رواية بيت السلطان الفصل السابع عشر 17 بقلم منار مجدي

رواية بيت السلطان الفصل السابع عشر 17 بقلم منار مجدي

رواية بيت السلطان البارت السابع عشر

رواية بيت السلطان الجزء السابع عشر

رواية بيت السلطان الحلقة السابعة عشر

حلا بدموع:انت عارفه انك مش هطلقها هى اكيد انا إلى هطلقنى.
فتحت حلا الباب ونزلت وراه
كان نادر قاعد فى الجنينه وبيبص للسما.
قعدت حلا على الكرسى إلى جمبه.
نادر: عايزك تفهمى أنه مش بإيدى انى أطلقها.
حلا:طبعا فاهمه وانت كمان لازم تفهم أن مش بإيدى استحمل بص انا مش زعلانه لا خالص انا بس بطلب منك تطلقنى انت مش بإيديك تتطلقها بس بإيديك تطلقنى متخافش انا متعوده اعيش لوحدى ومتخافش برضو انا مش هتجوز حد غيرك.
نادر قام بعصبية وزق كل إلى على الترابيزه قدامه فى الارض.
نادر:انتى ليه مش فاهمه عايزانى اعمل ايه انا مش عارف افكر دماغى هتنفجر.
حلا بعياط وعصبيه:انا كمان معرفش يلعن ابو كده مش عارفه .
جت تمشى شدها نادر من أيديها ومسك وشها:انا بحبك اوى يا حلا.
حلا:انا كمان بحبك اوى.
شدها نادر فى حضنه:يبقا متسبنيش .
حلا وهى بتحضنه:مش بإيدى انا مقبلش ابقا ضره لحد.
نادر وهو بيحضنها:عشان خاطرى لا.
حلا:انا مش هسيبك غير لما تكرهنى يا نادر.
نادر:عمرى ما اكرهك.
حلا:لا مش هتحبنى اوعدنى لاما هخليك تكرهنى.
نادر:لا لا.
حلا:اوعدنى يالا مش هتحبنى تانى عشان انا كمان مش هحبك تانى .
نادر:ازاى اعمل كده.
حلا بعدت:هيحصل كده مش هتكلمنى مش هتتصل بيا مش هتسأل عنى مش هنتقابل تانى ابدا لاما مش هنعرف منحبش بعض.
نادر بزعيق:متعمليش كده يا حلا متعمليش ده فينا
حلا بزعيق:لا هيحصل انت مش هتحبنى عشان انا مش هحبك اوعدنى اوعدنى انك هتعمل كده(بزعيق) اوعدنى يا نادر
نادر كسر الحاجه الى باقيه على الترابيزه بعصبيه:طيب طيب اوعدك خلاص بوعدك.
لفت وشها ومشيت كام خطوه ونادر لف وهو بيعيط.
لفت تانى ليه وبصيتله بعياط:نادر.
لف نادر ليها وهو بيعيط
حلا:بوسنى لآخر مره كمان.
نادر جرى عليها وحضنها جامد وبعدين مسك وشها وباسها جامد
حلا بعدت بعد فتره كانت شفايفها اتورمت وبتجيب دم:كفايه عشان هضعف تانى
نادر:طب ممكن نبقا صحاب.
حلا:للأسف لا.
لفت وشها ومشيت خطوتين.
نادر بصوت عالى:برضو مش هحب غيرك.
حلا:انا كمان مش هحب غيرك.
مشيت حلا وطلعت شالت نادر ونزلت
كريمه:انتى رايحه فين.

 

 

 

 

