رواية ورده في المزبله 3 الفصل التاسع 9 بقلم منه محمد
رواية ورده في المزبله 3 الفصل التاسع 9 بقلم منه محمد
رواية ورده في المزبله 3 البارت التاسع
رواية ورده في المزبله 3 الجزء التاسع
رواية ورده في المزبله 3 الحلقة التاسعة
البارت 64
الجزء الثالث
ورده في مزبله
منه محمد
في بيت فاضل شديد
صالحه : انا عاوزه اعرف انتم الحقد عمي قلوبكم للدرجادي
فاضل : ده مش حقد يعني ازاي عاوزاهم يتقبلوا حفيده عدوهم ولا فالاخر رايحه تتجوز شحات سُكري صاحب كوبايه بدون علمهم والله لو دي عندي كنت كسرتها تكسير
صالحه بضيق : اعتبريها زي بناتك والله انا مش عارفه ليه حاقدين كدا علي البنت اخوك سليمان مش حاقد زيك
شاكر : ومين قال لك ياحاجه ان عمي سليمان مش حاقد مستحيل عمي يعدي الحكايه كدا اكيد في هدف وراه سكوته
صالحه بصت لابنها نظرات شرسه : وانت زيهم حاقد علي البنت
شاكر : لانه بيت عمي وعيلتنا واحده يعني الحكايه الاخيره مش سهله وتنتشر بالجرايد سمعتنا بقت على كل لسان بسببها وانتي لسه بدافعي عنها !!!
فاضل : لا وفوق سواد وشها تتدلع رافضه ابن سلطان يمكن الشحات احسن من ابن عمها
شاكر : الحمد لله انها رفضت لاني مش عاوز تكون البنت دي سلفه لبنتي ابدااا
وقفت صالحه :لا انا اقوم من هنا احسن لي
…………………….
بعد العصر
حطت ايدها على قلبها واخدت نفس وهي حاسه بتوتر شاور لها نادر علشان تمشي وراه
هزت راسها ودخلت للصاله
بصت علي الموجودين مش عاوزه حد يتكلم عن تربيتها هتحاول تحترم اللي اكبر منها حتى لو كانوا خصومها لانها هتكون دكتوره محترمه راقيه بأخلاقها شجعت نفسها ودخلت وحست النظرات سلطت عليها طنشت النظرات وقربت من جدها باتزان وسلمت عليه بابتسامة بعدها قربت من جدتها ولنفسها سبحان الله
الناس تكبر تعقل وجدتها تنجن بزياده سابتها 8 سنين ولسه بتلون وشها بالوان الطيف
قربت منها بابتسامة متناسيه الكره المتبادل بينهم : اخبارك ؟؟
الجده ببرود : بخير
رفعت ريم نفسها وقربت من صقر وسلمت عليه
وبعدها على خالد ورجعت قعدت جنب نادر وحاسه ان توترها خف بعد ما سلمت عليهم !!!!!!
الجد بهدوء : اخبارك يا ريم مرتاحه ؟؟
بصت ريم لجدها وابتسمت وفي سرها…ازايي مش مرتاحه وهي عايشه بأعصار تسوماني ردت:الحمد لله
عم الصمت المكان
دخلت الشغاله ومعها القهوة قامت ريم واخدت منها القهوة وقربت تضايف علي الموجودين الجد ابتسم لها
ردت له الابتسامه ريم وبعدها ضيفت الموجودين
وهي راسمه احلى ابتسامه على وشها مش عاوزه حد يطعن في تربيتها مش بحاجة اهل يربوها ويعلموها ازايي تكون عاقله
قعدت مكانها جنب نادر الي مادد البوز شبرين
بعدها دخل سلطان بعد ما تنحنح اول ما شافته ريم عرفته حست باشتياق كبير له دفعها شوقها غصب عنها توقف له وقربت منه
سلمت عليه بحراره شخص له معزه بقلبها وممتنه له كتير صحيح 8 سنين ما سألش عنها بس متأكدة انه عذره معاه
لانه شخص حنون ومستحيل يحقد عليها
سلم سلطان عليها بحراره : ما شاء الله ربنا يحفظك من كل سوء
ومسك ايدها وقعدها جنبه وحاوط كتفها بايده بعدت ريم عنه باتجاه القهوه وضيفته
ابتسم لها ورجعت قعدت جنبه وهو محاوط كتفها بايده
كانت تسأله عن اخباره وعن اخبار ندي ما حستش بحواجز بينها وبينه
وكان يرد عليها بفرحه لوجودها جنبه قطع اندماجها معاه دخول شاب صغير وعلامات الصياعه عليه شعره واقف اسبيسي ولابس جينز ازرق وقميص احمر وحاطط النظرات الشمسيه علي راسه
دخل وهو نافش ريشه : هاي
الجد بحزم : عاجبك وضع ابنك يا سلطان ؟؟
سلطان ابتسم :بكره يعقل يابابا في عمره كنت بعمل انيل من كدا
عصمت مش عاجبها : شايف نفسه زياده
عبود بملل: وبعدين مع دي حكايه ؟؟؟وبعدين انا ولا حاجه جنب الشباب التانيه
وبص ل ابوه : ص..
