رواية طفلة الفهد الفصل الثلاثون 30 بقلم دعاء حجاج
رواية طفلة الفهد الفصل الثلاثون 30 بقلم دعاء حجاج
رواية طفلة الفهد البارت الثلاثون
رواية طفلة الفهد الجزء الثلاثون
رواية طفلة الفهد الحلقة الثلاثون
زينه طلعت من الحمام وبتول كانت منبهره بجمالها
_شكلى وحش صح كنت عارفه
_شكلك وحش اي انتى طالعه حلوه اوى شبه اميرات ديزني
_بجد !!
_طب تعالى اقفي قدام المرايا وهتلاقي أن معايا حق
زينه وقفت قدام المرايا وقالت:اممم ٠٠٠٠ماشي الحال بت يا بتول
_اي ؟؟
_مين الاحلى انا ولا شيري
_الصراحه
_ايوه انا عايزه الصراحه انا ولا هي
بتول قربت من زينه وقالت:الحلوه حلوه روح يا زينه وانتى احلى طبعا بروحك
_لا يا بتول انا بقول على الشكل
_ما انا جوبتك قولتلك انتى الاحلى
_الشكل يا بتول مين فين الاحلى
_انتى يا زينه احلى بكتير كمان ممكن اعرف ليه بتسالى السوال ده
زينه بارتباك:هو ٠٠٠هو ولا حاجه مش يلا عشان كده هنتاخر
_يلاااا
زينه وبتول نزلوا تحت
_رايحين فين كده
_ماما انا وزينه طالعين برا شويه
_وفهد يعرف
_اه يا ماما زينه كلمتو وهو وافق
_طب خدوا بالكم من نفسكم ٠٠٠
_حااضر ٠٠٠
في شركه الكيلانى ✨
شيري كانت قاعده في الكافتريا تحت وفجاه تليفونها رن
_الووو
_انتى يا بت مش قولتلك ترني عليا لما توصلى مصر
_اوبس انا اسفه اوى يا ماما والله نسيت
_عالطول كده انا اخاف عليكى وانتى ولا يهمك اي حاجه
_ماما لو سمحتى انا مرهقه اوى من السفر فياريت تسكتى
_حااضر هسكت المهم زينب أخبارها اي وفهد في حد في حياته ولا لا
_كلهم بخير يا ماما ومفيش حد في حياه فهد سلام بقااا
_الووو شيري الووو
_في اي يا اميره
_البت بتكلمنى بقرف
_ما انتى اللى متسرعه دايما وبعدين شيري مش صغيره عشان كل شويه ترني عليها
_ما انا بخاف عليها مش بنتى !!
_وخايفه من اي طالما شيري مع فهد أوعك تخافي عليها
_طيب مش هرن عليها تانى ارتحت
_مش قصدي انا اقصد مش كل شويه ترنى على البت
_حاضر مش هرن عليها كل شويه عن اذنك
عند مالك وسمر ✨✨
مالك فاق وكان ماسك دماغه ولقي العربيه داخله في شجره
مالك بانتهاد:منال انتى كويسه
_كان ممكن يحصل لينا حاجه بغباءك
_ومحصلش
سمر خدت نفس عميق وقالت:يا ريت بعد كده تاخد بالك من الطريق
_وانا اخد بالى من الطريق ازاى وانتى معايا
_اي؟؟
_احم اقصد ام لسانك ده لو تبلعى هقدر اخد بالى من الطريق بعد كده
_احنا هنفضل واقفين هنا كتير
مالك كان رايح يشغل العربيه ولكن مشتغلتش
_في اي ؟؟
_والله المره ده مش خطه العربيه واقفه فعلا
_نعم
_لا متخديش في بالك ؟؟
_طب هنعمل اي ؟؟
_هنزل اشوف العربيه أوعك تتحركي
مالك نزل بالفعل ولقي العربيه بتطلع دخان وعلى تكه وتنف’جر
_😳😳٠٠٠٠
مالك جري عالطول على سمر وقالها
