنكم ولاد الحرام
عامر…ويخليك لينا يا حاج
بقولك ايه يا عم حسني انا عرفت انك احتمال تطلع معاهم العمره
حسني…ادعيلي يا ابني بس باينها مش مكتوبه لسه
عامر…ليه بتقول كده
الورق مخلصش ولا ايه
حسني…لا الباسبور وكل حاجه خلصت بس فاضل احجز التذكره معاهم بس لسه مش عارف ظروفي ايه
عامر…طيب انا هطلب منك طلب ومش عايزك تكسفني انا هديك باقي الفلوس اللي نقصاك انا ربنا كارمني الحمد لله الفتره اللي اشتغلت فيها في شرم والساحل والاغنيه اللي نزلت مع فلوس شغلي
حسني…لا لا يا ابني انا هتصرف ملكش انت دعوه
عامر…عايز تكسفني يا حاج وبعدين انت طول عمرك خيرك علينا مستخسر فيا اني اردلك ولو جزء بسيط في حاجه حلوه زي دي
حسني…يا ابني اسمعني بس
عامر…اسمعني انت ياحاج انا خلاص قولتلك اللي عندي وبعدين انا فرحان اوي وعايز افرحك معايا واعتبرها هديه نجاحي ليك
حسني…انا اللي المفروض اجبلك يا عامر
عامر…انت طول عمرك مغرقنا في خيرك وبعدين لو رفضك ده يعني عشان هي فلوس اغاني فا يعلم ربنا يا حاج حسني اني تعبت فيهم واشتغلت من غير ما اغضب ربنا ولا اعمل حاجه غلط انا كنت بغني واخلص شغلي واطلع علي اوضتي لا عملت حاجه غلط ولا حرام ولو انت مقلق يعني فا متقلقش خديك الفلوس دي من شغلي اللي فالبنك يعني ملكش حلوه والنبي ما تكسفني
حسني…اللهم صلي عليك يا نبي
عامر….بكره الفاوس هتكون عندك وتروح معاهم تخلص كل حاجه بسرعه مفيش وقت خلاص
حسني….بفرحه ربنا يخليك ليا ياعامر
عامر…ويخليك ليا يا حاج حسني ومتنساش تدعيلي هناك ربنا يوفقني ويبعدني عن اي حاجه وحشه وبأمر الله الحج الجاي هتكون فيه انت بس ادعيلي
حسني…ربنا يفتحها في وشك انت واخوك واشوفك انت واخواتك اسعد الناس
يلا روح غير هدوم وهحضرلك احلي عشا
عامر…لا دي بتاعتي انا بقي اصل انا فرحان اوي
حسني…لاا انهرده بالذات دي بتاعتي عشان فرحان اكتر منك فرحان عشانك وفرحان عشان ربنا اتقبل دعايا وهروح ازور النبي
عامر…اللهم صلي عليك يا نبي خلاص ماشي كلامك بس بردو هخلص واجي اساعدك واعملك احلي دور شاي
حسني…ماشي يلا مستنينك
………
دخل عامر الاوضه بتاعته وهو حاسس انه مبسوط وطاير من السعاده كان نفسه كريم يكون موجود وكان نفسه يشوف منار من قريب وهي فرحانه من قلبها ليه
طلع عامر موبايله من جيبه وفتح الشاشه وجاب رقم منار وفضل باصصله بحب كتير
عامر…لنفسه نفسي اسمع صوتك او نفسي حتي اكلمك واقولك علي فرحتي في حلمي اللي بيتحقق اخيرا واستنيته كتير
بس انا عارف انك مش هتردي …اتنهد عامر وفضل باصص علي رقمها وهو بيقنع نفسه يتصل
……
اما عند منار كانت اعده علي سريرها ماسكه موبايلها وجايبه رقم عامر ودموعها نازله وسط فرحت قلبها بأول اغنيه ليه اللي شافتها مرات كتير مش عارفه عددها وبتبتسم مع كل كلمه وحركه وابتسامه لعامر
فضلت باصه علي رقمه
