رواية 30 يوم حياة 2 الفصل الثامن 8 بقلم أميرة أسامة
رواية 30 يوم حياة 2 الفصل الثامن 8 بقلم أميرة أسامة
رواية 30 يوم حياة 2 البارت الثامن
رواية 30 يوم حياة 2 الجزء الثامن
رواية 30 يوم حياة 2 الحلقة الثامنة
في صباح يوم جديد مليئ بالاحداث أستيقظ الجميع اللي بيفطر واللي لسه بيجهز الفطار..
صحي هيما علي صوت صريخ من منه
بطريقه هستيريه لدرجه ان
ادهم سمع وطلع يجري علي فوق وزين طلع من غير ما يلبس حاجه في رجله وكل البيت بتاعهم جري علي صوت صريخ منه
منه….يا هيما يا هيماااا الحقني يا هيمااااا
جري هيما بسرعه علي منه اللي كان وشها شاحب وشفايفها بيضه وباين علي ملامحها الذعر وعلي وشك انها يغم عليها
هيما…منه فيكي ايه😳😳
فالوقت ده كانت زين بيخبط علي الباب زي المجنون هو وادهم وايهاب والكل وراهم🙈🙈
منه اول ما شافت هيما جريت عليه وهي بتصرخ وتتنطط فار فار يا هيما
فار
هيما…الله يخربيتك وقفتي قلبي فكرتك اتكهربتي ولا ميه سخنه وقعت عليكي استني الباب بيخبط
منه…استني والنبي انا خايفه اخرج
هيما…يا منه متخافيش مفيش حاجه هاتي ايدك الباب هيتهد من الخبط
جريت منه علي بره وهي ماسكه قلبها وبتعيط بهستريا
هيما…الله يخربيت الجنان اللي انتي فيه يا شيخه
فتح هيما الباب واتخض من منظرهم وهما كلهم واقفين عالباب
زين…في ايه هيما
ادهم…في ايه
مديحه…بنتي مالها
هيما…خير يا جماعه متقلقوش تعالو ادخلوا خدوا نفسكم
دخل زين لقي منه اعده فوق الكنبه ومنهاره
جري عليها مسكها من كتفها في ايه يامنه مالك بتصرخي وتعيطي كده ليه
مديحه….منه يا حبيبتي بتعيطي ليه كده
وعد…انتي كويسه
احمد العربي….في ايه يا ابني ما تتكلم انت ولا هي في ايه
هيما…فضل يضحك مفيش والله دي عبيطه
زين…عملتلها ايه يا هيما
هيما…ياعم هعملها ايه اهي ادامك اسألها مش بعيد تعرف ترميها بأيدك من الشباك😂😂😂
بتقولي فار
زين…فار 😡😡😡والله العظيم انتي بتهرجي الصريخ ده كله عشان فار حرام عليكي يا شيخه نشفتي دمي وسابها واعد عالكرسي
مديحه….كده برده يا منه وقعتي قلبنا ده اخوكي طالع واخد السلم كله جري ومش لابس حاجه في رجله
منه…فضلت منهاره في حضن وعد ورحاب
احمد العربي ….طيب معلش حصل خير يا جماعه هي خافت محصلش حاجه
هيما….خافت ايه دي قطعتلي الخلف
دخلت توته وهي شايله ولادها…في ايه ايه الصوات ده مالها منه
ادهم….بضحك لقت فار
توته….ياشيخه حرام عليكي انا قولت حاجه حصلت والله كنت بحميه كريم لبسته بسرعه وطلعت والله حتي ما عدلتله هدومه
هيما…طيب اعدي نيميه عالكنبه وظبطي هدومه احسن يبرد
ادهم…هاتي احمد.
