رواية تموت عيونهم فيني وأنا بك ميته عيني الفصل الثلاثون 30 بقلم دمعة الفرقآ
رواية تموت عيونهم فيني وأنا بك ميته عيني الفصل الثلاثون 30 بقلم دمعة الفرقآ
رواية تموت عيونهم فيني وأنا بك ميته عيني البارت الثلاثون
رواية تموت عيونهم فيني وأنا بك ميته عيني الجزء الثلاثون
رواية تموت عيونهم فيني وأنا بك ميته عيني الحلقة الثلاثون
بندر ابتسم:انت من جدك تتكلم بتتزوج لمى..
تركي بلع غصته وبضيق:مو لمى..
بندر بأستغراب:اجل مين..
تركي:بخلي امي تخطب لي وحده من غير عايلتنا..
بندر بصدمه:ايــــــــــــش ولمى..
تركي بأنفعال:وليش افكر فيها دامني ما اهمها..
بندر:وشلون ماتهمها تركي انت في عقلك شي تراك ولد عمها وتهمها..
تركي:انت قلتها ولد عمها مو لانها تحبني..
بندر وقف بعصبيه لدرجة ان الكرسي طاح على الارض:انت الحكي معك ضايع..<<وطلع وهو يمرر شعره ويفرك جبينه بعصبيه..
اما تركي غمض عيونه ونزلت دموعه غصب عنه”احبك بس وش اسوي ما ابي اظلمك معي واتزوجك غصب عنك او اتزوجك لانك مشفقه علي هذا انسب حل اني ابتعد عنك واريحك واخليك تفتكين من خيال تركي مره وحده”..<<مسح دموعه بسرعه ورفع جواله ناظر في الاسماء كل اللي كان يكلمهم كنسلهم بس تذكر وحده كان حافظ رقمها لانها المميزه عنده..يبي يفرغ القهر اللي فيه يبي يلهي نفسه بأي شي علشان ينسى انه مشلول وينسى قرار زواجه اللي بيقوله لأمه بكره..
رفع السماعه لأذنه وبنبرته الجذابه:وحشتيــــــني..
××
فرك جبينه:بس يافي..
في قاطعته:طلال انا بس حابه اعطيك خبر يله بااااي..<<وسكرت بدون ماتسمع رد منه..
طلال نزل السماعه وتنهد بضيق..
مشعل:خير وش فيك..
طلال ناظره وبضيق:في..
مشعل انقبض قلبه:وش فيها..
طلال:بتسافر مع عمي لبريطانيا..
مشعل للمره الثالثه بيفقد انسانه غاليه عليــــــه ويمكن اغلى من ملاك وحتى اغلى من مها..في بالنسبه له صارت جزء مهم في حياته هي اللي رسمت البسمه على شفاته بعد وفاة ملاك..كره نفسه ليه كل ماحب يفقد اللي يحبه بلع غصته وبصوت مبحوح:وليش بتروح..
طلال:عمي شغله هناك وهي بتسافر معاه اصلاً هي متعوده على بريطانيا لانها عايشه فيها طول عمرها..
مشعل وقف:عن اذنك شوي..
طلال:وين..
مشعل مشى وطنشه وكان كل تفكيره الحين يمنع في من السفر مايبي يخســـــر روح عاشت فيه انسانه للحظه حس انه مايقدر يعيش بدونها..ركب السياره وحركها بسرعـــــه..رفع صوت المسجل على اخر شي وهو يضغط على الدركسون بقهر..
وبدا صوت راشد يطرب اذنه..
ادعــــي علي بالموت وإلا سمني..بس لاتفارقني دخيل الله وتغيب..
طاري السفر يابعد عمري همني..وشلون اودع في المطار اغلى حبيب..
××
نرجع للقاعه وغرفة دلال..
دلال وخلود ودانا خذوا اكثر من صوره..
دانا جالسه جنبها قالت ببرود:ياهووووه والله انك حركات تزوجتي اللي تحبينه عقبالي انا وبندوري..
دلال معصبه وخايفه:ممكن تسكتين تراك رافعه ضغطي..
دانا:افااا انا ارفع الضغط ترى بندوري مايرضى..
خلود:ههههههههههه والله خبله دانوه شاربه شي اليوم..
المصوره:عايزه اخد لك صوره لوحدك..
دلال موصله معها:بعدوها عني وإلا والله لا اصك هالكعب في جبهتها..
خلود ودانا:هههههههههههههههههههههههههههههههههههههه..
قاطعت كلامهم ام دلال:يله يمه دلال..
دلال وقف قلبها:وشو..
خلود:وشو اللي وشو يله بتبدى الزفه..
دلال خافت وبأرتباك:خايــــفه..
ام دلال اللي ماسكه نفسها لاتبكي:اقري المعوذات على نفسك يمه..
دلال ويدينها ترتجف:ماما يعني لازم انزف..
خلود ودانا:هههههههههههههههههههههههههههه..
دانا:لا ماله داعي (بهمس) صدقيني ترى الزفه اهون من..<<ماكملت لان دلال عطتها نظره..
:هههههههههههههههههههههههههههه آسفه خلاص ماراح اعيدها..
دلال بعصبيه وخوف:وناويه تعيدينها بعد..
ام دلال:يله دلال..
دلال حطت يدها على قلبها وغمضت عيونها وهي تقرى المعوذات في نفسها خذت نفس طويل:يله..
××
..عند البنات..
رهف ماسكه يد هديل وضاغطه عليها:شوي وببكي..
هديل:اووه معجزه رهف تبكي..
رهف:ليه وش شايفتني ماعندي قلب وإلا ما احس..
ريناد:هديل وش فيك عليها..
هديل:بلاك ماتعرفينها مثلي ذا الانسانه معقدتني في الحياة..
رهف بقهر:قولــــــــي آمين..