وسكت لما شاف البنت اللي جنب ابوه
وباستغراب وفضول : بابا امتي اتجوزت ؟؟ وامي المسكينه ولا تعرف عنك؟؟ وجايبها هنا ؟؟وضرب كف بكف لالالا النهارده امي تطلق وبسرعه
رفع الموبيل: الو سامي انا وثواني اكون عندك
وبص ل ابوه وعينه على البنت : مبروك مقدما بس بلاش تقول لامي اني باركت لك يالا سلام الشباب مستنيني
وطلع بسرعه
صقر ضحك : عبود ده هيجري دلوقت لامه يبلغها لان مفيش حد معاه علي الموبيل الظاهر ناوي يخرب الدنيا
سلطان ضحك : ههههههه ده الظاهر
كانت ريم عيونها فالارض مش مصدقه ان ده عبود
رفعت ريم نظرها ووقع نظرها على نادر اللي عطاها نظرات ناريه
بصتلو ريم بحيره نفسها تفهمه عاوز منها ايه بالظبط طنشته ورجعت تتكلم مع سلطان
وقف نادر بوزه شبرين : يلا يا ريم
بصتلو ريم ووقفت بدون جدال
الجد : خليها هنا وروح انت على شغلك
عصمت لوت بوزها بس ما تكلمتش
ريم بابتسامة : خليها مره تانيه
سلمت عليهم واستأذنت وطلعت
نفخت الجده : افففف غتته
الجد عطاها نظره قويه
عصمت : انا قلت حاجه ولا فتحت بؤي معها ونفذت اوامرك
هز الجد راسه وسكت
سلطان وقف : يلا استأذن قبل ما يخرب عبود بيتي
صقر : اجري يمكن المدام جهزت الشُنط هههههه
سلطان وهو عند الباب : ما استبعدهاش يلا سلام
خالد بكبر : شايفها لزقه في سلطان رافضه ابنه ولا كأنها عملت اي حاجه يا قوه عينها
صقر : ما فيهاش حاجه كل شيء قسمه ونصيب
الجده : من حلاوتها عشان ترفض عبود
الجد بحزم : قفلوا على الموضوع بقي
لوت الجده بوزها مش عاجبه قاعد محامي عن الست ريم
********************قصص منه محمد
دخل جناح امه بعد ما استأذن : يا ماما
ندي باستغراب : ايه فيه ايه ؟؟؟
عبود :امممم يمه اممممم
ندي خافت : ايه ؟؟ اخواتك حصلهم حاجه
عبود : بابا
ندي وقلبها طار : ماله ابوك ؟؟
قربت من عبود وهزته عشان يتكلم : فيه ايه ؟؟ عمل حادثه حصلو حاجه
عبود مسك ايد امه : لو عمل حادثه ودخل المستشفى اهون عليك من اللي حصل
ندي اعصابها تلفت : اتكلم يا غبي
عبود : انا هقولك بس ما تقوليش اني انا اللي قلت لك ماشي
ندي : خلصني
عبود مصمص شفايفه : ابويا متجوز عليك
ندي حست انها سمعت غلط : انت قلت ايه ؟؟
عبود : بابا اتجوز عليك انا ماليش دعوه يمكن حب يتجوز كتكوته صغيره وانت يا امي كبرتي وعجزتي الله يعوض عليكي فبلاش تلوميه
ندي بحيره وراسها يلف ويدور : هو قال لك عاوز كتكوته؟؟
عبود : لا بس مجرد احساس
ندي بتشكيك : انت ايه الي عرفك انه متجوز ؟؟
عبود : انا شفته حالا قاعد معاها في بيت جدي وحاضنها بس تعرفي مش بلومه اكيد لعبت عليه بنت الذينا واخدت عقله البنت جميييله وتخطف العقل الصراحه يعني اكدب من غير زعل يعني فرق بينك وبينها فامتلوميش ابويا في الجوازه دي بالذات
ندي وحست انها وضحت لها الصوره : يا قليل الحيا بدل ما تقف معايا تمدحها قدامي
عبود قعد على طرف السرير : الحق يقال يا امي والله هي احلى منك
ندي : مين قال لك انها مراته ؟؟ وبعدين ازاي شفتها ؟؟
عبود : دخلت كانوا قاعدين بالصاله عمامي وجدي وجدتي وهي قاعده في حضن سلطانك ومبسوطه معاه مسك راسه باعك وباع العشره فعلا الراجل مالوش امان بس اذا عاوزاني اقف معاك واخليه يطلقها بس بشرط
ندي جواها تضحك عليه لانها عرفت البنت : ايه شرطك ؟؟
عبود بابتسامة :تخطبيلي اسراء
ندي : واخت صاحبك ؟؟؟
عبود : لا مش عاوزها
ندي : بس الله يعيني عليك روح من خلقتي وخدها من الاخر مستحيل اجوزك الا بعد عشر سنين يمكن تعقل ويلا غور من هنا
عبود وقف : يعني لو مضايقة ان ابويا اتجوز عليك تطلعي غضبك فينا انا مالي انا ،،وشوفي بما انك ناويه تعنسيني جنبك صدقيني لارقص في فرح ابويا
دخل سلطان : ليه اصواتكم طالعه ؟؟
ندي غمزت لسلطان : كدا تتجوز عليا !!
