رواية أحببت جني الفصل الأول 1 بقلم مجهول

رواية أحببت جني الفصل الأول 1 بقلم مجهول

رواية أحببت جني البارت الأول

رواية أحببت جني الجزء الأول

رواية أحببت جني الحلقة الأولى

_ ماما ماما الحقيني قالت كدا وهي بتصرخ من الخوف.
* اي يا بنتي اي حصل.
_ماما انا متأكده انه في حاجه انا شفتها بعيني بتجري في الاوضه🥺
* يا بنتي انت كل مره كدا!! هنفضل نتكلم كتير في الحوار دا انا تعبت منك و قلتلك ما فيش حاجه و نامي و بطلي سهر.
ومشيت وانا كنت مستغربه هي لييه مش مصدقاااني!!.
اه نسيت اعرفكم بنفسي انا ياسمين عندي 23 سنه عايشه مع ماما و اخويا الصغير احمد و ابويا مش بيقعد كتير معانا عشان شغله بره. انا ديما بحس انه في حد معانا في البيت بس ماما مش بتصدقني.
الصبح.
_ماما ياسمين: صباح الخير.
_ياسمين: صباح النور.ماما انا عايزه اتكلم معاكي في موضوع.
* لو نفس الموضوع انسي يا ياسمين قلتلك مش هنغير البيت احنا ما صدقنا لقيناه بسعر حلو ويلا عشان هتتأخر علي الجامعه بتاعتك. وما اتجبيش السيره دي ل ابوكي اول ما يجي بكره.و بطلي تخيلات بقاا.
_ياسمين: حاضر يا مااما
انا صدقت ماما و قلت اكييد العيب مني انا وانا الي بتخيل حاجات مش بتحصل. و لازم اصبر لحد ما بابا يبقي حالته الماديه كويسه و هيودينا علي بيت احسن اكييد.
لما رجعت البيت ما لقتش حد موجود و لقيت رساله من ماما علي الترابيزه .
♤(اخوكي تعب شويه اخدتوا علي الدكتور هنتأخر شويه و الاكل في التلاجه كلي و نامي ما تستنناش لانه هنروح كمان نشتري شويه حاجات.)
روحت غيرت هدومي وما فكرتش في اي حاجه شغلت اغاني بصوت عاالي عشان ما احس اني وحدي و سخنت اكل و باكل عادي لقيت حد بيخبط علي الباب قفلت الاغاني.
_ياسمين: مييين!!؟ مييين علي الباب!!؟؟.
ما حدش بيرد قررت اروح افتح فتحت ما لقتش حد موجود بس لقيت رساله علي الباب.
♤ اهلا بيكي في بيتي المتواضع يا حببتي.عجبك البيت؟!!!انا كنت متاكد انه هيعجبك..💜

و فجأه الباب اتقفل بسرعه حاولت افتح الباب و اصرخ عشان حد يسمعني بس ما فيش فايده جريت علي اوضتي و قفلت الباب و جبت الفون عشان اكلم امي لقيتو مغلق رنيت علي ابويا بيرن اهو الحمدلله و فجاه النور قطع .و بابا مش بيرد ليييه.
لقيت اصوات غريبه و حد بينادي عليا.
♧ افتحي الباب انت بتهربي مني ليييه. افتحي ما تخافيش♧.
جريت اتخبيت في الدولاب وما رديتش افتح فجأه لقيت الصوت بتعصب و بدا تكسير في الباب. و الباب خلاص هيتكسر.
♧ قلتلك افتحي. انا رجعتلك تاني بعد ما قتلوني. افتحيييي.♧
وانا قاعده بعيط و اصرخ وانا كاتمه صوتي بيأدي علي بقي. .
لحد ما لقيت امي بتنادي.
* ياسمين في اي!!! اي حصل.!!افتحي الباب دا
وانا من غير تردد جريت و فتحت الباب لقيتها واقفه قدامي جريت عليها و حضنتها و قعدت اعيط و اصرخ و هي تقولي اهدي اهدي ما فيش حاجه. انت معاي دلوقتي و اخيرا فتحتي الباب.و بقيتي في حضني.
انا استغربت من كلامها ببص لوشها بخوف…..

يتبع…