روايات

رواية 30 يوم حياة 3 الفصل الأول 1 بقلم أميرة أسامة

رواية 30 يوم حياة 3 الفصل الأول 1 بقلم أميرة أسامة

رواية 30 يوم حياة 3 البارت الأول

رواية 30 يوم حياة 3 الجزء الأول

30 يوم حياة 3
30 يوم حياة 3

رواية 30 يوم حياة 3 الحلقة الأولى

مر ثلاث شهور علي أبطالنا..
عادل وشمس..أتجوزوا
يوسف ومريم..أتجوزوا
عامر ومنار أتخطبوا وقدر عامر يحقق حجات كتير في الوقت ده من شهره وكان الترند لعدة أيام..بسبب فرحه والسبب الاكبر هو ظهوره في خناقه شباب في مسقط رأسه..
أما وعد نجحت واتخرجت وحاليا بتستعد هي وزين لأهم حدث في حياتهم😍
بوسي…بتبدأ حياه جديده
في عالم مجهول
صالح…بيحاول يتعايش قصاد الجميع لكن اللي في قلبه وبيخبيه حزن ووجع وأشتياق💔
صلاح بيحاول يتأقلم ويستسلم للأمر الواقع شهد بتحاول تقويه وتحسسه انها مش مضايقه..لكن من جواها كانت بتتوجع كل يوم ببعدي وهي عارفه ان احتمال فرصه انها تكون ام تبقي شبه معدومه خصوصا بعد حمل مريم وشمس فرحتلهم لكن اتمنت تكون مكانهم ..
اما ايهاب فا هو كمان ابتدا مشوار النجوميه ومنتظر قدوم طفلته ❣️المدلله
هيما ومنه كمان منتظرين خبر سار ❣️
سهر خلاص بقت جزء منهم واخيرا استقبلت والدها واختها لاول مره يقضوا معاها طول شهر رمضان
وبسرعه والدها واختها اتأقلموا مع اهل الحاره وحاليا سهر واهل حارتنا في محاولات كتير لاقناع والدها بالبقاء
…….
وكالعاده اتجمع الاهل والاحباب في ليله 27رمضان
فوق سطح حاج سعيد للفطار و اللمه الجميله بوجود اشخاص جديده بتنضم للعيله اللي بتكبر كل يوم..
ولكن ينقصها الحاضر الغائب دوما…..((كيموو))😔💔
…….
قبل التجمع بيوم..
منار….الووو
بوسي…قلبي
منار…مبترديش ليه يابت عامله فيها مهمه
بوسي..بضحك يابت عندي شغل كتير اوي انتي ناسيه ان فاضل يومين تلاته عالعيد السنتر مش بيفضي
منار…بضحك اه صحيح الستات بتنضف قبل العيد 😂
بوسي…اه يا اختي اللي صبغه واللي شعر واللي ميكب لما خلاص تعبت بس سيبك انتي الستات هنا يا بت يا منار في عالم تاني خالص
منار…هتقوليلي 🙈 بس ميكب ليه هو في افراح في رمضان انتي بتشتغليني يابت🤔🤔
بوسي…لا يا ام جهل في خيم رمضانيه وفي سحور بره وحاجه اخر روقان
منار….يلا ربنا يسعد الناس
بوسي…يارب🙏 المهم في حاجه ولا ايه مكالمتك وراها ايه يا مصيبه🤔
منار…اه طبعا في حاجه بس طبعا اكيد وحشاني بقالي كتير مشوفتكيش وانتي يا اختي بتمشي 8 الصبح وترجعي علي 12 بليل لا بعرف انزلك بليل ولا بقدر اشوفك الصبح من وقت ما قعدت من الشغل.
بوسي ..وهو حد كان قالك يا اختي اعدي من الشغل كان زماني بشوفك😏 خلاص مشيتي ورا سي عامر
منار….ما انتي عارفه يا بوسي مكانش ينفع ابدا اني اكمل في الشغل وانس موجود فيه انس طيب وابن حلال وبصراحه محرجه منه جدا وبردو عامر والله ما قاللي اعد ابدا بالعكس هو اضايق لما قولتله اني هأعد من الشغل واشوف شغل تاني..فضل يقولي انه مش مضايق وانا عارفه انه فعلا مكانش مضايق بس انا اللي أستصعبت الموضوع بصراحه ومن وقتها يا اختي لسه مش لاقيه شغل
بوسي…هتلاقي أن شاء الله انتي بس شدي حيلك
منار….هرجع انزل تاني بعد رمضان بقي انتي عارفه مقدرش اسيب ماما في رمضان شغل البيت كتير عليها فا بما اني لسه اعده خليني بقي لبعد رمضان.
بوسي….المهم اخلصي انا مش فضيالك متصله ليه
منار…شوفي الواطيه اللي مكانتش لاقيه حد يعبرها من يوم ما أشتريتي عربيه ومبقاش حد عارف يكلمك
بوسي….عينك يا حوريه دي لسه عليها اقساط هتفجر بيا وانا راجعه😒يابت انا استلمتها من اسبوع واحد والاسبوع ده راحه جايه بيها من الشغل للبيت يعني لا أتنيلت خرجت بيها ولا حتي احتفلت بيها
منار….بضحك لا يا بت متخافيش انا عيني بارده😂
بوسي…واضح يا حوريه
منار…مانتي لو تاخديني بيها لفه هشيل عيني من عليها
بوسي…افضي بس من الموسم ده وهاخدك انتي والبنات احلي لفه
منار…ده علي اساس هنركب علي بعض ولا هنركب فوق السقف
بوسي….لا هحطكم في الشنطه يا ظريفه😒 انجزي يابت عايزه ايه
منار….طيب خلاص هقولك متزأيش🙄 بصي يا ستي بكره 27 رمضان🙄
بوسي…أوعي المعلومات تصدقي مكنتش اعرف🤔 انتي بتستظرفي يابت😡
منار….ياستي براحه عليا هقولك انتي عارفه ان كلنا هنتجمع بكره عشان نفطر سوا صح🙄
بوسي…اه طبعا عارفه فين المشكله
منار…بأرتباك اصل يعني
بوسي…بت ثواني بالظبط وهقفل في وشك انجزي
منار…من الاخر كده انا بتصل عشان اقولك لو مجتيش بكره هزعل منك انتي وحشاني انا والبنات اوي وهنتجنن ونتلم مع بعض بقالنا كتير اوي مش اتجمعنا من فرح يوسف ومريم البي مشغول واللي تعبانه من الحمل ولما بنتجمع مبنبقاش كاملين انا زهقانه و هطق وعايزه نتجمع وبصراحه بقي انتي عارفه اني مبعرفش اجمل الكلام وزي القطر…انا خايفه متجيش عشان صالح..
أتغيرت ملامح بوسي لحزن بس خاولت متزهرش ده لمنار.
بوسي…وماله صالح يعني
منار…يعني عارفه انك ممكن ماتحبيش تتجمعي معاه
بوسي…بصي يابت انتي عشان ثواني وهاجي اجيبك من شعرك..اولا لا صالح ولا اي حد علي وش الدنيا يقدر يخليني بعيده عنكم انا مش هقاطعكم او ابطل اتجمع معاكم عشان اهرب منه.ومشفهوش اكيد لا طبعا صالح موضوع وراح لحاله وفالاول والاخر هو ابن حتتي ومتربي معانا يعني طبيعي اشوفه في اي حاجه او مناسبه تخصنا
منار…لا يا شيخه ده علي اساس انك شوفتيه اي يوم من اول رمضان ولا حتي من قبلها
بوسي….انا مبهربش يا منار ظروف شغلي هي اللي بتخليني فعلا ما شفهوش بنزل قبل ما يفتحو القهوه وباجي بطلع علي طول مش بقف وفي رمضان انا مفيش يوم فطرت فيه فالبيت من ضغط الشغل لما كنا فاتحين المحل يا منار كنا بناخد اول عشر ايام اجازه وبنقفل المحل عشان معروف ان الناس الشعبيين مش بيعملوا حاجه في اول رمضان ولا حتي نص رمضان بيبتدوا يجوا والشغل يزيد من النص التاني لرمضان لاكن المكان هنا مش بيفضي يا منار هنا عالم تاني خالص الناس 24 ساعه في ال24 ساعه بيعملوا شعرهم بيعملوا ميكب سهر وحفلات وخروج فا طبيعي يكون في شغل ومنقفلش ولا ناخد اجازه والكورس اللي كنت باخده كان واخد كل وقتي والحمد لله انه خلص قبل رمضان وإلا مكنتش هعرف حتي اكلمك زي ما بكلمك الوقت فهمتي.
منار….فهمت بس كل ده مليش دعوه بيه انتي معانا بكره
بوسي..ياغبيه بقولك في شغل مش هعرف غصب عني