حلا بدموع بصيتلها وبصيت لروزى إلى بتبصلها بإستغراب وابتسمت:رايحه مكانى الصح ده مش مكانى.
مشيت تانى لحد ما وصلت للباب.
كريمه:قولتلك حفيدى مش هيخرج من هنا
نادر دخل وهو كمان عينيه وارمه من العياط:ابنى هيفضل مع مامته.
كريمه:بس يا نادر.
نادر مشى:انا قولت إلى عندى.
مشى نادر ابتسمت حلا وبصيت فى الارض وبعدين كملت مشى.
لحد ما وصلت للميتم.
نادر الصغير صحى:مامى عيطى.
حلا بدموع:لا مش بعيط انا كويسه
نادر بدموعي:عيطى اهو .
حلا حضنته جامد وهى بتعيط وهو طبطب عليها حطيت رأسها على رجله ونامت وهى بتعيط.
تانى يوم كانت بتنضف الميتم والكل مستغرب انها ساكته.
مازن:ليلى ليلة يا ليلى يا ليل.
حسين:واضح أن الغزاله مش رايقه خالص.
حنين:اه.
حسين:شكلك عارفه حاجه.
حنين:انا مكنتش عايزه اقول بس امبارح لما ابله حلا رجعت كانت بتعيط جامد كتير خالص.
حسين:متعرفيش ليه.
حنين:لا للأسف مفهمتش حاجه من عياطها ده.
مازن:طب وبعدين.
حسين:مش عارف نغنيلها احنا.
مازن:سيبها عليا.
حسين:انطلق يالا.
مازن راح قدام حلا
حلا بصيتله بإستغراب
مازن:الله بقا اللخبطه ديه ليه يالى خطفنى يا ريت تقولى.
ابتسمت حلا وجت تمشى وقف قدامها حسين
حسين:ايه حصلى
حلا:حتى انت.
مازن:على كده بقا ده اللى.
حسين مسك أيديها وبقا برقصها:بالملى.
مازن شدها:إلى انا عيشت احلم بيه.
حسين شدها:من يوم وليلى اخدتنى على مشمى وكنت راضى
مازن شدها:واحنا يا دوب
حسين شدها:بنقول يا هادى.
مازن شدها:امال لو.
حسين شدها:فات شهر هيحصل ايه.
حلا شديت نفسها:بس خلاص دوختونى.
خرجت

 

 

 

 

راح مازن وراها ووقف قدامها:طب واحده واحده وبلاش كل ده يجى مره واحده هتجنن كده لو ده النظام معاك بالشكل ده مقدرش عليه.
حسين جنبه:طب واحده واحده
مازن:وبلاش كل ده.
حسين:يجى مره واحده.
مازن:هتجنن كده.
حسين:لو ده النظام معاك بالشكل ده.
مازن:مقدرش عليه.
حلا ابتسمت وهى بتنقل نظرها بينهم حضنتهم.
مازن:بقيتى احسن.
حلا هزيت راسها:متقلقوش عليا انا كويسه.
حسين: متأكدة.
حلا:متأكدة.
مرڤت:حلا فى واحده عايزه تقابلك.
حلا:تقابلنى انا مين.
مرڤت:مش عارفه هى مستنياكى فى المكتب جوه من بدرى.
حلا:طيب.
حسين:خليكى قويه.
حلا ابتسمت:عارف انا بحبكم اوى.
مازن بفخر:لازم اصلا احنا مفيش زينا.
حسين:بيقرع بيقرع.
ضحكت حلا ودخلت
حلا دخلت:سمعت انك قاعده من بدرى معلش انتى.
روزى بابتسامه:ايوه.
حلا:انتى فاهمه غلط مفيش حاجه بينا عشان نتكلم فيها.
روزى مسكت أيديها:من فضلك اسمعينى.
حلا اتنهدت وقعدت:اتفضلى محتاجه ايه منى
روزى:بس اسمعينى مش عايزه تعرفى ليه نادر مش عايز يطلقنى رغم أنه مش بيحبنى.
حلا دمعت:مفيش سبب غير أنه مجبر بس ليه ده انا معرفهوش .
روزى:انا اقولك هو مجبر ليه.
حلا:متقوليش عشان مش هيغير حاجه فى الواقع انا اسفه بس انا مش هقبل اكون ضره لا ليكى وله لأى حد كمان مش عايزه لأبنى مرات اب انا اسفه.
روزى بدموع:انا عارفه كل ده ومقدره بس اسمعينى.
حلا اتنهدت:اتفضلى.(اديتها مناديل)
روزى بدموع:انا ابقى لنادى بنت عمته الغير شرعيه عارفه يعنى ايه غير شرعيه.
حلا هزيت راسها:لا بصراحه يعنى ملكيش فى الورث.
روزى ابتسمت:لا يعنى بنت حرام جيت عن طريق علاقه حرام بين ماما وبابا إلى معرفهوش ماما إلى هى عمت نادر انا كنت عايشه في لبنان لوحدى وله عيله ماما قابله بيا وله عيله بابا قابلين بيا بس عن طريق النت عرفت انى ليا جد وجده وهيبه كبيره فى مصر بس جدى لما كلمته قفل السكه فى وشى وكأنى انا السبب وكأنى اتولدت مكتوب عليا افضل لوحدى أعلى عايشين بس مش معترفين بيا معتبرنى غلطه كانت ماما بس هى إلى معايا بس ماتت لما انا تميت ١٦ سنه وفضلت عائشه بقيت عمرى لوحدى لحد ما فيوم جت تيته وكانت عايزانى اروح معاها مصر هنا بس انا مكنتش عايزه هرجه بصفتى ايه بنت حرام مكنتش هستحمل لما خبطت نادر وعمل الحادثه فقد الزاكره مكنش فاكر حاجه تيته استغلت ده وقالتله اننا مخطوبين وهنتجوز عشان بس تحطنى قدام أمر واقع وارجع معاها وانا مكدبش عليكى انا كنت بتشد لنادر كل شويه كنت حاسه انى مهمه فى حياته خصوصا أنه كان بيسألنى أسأله كتير عن علاقتنا كنت بضطر اخترع حكايه من دماغى (ضحكت بسخرية)بس عارفه إلى بيكدب الكدبه وبيصدقها كان انا بس زى ما يكون عمره ما اقتنع بكدبى كنت بحاول اتقرب منه كتير كان بيقولى أنه حاسس بحاجه غلط ومش جاهز لسه طول السنتين إلى عيشتهم فى بيت السلطان عمره ما لمسنى وله حتى اذانى كنت بستغرب انا كنت بغربه بطريقه تخلى اى حد يضعف بس هو عمره ما اقتنع بيا.
مرڤت دخلت بعصير وخرجت
حلا شربت بتاعها و كانت الغيره بتاكل فيها بس دارت كل ده:انا دلوقتي مش فاهمه انا مطلوب منى ايه.
روزى:ترجعى لنادر حرام هو بيحبك وبيموت من غيرك انا اوعدك مش هبقا ضره ليكى وله مرات اب لابنك ببساطه حتى لو عايزه نادر مستحيل يفكر فيا.

