رواية ورده في المزبله 3 الفصل الرابع 4 بقلم منه محمد
رواية ورده في المزبله 3 الفصل الرابع 4 بقلم منه محمد
رواية ورده في المزبله 3 البارت الرابع
رواية ورده في المزبله 3 الجزء الرابع
رواية ورده في المزبله 3 الحلقة الرابعة
البارت ٥٩
الجزء الثالث
ورده في مزبله
فاتت الشهور على ريم بتعب من الدراسه
وامها زادت عليها الحصار وقت الامتحانات وتجيب كل حاجه لغرفتها
ووفرت لها كل اساليب الراحه حتى ما يتعكرش مزاجها ومنعت فارس يقرب من غرفتها عشان ما يشغلها عن الدراسه
كانت ريم حاسه بالضجر احيانا من الدراسه والملل بس دايما امها تفكرها بمستقبلها
وتحمسها للدراسه واخيرا عدت الايام على خير
وريم حاليا منتظره نتيجه الثانويه العامه
…………………قصص منه محمد……
ريم واقفه عند الباب وتستعجل امها : يالا يا ماما
طلعت ساره وبصتلها : ليه مستعجله ؟؟متغلبيش نفسك معاي زي كل مره
ريم مسكت ايد امها : ما اقدرش لازم اروح عند الدكتوره واطمن على اختي بنفسي
ابتسمت ساره على حماس ريم : يمكن يكون ولد
ريم : لا ان شاء الله بنوته حلوه شبهي هههههه
ابتسمت ساره : يا غرورك
………….
في العياده الخاصه
بعدها راحوا للدكتوره الخاصه وبعد الكشف نصحتها تروح للمستشفى كونها بشهرها الاخير والخلاص سابق الجنين
ريم بقلق : حالا نروح للمستشفى عشان نطمن على الجنين
ساره هزت راسها وهي حاطه ايدها على بطنها
راحوا للمستشفى وريم تدعي ان ربنا يقوم امهاوالجنين بالسلامه
دخلوا المستشفى وريم ماسكه ايد امها
كانت اطول من امها فستانها واسع شوي مش زيي بنات خالها وامها لباسها على الموضه بعكس ريم اللي لبسها كان محتشم اكتر من امها
دخلت امها للفحص بعد اجراءات الدخول
وقررت الدكتوره يخلوا ساره تحت الملاحظه
قعدت عند امها وماسكه بايدها : ماما فيكي حاجه بتوجعك ؟؟
ساره ابتسمت : لا مفيش حاجه بتوجعني اطمني حبيبتي
ريم بتلف حواليها تتفرج علي الغرفه: امتى يجي اليوم الي اكون فيه دكتوره هنا؟؟؟
ساره : قريب ان شاء تطلع النتيجه وتدخلي طب
بس زيي ما قلت لك انتبهي حد يعرف انك بتدرسي
طب حتى بنات خالك وخالاتك وجدتك ولا حد يعرف
بيني وبينك واي حد يسأل هنقولو انك بتدريسي كيمياء(كليه علوم) انا هدبرلك كل حاجه حتى الخدم مش عاوزه حد منهم يعرف نوع دراستك
ريم عقدت حواجبها باستغراب من طلب امها : ولا جوري؟؟؟!!!
ساره بحزم : ولا جوري ده سر بيني وبينك
كانت ريم نفسها تستفسر عن السبب بس قاطعها
دخول الجده وغاده سلموا على ساره …وقعدوا يحكوا عن الولاده وكل واحده
تقول الي حصل معها لما ولدت …وريم فاتحه ودنها متلذذه تسمع بعد وقت
غاده انتبهت على وجود ريم : ريم تعرفي تشتري لي عصير من الكفتيريا
وقفت ريم وعرفت انها طرده : عاوزين حاجه تانيه ؟؟
غاده : لا بس عصير
ساره بخوف : لا يمكن ريم ما تعرفش تروح لوحدها
غاده : انت بتخافي عليها زياده خلي البنت تعتمد على نفسها
ريم : اعرف اروح ما تخافيش يا ماما
ساره بحرص : ريم انتبهي وما تتأخريش
بعد ما طلعت ريم
غاده : مش منتبه لسه صغيره وتسمع الكلام ده ولاده ونيله
وسيله : وانا ما انتبهتش كمان
ورجعوا يكملوا علي الولاده ..
