رواية روح فارس الفصل السابع 7 بقلم محمد منصور منص

رواية روح فارس الفصل السابع 7 بقلم محمد منصور منص

رواية روح فارس البارت السابع

رواية روح فارس الجزء السابع

رواية روح فارس الحلقة السابعة

خلصت الحلقة اللي فاتت علي غادر اللي بقي في ضرغام والدي. ومش بس كدة كمان طلع من الجن وامي انخدعت في. ومع الاحداث اللي جاية هايبان ضرغام اكتر واكتر علي حقيقته. والاسئلة اللي بدور في دماغكم هانلاقي اجابتها في اللي باقي من حكاياتي. لكن الغنجمية ما كنش عندها صبر وكانت عايزا تعرف ازاي غادر يطلع ضرغام وراحت ووقفت قدام ضرغام اللي بقي في صورة الملك غادر وقالت

انا شريكتك ومن حقي افهم اية اللي بيحصل.

فيبص لها ضرغام ويقول

الملك ضرغام ملهوش شركاء. انتي مجرد جاريه عندي بستخدمها في المخطط الكبير اللي هايهز عرش ملوك الجن والانس

الغنجمية بضيق

انا مش جاريه انا الغنجمية و،،،،،،،

وقبل ما تكمل كان ضرغام بص لها ولقيت الغنجمية لسانها بيتحرق وبيخرج من بوقها و بيلف حوالين رقبتها بعد ما تحول لدخان اسود وبيخنقها فطلب الغنجمية الرحمة وهي بتقول

ضرغام. ارحم ضعفي قدامك

فيقرب منها ضرغام ويبص في عيونها وهي بتتوجع ولسة بتطلب الرحمة ويقول

كنت محتاج اعرف منك انتي مش جارية انتي الغنجمية.

ال أية

الغنجمية بصعوبة شديدة

انا جارية من جواري الملك ضرغام

فيرجع لسان الغنجمية زي ما كان ويبص لها ضرغام ويسكت والغنجمية قدام منه واثار التعذيب باينه عليها وبتبص له وهي ناوية علي الشر ولسة هاتمشي قال لها ضرغام

عارف انتي بتفكري في أية. نصيحة مني. جودا مش هايقدر يساعدك في انك تخلصي عليه

فتبص له الغنجمية وما تردش وتسيبة وتمشي. وفي نفس الوقت ومن جوة شقة روح. كانت في شقتها ومراد بيقول لها

فارس ملهوش حد في الزمن دة غيرك. تفتكري يكون هرب راح فين

روح وصوتها حزين

ماعرفش. ومش عايزا اعرف كفاية اللي عمله

مراد

انتي بجد زعلانه علي سهيلة ولا زعلانه علي فارس اللي خسرتي

روح

افتكر انت عارف سهيلة دي كانت بالنسبة لي اية. وانا فارس دة ما شفتهوش الا النهاردة

مراد

بتكدبي يا روح علشان فارس دة انتي شوفتي قبل كدة دة انتي من زمنه وارضة. ومولدين مع بعض في نفس الوقت

روح باستغراب وهي بتبص لمراد وبتقول لنفسها

عرف منين بالكلام اللي قاله ليا فارس

لاحظ مراد سرحان روح فقال لها

لو فعلا بتحبي سهيلة زي ما بتقولي ساعديني اوصل لفارس

روح

انت عرفت ازاي باني من زمن وارض فارس

ارتبك مراد وقال

انتي حكيتي لسهيلة الحكاية دي قبل كدة وهي حكيت لي

روح

ماحصلش. لاني ببساطة ماعرفتش الحكاية دي الا النهاردة

مراد

لا. حصل.

روح

مراد هو انت عرفت ازاي ان فارس عندي ورسم صورة لسهيلة. وهو السبب في موتها

ارتبك مراد اكتر واكتر ومابقاش عارف يرد يقول اية وقالت روح

انت في حد بيستخدمك ف،،،،،،،،،،،

وقبل ما تكمل روح كلامها. اختفت عيون مراد من وشة وظهرت عيون جودا وهجم مراد علي روح ومسكها من رقبتها وقال بصوت جودا

الاغبياء عمرهم اطول من الاذكياء اللي زيك. فعلا في اللي بيستخدم جسم مراد. واللي هايقتلك لو ما ساعدوش في انه يوصل لفارس

روح بصعوبة وهي بتحاول تاخد نفسها

فارس هرب قدام منك. اعرف ازاي طريقة

جودا

الربط اللي بينك وبين فارس يخليكي بمجرد ما تغمضي عينيكي تشوفي هو فين وبيعمل اية دلوقتي

روح

هو اللي يقدر يشوفني مش انا.

