رواية 30 يوم حياة 3 الفصل الثالث عشر 13 بقلم أميرة أسامة
رواية 30 يوم حياة 3 الفصل الثالث عشر 13 بقلم أميرة أسامة
رواية 30 يوم حياة 3 البارت الثالث عشر
رواية 30 يوم حياة 3 الجزء الثالث عشر
رواية 30 يوم حياة 3 الحلقة الثالثة عشر
البارت الثالث عشر…
في شقه بوسي…كانت اعده بتعيط و بتفتكر كلام صالح وكلامها مع توته..
فلاش باك…
توته….ولما انتي بتحبيه اوي كده عامله في نفسك وفيه كده ليه بوسي
بوسي…عشان هو اللي جه عليا الاول يا توته هو اللي سمعني كلام متوقعتش اني اسمعه منه هو وجعني اوي يا توته وحبيت اردهاله واوجعه واحسسه انه مبقاش فارق معايا
توته….بس هو فارق يا بوسي وإلا مكنش كلامه اثر فيكي كده بتعملي في نفسك كده ليه يا بنت امي وابويا ده احنا يابت ما شوفناش حنيه غير واحنا في حضنهم اوعي تنكري انك عرفتي الحنيه من حد غير صالح زي ما شمس شافتها مع عادل وانا شوفتها مع ادهم عوضونا عن الحب والحنان اللي اتحرمنا منه يابت ده احنا ما شوفناش من أبوكي اللي شوفناه معاهم وكملت بدموع ابوكي اللي رفض يحضر فرحي يا بوسي رغم اللي عمله ده كله قلبي ما طاوعنيش افرح من غيره وبرده كسر فرحتي يابت دول لو ما بيحبوناش كانوا عايرونا بعدم وجوده في حياتنا.
بوسي…بس صالح قال اني شمال يا توته
توته…ذله لسان غلطه انتي عارفه ان صالح طوله عمره دبس في كلامه و مبيعرفش يجمل الكلام قبل ما يقوله وبعدين ده كان كلام وقت عصبيه و خناق واهو جاي ندمان و وصلتي اللي كنتي عيزاه انه يحس بغلطه ويندم عايزه ايه تاني عدي يا بوسي اللي بيروح من العمر ما بيرجعش يا بت اسمعي مني انا اختك يا بوسي ولو شايفه ان صالح وحش ومينفعكيش انا
اول واحده هقف معاكي في وش اي حد عشان انتي اختي وعيزاكي تبقي احسن واحده في الدنيا انتي وشمس احسن مني انا شخصيا بس صالح بيحبك يابت ده انا مشفتهوش بيضحك مره واحده بنفس ومن قلبه من يوم ما اتطلقتوا كفايه يا بوسي عشان خاطري انتي واجعه قلبي وحالك ده تاعبني اوعي تكوني فاكره اني مصدقه انك فرحانه انك بتنجحي وبتثبتي نفسك انا اكتر واحده حاسه بيكي وبقلبك اترمت بوسي في حضنها وفضلت تعيط
توته…عيطي عيطي يا بوسي عشان ترتاحي بس خلي كلامي ده حلقه في ودنك واسمعي كلامي ارجعي يابوسي انتي وصالح وفرحوا قلبنا اللي تعب من كتر الحزن
باك…
مسحت بوسي دموعها وقامت وقفت في البلكونه فضلت عينها عالشارع فات وقت طويل علي وقفتها متعرفش فضلت مستنياه اد ايه الشارع ابتدا يهدي من الحركه المحلات أبتدت تتقفل كلها الدنيا بقت هاديه الساعه عدت اتنين ولسه مرجعش خايفه تتصل بزين يكون مش معاه ونايم فا فضلت واقفه لحد ما لمحت زين وصالح راجعين ورا بعض بالموتسيكلات استخبت ورا ستاره البلكونه بسرعه قبل ما يشوفها.
…….