سلطان فهم عليها : والله هي دي الدنيا نصيب اذا مش عاجبك روحي لبيت اهلك
عبود فتح عيونه عالاخير ازاي ابوه ولا مهتم لامه
ندي راحت للدولاب : خلي البيت ليك وليها
عبود حس بتهوره وندم انه قال لامه
قرب منها : خلاص يا ندي انا اوعدك يطلقها
قرب منه سلطان ومسك ودنه : لسانك ده عاوز اقصه
لنفرض اني متجوز تيجي تقولها
بصت ندي لعبود وما قدرتش تمسك نفسها من الضحك على شكله : ههههههه
عبود عقد حواجبه : بتضحكي وانا بدافع عنك
سلطان شد على ودن عبود : متجوز هاه
عبود وهو بيحاول يفلت نفسه : شفتك مع العروسه
بس خلاص سبني ووعد مش هقول لامي مره تانيه
سلطان ساب ودنه :يعني ما عرفتش العروسه ؟؟
عبود وهو يفرك ودنه : ايشعرفني بيها
ندي بابتسامة : يامتخلف دي ريم بنت عمك
عبود اندهش : احلفي
ضربه سلطان على راسه : مش مصدق امك علشان تحلف لك
عبود بذهول : دي ريم ؟؟!! وبرجاء ) بابا يسعدك اخطبهالي مره تانيه
سلطان بعد عنه : خلي عندك كرامه البنت رفضتك
وانسى انك تخطب دلوقت بعد ما تتوظف وقتها افكر اخطب لك
عبود بانفعال : لاااااااااااااااا
سلطان بنرفزه : اخرس
عبود : طيب اخطب لي سحر
ندي فتحت عيونها باستنكار :انت مش لسه قايل اسراء نهار اسمر
سلطان بلامبالاه : طنشيه ده اهبل
###########
قاعده وابنها بحضنها وتهز فيه : خلاص يابابا
روان : مصعب تعالي
كاترين : خديه ده قرفني
روان اخدته : يا حياة عمتو
وبصت لكاترين : فين امير؟؟
كاترين : نايم
نسرين : ايه رايكم نزور بنت عمنا الجديده …عندي فضول اشوفها
روان : انا كرهتها قبل ما اشوفها من كلام امي عليها
كاترين : لما يصحى امير اذا وافق اروح معاكم اشوفها
روان : اعوذ بالله منك حشريه
ضحكت كاترين : ههههههه طالعلك
روان : انا مقربلكيش ازي هطلعلك ؟؟
كاترين : اتعلمت منك وغمزت لها وابتسمت
نسرين: بابا بيقول ان ريم النهارده زارت بيت جدي معقول جدتي تستقبلها عادي !!
كاترين : ما ظنش ..تفتكري لما رجعنا هنا وهي مش بتقول عني غير اليهوديه هههههههه مش قادره تستوعب اني من هنا بس عشت حياتي برا عند اخوالي الاجانب ومعايا الجنسية الاجنبيه
نسرين: وهي مالها بابا قال لها اجنبيه ما كانش يعرف انك عربيه وبعد ما خطبك من خالك الاجانب عرف انك عربيه
وبنغزه …وبعدين مظهرك ما يدلش انك عربيه او مسلمه مش محجبه والشعر طاير بالهواء
كاترين : افففففف منك مش بتنسي ابدا بعدين ان الله يهدي من يشاء
روان : عيالك يا حلوه فين ؟؟
كاترين: يمكن مع احمد بيلعبوا صدعوا راسي كل شوي يتخانقوا
نسرين : اللي يخلف لازم تتحملي
كاترين:ان شاء الله ربنا يجوزك ويبقي عندك اورته عيال واشوف ازاي وقتها هتقدري تتحملي
فتحت نسرين عيونها : لئيمه
كاترين وهي تحرك حواجبها تغيظ نسرين
……………………………………
في اليوم التاني
نزلت السلم بهدوء
بصلها: استعجلي مش فاضيلك
هزت راسها وهي مش عارفه امتى فضي لها او اهتم بيها …ركبت معاه العربيه بعدها اتحرك متجه للمستشفى كان طول الوقت الصمت سيد الموقف هي باصه من الشباك وهو باصص لقدام
وصلوا المستشفى ودخلت معاه بهدوء
بصلها بهدوء : استني هنا انا مش هتأخر (وشاورلها علي كرسي)
هزت راسها وقعدت علي كراسي الانتظار كان المكان فاضي فضلت تتأمل المكان
لما تدخل المستشفى قلبها يطير امتي تبقي دكتوره تساعد الناس وتعاملهم بلطف ورقه
تسمع كتير انه بعض الدكاتره متكبرين ويتعاملوا مع الناس من فوق
