رواية ضحية الإنتقام الفصل الخامس 5 بقلم أمل عبدالرازق

رواية ضحية الإنتقام الفصل الخامس 5 بقلم أمل عبدالرازق

رواية ضحية الإنتقام البارت الخامس

رواية ضحية الإنتقام الجزء الخامس

رواية ضحية الإنتقام الحلقة الخامسة

– هند بصدمه: ايه.. ي.. يو.. يونس بيه
– ايه مفكره هتعرفي تهربي مني انا يا هند..
– خير يا يونس بيه
– وهيجي الخير منين يا هند
– مش فاهمه
– انزلي من العربيه يا هند
– في ايه يا دكتور يونس
– يونس بغضب ويجاوره مجموعه من رجاله: بقولك انزلي من العربيه بدل ما اتصرف معاكِ تصرف يندمك عمرك كله
– هند بخوف: حاا.. حاضر
– واضح اوي انك خايفه يا هند
– خايفه! .. اخاف من ايه، هو انا عملت ايه عشان اخاف، مش خايفه طبعا
– عملتي ايه!.. يا بجاحتك، انا وثقت فيكِ، وأمنتك على شغلي واعتبرتك زي بنتي بما انك مغتربه في بلد غريبه، تعملي معايا انا كدا، دا جزائي منك يا خاينه
– انا مش فاهمه حضرتك تقصد يا دكتور و ..
– يونس بغضب: اخرسي يا حيوانه، انتِ لسه هتكذبي عليا تاني، ايه اللي بيمشي في عروقك كذب
– هند بتلعثم: يا.. يا يو.. يا يونس بيه انا معرفش انت بتتكلم عن ايه
– يونس هو يضغط على أسنانه: خايفه يا هند! .. انتِ شوفتي حاجه لسه يا هند، بنتي فين
– بنت مين
– اتظبطي معايا والا هظبطك انا، انتِ متعرفيش وشي التاني، ايه مش عارفه بنتي، مش عارفه دكتوره زينه، اللي اتخطفتي معاها يا هند، وبما انك قويه وقادره على التحدي والمواجهة، بجبروتك قدرتي تهربي من المجرمين، وقال ايه متعرفيش انتِ فين بالظبط
– يا فندم انا مش فاهمه حاجه، انا حتى سيبت مدام سميه والدة دكتور وسيم في البيت، وخرجت ادور على بنت حضرتك
– يا سلام.. دا بجد.. تصدقي هعيط من وفائك واخلاصك يا هند
– صدقني يا دكتور يونس
– وجبتي العربيه منين ووصلتي ليها ازاي وانتِ في مكان بعيد عن بيتك بساعات
-………

 

 

 

– يونس وهو يمسك بمعصمها بقوه : انطقي يا هند
– اااااااه ايدي يا يونس بيه
– بنتي فين يا بت انتِ
– معرفش… معرفش حاجه
– بقولك بنتي فين
– مش عارفه انت بتتكلم عن ايه
– والله يا هند انا ما عندي اغلى من بنتي في الدنيا، صدقيني روحك انتِ واللي معاكِ كلهم مقابل دمعه تنزل من عين زينه
– هند ببكاء: ارجوك سيبني في حالي انا مش عارفه حاجه
– كذابه وخاينه، بنتي فين
– هند وقد ظهرت بوجهها الحقيقي: انت مفكر ان مافيش قانون ولا ايه، انت متقدرش تقتل نمله، وكل اللي بتعمله دا ولا يهز شعره فيا، بنتك مين اللي بتسألني عنها، بدل ما تتشطر عليا انا، روح شوف مين اللي خاطفين بنتك
– ايوه كدا، مش لايق عليكِ دور البريئه، انتِ وأشكالك لازم اخلص منكم
– ايه هتقتلني يا يونس
– يونس! يا بجاحتك يا شيخه
– بما اننا بقينا بنلعب على المكشوف، ملهاش لازمه بيه دي بقى
– يونس هو يصفعها بقوه على وجهها: بنتي فين يا خاينه، وسيم فين يا زباله، ام وسيم فين يا حساله
– بتضربني انا بالقلم على وشي، بنتك ماتت، ماتت يا يونس، انا قتلتها يا يونس، قتلتها وهناخد كل املاكك، انا متفقه مع وحيد، ومتفقه مع وسيم، هما الكل في الكل، احنا الملوك وانت ولا حاجه، شركاتك دي انساها، ودور الملاك اللي بتلعبه انساه، خلاص انت مبقاش ليك حد، اشتغلت معاك اه، كنت مخلصه ليك اه، بس بغبائك شغلت وسيم معايا، حبيته وحبني، واتجوز بنتك عشان ينتقم منك، واشتغلنا مع ادريان، وهناخد روحك واملاكك كلها
– يا حقيره، والله ما هرحمك
– هند بألم: ااااااااااااااااااااه سيب شعري يا جبان، عارفه ان الحقيقه بتوجع اوي، بس معلش لازم تواجه نفسك بيها، وبنتك خلاص أصبحت في عالم الأموات
– سجلت كل اللي قالته يا حسين