**************************
طلعت من الغرفه وهي بتتريق علي خالتها غاده
ريم بمسخره في سرها: فيها ايه لو خلوها قاعده وتتثقف مدت بوزها
و نزلت وهي ماشيه بخطوات هاديه ومتزنه ….لفت نظرها الصيدليه افتكرت قصتها ……….وان مصطفي كان صيدلاني بيشتغل هنا
قربت من الصيدليه وبصت للي قاعد جواها كان راجل بالاربعين من عمره
بعدت عن الصيدليه وضربت جبينها وكأنها بالحركه دي بتصحي نفسها من غبائها لان مصطفي مجرد شخصيه ذكرتها بقصتها وملوش وجود
كانت حاسه بالاحراج من نظرات الراجل ليها
لوكانت متنحتش كان حمت نفسها من نظراتهم وقالت عادي بقي هيقولوا عيله صغيره…اشترت عصير لخالتها وجدتها ورجعت
دخلت المستشفى وجاي ناحيه غرفة امها لفت نظرها طلاب تحت التدريب بالطب
طار قلبها امتى تبقي زيهم وتيجي تتدرب امتى وتبقي دكتوره وتفتح عياده خاصه ليها و…
قطع حبل طموحاتها صوت نادى بإسمها : ريم
لفت وراها ووقفت وبصتلو وهو قرب بخطواته منها
وقف عندها وبصلها بتحقيق : كنت فين؟؟
بصت ريم ل احمد من صغرها بيصلها كأنها خاطفه اكله وقليل لما تشوفه حتى كلامها معاه شبه معدوم وجاي دلوقت يحقق معها وكأنه ولي امرها
اضايقت من سؤاله مش بتحب حد يدخل بخروجها ودخولها
الا امها وبهدوء جاوبت : ماما رقم اوضتها…
احمد رفع حاجب وعرف انها مش عجبها سؤاله وطنشته بصلها ببرود وسبقها رايح لغرفه ساره بخطوات سريعه ومقهور من تطنيشها لسؤاله
مشت ريم وراه بخطوات هاديه
دخلت الغرفه وراه وكان قاعد جنب جدتها
وبصلها اول ما دخلت وكأنها نظرات ناريه
طنشت نظراته وقالت السلام بهدوء : السلام عليكم
غاده وقفت وهي تبتسم : اهلا بالحامل والمحمول واخدت منها الكيس
احمد بص ل ريم نظره وكأنه بيقول لها لو جاوبتي كان هينقصك ايه
طنشت نظراته وقعدت عند خالتها غاده تشرب عصير في منتهي البرود
احمد بهدوء : يعني احتمال تولد النهارده؟؟
ساره وهي قافله ملامحها من الالم : احتمال كبير لانه بقي يجيني طلق خفيف كل شوي
احمد بملامح جامده : على خير ان شاء الله
ساره كانت حاسه بالتوتر عارفه جوزها مش بيطيق يشوف ريم بس ما باليد حيله
مستحيل تبعد ريم عنها
طنشت نظراته ليها وانسمجت مع اخواتها بالكلام
ريم بابتسامة ناعمه : ماما انا هنام معاك الليله
قاطعها احمد بحزم وبصلها : مالوش لزوم
ريم طنشته وكلمت امها : ها ايه رايك ؟؟
ساره بتوتر مش عارفه ترد تقول ايه وخاصه بعد نظرات احمد بتهديد بلعت ريقها وقبل ما ترد حست بوجع جامد صرخت بصوت عالي
اتلموا حواليها بهلع وخوف
ساره وهي تعض على ايدها من الوجع وحاطه ايدها التانيه جنب وسطها
وتهز راسها بوجع
رفعت راسها وهي تضغط على شفتها وتهز راسها
وسيله بخوف : راحت الطلقه ؟؟
بعد دقايق رفعت راسها ساره بألم وهزت راسها راحت
وسيله وقفت : اذا رجعت لك بعد خمس دقايق تقريبا بنفس الوجع وكان حامي معناته قربت موعد ولادتك
ول غاده : نادي واحده من الممرضات خليهم يكشفوا عليها
هزت غاده راسها وطلعت
ساره وهي بتحاول تاخد النفس بصعوبه بصت ل
ريم اللي بص ل امها بخوف ودموعها على وشك النزول
ساره بصت ل امها بعد ما اخدت النفس : ماما ريم
ورجعت عضت على شفتها من وجع الطلق
وسيله بصت علي ريم اللي على وشك البكاء والخوف باين عليها : تعالي يا ريم برا نستني دلوقت الدكتوره تيجي وتكشف عليها
كانت ريم عاوزه ترفض بس خضعت للامر الواقع
لما شافت الدكتوره دخلت وطلبت منهم يطلعوا
طلعت مع جدتها وهي خايفه على امها
بعد ما اتحسنت علاقتهم خايفه تفقدها
هزت راسها بالرفض مش عاوزه تفقد امها
غاده حطت ايدها على كتف ريم وابتسمت : متخافيش حبيبتي ده يسموه الطلق يعني شيء طبيعي كل ام تمر بالمرحله الصعبه دي فملوش داعي الخوف
مسحت ريم دموعها وقلبها يتقطع وهي تسمع صرخات امها
ريم في سرها……..ماما تعبت لما ولدتني كدا ..مهما ماما غلطت او قصرت بحقي كله ما ينقاس جنب تعب الولاده يا رب سامحني لاني كتبت عن ماما فالقصه انها شريره
يا رب اغفر لي حتى لو ضربتني وعاملتني بالسوء تبقى امي اللي داقت المر عشان اطلع للدنيا ..يا رب تقوم امي بالسلامه يا رب احفظها
يا رب احفظها
يا رب احفظها
يا رب احفظها
نفخت بضيق وهي على اعصابها ….افتكرت الصلاه وقررت تروح تصلي وتدعي لامها بالصلاه لعل الله يستجيب لها وتقوم امها بالسلامة عدلت طرحتها ومشيت كم خطوه قاطعها احمد ….
