رواية الصفقة الفصل الخامس 5 بقلم مريم خالد

رواية الصفقة الفصل الخامس 5 بقلم مريم خالد

رواية الصفقة البارت الخامس

رواية الصفقة الجزء الخامس

رواية الصفقة الحلقة الخامسة

فاروق:طبعا مستحيل…
يونس:ليه يا عمو… للدرجة دي حضرتك شايفني منفعش عريس لبنتك؟!!
فاروق:انت عايز تفهمني ان انتوا الاتنين وعمايلكم دي في بعض… بتحبوا بعض وعايزين تتجوزوا… لا.. انتوا اكيد وراكوا حاجة
نيڤين:فعلا.. دي شادو مكانتش طايقة نفسها لما عرفت ان انت هتعيش معاها يومين… فجأة كدا طلعتوا بتحبوا بعض؟!
يونس:انا وهي مكناش عايزين حد يعرف
شادو:ايوا… عشان الشغل ميتأثرش
فاروق:شادو.. عايزك
-في الجنينة-
فاروق:فهميني ايه الحكاية
شادو:مفيش اكتر من اللي قولناه جوا… احنا كنا مخبيين الموضوع عشان شغلنا.. بس دلوقتي كل واحد فينا بقى مستقر في شغله.. ومفيش مانع اننا نرتبط رسمي
فاروق:انا مش مصدقك
شادو:يعني يا بابا انا هكدب ليه.. ماسك عليا ذلة مثلا… انا فعلا بحب يونننس اووووي
نيڤين:خلاص يا فاروق.. اعترف ان الاتنين دول مجانين.. وعملوها فينا وطلعوا بيحبوا بعض
فاروق:يعني اوافق؟!
شادو:ايوا
-في القصر-
فاروق:اسمع… انت وابوك هتيجوا تتقدموا وتطلبوها مني بشكل اشيك من كدا.. احنا مش بنسلق بيض
فؤاد:نجيلك فين يعني.. اذا كان كلنا عايشين في نفس البيت؟!
فاروق:هستناكوا كمان نص ساعة فالصالون… حسنية.. وضبي الصالون عشان البهوات
حسنية:حاضر يا فاروق بيه
-بتبص فريال لسارة وتقوم.. بتقوم وراها سارة-
سارة:وبعدين.. هنعمل اييه؟!!!!

فريال:شادوو… شااادوو… طب ازاي.. انا اعرف انهم بينهم ما صنع الحداد ومبيطيقوش بعض.. معقولة يكونوا بيخدعونا؟!
سارة : انا مليش دعوة بيحبوا بعض ولا لا… انا ليا ان الجوازة دي تبوظ… وانتي اللي هتقوليلي ابوظها ازاي
فريال:لا.. انسي جو التهور بتاعك دا… احنا كدا بنلاعب شادو ونڤين.. ودول ميغوركيش طيبتهم… دول مش سهلين ابدا.. ولازم نفكرلهم كويس اوي
-بعد ساعة-
فؤاد: انت متاكد انك بتحبها
يونس:اومال يعني يا بابا جايين نتقدملها ليه … مسكاني من ايدي اللي بتوجعني مثلا…
فؤاد:اسمع… انت ابني وانا عارفك… دا منظر واحد بيحب؟!!!
يونس:طيب ثواني اقوم اتحزم وارقص عشان تصدق يا بابا… الله.. ايوا بحبها بحب شااادوو بحبببههاااا.. في اكتر من اني جاي اتقدملها
فؤاد:خلاص انت حر… وعمك دا كمان اتاخر ليه
يونس:مش عارف… حسنية.. اندهي لفاروق بيه
حسنية:حاضر
-بتطلع حسنية تخبط على اوضة فاروق ونيڤين-
فاروق:ايوا.. مين عالباب
حسنية:فؤاد بيه بيقول لحضرتك انه مستني هو و يونس بيه من بدري فالصالون
فاروق:طيب طيب.. قوليله نازل حالا… ولا استنى شوية؟!…
نيڤين:لا يا فاروق عيب انت اتاخرت عليهم
فاروق:خلاص خلاص انزلي يا حسنية قوليلهم جاي
حسنية وهي بتهمس:حاضر…يا ربي ايه العيلة المنخولية دي!!
-بتنزل حسنية لفؤاد ويونس-
حسنية:بيقول لحضرتك انه نازل حالا
-بينزل فاروق-
فاروق:اهلا اهلا فؤاد بيه.. عامل ايه؟!
فؤاد:مالك يا فاروق؟!.. م انا كنت لسه بتعشى معاك من شوية
-بيهمس فاروق لفؤاد-
فاروق:اصل دي اول مرة حد يتقدم لبنتي.. كانت بتطفشهم من برا برا.. ونفسي اعيش اوي دور ابو العروسة
فؤاد:اه طبعا… لا ربنا كبير… اتفضل عيش ياخويا… قصدي يا فاروق بيه
فاروق:ايوا كدا براڤو.. العبها معايا اللعبة دي حلوة اوي.. احم.. وانت بقا يا يونس بتشتغل ايه؟!
بيبص يونس لفؤاد:هو في ايه؟!
فؤاد:معلش.. عمك عايش اللحظة.. متخرجهوش منها