_انزلى فورا
_الله مش انت قولت خليكى في العربيه
_سمر العربيه هتن’فجر انزلى
_😳٠٠٠٠
_انتى لسه هتبلمى ٠٠٠٠٠مالك حاول يفتح الباب ولكن معرفش
سمر حاولت تفتح الباب لكن معرفتش بردو
_الباب مش راضي ينفتح ٠٠٠٠سمر بعياط:اكيدا انت اللى عملت كده عشان تمو’تنى
مالك بعصبية:امو’تك ليه انتى مجنونه
الدخان بدأ يطلع من العربيه وسمر مكنتش قادره تتنفس
_خلى وشك الناحيه التانيه
_ليه
_اخلصي ٠٠٠٠بالفعل سمر بصت الناحيه التانيه ومالك كسر الازاز بتاع شباك العربيه
_اعاااااااااا
_هاتى ايدك
_ازاى
_اخلصي مفيش وقت ٠٠٠سمر مدت أيدها ومالك طلعها من شباك العربيه وانجرحت في بطنها من بقايا الازاز
_اعاااااا
_اسف اسف
سمر بالفعل طلعت ومالك اخدها في حضنوا عالطول وقال:انتى كويسه
سمر هزت راسها ومكنتش قادره تتكلم من الخوف
_في اي
سمر شاورت لمالك على العربيه ومالك اخد أيدها وطلعوا يجروا وفجاه العربيه انفج’رت
مالك وسمر طلعوا فوق من قوه الانفجا’ر:اعاااااااااا٠٠٠٠٠وفجاه نزلوا على الأرض وسمر اغمى عليها عالطول
مالك قام من على الأرض وكان ماسك دماغه ومش قادر
_سمر سمر
مالك قام بالعافيه وشال سمر ولقي بيت مهجور راح عليا عالطول
_سمر٠٠٠٠سمر ٠٠٠٠٠هي ما’تت ولا اي ؟
مالك بص على هدومها ولقي د’م وقال:اي الد’م ده وافتكر لما كان بيطلعها من العربيه انجرحت من الازاز
مالك كان مكسوف اوى ومش عارف يعمل اي ؟؟
مالك بتردد:واي يعنى ما انا جوزها عادي جدااا ٠٠٠٠مالك رفع التيشيرت لسمر لنصف بطنها ولقي الجرح بسيط جدااا
مالك طلع منديل قماش من جيبه وحطوا على بطنها عشان يوقف الد’م وبعد شويه سمر بدأت تفوق وفاقت بالفعل وقالت:انت بتعمل اي يا حيو’ان
_والله ما عملت حاجه اكتر ما رفعت التيشيرت ما عملت
سمر كانت بتحاول تقوم لكن معرفتش لأنها كانت موجوعه اوى
_انتى كويسه
_انا مستحيل هطلع معاك تانى كل لما اطلع معاك بيحصل مشكله
_على فكره بقااا مش انا الغلطان انتى
_انااا
_ايوه انتى لو مكنتيش فضلتى في العربيه مكنش ده حصل
_مش انت اللى قولت خليكى في العربيه
_يا ستى انا واحد مجنون بتسمعي كلامى ليه
سمر صرخت بصوت عالى وحطت أيدها على ودنها وقالت:بس اسكت بقا انا اللى غلطانه
مالك قرب منها وقال:انتى كويسه
_ هكون كويسه لو حضرتك سكت
_حاااضر٠٠٠٠٠٠
_انا عايزه امشي
_استنى الد’م يقف طيب
_لا انا مش قاعده هنا البيت شكلوا مر’عب اوى
_وانتى خايفه وانا معاكى
_انا مش بهزر قوم قومنى يلااا
مالك خد نفس عميق وقام بالفعل ومد ايدو لسمر اللى مدت أيدها ومالك شدها ليا
_احترم نفسك
_الله مش انتى اللى قولتى قومنى
سمر زقت مالك وقالت:هنعمل اي ؟؟
_تعالى اكيدا هنلاقي عربيه ٠٠٠
سمر مكنتش قادره تمشي بسبب الوقعه