ايهاب…روحي هاتلها شويه مايه يارحاب هي وزين
رحاب…مايه منين من المطبخ وربنا ابدا بتقولك في فار
ايهاب…😂😂😂 خوافه
هيما….دي لو شافت فار دي كمان مش بعيد تنط من البلكونه
ادهم…هي شافته فين
هيما…فالمطبخ انا دخلت لقتها اعده عالرخامه جمب النار والله وقعت قلبي
مديحه….طيب كان فين يامنه
منه…بعياط معرفش انا كنت بصلي ورايحه اقلع الاسدال لقيت في صوت بفكر اللبن هيقع دخلت لقيته بيلعب في كيس جوه
مديحه…طيب دخل منين ده اكيد سبتي الشباك مفتوح
منه…لا والله مقفول😭😭
زين….قام وقف انا نازل ربنا يسامحك يا شيخه
هيما…استني هنا يا برنس انت مسمعتش ولا ايه بتقولك في فار جوه وانت نازل كده عادي دي اخلاق برده يا ابو نسب
زين….بأبتسامه ايه يا وحش ما تدخل تموته
هيما…استني بس بلاش فضايح ده فار مش لعبه بلاستيك
ادهم….ماهو ما جمع إلا ما وفق هيما بيخاف منهم هو كمان😂😂😂
زين….منك لله انت وهي كمان عايزني اموتلكم فار
هيما…انت وادهم زي الشاطرين كده تدخلوا ومتطلعوش وغير وانتوا منتصرين
ايهاب…الحمد لله مقالش عليا
هيما….😂😂😂
ادهم….طب ده زمانه طلع واعد معانا هنا
رفعت وعد رجلها بسرعه عالكنبه
زين…ضحك هي نقصاكي انتي كمان😂
هيما…لا انا قفلت باب المطبخ وخرجت
ادهم…تعالي ياعم نشوف ام الفار ده عايز انزل شغلي
زين…ادخل ياعم
دخل ادهم وزين وقفل وراهم هيما وفضل ماسك اوكره الباب جامد عشان ميفتحوش😂🙈🙈
توته…عجبك انتي يا ختي اللي عملتيه فينا ده
منه…انا قلبي والله يا توته لما شوفته لسه هخرج جري لقيته جري ومشوفتش راح فين طلع عالرخامه
مديحه….يابنتي يا عني هيعملك ايه الفار بس
منه….انتي عارفه اني بخاف منهم يا ماما
احمد ..العربي رحاب من صغرها مشيبانا بردو كده كانت تشوف فار تفضل تصرخ
توته….انا مبحبهمش بردو بصراحه
ايهاب….بضحك هما ساكتين ليه ملهمش حس😂
هيما…وهو ماسك الباب وربنا ما هخرجهم من هنا غير وهو مموتينه🤨
احمد…شوف ابن الكلب ماسك الباب وحابسهم ازاي
هيما….ايوه امال اعمل ايه مش هعرف اعد في مكان في فار هي ناقصه مزاوله😂
عدي عشر دقايق وادهم وزين في صمت رهيب ومره واحده سمعوا خبط وترزيع وهبد عالباب
هيما….هو الفار بيقتلهم ولا ايه🙄
ايهاب….دي معركه 😂😂
سكت تاني التخبيط شويه ومره واحده
سمعوا ادهم….اااااااه اوعيي يابن الكاااالب
وهما بره فطسانين كن الضحك
وزين جوه صوت ضحكته تموت من الضحك😂😂😂
وبعد خمس دقايق
زين…بيشد الباب مش راضي يفتح
زين….افتح يا هيما
هيما…لا مش فاتح
زين…ياض افتح ياض انت ماسك الباب يا جبان
هيما….قول كلمه السر
زين…افتح ياض هطلع انفخك😡
ادهم…افتح ياض هخرج اقتلك انت ومراتك😡
هيما…بضحك طيب لاقتوه🙄
زين…وحيات امي يا هيما لا اخرج اضربك
هيما…طب رد لقتوه ولا لا
ادهم…ياض مات خلاص والله
فتح هيما الباب وبعد
زين….وربنا اضربك
هيما…بضحك استني بس موتوه بجد
زين…اه والله وبص لمنه ده اللي كنتي خايفه منه ده اد الصباع يامنه حسبي الله فيكي وفي جوزك الجبان اللي قافل علينا الباب