ركن صالح الموتسيكل ونزل
صالح…ااااااه جسمي مدغدغ الله يخربيتك يا بعيد
زين…بضحك عشان تطلع تنام علي طول اي خدمه
صالح…بتهزر يا بارد والله ما حاسس بجسمي
زين…احسن عشان تحرم وبعد كده تتحكم في اعصابك وبعدين انت المفروض تشكرني اني عملت كده مش بدل ما كنت خبطت حد وروحت في داهيه..وبعدين كفايه كمان اني صاحي لحد الوقت و ممرمطني وراك في الشارع منك لله يا بعيد زمان مديحه نامت هي ووعد وانا بصحي الساعه تسعه لشغلي
صالح….بابتسامه ربنا يخليك ليا يا صاحبي عارف اني تعبتك معايا وسهرتك وانت من بدري في الشارع مع بوسي
زين…..وجعان هموت 🤨
صالح…طيب اطلع والله تعالي ناكل مع بعض انا كمان جعان ومن الصبح مكلتش اي حاجه
زين…لا ياراجل اجي ايه انا با دوب ادخل اغير واكل اي حاجه خفيفه وانام عشان اقدر اصحي
صالح…ياعم مش هأخرك هناكل بسرعه وانزل علي طول
زين…ياعم اتنيل انت عندك غير جبن اطلع نام يا صالح
صالح…بتنذلني ياض ولا ايه
زين….اه بذلك لحد ما ترجع لعقلك وتصلح اللي بوظته وترجع للبت وساعتها ياعم يبقي ليا عندك عزومه
صالح….زين هي بوسي اللي قالتلك تيجي ورايا بجد
زين…اه والله العظيم وكانت بتعيط يا عديم الاحساس ياض البت بتحبك متخسرهاش مش هتلاقي زيها البنات دي اتربت علي ايدنا لو لفينا الدنيا. كلها مش هنلاقي حد يصوننا غيرهم افهم يا حمار هفضل افهم فيك لحد امته.
صالح….عارف يا زين والله انت بس ادعيلنا
زين….بدعيلكم و هترجعوا بامر الله واللي جاي هيبقي احلي
صالح…ربنا يخليك ليا يا زين و ميحرمنيش منك يا صاحبي..
زين ولا يحرمني منكم كلكم يارب.
قرب منه زين وحضنه
خرج في الوقت ده عامر كان بيكلم منار في الموبايل
عامر…استني يا منار خليكي معايا.
عامر….ما اجيب اتنين لمون وشجره بقي عشان الاعده شكلها هيحلو😂😂
بص صالح وزين لفوق.
صالح….وحيات امك
عامر….انتوا واخدين بعض عن حب ياض انت وهو
زين….اه من زمان 😂😂
عامر…الله يخربيتكم ايه اللي في وشكم ده انتو كنتوا بتتخانقوا ولا ايه😳
بص زين وصالح لبعض وضحكوا.
زين….لا ياض انا كنت بعلموا درس في التحكم فالنفس😂😂😂😂
عامر…بضحك وصلت طب وبالنسبه لوشك
زين….بضحك لا ماهو كان بيطبق اللي اتعلمه يا غشيم😂😂😂😂😂😂
عامر…بضحك طب والله انتوا مجانين ولازم اعرف اللي حصل
صالح…لا بكره احسن جسمي مدغدغ مش ناقصك
عامر…واضح ان الدرس كان بذمه😂😂😂
صالح….وانهي ذمه ده ما فاوتش معلومه غير وشرحها علي وشي منه لله😂😂😂
زين…انت واقف بتعمل ايه ياض
عامر….بشرح درس بس في اصول الحب.😂😂
زبن…بضحك طب اتمسي وادخل بدل ما اصحيلك عادل يشرحلك درس في الادب😂😂😂
عامر…لا وعلي ايه انا مني لله اني بطمن عليكم 😂😂
زبن…يلا تصبحوا علي خير
صالح….وانت من اهله با صاحبي😂😂. يلا ياض انا طالع واشرح بذمه ياض خلي فيه ضمير
عامر….ياعم اتنيل اطلع بدل ما انت بقيت منتهي الصلاحيه كده😂😂😂
صالح…ماشي يا ابن الظريف لما اشوفك الصبح يلا سلام
عامر…بضحك😂😂سلام
…….