ويضغط جودا بكل قوته علي رقبه روح وتختنق اكتر واكتر وهو يقول

متاكدة

وتبدا روح تختنق بشدة وهنا يسيبها جودا فتقع علي الارض مغمي عليها وهي مغمضة عيونها فعلا تشوف فارس وهو في الشقة وقاعد باين عليه الحزن فتحاول روح انها تخلي يحس بيها فهي محتاجة في الوقت دة اكتر من اي وقت تاني. لكن ساعتها تلاقي مية كتير جت في وشها فتفتح عيونها فتلاقي مراد قدام منها وبيرمي جردل فاضي بعد ما رمي المية في وشها

وبيسحبها من شعرها بمنتهي العنف ويقعدها علي كرسي ويبص لها بعيون جودا ويقول بصوت جودا

لسة متاكدة انك ماتعرفيش هو فين

روح

ماعرفش. وابعد عني بقي

وتزق مراد بعيد عنها وتحاول تخرج من الشقة لكن مراد يتمكن منها ويقعدها علي الكرسي تاني ويضربها بالقلم فتتوجع روح وتصرخ تطلب المساعدة لكن جودا يقول لها

صوتك ماحدش هايسمعه الا انا. ارحمي نفسك من عذابي وعرفيني هو فين خليني اخد حق صاحبتك منه

روح

انت اكيد ساحر ملعون تبع الملك غادر وانت اللي خليته يرسم سهيلة غصب عنها

فيضحك جودا ويقول

حبك لي خلاكي تنسي ان ماحدش لي مصلحة من رسم سهيلة الا هو. علشان يسرق جسمها ويحرر جسمة من اللوحة

روح

فارس مش خبيث علشان،،،،،،،

فيقاطعها جودا

فارس اخبث انسان ممكن تشوفي. دة ببخلط السحر بالموهبة علشان يسيطر علي عقول وجسم اللي بيرسمهم اللي بيقدم اعمارهم للجن اللي مسخره لخدمته. وانا بحاول امنع شره قبل ماينتشر في الزمن والارض هنا. ومستعد اثبت لك فارس في اي مكان هايروحو هايرسم واللي هايرسمهم هايموتو. وممكن تغمضي عيونك وتشوفي بنفسك الشر اللي هو السبب في. انا هاسيبك وامشي ووقت ماتحتاجي مساعدتي فكري بس فيا هتلاقيني

وخرج جودا من الشقة وساب روح للشك بعد ماشاف في عيونها انها بدات تصدقة وفعلا بمجرد ما خرج جودا. غمضت روح عيونها وشافت فارس اللي كانت قاعد وباب الشقة اللي انا فيها خبط فقام فتح ودخلت بنت وزي ماقالت خلود البنت دي قالت وقعدت البنت قدام فارس وبدأ فارس يرسمها وماتت زي اللي قبلها فتحت روح عيونها وصرخت من المنظر اللي شافته. ومابقتش قادرة تصدق ازاي اللي كان ممكن يموت علشان هي تعيش يطلع بالوحشية دي. وغمضت عيونها تاني ولقيت فارس هو كمان مغمض عينية وبيعيط فاستغربت وقالت

فارس

وهنا حس بيها فارس وقال

روح انا سامع صوتك مش دة برضو صوتك

روح

ازاي انا حاسه ان جوة قلبك حب مابقاش موجود في زمنا وارضنا وبتقدر تقتل بالشكل دة

فارس

مش انا. صدقيني انا في اللي. بيخليني اعمل كدة غصب عني

روح

مابقتش عارفة اصدقك واكذب عينية ولا،،،،،،

وهنا تتوجع روح وشوفت مراد ماسكها من شعرها وبيقول بصوت جودا

عارف انك سامعني وشايفني. عايزك زي ماهربت ترجع ولو اتاخرت روحك هتفارق الدنيا

وشاور ساعتها مراد علي رقبه روح باشارة معنها انه هايدبح روح. فتحت عينية بسرعه وحاولت اخرج من الشقة بس ازاي اخرج ازاي. وفضلت احاول واحاول وكل محاولاتي انتهت بالفشل. قعد في وسط الشقة وانا هاتجنن واخرج. ومابقتش عارف اعمل اية وغمض عيوني تاني وشوفت ساعتها روح مربوطة في كرسي ومراد قاعد قدام منها في صورة الخبيث جودا. وفي نفس الوقت ومن جوة بيت امي كانت امي لسة مربوطة وجدي واقف قدام منها ومعه عمي عمر وجدي سلطان بيقول له وهو بيبص لامي

