رواية حب عائد الفصل الثاني 2 بقلم ساره علام

رواية حب عائد الفصل الثاني 2 بقلم ساره علام

رواية حب عائد البارت الثاني

رواية حب عائد الجزء الثاني

رواية حب عائد الحلقة الثانية

فريده وهي قاعده جمب عمر علي الارض : عمر انت كويس ؟
رد عمر وهو بيمسح الد”م مكان الضربه : انا كويس .
يوسف قرب منها وشدها وقفها قصاده وهو بيزعق في وشها : ايه الهبل اللي بيحصل ده ومين ده ؟ وبيكلمك كده ليه كإني خاطفك ! ردي عليا !!
صرخت فريده في وشه وهي بتضربه في صدره : انت ملكش اي حق تسألني عن حياتي أو تكلمني بالطريقه دي وملكش دعوه بـ اي حد يخصني انت فاهم ..
قلم نزل علي وشها من يوسف خلاها تفقد توازنها وكانت هتقع بس هو مسكها من ايديها جامد وهو بيقولها بصوت كله شر وغضب : حاسبي علي كلامك علشان انتي مش قده يـ فريده ولسه هتتحاسبي عليه بس اما نشوف البيه ده .
نهي كلامه وهو بيبص لـ عمر اللي واقف يبص لـ فريده اللي بتعيط بحزن ، فريده اتكلمت وهي بتبص لـ عمر بدموع : خد مريم وامشي يا عمر .
قرب منها وهو بيقولها : والله اقدر اخدك من هنا غصب عن اي حد وانتي عارفه بس انتي وافقي .
يوسف قرب منه ولسه هيضربه تاني فريده وقفت قدامه ومسكت ايده واتكلمت : ابعد ايدك عنه
كملت وهي بتلف تبص لـ عمر برجاء : علشان خاطري امشي دلوقت وخد مريم علشان شكلها خايفه .

بص عمر في اتجاه الباب للبنت اللي لسه واقفه مكانها بتعيط بصوت واطي وباين عليها الخوف ، راح لها ومسك ايديها وخرج من البيت وهو بيبص لـ فريده .
يوسف قرب من فريده وشدها وقفها قدامه واتكلم بهدوء مخيف : مين ده يا فريده ؟
بعدت ايده وبصتله شويه وبعدين اتكلمت : عمر ابن خالتي واخويا في الرضاعه اللي كان مسافر ، حكيتلك عنه قبل كده بس باين انك نسيت زي ما نسيت انا مين ومديت ايدك عليا .
قالت اخر كلامها و دموعها علي وشها وهي بتبصله بوجع وبعدين سابته ودخلت الاوضه وقعدت علي الارض وهي بتعيط بصوت عالي ..
يوسف واقف مكانه مش قادر يتحرك وهو بيردد في نفسه : غبي ..غبي وهتفضل طول عمرك غبي .
جري علي اوضتها وفتح الباب وهو بيدور بـ عينه عليها لحد ما شافها قاعده علي الارض وبتعيط قرب منها وقعد جمبها وهو بيرفع راسها وبيبص في وشها اللي مليان دموع ، مسح دموعها ، حط ايده علي خدها اللي ضربها عليه وميل با”سها عليه بهدوء وهو بيقولها بندم : انا اسف .
بدأت تعيط تاني فـ حاوطها يوسف وخدها في حضنه وهو بيهديها ويقول : انا اسف والله حقك عليا يا نور عيني .
فضلت تعيط في حضنه لحد ما نامت وهو حس انها هديت فـ شالها ونيمها علي السرير وقعد جمبها واتكلم وهو بيمسح دموعها : عارف اني اذيتك كتير بس عارف كمان انك اكيد هتسامحيني .. ، نام جمبها وهو بيقربها لحضنه وبيقول : انتي عارفه اني بحبك زي ما انتي بتحبيني بس انا كنت غبي وبعدت عنك .. غمض عينه وهو بيردد : هتسامحيني يا حبيبتي مش كده !
فريده فتحت عينيها وهي حاسه بتُقل عليها بصت جمبها لقت يوسف حاضنها وماسك فيها جامد ابتسمت للحظه و رجعت كشرت وهي بتقول لنفسها : مش هيحصل تاني لازم تبعدي .

بعدته عنها بقوه فـ صحي علي حركتها وهو بيبصلها بحُب وهي مكشره في وشه زي الاطفال فـ ضحك علي شكلها وهي بصتله بقرف وقالت : ليك عين تضحك اوي !
اتعدل وقعد جمبها وهو بيفرك عينه ويقولها : مش هضحك .
ردت فريده وهي بتبص قدامها بزعل : اضحك ولا متضحكش ميخصنيش ، انا بس عايزه منك حاجه واحده .
اتكلم يوسف بتوتر وهو بيبصلها : ايه هي ؟
ضغطت علي ايديها وبعدين بصتله وعنيها فيها دموع وقالت : …..
يوسف بغضب وصوت عالي : !!!

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حب عائد)