بحزم : علي فين ؟؟؟
ولا التفتت له وطنشته وهي ماشيه بثقه رايحه للمصلي
شد احمد على ايده بغل منها ومن غرورها نفس اهل ابوها فالغرور شايفين حالهم ويكلموا الناس بتعالي ومن فوق
زاد شد على ايده وهو يتوعد اذا ماكسرش مناخيرها
بعدها التفت لغاده اللي بلغتو انهم خلاص هيولدوها
*******************
شافت ممرضتين واقفين مع بعض قربت منهم
ريم بهدوء وسألتهم عن مكان المصلي
جاوبوها وهما يتأملوا شكلها بدقه بعد ما راحت ريم
الممرضة الاولى باستغراب : تشبه الدكتور نادر سبحان الله يخلق من الشبه اربعين
يمكن تقربلو بس لون العيون يختلف
الممرضة التانيه : شوفي الدكتور نادر واقف هناك اهوه
الممرضه الاولى وهي تبص علي د. نادر : اذا كانت تقربلو اكيد هيقف معها
كانوا الممرضتين يشاهدوا الموقف بانسجام ودقه
****************
عدي نادر من جنب ريم الي كانت ملخومه بشاحن الموبيل ونادر وكان مشغول بأوراق في ايده ولا انتبه لحد
الممرضة التانيه : ما تقربلوش لو كانت تقربلو كانت وقفت معاه بس سبحان الله تشبه الدكتور كتير
الممرضة الاولى : خلينا نرجع للشغل قبل ما يشوفنا د. نادر ويعمل لنا موشح
هزت الممرضه التانيه راسها
*********************
بعد ما خلصت ريم صلاه قعدت تستغفر وتدعي لامها تقوم بالسلامه
اتحركت من مكان الصلاه باتجاه الجدار وسنتدت ضهرها علي الجدار مبقاش حد غيرها في المصلي بعدر مرور من الوقت وشافت موبيلها اتشحن تمام
سحبته من الشاحن ورجعت الشاحن لشنطتها وقفت وعدلت طرحتها وطلعت برا المصلى كانت ماشيه وهي بتفكر بأمها ياتري حصل معها ايه ما تخيلتش فيوم ان الولاده بالصعوبه والتعب ده بعد ما شافت تعب امها مستحيل تتجوز وتحمل
مشعارفه ازاي يتحملوا الحريم الوجع البشع ده ويرجعوا يخلفوا مره تانيه
فين عقلهم ؟؟؟؟!!!
وصلت وشافت جدتها قاعده بالانتظار مع خالتها وبالجهة التانيه احمد التوتر واضح عليه
قربت من جدتها وسألتها : ايه الي حصل مع ماما ؟؟
وسيله رفعت راسها وبصت ل ريم ونفخت بضيق : دخلوها غرفه الولاده ودلوقت ما فيش اي خبر عنها
هزت ريم راسها وقعدت جنب غاده بهدوء وهي تدعي بقلبها لامها تقوم بالسلامه
بعد وقت قرب منهم احمد : ايه رايكم ترجعوا للبيت ولما تولد
قاطعته وسيله : لا عاوزه اتطمن عليها وبعدها نبقي نرجع
هز راسه : طيب اجيب لكم
قاطعته وسيله : والله مالنا نفس ما تغلبش نفسك
احمد : بس
قاطعته غاده : ما حدش له نفس بالاكل بعد ما تطلع ساره ونطمن عليها متقلقش هنروح عالمطعم على حسابك
ابتسم احمد : على حسابكم بس تقوم بالسلامه
وبعدها رجع مكانه
وكانت الاتصالات شغاله يتصلوا يطمنوا على ساره
رن موبيل ريم ردت بهدوء : ايوه يا شوق
قاطعها صوت طفولي : انجري تعالي عالبيت وانا اجي مكانك ليه انت عند ماما وانا لا ….متعرفيش انا راجل البيت ولازم اكون جنبها دلوقت
ريم ومش فاضيه لثرثرته نفخت بضيق : تعال مين منعك ؟؟!!