هيما…هو فين
زين…رميته هنكون كلناه ياعني😡
ادهم…منكم لله عالصبح انا يحصل فيا كده
ايهاب…بضحك انت كنت بتصوت ليه صحيح😂😂
زين….افتكر وفضل يضحك
ادهم…خليك في حالك يا بوب
زين…والله العظيم كان محتاج كاميرا المنظر ده😂😂😂
الفار نط علي دراعه وده اول مالمسه عمل جوه كام حركه غريبه انا كنت هموت من الضحك
ادهم…بصله وهو مبتسم بغيظ اتبسط انت كده بعد السياح ده 😂😂😂😂
زين….كان نفسي اصورك لمراتك 😂😂
ادهم….ماخلاص يارخم
توته…وانا اللي قولت داخل يموته وهو مش خايف
ادهم….طب والله موته اديته ضربه هيس وزين كمل عليه
منه..فضلت تضحك هي والبنات
وفضلوا كلهم يتريقوا ويضحكوا علي ادهم
……..
عند صالح وبوسي..
صحيت بوسي..فتحت عينها براحه حاولت تقوم لاكن مكانتش قادره و حست في حاجه تقيله علي راسها وعلي وسطها..
رفعت عينها براحه لمحت صالح نايم وساند راسها علي راسها وايده لاففها علي وسطها واخدها في حضنها
ومع نومه جسمه تقل عليها خلاها مش قادره تتحرك
فضل بوسي تحاول تخرج من تحت ايده
حس صالح بحركتها تحت ايده فتح عينه بسرعه وبصلها انتي كويسه
بوسي….بأبتسامه سخريه كنت كويسه بس بعد نومتك دي كسرت جسمي
ابتسم صالح حقك عليا انا مش عارف انا نمت ازاي اصلا انا فضلت اعد جمبك قولت لحد ما تروحي فالنوم واطمن عليكي لقيت نفسي نايم جمبك
بوسي….بأبتسامه ولا يهمك انا بهزر علي فكره
صالح…طيب طمنيني عانله ايه انهرده وحط ايده علي راسها انتي الحمد لله احسن حرارتك كويسه
بوسي….لا انا كويسه انهرده الحمد لله جسمي بس واجعني
صالح…معلش تفوقي بس من التعب وهتبقي كويسه
هروح انا بقي اعملك الفطار عشان تاخدي العلاج وهرجعلك تاني
بوسي…وانا هقوم اغسل وشي واصلي من امبارح مصلتش حاجه خالص مكنتش حاسه بنفسي اصلا
صالح….الحمد لله معلش ربنا بيسامح يلا قومي هتعرفي ولا لا
بوسي…لا هعرف متقلقش
صالح…طيب علي مهلك
راح صالح يحضر الفطار
وقامت بوسي راحت عالحمام دخلت براحه بس حست ان الدنيا بتلف بيها ودايخه سندت راسها علي باب الحمام لحد ما الدوخه تروح منها وأبتدت تغسل وشها وسنانها وتتوضأ وحاسه ان الدوخه بتزيد مسكت الفوطه تنشف وشها بتعب
دخل صالح وهو معاه صنيه الفطار ولما شافها سانده عالباب حط الصنيه و جري عليها بسرعه
صالح….انتي كويسه
بوسي…انا دايخه اوي
صالح…طيب تعالي اعدي افطري الاول انتي من امبارح من ساعت ما صحينا الصبح وانتي نايمه أكيد لما قومتي مره واحده تعبتي
بوسي…يظهر كده
صالح…يلا افطري بقي عشان تاخدي العلاج
فطروا مع بعض وخدت العلاج
بوسي….صالح
صالح….نعم
بوسي…شكرا…تعبتك معايا اوي
صالح..بأبتسامه من أمته في بينا شكر يا بوسي وبعدين انا عملت ايه اتشكر عليه ده واجب ولا انا لو في مكانك هتسبيني
بوسي…بعد الشر عليك واكيد طبعا مش هسيبك
صالح…طبطب علي كتفها طيب يلا قومي صلي
بوسي….حاضر
………….