بس هي لايمكن تكون غير عنوان للاحترام والادب والرقي بالاسلوب وبكل حاجه
……………………………………
جهز بعض الامور والتفت لما سمع اسمه قرب من الراجل وسلم عليه
سأله باستغراب : مش النهارده اجازه عندك؟؟
نادر : اه والله بس عندي شغل لازم اجهزه
هز راسه بتفهم ومشى مع نادر بالممر يتكلموا عن الشغل باندماج
بعدها بص ل نادر : افتكرت الشاب اللي قلت لك عنه كان عاوز يخطف بنت وضربتهو وعدمته العافيه ؟؟
نادر : اه وبعدين… ؟؟
هز راسه : شفته امبارح راكب عربيه وايده متجبسه الظاهر اني كسرتهالو
نادر عقد حواجبه بقرف :يا ريتك كنت موته
المجهول رد: والله لو كان بأيدي كان لحد الان وانا بضربه عشان يحرم يكررها مره تانيه
و اتنهد،:المشكله بالاهل مش مهتمين ببناتهم لأ وخد عندك بنت طالعه بالمول لوحدها ومنطقه منعزله اكيد هتكون فريسه سهله بس فين الناس تسمع وتعقل وتتعظ
نادر : دي المشكله يمكن مهددها بحاجه واضطرت تروحلو
رد : مش عارف حسيت هو اللي بيجري وراها لانها الظاهر مش بتقبلو وكانت بتصرخ عاوزه تهرب
نادر بلا مبالاه : يمكن
كملوا طريقهم ونزلوا للدور الاول طلعوا من الاسانسير بهدوء
نادر : خالد بيقول
قاطعه بسرعه وشاور بعيونه : شايف البنت دي ؟؟
بص نادر مكان ما شاور له وعقد حواجبه وجواه نار وبتردد : مالها؟؟
رد بثقه : دي البنت اللي كان عاوز يخطفها الشاب وساعدتها
بهتت ملامح نادر فقد احاسيسه وهو باصص لجهة البنت وحس كئن المكان فاضي ما فيهوش حد الا هو والبنت
كان بيكلمه بس مش سامعه مش قادر يستوعب الصدمه وكأنه الزمن وقف…. لعده دقايق
بصلو بستغراب: فيه ايه؟؟
رفع نادر نظره له واخد نفس يخفف من البركان الي جواه
مش عاوز يفضح نفسه بزياده
نادر وهو يكتم عصبيته : ما فيش حاجه افتكرت ملف ازرق ضروري على مكتبي اذا تقدر تجيبهولي
هز راسه وهو حاس فيه شيء : ان شاء الله دقايق وارجعلك
ومشي الشخص من المكان
شد نادر على قبضة ايده بقهر وحاسس اعلام الفضيحه ترفرف فوق نفوخه
مش متخيل اذا حد عرف بالموضوع هتكون ايه سمعتهم ؟؟؟
ما خلصش من موضوع جواز الشحات تطلعلوا دلوقت حكايه الخطف عض شفايفه بقهر
ما عندهوش وقت للتحليل اهم حاجه عنده يطلع من المكان من غير فضايح وبعدها يحل الموضوع بطريقته
راح ناحيه ريم اللي ما فيش غيرها بالانتظار زي البركان الي هينفجر بأي وقت وهو مستحلف فيها وقف قدامها ومسك ايدها بطريقه الي من بعيد يقول انها هاديه بس مسكت ايده وهو شاد على دراعها بقوه اكدت شكوكها
رفعت نظرها له بتساؤل عايزه تفهم فيه ايه
عطاها نظرات ناريه واتكلم من بين سنانه : امشي معاي بسرعه
وما عطهاش فرصه تتكلم وسحبها برا المستشفى اللي يشوفهم يقول يا الله الظاهر بيحبها وخايف عليها
ماسكها من ايده مش عارفين انها بتحاول تفلت ايدها من قبضه ايده دموعها علي وشك النزول من الوجع وهي مستغربه لا عالجها ولا عمل اي حاجه ورجع حاله مقلوب فيه ايه بقي؟؟؟
وصلو عند العربيه نفض ايد بقوه وبعصبيه : اركبي
ريم باستغراب : فيه ايه
اتكلم من بين سنانه : ليك عين تسألي بعد سواد وشك اركبي قبل ما ادفنك هنا
بصتلو ومش عجبها كلامه مش زي النعجه
سحبها وراه اتكلمت بصوت واثق من نفسه وبهدوء : مش هركب قبل ما اعرف فيه ايه
قرب من ناحيتها وفتح الباب وبفحيح : ريم فاضلي ثواني وهنفجر اطلعي احسن لك وفالبيت اتفاهم معاك
دفعها للعربيه بقوه ودخلها غصب عنها
وحرك بسرعه وهي تحت اندهاشها ايه الي حصل وخلاه كدا
………………..