هديل:آميــــــن..
رهف من قلب:جعل ربي يعقد شعرك بصمغ فيران منتهي صلاحيته..
ريناد:ههههههههههههههههههههههههههههههههههههههههه..
هديل انقرفت:ووووع الله يقرفك..
انطفت الانوار وبدت الزفه الاسطوريه دخلت بكل شموخ وهي تبتسم بأرتباك وخوف..رفعت راسها للكوشه اللي مزينه بالورد الجوري الاحمر وبلعت غصتها رجعت لها ذكرياتها وآحلامها الورديه يوم كانت مراهقه ويوم كانت طفله يوم كانت تلعب مع منصور هو المعرس وهي العروس والحين آحلامها وامنياتها تحققت وصارت حقيقه..
كان فستانها الابيض بسيـــط وناعم..مفتوح من ورا ويطلع منه حبال على شكل علامة ×..وكان مشدود على صدرها ومنثور على فستانها كرستالات سكريه تلمع والطرحه كانت طويله ومنثور عليها كرستالات مثل الفستان..شعرها المموج رافعته كله ومنزله خصل على وجهها وحاطه ورده جوري حمراء جنب اذنها بطريقه ناعمه وحلوه..حاطه ميك آب ناااااعم شدو خريفي سكري وذهبي فاتح وبلاشر وردي وروج احمـــر..طالع شكلــــــها يجنن وجذاااب..
رفعت عينها للكوشه مره ثانيه ودقات قلبها تزيد تحس ان المسافه اللي بينها وبين الكوشه اميااااال..طاحت عيونها على امها اللي تبتسم لها وتمسح دموعها..بلعت غصتها ودها تجي وترمي نفسها في حظن امها هاللحظه ولاتفارقها ابد..
خلود اللي تناظر دلال ودموعها تنزل على خدها..
دانا:خلودوه خلاص لاتبكين ترى والله لأعلم سعد خخخخ..
خلود تمسح دموعها:ما قدرت امسك نفسي..
دانا:نشوف بتبكين اذا تزوجت وإلا لا..
خلود بمزح:لا وش علي فيك..
دانا تخصرت:شوفوا الجاحده..
خلود:هههههههههههههههههههههههههههههههه (رفعت راسها لدلال وارسلت لها بوسه وبدون صوت) مبروك ياحلووو..
دلال ابتسمت بأرتباك وجلست ولعت الانوار الصفراء وبدوا الحريم يزغرطون ويروحون يسلمون عليها..
ريم سلمت على دلال:مبروك..
دلال ابتسمت:الله يبارك فيك عقبالك..
بعد ريم جت تسلم مها وبعدها لمى..
دلال بهمس لغاده:اي وحده فيهم مها..
غاده:اللي لابسه فستان وردي..
مها كانت لابسه فستان وردي يشبه فستان إليسا في اغنية بستناك ضيق من تحت الصدر وواسع من تحت وفيه كسرات كان مره شكلــــــه حلو وخاصه مع لون بشرتها البرونزي..شعرها الاسود رافعته شنيون وحاطه ميك اب خفيف غلوس وردي فاتح وشدو بينك بدرجاته وحاطه بلاشر بينك خفيف كان شكلها مره ناااااعم وكيوت..
دلال:والله ماينلام طلال يوم انهبل عليها..
مها لفت على ريم:وش فيهم ذولي يناظروني كذا..
ريم:حرمهم المصون..
مها بعصبيه:وش قلتــــــــــــي..
ريم بخوف:آسفـــــه..
لمى اللي كانت سااااكته هي جالسه في زواج الحين بس كأنها حاظره عزاء..كانت لابسه فستان اسود تحت الركبه والسيور كانت طايحه من كتفها ومشدوده على ذراعها..وكان حول خصرها شريطه سوداء عليها كريستال يلمع وكانت على شكل فيونكه..شعرها الغجري مسويته ويفي وحاطه غرتها على جنب تخفي عيونها الحمرا..الميك اب ناااعم سموكي اسود و وردي فاااتح وحاطه غلوس وبلاشر وردي كان شكلها في قمـــة النعومه لكن الارهاق كان مبين عليها..
ريم انتبة لها ولحركة يدها اللي رفعتها لعيونها تمسح دموعها..
ريم:افااا ليه تبكين..
لمى:تخيلي تركي يتزوج والله اموووت..
ريم ضغطت على يدها:لمى تكفين خلاص..
لمى لفت عليها:كيفه الحين..
ريم تصنعت الابتسامه:حمد الله قاعد يتحسن كل يوم لاتشيلين هم..
رفعوا طرحهم وتغطوا علشان ابو العروس والمعرس وابوه وطلال بيدخلون..
××عند المدخل××
طلال:ياخــــــي وش فيك ابي ادخل..
منصور:اقول ظف وجهك ما بقى إلا هاذي اخليك تناظر زوجتي وينا فيه..
طلال:تراني اخوها من الرضاعه يعني عــــادي بعدين من زين زوجتك انا عندي مين يكفيني بعد بس بعد..
منصور دفه:قلتلك لا..
طلال:لحوووووووول بعد بكحل عيني بخطيبتي..
منصور:علشان كذا تبي تدخل اجل احلــــــــم..
ابودلال:وش فيكم واقفين يله ادخلوا وإلا ماودكم..
طلال بدفاشه:إلا إلا ودنا..<<ودخلوا والبنات عيونهم على اللي ورا منصور اللي هو طلال كان يمشي وهو مبتسم ابتسامه تذوووووب الصخر والبنات يرفعون اصواتهم علشان يلفتون نظره بس هو مايعطيهم وجه..
مها للحظه حست بالغيره وقالت بقهر:الحين وش دخل طلال معهم..
هديل:ماتدرين طلال اخو دلال من الرضاعه..