_اعااااا٠٠٠٠٠مش قادره أمشي
مالك شالها عالطول وسمر بصت ليا بصدمه وقالت:نزلنى انت مجنون ولا اي
_مش بتقولى مش قادره تمشي لازم اشيلك والا هنفضل في البيت المهجور ده
_اممممم
مالك طلع بالفعل وسمر كانت بتبص عليا وحاسه بشعور مختلف بس جميل
بالفعل طلعوا على الطريق ومالك نزل سمر براحه وقال:لازم نصبر شويه وأن شاء الله هنلاقي عربيه
_طب ما ترن على فهد
_التليفون كان في العربيه
_امممم
عند بتول وزينه ✨✨
_اي رايك نروح الملاهي
_بتول ده بتاع العيال الصغيره
_ولا صغيره ولا حاجه والله هتنبسطى اوى
_لا والنبي انا بخاف من المرتفعات والأماكن المغلقة
_بليززز انا عايزه اروح
زينه بعد تفكير:خلاص ماشي
بتول حضنت زينه وقالت:شكرااا
بالفعل بتول وزينه راحوا الملاهي
_لو سمحت يا عمو عايزه اركب ارجوحه
_انتى لوحدك ؟؟
_اي يا زينه مش عايزه تركبي
زينه بخوف:لا مش عايزه انا هتفرج عليكى
_انتى حرا خلاص يا عمو انا بس اللى هركب
_تمااام
زينه قعدت على الكرسي وقالت: يا تري فهد بيعمل اي دلوقتى مع شيري
زينه قامت وقالت:اروحلوا الشركه ٠٠٠٠زينه بقناعه:هروحلوا وأشوف شيري بتعمل اي مع زوجى
_بتول ٠٠٠٠
_اي يا زينه ؟؟
_انا رايحه لفهد الشركه
_ليه
_كده وخلاص
_خلاص ماشي انا هروح عالطول
زينه حضنت بتول وقالت:خدي بالك من نفسك
_وانتى كمااان
_سلااام
زينه ركبت العربيه وقالت:لو سمحت يا عمو جاسر اطلع على الشركه
_حاضر يا مدام ٠٠٠٠
في شركه الكيلانى ✨✨
_فهد !!
_اي يا حسام
_اقرب طايره لدبي {الامارات} بكره الساعه ١٠:٣٠
_خلاص ماشي احجز اربع تذاكر
_اربع تذاكر لمين
_انا هاخد زينه يا حسام !!
_تمااام خلاص انا هروح احجز التذاكر
_اوعك تتاخر ورانا شغل كتير
_شغل لا انت تنسانى خالص انا هروح احجز التذاكر وانام سلام
_استنى يااض
_اشوفك بكره سلام
_والله مجنون !!
بعد مرور ربع ساعه زينه وصلت بالفعل الشركه
_استنى حضرتك يا مدام
_لا يا عمو جاسر روح انت لبتول وانا هرجع مع فهد
_خلاص ماشي !!
شيري كانت بتتكلم في التليفون ولمحت زينه وهي داخله
_خليكى معايا ٠٠٠٠٠زينه
_شيري اخبارك اي
_انتي بتعملى اي هنا
_جيت عشان زوجى فيها حاجه ده
_لا مفيهاش اي رايك تقعدي معايا في الكافتريا
_لا انا رايحه لفهد عن اذنك
_بس فهد عنده شغل كتير ومش عايز ازعاج انصحك متروحيش
_شكرا على النصيحه عن اذنك
شيري كادت أن تو’لع وقالت:وربنا ما هر’حمك بس اصبري عليا بس
زينه طلعت عالطول
_حضرتك رايحه فين ؟؟
_وحضرتك بتسالى ليه عن اذنك
_لو سمحتى مينفعش كده زينه دخلت لفهد عالطول
_والله يا فهد بيه حاولت امنعها بس مسمعتش
_روحى انتى
زينه بصت ليها بقر’ف
_في اي يا زينه ؟؟
_مفيش بس حبيت اجى اقعد معاك
_حد مزعلك
_لا مفيش !!