 

 

 

– حصل يا باشا
– هند بصدمه: سجل! سجل ايه
– سجل كلامك يا هند، هيروح يسلمه للشرطه يا هند، وانتِ هتاخديني على المكان اللي فيه بنتي وحالا، ولو مش هتاخديني هناك انا هاخد انا
– دا اللي هو ازاي
– ايه دا هو انا مقولتلكيش، مش عارف مكانهم يا هنوده، في البيت القديم اللي جنب النهر على الطريق السريع
– ايه!
– متتصدميش يا هند، انتِ عارفه انتِ بتلعبي مع مين، انا في مجالي دا شوفت كتير اوي من اشكالك القذره، لكن مافيش حد منهم اتجرأ يلمس شعره من بنتي، بحيكِ على شجاعتك وجرائتك اللي هتندمي عمرك كله عليهم، طمعانين في علاج الغلابه، عايزين تاخدوا مجهودي، زعلانين ان بلدي عرفت تصنع ادويه زي دي، ايه ما انتو سارقين مننا حاجات كتير، الصح دايما بيتهاجم وعايزين تقضوا عليه، لدرجة انكم تخطفوا بنتي ونور عيني، طب هي ذنبها ايه، ام وسيم ذنبها ايه، وسيم نفسه ذنبه ايه، عايزين تساوموني عليهم، بنتي ذنبها ايه يا هند
– انت وبنتك السبب في كل حاجه، السبب في وجعي
– واحنا عملنالك ايه يا هند، دا انا مقدمتش ليكِ غير كل خير، مرتبك كان ضعف الموظفين، جايبلك بيت هنا على حسابي
– بنتك خدت حبيبي مني، كسرت قلبي، الراجل الوحيد اللي حبيته خدته مني
– وسيم مش بيحبك
– كنت هخليه يحبني
– ايه هو بالعافيه، انتِ مبتفهميش
– ما هو مش بيحب بنتك، متجوزها عشان ينتقم منك، متجوزها عشان فلوسك، بيكرهها
– هتفضلي غبيه، وسيم لو مش بيحب زينه مستحيل كان يرمي نفسه في الخطر ويروح ليكم برجليه، انا عارف.. ولا بلاش هعرفك بعدين
– تعرفني ايه
– بعدين هتعرفي يا هند، زينه فين يا هند
– مش انت عارف هي فين
– انطقي يا بت انتِ
– اااااااااااه سيب شعري
– بنتي فين
– زمان الرجاله قتلوها أو نقلوها من مكانها، لأن المسؤول عن كل حاجه زمانه وصلها من بدري يا يونس بيه
– تعالى اربطها كويس، واكتملي نفسها خالص
– انتو هتعملوا فيا ايه، انت عايز مني ايه
– انطقي بنتي فين
– موافقه اقولك على مكانها وكل حاجه، بس بشرط
– شرط ايه
– أخد منك ٧ مليون دولار
– نعم!
– زي ما سمعت
– موافق يا هند
– بتكذب عليا
– لأ مش بكذب وانتِ عارفه ان كلمتي واحده
– وايه يضمني
– هتركبي معايا معززه مكرمه، توصليني لبنتي وتاخدي فلوسك
– والتسجيل اللي راح للشرطه
– لأ مافيش كدا، انا كنت بخوفك
– بجد ولا بتضحك عليا
– بجد يا هند، ارجوكِ عايز ألحق بنتي
– مش عارفه اصدقك، انت عارف مكانها، ليه عايزني اوصلك بنفسي
– مش متأكد من المكان دا، وجودك معايا هيوصلني لبنتي
– عرفت مكاني منين
– مش وقت كلام يا هند، انا هخليه يربط ايدك بس بكل هدوء
– مش انت قولت هقعد معززه مكرمه
– للأمان بردو يا هند، اصل اللي يخون مره يخون ألف
-………
– يلا اربط ايديها

 

 

 