في مكتب ايهاب
رامي وهو يسترخي على الكنبه بمكتب ايهاب بغرور
ايهاب كش عليه : تافه اصلا محدش يرضي يديك بنته
وقلد رامي وطخن صوته : ما لقيتش واحده بالمواصفات اللي عاوزها
رامي قام وبغرور :افهم يا قفل الي هتجوزها هتكون غير الكل
صقر : طيب ايه رايك تفصلها تفصيل احسن لك
رامي ابتسم : فكره حلوه
ايهاب : اصلا عقاب ليك لازم نجوزك ريم
قاطعه صقر بحده : ايهاااب
بصلو ايهاب باستغراب : فيه ايه ؟؟؟
صقر بجديه: رجاء هتقعد تتمسخر على ريم مش هسمحلك
ايهاب بنص عين : الله طيب ما المره الي فاتت كنت قاعد تتريق عليها وهي عبود لو اتجوزوا ايه الفرق دلوقت
قاطعه صقر : الفرق اني بعد ما شفت البنت غيرت نظرتي البنت كبيره مش صغيره وبعدين انا لما اتكلمت كان كل ذهني صوره ريم الصغيره
فاحفظ لسانك واحترم عمك نادر مهما كان تبقى بنته
ايهاب مش عاجبه : خلاص اعوذ بالله اكلتني
رامي ضحك : ههههههههه تستاهل
اتغاظ ايهاب وحدفه بالقلم على راسه
*******************
ريم
مشعارفه ازاي دخلت غرفتها بعد الكف الي اخدته من نادر
اتكلم بعصبيه : ليه ما تكلمتيش عن الخطف ؟؟ ومين الحيوان اللي خطفك ؟؟
وبصرخه اقوى : اتكلمي
حست وكأن حد كب عليها ميه بارده
ايه الي عرفه بالحكايه ؟؟؟
مين قاله ؟؟
معقول آسر ؟؟؟
لا لا ما مفتكرش لانه سألني مين هو الخاطف ؟؟
طيب ارد عليه ؟؟؟
انكر ؟؟
قطع اسئلتها الكف التاني حست وشها انتفخ
غمضت عيونها وهي حاسه بضياع مش عارفه تقوله ايه طيب تخبي
قاطعها بصوته لما مسكها من كتفها وغرس ضوافره بكتفها وقربها من وشه : طبعا بتدوري على كذبه ؟؟
وبحركه غبيه هزت راسها بالنفي
هزها من كتفها بقوه اتكلمي قبل ما ادفنك هنا
بصت لعيونه والشرار يطلع منها
بركان ثائر ايه هيفكها منه ويحميها من بطشه
ريم ……..ما ليش الا رب يحميني منه
غمضت عيونها ودعت من قلبها
اللهم اكفيه بما شئت
اللهم اكفيه بما شئت
فتحت عيونها وبعدت ايده عن كتفها بهدوء
وهو بصصلها منتظر الاجابه على نار
قررت لازم تقول الحقيقه بدون كذب وانكار
عيونها لمعت بالدموع اخدت نفس واتكلمت بهدوء : اذا اتكلمت بتصدقني ؟؟؟
حست انه اتفاجئ بس رد بسرعه : اتكلمي وبعدها احكم اذا صادقه او لا وكتف ايده
اتنهدت واتكلمت بهدوء : كنت فالمول مع بنات خالي بعد وقت روحت للحمام
صرخ بعلو صوته عليها : طبعا طالعه داخله لا سائل ولا مسئول غاب القط إلعب يا فار
كان نفسها ترد وتردحلو بصراحه طفح الكيل منه
بصلها بقوه وشاور بايده : كملي وماتوهيش الحكايه
ريم بصتلو باستغراب سبحان الله مين الي بيضيع الحكايه دلوقت
رجعت تكمل نفسها تخلص من الحكايه وترتاح
تابعت باسلوب بارد :وفالطريق صادفت بنت وسألتني عن رقم البوابه دليتها على مكانها وبعدها سألتني ازاي تلاقي عربيتهم وروحت معها ادور على العربيه
قاطعها والشر طاير من عيونه : ما شاء الله النخوه زايده عندك لحد الغباء (شد على اسنانه ) كملي لما اشوف
هزت راسها : بعدها ما حسيتش الا بشخص مسك ايدي وحاول يسحبني للعربيه وبعدها صرخت وجه راجل وساعدني وبس
صرخ : يا برود اعصابك تقوليها بكل برود وبس ؟؟!!!
ريم بهدوء : عاوزني يعني اعمل ايه؟؟!!