منار…لنفسها اتصلي يامنار اتصلي بيه باركيله قوليله علي احساسك بيه قوليله علي فرحتك قوليله علي النجاح اللي كنتي مستنياه اكتر منه قوليله علي دعاكي ليه قوليله انه ربنا استجاب عشان عمرك بطلتي تدعيله
فضلت منار كتير تقاوم عشان تكلمه لاكن قررت انها مش هتكلمه خصوصا انها خافت انه يفتكر انها كلمته عشان ابتدا ينجح ويتعرف😔
ولاكن فجأه نورت شات موبايلها اكتر بأسمه وصورته
وبمجرد ما شافتهم قلبها فضل يدق بطريقه رهيبه وكأنها عامله عامله واتكشفت
منار…ردي يامنار ردي هو اللي بيتصل ردي قبل ما يقفل ويفكر انك مش عايزه تردي عليه
واخيرا قلبها انتصر وفتحت الخط ودموعها نازله بسرعه
……
عامر اول ما فتحت الخط حس ان الكلام هرب منه ومش لاقي اي حاجه يقولها فصل ساكت شويه وسامع صوتها نفسها المختلط بصوت دموعها اللي حاولت تخفيه .
عامراخيرا قرر يتكلم
عامر….كان نفسي تكوني معايا الوقت وبنحتفل مع بعض باول نجاح ليا كان نفسي تكوني جمبي يا منار
كان نفسي تشاركيني فرحتي اللي انا واثق انها موجوده عندك الوقت…وحشتيني ونفسي اسمع صوتك اوي
منار….كانت ساكته وقلبها بيدق بعنف ودموعها نازله بسرعه علي خدها….مقدرتش ترد عليه لاكن كانت بترد عليه من جواها انا معاك يا حبيبي معاك وفرحانه اكتر بكتير مانت فرحان فرحانه وانا شيفاك بتكبر ادامي فرحانه وانا شايفه حلمك اللي حلمته من وانت لسه صغير بيتحقق ادامك فرحانه عشان حاسه بفرحه قلبك اللي عامله زي طفل صغير
كان نفسي اكون معاك اوي اكتر بكتير منك فرحانه اني سامعه صوتك وحشتني
عامر….انا عارف اني مليش اي حق اني اكلمك بس كمان مقدرتش امنع نفسي اني مفرحش معاكي عارف ان اللي بعمله ده غلط بس مش قادر غصب عني يامنار
انا بقالي اكتر من ربع ساعه ماسك الموبايل وجايب رقمك وبحاول اني مكلمكيش بس مقدرتش
نزلت دموع منار اكتر وهي بتحاول تكتم صوتها حطت أيدها علي بوئها عشان ميطلعش..
عامر….انا كلمتك عشان بجد وحشني اوي صوتك وكان نفسي اول يوم حلمي فيه يتحقق اسمع صوتك انتي اول حد بيباركلي….بس كفايه عليا اوي انك اخيرا فتحتي الموبايل ورديتي عليا اصل ده كان حلم من ضمن احلامي انك تردي عليا.
اتنهدت عامر تنهيده طويله
انا هسيبك الوقت وهقفل فرحان انك رديتي فرحان اني قولت كلام كان نفسي تسمعيه خلي بالك من نفسك
وهفضل اقولهالك يا منار
هفضل احبك لاخر نفس فيا
تصبحي علي خير ياحبيبتي💔
قفل عامر الموبايل بسرعه
ونزلت من عيونه دمعه سريعه
اما منار كانت منهاره وبتحاول تكتم صوتها عشان محدش بره يسمعها
فضلت ماسكه قلبها كانت حاسه انه هيقف مش مصدقه ان عامر معاها وبيقولها الكلام اللي حلمت طول عمرها تسمعه منها.
ومسكت موبايلها من تاني
…….
اما عامر فا مسح دموعه وعلي وشه ابتسامه فرحه انها ردت
ولاكن عينه اتسعت اكتر لما لقي الموبايل نور بأبسمها وتنبيه ان في رساله منها عالواتس.