عند عامر…صحي من النوم فطر مع والده ودخل تاني اوضته يجهز عشان كان نازل
وأبتسم لما سمع الاغنيه بتاعته فالشارع شغاله في كذا مكان
عامر….شكلك هتتشهر يا واد يا عامر وهتلعب معاك مسك موبايله وفتح النت عشان يشوف عدد مشاهدات الاغنيه ويشوف اخر الاخبار
وفجأه خرجت عين عامر😳 بصدمه اول ما شاف الرقم فضل يدعك في عنيه بسرعه ويرجع يبص كرر الحركه دي اكتر من مره لحد ما ركز
واتصدم من الرقم
اللي عدي ال15مليون في حوالي 14 ساعه
عامر…15مليون وداخل عال16 طب ازاي ده بجد انا مش بيتهيألي صح
فضل يقلب فالنت ودخل علي جوجل ولقاها متصدره الترند😳😳😳كان حاسس ان قلبه هيقف من الفرحه ومش مصدق نفسه فضل يتنطط فالاوضه بتاعته ويصرخ بفرحه
حسني….في ايه يا الني بتصرخ كده ليه
مسك عامر ايد ابوه
عامر….بقيت ترند يا عم حسني ابنك اتشهر يا ابا الكليب داخل علي 16 مليون من أمبارح بس
حسني ..يافرج الله
عامر….انا نجحت يا ابا
حسني….يافرج الله
عامر…نجحت يا عم حسني
وسابه وجري فتح الباب ونزل عالشارع
يا زين. يا يوسف يا هيمااا ياصالح
انا نجحتتتتتتت
خرجو كلهم بسرعه من الشبابيك والبلكونات
وخرج زين وادهم والكل من بلكونه منه بفزع لما سمعوا عامر بينادي وصوته عالي ودي كانت تاني خضه ليهم
زين….في ايه ياض
عامر…..قلبي هيقف يا زييييين الكليب داخل علي 16 ملييييييون
صاحبك اتشهر
ادهم …مبروك يا نجم استني نازلك
زين…اللي يخربيتك وقعت قلبي انت كمان ودخل زين ونزلوا كلهم علي تحت وعامر واقف تحت ينادي عالكل والناس تباركله
عامر….جري بسرعه يخبط علي شباك يوسف…
يا يوسسسسسف يا چووووو
اخرج يا ابن روحيييييه
يوسف….خرج من الحمام جري وبصله من الشباك
يوسف…مالك ياض بتصوت ليه ولامم الناس عليك
عامر…بقيت ترند يا صاحبي
روحيه…بقيت ترنج أزاي ياولا🤔
يوسف…بضحك يااما ترنج ايه بس ترند يعني فرقع يا اما يعني نجح ونطله من الشباك وهو حافي وشاله
يوسف….مبروك ياصاحبيييييي
روحيه….انت يا واد خرجت حافي ودايس فالطينه كل ده عشان الصايع ده بقي ترنج امال لو كان بدله كنت عملت ايه
اتلم عليه صحابه وهو ميتين من الضحك علي روحيه
و فضلوا يباركوله ويحضنوا بعض
صلاح….خرج من البلكونه في ايه مالكم يا مقاطيع عالصبح
عامر…الكليب عدي ال16 مليون يا لاحه
ايهاب…اخويا بقي نجم يا لاحه
صلاح…يا حاااااج فارووووق يا حاج فارووووق
حاج فاروق…ايه يالاحه
صلاح…عايزك توزع حاجه ساقعه عالشارع كله وعلي حسابي
حاج فاروق….اللي سبق كل النبأ يا ولا عيب عليك الساقع هيتوزع حالا وعلي حسابي انا
عامر…..يدوم يا حاج فاروق ربنا يخليك ليا يدوم يالااااحه
سعيد من الشباك مبروك يا عامر وبالمناسبه دي يوم الخميس الجاي الكل معزوم عندي علي شرفك يا سيدي بمناسبه النجاح
ضحك عامر بفرحه اكبر لما حس انه هيشوف منار ويرجع تاني للاعده اللي كان نفسه فيها لاكن المرادي بوضع مختلف وهما بيحبوا بعض..