مش بنكر اني غلطت ومن بعدها حرمت اطلع للمول وبجديه (بس لو دققنا كل الغلط عليك انت
بصلها وفتح عيونه باستنكار : انااااااا
ريم بتحاول تمنع الدموع : ايوه انت رمتني في بيئه التزامها صفر وما سألتش عني ،ما فيش رادع ما فيش حد ينصحني ،كل واحد ملهي بحياته .ما فيش راجل ياخدني لحته يجيب لي لبسي لوازمي ما فيش راجل يقولي ماتطلعيش في مكان لوحدك
ما فيش راجل يحميني ويكون سندي…..بس ما تخافش مش انا اللي ارتكب الغلط
رميتني في بيئه شبه الوحل بس الحمد لله حفظت علي نفسي وما غرقتش بالوحل لو واحده غيري كانت عملت بلاوي وما حدش عرف عنها او سئل عنها بس انا ارفع من كدا بكتير …ربيت نفسي بنفسي مش محتاجه اي حد منكم ماتفكرش بقولك كدا تظن اني محتاجه لك او ضعيفه لا انا مش بحاجه لحد ابدا (وبحده وثقه) ودلوقت مش من حقك تنتقدني او تحاسبني او تعاقبني على شيء انت سببه
قاطعها وهو يكابر : يعني اليتيم اللي ابوه ميت يروح
يعمل البلاوي بحجة ما عندهوش اهل يعلموه ..اصلا الغلط راكبك من فوقك لتحتك
بس مش هلومك عارفه ليه ؟؟لانك اغبى مخلوق شفته بحياتي وحالا قوليلي مين الحيوان ده ؟؟
بصتلو وحست بالغصه مستحيل يعترف بغلطته
او تقصيره : قلت لك انت السبب
بصلها بعدم فهم : تقصدي ايه ؟؟
قررت تقوله بالشخص عشان ما يكررهاش آسر مره تانية ويعرف ان فيه ناس توقفه عند حده لانها حست ان اهل ابوها عندهم غيره على اهلهم ومش بيسكتوا لاي شخص يعتدي عليهم ولو بكلمه ميلت شفايفها بنبره فيها استهزاء : اصلو عمل كدا حب يردلك الي عملتو في ساره يخطفني ويهددكم ويتجوزني غصب عنك
بهتت ملامحه وبصلها لثواني : من اهل امك الخاطف
حددت نظرها عاوزه تشوف رد فعله : آسر
سكت للحظات وهو شادد على قبضة ايده
وبصرخه : واقسم بالله ليندم الحقير وانت من امتى بيلاحقك وساكته بس كل الغلط عليك لو ما اخدتك الشهامه وروحتي عند العربيات ماكانش حصل الي حصل عمل لك حاجه ؟؟
هزت راسها بالنفي
شد على اسنانه بقوه :متأكده ؟؟
هزت راسها بنعم
صرخ : بقيتي خرسا ما تتكلمي بتهزي راسك زي البغبغان هقول ايه غير ربنا ياخدك
اخد نفس بضيق:فيه حد غيره عملك حاجه؟؟
هزت راسها بالنفي
بدات علامات القهر على ملامحه يمكن لانها جاوبت بالاشاره
قرب منها ومسكها من كتفها بقوه واتكلم بفحيح: اذا شفتك طالعه للمول قولي علي نفسك يارحمن يارحيم ومن يوم ورايح ممنوع تطلعي الا بنقاب يا ويلك اشوفك من غيره حتى قدام الحريم تلبسيه فاهمه لو تتخنقي وتموتي تتغطي ولعله وعسي تتخنقي وتموتي وارتاح منك من يوم ما شفتك ما شفت الا وجع الراس الله ياخدك وارتاح منك ولو الحكايه دي طلعت من هنا ياويلك فاهمه(وبوعيد)حسابك ما انتهاش بس ارجع وقسما بالله لخليك تعضي صوابع الندم
طلع من الغرفه وهو متعصب زي الاعصار وقفل الباب بالمفتاح
ضمت ايدها وحضنتها وحسه بالغصه شعور مؤلم مؤلم غمضت عيونها ونزلت دموعها على خدودها غصب عنها هي مش عارفه ليه بتعيط
مع انه يجرحها ويصرخ عليها متعوده عليه بس المره دي ماقدرتش تتحمل وأبت دموعها بالنزول لعلها تغسل همومها وتخفف منها
قعدت على الارض وراسها على السرير
وسمحت لسيل الدموع بالنزول
…………………………
سيف بخوف دخل غرفه سلمى : بابا طلع
سلمى بتحذير : قلت لك اتلقح هنا لو شافك يمكن يصرخ عليك
لينا مسكت سيف بفضول: ما عرفتش الحكايه ؟؟
سيف ببراءه: ما فهمتش حاجه عمال يصرخ ولا فهمت الهوا
دفعته سلمى برا غرفتها : اطلع على اوضتك وجودك وعدمه واحد
سيف حرك شفايفه بزعل : قبل شوي تنادوني وتسألوني سمعت ايه ودلوقت تتطرديني
لينا : ولا عرفتنا حاجه ياخويا يجي يجري علينا وفي الاخر تطلع الحكايه ال ايه بابا بيصرخ وبيزعق ولا كلمه ولا كلمه سمعتها وريحتنا ومثلت انها هتضربه بالبوكس وقفلت الباب في وشه
سمعته يتوعد ليهم بس طنشوا
رجعوا قعدوا على السرير
سلمى بتفكير : تفتكري ايه الموضوع ؟؟
لينا : انا لما شفت بابا ماسكها من ايدها
ورايح لاوضتها بعصبيه ويشتم فيها اتجمدت بمكاني من الخوف مش عارفه ازاي ريم مش بتخاف منه لما تشوفه بالحاله دي
سلمى : ريم مش زينا يمكن متعوده
وقربت من لينا بهمس
انا سمعت ماما بتكلم خالتي وتقول لها خايفه اذا رجعت ريم للبيت ترجع المشاكل ويرجع بابا يضربها زي زمان..!!
لينا : انت تفتكريها وهي صغيره
سلمى رفعت نظرها للسقف وبعدها بصت للينا : افتكر خيالات مش كتير فاكره قبل ما تروح لاهل امها في بيت جدي لما ضربتني
لينا ابتسمت : طبعا دي حاجه تتنسي وقتها قلتلها ايه ؟؟
سلمى ابتسمت : مش فاكره
لينا هزت راسها باستغراب : طيب ليه بابا بيكرها مش هي بنته ؟؟
سلمى : مش عارفه الصراحه
لينا بغيره : طبعا وتعرفي ليه انت المدلله فالبيت
سلمى ضربتها على راسها بخفيف : حرام عليك والله بابا بيدلعك بس انت زي القطط نكاره
لينا وقفت : اسكتي ..اي نعم انه مش بيميز بينا بس بحسه بيحبك اكتر حاجه
سلمى هزت كتفها : يمكن
…………………………………….