—————–
– زينه ببكاء: حد يلحقني، بالله عليكم حد يخرجني من هنا، انا هيجرالي حاجه، انت فين يا وسيم، ليه عملت فيا كدا يا وسيم، انا اذيتك في ايه طيب، وانت كمان يا بابا انا ذنبي ايه عشان ينتقموا منك فيا، انا خايفه ولوحدي، حرام عليكم كلكم، ليه انا اللي اتأذى واكون ضحية انتقامكم
– زينه حبيبتي انا موجود يا عيوني، انا هنا يا زينه، متقلقيش يا زينه، انا هخرجك من هنا يا روحي، خلاص يا زينه انا جيت
– وسيم؟! وسيم انت برا يا وسيم، انت جيت تنقذني صح
– ايوه يا روحي انا برا، اطمني يا زينه، انا هخرجك من هنا، انا بحاول افتح الباب يا روحي
– انا خايفه اوي يا وسيم
– متخافيش طول ما انا جنبك يا زينه، انا افديكِ بروحي.. بس افضلي اتكلمي معايا عشان اطمن عليكِ
-………
– زينه
-………
– ردي عليا يا زينه
– طالما انت بتكرهني جاي تنقذني ليه
– انا مش بكرهك يا زينه
– انت قولتها بنفسك، انت اتجوزتني عشان تنتقم من ابويا، مش كدا يا وسيم
– لأ مش كدا يا زينه، انا اتجوزتك عشان بحبك، عارفه لو مش بحبك كان زماني بعت الشركات وخدت الفلوس وهربت، وكنت مقتنع ان ابوكِ السبب في تدمير حياتي كلها، لكن انا بحبك ومعملتش اي حاجه من دي، وقدرت اوصلك بفضل الله وجاي انقذك
– يعني انت مبعتش شركات الأدويه
– ومستحيل ابيعها
– بتحبني يا وسيم
– بحبك ومحبتش غيرك
– انا تعبانه ودايخه
– حاولي تتماسكي يا عيوني، انا كسرت اول قفل خلاص مش باقي غير قفلين
– هما مين اللي خاطفني
– هند
– هند اللي كانت بتهتم بيا في البيت
– ايوه
– بس ازاي، دي فضلت تقولي انك بتحبني وبتخاف عليا
– هند ممثله شاطره! بس ربنا كشفها
– طيب بابا كويس
– ابوكِ وامي هنا يا زينه
– يا نهار ابيض، ايه اللي يجيبهم، بابا حياته في خطر
– اطمني يا هند والدك بخير، امي انا اللي هند خطفتها
– لا حول ولا قوة الا بالله، انا مش فاهمه حاجه، انا ومامتك ذنبنا ايه
– عشان انتو نِقاط ضعفنا يا زينه
– طب وانت عرفت مكان ماما
– ان شاء الله هعرف
– طيب هو فاضل كتير على ما تفتح ليا، انا خايفه حد يجي
– خلاص فاضل آخر قفل
– عملت ايه يا وسيم
– بحاول اكسر القفل الأخير بالحديده دي
– انا ربطت الراجل اللي دخل علينا الاوضه، والتاني ضربته على دماغه وفقد الوعي
– وسيم بغضب: ازاي تعمل كدا يا غبي
– في ايه يا وسيم
– انت ضربت أشرف الراجل اللي كان هيساعدنا
– وانا اعرف منين يعني، انا غلطان اني بساعدك
– روح بسرعه حاول تفوقه، دا راجل غلبان
– حااضر
– إلحق يا وسيم
– مالك يا وحيد خايف كدا ليه
– انا جيت نازل لاقيت الصاله اللي تحت مليانه رجاله معاهم اسلحه، وفي كارثه
– كارثة ايه تاني غير دي
– وحيد بصوت مرتعش: والد.. والدتك معاهم

 

 

 

– يا نهار ابيض يعني امي معاهم
– ايوه يا وسيم
– انا كسرت القفل، متعملش اي صوت
– اكيد في حد طالع لينا دلوقتي يا وسيم
– انا هنزل اشغلهم، هما مش عايزينك انت، دول عايزني انا وزينه
– زينه بهلع: وسيم
– اهدي يا حبيبتي مش هيحصلك حاجه، الكلام دول رابطين ايدك ورجلك كدا ليه
– انا خايفه عليك يا وسيم، انا سمعت الكلام اللي دار بينك وبين وحيد
– خلاص هما اكيد طالعين لينا دلوقتي طالما مش لاقيني تحت، وسمعت صوت أشرف فاق وبيضربوه عشان يعرفوا مكاني، مش عارفين اكيد ان انا هنا
– وحيد بخوف: انا مش خايف على نفسي، انا خايف عليك يا صاحبي، انت بسببي وصلت لهنا
– لو عايز تصلح أخطائك اسمع كلامي
– اوعدك هنفذ كل كلامك
– زينه وهي تحتضن وسيم وتقول ببكاء: انا خايفه عليك يا وسيم، الناس دول عايزين منك ايه
– وسيم هو يُربط على ظهرها بحنان: متخافيش يا حبيبتي ربنا معانا وهيساعدنا، بس اسمعي كلامي لأن مافيش وقت نضيعه
– نعم
– بص يا وحيد أشرف قالي على مخرج تاني للبيت دا
– مخرج ايه
– انا قولتله يحط سلم تحت الشباك دا، ومحدش شايفه لأن الشباك في الجهة الخلفيه للبيت، فأنت وزينه هتنزلوا من هنا بالراحه وهتلاقي عربيه بفتاحها تحت، تاخد زينه يا وحيد وتروحوا قسم الشرطه، انت اكيد عارف الأماكن هنا، وانا هنزل اشغلهم
– مستحيل اسيبك لوحدك مع المجرمين دول يا وسيم
– اسمعي الكلام يا زينه، بالله عليكِ كفايه وجود امي بين ايديهم، كلكم هنا بسببي وانا لازم أصلح أخطائي
– بس يا صاحبي وجودك هنا غلط، تعالى معانا واحنا نبلغ الشرطه يتصرفوا
– انت بتقول ايه يا وحيد، انت عايزني امشي واسيب امي لوحدها معاهم
– يلا مافيش وقت نضيعه
– انا عرفت هما فين، دول فوق تعالوا بسرعه
– يلا يا وحيد انت وزينه بسرعه مافيش وقت، دول خلاص وصلوا لينا
– خلي وحيد يروح لوحده انا مش هسيبك ولا هتحرك من هنا
– زينه اسمعي الكلام بالله عليكِ، يلا يا وحيد انزل
– انا مش هسيبك لوحدك يا وسيم، لو جرالك حاجه هموت يا وسيم
– يا زينه كفايا تضيع وقت يلا يا…
– زينه معاها حق، احنا مش هنسيبك لوحدك يا صاحبي، بعد ما ترمي نفسك في النار عشان تنقذنا عايزنا نسيبك لوحدك، مستحيل يا وسيم
– اربط زينه بسرعه يا وحيد
– زينه بتعجب: ليه يا وسيم
– خلاص اقعدي يا زينه، انا مش هربط ايدك بجد، هلف بس الحبل اي كلام بحيث تعرفي تفكِ نفسك، في الوقت المناسب، وافضلي قولي انا بكرهك يا سيم انت اللي وصلتني لكدا
– وانت يا وحيد امسك المسدس دا خليه معاك وخليك متداري ورا الكارتين دي، ولما تحس اني خلاص مش عارف اخلص تعالى أقف جنبي واضرب نار في الجو، ولو اضطرين إضرب حد من رجالهم بس في كتفه أو رجله أو دراعه بلاش في مكان يموته
– معايا مسدسين يا وسيم، خدتهم من الكلب اللي تحت