يونس:ااهه.. طيب يا عمي انا رئيس مجلس ادارة شركة استيراد وتصدير اسمها الشرقاوي لو تسمع عنها
فاروق:لا مظنش سمعت عنها قبل كدا.. وانت بقا خريج ايه؟!
يونس:خريج تجارة AUC
فاروق: جميل… واتعرفت على بنتي فين؟!
يونس:ما خلاص بقاا ياا عمووو… دا انت حمايا جدا مش ممكن… ممكن نخلص بقا عشان زهقت
فاروق:ما شاء الله… بتعلي صوتك عليا في اول مقابلة… اسف معنديش بنات للجواز
فؤاد:ما خلاص بقا يا فاروق… ايه.. مكفاكش دور ابو العروسة لحد كدا؟!
فاروق:ايه زودتها اوي؟!
فؤاد:يعني… المهم طلباتك ايه؟!
فاروق : مش لما نعرف رأي العروسة الاول؟!.. اه صحيح.. تشربوا ايه؟! .. حسنية.. شوفي البهوات يشربوا ايه واندهي لشادو
حسنية:هاا… حاضر حاضر.. والله العظيم عيلة مجانين
فاروق:بتقولي حاجة..؟!
حسنية:بقول حاضر يا فاروق بيه حاضر
-بعد ربع ساعة –
نيڤين : ايه بتتكلموا في ايه؟!
فاروق :فؤاد بيه.. اعرفك.. المدام .. نيڤين الاسيوطي
نيڤين: افندم؟!!.. مالك يا فاروق
فؤاد:لا مفيش بيلعب دور سيد رجب فمسلسل ابو العروسة
نيڤين : اه قولتلي.. طيب حيث كدا بقا… اومال مجبتش معاك المدام ليه يا فؤاد بيه؟!
يونس بيهمس لفؤاد: انا عرفت بنتهم مجنونة ليه.. طلعت جينات
فؤاد :لا يا فندم هي هتشرف المرة الجاية بقا فالخطوبة الرسمية
شادو:خير يا بابا.. عايزني في ايه.. حسنية قالت انك عايزني
فاروق:ايوا عشان تسلمي على يونس… هو جاي يتقدملك.. وانا عايز اعرف رايك.
شادو:طب مانا قولتلك..
نيڤين بتهمس لشادو:جاري باباكي يا حبيبتي.. هو عايش ال mood
شادو:اه.. طيب… (بخجل مصطنع) احمم.. اللي حضرتك تشوفه يا بابا….
فؤاد ليونس:ما تفكر تاني يبني دول مجانين
يونس:اعمل ايه بس…. قدري
حسنية :اتفضلوا… جبتلكوا شربات…
فاروق :انتي اتجننتي.. مش لما جدها يشوفهم الاول ويقول رأيه؟! …. روحي اندهي لصالح بيه
حسنية :حاضر… ربنا يخرجنا من البيت دا بعقولنا يا رب
-صالح بيدخل الصالون –
فاروق:اعرفك يا فؤاد بيه… الحاج صالح الشرقاوي… والدي
فؤاد:حرام عليك يا فاروق… هو بابا كمان هتلاعبه معانا.. تعالى استريح يا بابا
يونس:اتفضل اقعد يا جدو
صالح بحزم:وانت بقا يا.. اسمك يونس باين.. اه… عايش فين؟!
يونس:لا بقااا دي الجينات طلعت من عند جدو صالح
صالح:لا يا فاروق الولد دا صوته عالي وانا مش موافق… وبعدين ابوه شكله فقير ومعدم.. لا لا النسب دا ميشرفش
فاروق:اللي تشوفه يا بابا… انا اسف يا حضرات.. معنديش بنات للجواز
يونس:اييييييه…طيب…يلا يا بابا.. انا غلطان اني جيت للناس دي… وكويس ان ماما مجتش معانا عشان متتهزأش بالمنظر دا
فؤاد:استنى بس يا ابني.. مش يمكن البنت كويسة
يونس باداء تمثيلي وصوت بيصطنع الحزن:لا يا والدي… انا مقبلش ليك الاهانة… حتى.. حتى… حتى لو على حساب سعادتي