عصمت : سمعت اخوك عادل عاوز يخطب ؟؟
ليلى : لا بيقول كدا علشان يسكت امي الظاهر انه ناوي يعنس
الجده وهي تتمنى يخطب واحده من حفيداتها : ربنا يرزقه ببنت الحلال
ليلى : امين يا خالتي ابويا بيقول هيديلو مهله 5 شهور ولو مخطبش هيخطبله هو علي مزاجه
الجده : من حقه فاضل يضايق اكيد نفسه يشوف احفاده خصوصا من ولاده
ليلى : اه والله ده لما يشوف رشاد تدمع عيونه ويقول امتى اشوف عيال عادل
الجده : مش عارفه ليه اخوك مش عاوز يتجوز
دارس وعنده وظيفه وكل شيء جاهز !!! طيب وليد ليه مايتجوزش ؟؟؟
ليلى : عاوز يتجوز مع عادل بنفس اليوم
هزت راسها الجده : ربنا يوفقهم
…………………………….
باليل
قاعده بالصاله بتوتر من بعد ما طلع ما ردش عليها
عضت على ايدها بتوتر وخوف عليه نطت وبسرعه مسكت الموبيل لما سمعه نغمة رساله فتحتها وصوابعها ترجف من الخوف اتنهدت براحه وفي نفس الوقت انقهرت مش قادر يتصل دقيقه ويقول عنده مناوبه مش فاضي ضمت الموبيل لصدرها واتنهدت براحه اهم شيء انه بخير
قامت تجهز العشاء لان نادر اكيد مش راجع الليله
شافت سلمى نازله السلم:سلمى نادي اخواتك للعشاء بسرعة
سلمى : بابا رجع ؟؟
ساميا : لا مش راجع النهارده عنده مناوبه وماتنسيش ريم
هزت سلمى راسها وطلعت لفوق تنادي اخواتها
ساميه راحت للمطبخ تجهز العشاء وبعد دقائق كانوا عيالها متجمعين علي السفره
ساميه : فين ريم ؟؟
سلمى : بتقول مالهاش نفس تتعشي
هزت ساميه راسها : براحتها
سلمى :ماما ليه الصبح بابا كان بيصرخ علي ري
قاطعتها ساميه بحزم : كم مره قلت لك شغل فضول مش عيزاه اهتمي بنفسك وانتهينا
مع ان ساميه على نار نفسها تعرف الحكايه وهي متأكده ان نادر مستحيل يقولها
………………………………
ريم
دلوقت حست انها احسن بكتير من الصبح بعد ما فرغت الكبت اللي جواها بالعياط
واتصلت بالجوري اللي غيرت من نفسيتها شوي وقعدت على اللاب تنجز بعض الاعمال لانه قفل الباب بالمفتاح وبعدها ما رجعش
بس ربنا يستر لانه الظاهر الحكايه مش هتنتهي علي خير ياتري نادو علي ايه
لا والمشكله تنادي عليها سلمى للعشاء يمكن ميعرفوش انه قفل عليها الباب
بس نفسها تفهم ليه قفل الباب يعني خايف تروح تخطف!!!
يالله اليوم كله من غير اكل كملت لالا هي قصدها اكلت لقمتين يمكن تقولوا عنها سخيفه او عديمه الاحساس بس تعمل ايه تعيط ؟؟؟
متأكده لو عيطت من هنا لبكره محدش هيهتم
سابت اللاب يحمل بعض الملفات وراحت للشباك تتأمل الجنينه كانت شبه ضلمه
رفعت نظرها للسما لامتي هتبقي حياتي كدا لامتي هطنش وتتعامل مع الناس بهدوء واحترام امنيتها تهج من الدنيا كلها وتعيش بمكان بعيد عنهم كلهم
ومستعده تتنازل عن كل احلامها بالمقابل تعيش بسلام وآمان بس فين المكان ده ياتري؟؟؟
…………………………..
في اليوم التاني (الجمعه )
رمت التلفون بعصبيه على الكنبه بقهر من امبارح مرجعش البيت ودلوقت يتعذر بالشغل متغاظه من ريم كله بسببها من يوم ما رجعت وهو البيت بقي حريقه ما ينطاق دايما نادر يصرخ في وشهم حتى العيال ما سلموا من عصبيته عامل زي الاعصار
حتى لما تتصل بيه ما يردش عليها ويبعت رساله.وست الحسن ريم قاعده في اوضتها
هي مش ضد ريم صحيح بنته بس في نفس الوقت مش هتقبل حياتها تتحول لجحيم بسببها خلاص الحال ده لحد هنا ومش هتسكت عليه
لانه ما بقاش يطاق
شافت الموبيل يرن بس اتعمدت تطنش بعد ما بعتتلو رساله هو يختار لان الحياه السوده دي خلاص مش قادره تطيقها وطلعت لجناحها وهي عازمه على اللي في بالها
……………………………
بعد ما شاف المسج انقهر هو لحد اللان بمشكله تقوم تزيدها عليه ساميه مسح على وشه بتعب وقام يكمل شغله وبعدها يتفاهم مع ساميه
طلع من المكتب ورن موبيله وفتح الموبيل بسرعه كان طول الوقت مركز بالمكالمه
بعد ما قفل الموبيل اتنهد براحه
قصه آسر ارتاح منها وصى عليه شباب يلقنوه درس عمره ما راح ينساه
وقف لما شاف ايهاب وسلم عليه
ايهاب باستغراب : في حاجه يا عمي ؟؟؟
نادر بيحاول يكون طبيعي : لا ما فيش حاجه ليه بتسأل ؟؟؟
ايهاب : مناوب امبارح والنهارده كمان غريبه !!!