_طب تعالى اقعدي واقفه كده ليه
_كنت مفكره انك هتزعق لانى جيت
فهد بابتسامه جميله:تعالى يا زينه
زينه دخلت وقعدت ٠٠٠٠٠
_عندي ليكى خبر
_خبر اي ؟؟
_عندي شغل برا مصر اي رايك تيجى معايا ٠٠٠٠زينه وافقت عالطول
_عالطول كده انا كنت مفكر انك هتسالى شويه اسئله كعادتك
_لا مش هسال واي مكان تكون موجود فيا احب اكون معاك فيا طبعاا
_اتغدتى
_مش جعانه
فهد مسك ايد زينه وقال:تعالى نتغدا سوا تحت
_تحت
_ايوه في مطعم صغير كده للموظفين
_تمااام
فهد وزينه نزلوا بالفعل وزينه فضلت واقفه
فهد ابتسم وقام شد الكرسي وقال:اتفضلى يا طفلتى
زينه قعدت وكانت فرحانه اوى
_استنى ارن على شيري تيجى تتغدا معنا
_شيري مشت
_مشت
_اه ركبت مع عمو جاسر
_بس هي قالت انها هتقعد في الكافتريا
_مش مهم بقااا
فهد طلب الاكل وقعدوا ياكلوا وبعد شويه شيري شافتهم وراحت عندهم وقالت:من غيري يا فهودتى
زينه قعدت تكح على اخرها وكانت مكسوفه اوى إنها طلعت كدابه قدام فهد
فهد مسك الكوبايه عالطول وادها لزينه ٠٠٠٠زينه مسكت الكوبايه واتفاجات أن فهد مقالش حاجه
_معلش كنت ناسي خالص
_حقك تنسي ما انت مع ست الحسن
_نعم
_احم ولا حاجه ٠٠٠٠شيري قعدت وحطت أيدها على خدها
_ما تاكلى
_لا انا مش باكل الاكل ده وبعدين انا مش جعانه
زينه بصت ليها وكانت مضايقه اوى
_صحيح يا زينه انتى عمرك اكلتي الاكل ده
زينه بصت لتحت وفهد قال: مش مهم الاكل يبقا اي كلها نعمه ربنا صح ولا انا غلطان
شيري ضغطت على سنانها وقالت:فعلاا
زينه انحرجت اوى وقالت:انا داخله الحمام
_تمااام
زينه قامت عالطول وشيري في سرها:البدايه يا عزيزتى لسه الطريق طويل
زينه دخلت الحمام وغسلت وشها وقالت:مستحيل تستسلمى ليها كده عالطول ٠٠٠٠
زينه مسحت وشها بالمنديل وطلعت لقت شيري حطه أيدها على ايد فهد
_البت ده بارده اوى انا نفسي اخد روحها في ايدي
_اوبس زينه واقفه كده ليه تعالى
زينه قعدت على الكرسي وقالت:لا مفيش
زينه حبت تحرج شيري وقالت:شيري هي العنين ده طبيعية ولا وشك ده طبيعى ولا ميك اب ولا هدومك الشبه عا’ريه ده عادي تخرجي بيها كده
شيري اتنرفزت اوى وفهد قال بعصبيه:زينه في اي
_مكنش قصدي حاجه يا فهد
_اعتذري
_اعتذر ليه انا مقولتش حاجه غلط
شيري بتمثيل والدموع نازله من عينيها:عادي يا فهد ده طفله
زينه قامت وقالت بعصبية:انا مش طفله انا عندي ١٦ سنه وجرت عالطول
فهد قام عالطول وراها
شيري مسحت دموعها وقالت:وربنا لدفعك تمن غالى اوى على كلامك ده
فهد مسك ايد زينه وقال:انتى رايحه فين
_انا مكنتش اقصد حاجه بس انت عالطول بتزعقلى
فهد أخدها في حضنه وباسها على رأسها وقال:خلاص خلاص انا اسف
شيري كانت متنرفزه اوى وكانت عايزه تروح تبعد زينه عن فهد
_فهد انا مش طفله
_لا طفله اقصد انتى طفله الفهد
زينه ابتسمت وفهد قال:هي ده زينه اللى متعود عليها
_انا عايزه اروح
_اممم خلاص ماشي
عند مالك وسمر ✨✨
_انا كده هياخد ضربه شمس وممكن امو’ت
_طب ما تمو’تى واي يعنى
_ كنت عارفه انك هتقول كده انا اصلا مش فارقه معاك
_لا فارقه وفارقه اوى
سمر بصت لمالك وكانت في حاله صدمه ومالك قال بضحكه سخريه:انتى صدقتى ولا اي انا مستحيل افكر في واحده زيك
_وانا مستحيل افكر في واحد زيك