مسكت بسرعه بوسي موبايلها واتصلت علي زين قبل ما يدخل البيت
زين…الوووو ايوه يابوسي
بوسي…ايوه با زين معلش اني بتصل الوقت بس شوفتك راجع انت وصالح
زين…لا يا ستي انتي تتصلي اي وقت
بوسي….صالح كويس يا زين
زين….مش اوي يا بوسي وانتي عارفه انه تعبان ومحتاجك
بوسي…بحزن هو انت عملت فيه ايه؟؟ ايه الكدمات اللي في وشه دي انتوا اتخانقتوا
زين…بضحك لا يا ستي بس كان لازم اعمل كده كان طاير بالموتسيكل وقفته بالعافيه وخفت يخبط حد ويموته ويجبلنا مصيبه فا قولت اضغط عليه شويه عشان يطلع عصبيته فيا بدل ما بموت حد
بوسي….بضحك ده انت بهدلته خالص
زين…لا يا شيخه خايفه عليه ماهو ضربني بوكس في وشي هو كمان
بوسي….شكرا يا زين انك روحت وراه
زين…بتشكريني علي ابه بس يا عبيطه انتي ده اخويا وانتي اختي بس يارب نعقل كده ونفكر بعقل شويه الواد بيحبك وعارف انه غلط في حقك يبقي نسامح بقي وما نسوقش فيها اعدي مع نفسك كده يا بوسي وفكري بعيد عن اب حاجه حصلت وعن اي مشاكل فكري فيكي انتي وصالح وبس وشوفي كده هتقدري تكملي من غيره وهو يكمل من غيرك ولا لا لو هتقدري كملي ومتبصيش وراكي ولو لا وانا عارف انه لا يبقي كفايه كده يا بوسي هو ضايقك وانتي ضايقتيه خلصت لكن اللي بينكم مخلصش ماشي يابوسي.
بوسي…حاضر يا زين
زين…يلا روحي يا اختي نامي تأعدوا انتوا تضايقوا في بعض وبتحبواوبعض وممرمطني انا معاكم
ضحكت بوسي…ربنا يخليك لينا يا زين
زين…بابتسامه ويخليكم ليا يارب يلا تصبحي علي خير
بوسي…وانت من اهل الخير
……..
قفل زين ودخل البيت فتح الشقه بالمفتاح وهو واثق ان اكيد والدته ووعد نامو وعارف ان وعد اكيد زعلانه منه عشان كنسل عليها كتير
لكن اتفاجئ لما شاف نور اوضتها منور
دخل وقفل الباب وراح براحه علي الاوضه. لقاها نايمه علي حرف السرير وهي اعده والنور منور وواضح انها فضلت مستنياه لحد ما راحت في النوم..
زين…وعد وعد
فتحت وعد عينها
زين…انتي ايه اللي منيمك كده يا حبيبي
وعد….ايه اللي في وشك ده يا زين🥺
زين…بحب متخافيش انا كويس
وعد….كويس ايه انت كنت بتتخانق
زين…يا ستي ولا بتخانق ولا. حاجه انا زي الفل نامي بس وارتاحي وبكره هحكيلك
وعد…بكره ايه يا زين انا اعده مستنياك من ساعت ما كلمتني وقولتلي انك راجع في الطريق بعد ما خلصت مشوار بوسي وشويه وشوفتك جيت وكنت واقف في القهوه ومن الساعه 11ونص وانت مختفي وكل ما اتصل تكنسل والوقت تقولي بكره احكيلك
زين…يا حبيبتي مفيش والله مل الحكايه ان بعد ما رجعنا وقف صالح مع بوسي شويه وسبناهم يتكلموا مع بعض يمكن الدنيا تظبط ما بينهم اتفاجئنا بصالح خد الموتسيكل وطار سألت بوسي عن اللي حصل لقتها بتعيط وبتقولي الحق صالح اسيبه خدت الموتسيكل بتاع لاحه وجريت وراه كان سايق زي المجنون وحالته مش حلوه حاولت احصله كان هيعمل ميت حادثه لحد ما قدرت اوقفه وحاولت استفزه عشان يطلع غضبه فيا بدل ما يموت حد
وعد…يعني صالح اللي عمل فيك كده
زين…بضحك امال لو شوفتي وشه 😂
وعد…انت ضربته
زين…لا خالص بس عملتله شويه الوان حلوه في وشه لحد ما اتهد وهدي حبه
وعد…انتوا مجانين علي فكره
زين….مش احسن ما يموت حد وهو متعصب كده
وعد….طيب قوم يلا غير وهحضرلك تاكل واجبلك تلج بدل ما شفايفك تورم
زين….لا انا هاكل اي ساندوتش بسيط وانام عشان اقدر اصحي وانتي كمان نامي
وعد….لا هتاكل الاول وتحط تلج وبعدين انام انت ولا اتعشيت ولا حتي اتغديت كويس مشيت بسرعه مع الشباب عشان تروحوا لبوسي
زين…طيب يا ستي هاكل بس يلا نامي انتي كلها كام ساعه وتصحي قبلي
وعد….طيب هحطلك الاول تلج شفايفك هتورم
زين….هي فعلا هتورم بس هي مش محتاجه تلج عشان تخف محتاجه حاجه تانيه😉
وعد….اتلم يا زين ويلا لو سمحت اتكل علي الله من اوضتي كده اطمنت انك كويس يا قليل الادب
زين…بضحك يابت انتي مراتي
وعد….لا لسه مع وقف التنفيذ
زين…بقت كده ماشي تصدقي انا داخل انام وبهدومي من غير ما اغير لا هاكل ولا احط تلج عشان ترتاحي 😒
وعد….بضحك وفرت 🤪
زين…بقت كده ماشي يا ستي يلا نامي عدل عشان اغطيكي
وعد….طيب عشان خاطري كل حاجه وحط تلج شويه
زين…بحب حاضر يا حبيبي غطاها وباسها من راسها
تصبحي علي خير يا قلبي
وعد…وانت من اهل الخير❣️
……….
