رواية فانوس رمضان الحلقة الثانية 2 بقلم نيللي ياسر
رواية فانوس رمضان الحلقة الثانية 2 بقلم نيللي ياسر
 |
| رواية فانوس رمضان الحلقة الثانية 2 بقلم نيللي ياسر |
رواية فانوس رمضان الحلقة الثانية 2 بقلم نيللي ياسر
نادر: يا رب يكون الفانوس عجبك..
” بصيت لقيته حاجه كده استغفر الله العظيم شبه???? الأبطال بتوع الروايات حاجه كده عيون ملونه وطول بعرض..يع يع???? فضلت متنحه لغايه لما الحجه اتكلمت”
ناهد: ده نادر يا حبيبتي..مش فكراه
جميله: مش واخده بالي والله يا اسطااا
نادر ضحك: ههه..انا نادر الورداني يا جميله
” ثواني ده نادر جارنا…ده حب طفولتي سافر مع أهله وانا عندي 14 سنه..ياااه أخيرا رجع..بس ده قمر اوي????????”
جميله: نادر…يخربيتك انت اتغيرت اوي عن زمان..ده انت كنت زي الفحمه زمان…هيهههههح
نادر بضيق: طول عمرك دمك…شربات..شربات
ناهد: طب ادخلوا اقعدو في البلكونه عقبال معمل الغداء
” خدته ودخلنا قعدنا في البلكونه بس هو باصص في الأرض ومش بيتكلم..لغايه لما انا اتكلمت”
جميله: وانت عامل ايه دلوقتي
نادر: انا الحمد لله
جميله: وطنط وعمو عاملين ايه
نادر: ربنا يرحمهم..عملو حادثه وماتو من 3 شهور
جميله بحزن: ربنا يرحمهم..طب انت رجعت مصر لايه
نادر: علشان انا مليش حد هناك يا جميله..انا كل الناس اللي اعرف هنا .. الناس اللي بحبهم هنا
” اول ما قال الجمله دي ضحكت زي الهبله وقلبي المهزق بدأ يدق بسرعه..معقول.. معقول لسه بحبه!!”
جميله: بس انا اسمع انك ليك شركات كتير بره مصر وشغلك كله بره .. ازاي هتسيبهم
نادر: كل حاجه زي ما هي بس انا قررت اني هقعد هنا فتره كده وأتابع الشغل اون لاين.. وبعدين انا عندي ناس كتير ممكن تقوم بدوري وانا بره نيويورك
جميله: امممم.. فهمت
نادر: لسه فاكر من زمان لما كنا بننزل نلعب في الشارع انا وانتي والواد كريم الرخم
جميله ضحكت: ههههه…ايوه لما كنت باجي العب معاه كنت بتزعقلي وتضربه وطلعني فوق…كنت عصبي اوي
نادر بصلي: كنت بحس انك بتاعتي ومينفعش حد يبص عليكي أو يلعب معاكي غيري
” طبعاً اتوترت اوي .. لما حسيت أنه لسه فاكرني واتكسفت..ايوه اصل انا بأوحرج..هيهيهيهيح”
جميله بتوتر: وانت عامل ايه دلوقتي
” ضحك.. يخربيتك ضحكت.. حاجه كده زي الزفت ????”
نادر: انتي خلصتي جامعه ولا لسه
جميله: لا انا عندي22 سنه والسنه الجايه اخر سنه ليا
نادر: كويس..
جميله: بسمع انك اصغر رجل أعمال يعني لسه عندك30سنه
نادر: يعني..انا كنت بشتغل ليل نهار لغايه لما حققت حلمي
جميله: اممم..ربنا معاك
” طبعاً الحاجه ناهد الفصيله جت وقالت إن الاكل جهز .. حطينا الاكل علي السفره وبدأنا ناكل”
نادر: والله ملهوش لزوم كل ده
ناهد: عيب عليك يا نادر..بالهنا والشفا يا حبيبي
” طبعاً أنا باكل ولا كان في ضيف قاعد معانا..بس وانا باكل ماما كانت هتحطلي لمون في الشربه بتاعتي لقيته اتكلم باندفاع”
نادر: لا..لا استني يا طنط جميله عندها حساسيه من اللمون
ناهد بخبث: اه..والله نسيت الموضوع ده خالص
” نرجع تاني لقلبي المهزق اللي بقي يدق بسرعه..ده لسه فاكر تفاصيلي..زغرطي يا اما????????????????”