فارس صرخ وشوي يبكي : بابا رفض يخليني اجي يالا خدي ديلك في سنانك وراجعي على البيت
ريم بهدوء : خلصت ثرثرتك ؟؟
فارس زعق : ايوه خلصت وارجعي
ما كملش الكلمه الا ريم قفلت في وشه الخط
رجعت الموبيل لشنطتها بعد ما حطته صامت قلقانه ليه اتأخروا كدا
ريم لغاده : مش كأنهم اتأخروا ؟؟؟
ابتسمت غاده : لا ما تأخروش الولاده بتاخد وقت طويل
حست نفسها اتطمنت شوي يعني تأخير امها وضع طبيعي
اذن العصر وهما مستنين
وكل شوي تقول لهم الممرضة لسه شويه
كرهت ريم الكلمه وقفت بضجر بعد ما سمعت اذان العصر
الجده : علي فين ؟؟
ريم من غير نفس : مش هتأخر اصلي العصر وارجع
هزت راسها وولجدتها : تروحي تصلي العصر ؟؟
وسيله : روحي وبعدين ألحقك
هزت ريم راسها بهدوء وسابت المكان
دخلت المصلى تصلي وتدعي لامها من كل قلبها انه يقومها بالسلامه
طلعت من المصلى وهي تستغفر راحت عند جدتها وخالتها
وشافت ملامح الفرحه باينه جريت بسرعة : ايه الي حصل ؟؟؟
وسيله بدموع فرح : الحمد لله جابت بنوته
من الفرحه ما عرفتش ريم تعبر عن فرحتها الا اللهم لك الحمد والشكر
وبصت ل جدتها بفرحه : هي فين ؟؟؟
غاده : بعد ربع ساعه ندخل عندها
وبعد دقائق وصل سالم وعياله وحريمهم
وبعد ما سمحوا لهم بالدخول
دخلت ريم ونفسها تنط من الفرحه قربت
من امها بابتسامة : حمد لله على سلامتك يا عسسسل
ساره بصوت هامس متعب واثار التعب على ملامحها : الله يسلمك
قرب الجميع وسلم عليها وبارك لها
وريم كل شوي تسأل عن البنوته
دخلت الممرضه ومعها البيبي فالسرير
ريم بفرحه:تجنننننننن وبصت لامها عادي اقرصها؟؟؟
ساره ابتسمت وما ردتش
وسيله بعدت ريم عن البنت : ابعدي دي لساها لحمها طري مفكرها فارس
ريم بعدت جدتها : طيب عاوزه اشلها
وبعد محاولات وافقت الجده
شالتها ريم بحضنها وناويه تاكلها كل حاجه فيها صغيره
وسيله بخوف : ريم حطي البنت بسريرها لتقع منك
ريم بعند: لع دي اختي خليني اشبع منها
وسيله بصت ل ساره بخوف خايفه البنت توقع
وخايفه يدخل احمد ويشوف ريم شايله البنت ويعمل مشكله : شوفي بنتك ريم البنت توقع منها
ريم عقدت حواجبها : ياتيته مش هتقع
ورجعت تضحك وتناغي لها
غاده قربت من ريم : هاتي اشلها شوي
ريم بعدت عنها : لا لا لتوقعيها
غاده فتحت عيونها على وسعهم : فعلا عيله انا اوقعها وعندي عيال طولي هاتي بقولك وبلاش عبط
ريم بعند وسعادتها ما تتوصفش وهي شايله البيبي : لا
وبصت ل امها بضجر : ماما شوفيهم عاوزين ياخدوا اختي مني
ابتسمت ساره لها ووبصت ل غاده وامها وشاورت لهم يسبوها معها
ابتسمت ريم بنصر وهي تمسح على شعر اختها بحنيه
بعدها بشوي فضلت تبكي البنوته
بصتلهم ريم بمعني تقفل صفرات الانذار دي من انهي زرار
قربت منها غاده : هاتي ياعيله ايشعرفك انت البنت عاوزه ترضع
اخدتها غاده وريم تقول لها بشويش خايفه عليها
وغاده انفجرت من ريم تتعامل معها كأنها ما تعرفش حاجه في تربيه العيال
قعدت ريم تبص ل امها وهي ترضع اختها وتحس بالعطف على اختها مخلوق صغير ما يعرفش شيء عن الدنيا ما يعرفش همومها وجروحها
قاطع تأملها الجده : ريم يلاعلشان ترجعي مع خالك