دخل ادهم متغير بعد ما رجع من مشواره فتح بالمفتاح ودخل لقي توته اعده عالكنبه وبتعيط
ادهم…سلام عليكم ايه ده مالك يابت في ايه بتعيطي ليه
توته…مسحت دموعها عليكم السلام
ادهم….يابت مالك انتي كويسه حد من العيال فيه حاجه
توته….لا العيال كويسه الحمد لله وانا كويسه متقلقش يا حبيبي انا بس مزاجي مش رايق شويه
راح ادهم حط المفاتيح والموبايل عالتربيزه واعد جمبها مالك يا توته ايه اللي مبوظ مزاجك وبعدين هي ست نجوي فين مشيت ولا ايه
توته….اه مشيت
ادهم…طب ومشيت ليه مانا قايلها تفضل معاكي ومتمشيش غير لما اجي وانا كنت هوصلها بنفسي.
توته…انا اللي مشتها يا ادهم
ادهم…طب ومشتيها ليه ضايقتك في حاجه ولا ايه
توته…بدموع لا خالص بس مش هينفع ست نجوي تشتغل تاني هنا يا ادهم وبردو فلوسها لازم تديهالها متقطعهاش
ادهم…حاضر عيني مش هقطعها بس فهميني في ايه هي تعبانه ولا ايه.
أبتدت توته تحكيله كل حاجه وهي بتعيط كان ادهم بيسمعها وهو متأثر
توته….بس فا قولتلها تمشي تروح لبنتها هي محتجاها اكتر مني وكفايه عليها بهدله
ادهم….لا اله الا الله هي الدنيا حصل فيها ايه بس والله انا الست دي كنت واثق ان في حاجه حوجتها للشغلانه دي بس مكنتش اعرف انها متبهدله كده
توته….اوعي تقطع عنها الفلوس يا ادهم انا مقولتلهاش متجيش تاني بس مينفعش الست دي تتذل اكتر من كده عشان
هي تستحق ان حياتها متبقاش وحشه كده
ادهم…اقطع ايه بس يا توته انتي تعرفي عني كده يا بت اكيد لا طبعا مش هعمل كده ومتقلقيش عليها انا هتصرفلها في حاجه هتريحها ويبقي عندها دخل لكن من غير بهدله هريحهالك عالاخر الست دي كانت شيلاكي وشايله ولادي وانا بعد ما عرفت حكايتها مرضلهاش البهدله هقف معاها واظبطلها حتت شغلانه تعوضها عن التعب ده كله ها مرضيه يا ستي ولا لسه في حاجه مضيقاكي..
توته…ربنا يخليك ليا يا ادهم ومتحرمش من حنيتك دي ابدا واشوف احمد وكريم زيك
ادهم…بابتسامه هتشوفيهم يا بت مش ولادي لازم يطلعوا زيي واحسن مني كمان ان شاء الله
توته…يارب يا ادهم ياريت بس يطلعوا زيك عشان مفيش حد احسن منك
خدها ادهم في حضنه وباسها من راسها ربنا يخليكي ليا يا اخلي توته ويارب ياخدوا نضافه قلبك اللي مش موجوده في اي حد …قوليلي بقي هو ده بس اللي مضايقك
توته…..لا مضايقه عشان البت بوسي
ادهم…مالها بوسي ما هي راجعه مبسوطه حصل حاجه صحيح معاها هي وصالح انا سايبهم واقفين مع بعض
حكتله بوسي اللي حصل
ادهم….طب متعرفيش حصل ايه
توته…لا معرفش
ادهم…يا ابن المجانين ربنا يستر بس اكيد زين ما سبهوش انا شايف وانا راجع الموتسيكلات راكنه يعني اكيد رجعوا وزمانهم ناموا الصبح اطمن عليهم
توته…ان شاء الله يلا قوم خدلك دش وانا هحضرلك العشا.