مسك الموبايل بلهفه وبسرعه فتحه…
لقاها بعتاله تسجيل بصوتها
ابتسم بسرعه وفتحه
فضل العداد يعد قصاده لحد ما وصل حوالي 12 ثانيه ومفيش اي صوت
بص عامر بتركيز للموبايل وهو بيعلي الصوت فاكره واطي..
لحد ما اخيرا سمع صوتها
منار…بصوت بتحاول تبين انه عادي
منار…مبروك ياعامر مبسوطه انك بتحقق حلمك مبسوطه انك مبسوط ومبسوطه اني شيفاك بتكبر وان الحلم اللي طول عمرك بتحلم بيه اخيرا بيتحقق وكملت بضحكه كلها وجع…ومتنساش ان النجاح ده انا كنت مشاركه فيه غصب عنك علي فكره…ولا نسيت لما كان كله بيهرب منك ويقولولك كفايه بقي غنا صدعتنا ويسبوك ويروحوا يلعبوا..وانا كنت بفضل اعده جمبك اسمعك واقولك متزعلش انا هفضل معاك….وضحكت تاني وصوتها بان عليه العياط اكتر….وهو كمان كان بيسمعها ودموعه نازله ومبتسم
منار…طيب فاكر لما كنت بقف علي الحجر الكبير اللي فالشارع وامسك عصايه واعمل فيها مايسترو🥺🥺
وفاكر لما كان عندك حفله فالمدرسه وكنت هتغني فيها وجبتلك ببيون هديه ولما خلصت الحفله جيت قلعته وقولتلي خليه معاكي وبعد كده نسيته ومن يومها وهو معايا….ورجعت ضحكت تاني
يعني المفروض انا ابقي مديره اعمالك
مبروك ياعامر ربنا يوفقك في حياتك كلها وقريب تبقي اهم نجم في مصر وكل مكان.
بعتلها…عامر
هفضل احبك لاخر نفس في عمري❣️
………
اما عند زين
مديحه…كل يازين
زين…كلت يا امي الحمد لله
مديحه….بألف هنا ياحبيبي عامر فرح اوي
زين…اه مكنش عارف اننا عاملنله مفجأه
وعد…انا صورت فديوهات كتير
زين…ابقي ابعتيهالي صحيح عشان هو فال اي حد صور يبعتله الفديوهات عشان ينزلها علي صفحته
وعد..ماشي هبعتهملك كلهم
زين….منه عامله ايه ياامي
مديحه…الحمد لله يا حبيبي مبسوطه ربنا يفرحها يارب
زين…يارب يا امي ونشوف ولادها قريب
مديحه…وافرح بيك انت ووعد يارب يا زين
بصت وعد ليه براحه أبتسملها زين وهو بيرد علي والدته..
زين…اللهم امين
مديحه….انا هقوم اعملك شاي
وعد….خليكي انتي يا خالتو انا هشيل واجي اعمله
مديحه….لا ياحبيبتي اعدي انتي بقي ارتاحي وبعدين روحي يلا لمذاكرتك
مش بتقولي في حاجه واقفه ادامك وعايزه تركزي
زين…في ايه مش فهماه
وعد ..في جزء كده بيتكلم عن الفنون والحضارات مش فهماه وبعدين في حفظ وانا مش عارفه احفظ
زين…طيب جهزي نفسك هقوم اصلي العشا تكون مديحه عملت الشاي وهدخل معاكي اذاكرهالك
وعد…تذاكرلي ايه انت مش هتعرف دي بعيده خالص عن دراستك
زين…ملكيش دعوه بقي انا هعرف وبعدين انتي مش طول عمرك بتقولي انك بتفهمي مني
وعد…ايوه بس ده كنت في ثانوي وتقريبا موادنا كانت واحده فا كان سهل عليك
مديحه…يابنتي مش يمكن يقدر يفهمك
وعد..بقله حيله ماشي
طيب هغسل بس الاطباق واساعد خالتوا واجيلك
مديحه…لا ملكيش انتي دعوه باي حاجه وروحي معاه يلا
وعد…طيب اشيل بس هو لسه هيصلي
مديحه…ماشي
شالت وعد معاها وخلصوا الاطباق وعملت لزين الشاي
مديحه…انا هاخد انا بقي كوبايت الشاي وادخل اوضتي عشان مش قادره هقرأ شويه قران واشرب الشاي وانام
زين…خرج خلصتي ياوعد
وعد…ايوه
مديحه…الشاي وعد دخلتهولك وانا داخله اوضتي ارتاح بقي
زين…ماشي يا امي تصبحي علي الف خير
مديحه…وانت من اهله يا حبيبي
زين…لوعد يلا
وعد…ماشي
دخلت وعد وزين وراها اعد علي كنبه صغيره في اوضتها
زبن…هاتي ياستي يلا الماده اللي مضيقاكي
ثربت وعد منه الترابيزه وجابتله الكتاب والورق الخاص بيها وكشكول فاضي وقلم
وعد…دي كل حاجه خاصه بالماده.