 

 

 

منار….لا مفيش الكلام ده انتي لسه بتقولي مخدتيش ولا يوم اجازه يعني لازم تاخدي حتي يوم
بوسي….صدقيني اليومين دول والله ما هقدر غصب عني وحيات ربنا يابت انا لولا اني واخده بريك عشان افطر مكنتش كلمتك واهو يا اختي لا فطرت ولا اتنيلت ضيعتي عليا الفطار
منار…فطار ايه يا بت انتي هتصيعي عليا دي العشاء أذنت
بوسي…طب والله ما فطرت لحد الوقت كان معايا زبونه بشتغل معاها يادوب شربت مايه بس وطبعا مش بناخد هنا البريك كلنا مع بعض بنروح اتنين اتنين عشان ضغط الشغل وجه يا اختي الدور عليا الوقت وضاع الحمد لله بركاتك😒
منار…بجد هزعل لو ماجتيش
بوسي…شوفي البت مش هاممها اني مكلتش وبتقولي ايه
منار….ماانتي اكيد هتطفحي يا طفسه المهم بكره😔
بوسي…حقك عليا وحيات ربنا أسألي امي وتوته في وقت زي ده في محلنا كنا بنبقي ازاي ما انتي اكيد عارفه…ما بالك بقي بالمكان اللي انا فيه
منار…ماشي يا بوسي😔
بوسي…يابت فكي بوزك بدل ما اجي اجيبك من شعرك هعوضهالك وحيات ربنا وبعدين الجيات كتير وهنتقابل يا اختي اول يوم العيد في عيد ميلاد كريم واحمد
منار…هتعرفي تاخدي وقتها اجازه الوقت
بوسي…عشان مظبطاها من اسبوعين ومعرفاهم ان اول يوم انا مش هينفع اجي الشغل يعني هشوفكم هشوفكم فكي بقي
منار…ماشي يارخمه
بوسي…بحبك يا بت
منار…وانا كمان بس بردو زعلانه
بوسي…خلاص بقي حقك عليا بت يا منار صحيح عايزه اقولك ان ضغط الشغل ده بسببك يا بعيده
منار…اشمعني
بوسي….من يوم ما حطيت صورك عندي علي الصفحه في فرحك وانتي مع عامر الكل بيطلبني بالاسم وبعد ما اشتغلت هنا وعرفوا ان انا اللي عملتلك المك اب خدوا مني الصور اللي متصوراها معاكي وحطوها علي صفحه السنتر اي عروسه بتيجي.. بتيجي عشان انا اللي اعملها الميكب..
منار…بغرور عدي الجمايل بقي وادعي لخطيبه المطرب
🙄
بوسي…بضحك با الهوي عالغرور يلا يا ابت من هنا منك لله البريك فاضله خمس دقايق
منار…طب يلا روحي بسرعه افكري
بوسي…ماشي يا قلبي يلا باي
منار…باي
……………….
اما في يوم التجمع اجتمع البنات جميعا وستات الحاره في السطح اما الشباب ورجال الحته كانوا تحت كالعاده بيجهزوا المائده في الشارع عشان يفطروا الناس
توتا….ياولد باااااس انت وهو تعبتوني
سهير….يابت وطي صوتك سورتي وداني انتي علي طول بتصوتي في وش العيال كده
توتا…تعبوني يا اما انا خلاص حاسه اني هتجنن
سهير…حاسه ؟؟انتي بابت اتجننتي خلاص بتزعأي في وش العيال كده ليه حرام عليكي تسرعيهم
توتا…يا اختي يا اما انتي كمان هما دول بيحوق فيهم حاجه عاملين زي ابوهم
رحاب….هقول لادهم علي فكره🙄
منه…وانا شاهده 🤪
توتا…بت انتي وهي هجيبكم من شعركم انتو مفيكومش قلم وانتوا بقيتو شب الكوره ببطنكم دي
منه…انا كوره😳
توتا…اه يابت ده احنا بنفكر ندحرجك علي الارض
منه…شايفه يا ماما توته😩
مديحه…بأبتسامه هدوء مالكم يابنات بتناقرو في بعض ليه
منه…بتقول عليا شبه الكوره يا ماما
جت وعد من وراها حط ايدها عليها طيب ماهي توتا مغلطتش انتو فعلا بقيتو شبه الكور
منه…امسي يابت من هنا
توتا…جادعه يابت يا وعد هو انا بحبك من شويه
فاطمه…أفضلوا انتوا اضحكوا وهزروا وناقرو في بعض والفطار خلاص فاضل عليا عشر دقايق والوقت يطلعوا ياكلونا لو ملاقوش اكل
نعمه…يلا صحيح شدو حيلكم شويه يابنات
منار…كل حاجه خلاص جاهزه بس هب ماما كده بتحب تكبر المواضيع
فاطمه…يابت الرجاله قربوا يطلعوا عيب
سهر….السلام عليكم
الجميع عليكم السلام
فاطمه…تعالي ياسهر أزيك يا هنا
سهر…أزيك يا ابله فاطمه عامله ايه دبما متجمعين يارب اتفضلي
فاطمه…ايه بابنتي اللي جيباه ده بس ما كل حاجه موجوده
سهر….انا جايبه ايه بس با ابله فاطمه دي حاجه بسيطه والله
منار…اديهالها وهي ماشيه يا ماما🤪
سهر…بس انتي اطلعي منها
منار…ازيك يا هنا
هنا…باحراج الحمد لله بخير
منار…لا بقولك ايه احنا صحيح اتقابلنا كذا مره من اول رمضان ودي فعلا اول مره نتجمع مع بعض فيها عالفكار بس احنا معندناش حد بيتحرج
فاطمه….صح منار عندها حق فكي كده..احنا بقينا اهل خلاص
سهر….لا متقلقوش هتفك هي هتاخد وقت بسيط زيي وتندمج كلها عشر دقايق
ضحكت هنا….ممكن خمس دقايق
سهر….بضحك اهي فكت خلاص
توتا..ياختي ما تبطلي رغي انتي وهي كلتو دماغي
سهر….انتي علي طول بتخانقي في دبان وشك كده
توتا….هو انا شايفه من ولاد الجزمه دول شويه😒
سهر…بضحك اخس عليكي دول عسل هما فين
توتا….وراكي اعدين جمب روحيه
لفت سهر وراحتلهم وهي معاها شنطه مليانه حلويات
توتا… ليه كل ده يا سهر بس
سهر….فين كل ده بس دي حاجه بسيطه والله انا بموت فيهم دول حبايبي
توتا…عقبال يارب ما اشوف ولادك
ناريمان…اهي توتا قلبت عاقله اخيرا
توتا…بضحك مره من نفسي يا ابله ناريمان
مريم….صحيح يا ماما انتي هتحسديها علي مره تبقي عاقله فيها
توتا…لمي بنتك يا ابله ناريمان عشان هي في شهورها الاولي