 

 

 

– حلو، خلي المسدس دا تحت رجلك يا زينه، لو حد قرب منك اقتليه فورا
– انا عايزه ابقى معاك
– خلاص يا زينه انتِ معايا اهو
– يا رب انصرنا.. اللهم اجعل من بين أيديهم سدا ومن خلفهم سدا فأغشيناهم فهم لا يبصرون
– اللهم امين، استودعتكم عند الله الذي لا تضيع عنده الودائع
– ان شاء الله خير يا صاحبي
– يلا يا وحيد نفذ اللي قولتلك عليه
– حاضر
– يلا يا زينه صرخي في وشي وقوليلي بكرهك
– بحبك يا حبيبي، وبموت فيك والله
– وانا يا نور عيني، بس اسمعي الكلام
– حاضر…
– يلا إبدأي
– بتعمل فيا كدا ليه يا وسيم، انا اذيتك في ايه، بكرهك يا وسيم
– انا هاخد روحك يا زينه، انا بكرهك، واتجوزتك عشان انتقم من ابوكِ فيكِ وعلفكره انا متفق مع هند على كل حاجه، وهتجوزها وهسيبك، انا اصلا بحبها، ووحيد الخاين دا انا لما اشوفه هعمله الأدب
– أقف عندك، انت خرجت من الاوضه اللي تحت ازاي
– عادي خرجت
– اتظبط في كلامك ورد على سؤالي خرجت ازاي، وفين وحيد
– معرفش هو فين، انا متفق مع هند على كل حاجه
– كذاب، هند هانم مبلغتش حد فينا بالكلام دا
– طبعا يا غبي مش هتبلغ حد، لأن دي الخطه، انت عايز واحد غبي زي أشرف يتعرف على كل حاجه من اول قلم
– انت بتضحك عليا، يلا انزل قدامي
– لو مش مصدقني رن على هند واسألها، وبعدين انا لو بكذب عليك كنت خدت مراتي وهربت، ولو بصيت من الشباك دا هتلاقي سلم وعربيه تحت، كان زمانا هربنا من وقتها، أهم حاجه تكونوا جبتوا أمي عشان تبقى هنا في امان
– امك موجوده تحت، بس بردو لازم اخلي بالي منك انت، واخد كل الاحتياطات عشان لو كنت بتكذب عليا، وبعدين انا مش غبي زي أشرف، وخلاص أشرف راحت عليه
– وسيم بصدمه: ايه قتلتوه؟
– مالك خايف كدا، هو يعتبر ميت، عايزه ينضرب كل الضرب دا ويفضل عايش
– لا دا جزاء الخاين، انا بس كنت عايز اقتله بإيدي
– طب يلا انزل قدامي وسيب المدام هنا على ما يجي وقتها، لأن مدام هند على وصول
– حاضر
– الرجل وهو يرفع المسدس بوجه وسيم: يلا انزل قدامي
– حااضر
________
– ماما حبيبتي
– ابني ونور عيني، عامل ايه يا ضنايا

 

 

 