 

 

 

 

حلا:وانا هستناه لما يفكر فيكى بقولك ايه يا روزى ده مش موضوعنا وموضوعة انا ونادر انا قفلته خلاص.
روزى:يعنى مصممه برضو
حلا:ممكن انتى متعرفنيش بس انا لما باخد قرار عمرى ابدا ما ارجع فيه (باين انها بتكدب وله نبين اكتر)
روزى قامت:يبقا ملوش لازمه وجودى هنا.
حلا:العفو منك نورتينا.
روزى خرجت ودخلت مرفت وهى مخضوضه
مرڤت:الحقى يا حلا.
حلا:فى ايه تانى.
مرڤت:نادر.
حلا:ايه تعب.
مرڤت:لا اختفى
حلا:نعم يختى اختفى ده ايه ماكان نايم جوه.
خرجت حلا تشوفه
مرڤت:مش عارفه انا صحيته عشان ياكل وروحت المطبخ اجيب الاكل رجعت ملقتهوش وسألت عليه الميتم كله محدش شافه.
حلا بدموع:ابنى يعنى راح فين .
مرڤتذ:يكون حد خطفه.
حلا مسحت دموعها وخرجت من الميتم بعصبية وبقيت تجرى فى الشارع ووسط العربيات لحد ما وصلت بيت السلطان.
حلا بصوت عالى:انتو يالى فى البيت ده.
ياسين:حلا مالك.
مريم:فى ايه يا حلا.
حلا شافت نادر:ابنى فين يا نادر
نادر بصدمه:مش كان معاكى.
حلا بصوت عالى:ابنى يطلع حالا انا عارفه ومتأكده أنه هنا.
كريمه بزعيق:ابنك ايه هيجيبه هنا انتى مش اخدتيه ومشيتى امبارح.
نادر:لحظه انتى مش لقياه.
حلا بصوت عالى:وانا لو لقياه هاجى ادور عليه هنا ليه .
كريمه:اه يعنى ضيعتى حفيدى اسمعى بقا حفيدى انا هعرف اجيبه كويس بس ساعتها انسى أن ليكى ابن وانا هرفع عليكى قضيه لعدم مسئوليتك
حلا خافت :قصدك ايه هتاخدى ابنى منى ده على جثتى.
نادر بصوت عالى:الاول نشوفه فين بعدين نتخانق.
حلا:بالظبط قولى وديت ابنى فين يا نادر.
نادر:انا معرفش هو فين صدقينى دلوقتى براحه كده اخر مره كان فين.
حلا:كان نايم والله مرڤت قالت إنها صحيته عشان ياكل وبعدين ملقتهوش
نادر:محدش شافه.
حلا:لا
نادر:طب تعالى معايا هنشوف كاميرات المراقبة فى المنطقه.
كريمه:نادر ابقى طمنى
نادر: حاضر حاضر.
خرج نادر وحلا
كريمه ابتسمت.
روزى:ايه مشيو
كريمه:اه

 

 

 

 