مها ارتاحت:اهااا اشوى على بالي بعد..
هديل:وشو اللي على بالك..
مها بأرتباك:هاه ولاشي..
طلال قاعد يدور بعيونه عليها لما شافها جالسه وحاطه الطرحه تحت خشمها عرفها من عيونها ومن نظرتها اللي كلها احتقــــــار وقرف..
ابتسم ابتسامه وسيعه يحبها ويمووووت عليها وعلى نظراتها..
مها تهز رجلينها بقهـــر”جعل عيونك تخفس قوووووول آمين”..
ناظرتها مشاعل بخبث ورمت الطرحه على الطاوله ووقفت بقوه لدرجة ان الكرسي طاح على الارض وكانت متعمده تسوي هالشي علشان تلفت انتباه طلال وخاصه ان مار من جنبها..
مشاعل بدلع:اووووه..
طلال ناظرها بنص عين وكلها احتقاااااار ميل فمه بأستهزاء ومشى..
مشاعل تناظره بصدمــــــه رفعت الكرسي وجلست..
مها انقهــــــــــــرت من حركتها بس عجبها طلال وكبر بعينها ناظرت بمشاعل المصدومه وابتسمت بنصــــــر..
هيفاء عطت مشاعل كوع:انتي وش سويتي..
مشاعل ناظرتها بعصبيه:هذا وش فيه اعمــــــــى وإلا حب مها عماه..
هيفاء بلامبالاة:والله وحده من الثنتين..
مشاعل بنفس العصبيه:اقووول انطمي انتي..<<رفعت طرحتها ووقفت لفت ومشت عاااادي ولاكأن فيه رجاجيل واقفين مشت بغنج ودلال لدرجة كل الحريم اللي في القاعه يلتفتون مصدومين من اللي يشوفونه وبعضهم مقهوريــــن ومعصبين من حركتها..
طلال يناظرها بأحتقار بعدها لف على دلال وابتسم:مبروووووك ياعروس..
دلال بخجل:الله يبارك فيك..
××
؛؛..اسمعك كمل كلامك بعد “احبـــك” إيش قلت..تحسب اني يوم اطالع غيرك اني ما اسمعك..؛؛
كانت تدور في الحديقه وضامه شالها لصدرها ماتدري قرارها صح وإلا غلط..بس كل اللي يهمها الحين انها تبتعد عنه وتنساه وتنسى اي شي يربطها فيه..وتنسى كل ذكرى معاه..
قطع افكارها صوت الجرس راحت للباب وهي مستغربه:مين..
مشعل بلع غصته:في افتحي انا مشعل..
عضت على شفايفها وتجمعت الدموع في عيونها”مو وقتك يامشعل الحين”..<<فتحت الباب ودخل بدون ولاكلمه سكر الباب وراه وعيونه عليها وهي تحاول قد ماتقدر ماتلتقي عيونها في عيونه خايفه تضعف وتتراجع عن قرارها..
مشعل بنبره هاديه:بتسافرين..
في بصوت مبحوح:ايه..
مشعل:ليه..
في داست على قلبها هذا وقت جرئتها:من غير ليه..
مشعل:وبتتركيني..
في رفعت راسها بصدمه:اتركك..
مشعل:ايه يافي وإلا انا قلت شي غلط..
في”خلاص طفشت من لعبك وكلامك المعسول وكأن عادي عندك تلعب بقلوب الناس”:اذا ناوي تدمرني ابشرك تراني متدمره وخالصه وماوراي فايده..
مشعل بصدمه:وش فايدته..
في:مشعل انت ماتلاحظ انك تلعب بقلوب البنات..
مشعل بأستغراب:في انتي وش قاعده تقولين انا العب..
في:انتبه لنفسك ولتصرفاتك مو معنى ان ملاك خانتك الذنب بيكون علينا وبتدمرنا مثل مادمرتك ملاك..
مشعل:في افهميني ملاك ماضي وانتهى من حياتي خلاص لاتذكريني فيها..
في:تبي تفهمني انك نسيتها..
مشعل:من زمان..
في:طيب وش تبي الحين..
مشعل تقدم لها:صدقيني انا ماتركت اليوم زواج اعز اصدقاي إلا علشان اقولك هالكلمه..
في بدى قلبها يدق بسرعه:ايش..
مشعل تنهد:انا احبــــــك يافي..
مرت قشعريره على كل جسمها وحست ان الدم حاااااااااار في عروقها ناظرته لحظااات تبي تصدق مو قادره هاذي اللحظه اللي تمنتها وتحققت..ما اقدر وشلون اوصف شعورها الحين..دموع فرح اختلطت مع دموع حزن قلبها يضرب بقوه وكأنه بيطلع من ضلوعها ارتجفت شفايفها ودها تحكي بس عجز لسانها عن الكلام..
مشعل:في تسمعيني..
في بلعت غصتها وبصوت مرتجف:ايه ايه اسمعك..
مشعل ابتسم:غيرتي فيني اشياء كثيره عمري بديته من اول مره شفتك فيها حياتي ارتبطت فيك صدقيني انتي بالنسبه لي كل حياتي حبيبه وام واخت وان شاء الله تكونين من نصيبي..
نزلت راسها وغمضت عيونها وقلبها مو راضي يهدي نبضاته بالعكس تزيد مع كل كلمه يقولها..
قرب منها ورفع راسها بأصبعه وناظر بحب عيونها المدمعه:احبــــــك..
في للحين مو مستوعبه تراجعت لورا ونزلت راسها تخفي دموع الفرح اللي نزلت على خدها:مشعل باقي نص ساعه على موعد الطياره يله اشوفك على خير..<<لفت عنه وهي تبكي بصمت مشت بس وقفها صوته اللي فيه نبرة حزن..
:في..