ادهم….وادي حاج سعيدددد بيضحيييييي
عادل….مبروك يا صاحبي
عامر…الله يبارك فيك يا دولا
ولا ياصااااالح انت فين يا صاااااالح انا نجحححح
نزلوا الباقي انضمولهم والناس كلها اعده تتفرج عالهيصه اللي عامر عاملها
وفي عز الفرحه بص عامر بعينه علي باب المحل بتاع كيمو وصورته اللي متعلقه عليه🥺💔
وبعد وقت بسيط انسحب الكل وكل واحد راح علي مكانه
منار كانت متابعه كل حاجه من اوضتها بفرحه وبعد ما الكل مشي نزلت راحت عالشغل اللي نسيت نفسها واتأخرت عليه وكان مستنيها علي اول الشارع أنس عشان يوصلها في طريقه
ولمحهم من بعيد عامر💔🥺
……..
عند عادل…طيب هي كويسه
شمس…اه بخير احسن كتير صالح بيقول كانت ضايعه خالص وتعبانه انا نزلت وامي عندها فوق بتعملها الغدا عشان صالح تعب معاها من امبارح حرام
عادل….المهم هتعملي ايه انهرده
شمس….ولا حاجه انا واقفه لامي فالمحل شويه واصلا الجو ساقع ومفيش اي حد وميتهأليش هيجي زباين انهرده لو كده امي تنزل ونقفل انا اصلا عايزه اطلع عشان اعمل الاكل
عادل…بأبتسامه هتعملي اكل ايه
سهير…دخلت فالوقت ده علي شمس. انا جيت يا شمس
شمس…نورتي يا امي بوسي كويسه
سهير…اه الحمد لله احسن كتير فايقه الحمد لله بتكلمي مين
شمس…ده عادل
عادل….سلميلي عليها
سهير….أزيك يا عادل
شمس….بيسلم عليكي يا اما
وهي بتسلم عليك
عادل….ازيك ياسوسو
ادتها شمس الموبايل
عادل….وحشاني يا سوسو
سهير….لا يا شيخ مانا لو وحشاك يا اخويا بصحيح كنت سألت وشك ولا وش القمر
عادل…حقك عليا والله بس برجع من المحكمه الصبح افضل اعد فالمكتب واخلص بليل يادوب اطلع انام مببقاش قادر
سهير….ربنا يعينك انا بهزر يا واد انت عارف اني بحبك
عادل….وانا كمان بحبك يا سوسو
سهير…طيب بقول ايه ادام انت بتحبني وانا بحبك تبجي تتغدا معانا
عادل…مانا لسه بسأل بنتك عاملبن اكل ايه مردتش عليا
سهير…عاملين محشي وفراخ مشويه وملوخيه يعني هتتظلط
عادل….محشي يبقي راشق امي اصلا عامله سمك وانا مبحبوش اوي
سهير….خلاص هستناك اياك متجيش
عادل….لا جاي والله ده محشي يا سوسو انتي عارفه اني مرتشي😂
سهير….ايوه عارفه وهرشيك اكتر لما تعرف ان في ورق عنب
عادل….الله انا شكلي هقوم اقفل الوقت
سهير….لشمس شوفي الواد عايز يقفل مكتبه عشان الاكل وياريته باين عليه
شمس…قوليله هعمله رز بلبن
سهير…نسينا الرز باللبن صحيح
عادل….لا ياستي كفايه عليكم تعب الاكل خلي الحلو عليا انا وانا هظبطكم