مريم…بضحك ايه يابت البلطجه دي مالك طايحه فينا ليه
روحيه…مين يابت اللي مضايق وانا اكسر عضمه
توتا…طبعا يا اختي مين يشهد للعروسه ماهي مرات الحيله
روحيه….هو مين ده يابت الحيله🤔
توتا…احيه نسيتي ابنك😳
مديحه….بقولكم ابه ملكوش دعوه بروحيه سيبوها احسن انا قلقانه منها وبقيت اتشائم من اي تجمع بسببها
ناريمان….وانا كمان😂😂 لسه بقول لمريم عينك عليها
توتا…منكده علينا انتي علي طول ياروحيه ما نتجمعش غير لما تختفي ونفضل ندور عليكي
وعد بضحك فاكرين يوم الخناقه 😂😂
منار…ساعه ونص ندور عليها فالاخر لقيناها نايمه فالسطح هنا
شمس…اهو انا نفسي اعرف صحيح ايه اللي طلعها هنا
شهد….ده كويس انها طلعت عالسطح بس يا عيني يوسف اللي صعب عليا كان هيتجنن
مريم…هو يا عيني علي طول هيتجنن عليها طول ماهو في الشغل يتصل عليا يسأل عليها وميبقاش نرتاح غير لما اقوله معايا او عند ابله مديحه
مديحه…بابتسامه اهو انتو بتتكلموا عليها وهي في دنيا تانيه مع ولاد توتا
نعمه…غلبانه والنبي بتصعب عليا اوي
فاطمه…ياولاد يلا تعالو حطوا الاكل عالتربيزات وفضوا العصير ثواني اهو والمدفع يضرب…
قاموا اللنات كلهم يحطوا الاكل عالتربيزات ويجهزوا كل حاجه
فاطمه…ابوكي فين يا دكتوره
سهر….وقف تحت مع حاج سعيد والشباب
فاطمه…ماشي يا حبيبتي
ثواني والمدفع ضرب
مدفع الافطار أضرب
صوت الصواريخ انتشر في المكان وانطلق صوت الاذان جريوا البنات كالعاده يبصوا من سور السطح علي الحاره وعالشباب …
وأخيرا ظهر زينه شباب السيده😍😍
بطلتهم اللي تخطف النظر
زين…يلا با عامر بسرعه هاتوا كراسي زياده يا شباب.
صلاح….هوا🏃🏃
زين….كل سنه وانتوا طيبين ياجماعه حد ناقصه اي حاجه….هات عصير هنا با هيما
احمد العربب…كل سنه وانت طيب يا خاج سعيد ربنا ما يقطعها عاده
سعيد….اللهم امين يارب وديما متجمعين مع بعض علي كل خير
حسني….يارب منورنا يا حاج رضا
رضا….بنوركم والله الاعده معاكم وفي وسطكم تسوي الدنيا ومافيها
سعيد….الله يبارك في عمرك وتفرح بالدكتوره واختها
رضا…يارب في حياتك يا حاج سعيد
ادهم….زين عايز مساعده
زين…تسلم يا صاحبي
إيهاب…ولا ياعامر أنس جه هناك اهو
نزل أنس من عربيته وهو رافع ايده في تحيه للجميع سلام عليكم كل سنه وانتو طيبين متجمعين فالخير ديما يارب…
سلم عليه الجميع
قرب عامر منه وهو بيحضنه والله قولت مش جاي
انس ..وانا اقدر بردو افوت اليوم ده
زين….ايه يا صاحبي منور
حضنه انس ده نورك يا زين واحشني ياراجل
زين…لو واحشك كنت سألت
أنس…والله غصب عني انت عارف الشغل
زبن…مين ادك ياعم انضميت للمطربين العظام اللي معانا
إيهاب…حد بينادي عليا
زين…اهو المطرب العاطفي حضر هسيبكم ثواني اشوف الدنيا فيها ايه
إيهاب…عامل ايه يا نجم
انس.. الحمد لله والله
سعيد…واحشني يا انس
انس…باس راسه والله انت اللي واحشني اوي
سعيد…ربنا يباركلك يارب. نسيت اعرفك بعمك رضا والد الدكتوره
انس….دكتوره سهر اهلا ياعم رضا نورت والله
سعيد…انس ده صاحب الشباب وزي ابننا يا حاج رضا ومطرب صاعد ان شاء الله
رضا….اهلا يا ابني كل سنه وانت طيب
انس…وحضرتك بالف خير يارب
سعيد…طيب يلا نصلي المغرب يا شباب ونطلع احنا
راح حاج سعيد هو والشباب صلوا مع بعض بسرعه ورجعوا
زين…اطلع ا يلا انتوا وانا جاي وراكم
ادهم….اطلع يا عم احمد انت والرجاله واحنا جايين وراكم علي طول
سعيد…طيب تعالوا نطلع احنا والشباب يجوا ورانا طلعوا الرجاله وفضل الشباب خمس دقايق يأمنوا علي المائده وان محدش ناقصه حاجه
يوسف…. ما يلا بقي انا جعت خلاص مش قادر
عامر….انت ليك عين مش كفايه مجتش تصلي معانا😒😒
يوسف…يخربيت ام كده ياض والمسيح انا مسيحي
زين…بضحك سيبك منه ده غبي😂😂
هيما.. لا يا زين ملهوش حق محدش بيشوفه في اي صلاه
عامر…ياعم بنسي خلاص براحه🙄
يوسف…ماهو من اعدتك وسرمحتك مع روحيه بهتت عليك
عادل…انا اخلي منار ترسملك صليب علي أورتك
انس…بضحك عامر بقي في الضياع
يوسف…بقي لا با اخويا هو طول نمره في الضياع لا وبيحسسك كل مره بالتقصير يا جدع ده مره خدني وقالي تعالي نصلي العصر وانا وربنا نسيت ورحت معاه لحد باب الجامع
انس…بضحك وعملت ايه
يوسف…كلته قلم مخبرين وسبته ومشيت😂😂😂
عامر…بضحك ياض مقدرش استغني عنك ياض
يوسف…بابتسامه لا والنبي استغني
جه صالح ولاحه
زين….ايه كله تمام يا رجاله
صالح…اه سامح ومحمد وباقي الشباب واقفين
ادهم…طب يلا نطلع احنا
عادل…اه يلا زمانهم جاعوا حرام
طلعوا الشباب مع بعض سلموا عالكل ووقف صالح يدور بعينه وسطهم يمكن يلاقي بوسي اللي أشتاق أنه يشوفها من قلبه بجد لكن اتأكد من ظنونه انها مش هتيجي
صحابه كانوا حاسين بيه وعارفين انه تعبان بس بيكابر لكن حاولوا يغيروا المود ويشاركوه ضحكهم
رحاب..وهي بتبص لتوته ادهم ادهم ادهم
ادهم…ايه يابت عليكي عفريت اسمه ادهم
رحاب… عايزه افتنلك علي
حاجه😒🙄