وصيفة ماسخرتش جن. وصيفة مظلومة

عمر

متاكد يا والدي

سلطان

متاكد. انا اقسمت علي معشر الجان بالقسم الاعظم بان اللي سخرته وصيفة يحضر. والا الحرب هاترجع تاني بينا وبينهم وماظهرش يعني بنتي وصيفة ماسخرتش حد

عمر

اومال اية اللي عملته دة. دة انا وانت كنا هانموت يا والدي

سلطان

اكيد مسحورة. ولازم افك عنها السحر

عمر

ومين بس سحرها

سلطان

حد عايز يخليها تخلص علينا

عمر

يبقي يا والدي لازم نعرف مين هو وعمل لية كدة

سلطان

ودة بس نوصل له ازاي

عمر

مافيش قدام مننا غير الساحر جلهوم

اتصدم سلطان وقال

جلهوم الملعون يساعدنا. دة مسجون عندنا من سنين

عمر

الشر اللي في اختي مش هايقدر يحرره منه. غير

سيد الشر اخبث خبيث جه في الزمن دة. وهو الساحر جلهوم

سلطان بعد تفكير للحظات

وجلهوم هايقبل يساعدنا

عمر

مساعده لينا هايكون تمنها حيرته. وهو هيختار الحرية

سلطان

حاسس ان فيها مخاطرة كبيرة باني اخرج بايدية جلهوم الملعون

عمر

يبقي نهايتنا هاتكون في يوم علي ايد وصيفة. او نهاية وصيفة تكون علي ايدينا دلوقتي. علشان ننجي نفسينا من شرها

سلطان

اقتل بنتي بايدية وانا عارف انها مسحورة. وماقدرش اسامح نفسي طول ما انا عايش

عمر

كنت عارف انك مش هاتقتلها وهتساعدها. أأمر باحضار الساحر جلهوم

سلطان فكر لثواني وقال

هات الساحر جلهوم

وبعدها بساعتين ومن جوة شقة روح يقعد مراد قدام روح ويقول لها بصوت جودا

صدقتي ان فارس ما بيحبكيش. اهو عارف انك في ايدية وممكن اخلص عليكي ورغم كدة مجاش

فتبص له روح وتسكت. فيقول جودا وهو بيبص في عيون روح

عارف انها ما تفرقش معاك. لكن لو سامعني انت قدامك ساعه بالظبط ولو ماكنتش قدام مني. هاخليك تتفرج علي منظر يوجع قلبك

وفي نفس الوقت انا كنت جوة الشقة بحاول اخرج عايز اخرج لكني مش قادر مش قادر وبصرخ باعلي صوت عندي وبحاول اتحرر من اللعنه دي مش هاقدر اشوف روح بتموت بسببي بس لو اعرف مين وراء اللعنه دي. مين حرمني من روح بعد مالقيتها. ونرجع تاني لبيت امي بعد ماعمي عمر حضر الساحر جلهوم وجابه متقيد بالسلاسل من دخان مسحور بسحر سلطان عظيم. ووقف جلهوم قدام جدي سلطان وقال جلهوم لسلطان

سلطان عظيم خرجني من سجني. بعد كل السنين دي اكيد عايز مني شئ اغلي من حبسي في زنزانه تحت الارض الشمس ما تعرفش ليها طريق

سلطان

اعمالك الخبيثة هي اللي وصلتك للسجن ولو اقدر اقتلك كنت قتلتك لكن العهد اللي بيني وبين ناسك منعني

جلهوم

وهو السجن دة الارض يفرق اية عن دفن حد حي

سلطان

جلهوم. انت عارف انا بكرهك قد اية

جلهوم وهو بيبص في عيون جدي بغدر وشر مخيف

مش اكتر مني يا سلطان.

سلطان

يبقي نخلي اللي في القلب زي ماهو. ونتكلم في اللي انا عايزه منك واللي هو يخص بنتي وصيفة

فيضحك جلهوم ضحكة خبيثة ويقول

انت وصلت لمكانها.

سلطان

وصلت. وليقتها مسحورة

جلهوم

نسلك كله يستاهل الحرق.

