رواية قدر قلبي الفصل التاسع 9 بقلم ندى أحمد

رواية قدر قلبي الفصل التاسع 9 بقلم ندى أحمد

رواية قدر قلبي البارت التاسع

رواية قدر قلبي الجزء التاسع

رواية قدر قلبي الحلقة التاسعة

بعياط -قلتلك مش هينفع ابات معاكم فنفس البيت يا مروان … اهو دوروك جالي الاوضه وكان عايز ..
و زادت فالعياط اكتر
مروان بص لدوروك بغضب
= ايه الي بتقوليه دا يا ندي !!! انا جيت اتكلم معاها بس يا مروان .. مش عارفه هي ليه بتقول كدا !!
بغضب ~ اه يعني بتفتري عليك
= مش مصدقني ؟! هتصدق خطيبتك ومش هتصدق اخوك ؟!
بغضب ~ كلام ايه الي جاي تقولهولها فنص الليل ؟!!انا بصدق المنطق
= مروان انت عارف اني لا يمكن اعمل الي هي بتقوله دا !!
بس مروان مستناش ان دوروك يكمل كلامه و ضربه بالقلم وكان قوي لدرجه ان شفايف دوروك نزفت
~ اخرس مش عايز اسمع اي كلمه تاني !!!
والاب صحي علي صوتهم العالي
وشاف دوروك وهو ماسك خده و شفايفه بتنزف
= شكرا ياللي اعتبرتك اخويا و فضلتك علي نفسي
وكان ماشي من الاوضه بس مروان مسكه من ياقه قميصه
~ انت هتمشي رايح فين !! لسا مخلصتش كلامي .. ايه فاكر الموضوع هيعدي بقلم ؟! هتعتذرلها بعدها مشفش وشك فالبيت دا تاني … الي يعمل كدا فخطيبه اخوه يبقا ملهوش مكان ف بيتنا !!
الاب وقتها اتدخل

> ايه الي حصل !! ليه صوتكم عالي كدا و ايه الي عمل ف وشك كدا يا دوروك !!
~ ابنك بيتحرش بخطيبتي فنص الليل … خطيبتي الي قولتله يعتبرها زي اخته
و دوروك كان واقف ساكت ومش بيتكلم .. هو مهما اتكلم مش هيصدقوه ..
الاب هز دوروك جامد
> الكلام دا بجد !!! انطق وقول
وكل دا وندي مراقبه الحوار و اول لما شافت الموضوع كبر ازاي وكمان الاتنين جايين علي دوروك ومحدش مصدقه ندمت .. حست انها ظالمه زي باباها وندمت جامد بس طبعا مكنتش تقدر تتكلم وتقول انها بتفتري عليه
> مش بتنطق ليه !! طالما ساكت يبقا الكلام صح
مروان ضرب دوروك بالقلم تاني
و الاب وقف بينهم و بيهدي مروان
~ سبني يا بابا اخد حقي سبني
> روح علي اوضتك يا دوروك و بكرا هنكمل كلام
مروان اتعصب اكتر
~ علي اوضته ازاي يعني !! المفروض تطرده من القصر !! افرض كررها تاني !
اما دوروك ف سابلهم القصر خالص و نزل الشارع
~ اسف علي الي حصل دا ي ندي .. اوعدك مش هيتكرر تاني
-ولا يهمك الموضوع عدي علي خير ..
~ ابقي اقفلي الاوضه بالمفتاح و بكرا هكلم بابا واخليه يطرده من القصر نهائي
-تمام
و خرج من الاوضه وهي قفلت الباب بالمفتاح و بصت فالمرايه
-انا ازاي بقيت ظالمه اوي كدا .. بس هو الي كان عايز يسيبني وقت ميعوز و يرجعلي وقت ميعوز .. وانا مش لعبه ف ايد حد … بس بردو مكنش ينفع اعمل كدا و ابوظ علاقته بعيلته .. مهما عمل ومهما كسر قلبي و قهرني مكنش ينفع اقول الي قلته دا .. دا اتهام خطير

و كانت قاعده جمب الشباك ومستنياه يجي البيت التاني بس مجاش
استنت لغايه الصبح بس دوروك مرجعش للقصر
و عالعصر لما كانو بيغدو اتفاجأو ب دوروك واقف قدامهم وباين عليه منمش من امبارح
= انا معملتش حاجه يا بابا و مروان … والله م جيت جمبها حتي .. كنت رايح اتكلم بس صدقوني
مروان قام من عالكرسي وهو متعصب
~ ايه الي جابك تاني !!
اما الاب ف قرر انه ميتدخلش المره دي .. هو مش مصدق دوروك اساسا و شايف انه لازم يتربي عشان ميكررش الموضوع دا تاني
= يا مروان انت اخويا ولازم تصدقني
بضحك ~ اخوك ؟! انت صدقت نفسك ولا ايه يا بتاع الملاجئ !! انت اصلا من الاول مكنش ينفع ندخلك بيتنا ولا نعتبرك واحد مننا .. دي غلطتنا احنا مش غلطتك انت وبعدين ايه الكلام مثلا الي كنت رايح تقولهولها فنص الليل
دوروك سكت لان مش هينفع يقول
~ شفت اهو لسا بتفكر ف اي كلام !!
راح ناحيه ندي و بصلها ف عينها
= يا ندي اتكلمي وقولي انك كنتي بتفتري عليا !! اتكلمي وقولي الحقيقه حرام عليكي متبوظيش علاقتي بعيلتي بعد م كل حاجه بقت تمام !!
ندي كانت متردده جدا .. لو قالت انها بتفتري عليه كدا هتنزل من نظر مروان و باباه و مش بعيد كمان يرجعوها لباباها وحياتها القديمه وفنفس الوقت مش عايزه تظلم دوروك بالشكل دا
-بفتري عليك ايه يا دوروك !! انت عايزني اكدب !!
دوروك اتصدم من ردها و مكنش متوقع انها تنكر الحقيقه كدا
اما مروان ف زق دوروك بعيد عن ندي لما سمع كلامها
~ يعني كمان بتطلب منها انها تكدب !!

=انا … انا ماشي و اوعدكم مش هتشوفو وشي تاني
كان ماشي وهو ماسك دموعه بالعافيه … دموع القهره ان عيلته ومش مصدقاه و البنت الي حبها بتفتري عليه
مروان مسكه من دراعه جامد وهو ماشي و ضربه بالقلم للمره التالته و المرادي وقع عالارض لانه اصلا كان مرهق من امبارح ومنامش
و مروان مكتفاش انه ضربه بالقلم للمره التالته لا كمان نزل فيه ضرب برجله و دوروك مكنش بيدافع عن نفسه ابدا و دا الي عصب مروان اكتر لان معني انه مش بيدافع عن نفسه يعني معترف انه غلطان
والاب كان بيتفرج علي ابنه وهو بيتضرب وساكت
ندي مسكت ايد مروان وهي بتعيط
-كفايه يا مروان بالله عليك … كفايه كدا
~ يعني عايزاه يحاول يتحرش بيكي و انا اسيبه يمشي كدا بسهوله ؟!
-كفايه حرام عليك انت ضربته جامد
بس هو مسمعش كلامها و كمل ضرب فيه
راحت للاب الي كان قاعد عالكرسي من غير رده فعل
-يا عمي ارجوك كفايه كدا انا خلاص مسمحاه
> سيبيه يتربي عشان ميكررش عملته دي تاني
ندي ملقيتش اي حل تاني قدامها غير انها تقول الحقيقه
بصوت عالي -انا كنت بفتري عليه !!

يتبع…