رواية أميرتي الصغيرة الفصل الأول 1 بقلم نجلاء

رواية أميرتي الصغيرة الفصل الأول 1 بقلم نجلاء

رواية أميرتي الصغيرة البارت الأول

رواية أميرتي الصغيرة الجزء الأول

رواية أميرتي الصغيرة الحلقة الأولى

رنا : ها هتخرجني فين النهارده
زين : انا تحت امر اميرتنا الجميله
رنا : انت اكيد سخن
زين : يعني ولا كدا عاجب ولا كدا عاجب
رنا : لا لا لا دا كدا كويس اوي بس مستغربه كميه الهدوء والحنيه دي
زين : اصل الصراحه مبسوط اووي
رنا : ايوا قولتلي والعم روميو مبسوط لي بقا
زين : هقولك بس مش دلوقت
رنا : اي دا من امتا وانت بتخبي حاجه عني
زين : مش الفكره بس هقولك بس مش النهارده ومتاكد انك هتتبسطي جامد
رنا : اما نشوف ي عم الحلو
زين : طب اي بقا نمشي
رنا : اولا وقبل اي شئ لازم ناكل ايس كريم
زين : بس كدا عيوني
رنا بنت جميله عندها 20 سنه يتيمه عايشه مع جدتها بس لان اهلها ماتو في حادثه أما بطلنا زين عنده 25 سنه بيخاف علي رنا اكتر من نفسه ومعتبرها اخته علشان معندهوش اخوات ……….
“ومشت رنا وزين واكلو ايس كريم وقضو يوم جميل كالعاده …..”)
زين : هتعرفي تطلعي لوحدك ولا هتشوفي عفريت علي السلم
رنا : اتريق اتريق مش عارفه انت ازاي مش مصدقني
زين : يلا يا جبانه من هنا
رنا : باي يا عم الشرير
طلعت رنا والضحكه مش مفارقه وشها
رنا : تيتا الجميله بتعمل اي
هنا : مستنيه الشقيه اللي مطلعه عينا
رنا : لي بس يا قمر انتي
هنا : سليم جالي النهارده وكلمني في الموضوع تاني وانتي لسه رافضه الموضوع
رنا : وهفضل رافضاه يا تيتا انتي ازاي موافقه رغم ان انتي عارفه اني مبحبش غير زين ومش هحب حد غيره
هنا : سليم بيحبك وشاريكي وانا عاوزه اطمن عليكي قبل ما اموت وزين يابنتي شكله مش شايفك غير اخوات
رنا : تيتا الحلوه اللي لازم تفصلني قبل ما انام
هنا : مهو دي الحقيقه اللي انتي مش راضيه تصدقيها
رنا : يلا يلا علي النوم يا جميل انت
هنا : هو انتي حد يقدرك ي بنت سالم
رنا : تصبحي علي خير يا قمر
هنا : وانتي من اهل الخير
دخلت رنا وهي زعلانه وبتكلم نفسها هو بجد فعلا زين مش شايفني غير اخوات بس بجد انا حبيته لازم اعرفه في اقرب وقت …

تاني يوم صحت رنا وصحت جدتها وقعدو يفطرو ….”)
هنا : مالك يا حبيبتي سرحانه لي
رنا : قررت اقول لزين اني بحبه يا تيتا
هنا : بلاش يا رنا خايفه يكسرك يا بنتي ومش عاوزاكي تخسريه دا الوحيد اللي بطمن عليكي معاه وبشوفك فرحانه معاه بعد ما اهلك ربنا افتكرهم يا بنتي
رنا : متقلقنيش بقا يا تيتا سيبيها علي ربنا بقا انا نازله بقا علشان متاخرش
هنا : خدي بالك من نفسك ومتتاخريش
_نزلت هنا وهي فيها توتر العالم كله وخايفه وحضرت محاضراتها وكلمت زين واتفقو انهم يتقابلو وهي مقرره انها تحكيله …”)
رنا : انا جييييت
زين : قررت اقولك انا مبسوط لي ومتاكد انك هتفرحيلي جامد
رنا : وانا كمان عندي ليك خبر جامد جموده
زين : قوليلي
رنا : لا لا اسمع منك الاول