ادهم….ماشي
………………..
تسارع في الاحداث
عدي ايام علي الحاره
سابت بوسي الشغل وابتدت تشتغل هي ووعد في البيوتي سنتر بتاعها مكانتش تقريبا بتأعد في البيت غير وقت النوم هي وصالح مكانوش بيشوفوا بعض خالص لكن الاتنين تفكيرهم مش بيقف في بعض
وعد كمان كانت طول الوقت بين شغلها في الشركه والبيوتي سنتر بتاع بوسي وشقتها هي وزين وكان واضح عليها التعب جدا
زين…كان بيحاول يخليها تريح وكان خايف عليها جدا من المجهود اللي بتعمله لكن هي كانت مصصمه تعمل احسن حاجه
عندها وتخلص كل حاجه في وقت قياسي…
حتي هو كان طول الوقت مشغول ما بين شغله وتشطيبات الشقه
سهر كمان راحت مع انس تحضر معاه تسجيل اول اغنيه ليه في الالبوم وكانوا تقريبا بيتكلموا يوميا لدرجه ان لما بيتأخر عليها لازم تكلمه حتي انس اتعلق اكتر بسهر لكن مكانش بيقول اي حاجه اتعلقوا اكتر ببعض وكأنهم حبيبين بيستنوا اليوم والشغل يخلص عشان يتكلموا طول الليل مع بعض
فتحت صالح المحل بعد ما استاذن والده وبسرعه وافق حاج فاروق من غير اي اعتراض ابتدا صالح يجهز المحل ويظبطه ومكنش عايز يقول هيتعمل في ايه لاي حد عشان يفاجئ الكل وده كان اتفاقه مع شهد انها متقولش اي حاجه عشان يفاجئو المل كان بيدور علي اي حاجه يفرحها بيها يمكن يقدر يعوضها عن تأخير الحمل ووقفتها معاه كانت حياتهم طبيعيه جدا لكن اكيد كل واحد فيهم كان بيفكر في الموضوع وحزين لكن من غير ما يبين للتاني💔
عامر لقي مكان كويس اخيرا وابتدا هو كمان يجهزه عشان يكون استديوا خاص بيه ويقدر يشتغل فيه براحته هو واخوه وانس. وهو كمان استعان بوعد في تظبيط المكان وعد وصت عليه في شركتها ومسكوا ليه الاستديوا عشان يسلمهوله في اقرب وقت
روحيه اتحسنت حالتها عن الاول بكتير وده كان مفرح يوسف جدا
منار….كانت بتدور علي شغل طول الوقت واخيرا قدرت تلاقي شغل مناسب في شركه جديده ونزلت علي طول
اما ادهم فا اتكلم مع سهير عن حاله ست نجوي وطلب منها انه يأجر منها المحل ويديها هو ايجاره بنفسه
وافقت بسرعه سهير ومرضيتش تاخد منه ايجار ابدا كا مساعده منها لست نجوي وبسرعه ادهم فتح المحل وظبطه وعرف هيما حوار الست دي وطلب منه انه يشاركه هو كنان في مساعدتها وافق ادهم وبسرعه ظبط المحل هو وهيما واشتروا فيه البضاعه اللي كانت عباره عن ادوات منزليه بسيطه وملابس للعرايس وراح ادهم لست نجوي عرفها انها بقت صاحبه المحل
رفضت بشده لكن صمم ادهم وعشان يريحها قالها ان يعدي ست شهور وبعد ما تقف علي رجلها تبقي تسددله جزء من تمن البضاعه كان حابب يريحها عشان توافق لكن مكانش عايز يا خد منها اي حاجه….وبسرعه فتحوا المحل وعملها افتتاح بسيط كانت طايره من السعاده وفرحانه بوقفتهم جمبها .
…..
اما ايهاب فا كان بيحضر لاول البوم هو كمان مع نفس الشركه المتعاقد عليها عامر
وكان من ضمن الاغاني دويتو بيجمعه باخوه ودي كانت اكتر حاجه مفرحاه
عدت ايام تاني وابتدا الكل وكانه بيجري في سباق مع الزمن واقترب اخيرا معاد فرح زين ووعد المنتظر
فاضل اسبوعين علي الفرح اخيرا الشقه جهزت وابتدا زين يستلم الاوض من المعرض ويطلعها علي الشقه وكان فاضل الاجهزه الكهراباىيه كلها افتكر احمد البرنس…وقرر انه هيروحله يسلم عليه و يبص بنفسه عالمعرض قبل ما ياخد وعد تختار بنفسها.