ريم باعتراض : لا انا مرافقه مع ماما
الجده نفخت بضيق لان احمد طلب منها ترجعها على البيت مش عاوز يشوفها واضطرت الجده تطلب منها ترجع مش عاوزه تعمل مشاكل
لساره لانها عارفه احمد يعمل لساره مشاكل اذا شاف ريم : يا صبر ايوب يا بنت بلاش تعاندي وامشي قدامي
غاده مسكت ايد ريم : فين المصلى ؟؟
ريم باستغراب وكانت عاوزه توصفه لها بس غاده مسكت ايدها : تعالي معاي مش عاوزه اسأل حد
وما خلتش لريم فرصه سحبتها وطلعوا من المكان
وقفت غاده بمكان منعزل شوي
بعدها اخدت نفس بهدوء : ريم بصيلي
بصتلها ريم باستغراب من تصرفاتها
غاده بهدوء : ريم انت كبيره وعاقله وتعرفي الصح من الغلط تحبي تجيبي لامك مشاكل ؟؟؟
ريم رفعت حاجب واتكتفت : اكيد لا
غاده محتاره مش عارفه توصل لها : خلاص ارجعي على البيت وبلاش تعاندي
سكتت ريم : احمد هو السبب صح ؟؟
غاده ما ردتش بس اكتفت تبص ل ملامح ريم
ريم تحثها على الكلام : احمد هو السبب ؟؟؟
غاده بهدوء : ايوه احمد امك مسكينه مالهاش علاقة بس هو تفكيره متخلف اذا شافك يعمل لها مشاكل ونكد الغيره مموتاه فإختصري المشاكل
وارجعي عالبيت ربنا يسعدك
ريم ببرود وهزت كتفها : مشكلته مش بيطيق يشوفني لما تبقي المستشفي متسجله بإسمه وقتها ارجع وما اخلهوش يشوفني
وسابتها ورجعت ومشت بخطوات واثقه دخلت عند امها وابتسمت لما شافت احمد موجود قعدت قريب من امها كيد في احمد
وسيله مش عاوزه مشاكل : يالايا ريم خالك مستني
ريم بخبث بصت ل امها : سامحيني يا ماما لاني مش هرد عليكي وارجع وهبقي عندك ومش هرجع الا معاك
سكتت ساره باستغراب هي ما طلبتش من ريم ترجع للبيت
وسيله تجاريها : يا ريم امك طلبت منك ترجعي خلاص ارجعي واسمعي الكلام
ريم بعند وهي تشوف احمد يبصلها وكأنها قاعده على قلبه : والله والله والله ما انا راجعه (وبدلع) هنام عند ماما
وسيله : اتأخرت على اخواتك وخليها عندك وطلعت
ريم ابتسمت بنصر ولنفسها مش هسمح لاحمد يفرض رأيه عليا ويدخل بشؤوني واذا مش بيطيقني دي مشكلته مش كفايه انه بوجوده حرمني ازور امي
وكمان هنا يمنعني ضربه على بوزه
وقف احمد وعلامات الضيق على ملامحه : عاوزه حاجه مني يا ام فارس ؟؟
ساره بتوتر : سلامتك
وطلع
ريم ابتسمت : تعبانه ؟؟
ساره بهدوء : شوي انتبهي على اختك عاوزه انام هلكت النهارده
هزت ريم راسها وساعدت امها وغطتها
وراحت لاختها النايمه تمسح على شعرها برفق
################
تفتكروا احمد هيعمل ايه انتقام من ريم ومعاندتها ومن هنا تبدأ مزبله جديده تعالو نكمل
الساعه ٦ باليل دخلوا بنات خالها وعملوا
ضجه بالغرفه وسلموا على ساره
ريم بعصبية : هوسسسسسسسسس البنت نايمه يا زفته انت وهي
شوق بصوت عالي تضحك : ههههه شكلك يا ريم شبه ام العيال هههههه
ريم بابتسامة : واحلى ام لاختي حبيبتي
ساره : يا ريم روحي مع بنات خالك اتعشي وارجعي ومتتأخريش
ريم : قلت لك يا ماما ماليش نفس شوفتك انت واختي نستني الاكل
حست ساره بالسعاده تغمرها ان ريم مهتمه
بيها جدا : دلوقت لما تشوفي الاكل هتنسينا يالا روحي
هزت راسها وطلعت مع بنات خالها
كانوا ماشين وصوتهم طالع وضحكهم نزلوا للكفتريا،اشتروا عشاء وقرروا يقعدوا في جنينه المستشفى كانت قعدتهم كلها ضحك