سهير….كيب يا سيدي بقولك يا شنس قومي يابت نقفل ونروح بلا خوتت دماغ مفيش زباين
ضحك عادل عليها هو وشمس
سهير…بضحك الجو يا خويا برد قومي يابت نعمل المحشي السخن كده ونستني الواد عادل ونسهر مع بعض
عادل…طيب يلا قوموا بقي انا جعت من الوقت
سهير…ماشي يلا ربنا معاك
خد البت شمس
شمس ..وهي بتضحك المحشي طير دماغك ودماغ امي
عادل…طبعا يا بت هو المحشي بتاعك يتقاوم
شمس…ماشي يا سيدي شكرا
عادل….بحبك يا شمس انتي وامك😂😂
شمس…بضحك وانا وامي بنموت فيك❣️يلا باي
عادل…سلام يا قلبي
…………….
خرج عامر من الشارع وهو مش عارف يروح فين فرحان بنجاحه وبالرقم اللي تخطاه بسرعه كبيره مكنش متخيلها لاكن قلبه كان واجعه لما افتكر ان كريم مش في وسطهم ولا معاه بيشاركه النجاح اللي كان طول عمره مشاركه فيه في كل خطوه ومستناش اهم خطوه وراح منهم.
وحس انه رجليه بتاخده علي المقابر.
بعد وقت بسيط وصل عامر المقابر وخلي العامل المسؤول عن حمايه المقابر يفتحله الباب. دخل وقرأ الفاتحه لكيمو وخلاه ينضف المكان وحطله عامر ورد في كل مكان خرج العامل بره وسابه لوحده
أعد عامر ادام المكان اللي كريم مدفون فيه وضم ركبه لصدره بحزن…فضل باصص علي اسمه شويه ودموعه نازله من سكات…
عامر….انا نجحت يا صاحبي نجحت يا كيمو بقيت مشهور حلمي وحلمك اتحقق يا صاحبي بس كان نفسي حلمي يتحقق وانت موجود يا كيمو كان نفسي زي ما حلمناه سوا نشوفه بيتحقق سوا بس انت سبتني يا صاحبي سبتني لوحدي بس عارف يا كيمو النجاح اللي انا فيه ده بسببك انت اه والله العظيم انا بعدك يا كيمو بعدت ومبقتش اعمل اي حاجه غير اني اشتغل وبس عشان الهي نفسي والظاهر كده ان كتر الشغل يا كيمو ومحاوله هروبي من كل حاجه عشان انسي انك سبتني هما اللي خلوني اوصل للي انا فيه الوقت يعني النجاح ده بتاعك يا صاحبي كنت طول عمرك سند ليا وانت عايش وسند ليا وانت ميت….كيمووو انا تعبان من غيرك يا صاحبي والله العظيم تعبان اوي وحشتني نفسب اترمي في حضني وافضل اعيط واحكيلك علي وجع قلبي من بعدك واحكيلك علي وجع قلبي من بعد منار ..ضيعتها من ايدي من غير ما اقصد يا صاحبي ضيعتها وانا بحبها
ضيعت منار يا كيمو وكله بسببك يا صاحبي …ضيعت حب عمري عشان مخسركش يا صاحبي انت قولتلي زمان كله إلا اختي وانا اخترتك يا صاحبي …
فلاش باك….
من سنين كتير فاتت
كانت منار في اعدادي
وعامر في ثانوي
كان واقف قصاد البيت بتاعهم
منار…وهي راجعه من الدرس شنطتها كانت مفتوحه ووقع منها كذا قلم..