حامد:وجرت الأمور كما خطط لها.
روزى:شوفت يا جدو.
حامد:انا مش جد حد
مشى وسابهم
كريمه:متزعليش اكيد هيقبل بيكى فى يوم.
روزى:يا ريت يا تيته.
كريمه:طب تعالى نتصل بنادر.
نادر بيسوق العربيه بسرعه تليفونه عمال يرن
حلا بتوتر:رد على البتاع ده بقا.
نادر مسك التليفون:ألو يا تيته.
كريمه:المركب جاهزه.
نادر نقل التليفون الناحيه التانيه:خطوه خطوه يا تيته كله بالدور وهنلقيه أن شاء الله.
كريمه:اسمع عايزه حفيد تانى متتأخرش اخرك اسبوع.
نادر:قليل اوى مش هيلحق يجى
كريمه:لا هيلحق بس انت شد حيلك.
نادر:ده عنيد جدا.
كريمه:هيجى متتتأخرش يا نادر اسبوع بس عشان شغلنا هيقف وكمان مش هعرف أخلى بالى من نادر كتير لوحدى انا وروزى .
نادر:مريم موجوده.
حلا بصيتله بإستغراب.
نادر:خليها تتواصل مع الميتم عشان لو لقوه يبلغونا
حلا بصيت قدامها تانى وهى متوتره جامد.
كريمه:هى لسه صاحيه.
نادر:اه.
كريمه:ليه روزى انتى ادتيها الحبيتين.
روزى:لا حطيت واحده بس صعبت عليا وحسيتهم كتير
كريمه:ربنا يسامحك.
نادر:يا رب يا رب يرجع بقا.
حلا مسكت رأسها وحسيت بدوخه:ا ابنى .
اغمى عليها.
نادر:سلام يا تيته شكلها خلاص.
كريمه:طيب هستنى تكلمنى بعد اسبوع.
نادر:تمام سلام.

 

 

 

 

 

نادر فضل سايق لحد مينا ونزل شالها وحطها فى مركب ومشيو لجزيره ونزل وهو شايلها وسواق المركب مشى وسابهم.
نادر حطها على الشط ونام جمبها وهو بيتفرج عليها.
تانى يوم صحيت حلا بفزع:ابنى ابنى.
بصيت حواليها:انا فين ايه ده
صحت نادر.
حلا:قوم قوم احنا فين.
نادر بتمثيل:اه دماغى.
حلا بخضه قربت ومسكت رأسه:فى ايه مالك حاجه بتوجعك.
نادر:اه ضربونى ولاد الكل**ب(إلى محدش يعرفهم😂😂)
حلا: مين هما.
نادر’مش احنا كنا فى العربيه رايحين ندور على نادر.
حلا:اه.
نادر:وانتى أغمى عليكى وانا اتخضيت فركنت العربيه عشان اشوفك واحاول افوقك هجم علينا قطاع طرق واحد منهم كان عايز يغتصبك.
حلا حضنت نفسها بخوف: وبعدين.
نادر:وقفت قدامهم وضربتهم لحد ما عجنتهم ومخلتش حد يقربلك.
حلا:وبعدين.
نادر:الكبير بتاعهم جيه بقا وقالى عاملة فيها شجيع السيما وانا مكنتش عايز اسيبك فشيلتك وحاولت أجرى بس قفشونى ولاد ما علينا ضربونى جامد وبس انا ايه مسكتش اخدتك ونطينا من المركب.
حلا:مركب ايه.
نادر:انا مقولتلكيش صح مش هما لما انا شيلتك جرونى لمركب كده بس الحمدلله محدش لمسك.
حلا:غريبه
نادر:لا اصلهم قرفو
حلا:نعم
نادر:اصل واحد منهم رجع على هدومك.
حلا بقرف:يع
نادر:بس متقلقيش لما نطينا المايه نضفت هدومك.
حلا:لا قرفانه اوى من نفسى.
نادر:يا ستى انتى حلوه اهو.
حلا:بس مش باين انك مضروب.
نادر:اصلى كنت بتفداهم فالتقى كل ألالم داخليه.
حلا بزعل:طب انت كويس.
نادر لنفسه:الحنيه ديه إلى هتجيبنا ورا
حلا:نادر سامعنى انت كويس هما ضربوك على ودانك وله ايه.
نادر مسك ودانه:اه اه بتوجعنى.
حلا مسكت رأسه:طب وبعدين.
نادر: متقلقيش متقلقيش الوجع بيروح ويجى انا كويس.
حلا سابته وبصيت وراها:طب وبعدين ونادر.
نادر:اه لما كنت بكلم تيته قالو انهم لقوه خلاص
حلا بفرحه:بجد

 

 

 

 

 