اما وعد فا كان فاضل علي تشطيب صالون التجميل الخاص ببوسي ايام بسيطه كانت بتحاول تخلصه بسرعه قبل جوازها عشان توفي بوعدها لبوسي…
وبالرغم من فرحتها انها خلاص اخيرا هتبقي مع زين في بيت واحد لكن كانت خايفه ومرعوبه كل ما الايام تقرب زي اي عروسه جديده لكن حاله الخوف والرعب كانت زايده عند وعد لدرجه انها مكانتش عارفه ولا تاكل ولا تنام وبتحاول تشتغل عشان متفكرش لكن كل ما الايام كانت تقرب غضب عنها تترعب فقررت تلاقي حل لرعبها ده وتتصرف خصوصا انها كانت محرجه تتكلم مع اي حد…..
في المساء كان زين بيلبس في الاوضه بتاعته ووعد كمان بتلبس..
خرج زين من الاوضه.
مديحه….كل ده تعالي اشرب الشاي بتاعك يلا هيبرد
زين…انا جيت اهو فين وعد
مديحه…بتلبس في اوضتها
زين…..ماشي خد زين الشاي وابتدت يشرب بسرعه
مديحه….بقولك ايه يا زين ينفع تجبلي الطلبات اللي فالورقه دي وانت جاي مش قادره اروح السيده رجلي وجعاني اوي
زين….طبعا ينفع يا ست الكل بس المهم مالها رجلك
مديحه…والله ما عارفه يا ابني من ساعت ما سعيت في نقح في ركبتي ومش قادره اقف عليها
زين….طيب مقولتليش ليه من بدري كنت حجزتلك عند دكتور العظام وروحتا كشفنا
مديحه…لا دكتور ايه ملوش لزوم انا بس ارتاح شويه من الوقفه هبقي زي الفل
زين….لا مينفعش الكلام ده هحجزلك وانا رايح لبكره وان شاء الله هاخدك ونروح
مديحه…يا ابني مش وقته انت مشغول وبتفضي بالعافيه تجهيز فرحك وشقتك واخد.وقتك غير شغلك
زين…كل ده يهون يا ست الكل المهم انتي وصحتك ولا عايزه فرحي يجي وانتي مش قادره تقفي علي رجلك
مديحه…ربنا يخليك ليا يا ابني ويفرح قلبي بيك انت ووعد
زين…ويخليكي ليا يا امي ..
وعد…..انا خلصت خلاص
زين…هو انتي راحه فين صحيح
وعد…ما انا قولتلك هبص علي سهر بقالي كتير مشوفتهاش بصراحه ومنار زمانها روحت هروح اعد معاها شويه
مديحه…سبها تفك عن نفسها شويه يا ابني دي بقالها كتير تعبانه ومش بتأعد
وعد…هو انا قولت حاجه يا امي انا بسألها بس لو عليا انا لساني نشف معاها تاخد يوم اجازه واروح اكشف عليها هي كمان مش شايفه منظرها بقي عامل ازاي
وعد….والله انا كويسه يازين ارهاق مش اكتر.
زين….اخلص من مديحه بكره اطمن علي رجلها واخلص مشوار انهارده وبعد بكره انتي كمان هتيجي معايا للدكتور غصب
عنك.
وعد…بابتسامه مش قولتلك يا خالتو زين لو عرف ان رجلك تعبانه مش هيسكت
مديحه…دماغه نافشه زي ابوه الله يرحمه
زين…الله يرحمه طيب يلا تعالي اخرجي معايا عشان ادهم وصالح مستنيني
مديحه…هو انت هتجيب حاجه ولا هتعمل ايه صحيح
زين…لا طبعا اجيب ووعد مش معايا امال مين اللي هيختار انا بس هبص بصه عالمعرض واشوف فعلا عنده كل اللي هنحتاجه ولا لا عشان متأعدش يوم اجازه عالفاضي
مديحه…طيب علي بركه الله.
زين…يلا خليكي مرتاحه بقي سلام عليكم
مديحه…عليكم السلام يا ابني.
وعد …باي ياخالتو
مديحه…سلام يا وعد
……..
خرج زين وصل وعد تحت بيت سهر ومشي هو وصالح وادهم.
……..
بعد وقت بسيط دخلت وعد لسهر.