في لفت عليه ودموعها على خدها وضاغطه على يدها خايفـــــــه تعطيها عمرها اللي بقى ويضيـــع مثل ماضاع عمرها اللي راح..
مشعل وهو يتقدم لها وعيونه مدمعه:انا اترجاك لاتنسى ليالي الحب وسنيني وحاول لاجل حبي لك انك ماتخليني..
في بكت بقوه ورمت نفسها عليه لدرجة انه تراجع لورا وكانوا بيطيحون على الارض:وانا بعد احبــــك..
في هاللحظه حس ان الدنيا ابتسمت له وهمومه انزاحت عن صدره كان يظن ان بعد ملاك ماراح يحب بس كان فيه حب مدفون في قلبه صحـــــــــــــى الحين وصحى هالحب كلمتها..
بعدت عنه وهي تمسح دموعها وتبتسم يمكن هذا الشي الوحيد الحلو اللي تحقق لها ويكفيها حب مشعل لها لو تخســــر كل شي إلا هو..
مشعل حط يدينه على خدها:هاه ناويه تسافرين..
في بأبتسامه وسيعه وبمزح:ايه..
مشعل:جربـــــي عاد علشان اذبحك..
في بدلع:تقدر..
مشعل ابتسم:مدري بجرب واشوف..
في:هههههههههههه..
××
××برا القاعه××
منصور موقف مع ابوه وابودلال..
ابودلال:ما اوصيك على دلال..
منصور:حاطها في عيونــــــي..
طلال بقهر:لا تخاف عليها ياعمي انا اللي اخوها بغى يذبحني عند المدخل..
الكل:هههههههههههههههههههههههههههه..
منصور بهمس:والله ناسي انها اختك من الرضاعه..
طلال ابتسم:ماتنلام انا اذا شفت قليبي واقف انسى عمري..
منصور:مايلبق لك الحب ابد..
طلال ولع:لييييييييييه وش شايفني..
منصور:مدري على قولة رائد شكلك مايأهل ههههههههههههههه..
طلال انقهــر:منصوووووورووه..
منصور:آسفين ولاتزعل..
طلال:ايه خلك عاقل..
××
..عند دلال..
دلال ماسكه نفسها لاتبكـــي..
ام دلال تمسح دموعها:الله يوفقك انتبهي على نفسك يمه..
دلال باست راس امها:إن شاء الله مع السلامه..<<حطت لها خلود الطرحه على راسها وسمعتها تشهق من البكي ماقدرت تمسك نفسها وبكت غصب وهي تحظن خلود..
خلود بعدت عنها وتصنعت الابتسامه:يله دلوووول..
دلال تضغط على يد خلود:يله بااااي..
خلود:انتبهي على نفسك..
دلال هزت راسها ومشت ودقات قلبها سريــــعه طلعت وهي ماسكه عبايتها بقوووه..
منصور ناظر يدها وابتسم ومسكها وهمس:احبـــك..
طلال غطى وجهه:هيــــــــه هيه انتبهوا ترى فيه كائن حي واقف..
منصور بقهـــر:دارين وذا الكائن رافع ضغطـــــــي..
طلال:هههههههههههههههههههههههههههههه ردها لي في الافراح..
منصور:لاتوصي حريص يعني تحسبني بخليك..
طلال فتح باب السياره:اقول اركب ولايكثر الهرج (آرسل بوسه لدلال) مبروووك مره ثانيه ياحلو منه المال مع اني داري انه مطفر ماعنده شي ومنك العيال..
دلال:هههههههههههههههههه..
منصور تنهد:فديت هالضحكه انا..
طلال حمر وجهه:ياخي دايماً تحرجني..
منصور:انت من اللي كلمك اركب يله..
طلال:اخلاقك زفت الله يعين دلال عليك..
منصور بغى يتوطى في بطنه في نص الشارع:يله تأخرنا..
طلال:طيب وش فيك مستعجل قدامكم العمر كله..<<وركب السياره بسرعه قبل ماتكفخه دلال لانها ناظرته نظرة تهديد يطلع منها شرار..<<تستهبل الاخت خخخخخ..
منصور:هذا احسن شي قاله ذا الخبل اليوم..
دلال حمر وجهها ونزلت راسها ركبوا ومشوا وهاذي بداية حياة حب طاهر ابتدى من سن الطفوله وتوج بالزواج..
××
وقف مصدوووم من اللي يسمعه بعدها فااار دمه وبعصبيه فتح الباب ودخل وسحب الجوال من يده
:تركي مو قلت لي خلاص..
تركي بعصبيه:هات الجوال..
بندر:من متى وانت تكلم..
تركي بأنفعال وعصبيه:بندر لاتعاملني وكأني بزر عندك..
بندر بلع غصته:تركي انا ما اسوي كذا إلا علشاني خايف عليك..
تركي:شكراً ما ابيك تخاف علي..
بندر رمى الجوال عليه:هذا جزاي الحين طيب مشكور..<<وطلع وهو مقهـــور من تصرفات تركي وهمس لنفسه بعصبيه..
:اللي يشوفه الحين يقول بيموت بكره..
سند نفسه على السرير وغمض عيونه وتنهد بضيق مافيه شي يخسره الحين اكبر شي خسره هو لمى وهي حياته وخسرها يعني ماصار يهمه شـــي..
فتح عيونه ببطئ وبلع غصته وهو يناظر الغرفه المظلمه والبارده الحين فظت وبقى فيها اهو لحاله..
تنهد بضيق وحط راسه على المخده لازم يتعود ويتقبل الوضع اللي هو فيه لان شكله بيطول لفتره..غمض عيونه وحاول ينام بس ماجاه النوم..اشغل باله بالتفكير في موضوع الزواج اللي بيفاتحه مع امه بكره وبيقتل حبه اللي بناه سنين على الفاظي.. وهدمته لمى بصدها ونظراتها وكلامها اللي يعتقد انه شفقه مو حب له..