حتى وشك بيقول فيه حاجه ؟؟؟
نادر بإنكار : ما فيش حاجه
وحتى ينهي الموضوع : محتاج مني حاجه؟؟؟
ايهاب باستغراب : سلامتك يا عمي
ساب نادر المكان وراح يكمل باقي شغله وهو عقله مشغول بالف حاجه
……………………………………
ريم بابتسامة : يا سخفتك يا جوري
جوري وهي تضحك : ههههههه
ريم : خلاص خرمتي طبله ودني من صوت ضحكتك العاليه
جوري : قولي غيرانه من جمال صوت عشان كدا ضحكتي
ريم لوت شفايفها : هبله
جوري :بالحق الا ايه اخبار ندوررره؟؟؟
ميلت ريم بؤها بابتسامة خفيفه : بيسلم عليك
جوري بمزح : قوليلو ياريت مخطوبه يعني ما يحطش عينه عليا
قاطعتها ريم : ضحكتيني وانا ماليش مزاج للضحك
جوري : ليه مش جاي علي مزاجك تضحكي ؟؟
انت من امبارح مش عجباني قوليلي فيه شئ مضايقك واذا نادر ناوليني رقمه وانا اتفاهم معاه
ريم بضيق : ما فيش حاجه بس انا من امبارح
مش عارفه خلقي ضيق وجوايا حزن كان ميت ورجع عاش من جديد
ونزلت دمعه من عيونها
جوري حست انه في شيء ريم مخبياه عنها : طيب قوليلي ايه الي مضيق خلقك يمكن اساعدك
ريم : اللي يسمعك يقول مصلح اجتماعي ما فيش شيء محدد بس مجرد ضيق بهم
جوري : استغفري وصلي ركعتين وان شاء تزول الضيقه
ريم بهدوء : وده الي هيتم يلا طيري انتي
قفلت ريم الموبيل ومسحت دموعها وحست بالحزن يقطع قلبها
راحت للحمام تتوضأ وتصلي ركعتين لعله يزول الحزن اللي بقلبها
وقبل ما تدخل بصت لنفسها بالمرايا
كان وشها في اثار على خدودها شمرت دراعها في لون ازرق مكان قبضته
هزت بأسف راسها عمره ماها يتغير نادر والله يستر من الجاي
…………………………………….
سلمى باعترض : بس يا ماما
ساميه بعصبيه : ولا كلمه عاجبك الوضع كله صريخ في زعيق
لينا : بس بابا يمكن يزعل مننا
ساميه : مش هيزعل بس يومين بالكتير ونرجع
بس خليه يحس بقيمتنا مش دايما يصوت فينا ومش بيكلم حد
سلمى : صحيح من اول ما رجعت ريم هنا وحال بابا انقلب ليه ما ترجعش عند امها ؟؟
ساميه : سيبك من الكلام المهم نخلص من النكد بسرعه جهزوا شنطكم خالكم على وصول
هزت سلمى راسها هي ولينا ….طلعت ساميه تجهز هدومها
كملت صلاه وقعدت تستغفر
سمعت دق على الباب استغربت
وراحت للباب وبصوت هادي : مين؟؟؟
ساميه بعصبيه : ده انا افتحي الباب
استغربت ريم يمكن ماقلهاش انه قافل الباب عليها : عاوزه حاجه يا طنط ؟؟ .
ساميه بحده : خايفه اكلك اذا فتحتي الباب
لكن ماشي حبيت اقولك اشبعي بالبيت سبتهولك وغاب صوتها
استغربت ريم من لهجتها معها ليه تكلمها كدا ماتفتكرش ان ساميه اتكلمت معها بالطريقه دي قبل كدا
حتى بقصتها اللي كتبتها كانت مسالمه لانها اخدت عنها الفكره بس ليه دلوقت بتكلمها كدا ؟؟
وليه سابت البيت ؟؟
وايه علاقتها بالموضوع ؟؟
اسئله كتير كانت بتدور بعقل ريم بس للاسف مش لقياه اجابه
أفأفت بضيق وطنشت الموقف وراحت للاب
فاضلها تكه وتنجز كل شيء
………………
##################
يا تري ايه هو الشئ الي بتنجزه ريم
الحلقه الجايه اعصار وخناقات بالجمله
رايكم مهم جدا؟؟؟؟
استنوني واحداث مثيره وجديده في حياه ريم ارفعي الحلقه يا بكيزه
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية ورده في المزبله 3)