سهر…ايه ده العروسه القمر دي عندي مش مصدقه والله انك سألتي فيا
وعد…والله يا سهر غصب عني انتي عارفه ان اليومين دول مطحونه
سهر…عارفه والله انا بهزر ربنا يكون في عونك انتي اصلا شكلك تعبان ومرهق وخستي اكتر من الاول انتي مش بتاكلي ولا ايه يا بنتي
وعد…بصراحه مش اوي
سهر…ليه كده يا بنتي ساعت الفرح وشك هيبقي تعبان ومجهد خالص.
وعد….باحراج وارتباك مش عارفه اكل كويس ولا حتي انام
قامت سهر اعدت ادامها…مالك يا وعد انتي كويسه شكل في حاجه مضيقاكي
وعد…مفيش حاجه مضيقاني بالعكس انا مبسوطه بس بصراحه يعني فضلت وعد تدعك في ايدها.
سهر…بابتسامه فهمتك ياوعد انتي خايفه
وعد..بدموع نزلت بسرعه علي وشها هزت راسها.
سهر…ايه ده ايه ده في ايه بس انا توقعت انك خايفه بس مش للدرجه دي في ايه يابنتي مش كده اهدي بس.
وعد…انا قلقانه اوي يا سهر وللاسف مش قادره اتكلم مع اي حد الموضوع محرج وفنفس الوقت انا معنديش اي خبره فيه وكمان اول مره احس اني محتاجه ماما معايا والله بصي خالتو بتعمل كل حاجه عشان تعوضني وعمري ما حسيت انها مأثره معايا بس خالتو كمان شخصيتها بتتحرج فيها مني اوي يعني اصلا صعب تكلمني في اي حاجه هي بردو مكلمتش منه في اي حاجه خالص….بس منه جريئه شويه عني لكن انا خوافه جدا وبردو معنديش الحرأه اني أسأل منه انا بجد خايفه يا سهر ومش قادره ابعد عن التفكير في اليوم ده بجد احساس مرعب ومحرج احاسيس كتير جوايا متلغبطه فرحانه وقلقانه خايفه متوتره مش عارفه بحاول اشغل نفسي طول الوقت في الشغل عشان مفكرش بس غصب عني انا بجد اول مره اتمني ماما تكون عايشه.
حضنتها سهر وفضلت تهدي فيها وطلبتلها لمون..وسابتها شويه تهدي.
سهر…ها احسن شويه
وعد…الحمد لله
سهر…بصي انا سبتك تتكلمي وتعيطي وتخرجي كل اللي جواكي لان واضح ان بقالك فتره مضغوطه وده في حد ذاته يتعب نفسيتك اكتر…بصي ياوعد اللي انتي خاسه بيه ده كله احساس طبيعي جدا لاي بنت داخله علي حياه جديده وتجربه هتعيشها لاول مره بس بتختلف من بنت لبنت في بنت مبتبقاش خايفه خالص وفي بنت بتبقي خايفه بس خوفها مش مسيطر عليها بمعني اصح قادره توازن امورها تفرح وفنفس الوقت شعور القلق ملازمها لكن انتي زي بنات كتير بردو خوفهم مسيطر عليهم ومضيع فرحتهم
وعد…طيب اعمل ايه عشان اخلص من الشعور ده
سهر…ولا اي حاجه بطلي تفكري فيه مش بقولك انك تلغيه لانك مش هتعرفي بس فكري في الموضوع بايجابيه اكتر ليه حاسه ان اليوم ده هو يوم موتك انا شايفه في عينك خوف ورعب كأن اليوم ده هيتحكم عليكي بالاعدام مع ان اليوم ده بيسموه ليله العمر ياوعد طبيعي انك تخافي بس انتي بتحبي زين وزين بيحبك والعلاقه لما يكون الطرفين فيهم بيحبوا بعض بتكون مختلفه افرحي يا وعد وفكري في بيتك ومملكت الخاصه افرحي بحب عمرك اللي اخيرا هيتقفل عليكي وعليه باب واحد افرحي بفستانك وفرحك وازاي هيبقي شكلك اليوم ده فكري في كل تفصيله في فرحك وازاي عايزه تخلي اليوم ده يكون مميز وميتنسيش اشغلي نفسك وصدقيني اليوم ده هتكوني مبسوطه اوي ابعدي الخوف عنك متخليهوش يسيطر عليكي ممكن اسالك سؤال
وعد…اكيد
سهر…هو ممكن خوفك ده يخليكي تلغي فكره الجواز من زين وتسبيه
وعد…لا طبعا
سهر…بس يعني اللي انتي خايفه منه هيحصل هيحصل ادام انتي متمسكه بيه فا سبيه يحصل بطريقه طبيعيه وانا واثقه انك هتغيري فكرتك وخوفك ده خالص
وعد…براحه يمكن خوفي وقلقي مراحوش لكن انا ارتاحت لما اتكلمت معاكي بجد يا سهر
سهر….حبيبتي انا تحت امرك اي وقت ولازم تكرري زيارتك دي مرتين تلاته عالاقل وان شاء الله هتكوني افضل وهقولك علي شويه تمارين تهدي شويه من التوتر بتاعك ده تعمليها كل ما تحسي ان التفكير عندك في الموضوع ده زايد.