شروق بضحك : هههههه لو تشوفي اخوك فارس عمل ايه بعد ما قفلتي الموبيل
شوق ضربت شروق بعنف : اضحكي طبعا انتي خسرانه حاجه
منار وهي بتضحك : ضرب الموبيل في الجدار واتكسر وطارت كل حته في ناحيه ههههههه
ريم ضحكت على شكل شوق المعصبه : ههههههه
شروق : لا والانكت بعد ما كسره حس بالندم وقالها خلاص يوم كتب الكتاب هشتريلك موبيل جديد هههههههه هههههههههه
اسماء تكمل : مسكين ما شافش الا القلم على اخده علي خلقته من شوق
سكتت ريم وبصت ل شوق بصدمه : ضربتيه ؟؟
شوق نفخت بضيق : قهرني كسر موبيلي
ريم عارفه ان فارس غلطان بس في نفس الوقت زعلت ان حد ضربه وبان الضيق على ملامحها
منار حركت ايدها قدام ريم : سلامات الظاهر انك اضايقتي علي سيد فارس
وقفت ريم بهدوء : اتأخرنا على ماما
شوق وقفت ومسكت ايدها : زعلتي ؟؟
ريم بدون اهتمام لسؤالها بصت ل البنات : اتحركوا
منار وقفت بابتسامة خبث : بنات ايه رايكم نعمل جوله في المستشفى (وغمزت للبنات
ريم بنص عين : قصدك ترقمي ؟؟
شروق وعجبتها الفكره : يمكن تلاقي دكتور ويخطبك
ريم قربت منها وضربتها على راسها : يخطبك قرد امشي قدامي بقول
مشوا جوه المستشفي والبنات يدلعوا والعيون عليهم تغلبها نظرات الاحتقار في نظر الاغلب البنت جمالها بأدبها واخلاقها والاهم الحياء
بالرغم ان ريم ما ضحكتش بصوت عالي او اتكلمت بغنج زي البنات الا نظره الناس ليها انها زيهم ومن صنف بنات خالها والا ماكانتش مشيت معاهم
وصلوا لغرفه ساره
ريم بابتسامة اول ما دخلت راحت لاختها وبلهفه : صحيت ؟؟
ساره ابتسمت على لهفتها : صحيت ورجعت نامت
ريم وتسمح على شعرها : تجنن ربنا يحميها
شوق فوق راسها : على فكره اختك احلى منك يا ريم
شروق : اه صح وانت صغيره كنتي سوده مش حلوه بس لما كبرتي اتغيرتي وبقيتي موزه
ريم : ماما مين احلى ؟؟
محمد كان واقف عند الباب وسمعهم وبهدوء
وبصلهم : اكيد ريم
ريم بصت باستغراب لخالها
محمد وهو يتذكر شكل ريم وخاصه يوم مارجعها
لنادر ورجع بص للبنات : ميغركمش كانت ريم وهي صغيره كانت تجنن بس (سكت وماكملش
ووقال بعجله : اتأخرت عندي معاد قدامي علي العربيه
ما قدروش البنات يعترضوا قدام محمد وبدون مناقشة طلعوا وهو طلع وراهم بعد ما استأذن
ريم كانت عاوزه تسألها عن طفولتها وعن حاجات كتيره بس في نفس الوقت مش عاوزه تفتح دفتر الماضي
بصت ل امها تغير الموضوع :ها ناوين تسموها ايه
ساره بهدوء : مش عارفين لدلوقت محتارين
ريم وهي تبوس اختها : ربنا يحفظها الله اومال فين فارس
ساره : عند جدتك زعلان مش عاوز يجي
ريم بهدوء : بكره تطلعي وان شاء الله تشوفيه وتراضيه
هزت ساره راسها وهي بتكلم ريم نامت
بدون انذار من التعب
***************
رجعت ساره للبيت وفارس عمل لهم فرح ليه مااخدهوش واخدوا ريم
كانت ريم زيارتها لامها قليله وتختار الاوقات اللي احمد ما يكونش موجود بعد ما سافر احمد رجعت ريم لبيت امها وخناقات بينها وبين فارس مين يشيل ديما اختهم الصغيره
*****************
قاعده قدام اللاب وعلى اعصابها ومنتظره النتيجه