××
حط يده على خصره وهو يهز رجله:وين ذلف ذا..
فيصل:مدري عنه..
نايف:طيب اتصل عليه..
فيصل يناظر جواله:دخن جوالي من كثر ما اتصلت (حط السماعه في اذنه وانتظر بس ماجاه رد ونزل جواله) مايرد..
نايف:افففف..
طلال:وش فيكم..
نايف:مشعل شفته..
طلال:طلع مدري وين راح..
فيصل:مو معقول ذا الولد وين ذلف..
طلال:طيب عادي..
فيصل:الخايس قايلين له بنطلع سوا..
طلال ابتسم:طيب انا بعوض غيابه بس انتو تعالوا تعشوا..
جلسوا على الطاوله..
رن جوال نايف رفعه ورد:هلا بندر..
بندر:هلا كيفك..
نايف:تمام الحين ورا ماجيت الزواج منصور يسأل عنك..
بندر بدون نفس:كنت جالس عند ولد عمك مع انه والله مايستاهل..
نايف:ليه..
بندر:خلاص انسى المهم متى بتجون..
نايف:بعد شوي..
بندر:بسرعه عاد تراني مليت وانا قاعد لحالي..
نايف:والله غريبــــــه..
بندر:غريبه ليه..
نايف بهمس وبخبث:عندك حبيبة القلب ليه ما تصلت عليها تونسك شوي..
بندر انحرج:اقووووووول على تبن..<<وسكر السماعه..
نايف:ههههههههههههههههههههههههههههه..
××
؛؛..امسح الدمعه ترى ضعفك قوي..انهزم قدام ضعفك ياغلاي..
امسح الدمعه بعمري لو تبي..عطني احزانك وخذ مني هناي..؛؛
قرب منها وبحنان:طيب ليه ماقلتي لي..
في عيونها مدمعه:خفت..
مشعل:من ايش..
في بلعت غصتها وبصوت مرتجف:خفت انك تحب وحده ثانيه صدقني يامشعل لو اسمع انك تحب من غيرك اهون من اني اسمعها منك..
مشعل:يابـــعد قلبي انتي طيب كان قلتي لي وإلا لمحتي..
في:لمحت بس انت..
مشعل قاطعها:كان تفكيري مع وحده ماتستاهل خلاص انسي وراح اعوضك عن كل دمعه هليتها علشاني..
في ابتسمت ابتسامه وسيـــعه..سمعوا صوت الباب ينفتح وبسرعه مشعل غير مكانه وجلس قبال في..
ابوفي بأبتسامه:هـــــــــــلا والله تو مانور البيت..
مشعل:منور بوجودك..
ابوفي بضيق بس حاول انه يبين طبيعي:في تعالي ابيك..
في وقفت وناظرت مشعل بأبتسامه:عن اذنك..
مشعل مع غمزه:خذي راحتك..
ابوفي مشى ومشت وراه وهي مبتسمه دخلوا المكتب وقال بصوت في نبرة عصبيه:سكري الباب وراك..
في خافت وسكرت الباب تقدمت لأبوها اللي كان معطيها ظهره:سم يبه..
ابوفي حاول يهدى اعصابه تنهد ولف عليها وبحنيه:في اسمعيني انا غلطت اكبر غلطه في حياتي يوم تركتك تتربين على يد خدم..
في قاطعته:انا تربيتك يبه مو تربية خدم..
ابوفي كمل:في لاتنسين انك مسلمه وقعدتك مع مشعل غلط وبعد مافيه احد في البيت..
في:بس يبه مشـ..
ابوفي قاطعها:انا عارف ان مشعل متربي بس الشيطان مامات..
في نزلت راسها كان كلام ابوها صــح حتى لو كانت واثقه بمشعل المفروض ماتجلس معه..
ابوفي:هالمره احذرك بس المره الثانيه بتخليني اتصرف معاك ومعاه تصرف ثاني..
في بسرعه:اوعدك هالشي ماراح يتكرر..
ابوفي:طيب تجهزتي للسفره..
في:لا يبه ماراح اسافر بقعد مع غاده..
ابوفي:براحتك بس انتبهي على نفسك (باس جبينها) يله مع السلامه..
في ابتسمت ودمعت عينها الله عوضها عن امها بأبو صار لها امها وابوها واخوها واختها وكل شي في دنيتها..
ابوفي طلع:اعذرني تأخرت عليك..
مشعل:لا عمي عادي خذ راحتك (بأرتباك) عمي سمعت انك بتسافر..
ابوفي رفع يده يناظر الساعه:ايه وتأخرت على الطياره..
مشعل وقف:خلني اوصلك..
ابوفي:بتعبك معاي..
مشعل:لا تعبك راحه..
في مسحت دموعها وراحت عند الشباك تناظر ابوها ومشعل طالعيين ابتسمت وسط دموعها وهمست:احبـــك..<<وبسرعه وقفت وطلعت تركض حظنت ابوها وبكت..
ابوفي مسح على شعرها وبحنان:في خلاص..
في بعدت عن ابوها وباست يده وبرجا:يبه الله يخليك لاتسافر وتخليني الله يخليك..
ابوفي ومشعل استغربوا من ردة فعلها كانت تبكي وكأن اول مره بيسافر ويتركها وكأنها بعد ماراح تشوفه..
في تبكي بشكل يقطع القلب:يبه الله يخليك لاتتركني مثل ماتركتني امي لاتروح وتخليني الله يخليك..
مشعل عوره قلبها على شكلها وبلع غصته..
ابوفي دمعت عيونه:ماراح اتركك برجع..
في مسحت دموعها وهي ترتجف:طيب اتصل علي كل يوم طمني عليك ولاتتأخر علي..