 

 

 

توته…بصوت واطي اتلمي يابت
ادهم…ايه يا فتانه عملت ابه توته
توته….انت تعرف اني اعمل حاجه بزمتك
ادهم…بااااس بعد الكلمتين دول يبقي ولادك جننوكي وشتمتيهم وخدتيني في الرجلين معاهم
ضحك الكل عليهم
رحاب…قولت حاجه انا اهو عرف من لسانك الطويل
ادهم…لا حفظت خلاص وعارفه مبقتش اتأثر اتعودت
بص لتوته بتشتميني يا توتا🤨🤨
توته…بزمتك هتصدق اللي تنشك دي
منه…وانا شاهده يا ادهم
هيما وانا مراتي مبتكدبش
توته…اتفقتوا عليا طب قابلو بقي نهاركم مهبب معايا
ادهم….ماانتي مابتستريش ما بيصدقوا يلاقوكي واقعه في الغلط
توته…طب خد يا اخويا ولادك كل بيهم بقي
ادهم….لا بقولك ايه انا جعان ومش قادر مش واخد انا عيال مسك فيه الولاد ومرضيوش يروحولها
هيما بضحك حتي العيال مش طايقينك
ادهم….صدقت والله يا ابني
احمد…ماتاخدهم منها مش ولادك دول مطلعين عينها علي طول
توتا…يا اختي ان شالله يخليك ليا والنبي يا عم احمد اللي مصبرني علي ولادك التلاته انت انا بحبك من شويه
ادهم…ايه يا سوسو هتسبيها تعاكس البرنس بتاعنا وانتي اعده كده
سهير….خليها يا اخويا تعاكسه انا راضيه
عامر….روحيه يا قلبي وحشاني
روحيه….😏😏😏وحش لما يلهفك انت مين يا واد
عامر…عامله زي القطط يا روحيه تاكلي وتمكري انا عامر حبيبك اللي بيخرجك ويفسحك تصدقي بالله كنت محضرلك خروجه في العيد بس خلاص غيرت رأيي
روحيه….انت حبيبي ياولا
يوسف…وهو بياكل انت حبيبي يا ولا طب كلي كلي يا مصلحه😏
فاطمه….بطلوا مناقره يا ولاد ويلا كلوا وطلعوا الاكل يلا طلعي ياسهر لابوكي واختك
طلع ياعادل لانس
روحيه ..يا اختي اعده تقوليلهم طلعوا ان ماعبرتيني😏
فاطمه…وانا اقدر يا روحيه طلع لامك يا يوسف يلا يا جماعه الاكل هيبرد
عيسي…ديما عامر ومتجميع يارب علي طول
ابتدوا يا كلوا كلهم وصالح ساكت وعينه علي باب السطح عنده امل ان بوسي تيجي اي وقت لكن ماجتش واتحطمت كل اماله.
بعد الاكل جابوا البنات الحلويات وعملوا الشاي
سهر…لتوته هي فين بوسي صحيح مخدتش بالي انها مش موجوده
انتبه بسرعه صالح عشان يعرف الاجابه
توته….عندها شغل كتير موسم بقي كل سنه وانتي طيبه
سهر…ربنا معاها يارب والله نفسي اشوفها رغم اننا في بيت واحد مع بعض بس مبقتش اشوفها خالص
توته…هتشوفبها اول يوم العيد ان شاء الله في عيد ميلاد كريم واحمد
ادهم….بصوت عالي صحيح يا جماعه كلكم عندي اول يوم العيد عشان عيد ميلاد العيال
الجميع.
كل سنه وهما طيبين
ادهم…وانتو طيبين يارب
سعيد…بقول ايه يا ادهم يا ابني انت وتوته مجرد اقتراح يعني وانتوا احرار طبعا ايه رايكم تعملوه هنا فالسطح احنا عددنا كبير وبدل ما نتجمع في مكان والجو حر السطح هنا تراوه وكبير
فاطمه…والله فكره حلوه وبدل ما تتعبي في تنضيف الشقه المكان هنا اخره يتكنس وخلاص
وفنفس الوقت زي ما الحاج قال هنا اوسع واكبر
ادهم…انا معنديش مشكله عن نفسي شوفوا توته اللب يريحها ايه وهعمله
سهير…والنبي الفكره حلوه بدل ما نتكوم كلنا في الشقه
توته….هي فكره حلوه بس انا مش عايزه اتعبكم والله
فاطمه…تعب ايه بس بعد ما العيد ميلاد يخلص انتي والبنات مع بعض تظبطوه وخلاص خلصت بدل البهدله في شقتك
منار ..ماقالتلك مفيش بهدله لازم تعملي فيها مؤدبه
توتا….انتي يابت عايزه تتجابي من شعرك زي باقي العيال
عامر…لا بقول ايه محدش ليه دعوه بمنار
توته…بتقول حاجه يا فنان شكلك مش خايف علي احبالك الصوتيه🤔
عامر….بطريقه كوميديه ما لك ومالها يا منار هي توته قالت حاجه غلط الحق عليها انها خايفه تتعبكم وكمل بصوت واطي لكن مسموع ابعدي عنها السعادي دي ممكن تبلعني
ضحكوا كلهم علي عامر
انس.. الجبن سيد الاخلاق
عامر…ياجدع دي مفتريه عمرك شوفت حد بيهدد بالاحبال الصوتيه😩
زين….ادهم متجوز عشماوي😂😂

 

 

 

