رواية صدفة وخطفت قلبي الفصل الثاني عشر 12 بقلم زوزا

رواية صدفة وخطفت قلبي الفصل الثاني عشر 12 بقلم زوزا

رواية صدفة وخطفت قلبي البارت الثاني عشر

رواية صدفة وخطفت قلبي الجزء الثاني عشر

رواية صدفة وخطفت قلبي الحلقة الثانية عشر

بعد اسبوع كانت نهله بتتعامل برسميه مع عمرو وهو بردو مش بيتكلم معاها وعز بيخرج كل يوم مع كارما وقربت من عز جدا وكل شويه تتكلم معاه وانهارده يوم الفرح
نهله ف البيت بتجهز
رحمه: برضو مش هتقوليلي مين العريس
نهله: اصبري شويه خلاص كلها ساعات وهتشوفيه
رحمه: ماشي ياختي لما نشوف
نهله: ايو اسكتي… ويلا عشان اجهز نفسي عشان خطوبتي
رحمه: ونبي انتي بار”ده يلا عشان نجهز
نهله بضحك: يلا يامجنونه 😂
عند عمرو
عمرو: انا هتجنن مين ده انا لحد دلوقتي معرفش وهي فعلا هتتخطب وتروح منى
كارما: اهدى بس وكل حاجه هتتحل وهنشوف انهارده احسن حاجه انك قولت الفرح يكون بكره عشان نتصرف انهارده
عمرو: اعمل اى انا عندي امو”تها ولا تتجوز غيري
كارما: عمرو الموضوع مش بيتحل كده تمام يلا اجهز عشان نروح
عمرو: عايزني اروح خطوبتها ع غيري اكيد مجنونه
كارما: لا مش مجنونه يلا نروح وهناك هنتصرف مش احسن ما تكون هنا ومش عارف حاجه يلا وانا هروح اجهز بردو
عمرو: ماشي ياكارما
بليل ف الفرح

عمرو: انا مش عارف سمعت كلامك ازاي
كارما: يابني اسكت بقا وهنشوف حل
عمرو: ماشي هسكت
كارما: انا هشوف عز يمكن اعرف اعمل حاجه
عمرو: ياريت
ومشيت راحت عند عز
كارما: اهلا ياعز
عز: اهلا كارما زي القمر
كارما: ميرسي ده من ذوقك امال نهله هتنزل امتي
عز: خلاص خمس دقايق وتكون هنا
كارما: اممم طب هو مين العريس
عز: الكل هيعرف دلوقتي اهو نهله نازله
كارما: فين دي
عز: اهى
وبتبص وكل الحفله بتبص ع العروسه اللي نازله
عمرو بصدمه: مش ممكن هو 😳
كارما بصدمه: ازاي ده العريس
ونزلت نهله وعمرو راح عندها بعصبيه
عمرو بعصبيه: عاوزه تتجوزي اخويا ده انا امو”تك فيها انتي اى مع كل واحد شويه وكمان وصلت بيكي لحد اخويا
وانت ده انا كنت بحكيلك ازاي بحبها تروح تخطبها ده انت طلعت خا”ين و وا”طي بس انا مش هسكت انت فاهم وكان هيمشي بس وقف لما نهله اتكلمت
نهله ببرود: مش قولتلك اخوك كده قولتي لا ده اتعلم خلاص بس انا اللي كسبت هو هيفضل كده
زياد: فعلا مكنتش اتخيل الرد ده كان عندي ثقه انو يكون واثق من اخوه ع الاقل بس طلعت غلط
كارما بستغراب: هو اى اللى بيحصل انا مش فاهمه حاجه
نهله: طب كويس انك عاقله وبتفهمي مش عايز تفهم يااستاذ عمرو ولا هتمشي
عمرو: افهم اى ما كل حاجه واضحه

نهله: هي اى بقا
عمرو بعصبيه: انك واحده ر”خيصه وهو واحد خا”ين أنتو الاتنين ليقين ع بعض و
قطعته نهله لما ضر”بته بالقلم
نهله: قولتلك انك لو غلطت ف حقي تانى هتزعل منى انا مش ر”خيصه يامحترم ولا اخوك خا”ين عشان ببساطه اخوك مش العريس
عمرو بصدمه: اى طب طب ازاي نازل معاكى و و
زياد: مش يمكن انا مكان اخوها وبتنزل معايا بس لا انت مش بتفكر ولا حتا بتسال اى اللى بيحصل ولا بتثق ف اخوك لا بتحكم وخلاص وطلعت اخوك الكبير خا”ين صح يااستاذ
عمرو: انا انا اسف حقك عليا بس بس
نهله: بس اى انت مش بتثق ف حد خالص ياعمرو عايزني ارجعلك
طب هسالك سؤال لما نتجوز ودخلت لقيتني نايمه وف واحد موجود هتعمل اى
عمرو: همو”تك وامو”ته اقل حاجه
نهله بسخريه: كنت متاكده انك هتقول كده مش بيهمك تعرف انا فعلا عملت كده ولا لا مش بتسال حتا لا بتحكم ع طول حتا لو مظلومة وحد قاصد يعمل كده بتحكم بدماغك بس معندكش ثقه ف حد خالص هتفضل كده طول عمرك ياعمرو زمان سبتني ومشيت من غير ما تسمع منى مع انك فضلت معايا فتره كبيره ولما امى ماتت كنت معايا وشوفت بنفسك اني مليش حد ويوم ما ارجع كويسه و اوفق اخرج معاك وتشوفني قومت احضن واحد ع الاقل تسال مين ده تعرف لو كنت سالت حتا بعصبيه كنت هستحمل عشان متعرفش