– الحمد لله بخير يا حبيبتي، حد زعلك أو لمس منك شعره وانا اكسرلك إيده
– لأ يا حبيبي اطمن، بس مراتك فين يا وسيم، مش انت جاي عشان تنفذها
– زين وهو يتدعي الغضب: أنقذ مين يا ماما، انتِ هتصدقي الكذبه دي، عايزاني أنقذ بنت قاتل ابويا، طب هم اغبيه وصدقوا، انتِ بقى مش عارفه ابنك، يا ماما انا عرفت ان يونس لغى التوكيل اللي عمله ليا، عشان كدا قولت هجيبه انا لهنا عشان اخد روحه، انا مش هسيب حق ابويا، اكيد كنت هقنع الدكتور يونس اني عايز أصلح أخطائي وأنقذ بنته عشان يسيبني اخرج من بيته ومن وسط رجالته، وهند معاكِ وقولتلها تجيبك هنا
– سميه بصدمه وحزن – والدة وين – : انت مستحيل تكون وسيم ابني، انا شايفه شيطان واقف قدامي، انا بريئه منك، رجعني بيتي وبلدي
– عايزه ترجعي هناك عشان يهددوني بيكِ لأنهم عارفين انك نقطه ضعفي، انا مش غبي يا ماما، انتِ لازم تبقي عشان أفضل مطمن ومافيش انسان يحاول يهدد حياتي
– انت مش وسيم، انت مجرم، انت خاين، مراتك ذنبها ايه، زينه فين يا وسيم
– متكتفه فوق ومحدش هيفكها ولا يقرب منها، وعلفكره يا ماما انا بحب هند وهتجوزها
_________
– سمعت بنفسك وسيم يا يونس بيه
– سمعت يا هند، ومش مصدق ولا مستوعب، انا لازم أنقذ بنتي
– اهو راجل واحد من رجالتي عرف يقرر وسيم ويكشف كل نواياه، وطلع بيحبني، وسيم مستحيل يكون عارف انه بيسجله، لأني أكدت عليه قدامك ان وسيم ميعرفش حاجه، انت وبنتك عايشين في كذبه كبيره اوي يا يونس بيه
– انا هاخد بنتي ولو بالدم يا هند
– لأ دم ايه، انت هتاخد بنتك، وانا هاخد الفلوس ووسيم، واكيد هخلي وسيم يطلقها
– اتفقنا يا هند، بس ياريت كل واحد فينا يلتزم بكلامه

 

 

 

– بس ياريت نوصل قبل ما الكبير يوصل
– اتمنى الشرطه هي اللي توصل
– هند بصدمه: انت بلغت عننا
– لا يا هند اطمني
– طب ليه بتقول كدا
– بقول اتمنى يا هند، عادي مجرد امنيه
– افتكر ان بنتك في ايدينا
________
– اهلا وسهلا بالكبير
– فين بنتي يا وسيم
– سلم واستلم
– مش فاهم
– سلمني شركاتك وخد بنتك
– اوعى تسمع كلامه يا يونس بيه، ابني مش عارف هو بيعمل ايه،اوعى تسمع ليه
– وسيم بصراخ: اسكتي انتِ يا ماما، انتِ متعرفيش حاجه
– موافق بس اشوف زينه قدام عيني
– هند لتحدي: استنى يا وسيم خليه يطلع رجالته برا الأول
– لو هطلعهم يا هند يبقى انتِ كمان تطلعي رجالتك برا
– لأ يا يونس بيه بنتك معانا
– انا هطلع اجيب البنت اللي فوق
– لأ دي بردو المدام محدش هيجيبها غيري
– اسيبه يطلع يجيبها يا هند هانم
– سيبه، احنا معانا يونس المرشدي بنفسه
– استنى يا وسيم
– خد تلاته من رجالتي معاك عشان لو عملت اي حاجه في بنتي يوقفوك عند حدك
– يا سلام بس كدا، تعالوا يا رجالة يونس بيه معايا
– لو لمست شعره من بنتي قصادها روحك، انا هاخد زينه، وتاخده المبلغ اللي اتفقت عليه مع هند
– هو انا مقولتش ليك الجديد يا يونس بيه
– خير يا هند
– المبلغ بقى الضعف يا فندم
– نعم يا اختي! وانا اجيبلك ١٤ مليون دولار منين
– شوف انت بقى هتكتبلنا ايه من شركاتك
– اشوف بنتي بخير الأول وخدوا اللي انتو عايزينه
________

 

 