توتا…مابلاش انت يازين انت غالي عندي
زين..وانا اقدر بردو
يوسف…ياجدع دي لو ماسكه عليكوا زله مش هتعملوا كده🤨
توتا…مالي يا سي چو
ادهم….لا استني انتي الكلعه دي بتاعتي مالك ومال مراتي ياض..
يوسف بضحك طب وربنا الكلمتين دول عشان تعرف تروح تنام في بيتك
ادهم….ايه ده انا باين عليا😭
كل ضحك علي ادهم
وضحك ادهم علي توته وباسها من راسها لا والله دي حبيبتي.
قام عامر براحه في الخباثه وهما بيتكلموا ويضحكوا ولع صاروخ ورماه جمب توتا وادهم ..ومشي بسرعه ضرب الصاروخ الكل صوت
صرخت توته وهي بتقفش في ادهم
توته….يخربيتتتك
ادهم….ياض اعقل الله يخربيتك قطعت خلفي
زين بضحك قرب من عامر يخربيتك الراجل ابو سهر كان هيقع من عالكرسي من الخضه
عامر…بضحك والله ما اقصد اكيد بيقول علينا مجانين
زين…بيقول لا هو متأكد خلاص
توته…منك لله يا عامر وقعت قلبي
حسني…ياواد اعقل شويه خضيت الناس.
عامر…ياعم حسني انا عملت حاجه بفرفشكم شويه
توته…وحليت الفرفشه جمب رجلي
ادهم….اعملها مره كمان وهعلقك
عامر…لا انا رايح اعد بأدبي خلاص
اعدو كلهم مع بعض
وكل حبه فيهم بيتكلموا مع بعض
أنس…ايه الاخبار يا دكتوره
سهر….الحمد لله يا انس بخير ايه مش بنشوفك ليه
انس…ابدا والله الصبح في الشركه بليل في الاستديو
سهر…طبعا انت موقف شغل
انس…اه في رمضان بيبقي الشغل واقف خالص بس طبعا بيبقي في خيم رمضانيه وحجات زي كده لما بيجيلي شغل بنزل مفيش مش بنزل المهم انتي عامله ايه فالشغل
سعر…لا الحمد لله ربنا كرمني العياده أبتدت تتعرف وطبعا الي حد كبير الشغل مرضي بالنسبالي كنت بصراحه أبتديت أفقد الامل في ان حد يجيلي
انس….لا طبعا انتي بس عشان كنتي لسه فاتحه العياده وطبيعي هتاخدي وقتك
سهر…فعلا الحمد الدنيا اتظبطت كتير عن الاول
انس….بباكي شكلي طيب اوي
سهر….بابتسامه بابا فعلا طيب
انس…هو هيأعد معاكي
سهر…والله يا انس بحاول اقنعه بس هو مش راضي هنا موافقه وحابه جدا انها تأعد معايا بس هو بيقول مقدرش اسيب مكاني
انس…خلي حاج سعيد والرجاله يقنعوه
سهر….والله انا قولت لحاج سعيد ويارب يوافق احنا اصلا ملناش حد هناك يمكن اللي لينا كلهم مشغولين يعني هو واختي لوحدهم وبصراحه انا مش حابه اسيبهم يارب يوافق
انس….ان شاء الله هيوافق بس تعرفي ان هنا فيها منك كتير
سهر….يمكن فينا من بعض بس هنا احلي مني
انس…هي حلوه بس انتي قمر علي فكره
أبتسمت سهر باحراج
انس…انا مش بعاكس علي فكره انا بقول رأيي
ضحكت سهر شكرا عالمجامله الحلوه دي
انس…والله مش مجامله انتي فعلا زي القمر
سكتت سهر وهي بتبص بعيد ومبتسمه
أبتسم أنس في صمت..🙄
زين….انتي بتدرسي ايه صحيح يا هنا
هنا…انا في اخر سنه سياسه واقتصاد.
زين…بإعجاب براڤو وناويه تشتغلي
هنا…اكيد طبعا ده حلمي
زين….حبيتي المكان هنا
هنا…باعجاب جدا انت مش متخيل انا هتجنن وبابا يوافق نكمل هنا بصراحه انا مش حابه ارجع طنطا خالص حاسه اني لوحدي يمكن ليا صحاب بس مش اللي هو صحاب اوي يعني صحاب دراسه عاديين جدا اهلنا معانا مش اوي كل واحد مشغول في دنيته بابا برده مهما كان كبير وطبعا اكيد محتاجه سهر معايا اكتر
زين…طيب نا تحاولوا معاه هو ليه متمسك بهناك اصلا
هنا…والله مش عارفه بيقول مكانه وبلده بس ادينا بنحاول وبنضغط عليه ويارب يوافق
زين…بأبتسامه ان شاء الله هيوافق وهتنورونا هنا
أبتسمت هنا…يارب
……