بس لا انت مشيت ولا اكن انا اهمك ولا مهم عندك تعرف وسافرت وقفلت تلفونك وفضلت شهرين احاول اوصلك
بس اتفاجئ انك هتخطب غيري يومها قررت انك تخرج من قلبي ومش بس ع كده لا اول ما ترجع وتشوفني تغلط ف شر”في واحترامي ودي اكبر غلطه ياعمرو ومستحيل اسامحك عليها ودلوقتي برضو غلطت ف حقي تانى ومش انا لوحدي لا واخوك كمان انت اى متعرفش تثق ف حد خالص يمكن انت بتحبني بس عمرك ماكنت واثق فيا ابداا بس احب اقولك ان مفيش عريس اصلا
عمرو بصدمه: ازاي مفيش عريس
زياد: انا اللي اتفقت مع نهله تقولك انها هتتخطب الاسبوع الجاي عشان كده قبلها انا روحت عند نهله ف المكتب
فلاش باك
نهله: ادخل
زياد: ممكن ادخل
نهله: اكيد اتفضل
زياد: شكرا بصراحه انا كنت جاى اتكلم معاكي ف موضوع
نهله: عمرو صح
زياد: اه هو انا كنت عاوز بس تديه فرصه تانيه وهو عرف الحقيقه واتغير وندم
نهله: بص عمرو مش بيثق فيا وكمان غلط ف حقي وشرفي ودي حاجه انا مستحيل اسامح فيها وعمرو يمكن يكون ندم لما عرف الحقيقه بس هو هيفضل كده مش هيكون واثق فيا خالص
بس دلوقتي غلط ف حقي وجر”حني انا مش هكون عاوزة افضل مع واحد مش بيثق فيا وياريت بيسال لا ده بيتصرف من غير ما يعرف
زياد: هو اتغير فعلا ياستى أديلو فرصه واحده بصي انا هقولك تعملي اى موافقه
نهله: تمام بس انا عارفه انو هيفضل كده بس قول ونجرب عشان اثبتلك
زياد: هو اكيد هيتكلم معاكى تانى ويحاول يرجع انتى قوليله انك هتتخطبي كمان اسبوع
نهله بستغرب: وهتخطب لمين

زياد: مش هيكون ف عريس اصلا انتي هتقولي كده وفعلا بعد اسبوع هتعملي حفله اكنها خطوبه بجد بس متعرفيش حد خالص مين العريس و اى حد يسال قولي يوم الفرح هتعرف حتا اقرب النااس ليكي لازم محدش يعرف مين العريس
نهله: وبعدين
زياد: انا هكلم عز وهقوله كل حاجه عشان يساعدنا اكيد ويومها انا اللي هنزل معاكى كأني العريس وساعتها اوعدك ان عمرو هيجي يسالني اى اللى بيحصل وهيكون واثق فيكي وفيا
نهله: تمام انا موافقه بس اوعدك ان اخوك مش هيعمل كده و هيغلط تانى واكتر
زياد: وانا واثق ف اخويا
نهله: خلاص تمام نشوف مين هيكسب
زياد: اتفقنا
باااااااااااااك
زياد: وفعلا نهله اللي كسبت انا حاولت اساعدك كنت فاكر انك بتثق فيا و ع الاقل هتسال بس لا انت حكمت وخلاص من غير ما تعرف حقيقي انا مش عارف اقولك اى 🙂🌚
عمرو بحزن: انا انا اسف والله العظيم بس انا😔🥺
نهله: انت مش بتعرف تثق ف حد ياعمرو نصيحه منى تحاول تثق ف اهلك ع الاقل
عمرو بحزن: نهله حقك عليا انا عارف اني غلطت ف حقك كتير بس ارجوكي سامحيني انا مستعد اعمل اى حاجه بس تسامحيني انا غلطان واستاهل اى حاجه بس متبعديش عني انا بحبك والله العظيم بحبك من زمان اوى ارجوكي ارجوكي سامحيني 🥺😔🌚
نهله: انا……..

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية صدفة وخطفت قلبي)