نادر:اه.
حلا:طب هنرجع ازاى بقا
نادر:مفيش هنضطر نستنى هنا لحد ما اى سفينه أو مركب تعدى تاخدنا.
حلا مسكت بطنها:بس انا جعانه
نادر:تعالى نشوف حاجه تتاكل
حلا:فى شجره مانجا هناك.
نادر:لا لا استنى ده المانجا مش مستويه ووحشه استنى هتلاقى حاجه احسن.
حلا:مش مهم اى حاجه تتاكل.
نادر مسك أيديها وشدها:بس تعالى.
فضلو يدخلو جوه الجزيره اكتر لحد ما لقو بيت خشب صغير.
حلا:نادر بص بيت.
نادر:فين فين
حلا شديته:تعالى يمكن فيه حد يقدر يساعدنا.
خبطت مفيش رد فتحت الباب ودخلت براحه
حلا:فى حد هنا.
نادر:اه احنا.
حلا:هزار بايخ.
راحت وفتحت التلاجه لقيت فيها كل حاجه خضار وفاكهه وأنواع اكل كتير معمول وجاهز ومتعلب وعصائر.
حلا:الحاجات ديه طازه اكيد فى حد ساكن هنا.
نادر:ها لا اكيد.
حلا:ايه الثقه ديه بقولك الاكل طازه ده حتى معمول وجاهز اى حد عاقل هيعرف أن فى حد ساكن هنا بص حتى البيت نضيف مفهوش زره تراب اكيد على بليل هيجى صاحب البيت هيساعدنا وبكره الصبح يكون كل واحد فى بيته.
نادر:اه طبعا امال.

 

 

 

 

 

حلا بصيت بضيق عين بعيد:دولاب ده.
راحت وفتحت لقيت هدوم سيداتى وراجلى بس كلهم صيفى هوت شورتات وكات مفيش حاجه ساتره ابدا
حلا طلعت سلوبته شورت:ديه مقاسى بالظبط يمكن إلى ساكن هنا عريس وعروسه عشان الهدوم يعنى مش محترمه شويه بس مش مشكله هنستحمل اممم دلوقتى انا قرفانه من نفسى هدخل الحمام اخد دش خليك هنا مفهوم
نادر:وانا اسمع كلامك ليه.
حلا:فعلا ليه براحتك.
سابته ودخلت الحمام.
حلا:ايه ده كمان.
حلا اتنهدت:نادر لو سمحت تعال.
نادر:نعم
حلا:بص.
نادر بص لباب وعمل نفسه مش واخد باله:بصيت فى ايه.
حلا:مفيش قفل للباب الباب مش بيقفل
نادر:طيب وانا اعمل ايه.
حلا:تساعدنى.
نادر:إلى هو ازاى اقف امسكه ليكى مثلا لحد ما تخلصى.
حلا:بالظبط خليك جينتل.
نادر بتمثيل الزهق طيب اتفضلى

 

 

 

 

حلا قفلت الباب وهو وقف ماسكه ومبتسم وتعمد يقول
نادر:تقعد تقولى تبعد عنى ومتكلمنيش ومتشوفنيش تقول البت انجلينا جولي وله حاجه وفى الاخر تيجى وتعمل هيصه والولد مخطوف وفى الاخر الواد فى الميتم اصلا متحركش وآخره المتم تقولى امسكلى الباب وخليك جينتل ده جنان ده.
حلا ضحكت:على فكره سمعتك.
نادر:ايه ده بجد.
حلا:هتستعبط.
نادر:هى حصلت كمان هتستعبط ده انتى قلبك مات بقا عارفه انا ممكن دلوقتى ادخل ومش ضامن نفسى خليكى ساكته احسن.
حلا:ابقى اعملها وانا اضيعلك مستقبلك كله بحركه
نادر:لا وعلى ايه خلينا محترمين احسن(بصوت واطى) كله فى وقته حلو.
حلا:بتقول حاجه.
نادر:خالص بشكر فيكى.
حلا بضحك:بحسب.
بعد فتره سمع نادر صوت المايه عرف انها بدأت تستحمى بقا واقف وبيخبط على رجله بإيديه وشيطانه بيوسوسله يدخل.
نادر لنفسه:اكيد دلوقتى حلوه اوي وشعرها طويل ومبلول لا لا استغفر الله العظيم يا رب مراتى ومش عارف المسها يا رب غلطت فى ايه.
قاطع تفكيره صريخ حلا.
حلا:اعاا.

يتبع ….

لقراءة الفصل التالي : اضغط هنا 

لقراءة جميع فصول الرواية اضغط على ( رواية بيت السلطان )