عامر…وحشتيني
منار…برقت وهي مبتسمه بس بلاش جنان
عامر…جنان ايه بقولك وحشتيني
منار….وانت كمان
عامر…وانا كمان ايه
منار…عامر بلاش رخامه بس بقي عشان عادل اعد جمبي
عامر…هو انا قولت حاجه غلط انتي ناسيه انك خطيبتي وبعدين بقي طز فيكي وفي عادل
منار….هقوله علي فكره
عادل…وتقوليلي ليه يا اختي مانا سامعه
ضحكت منار باحراج
عامر…انت ياض رامي ودنك معانا
عادل…لا يا ابن الهبله انت اللي فاكر صوتك واطي بس صحيح انت بتقول طز في عادل
عامر….انت تعرف عني كده دي منار هي اللي بتقول 🙄
منار….نعم والله كداب يا عادل هو اللي قال😂😂 انت بتبعني

 

 

 

عامر….صاحبي برده مقدرش اتكلم
منار…تصدق اني مش هسأل فيك تاني
عادل…انا لو منك بعد ما باعك كده وسلمك ليا معبرهوش ولو اتصل بيكي اي وقت مترديش عليه
عامر…انت بتحرض اختك عليا
عادل…انا بقول رأيي
منار…ايوه ورأيك صح انا فعلا مش هسأل فيك
عامر…وهو بيغمزلها طب بزمتك تقدري😉
عادل….ولا اتلم انت بتغمز لاختي وانا اعد
عامر…بضحك ياعم ركز مع مراتك شمس شمس
شمس…ايوه يا عامر.
عامر…الله يباركلك يا بنتي ويقومك بالسلامه ابعدي جوزك عني انا وخطيبتي
شمس…بضحك مالك ومالهم يا عادل
عادل…الواد بيغمز لاختي وانا اعد
شمس….وفيها ايه مانت ياما غمزتلي😒
ضحك عامر ومنار بصوت عالي
عامر…اضررررب
عادل…بابتسامه انتي بتقويه عليا يا شمس
عامر…لا شمس حقانيه
شمس…اطلع منها انت يا عادل وركز معايا با اخوبا بدل مانت مركز مع اختك وخطيبها😒😒
عامر…ااااه لا كده الكلام في تقصير وجو إثاره
عادل.. انتي يابت بتفرحيهم فينا انا مقصر معاكي😳
شمس…بضحك لا والله انا بهزر ده عادل مفيش اطيب منه
عادل…ايوه كده نظبط🤨
عامر…قولي متخافيش وراكي رجاله كاتب عليكي شيك ولا ايه
منار…بضحك ممضيها علي وصلات امانه😂😂
عادل…انتوا اتفقتوا عليا انتوا التلاته خلاص يا اخويا حب فيها براحتك بس بأدب ومتسوقش فيها عشان مرفعكش
عامر…علم وينفذ يا متر
عادل…بصوت واطي ورحمه كيمو لا ارفعك بس نكون لوحدنا
عامر….بتخلع بشياكه خايف تظبطك 😂😂😂😂
عادل…بضحك بتقول ايه يا ابني انا راجل في بيتي😂😂😂😂
……..
وعد كانت اعده مش علي بعضها وحاسه انها غيرانه من كلام زين وهنا اللي طول واهتمامه بيها وكانت مضايقه انه سايبها خالص وطول الوقت اعد بيتكلم معاها..
حس زين ان وعد في حاجه موتراها رجليها بتهز فيها وملامحها باين عليها الزعل
زين…وعد مالك
وعد…مفيش
زين…مفيش ايه حاسك مش مظبوطه وشكلك زعلانه من حاجه في حد ضايقك
وعد..بصوت عالي نسبيا في ايه يا زين قولتلك مفيش
زين…بصلها بنظره خوفتها
وطي صوتك ياوعد واتكلمي كويس
وعد….انا معلتش صوتي علي فكره بقولك مفيش وانت مصمم انه فيه
زين….انتي شايفه ان انتي طبيعيه واسلوبك ده عادي انا سألتك مالك رديتي بطريقتك دي
وعد….مفيش يا زين انا تمام مصدعه بس شويه
زين….تمام يا وعد اللي انتي شيفاه
بص زين بعيد عنها وكمل كلامه وهزاره مع صحابه ومع هنا حست وعد انها هتنفجر من الغيظ لتجاهله ليها.
شهد….عامر انت صحيح هتصور امته الحلقه بتاعت مني الشاذلي انت ومنار
عامر….المفروض بعد بكره
صلاح…هي هتتعرض امته
عامر….تقريبا تالت يوم العيد
زين…بضحك طبعا هتتكلم علي الترند بتاع الخناقه
عامر… اه طبعا ده من اول اسئله اللقاء اكيد
زين…احسن مش قولتلك انت واخوك اطلعوا وانتي مرضتوش اشربوا بقي
عامر….اتفضحنا😂😂😂

