رواية لقائي مع قدري صدفه الفصل الثالث 3 بقلم منصور سيد

رواية لقائي مع قدري صدفه الفصل الثالث 3 بقلم منصور سيد

رواية لقائي مع قدري صدفه البارت الثالث

رواية لقائي مع قدري صدفه الجزء الثالث

رواية لقائي مع قدري صدفه الحلقة الثالثة

وخايف زي ما مها دخلت ومخرجتش ادخل انا كمان ومخرجش زيها ودخلت للظابط واختى سمر جت معايا ومردتش تسبنى بس استنت بره وعماله تبكي وتقول الله يسمحك يامها كان مالنا بس ومال البلاوي دى كلها ياترى يا اخويا هيعملوا معاك ايه واول ما دخلت وبعد ما سأل عن أسمى وسنى وشغال ايه قال لى مباشرة فى حد يورط نفسه فى قتل عشان واحده فقولت قتل مين حضرتك وعشان مين فقال لى مها اعترفت بكل حاجه وانك انت اللى حاولت تقتله قولت انا هو انه اعرفه اصلا عشان اقتله فقال امال كنت عنده ليه ونده على الشخص اللى خبطت فيه وسأله مش هو ده الشخص اللى شوفته خارج من الشقه بيجرى وساب الباب مفتوح وخبط فيك فقال ايوه يافندم فقال الظابط ها لسه هتنكر انك انت اللى خبطه على راسه فقولت يافندم صحيح انا الشخص اللى كنت هناك فعلا بس انا لا ضربته ولا لحقت اقابله انا كنت رايح له اجيب حاجة مها عشان سابت له البيت ومشيت وقصدتنى ان اروح اقابله واكلمه يدينى حاجتها عشان هيا خافت ترجع له بعد ما حاول يعتدى عليها وسابت له البت ومشيت وهى كانت قاعده عندى فقال وانتوا تعرفوا بعض منين انت ومها انت تقرب ليها ولا جارها ولا فى اى علاقه بنكم فحكيت له ازاى قبلتها واتكلمت معاها فقال لى بقى بزمه انت عاوزنى أصدق الكلام الفارغ ده انتوا اكيد كنتوا تعرفوا بعض من زمان وانتوا متفقين مع بعض على انكم تخلصوا منه عشان زى ما مها قالت إنه ناصب على ناس كتير ومعاه فلوس كتير الا وفين الفلوس بقى اللى كانت فى الشقه فقولت انا لا حاولت اقتل حد ولا اتفقت مع حد على حاجه ولا اعرف ان كان معه فلوس وحضرتك عمال تقول كلام من وحى خيالك ومها انا معرفتهاش الا من كام يوم زى ما قولت لحضرتك ولسه هيكمل كلامه وجاله اخطار ان زوج والدت مها فاق من الغيبوبه وراح امر بأن يتم الذهاب اليه إلى المستشفى واخدنى معاه ورحنا المستشفى فأول مادخلنا عليه قال الظابط له حمدلله على السلامه احكى لينا ايه اللى حصل وقولنا الاول انت تعرف الشخص ده وشاور عليا فقال له لا انا اول مره اشوفه فقال له ده حد شافه خارج من شقتك بيجرى فى الوقت اللى كنت مضروب فيه على راسك فقولت يافندم انا قولت لحضرتك انا كنت هناك عشان مها كانت بعتانى ليه عشان اجيب حاجتها عشان سابت له الشقه ومشيت فقال زوج والدت مها فعلا يا فندم مها سابت البيت قبل ما يحدث لى الحادث ده فقال الظابط امال مين اللى ضربك على راسك انا عارف ان الكلام الكتير غلط عليك زى ما الطبيب قال لينا احنا هنسمع الكلمتين منك وهمشي علطول فقال مافيش خلاف بينى وبين واحد على حسابات شراكه بينى وبينه فى مبالغ ماليه وانا خلاص ناويت افض شغلى ده وارجع لكل واحد فلوسه فقال له الظابط ده أفضل بردوا وبعدين زوج والدت مها وجه كلامه ليا

وقال لى ممكن تبقى تخلى مها تعدى عليا فى المستشفى ضرورى ارجوك انا حاسس انى مش هقوم من رقدتى دى اول ما يفرجوا عنها ارجوك خليها تيجى فقولت له حاضر واخدوا منه اسم الشخص اللى ضربه وجبوه وطلع زى ما مها قالت إنه خلاف مالى وافرجوا عننا انا ومها وقولت لمها على فكره زوج والدتك كان عاوزك تعدى عليه فى المستشفى وقال لى ضرورى فقالت مها عاوز منى ايه ده فقولت ليها معلشي روحى شوفيه عاوز ايه دى حالته شكلها صعبه وهو أكد عليا وفعلا روحنا له ودخلت مها لوحدها واستنيتها بره وشويه طلعت وقالت لى ادانى المفتاح ده وقال لى ده مفتاح شقه انا كنت شاريها من زمان ومحدش يعرف عنها حاجه روحى الشقه دى هتلاقى فيها صندوق فى احد الغرف تحت السرير فيه مبلغ كبير من المال وادانى ورقه فيها اسماء ناس وعناوينهم وأرقام تليفوناتهم والمبالغ اللى ليهم وقال لى انا هسيب الموضوع ده فى رقبتك انك تدي لكل واحد المبلغ اللى ليه وسيبى المبلغ اللى باقى مكانه ولو ربنا ماكتبليش الخروج من المستشفى زى ما انا حاسس ابقى اقعدى فى الشقه ورق الملكيه فيها وابقى خدى الفلوس ليكى انا عارف انك عمرك ما حسيتي معايا انى زى والدك بس انا اعرفك كويس وعارف انك هتعملى اللى هقولك عليه وفعلا اخدنا المفتاح ورحنا على الشقه ولقينا صندوق مليان فلوس بشكل غريب وحسبنا الفلوس اللى فى الورقه واخدنا ما يساوى المبلغ وتركنا الباقى ومشينا واتصلنا على الناس وقبلناهم وادينا لكل واحد المبلغ بتاعه وقولنا ليهم مش كل واحد يوهمكم بأنه هياخد فلوسكم ويخليها تولد ليكم فلوس بسهوله بحجة إنه هيعرف يشغلها ليكم وانت قاعد مرتاح فى بيتك تصدقه والأفضل انك تشغل فلوسك بنفسك وتتعب بدل ما تخسر فلوسك اللى تعبت فيها وهو طالب منكم تسامحوه لانه محتاج دعواتكم واخدنا منهم الأوراق اللى كان كاتبها على نفسه بقيمة المبالغ ورجعنا على المستشفى عشان نعطيها ليه ونطنه ان كل واحد اخد حقه بس اللى حصل انه

يتبع…