– زينه اوعي تخافي، انا جنبك ومعاكِ
– انا خايفه منك يا وسيم، انا سامعه كل كلمه انت قولتها
– ثقي فيا يا حبيبتي، والله انا بعمل كل دا عشان نخرج كلنا من هنا بخير
– اوعى بابا يجراله حاجه يا وسيم
– اوعدك يا عيوني مافيش حد هيتأذى
– انا خايفه انزل تحت
– لازم تنزلي يا زينه
– خليك جنبي
– حاضر يا حبيبتي
– طيب وانا يا وسيم
– خليك مكانك يا وحيد، ولما تسمع ان كل الحقيقه اتكشفت اطلع واضرب اللي يقابلك بالنار بس من غير قتل يعني اصابه في دراعه ولا رجله كدا، وانتو اكيد فهمتوا يونس باعتكم معايا ليه، نفس تعليماتي لوحيد نفذوها عند الاشاره
– حاضر يا دكتور وسيم، وبعدين يونس بيه بلغ الشرطه ومفهمنا كل حاجه، وان شاء الله الشرطه اكيد قربت توصل، كل حاجه بقت واضحه خلاص
– يا رب استرها وساعدنا، يلا يا زينه لازم ننزل
– زينه بخوف: حااا..حاضر
– اطمني يا زينه ربنا معانا
– ان شاء الله خير
__________
– بابااااا
– زينه حبيبتي، متخافيش يا بنتي، تعالي في حضن ابوكِ يا عيوني، ابوكِ هيحميكِ
– انت كويس يا بابا
– بعد ما شوفتك بقيت كويس يا قلب ابوكِ، سامحيني يا بنتي انا السبب في كل اللي بيحصلك
– وانت ذنبك ايه يا بابا وكل اللي محاوطينك خاينين، حتى الراجل اللي وثقت فيه وجوزتني ليه طلع خاين، ربنا يخرجنا من هنا على خير يا بابا، وكمان ماما سميه انخدعت في وسيم زينا، احنا لازم نساعدها وناخدها معانا
– ان شاء الله يا زينه
– انت هتفضل رابط ايدي كدا كتير، خلاص انت خدت بنتك، سيبني بقى اروح لوسيم حبيبي
– وسيم بصوت يكاد أن يكون مسموع: حبك برص يا شيخه
– خليهم يفكوني يا وسيم، ولا اقولك تعالى فكني انت
– حاضر يا هند، بس الاول فين وحيد
– الخاين دا انا معرفش مكانه
– قال يونس بصوت عالٍ: تقريبا كدا يا رجاله كبيركم اتخلى عنكم، وطبعا شايفين حال هند بعد خيانتها ليا، ف ايه رأيكم تشتغلوا معايا، بس شغلانه شريفه، وترجعوا لبيتكم وولادكم، وتبقوا رجاله صالحه
– تقدم معظم رجال هند وأولهم أشرف الي جانب يونس واخبروه بوافقتهم ماعدا رجلين ثلاث رجال مخلصين لهند، لكن هند زاد غضبها وقد صرخت بهم جميعا وقالت لهم: كلكم خاينين وانا هعرف اخد حقي منكم، انت كدا بتغدر بيا وبتخلف بوعدك ليا يا يونس والله ما هسيبك تتهنى ببنتك، فكني يا وسيم بسرعه
– الأول يا هند ازاي تتجرأي وتختفي مراتي من بيتي، وبعدين فين الكبير بتاعكم مش شايفه ليه، يا ترى هو ادريان ولا مين
– انت بتقول ايه يا وسيم
– انا بحب مراتي يا هند، مستحيل ابص لواحده زيك، خاينه وكمان ساعدت صاحبي الوحيد انه يخوني
– كذاب، وحيد الخاين وهو اللي مخطط لكل اللي حصل، وهو اللي قالي اخطف مراتك، وانا رفضت، فخطفنا احنا الاتنين، والدليل على كلامي انه الوحيد اللي هرب واختفى، وانت اكيد شوفته لما جيت
– وحيد ظهر أمامهم فجأه وقال: بس انا موجود يا هند، مين اللي قالك ان انا هربت
– هند بصدمه: انت السبب يا وحيد، انت اللي خطتت كل حاجه، انت اللي ضحكت عليا ب اسم الحب، وقولتلي اخون مديري في الشغل
– لأ يا هند انتِ كدا بتعكسي الأدوار، لكن متخافيش انا حكيت لوسيم كل حاجه
– انتو عايزين مني ايه، انا مش هسيبكم في حالكم
– وسيم بتحدي: خلاص يا هند الشرطه على وصول، وياريت الكبير بتاعك يوصل هو كمان عشان نخلص منه، وخلي رجالتك ينفعوكِ

 

 

 