زين…طيب تمام اعدي بقي كده واديني خمس دقايق بس ابص بصه سريعه علي الماده
وعد…ماشي
مسك زين الكتاب وڤضل يركز فالمكتوب والملخصات بتاعت الماده وهي اعده جمبه بصاله ومبتسمه وريحه البرفيوم بتاعه مخلياها مش معاه ومبتسمه بحب. والمسافه اللي بينهم مخليه دقات قلبها مش علي بعضها.
بعد حوالي عشر دقايق ساب زين الكتاب وبصلها
.طيب تمام كده ااا
وقطع كلامه وبصلها بأبتسامه
زين….نعم بتشبههي😉😉
حست وعد بالاحراج ووشها احمر وبصت بسرعه علي المتاب وهي بتجيب شعرها ورا ودنها بأرتباك…هااا انا كنت سرحانه بس لحد ما تخلص
زين….حس بأرتباكها ضحك طيب لو سمحت متبقيش تسرحي في وشي تاني ممكن
وعد…علي فكره انت رخم😔
مسك زين ايدها ماسها…بس بحبك
وعد…بابتسامه وانا بحبك
زين…طيب نركز بقي احسن انا بتلكك
وعد .ضربته علي كتفه براحه طيب خليك محترم واشرح
زين…ماشي يا ستي
أبتدا زين يشرحلها وهي حاولت تركز معاه فالاول كانت لسه مش مستوعبه لاكن أبتدت تركز اكتر لما زين ابتدا يشرحلها الماده زي قصه او حكايه خصوصا ان الجزء ده كان ليه علاقه شويه بالتاريخ والفنون والحضاره
فالاول كان زين حاسس انها مش مركزه فحاول يسألها عشان تنتبه معاه وتركز وبعد مده اندمج زين فالشرح وهي اندمجت معاه وهي مبسوطه وحاسه انها فاهمه جدا مع شويه ملاحظات وحاجات مهمه تتحفظ كان بيكتبها زين بخط ايده علي الكشكول بخط يجنن ومنظم.