وعد…ماشي
سهر…اضحكي بقي
وعد بابتسامه حاضر
…………….
زين….الراجل ده يا ادهم رجوله بجد هو اللي خلص بيني وبين صالح قيل ما افرمه😂😂
ادهم…اتشرفت بيك والله يا احمد الشباب قالولي عاللي انت عملته معاهم
احمد…والله الشرف ليا مبسوط اوي انكم جيتو مصدقتش لما كلمتني امبارح والله قولت نستني
زين…عيب عليك ياراجل احنا اللي بياكل معانا عيش وملح وبيقف معانا وقفه جدعنه عمرنا ما بننساه
صالح…بضحك اه واحنا كلنا حمص
احمد….لا وانت الصادق واكلين علقه
ضحكوا كلهم
احمد…والله فرحتوني ونورتوا المعرض
زين….منور بصاحبه
احمد…ايه يا عريس خلاص هانت
زين…تاني يوم العيد ان شاء الله هانت كلها اسبوعين
احمد….عالبركه ان شاء الله
زين…ايه يا عم مش هتفرجني ولا ايه
احمد…ياعم نأعد وتاخدوا واجبكم الاول وبعدين هفصصلك المعرض حته حته نتغدي بس الاول
زين…لا غدا ايه يا راجل
صالح….هو كوبايه شاي وحلو اوي
ادهم…احنا متغدين ولا ايه
احمد….ياراجل انا مستنيكم من امبارح والله ما يحصل وبعدين انتوا في معرض البرنس يعني ابو الكرم كله واللي يدخل شارع عبد العزيز لازم يدوق كرمه ولا رجاله السيده بخلا ولا ايه
زين…لا ياعم بس والله ماليه اي لزوم
احمد….بقول ايه انا مبحبش الرغي الكتير هناكل مع بعض يعني هناكل انا مكلتش حاجه من الصيح وواقع من الجوع الكلام خلص هناكل الاول.
فضلوا اعدين مع بعض كلوا وشربوا القهوه وفرجهم احمد عالمعرض كان كل الاجهزه الحديثه موجوده فيه وده بسط زين انه مش هيلف كتير زيه زي اي راجل شرقي بيكره اللف🙈
زين….كده تمام ان شاء الله يوم الخميس هكون عندك نشيل كل حاجه
احمد….المكان بتاعك اي وقت اديني بس خبر قبلها بيوم وهكون في انتظارك ومتحملش هم العربيات ولا المشال حاجتك هتروح لحد بيتك من غير اي تعب
زين….حبيبي يا ابو الرجوله
ادهم…بقولك ايه يوم الخميس هنشيل الحاجه وهترجع معانا عشان نعمل معاك احلي واجب وتشوف واجب ولاد السيده زينب
احمد…..اجي ياعم واتشرف باخواتي
زين…هنستناك ان شاء الله
احمد بامر الله
خلص اليوم علي ابطالنا
وعدي اليومين بسرعه وجه اليوم اللي هتروح فيه وعد تختار الاجهزه
راحت هي وزين وراح معاهم هيما وادهم خلصوا كل حاجه كان معاهم احمد البرنس خطوه بخطوه وحملوا الاجهزه علي العربيه ووصلوها لحد البيت من غير ما يتعبوا في شيلها كان احمد مظبطلهم الدنيا عالاخر
وعد كانت طايره من الفرحه عشان شايفه شقتها كل شويه بتكمل
خلصوا كل حاجه وقفلوا الشقه..وراحت وعد عالبيت
واتجمع الشباب كلهم علي القهوه مع ضيفهم احمد البرنس..عشان يعملوا معاه احلي واجب…
اما عند سهر….فا استقبلت حاله جديده ….بكره هنعرف حكايتها….ملحوظه حكايه حقيقيه لشخصيه موجوده معانا
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 3)