رواية الصفقة الفصل الثامن 8 بقلم مريم خالد

رواية الصفقة الفصل الثامن 8 بقلم مريم خالد

رواية الصفقة البارت الثامن

رواية الصفقة الجزء الثامن

رواية الصفقة الحلقة الثامنة

شادو:انتي ايه اللي بتقوليه دا… انتي وبنتك بتضحكوا عليه؟!!!… انا لازم اقول ليونس؛!!!
فريال وهي بتمسك شادو من دراعها وبتبصلها بنظرة مرعبة:مش هتقدري… عارفة ليه… عشان انتي وهو مش بتحبوا بعض.. انا سمعتكوا وانتوا بتتكلموا… انتوا بتضحكوا علينا… بس انا عجبتني لعبتكوا…وقررت العب معاكوا…بس لمصلحتي…وانا متاكدة اني انا اللي هكسب..
شادو:لعبة ايه؟!!!… وسمعتينا فين؟!
فريال:سمعتكوا وانتوا واقفين فالبلكونة من كام ساعة… بعد الخطوبة… كنت فالجنينة ساعتها… وبعدها قررت ان سارة تمثل انها تعبت.. عشان الموضوع ميطولش اكتر من كدا.. طالما ان يونس مبيحبكيش… بس من كلامه كان واضح انه بدا يتشدلك… ودا خطر… فكان لازم اتصرف
شادو:بس انا يونس هيصدقني لو قولتله اللي سمعته
فريال: لا…..عارفة ليه.. عشان لعبتكوا دي معناها ان يونس بيحب بنتي لسه… وانه مبيحبكيش… يعني مش هيصدقك يا شادو… وانتي معكيش دليل… كمان انتي من مصلحتك ان يونس يفضل مع سارة.. وانه يرجعلها.. عشان تاخدي فلوسك وتخلصي من الخطوبة دي… مش انتي عايزة كدا برضو… وانا قصاد دا مش هخلي شكلك وحش قدام العيلة… مش هخليهم يشوفوكي واحدة بتعمل اي حاجة عشان خاطر الفلوس…
شادو:انتي ازاي بتهدديني كدا؟!!… انتي عايزة فلوس يونس ليه انتي وسارة؟!!
فريال:ملكيش فيه… ومتتكلميش معايا كاني مجرمة اني عايزة من يونس فلوسه…. انتي كمان عايزة منه فلوس.. ولولا الفلوس مكنتيش هتوافقي تلعبي اللعبة دي معاه
-بتمشي شادو وهي منهارة وبتفكر فكلام فريال…. هي فعلا عندها حق… شادو عملت كدا عشان الفلوس… هي متفرقش حاجة عن فريال وبنتها… بس لا… هي فعلا حاسة انها لازم تقوله… هي بجد حاسة ان يونس فخطر وهي لازم تنبهه… بس هي فعلا معندهاش دليل… فقررت انها تتصرف بذكاء.. واول حاجة عملتها.. انها كلمت اصحابها عشان يفكروا سوا فحل… –
شادو:الو…. ايوا يا مراد… تعالى انت وداليا عالكافيه بتاعنا….ايوا يبني… عالكافيه بتاعنا.. بعد ساعة… باي.

-بعد ساعة فالكافيه-
مراد:ايه يبنتي… في ايه؟!
-شرحت شادو ليهم الموضوع-
داليا:وانتي شايفة ان ايه اللي المفروض يحصل ؟!
مراد:اللي انا مش قادر افهمه.. ليه عمتك مفضحتكوش قدام الكل وبكدا برضو هتبقا بعدتك عن يونس؟!!
شادو:ببساطة لانها مش عايزاني ابعد عن يونس وخلاص… لا هي عايزة يونس يتجوز بنتها… ولو فضحتنا قدام العيلة هتدخل فمشاكل مع يونس..ودا مش هيخليها توصل للي هي عايزاه.. عشان كدا قررت تاخده بالحنية عشان يصدق
داليا:يااه دا انتي عمتك دي مش سهلة ابدا
مراد:طب وهي برضو مصلحتها ايه من جواز بنتها من يونس.. ايه سر الاصرار الغريب دا عليه؟!!
شادو:الفلوس…. بس مش عارفة هي عايزة ايه من الفلوس دي.. اسمعوا… انا عندي خطة… بس مش هقولهالكوا دلوقتي… المهم اننا مسافرين بكرة اسكندرية.. وانتوا هتيجوا معايا
مراد:طمني قلب اخوكي وقوليلي… ديما جاية معانا؟!
داليا:بذمت دا وقته؟!
شادو:ااااه يا حبيبي جاية… بس ابوس ايدك يا مراد ركز معايا عشان نخلص الحوار دا… ولا انت يرضيك اخو حبيبة القلب يتنصب عليه وانت ساكت.. والله اقولها انك معرفتش تتصرف وساعتها انساها للابد
مراد:لا لا لا.. وعلى ايه.. قولي… كلي اذان صاغية
داليا:اوعدك انك هتشوفي مراد جديد.. طالما الموضوع فيه ديما
شادو:بص يا مراد احنا هنتحرك الساعة 9 الصبح انا وداليا مع العيلة..
مراد:طب وانا؟!!
شادو:انت هتحصلنا بس بعد ما تعمل اللي هقولك عليه…
-تاني يوم –
داليا:انا هركب معاكي عربيتك بقا ماشي؟!..
شادو:ايوا ماشي… اركبي بس وانا هرجعلك تاني….
شادو:يونس… انا اسفة اني مجيتلكش امبارح زي ما اتفقنا… بس انا قولت لما نبقا قدامهم هناك احسن … عشان يعني كلهم يبقوا موجودين…