– هند بتحدي أكبر: هتكون نهايتك على ايدي
– وسيم بسخريه: هتقتليني وانتِ ايدك مربوطه كدا، شاطره يا ماما وشاطره يا زينه عرفتوا تمثلوا ادواركم صح من غير ولا غلطه
– فخوره بيك يا ابني، وفرحانه انك فوقت قبل فوات الأوان، وشكرا يا وحيد على مساعدتك ليا
– وسيم: بصوا مش فاضل غيركم معاها، واهي انكشفت قدامكم، احنا عايزين نخرج من هنا من غير ولا نقطه دم، حابين تيجوا معانا اهلا وسهلا، مش حابين فابعدوا عن طريقنا، عشان لا عددكم يسمح ولا احنا عايزين نإذي حد فيكم
تحرك رجلين منهم وتبقى رجل واحد بجوار هند، وقد أشارت له هند بأن يفك رباط يدها وبالفعل قد أزال الرباط عن يدها
– وسيم: احنا هنمشي يا هند وهنرجع بلدنا واكيد سمعتي صوت عربيات الشرطه اللي برا، هنبقى نجيبلك عيش وحلاوه
– هند بغضب : مش هتمشي يا وسيم، انا هاخد روحك
– وسيم وقد اتجه الي الباب الخارجي للمنزل وهو ممسكا بيد أمه وزوجته: اللي عندك اعمليه بقى
– هند بحقد: عندي كتير انت لسه شوفت حاجه
– وحيد وهو يجري سريعا ويقف خلف وسيم : حاااااااسب يا صاحبي
– وسيم بصدمه من صوت إطلاق النار وصراخ وحيد وقد تحولت صدمته إلى بكاء مرير: وحيد… وحيد رد عليا يا صاحبي، رد عليا يا حبيبي، ليه يا وحيد، ليه تعمل كدا بس، ليه يا حبيبي
– وحيد بنفس متقطع وصوت منخفض: سامحني يا وسيم، اتمنى اكون عملت حاجه تكفر عن سيئاتي، انا والله كنت… كنت بحبك و.. وب.. وبخاف عليك و.. وكنت مخلص ليك حتى إسأل يونس بيه هو عارف كل حاجه حتى بخيانة هند.. بس للأسف الشيطان ضحك عليا، لكن انا حاولت أصلح.. أصلح غلطي في آخر.. آخر ل.. لحظه وقولت لمامتك كل حاجه، سامحني يا صاحبي، اعرف ان انا بحبك اوي، ادعيلي ربنا.. ربنا يسامحني على أخطائي
– وسيم ببكاء: مسامحك يا وحيد.. مسامحك من قلبي، ومن غيرك انا كنت مش هعرف اعمل اي حاجه، بس انت اهدى ان شاء الله هتكون كويس اوي كمان، هترجع لشغلك، ليه تعمل كدا يا وحيد، ليه تفديني بروحك يا صاحبي
– انت بتسأل ليه.. انا افيدك بحياتي يا وسيم.. انت.. انت غالي عندي اوي يا وسيم.. انت ليك مراتك ومامتك وهما محتاجينك، لكن.. لكن انا اسم على مسمى، وحيد وعشت وحيد، ماليش حد يزعل عليا
– وانا روحت فين يا صاحبي، انا موجود عشانك، المجرمه دي هتاخد جزائها، وهي خلاص الشرطه خدتها، والإسعاف على وصول
– انا حاسس بقرب نهايتي.. بس وصيتي ليك تتصدق عن روحي وتدعيلي وافتكرني بالخير يا وسيم، وخلي بالك من مراتك وامك، ويونس بيحبك زي ابنه، ووقف جنبي وصدقني ع.. عشان نكشف لعبة هه.. هند
– ارتاح بقى يا وحيد، عشان متتعبش يا حبيبي
– سامحني يا وسيم… اشهد ان لا اله الا الله.. واشهد ان محمد رسول الله
– وحيد
-…………
– وحي.. وحيد رد عليا.. وحيد ابوس ايدك متسبنيش.. عشان خاطري يا صاحبي انا ماليش غيرك
-………….
– فوق يا وحيد ورد عليا يا حبيبي.. انت انضربت بالنار بسببي، انا اللي المفروض اموت مش انت يا وحيد.. بالله عليك اصحى يا صاحبي
– يونس بحزن: اهدى وادعيله يا وسيم، هو محتاج دعائك
– أهدى! أهدى ازاي، وحيد هو ضحية انتقامي، انا السبب في موته، انا كنت المقصود بالرصاصه دي، هي كانت عايزه تقتلني انا مش هو، انا السبب
– زينه ببكاء: انا لله وانا اليه راجعون، ربنا يرحمه كان انسان كويس، دا كفايا انه انقذك وفدى روحك يا وسيم دي لوحدها تخليه احسن واحد، انا مستحيل اتمنى انه يموت، بس فكرة انك كنت هتنضرب بالنار وتسيبني هتموتني، وحيد قهرني على موته
– أم وسيم بحزن شديد وبكاء: كان شاب زي الورد، والله اشهد ليه بكل خير، الله يرحمه ويغفر له، أنقذ ابني من الهلاك اكتر من مره
– كسرت ضهري يا وحيد انا السبب في اللي حصلك، انت روحت ضحية انتقامي الغبيه، انا اللي اسف يا وحيد، سامحني يا حبيبي، سامحني يا صاحبي
– مسامحك.. مسامحك يا.. يا وسيم
– وحيد! وحيد انت عايش صح، وحيد انت بتكلمني صح، احنا فكرناك مت يا حبيبي
– بعد الشر عني يا وسيم
– يا قلب يا وسيم الف مليون بعد الشر عنك
– بس انا طلعت غالي عندكم اوي
– وقفت قلوبنا يا وحيد