نادر: الحمدلله انا شبعت
ناهد: ايه ده لا كمل أكلك ده انت مكلتش خالص
نادر: لا والله شبعت تسلم ايدك
” قام دخل الحمام ولا كأنه بيت أهله ???? وانا لسه باكل..ايوه جعانه في ايه..لقيت ماما بتضربني في كتفي”
ناهد: قومي..قومي يخربيتك اقفي معاه
جميله وهي بتاكل: لايه يعني..ما هو حافظ السكه اهو
ناهد بغيظ: لما يبقي عندك ضيوف لازم بعد لما يقومو تقومي وراهم .. وبعد كده ابقي اطفحي براحتك
جميله وهي قايمه: انا مش مقتنعه بالهري ده بس ماشي هقوم
” وفعلاً قومت وجبتله الفوطه وخرج قعد في الصالون وانا دخلت الحمام وبعدين قعدت جنبه .. واتكلمت”
جميله: ليك في الرعب يا اسطااا
نادر: يا اسطااا… يا بت انا سايبك بنوته هاديه حصلك ايه بس
جميله: مش مهم.. ليك في الرعب
نادر بتوتر: ا..اه…اه طبعاً
جميله بخبث: والله..باين عليك اصلا بتخاف من خيالك
نادر: بت اتلمي..انا بس مش عايزك تخافي باليل هيههههه
جميله بغيظ: والله طب اتفضل هات اي فيلم رعب وتحدي
نادر: تمام
” شغل اليوتيوب علي الشاشه وكتب اسم فيلم وبدأنا نتفرج وماما بقي في المطبخ..ربنا يكون في عونها علي المواعين”
جميله بخوف: ما…ما تقلب الفيلم ده
نادر بسخرية: لايه يا بطه .. خوفتي
جميله بتوتر: لا .. طبعاً اخاف ايه ..ده شكله عادي يعني
نادر: لا لما يخلص..ده تحدي
” طبعاً أنا كنت بموووت من الرعب الفيلم مرعب اوي..وجت اللحظه المنتظره..جت حته كده مرعبه اوي لا إراديا لقيت نفسي بصرخ وانا في حضنه..????????♥️♥️♥️”
نادر: خلاص .. هقلبه متخافيش
جميله بعدت بتوتر: لا انا بس … كنت .. هقولك انا..اصل
نادر: خلاص.. خلاص.. انا ماشي
” قومت زي الطفله ومسكت ايديه واتكلمت”
جميله: ماشي رايح فين
نادر: انا أجرت الشقه اللي قدامك دي علشان أقعد فيها
جميله بزعل: لا..اقصد ما تقعد معانا
” مسكني من خدي واتكلم”
نادر: مينفعش.. انا راجل وانتو 2 ستات لوحدكو الناس تقول ايه
جميله: محدش ليه عندنا حاجه
نادر: معلش علشان ابقي على راحتي يا جميله
” ابتسمت..وهو سلم علي ماما ومشي..دخلت قعدت في اوضتي وماما جت تعرف مني حصل ايه????”
ناهد: ها احكيلي حصل ايه
جميله: حصل ايه؟!
ناهد: يا بت..يا بت مش عليا.. لما دخلتو البلكونه قالك ايه
جميله: بصي يا ماما طبعاً انتي عارفه أن بنتك خجوله جداً..
ناهد.: اه انتي هتقوليلي
جميله: وهو رغاي اوي
ناهد: هو رغاي اه
جميله: ف انا كنت برد علي قد السؤال وانا عيني في الارض
ناهد بغيظ: حلو اوي الكدب ده..نقول الحقيقه بقي ولا..
جميله بتوتر: لا طبعاً الطيب احسن كل إللي حصل( حكتلها)
ناهد بتفكير: حلو اوي..كده انا ابدأ الخطه ( ج)
جميله بتفكير: خطه ايه
ناهد: كل اللي اقدر اقوله أن ده عريس لقطه.. فهمتي
جميله بضحكه شريره: نيههههههههي..كدا يبدأ الشغل
ناهد: انا هسيبك تنامي بقي
جميله: ماشي تصبحي علي خير يا نونو
ناهد: وانتي من أهله
” لبست سلوبته بتاعت النوم وفردت شعري وحطيت الهند فري ودخلت البلكونه وانا بسمع اغاني.. فجأة وصلت رساله من الرقم المجهول. فاكرينه.بتقول:( ادخلي من البلكونه علشان الجو برد عليكي يا قلبي)
جميله: اكيد ده نادر يااه خايف عليا ( لحظه وصلت رساله تانيه من رقم غريب تاني بتقول:( ادخلي نامي بدل ما اجي اجيبك من شعرك اللي فرحانه بيه ده)
” طبعاً أنا بدأت أتلفت حوليا..انا كده متراقبه من 2????”
( جماعه نادر ده كان جار جميله زمان وسافر مع أهله وهو صغير و لسه راجع بعد ما أهلو ماتو هو عنيه رمادي وعضلات بقي وحاجه تفرح كده..وشعره بني وناعم جدا)
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أنثى على جسر من الضباع للكاتبة يمنى محمد.