ابوفي باسها:ان شاء الله انتبهي على نفسك يله مع السلامه..
في تركت يد ابوها ولفت ومشت وهي منزله راسها ودموعها على خدها وتشهق دخلت ورمت نفسها على الكنب رفعت رجولها وضمتها لصدرها وبكـــت ماتدري وش صار لها هاذي مو اول مره يسافر ابوها بس كانت هالمره غيــــــر..!!
كانت تبي في هاللحظات الحلوه اللي تعيشها يشاركها فيها ابوها ويتقاسمها معها..تمددت على الكنبه وهي ضامه الوساده لصدرها هي حياتها كذا ماشيه اذا تحقق لها شي حلوو لازم فيه شي يعكر عليها ويخرب فرحتها..
مسحت دموعها وهي تبتسم وتتذكر كلمة مشعل لها تنهدت بأرتياح وقلبها ممزوج بين الفرحه والحزن فرحه انها عرفت اللي تحبه يبادلها نفس الشعور وحزن ان ابوها فارقها..
تثاوبت اكثر من مره وغلبها النوم ونامت..
××
وقفوا البنات بعد ماخلصوا عشاء..
ريم رفعت جوالها..
مها:من بتتصلين عليه..
ريم:مشعل..
مها تغير لون وجهها تذكرت نظراته عند باب المدخل وتجمعت الدموع في عينها”والله مستعده علشانك اخســـر الدنيا ومافيها”..
ريم ابتسمت على هبال مشعل:طيب يله بااااي..<<سكرت..
مها:وش قالك..
ريم:قال لي انه في الطريق للمطار..
مها طاااااح قلبها:بيسافر..
ريم:لا راح يوصل ابوفي..
مها كشرت من طاري في:وهي بتسافر مع ابوها..
ريم:لا قال لي بتجلس مع غاده..
مها:اهاااا..<<سمعت بنتين وراها يتكلمون بمياعه..
البنت الاولى:واااااااااااااااااااووو شفتيه يجنن..
البنت الثانيه:تظنين انه اخو العروس..
البنت الاولى:ايه يمكن..
البنت الثانيه:امووووت واعرف هو متزوج وإلا لا..
مها انقهرت وولعت لفت عليهم:ايه وعرسه قريب اتمنى انكم تحظرون..
البنت الاولى كشرت:افففف ياخساره وتدرين من ماخذ..
مها بدلع:ايه انا ياحظه فيني وياحظي فيه..<<لفت عنهم بغرور وهي تبتسم بنصـــر ماتدري ليه سوت هالحركه مع انها ماتحبه إلا تكرهه بس فيه شي جواها خلاها غصب تسوي هالحركه..
ريم ابتسمت وهمست:يالخبـــــــله ليه قلتي كذا..
مها:والله مدري وش صار فيني..
ريم ناظرتها بخبث وهي تضحك..
مها بعصبيه:على تبـــــن لايروح تفكيرك بعيد..
ريم:هههههههههههههههههههههههههههههههه طيب ماقلت شي..
لمى جت لهم وقالت بصوت مبحوح:مها امي تقول يله..
ريم مسكتها وضغطت على يدها وبهمس:صدقيني تركي يحبك..
لمى هزت راسها بضعف والامل عندها ضاااااايع تجمعت الدموع في عيونها ومشت..
ريم بضيق:مها حاولي مع اختك تطلع من الحاله اللي هي فيها..
مها:ان شاء الله يله بااااي..
ريم:بااااااي..<<لفت على امها اللي واقفه مع ام نايف ابتسمت وراحت لهم..
ام نايف:ماشاء الله عليك اكلتي الجو اليوم..
ريم ابتسمت:تسلمين..
ام مشعل لفت على ام نايف:قلتي لي متى بيسافر..
ام نايف بضيق:بعد اسبوعين والله ماودي يروح حتى هو ماوده مدري وش جايه هالايام..
ام مشعل بمزح:يمكن يحب..
ام نايف:ههههههههههههههههههههههههههههه يمكن..
ريم انقلب وجهها مية لون:ماما اتصلت على مشعل بس هو مشغول الحين..
ام مشعل:مشغول بأيش..
ريم:راح يوصل ابوفي المطار..
ام نايف:تعالوا معي اوصلكم على طريقي..
ام مشعل:مشكوره ماتقصرين بس خلاص بنروح مع ام مشاري طريقهم نفس طريقنا..
ام نايف:براحتك يله مع السلامه (لفت على ريم) مع السلامه ياقلبي..
ريم بأرتباك:مع السلامه..
جت وراها وضربت كتفها:رايحه فيـــــن..
ريم:هاه معاكم..
هديل:طيب يله تـــــــــرى مشمش مولع يقول يله اطلعوا..
ام مشاري:يله يله..
هديل وهي تسكر عبايتها:اقول صدق اللي سمعته..
ريم:ايش..
هديل:طلال خطب مها..
ريم:ايه بس هي تقول ماراح اوافق..
هديل:ليــه..
ريم:مدري عنها ذا الخبله يله نمشي راسي يلف فيني ابي انااااام..
هديل:يله..<<طلعوا وشافوا نايف واقف عند سيارة مشاري ويسولف..
مشاري:اقول انتبه على نفسك منها ذا الاشكال مايجي منها إلا عوار الراس..
نايف:ظنك يعني بتسوي شي اكبر من..<<وسكت..
مشاري:والله يمكن مو بعيده عليها..
قربوا من السياره وقبل ماتركب ريم لف نايف عليها وابتسم مع غمزه..
ريم حمر وجهها وركبت وخبطت بالباب وبأرتباك:اووه اسفه..
مشاري بأستهزاء:عسى ماعورتك يدك اقول شوي شوي على الباب ترى ابيه..