وساره جنبها تفرك ايدها بتوتر … انحرقت اعصابهم بانتظار النتيجه بعد وقت نزلت النتائج وكانت ريم من الاوائل ….اول ما طلعت النتيجه بسرعه سجدت سجود شكر لله وحضنت امها بفرح مش قادره تصدق
اول خطوه لتحقيق حلمها اجتازته ساره حضنتها وتبكي من الفرحه مش مصدقه ان بنتها كبرت وخلصت الثانويه وبمجموع ممتاز
بعدت ريم عن حضن امها وغمازتها بان من الابتسامه : الحمد لله
ساره بفرح : النهارده نجهز ونعمل لك حفله ولا حد عمل زيها
ريم افتكرت انها عاهدت ربها اذا طلعت من الاوائل
ما تعملش حفله لانها عارفه حفله اهل امها
كلها اغاني ومنكرات وبهدوء : لا يا ماما مش عاوزه حفله
ساره عقدت حواجبها : ازاي يعني ما نعملكيش حفله ؟؟
قاطعهم صوت احمد الحازم اللي كان واقف عند
الباب ومتكي عند الباب ومكتف ايده ووجه كلامه لساره : قالت لك مش عاوزه حفله ولا لازم تحتفلي ببنتـ…
سكت وما كملش وعطاها نظره قويه وطلع
ساره بلعت ريقها وبصت ل ريم بابتسامة ومن جواها قلبها بيرقص من الخوف : براحتك
ريم حست بتوتر امها وخوفها نفخت مش حابه تجيب مشاكل لامها : يالا انا راجعه عند بنات خالي عاوزه حاجه ؟؟؟
ساره نفسها تقول لها خليك شوي اقعدي بس ما قدرتش خافت احمد يسمعها
ايه هيفكها منه واتنهدت بضيق وبتردد : سلامتك
……………………
كانت رايحه لبيت جدها بهدوء بخطوات واثقه
سمعت صوت كريه يناديها طنشته وكملت خطواتها
أسر بقهر : عاوز اباركلك انك نجحتي في الامتحانات ولو انك ماتستهليش
ريم كانت ماشيه ولا كأن حد بيكلمها
أسر وهو ماشي وراها : ايوه كدا خليك شاطره لاني عاوز خطيبتي تكون من الاوائل مع ان مايشرفنيش اخطب بنت نادر بس معلش هعصر علي نفسي شوالين ليمون واتنازل واخطبك وبثقه اهم شيء ماتزعليش ولا تضيقي روحك قريب هخطبك ياحبعمري
كملت ريم مشي ولا كأن حد بيكلمها وفي سرها…روح الهي تتجوز حدايه مبتخلفش كتاكيت
أسر وقف وضرب الحيط بكف ايده من تطنيشها : ماشي يابنت نادر السئيل وقسما بالله لأطلع تطنيشك ليا من عيونك وابتسم انا عارف انها ميته عليا بس بتكابر
وهز راسه وهو يتوعد لها
دخلت ريم بيت جدها وقبلوها البنات بالزغاريد ويباركوا لها رجع لها شعور الفرحه من جديد حست انها تعبت وحصلت على غايتها
مع انها ما زالت في بدايه الطريق
قعدت بعد التهاني والمباركه مع البنات وجدتها وجدها
شوق : ها ناويه تدرسي ايه ؟؟؟
ريم بابتسامة: اقدم واشوف هيطلعلي ايه
منار باندفاع : اكيد طب
ريم مثلت القرفه : يعع انا ناقصني قرف
اسماء باستغراب : يعني مش هتدرسي طب ؟؟؟ ليه خساره كنا ناويين نزورك فالجامعه ونرافقك بالتطبيق (وغمزت للبنات )
بصت ريم علي البنات بمعنى قليله الادب
منار ضحكت وبصت علي اسماء : فكره حلوه نرافقك فالجامعه كمان وبرجا يا ريم يا ريم ادرسي طب انشا الله يخليك
ريم بابتسامة : شدي حيلك وادرسي طب انتي
وحركت حواجبها بتريقه تضحك
منار مدت بوزها : انت عارفه مفيش منا فايده ولا بننجح غير بالواسطه
وسيله بغضب : وليه تنجحي بالواسطه نقصاك ايد ولا رجل؟؟؟
وسيله (بنظره قويه): طبعا اذا ذاكرتي مين اللي هيقعد قدام المرايا مين الي هيلف في المولات