-بيصقف كل اللي فالوضة وبيضكحوا على يونس-
يونس:خلاص.. لعبنا.. هزرنا… ها قولتوا ايه
فاروق:اديني فرصة اسال عليك الاول
صالح:ما خلاص بقا يا فاروق.. متبقاش غتت… انجز
فاروق:انجز!!!.. خلاص ماشي… موافق… الخطوبة الخميس الجاي.. يعني بعد بكرة.. حاجة تانية
فؤاد:مش هنتكلم فالشبكة والمهر والحاجات دي؟!
فاروق:لا الحاجات دي هما بقا يتكلموا فيها مع بعض… ابقا انزل يا يونس انت وشادو بكرة هاتوا الشبكة وتعالوا والمهر دا مش مهم خالص دلوقتي
فؤاد:خلاص يا سيدي… ابقا انزل يا يونس بكرة هات لخطيبتك الشبكة اللي تحبها
يونس :حاضر.. عن اذنكوا بقا عشان عندي شغل بكرة بدري… تصبحوا على خير
-الكل وانت من اهله-
صالح:طيب… اقوم انام انا كمان… امكم زمانها في سابع نومة
فاروق:استنى يا بابا اوصلك.. يلا يا نيڤو..
نيڤين :اه يلا… تصبح على خير يا فؤاد
فؤاد:وانتوا من اهله…. مبروك يا شادو..
شادو:الله يبارك فيك يا عمو
فؤاد:ولو اني اتفاجئت بحكاية حبكوا لبعض… الا اني مبسوط انك انتي اللي ابني اختارها
شادو بابتسامة:شكرا يا عمو… يونس كمان انسان كويس اوي
فؤاد:طيب… اسيبك انا بقا عشان اطلع انام واحكي لطنطك سلوى المسلسل الهندي اللي حصل
شادو:فعلا.. فاتها شوية ضحك انما ايه… تصبح على خير
-تاني يوم-
شادو:حسنية.. يا حسنيية
حسنية:ايوا يا فندم
شادو:يونس خرج؟!
حسنية : ايوا يا هانم
شادو:ماشي شكرا
شادو:الو.. ايوا داليا… تعالي يلا انتي ومراد
-بعد ساعة-
مراد:لا بجد زعلان يا شادو…. انا.. مراد ابن خالتك الوحيد واخوكي اعرف ان خطوبتك بكرة.. قبلها بيوم؟!… طب قوليلي عشان اجهز البدلة
داليا:اومال انا اقول ايه؟!… انت عارف الحوار دا بيحتاج تجهيز عالاقل اسبوع
شادو:لا لا لا too much for one person…. يا حبايبي هو انتوا متخلفين او حاجة؟!!… دي زفت خطوبة كدا وكدا… يعني مش بجد.. يعني تعالوا بالبيجامات عادي..
داليا : والله… قال يعني انتي مش هتلبسي سواريه ولا تروحي للكوافير
شادو:لازم طبعا عشان يقتنعوا اننا بنتكلم جد
مراد:بس انا برضو مش قادر افهم… انتي وافقتي ليه .. ومتقوليش عشان خاطر ال deal انتي كان ممكن تتصرفي
شادو:بصراحة… صعب عليا.. لاني عارفة ان هو كان بيحبها.. وكان نفسه انه يبينلها انه خلاص نسيها حتى لو بيكدب.. عشان بس يرد كرامته قدامها…. شكله وهو مكسور.. بصراحة زعلني
مراد:اهاا..قولتيلي… ايه رايك يا دودو…
داليا:مش عارفة يا ميرو… تقريبا حب.. صح؟!
مراد:اه شكله حب اه

شادو:انتوا مجانين… يا جماعة اي كلب بلدي فموقفه دا كان هيصعب عليا عادي
مراد: والنبي؟!!
شادو:يوووه… سيبوكوا بس مني ومنه دلوقتي…. هاا فكرتوا ففكرة تحفظلي حقي؟!
مراد :ايوا فكرنا
شادو: طيب ما تقول واخلص
مراد: بصي يا ستي…

يتبع …..

لقراءة الفصل التالي : اضغط هنا

لقراءة جميع فصول الرواية اضغط على (رواية الصفقة)