ريم انقهرت:اذا انكسر اجيب لك واحد غيره لاتخاف..
مشاري:هههههههههههههههههههههههههههههههههه..
نايف خبط راسه وبهمس:إلا ريم فاهم (بعد عنه واشر له) يله تصبح على خيــــر..
مشاري حط يده على راسه ويفركه وفي وجهه علامة استفهام كبيره:وش قصده ذا..
ام مشاري:يله امش ولايكثر الهرج..
مشاري شغل السياره:ان شاء الله..
نايف راح وركب السياره وتنهد من قلــــــب..
ام نايف:لا كان نمت عندهم احسن..
نايف بهمس:والله ودي..
ام نايف:وش قلــــت..
نايف بأرتباك:هاه لالا ولاشي..
..في المطار..
ابوفي:ما اوصيك على في تراها امانه في رقبتك..
مشعل ابتسم:لا توصي حريص حاطها في عيوني..
ابوفي بأبتسامه وسيعه:لا ياشيـــــــخ لاتنسى اني ابوها وتو الناس ماصار شي..
مشعل:هههههههههههههههههههههههههههه اسف نسيت..
××نادوا على الرحلــــه××
ابوفي:يله اشوفك على خير مع السلامه..
مشعل:مع السلامه..<<ودعه وطلع وهو حاس ان قلبــــه طاير من الفرحه بعد ماقال لأبوفي كل شـــي وماراح يسمح يضيـــع روحه الثانيه اللي انخلقت له..
××
..اليـــــوم الثاني..
رتبت شنطتها وهي تبكي قررت تسافر وتبعد عن الانسان اللي ضيع ودمـــر حياتها..مسحت دموعها ورفعت شنطتها ونزلت..
الخدامه جت تركض قبل ماتصرخ عليها نوف وتسوي لها سالفه مدت يدها بتاخذ الشنطه عنها بس نوف منعتها..
:خلاص انا بشيلها..
الخدامه تناظرها بأستغراب..
نوف ابتسمت بألم:حتى انتي ماخليتك في حالك سامحينـــي..
الخدامه مافهمتها وقالت بأستغراب:مس انتي سافر..
نوف:ايه..
الخدامه:بس انتي تعبان..
نوف”والله لو امي قدامي وشافتني بهالحاله ماكلفت نفسها وسألتني وش فيك”:لا مو تعبان يله باااي وانتبهي على نفسك اوكي..
الخدامه بضيق:اوكي..
جرت شنطتها وجرت فظيحتها وراها طلعت وناظرت البيت لأخر مره وبكت حطت يدها على فمها ونزلت راسها وركبت السياره..
:روح مستشفى الـ……<<ناظرت الشباك ودموعها تنزل على خدها تتمنى انه يسامحهــا ودها يخفف الذنب عنها ودها تروح وهي متطمنه ومرتاحه عليه اول مره تتمنى راحة غيرها هي اول تستانس لما احد ينذل ويبكي وينفضح وجا الدور عليها نست ان الله يمهل ولايهمل..
××
هزتها:لمى يله اصحـــي..
لمى فتحت عيونها بثقل:خير وش تبين..
مها:ماراح تروحين معنا..
لمى عدلت جلستها:لوين..
مها:لتركــي..
لمى دق قلبها بسرعه وتغيرت لون وجهها بلعت غصتها وخطرت لها فكره في بالها ولازم تسويها لازم ترجع حبها وتركي لها قالت وهي تبتسم:طيب اطلعي وسكري الباب وراك ببدل..
مها وهي تطلع:لاتتأخرين بننتظرك في السياره..<<طلعت وسكرت الباب..
لمى نطت من سريرها:هين ياتركي يا انا اليوم يا انت..
××
رفع رجله على حافة الكنبه:هاه وش اخبار العرس امس..
ام راكان بحماس:والله يجنن السعوديه بكبرها بتتكلم عن زواجها..
مشاعل بغرور:والله الزواج كان عادي..
ام راكان:ايه مبين انه عادي ماكنك امس انهبلتي عليه..
مشاعل بوقاحه:انا ما انهبلت على الزواج انهبلت اللي في الزواج..
ام راكان بشك:وش قصدك..
مشاعل:والله انتي عارفه قصدي..
راكان:انتو وش سالفتكم تتكلمون بالألغاز..
ام راكان بتهديد:اسمعيني يالمجنونه لاتقربين منه تراه خطيب بنت اخوي..
راكان طاح قلبه نزل رجله وعدل جلسته قال بدون ملامح:ريـــــم..
ام راكان:بسم الله عليك لامو ريم مها..
راكان تنهد بأرتياح ومرر يده على شعره لف وجهه للشباك وبلع غصته”داري اني ماراح اتزوجك ما ابي اظلمك واهدم حياتك بس لو صار وتزوجتي بذبحه وبذبح نفسي”..
مشاعل انتبهت لحركته ورفعت حاجب بأستغراب:وش فيك سكت تبيها..
راكان وقف وبعصبيه:انتي هيه وش هالحكي..
مشاعل كشرت:ما قلت شي..
راكان التفت على امه:ربي بنتك زين لاتفشلنا عند خلق الله..<<طلع الدرج بسرعه وخبط بالباب..
مشاعل بقرف:ولدك هذا على ايش شايف نفسه..
ام راكان:انتو الاثنين متى بتكبرون كأنكم بزران..
مشاعل:والله علمي ولدك..
ام راكان:اقول اسكتي صدعتي راسي..
هيفاء نزلت وهي حاطه الاي بود في اذنها وتتمايل بجسمها اشرت لهم وبدلع:هاااااي..
ام راكان:وش سالفتها اختك هالايام..
مشاعل ابتسمت بخبث”والله ماتدرين من طايحه عليه مالت علي”:وانا وش يعرفني اسأليها..