 

 

 

هيما…ياعم ولا اتفضحتوا ولا حاجه عيال شمال وبيتربوا
منه….بجد رخمه اوي حكايه الترند دي اي حاجه تحصل الناس تصور حاجه رخمه بجد
ايهاب …هي فعلا حاجه رخمه اوي واي حد بيتشهر تحسي ان جزء كبير من حريته اتقيد
احمد العربي….النجاح والشهره يا ابني ليهم ضريبه ولازم تكونوا عارفين ده كويس جدا عشان متتعبوش ادام وتتعدوا وفي نفس الوقت تخلوا بالكم من اي تصرف ليكم
سعيد….فعلا يا ولاد النجاح مش بالساهل يمكن حكايه الترند والكلام اللي ايامكم ده صعب ومش بس علي اب حد مشهور الناس بقي عندها تبلد اي كارثه تحصل تلاقي كل واحد واقف مطلع موبايله وبيصور سايبين المصيبه وواقفين يتفرجوا ويصورا زمان علي ابامنا لما كان يحصل خناقه تبصوا تلاقوا الكل جري يفضها تحصل حريقه الكل يجري يطفيها وميستناش المطافي حتي الوقت بالكتير يتصلوا بالمطافي والباقي يفضل يصور مع ان لو اتجمعوا وطفوها لحد ما المطافي تيجي هيقللوا حجم الكارثه قبل ما تكبر وميقدروش يسيطروا عليها
انس…عندك حق يا حاج سعيد زي بالظبط الشاب اللي من فتره في اسماعيله قتل واحد في عز الضهر وفصل راسه والناس بتتفرج
حسني…المشكله يا انس يا ابني ان الناس كمان بقت تخاف والكل يقولك يلا نفسي بجد الحادثه دي علي اد ما توجع وتخوف علي اد ما اللي يخوف فيها اكتر هو رد فعل الناس ازاي محدش جري عليه وبعده عن الراجل ازاي مفيش مجموعه شباب لموا بعض بسرعه وحاوطوا الشاب ده وقدروا يسيطروا عليه قيل ما يموت الراجل
هو طبعا عمره ولو ايه حصل كان هيموت هيموت بس الموقف عالاقل كان اللي واقفين حاولوا
احمد العربي….المشكله يا حسني ان واحد بس اللي حاول طبعا كويس انه حاول بس برده رد فعله غريب يعني ايه الشاب قاله ده اغتصب امي واختي فا سابه الحقيقه مش فاهم الجمله ولا قادر اقتنع بيها طيب حتي لو ده فعلا حصل يديه الحق انه يسيبه ويخليه ياخد حقه بالطريقه دي في القانون ما لو ده اتثبت عليه فالاخر هيتعدم ليه بقينا دمويين بالشكل ده وبعدين الراجل سابه لما قاله كده طيب هو متأكد مش يمكن الشاب ده بيكدب ماهو ماشافش بعينه او يعرف الحقيقه كامله ازاي يسمح ان منظر زي ده يحصل ادام اطفال وكبار وستات علي كده اي حد يحصله حاجه يروح ياخدها بايده ويلغي القانون
حاج سعيد….للاسف احنا بقينا عايشين في غابه والكارثه اننا بقينا نصدق اللي نسمعه وبنتعاطف معاه كمان وكأن السمع هو الدليل الصح طيب فين عقلنا اللي لغيناه فين عيننا اللي شافت عشان تصدق
صالح….بس بردو يا حاج سعيد انا شايف ان لو دي القصه الحقيقيه الشاب عنده حق يعني ايه واحد بغتصب امي واختي وابقي عارفه واسيبه
حاج سعيد…ومين قال تسيبه يا ابني خد حقك منه بالقانون ليه مصممين نلغي القانون
صالح…مش يمكن مفيش دليل وعارف انه فالاخر مش هياخد حقه والقانون مش هيقف معاه
حاج سعيد….مفيش غلطه ملهاش دليل يا ابني ربك عادل وعمره ما كان ظالم واللي ظلمك ربنا بيجبلك حقك منه فالدنيا والاخره بس مشكلتكم انتوا الشباب الوقت فاكرين اللي بيجيب حقه بأيده بيبقي راجل بالعكس اوقات لازم نحكم عقلنا يمكن الراجل مظلوم يمكن مش هو ويمكن معملش كده اصلا والمشكله كانت عشان حاجه تانيه انت عايزه يموت وعايز حق اهل بيتك يرجع وترجع شرفك هيموت بس لما يتثبت عليه ده هيتعدم كان هيبقي معاه كل الحق لو دخل بيته لقي المنظر ده ادامه مكنش حد هيغلطه لكن هو مشافش فا يمسكه ويسلمه او يروح يبلغ ويثبت حاله بسرعه والقانون هيقف معاه وياخد الاجراء اللازم
زين….هي الحادثه فيها حاجه غريبه اصلا وقف اتكلم مع الراجل كتير وبعد كده قتله اظن ده واحد لو اللي بيحكيه صح كان دخل عليه موته عي طول مش يقف يحكي معاه
فاروق….المخدرات كلت عقل الشباب والمشكله يعملوا الكارثه من هنا ويقولوا ده بسبب المخدرات ومكناش في وعينا طب ايه اللي رماك عليها من الاول..