_ولو حصل ؟؟
_حصل اي ؟؟
مالك بابتسامه:لو حبنا بعض
نبضات سمر ازدادت وقالت:انا مستحيل احب واحد زيك
_بس انا شايف كلام في عينكى بيقول غير كده خالص
_شايف اي
مالك قرب منها وقال:شايف واحده قدامى بتمو’ت في مالك الكيلانى
سمر رجعت لورا وقالت:محصلش
_لا حصل انا حاسس بيكى
_ازاى
مالك حط ايدو على قلب سمر وقال:نبضاتك بتقول كده
سمر بدأت ترتعش وقالت:انت فاهم غلط ده نبضات الخوف مش اكتر بسبب اللى حصل
_طب ليه لما بقرب منك بسمع نبضات قلبك بردو
_معرفش الجواب
مالك شد سمر ليا وقال:بس انا عارف الجواب
سمر بارتباك:جواب اي ؟؟
مالك قرب من شفايف سمر وهى كانت بترتعش وفجاه غمضت عينها ومالك بعد عنها وقعد يضحك
_لو تشوفي شكلك وانتى كده هتمو’تى على نفسك من الضحك
سمر ضغطت على سنانها وكانت متعصبه اوى وفجاه عربيه جات ٠٠٠
_كويس في عربيه اهااا
سمر حطت أيدها على قلبها اللى كاد أن يطلع من مكانه بسبب الخوف
_اي ده جاسر
بتول نزلت من العربيه وقالت:مالك انت كويس هدومك كلها تراب ليه وسمر
_مفيش يا بتول ده حادثه بسيطه
بتول جرت على سمر وقالت:انتى بخير
سمر هزت راسها وقالت:انا بخير متقلقيش
_احم شغل المحن ده خلص ولا لسه انا تعبان اوى وعايز ارتاح
_عالطول عايز ترتاح
_يلا يا لمضه ٠٠٠٠٠مالك ركب قدام مع جاسر وسمر وبتول ركبوا ورا ومشوا
في المساء✨✨
الكل كان قاعد في الجنينه وكان بيلعبوا لعبه الصراحه
_الدور عليك يا مالك
_اناااا ٠٠٠بس على فكره انا كداب ومش بقول الصراحه صح يا منال
سمر بصت لياا بعصبيه وقالت:ظريف
شيري طلعت وراحت عندهم وكانت لابسه شورت جينز وتيشيرت مبين نصف بطنها
_انتوا بتلعبوا لعبه الصراحه ومن غيري
بتول:تعالى يا شيري اقعدي
شيري قعدت وزينه كانت بتبص عليها بقر’ف بسبب لبسها القب’يح
_يلا يا بتول اسالى مالك
_لا يا زينه انا بفضل سمر تسال مالك
سمر بارتباك:اناااا ٠٠٠٠٠مالك بص ليها وغمز
_يلا يا سمر
_بس انا مش عايزه اسألوا
_يلا يا سمر !!
سمر بارتباك:انت ليه كل حياتك بنات
الكل قعد يضحك ومالك بص ليها وضغط على سنانه وكان متعصب اوى
_ساكت ليه يا مالك الاجابه يلا
_ومين قال كده يا منال انتى البنت الوحيده والاخيره في حياتى
سمر انكسفت اوى ومالك كان قاصد يقول كده عشان يحرجها زي ما حرجتوا
بتول لفت الازازه وجت على زينه وشيري
_يلا يا شيري اسالى زينه
شيري بصت لزينه وقالت:اللعبه ده اسمها الصراحه يا زينه يعنى تقولى الحقيقه
_طبعااا يا شيري
_كام واحد كان في حياتك لاني عرفت أنك كنتى ماشيه مع شباب كتير اوى
زينه بصت ليها وقالت:مفيش حد في حياتى يا شيري
_متاكده
_ايوه طبعااااا
_بس انا مش متاكده
فهد بعصبية:خلاص يا شيري ما قالتلك مفيش حد ٠٠٠فهد كمل بعصبية: انا رايح انام عن اذنكم
شيري: فهد ٠٠٠٠فهد
زينه بصت لشيري بابتسامه تقصد فيها أن فهد مش بيسمح لحد ابدااا باها’نتى
_اي ده بقاا اللعبه كده باظت انا رايحه كمان انام عشان عندي جامعه سلام
زينه قامت وبصت لشيري وقالت:تصبحي على خير ٠٠وخدت بعضها وطلعت هي ايضااا
الكل طلع وشيري فضلت واقفه مكانها وقالت:بكر’هك يا زينه بكر’هك شكلك مش هتمشي الا بالعين الحمره
في غرفه فهد ✨
زينه دخلت ولقت فهد نايم
_فهد ٠٠٠
_اممم
_انت كويس ؟!