ام راكان:متأكده انك ماتدرين عن شي..
مشاعل بغرور:لا ولا ابي ادري عن شي لانها ماتهمني..
هيفاء شالت الاي بود وهي مكشره:آآآآه بس متى بتزوج وافتك..
ام راكان ضربتها بخفه:تو الناس على هالحكي..
هيفاء”والله لو جا احمد يخطبني وعرفتي من هو ولده اول وحده بتوافق انتي”:على فكره تراني بثالث ثانوي..
ام راكان بأستهزاء:احلفي عاد..
هيفاء ابتسمت بدون نفس:والله..
مشاعل ناظرت هيفاء بأحتقار وبعدها لفت على امها وبدون نفس:ترى اليوم بتجيني منو..
ام راكان كشرت:ذا المنو ابد ما ارتحت لها..
مشاعل:ليه وش سوت لك..
ام راكان:قليلة ادب وبعدين انتي ليه مصادقه وحده اكبر منك..
مشاعل:عادي وش فيها ترى مابيني وبينها إلا خمس سنوات..
ام راكان:وخمس سنوات شويه..
مشاعل:مو المهم العمر اهم شي الاخلاق..
هيفاء هنا انفجرت من الضحك:ههههههههههههههههههههههههههههههه..
ام راكان ومشاعل ناظروها بأستغراب..
ام راكان:ضحكينا معك..
هيفاء:شوفوا من يتكلم عن الاخلاق..
مشاعل بعصبيه:اقووول انتي خلك في نفسك احسن (وناظرتها بتهديد وحركت فمها بدون صوت) احمد..
هيفاء طاح قلبها:وش قصدك..
مشاعل بتحدي:انتي عاد افهميها..
ام راكان تناظرهم بأستغراب:خير وش فيكم..
هيفاء مقهوره من مشاعل وخاصه انها قالت احمد:مافينا شي..
مشاعل وقفت:ماما صحيني المغرب علشان منو..<<طلعت فوق وهيفاء لحقتها دخلت مشاعل غرفتها وماسكرت الباب لانها عارفه ان هيفاء وراها..
هيفاء دخلت وسكرت الباب برجلها وبعصبيه:وش فيه احمد..
مشاعل لفت عليها:اذا فكرتي تسوين حركه من هنا وإلا من هنا شغلك عندي انا وقت الجد ما اعرف لا اخت ولا اخو حتى امي ماتهمني..
هيفاء ببرائه:طيب انا وش سويت ووش دخل احمد..
مشاعل:احذرك بــــس ويله انقلعي عني..
هيفاء بلعت غصتها اللي واقفه قدامها عدوه ماكأنها اختها:طيب اذا فكرتي تسوين اي شي سويه فيني لو تبين تقتليني اقتليني بس احمد لايجيه شي..<<طلعت وسكرت الباب..
مشاعل بأستهزاء:اموووت على الحب..
××
مشى بخطوات بطيئه وهو يأشر على فمه حط يده على عيونها وباس خدها بقووووووه..
ريم حطت يدها على يده:مشعل بعد بلا سخافه..
:وحشتيــــني..
ريم بصدمه نزلت يده ولفت وصرخت:خالــــــــــــــي..
فارس ضحك وحظنها:وحشتيــــني مووووت..
ريم بكت وهي في حظنه ولاقدرت تتكلم..
فارس بعد عنها وبعد شعرها عن وجهها وبمزح:انا كم مره قلتلك لاتقولين لي خالي..
ريم ضحكت وسط دموعها:ههههههههههههههههههههه..
فارس:كيفك ياقلبي..
ريم مسحت دموعها:الحمد الله تمام وحشتــني مووت متى رجعت..
فارس:امس في الليل..
ريم:طيب ورا ماجيت عندنا وليه ما اتصلت وقلت انك بتجي..
فارس:طيب شوي شوي علي..
ريم:ههههههههههههههههههه وش اسوي مشتاقة لك..
فارس:حتى انا مشتاق لك وين امك..
ريم:نايمه امس كنا رايحين زواج ومارجعنا إلا متأخر..
فارس مسك يدها وجلسها:طيب تعالي قولي لي وش اخبارك وحشتني سواليفك..
××
مسحت دموعها ونزلت وقلبها تزيد نبضاته خوف وارتباك من ردة فعله..راحت للرسيبشن وسألت عن غرفته..لفت وهي ضاغطه على شنطتها ومشت في الممرات بخطوات ثقيله..مشت وهي تحس انها ماشيه اميااال..
طاحت عيونها على رقم الغرفه وبلعت غصتها ورا هالباب موجود هو..فركت يدينها بتوتر وخوف..مدت يدها بتدق الباب بس خافت ونزلت يدها..حطت يدها على قلبها وغمضت عيونها وهمست بصوت مرتجف..
:يارب ساعدنــي..<<مدت يدها ودقت الباب وصلها صوته الضعيف والمبحوح..
:ادخــــل..
شهقت بخوف مو معقوله اللي سمعته هذا صوت تـــــركي..حطت يدها على قبضة الباب وفتحته ودخلت شافته متمدد على السرير وحاط ذراعه على عيونه..ويده الثانيه مكسوره وراسه ملفوف..
استغرب ماسمع صوت ولاحركه رفع ذراعه ولف عليها وانصــــــــدم شاف انسانه او شبه انسانه معدومــه ضايعه عيونها حمرا وذبلانه وجهها اصفـــر يدها ملفوفه بأهمال شعرها طايح على وجهها ومو مرتب عبايتها كانت مسكره وحاطه الطرحه على كتفها قالت بصوت مبحوح..
:ممكن ادخل..
تركي ناظرها من فوق لتحت بأحتقار وابتسم بأستهزاء:مين نوف هلا والله..
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية تموت عيونهم فيني و أنا بك ميته عيني)