 

 

 

– هند فاشله، ضربتني بالنار في كتفي، بس لو.. لو فضلت بالحاله دي هموت بجد، خدوني في أي عربيه للمستشفى يا جدعان مش قادر والله.. أنا مضروب بالنار
– وحيد
– نعم
– بحبك يا صاحبي
– طب خدني للمستشفى الأول
_________
بعد مرور شهر وقد تعافى وحيد وقد حُكم على هند بالسجن المؤبد، عادوا جميعا إلى مصر، وقد دعاهم يونس إلى بيته
– طبعا كلكم عايزين ترتاحوا، واكيد في منكم أو كلكم مستغربين انا وصلت لهند ازاي، وفين كبيرهم اللي كان مخوفنا
– زينه بفضول: انت تعرف مين كبيرهم يا بابا
– عايز اقولكم ان ادريان وعصابته فعلا كان ليهم يد، لكن كلهم في اليوم دا اتحبسوا، وانا اللي كملت المهمه بعد ما وحيد حكالي عن خيانة هند، ونفذ كل اللي قولتله عليه، بس المشكله ان هند خطفت بنتي ومن هنا كان لازم اعيش دور الكبير لحد ما عرفت مكانكم ومكان هند، كان صعب شويه، لكن الحمد لله الفلوس مع الأشكال دي بتعمل اي حاجه، وبردو لازم اشكر وحيد
– وحيد برضا وحب: الشكر لله يا يونس بيه انا حاولت أصلح أخطائي
– الحمد لله ربنا نصرنا، وعلاجنا هيفضل متوفر للناس، والخير دايما هينتصر
-سميه: ان شاء الله
– يونس: ساكت ليه يا وسيم
– محرج من حضرتك ومنكم كلكم، طول ما احنا في إيطاليا كنت شاغل نفسي في الشغل وبحاول ابعد عن مواجهة أي واحد فيكم
– انت كنت فاهم غلط يا وسيم، وفقدان الأب والأخت مش سهل، وانت تعبت في حياتك، لكن ربنا كرمك ولسه معاك والدتك، حاول تعوضها وتعوض مراتك وتخليها تسامحك
– انا اسف يا عمي
– عارف عشان كلمة عمي دي انا مسامحك ومن قلبي
– سامحيني يا زينه
-……….
– ارجوكِ يا زينه سامحيني والله انا اسف وغلطان ومستعد اعمل اي حاجه عشان ارضيكِ
– أي حاجه، اي حاجه
– انتِ بس أؤمري
– اعملي فرح من نفسي
– يااااه بس كدا، من عيوني والله احلى فرح وهاجي اطلبك من عمي من اول وجديد
– انا عارفه انك كنت مستعد تضحي بعمرك عشاني يا وسيم، وعارفه كمان انك كنت فاهم غلط، مسمحاك يا حبيبي
– وانت يا وحيد مسامح اخوك مش صاحبك
– من جوا قلبي مسامحك يا وسيم، وانت كمان سامحني
– مسامحك على كل حاجه ما عدا حاجه واحده بس
– المقلب بتاعك لما ضحكت علينا وعملت ميت
ضحك الجميع وعادت السعاده إليهم بعد غيابها لأعوام كامله، ولذلك لابد أن نعرف أن مهما الكرب اشتد فإن فرج الله قريب
– انتِ بقى يا ست الكل سايبك للآخر عشان ابوس ايدك ورجلك واقولك سامحي ابنك وحبيبك على غلطه وهو مستعد ل أي عقاب منك
– مسمحاك وراضيه عنك، بس لازم تتعلم تعفو عند المقدره، وتتأكد من أي حاجه الأول قبل ما تعملها، واوعى تخون من إئتمنك حتى لو كان عدوك، لازم تحافظ على الامانه، وبلاش تتسرع في حكمك على الناس، ولازم تتعلم تسامح يا ابني دا ربنا رحمن رحيم وبيسامح

 

 

 

– حاضر يا نور عيني، بحبك يا أمي، وبحبكم كلكم يا أهلي وعزوتي
________
بعد مرور حفل الزفاف
– زينه
– زينه بحياء: عيوني
– انتِ جميله لدرجة انني قد احتارت من هو المنير، انتِ ام القمر في ليلة تمامه، حتى صار القمر يغار منكِ لأنكِ بعيني الأجمل، كل صباح ومساء أتوق إليكِ حتى أصبح يومي لا يكتمل إلا بوجودك💜
أحببتك حتى تيقنت أن ما مضى من عمري قبل مجيئك كان انتظارا لكِ زمردتي💎💜
– الله على كلامك الحلو دا
– بحبك يا زينه والله
– وانا بحبك يا وسيم، بحبك اوي
#تمت

• لقراءة باقي حلقات الرواية اضغط على (رواية ضحية الإنتقام)