يونس:ماشي اللي تشوفيه… انتي هتروحي ازاي صحيح؟!
شادو:بعربيتي.. عادي
يونس:لوحدك؟!.. ما تيجي تركبي معايا لو عايزة… انا هروح لوحدي
شادو:لا ما انا معايا داليا.. شكرا
يونس:انا قولت يعني عشان شكلنا قدام العيلة..
شادو:لا عادي.. وبعدين احنا مش قولنا مبنحبش التلزيق؟!
يونس:اه صح… طيب… يلا ولا ايه؟!
شادو:اه يلا
-بعد ساعتين في اسكندرية-
صالح:حمدالله عالسلامة يا ولاد..
فؤاد:الله يسلمك يا بابا…
-بيروح يونس للعيلة فالڤيلا-
يونس:اومال فين طنط فريال وسارة؟!
فاروق:فريال جاية بيها فعربيتها و يعني بتسوق بيها بالراحة عشان هي لسه تعبانة…
فؤاد:وانت بتسال ليه يا يونس..
يونس:عادي يا بابا هي بنت عمتي برضو ولازم اسال عليها
سلوى:هو صحيح يا يونس.. انت ازاي عرفت ان سارة تعبت ووديتها المستشفى؟!
يونس:لانها كانت عندي فالاوضة
فاروق:نعم يا خويااا؟!!! كانت عندك بتهبب ايه؟!!
يونس:كانت بتقولي الحقيقة اللي لازم الكل يعرفها … انها بتحبني.. وانا اكتشفت اني لسه بحبها..
شادو:لا يا يونس… انت غلطان.. وانا كمان كنت غلطانة… سارة عمرها ما حبتك..

يونس وهو بيهمس لشادو:ايه اللي بتعمليه دا … انتي المفروض تبداي معايا الخناقة دلوقتي
شادو:انا مش همثل تاني يا يونس…. انا بتكلم بجد… احنا الاتنين اتخدعنا ف سارة…. سارة عايزاك عشان فلوسك
يونس وهو بيهمس لشادو:انتي ليه بتقولي كدا… انتي بتعملي كدا عشان يعني خايفة اخلف وعدي معاكي؟!!… انا والله هنفذ وعدي
شادو:يا يونس صدقني.. انا والله بتكلم بجد… انت ليه مش عايز تصدق… سارة كانت بتخدعك
فاروق:انا مش فاهم حاجة…. ايه اللي بيحصل ؟!!
شادو:اللي بيحصل ان انا ويونس مش بنحب بعض ولا حاجة… احنا كنا عاملين تمثيلية عشان يونس يرد اعتباره قدام سارة..فمقابل ان يونس يديني محصول اخلص بيه ال deal بتاعي .. بس سارة مثلت علينا انها ندمانة.. وانا منكرش اني صدقتها…فطلبت من يونس انه يرجعلها ونوقف تمثيل… لحد امبارح واحنا فالمستشفى… سمعت فريال وهي بتتفق مع الدكتور على فلوس هتديهاله نظير كدبه علينا ان سارة عيانة.. والفلوس دي هتديهاله لما تاخدها منك يا يونس…
يونس:انتي اكيد كدابة… انتي بتقولي كدا عشان انتي خايفة مديكيش المحصول… والله انا هديهولك… لو عايزاه دلوقتي موافق… بس متقوليش عليها كدا يا شادو…
مراد:لا يا يونس… شادو مبتكدبش.. وانا عندي الدليل…

يتبع …..

لقراءة الفصل التالي : اضغط هنا

لقراءة جميع فصول الرواية اضغط على (رواية الصفقة)