فيهجم سلطان علي جلهوم ويمسكة من رقبته ويقول له

بلاش تخليني انسي العهد واخلص عليك دلوقتي

فضحك جلهوم وقال

مش هاتقدر يا سلطان انت محتاج لجلهوم.

فراح عمر لسلطان وقال له

متخليهوش يوصل لك للي هو عايزه

فبص سلطان ناحية عمر وساب سلطان رقبه جلهوم وقال عمر لجلهوم

العرض اللي هاقوله دلوقتي ليك. عرض بيتقال لمرة واحدة

حرية اختي ومعرفة اللي سحرها قصاد حريتك من الرصد اللي حوالين رقبتك

بص جلهوم لعمر وقال

هو انتم عندكم في القبيلة. اللي تهرب من اهلها مش يكون الموت مصيرها. زي بنت الحداد. اللي هربت وامر سلطان بقطع راسها. وفعلا اتقطع راسها ولا علشان وصيفة بنت سلطان الرحمة تكون مصيرها

عمر

دة مش رد علي العرض اللي عرضه عليك دة مجرد كلام بضيع بي وقتنا

جلهوم

انا ما امتلكش وقت يضيع انا كل اللي املكة زنزانه رماني فيها سلطان عظيم اعدل ملك في الزمن دة. اللي طبق حكم الاعدام علي بنت الحداد وعند بنته بيطلب الرحمة وعلاجها من اللي هي في

سلطان

انت بتتكلم صح يا جلهوم. مصير وصيفة لازم يكون الموت

عمر

لا يا والدي وصيفة هربت مع جوزها انما بنت الحداد هربت من عشيقها

جلهوم

واتجوزه بعد كدة

عمر

اتجوزها لما عرف اننا وصلنا ليهم علشان ينجي نفسه. لكن وصيفة اتجوزت ضرغام قبل ما تهرب معه

جلهوم

باين يا سلطان ان ابنك كمان هايعصيك زي ما بنتك عصتك

عمر

اسكت يا شيطان.

جلهوم

الموت هو بس اللي يسكت شيطان زيي

فبخرج عمر الخنجر بتاعه ويحطه علي رقبه جلهوم فيقول جلهوم

اذبحني وخلي نسل سلطان يدفع ثمن العهد اللي اتخان

سلطان

عمر. كلام جلهوم مظبوط اي نقطة دم هاتنزل منه هايكون ثمنها غالي اوي

عمر

ما انت بدات تسمع له وبعد ما كنت عايز تساعد وصيفة بقيت عايز تقتلها

سلطان

علشان العدل يتحقق وصيفة لازم تموت زي بنت الحداد

عمر

اختي مش هاتموت. واللي سحرها انا هاوصل له واخلص عليه وهافك سحرها

وبص عمر لجلهوم

وانت يا ملعون. هاتحرر اختي من السحر الاسود.

سلطان

جلهوم مش هايحرر وصيفة. وصيفة هاتموت ودلوقتي

وراح جدي ناحية وصيفة وخرج الخنجر بتاعه وذبح امي.

وبعدها بشوية. ومن جوة شقة روح كان جودا بيقول وهو بيبص في عيون روح

خلصت الساعه وجه الوقت تشوف بعيونك اللي يوجع قلبك.

وصرخت وانا شايف الشر في عيونه وكف ايدة بيتحول لخنجر وغرز الخنجر في رقبة روح وبدا الدم ينزل من روح زي الشلال. وروح بتصرخ من الوجع. وقلبي بيصرخ علي صراخ روح وهنا لقيت نفسي افتكرت يوم ما كانت بتغرق وجريت بسرعه ناحية المطبخ وخرجت سكينة من المطبخ وضربت السكينة في رقبتي نفس المكان اللي اضربت في روح وبدأ الدم اللي ينزل مني يعوض الدم اللي بينزل من روح واتلم الجرح هنا وانا ببص لها وفرحان انها بقيت بخير ودموعي رغرغت بالدموع ومابقتش حاسس بالوجع المهم هي بخير وبدأ الموت يقرب وبشم ريحته في المكان وجودا مش مصدق اللي شايفة وروح فهمت انا عملت اية علشان هي تعيش وصرخت وهي مغمضة عيونها وبتقول وهي بتعيط

لا يا فارس. ماتموتش علشان خاطر انا اعيش

فارس بصعوبة

مش مهم انا المهم انتي بخير.

وقرب مني الموت و،،،،،،،،،

يتبع…