زين : قررت اخطب
رنا في ثانيه حست ان الدنيا كلها اتقفلت في وشها ومش قادره تستوعب اللي قاله ….”)
زين : مش قولتلك هتتصدمي من الفرحه دي يا ست بنت خالتي بقالي فتره حاسس اني عندي مشاعر ليها وقولت لماما وكلمت خالتي والموضوع كله تمام فقولت لازم انتي اول واحده تعرفي علشان طبعا ملييش غيرك وعارف انك الوحيده اللي هتفرحيلي من قلبك
رنا : اكيد طبعا مبروك يا توينزي
زين : مالك حاسك مش مبسوطه
رنا : لا طبعا بس دايخه علشان مفطرتش
زين : طب يلا ناكل
رنا : لا لازم امشي علشان متفقه مع تيتا ناكل سوا وعلشان اديها علاجها
ركبت رنا مع زين ووصلو البيت وهي طول الطريق مش قادره تقول ولا كلمه وحاسه انها مش شايفه قدامها ….”)
زين : انتي كويسه
رنا : اه يلا باي
زين : كلميني لما تطلعي
طلعت رنا وهي مش شايفه قدامها من كتر العياط ومش متخيله فكره ان الانسان الوحيد اللي حبته هيبقا لحد غيرها
هنا : اي في اي مالك ي رنا
رنا وهي مكسوره : زين يا تيتا زين هيخطب يا تيتا هو ازاي محسش بيا ولا بمشاعري ليه دا الوحيد اللي قدرت اطمنله بعد موت اهلي يا تيتا الوحيد اللي كنت بجري عليه واحكيله كل حاجه بتحصل معايا هو ازاي يكسرني كدا يا تيتا ازاي ميحبنيش زي ما حبيته هو السبب في الكسره اللي انا فيها دي هو اللي خلاني احبه كان بيعملي كل حاجه حلوه تحببني فيه عمره ما كان قاسي عليا مينفعش يسيبني ويمشي كدا
هنا وهي مكسوره علشان رنا : مينفعش تعيطي الحب دا حاجه بتيجي لوحدها مينفعش نحاسب حد هو لي محبناش اكيد ربنا هيعوضك باللي فيه خير ليكي مينفعش تعيطي انتي عديتي بحاجات كتير اصعب من كدا بكتير وانا عودتك تقولي الحمد لله ومتعترضيش علي قضاء ربنا
رنا: قلبي واجعني اوي يا تيتا قلبي واجعني وحاسه ان روحي بتطلع مني
هنا : مفيش كلام من دا بكره تبقي زي القرد بس طالبه منك حاجه بس متبانيش قدام زين ضعيفه انتي قويه يا رنا طول عمري بقول عليكي انك اقوي بنت ممكن اي حد يقابلها في الدنيا افرحيله وبينيله انك فرحانه ومفيش حاجه متكسرلهوش فرحته يا بنتي هو مش غلطان في حاجه رنا : حاضر يا تيتا
خليكي معايا النهارده نامي معايا النهارده محتجاكي جنبي اوي
هنا : طب يلا يلا علي النوم مينفعهش قموره زيك كدا تسهر اكتر من كدا وتدمر صحتها
_ عدا الليل كله ورنا منامتش وقاعده تفكر وتعيط لحد ما نامت من تعبها من العياط صحت جدتها وقامت تحضرلها فطار وسابتها نايمه علشان حاسه بيها وهي صاحيه طول الليل صحت رنا علي مكالمه من زين ومردتش عليه وقفلت فونها علشان متكلمهوش …..”)

الباب خبط وطلعت هنا تفتح …”)
هنا : عريسنا وصل اهو
زين وهو بيضحك: فضحتني الشقيه حالا ، هي فين صح برن عليها مش بترد
هنا :دي نايمه ادخل علي ما اعرفها
زين بره قومي فوقي كدا يلا وقابليه كويس
رنا : بس يا تيتا ..
زين : انتي لسه هتبسبسي انتي ازاي مترديش عليا يا بت انتي ، حضريلنا الفطار يلا يا تيتا ، وانتي قومي البسي يلا علشان ننزل
رنا : مش قادره تعبانه شويه مش هقدر انزل
زين : لو بتموتي هننزل دا احنا رايحين نجيب البدله، الشبكه كمان يومين
رنا : روح انت وخطيبتك انا مش قادره والله
زين : والله ما هيحصل؛ اللحظه دي محدش يشاركني فيها غيرك يلا بسرعه بسرعه بدل ما احلف افضل عندكم النهارده طول اليوم ومش هنجيب بدل ولا حاجه وهقرفكم طول النهار انتي حره
رنا : خلاص غور هغير وجايه
زين : البسي الطقم دا بيكون حلو عليكي ،
تيتا الحلوه عاملالنا اكل اي
هنا : اهم حاجه بطنك
زين :اكيد، قوليلي يا تيتا رنا فيها حاجه ومتخبيش عليا
هنا : بصراحه يا زين يا بني …..

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية أميرتي الصغيرة)