 

 

سهر…طيب بما أني دكتوره وكده فا تعالو نلعب لعبه بسيطه وقولولي لو انتو بعد الشر طبعا في الموقف ده ايه هيبقي رد فعلكم
زين…تقصدي موقف الشاب نفسه ولا موقف الناس اللي بتتفرج عليه
سهر…الاتنين
احمدالعربي…حلوه اللعبه دي ياسهر..
زين….طيب هبدأ انا اولا انا لو في موقف الناس مش هسكت طبعا حتي لو مش معايا حد من الشباب هدخل لوحدي مانا اكيد مش هشوف حد واقف بيفصل راس واحد واسكت استحاله الموقف صعب انه يتسكت عليه بصراحه ومليش دعوه هو اصلا ظالم ولا مظلوم المهم اني امنع جريمه ظالم مظلوم بقي القانون اللي حكم فيها دي مش شغلتي..
اما بقي لو انا في موقف الشاب والله مش عارف يمكن سألت نفسي السؤال ده قبل كده ومعرفتش ارد بيتهيألي صعب اشوف حد عارف انه قرب من امي او اختي او مراتي واسيبه اوقات بحس اني ممكن اقتله واطلع قلبه في ايدي واوقات اقول اكله علقه موت واخليه مش نافع واسلمه واوقات اقول ابلغ والشرطه هي اللي تتحرك بصراحه مش عارفه بس الموقف علي ما اظن هو اللي بيحكم وقتها
رد عليها كل الشباب تقريبا نفس إجابه زين..
سهر….تقريبا اغلبكم جاوب نفس الاجابه…يمكن موقفكم لو مكان الناس موقف صح جدا ومش سلبي وبردو اجابتكم من وجه نظر الشاب صراحه تحير وزي ما زين قال ديما الموقف هو اللي بيحكم وطبيعه البشر ان ردود افعالهم مختلفه
حاج سعيد…بس ميمنعش اننا بقينا دمووين اكتر يا بنتي
عيسي….بس بيني وبينك يا حاج سعيد اوقات القانون مش بينصف فا الناس بتضطر تاخد حقهم بايدهم
حاج سعيد….طيب ايه وجه نظر رجل القانون اللي معانا
عادل…بمناسبه القانون
يمكن يكون عم عيسي عنده اوقات المحسوبيات والواسطه والفلوس بتخلص كل حاجه يعني من فتره طويله كنت ماسك قضيه وكان معايا واحد زميلي ماسك قضيه لبنت ولد اغتصبها وطول اليوم اهلها فضلوا يدوروا عليها الشاب ده بعد ما اغتصبها حطها في العربيه وساق بأقصي سرعه وبشرعه فتح الباب وطيرها برجله بره العربيه وهو سايق علي اساس انه يخلص منها طبيعي يعني بعد حدفه بالشكل ده وسعره 160 اكيد هتموت طبعا البنت اتخرشمت واتدمرت بس يشاء العليم انها ما تموتش من شدت الدفعه وسرعه العربيه خرجت عن الطريق فا مكانش حد شايفها والدنيا كانت ليل وفضلت تعافر لحد ما خرجت تاني عالطريق
واحد ومراته انقذوها ودوها بسرعه عالمستشفي طبعا راحت البنت في غيبوبه 3 ايام الست والراجل اللي انقذوها اتمرمطوا لحد ما هي فاقت وده طبعا من ضمن اسباب الناس اللي بتشوف حد محتاج مساعده وتقول انا مالي لان برده القانون بيدخلهم في حاجه مش بتاعتهم..المهم فاقت البنت واهلها عرفوا مكانها واعترفت البنت باللي حصل واتقبض عالولد فعلا بس طلع ابن واحد واصل وقدر المحامي بتاعه ينفي كل ده وطبعا في لعب من تحت لتحت وخرج الولد براءه واثبتوا كمان ان البنت سيئه السمعه وبترمي تهم بالباطل وبدل ما هي اللي كانت بتقاضيهم رفع والده عليها قضيه تشهير طبعا
اخوها اتجنن وفضل مرقد للشاب ده لحد ما قتله
ومن كلام الناس ان الولد ده حد محترم جدا واخته كمان مؤدبه بس فالاخر الراجل مسكتش غير لما اخوها اتحكم عليه بالاعدام
من الاخر اوقات المحسوبيات بتبقي اعلي من القانون وطبعا غيره كتير من القواضي
سعيد…ياما في الحبس مظاليم يا ابني
فضل الحوار شغال بينهم وانتهت اعدتهم الجميله بسلطنه واغاني حلوه من عامر وانس و إيهاب♥️
وخلص اليوم بسرعه..
وجريت ايام البركه والخير بسرعه وخلص اخر يوم في رمضان…سجل عامر ومنار الحلقه وفي انتظار عرضها ثالث ايام العيد..
انتهي الجميع من صلاه العيد.😍وخرجوا من المسجد
يوسف…كل سنه وانتوا طيبين
عامر…يا اخي اتكسف علي دمك بدل ما تيجي تصلي معانا صلاه العيد
يوسف.. الله يخربيت صحبتك عاليوم اللي شوفت فين خلقتك ياض
ضحك الجميع في الشارع علي يوسف وعامر…🙈

يتبع…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شركة عزل خزانات بالرياض

الشركة الالمانية لابادة الحشرات بالقاهرة

كشف تسربات المياه بالدمام

شركة نقل اثاث بمكة

كشف تسربات المياه

شركة كشف تسربات المياه بمكة المكرمة

شركة مكافحة حشرات بالرياض

كشف تسربات المياه

شركة عزل اسطح بالرياض

شركة عزل خزانات بالرياض

عزل اسطح بالرياض

كشف تسربات المياه بالرياض

شركة عزل اسطح بالرياض

شركة تسليك مجاري

شركة تنظيف خزانات المياه الرياض

كشف تسربات المياه بجدة

شركة تنظيف بجدة

موقع رشحلي مكان

كشف تسربات المياه

رش مبيدات بالرياض

كشف تسربات المياه

تمديد غاز مركزي بالرياض

شركة عزل فوم بالرياض

شركة عزل اسطح بالرياض

شركة كشف تسربات المياه بالرياض