عدي وقت وابتدت وعد عينها تقفل
بصلها زين
انتي بتنامي
وعد…انا لا خالص انا صاحيه اهو
زين…طيب كنت بقول ايه
وعد…بتقول مش عارفه😔
زين…مش بقولك بتنامي كده مش هتركزي
وعد…لا والله خلاص هركز اهو
زين….هو انتي بردانه
وعد….شويه الشباك تقريبا مش مقفول كويس ومدخل هوا
زين….طيب قومي كده اقفليه واتحركي شويه فالاوضه عشان تفوقي وحطي حاجه عليكي عشان تدفي شويه وانا هقوم اجبلك عصير واجي
وعد…ماشي
بعد شويه رجع تاني زين وابتدا يكمل شرح وهي مركزه معاه
لحد ما عدي وقت طويل
بص زين ليها…لقاها نايمه
زين…بضحك والله حاسس اني بذاكر لطفله
فتحت وعد عينها بسرعه انا صاحيه اهو صاحيه
زين…فين بس انتي في سابع نومه ياحبيبي
بصي قومي يلا نامي وبكره ياستي هنكمل
وعد….يعني هتذاكرلي تاني بجد
زين…اممممم يعني انتي مش قادره وبتحاولي تقاومي النوم فكراني مش هذاكرلك تاني صح🤨
وعد…بصراحه اه
زين….لا ياستي اطمني هذاكرلك تاني وتالت وعاشركمان انا اصلا وحشني اوي المذاكره ليكي ومش هسيبك غير وانتي حافظه الماده زي اسمك
وعد…ماشي
زين…يلا تعالي كده قومي
مسكها من ايدها ووداها عالسرير وغطاها وباسها من راسها
زين….تصبحي علي خير يا احلي بنوته
وعد…زين
زين…عيون زين
وعد….انا بحبك اوي
زين…طب مانا عارف
وعد…طب اخرج يا رخم من الاوضه بتاعتي😔
زين…طيب خلاص حقك عليا وشدها من ابدها دخلها في حضنه وهو بيتنفس ريحتها اللي بتقتله فضل يمشي ايده في خصل شعرها
زين…انا بحبك اكتر علي فكره عشان بحسك بنتي قبل ما تكوني حبيبتي
يلا نامي بقي مش عايز افتح للشيطان الباب
وعد…بضحك تصبح علي خير
زين…وانتي من اهلي 😉
خرج زين بعد ما اطمن الشباك مقفول كويس وقفلها النور وفتحلها نور بسيط عشان هي بتخاف من الضلمه
وراح علي اوضته ينام
………..
اما عند صالح فضل طول الليل سهران جمب بوسي بعد ما اداها الحقنه
صالح….الحراره مش راضيه تنزل اعمل ايه
بوسي بوسي
بوسي…اممممم
صالح…قومي يابوسي والنبي ما تقلقيني عليكي
قرر صالح انا ياخدها يحطها في البانيو عشان بنزل حرارتها مع انه كان خايف عليها من صعقه الميه الصاقعه في الجو ده
راح طلعلها غيار بسرعه وراح ملأ البانيو علي اخره
ورجع شالها وقلعها الروب وفكلها الچاكت بتاع الترنج
كانت لابسه تحتيه بدي كت
سابها زي ما هي عشان متضايقش وراح شالها بسن ايديه..وقرب من البانيو براحه وهي مش دراينه بالدنيا فضل يقربها شويه شويه من المايه وأول ما جسمها لمس الميه خرجت من شهقه وكأنها اتكهربت ومسكت في رقبته وهي بتصرخ
فك صالح ايدها اللي مكلبشاها علي رقبته بالعافيه
بوسي…صالح بتعمل ايه صالح طلعني هموت والله
صالح…بوسي حرارتك عاليه انتي مش دريانه بيا السخونيه هتموتك
بوسي…طلعني والنبي ياصالح مش قادره حرام عليك الميه صاقعه
صالح…ششش اهدي بس دقيقتين بس وهطلعك
بوسي…بعياط والنبي با صالح مش قادره
صالح.. بحزن هطلعك والله بس حرارتك تنزل شويه الكمدات مش عامله معاكي حاجه لازم تاخدي دش وانتي مش قادره تقفي لو سبتك مش هعرف اتحكم فيكي وهتقعي مني مكنش ادامي غير البانيو ده