عامر….هتفضلي كده هلي طول مش دريانه بنفسك ❣️
راح عامر عالاقلام لمهم من الارض وجري وراها كانت دخلت منار علي مدخل البيت
……
شاب من نفس سن عامر…الحق عامر جري ورا البت جوه
شاب تاني …شكل كده في حاجه بينهم😉😉
شاب….يبقي لازم نعرفها
……..
كان كريم واقف في ضهرهم قريب من المحل بتاعه وسمعهم..
كريم بغضب….ماشي ياعامر انا هوريك ولولا اني خايف علي اختي يتجاب اسمها كنت مسكت العيال دي روقتهم بس بمجرد ما هكلمهم هيعلوا صوتعم ويجيبوا سيره اختي…بس الحق مش عليهم الحق علي صاحبي..وساب اللي في ايده وراح علي عامر واخته
……
عامر…منار منار
منار…بابتسامه جميله..عامر عامل ايه
عامر…بحب كويس مش هتبطلي بقي تمشي وانتي مش دريانه بالدنيا كده
منار…بضحك ليه بس
عامر…اتفضلي ياستي الاقلم دي وقعت منك
منار…ياخبر دي الشنطه مفتوحه
عامر…طيب خلي بالك بقي مش هفضل كل شويه الف وراكي والملك حاجتك اللي بتقع منك في كل مكان دي
منار…اذا كان عاجبك وهتفضل تلملي حاجتي كده انال مين بس اللي هيلمها
عامر…بأبتسامه طبعا انا هو في حد يقدر يلمها غيري ولا ايه🤨
منار….بحب انا هطلع
عامر….ماشي يلا سلام
طلعت منار بسرعه من ادامه وفضل عامر باصص بأبتسامه لفوق لحد ما سمع صوت الباب اتقفل
وبص وراه لقي كيمو
عامر…كيمو انت واقف كده ليه
كريم…انا يا صاحبي اللي واقف كده ليه ولا انت
عامر….في ايه ياكيمو
كريم….مفيش يا صاحبي بس هي كلمه لو انت باقي عليا بحد ومش عايزني اخسرك ابعد عن منار
عامر…في ايه ياكيمو انت فاهم غلط منار وقع منها الاقلام وجريت اديهالها
كريم….كان ممكن تديهملي وانا اوصلهملها بدل ما حد يشوفك بتجري وراها علي مدخل السلم ويلسن عليها
عموما انا قولتهالك يا صاحبي لو باقي عليا بجد ماشوفكش قريب منها تاني وإلا هتخسرني طول العمر كله إلا اختي
عامر….بحزن اوعدك يا صاحبي انها مش هتتكرر تاني وحقك عليا انا فعلا غلطان وباس راسه
عامر….يلا سلام عشان ورايا درس.💔
………
بااااك
وبعدت يا كيمو اختارتك انت وبعدت عن منار ومن يومها خدت عهد علب نفسي انها زيها زي شهد وفضلت حابس حبها جوايا وهو بيكبر وانا مش حاسس ولما جاتلي يا صاحبي كانت لسع صدمه موتك مأثره عليا خوفت اوافقها عاللي هي عيزاه خوفت اخون الوعد اللي خدته معاك كنت متلغبط واتلغبط اكتر وبوظت الدنيا لما تعبت وقولتلها اني بحبها فكرتني بشفق عليها يا صاحبي …منار ضاعت من ايدي واتخطبت منار راحت ومش عارف ارجعها وانت السبب انت السبب يا صاحبي حبي ليك ضيعها من ايدي…
وفضل يعيط عامر كتير بوجع وحزن وحس ان فرحته كانت ناقصه من غير منار وكريم💔
فضل اعد كتير معاه وبعدها قام ومشي فضل يتمشي فالشوارع من غير اي هدف لحد ما الليل دخل ووصل تاني عند ميدان السيده زينب…
وفجأه😜😜😜😜😜
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)