شروق بضجر : يعني المواد صعبه مش بنقدر نفهمها
الجد : ليه غيركم يفهمها على طول ده ملوش الا تفسير واحد انكم اغبيه وعقلكم زي حبه الرز
ريم كانت تبص للبنات وتغيظهم وهي تلعب بحواجبها
والبنات متغاظين فتح لهم الجد سالم محاضرات طويله عريضه
********************
مرت الايام وقدمت ريم طب وبعد فتره نزل التنسيق
وطلع لريم طب اي حد يسأل تقول انها بتدرس احياء
بحجه انها مش عاوزه طب
عملت ريم المقابله وكملت كل الإجراءات
ودخلت الطب بمعنويات عاليه
فالبدايه لسه متعرفتش على البنات بس مع الايام حاولت تختلط بيهم اكتر
علاقتها مع الجوري مستمره وبينهم زيارات
********************
بغرفه النوم
ساره بقهر من قراراته : قلت لك قبل كدا مش عاوزه اسافر
احمد بغضب من رفضها : ليه مش عاوزه تسافري؟؟
كل ده علشان ما تفارقيش بنت حبيب القلب وتفتكريه لما تشوفيها مش كدا
ساره بصتله بقهر من كلامه وازاي يفسر الكلام
على مزاجه : احمد بلاش تفسر الكلام على هواك
قلت لك اني بكره ابوها ومش بطيق اشوفه وماتنساش ان ريم بنتي
احمد مقهور من ريم لما يشوفها
وخصوصا لما شاف نادر قدامه وخاصه لما افتكر موقفها معاه بالمستشفى وقتها حلف لا يكسرها ويبعد ساره عنها رد بعصبية : ازايي ياهانم مفسرش الكلام وانت طول الوقت معها متفكريش عشان طول الوقت ساكت كل يوم اقول بكره يجي ابوها ياخدها بس لحد امتي هتبقي في وشي؟؟؟ قوليلي لامتي يعني؟؟؟انتي مش شايفه نفسك بالفتره الاخيره
ازيي اتعلقتي بيها وفي نظري ده ملوش غير تفسير واحد (وبصلها بحده)
ساره نفخت بضيق : مش عاوزه ابعد عن اهلي
قعد على طرف السرير وبصلها بسخريه : لا يا شيخه اظن بالماضي مش بعدتي عن اهلك بس حسب معلوماتي بعتي اهلك ولا علشان حبيب القلب تعملي المستحيل وكل حاجه تهون ويا ريته يستاهل هه
ساره دبحها بكلامه صرخت بدون وعي : خلاص كافيه لامتي هتردد الكلام ده ليه مش بتنسي حلفت لك اني مش بطيق اشوف خياله وقلتلك غلطه وندمت عليها (وبنبره ضعف) اعتقني بكلامك اللي يسم البدن
وبصتلو وهي تمسح دموعها
احمد في سره مش قادر ينسي نادر وخيانتها لاهلها
بصلها بجمود وقلبه محروق عليها عارف انه تقلها عليها بس لازم تتحمل نتيجه اغلاطها وبجمود: اولا صوتك وطيه ومش عاوزه يلعلع في وجودي ثانيا مدام ريم موجوده هيكون الحال ازفت من كدا
انا طلبت من جدها يرجعها لاهلها بس رفض مش عارف هو عاوزه منها ايه لكن قراري النهائي اني حجزت بكره تذكره ليا وليك ولعيالك خلاص هنستقر برا
ساره ردت باندفاع وتصميم :ريم معنا
احمد بصلها من كل عقله مش عارف دي غبيه ولا ايه نظامها
احمد شد على اسنانه : بقولك عاوزه ابعد عن الزفته وانت عاوزه تاخديها معاك!!!انت عقلك اكيد ضارب النهارده (وبعصبيه) كلمه مش هاتنيها جهزي نفسك بكره للسفر
ساره اتنهدت وبصتلو : واذا رفضت اسافر ؟؟؟
احمد ببرود : ورقتك توصلك وخلي بنت حبيب القلب تنفعك
وعطاها نظره ناريه وطلع من الجناح
ساره قعدت على كرسي التسريحه بعجز
ودموعها نزلت بضعف مش عارفه تعمل ايه
بين خيارين احلاهما أمر
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية ورده في المزبله 3)