انا اهو اعد جمبك متقلقيش اعد صالح علي ركبه وقرب منها
مسكت بوسي تاني في رقبته وهي بتترعش ومش قادره ونفسها السخن بيخرج علي رقبتها وكأنها بتحرقه من شدته حرارتها
فضل صالح يجيب الميه علي شعرها ويقرب ايده من وشها يغسله
وهي بتترعش
حاول صالح يقوم عشان يقفل باب الاوضه ويشغل الدفايه لحد ما يلبسها وهي ماسكه مش راضيه تسيبه وكأن ايدها أتجمدت علي رقبته
صالح…بوسي فكي ايدك هقومك خلاص
بوسي…بعياط مش قادره
صالح…بهدوء طيب حقك عليا خلاص يلا عشان تبعدي عن الميه دي وقومي يلا انا هشغلك الدفايه بره
استجابت بوسي ليه وفكت ايدها وهي ماسكه حرف البانيو ونايمه عليه براسها ومنكمشه كلها في مكان واحد
رجع صالح بسرعه وهو معاه فوطه كبيره وفوطه صغيره
وقرب منها رفعها من البانيو أعدها علي الحرف بتاعه
وهي بتترعش وماسكه فيه وغرقته خالص
مسك الفوطه الصغيره لفها علي شعرها ولسه هيقلعها التيشرت
بوسي…انت بتعمل ايه اخرج بره
صالح…هغيرلك هدومك بسرعه هتتعبي
بوسي…لا انا هغير لنفسي
صالح…مش هتقدري انا ساندك بالعافيه انا لو سبتك هتقعي فالبانيو تاني
بوسي…دموعها نزلت لا هقدر اخرج يلا
صالح طيب بصي انا هقف وهديكي ضهري ومش هبص صدقيني وانتي غيري بس خليني معاكي
بوسي…بتعب اخرج يا صالح مش هعرف اخرج بقي
صالح…طيب هخرج بس بشرط الباب ميتقفلش من جوه
بوسي…حاضر
صالح…هيترد وبس عشان لو جرالك حاجه ادخلك بسرعه
بوسي…ماشي اديني هدومي طيب
صالح….انا علقتلك كل الهدوم ورا الباب والفوطه الكبيره دي نشفي بيها جسمك
بوسي…حاضر
خرج صالح وقف بره
وهي قفلت وراه الباب وابتدت تتسند براح وحاولت تقلع وهي مش قادره
نشفت جسمها ولبست هدومها الداخليه.. وحست انها دايخه لفت الفوطه علي جسمها ونادت علي صالح بسرعه
بوسي…صالح صالح الحقني
فتح صالح بسرعه الباب لقاها سانده عالحيطه
صالح…دايخه صح
بوسي ..مش قادره اكمل لبس
صالح…ولا يهمك تعالي هنكمل بره عشان الدنيا غرقانه هنا شالها صالح راح حطها عالسرير ورجع خد هدومها وراح بسرعه عليها
وأبتدا يلبسها بسرعه عشان متعترضتش ولا تحس انها متوتره خلص مهمته بسرعه ونفشلها شعرها كويس وسرحها
ونيمها من تاني عالسرير وغطاها
وقرب ايده منها..يجسها
صالح…الحمد لله الحراره نزلت شويه حقك عليا عارف ان الميه متلجه
بوسي…مفيش حاجه انا كويسه الوقت
صالح…هروح اجبلك حاجه تاكليها عشان تاخدي باقي العلاج
بعد شويه خلصت بوسي الاكل وخدت العلاج
صالح…بكره ان شاء الله هتبقي احسن يلا نامي بقي وانا هقوم اغير وهاجي اعد جمبك لحد ما تنامي
بوسي…ماشي روح بسرعه هدومك كلها مايه
صالح…أبتسملها ياستي ولا يهمك المهم تبقي كويسه
قام صالح وبعد وقت مش طويل رجع اعد جمبها كانت راحه فالنوم فضل يمشي ايده علي شعرها لحد ما راح فالنوم هو كمان
….. ………
في صباح يوم جديد مليئ بالاحداث 🤨🤨🤨🤨🤨
صحي هيما علي صوت صريخ من منه
لطريقه هستيريه لدرجه ان
ادهم سمع وطلع يجري علي فوق وزين طلع من غير ما يلبس حاجه في رجله وكل البيت بتاعهم جري علي صوت صريخ منه🔪🔪🔪🔪🔪وفجأه 😜😜😁😁
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)