_اه يا زينه ممكن لو سمحتى تسبينى انااام
_تصبح على الخير
_وانتى من أهله ٠٠٠٠بعد شويه تليفون فهد رن
_فهد
_زينه والله عايزه انام
_تليفونك بيرن
فهد قام وفتح التليفون
_فهد انا حجزت التذاكر وان شاء الله الطائره هتقلع بكره الساعه ١٠:٣٠
_تمااام
_اوعك تنسي الملفات
_خلاص يا حسام انا عايز انام
_سلام
فهد قفل التليفون وقال:زينه لو تكرمتى ممكن تجهزي الشنط
_تمااام ٠٠٠٠٠
زينه قامت وجابت شنط وبدأت تحط الهدوم فيها
فهد بص عليها وابتسم وناام
في صباح اليوم التالى✨✨
_صباح الخير
_صباح النور
_امال فين شيري يا ماما
_طلعت من شويه
_متعرفيش راحت فين
_قالت انها رايحها المول اللى جنب السوبر ماركت بتاع جابر
فهد طلع التليفون ورن على حسام
_انا طالع اهو
_بقولك انا هاخد زينه على المطار وانت تروح لشيري هتلاقيها في المول اللى جنب السوبر ماركت بتاع جابر
_خلاص تمام
_يلا يا ماما عايزه حاجه
_خد بالك من نفسك
فهد حضنه أمه وقال:فين مالك وبتول ؟؟
_مالك راح المدرسه وبتول راحت الجامعه
_تمااام
زينه نزلت ومكنتش قادره تحمل الشنط
فهد راح ليها عالطول وخد منها الشنط وطلع
زينب راحت لزينه وحضنتها وقالت:خدي بالك من نفسك
_حاااضر ٠٠٠٠
_يلا يا زينه !!
_حاااضر ٠٠٠سلام يا ماما
_سلام
بالفعل زينه طلعت وركبت العربيه ومشوااا
في المول
_لو سمحت استعجل
_في اي يا انسه
_الحسااب
_دقيقه لو سمحتى
شيري كانت متنرفزه اوى وقالت:كده ممكن فهد يمشي
بعد شويه حسام وصل وقال: يلااا
_امال فين فهد
_فهد خد زينه وهينتظرونا في المطار
_الحساب يا انسه ***
شيري دفعت الحساب وطلعت مع حسام وركبوا العربيه متجهين الى المطار
في المطار✨
زينه وفهد وصلوا
_انت معاك التذاكر
_ايوه اخدت الأربع تذاكر من حسام النهارده
_طب كويس
فهد خلص كل إجراءات السفر
وقعد هو وزينه على الكراسي
في الطريق ✨
عربيه حسام وقفت
_في اي
_مش عارف ٠٠٠حسام نزل وقال:اوبس العربيه خلصت بنزين
شيري نزلت وقالت:في اي
_العربيه خلصت بنزين
شيري بعصبية:يعنى اي احنا لازم نوصل والا الطايره هتقلع
_احنا بالنهار واكيدا هنلاقي عربيه
شيري اتعصبت اوى وقالت في سرها:معقول زينه وفهد يسفروا لوحدهم لا لا اكيداا هنلاحق
في المطار✨
_علي المسافرون الى الامارات الاتجاه نحو الطائره ٠٠٠٠على المسافرون إلى الإمارات الاتجاه نحو الطائرة ٠٠٠
_فين حسام وشيري لحد دلوقتى
_طب هنعمل اي
فهد مسك ايد زينه وقال:لازم نركب الطايره قبل ما تقلع
بالفعل زينه وفهد ركبوا الطايره والطايره بالفعل أقلعت
بعد مرور اكتر من نصف ساعه حسام وشيري وصلوا
_لو سمحتى الطائره اللى رايحها الامارات هتقلع امتى
_الطايره طلعت من زمان يا استاذ
_😳😳٠٠٠٠شيري فاقت من الصدمه وقالت:انت السبب
_طب الطايره التانيه امتى ؟؟
_ده كانت اخر طايره يا استاذ والطيران للاسف وقف
_وقف ليه
_بسبب إصابات كورونا الطيران وقف
_يعنى الطيران وقف دلوقتى
_معرفش حضرتك القرار نزل حالا
شيري اتعصبت اوى وقالت:ازاى يحصل كده وبدأت تكسر في كل حاجه
_😳😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية طفلة الفهد)