رواية الوردة الدبلانة الفصل الرابع 4 بقلم حسام محمد

رواية الوردة الدبلانة الفصل الرابع 4 بقلم حسام محمد

رواية الوردة الدبلانة البارت الرابع

رواية الوردة الدبلانة الجزء الرابع

رواية الوردة الدبلانة الحلقة الرابعة

المشهد الاول
———————–
حسن : اخيرا يا وردة خلصنا من موضوع رانيا اختي و هنفضي احنا لموضوعنا يا جميل
وردة : تفتكر يا حسن
حسن : ايه تفتكر دي … طبعا هيحصل الكلام دة ان شاء الله
وردة : و الله انا خايفة يحصل حاجة تانية … احسن احنا الاتنين فقر من يومنا و الله يا حسن
حسن : يا ستي متقوليش كدة ان شاء الله خير
وردة : يا رب يا حسن … احسن انا خلاص فقدت الامل في كل شئ
بعد لحظات تدخل احلام والدة حسن الغرفة
احلام : بتكلم مين يا حسن كل دة … انا من الصبح بنادي عليك
حسن : مفيش بكلم وردة يا امي
احلام : طب سلملي عليها … و خلص و تعالي عشان عايزاك انا و باب برة في الصالة
حسن : حاضر يا امي هخلص و اجي ورا حضرتك … امي بتسلم عليكي يا وردة
وردة : سلملي عليها
———————————-

المشهد الثاني
———————–
يخرج حسن من غرفته و يخرج علي الصالة للحديث مع والده و والدته
حسن : نعم يا بابا … حضرتك كنت طلبتني
عبد الله : اه … عايزين نخلص من موضوعك انت و وردة بقي و بعدين مينفعش كل ما حد يخش عليك يلاقيك بتتكلم معاها في التليفون
حسن : و فيها ايه يعني يا بابا … وردة خلاص هتبقي خطبتي و لولا مشكلة رانيا كان زمانا مخطوبين من بدري … و مهما كان دي بنت عمي
عبد الله : برضو يا حسن مينفعش … لسة مفيش حاجة رسمي لحد دلوقتي و الغلط غلط و الصح صح و متنساش أن عندنا بنات و اللي منرضهوش علي بناتنا منرضهوش علي بنات الناس و متنساش أن دي قبل اي شئ بنت اخويا و اي حاجة هتمسها هتمسنا احنا كمان … انا مش عايزك تزعل من كلامي بس عايزك تعرف الصح من الغلط
حسن : حاضر يا بابا … هقلل من كلامي معاها
عبد الله : يا ريت يا ابني …. و عشان كمان لو مفيش نصيب ماتبقاش علقت البنت بيك علي الفاضي . .. و انا هتكلم مع ابوها و نحدد ميعاد نروح نزورهم و نتفق علي كل حاجة
حسن : حاضر يا بابا …. هعمل كل اللي حضرتك تقولي عليه
—————————-
المشهد الثالث
———————-
يدخل عاصم بيته و ينادي بعلو صوته علي زوجته سحر و بنته وردة
سحر : أيوة يا عاصم في ايه
عاصم : فين وردة
سحر : في أوضتها …. ليه

عاصم : عايزها ….. و عايزك تعالي ورايا
يدخل أوضة وردة و تدخل وراه سحر زوجته
عاصم : وردة يا حبيبتي
وردة : نعم يا بابا
عاصم : دلوقتي عمك عبد الله كلمني النهاردة …. و قالي أنه جاي بكرة هو و حسن عشان يتكلموا رسمي و نتفق علي كل حاجة
سحر : هما خلصوا اصلا موضوع رانيا
وردة : اه يا ماما و رجعت مع جوزها بيتهم
سحر : و انتي عرفتي بقي كل الاخبار دي منين
وردة : انا … اه كنت كلمت امبارح رحاب و سألتها علي اخبار رانيا و قالتلي انها رجعت بيتها بس بعد ايه بعد ما عمي بهدله
سحر : و الله يعني انتي عرفتي الاخبار دي من رحاب
وردة : اه
سحر : يعني مش حسن اللي قالك الاخبار دي
وردة : حسن … هو انا اكلم حسن فين
سحر : يعني لما بتخشي تتكلمي في اوضتك في التليفون بالساعات … كنتي بتكلمي رحاب للدرجادي بتحبيها
وردة : اصل …. اصل
سحر : بلا اصل بلا فصل انا خلاص رميت توبتك … انتي مفيش فايدة فيكي و خليكي كدة
عاصم : خلاص يا سحر …. المهم زي ما فهمتكم وضبوا بقي الدنيا عشان الناس اللي جاية بكرة دي
سحر : يالا يا أخرة صبري نبدأ ننضف البيت … يالا
وردة : يالا يا ماما
——————————
المشهد الرابع
————————
عاصم : يا اهلا يا اهلا يا عبد الله يا اخويا …. و الله شرفتوني و انستوني
عبد الله : الله يخليك يا عاصم … انت عارف ان القعدة دي كانت المفروض تبقي من فترة لكن النصيب و موضوع رانيا بنتي عطلنا
عاصم : طبعا طبعا … الله يكون في العون
عبد الله : عارف يا عاصم يا اخويا الواحد بيصدق يجوز حد من ولاده بيقول أن خلاص هيستريح منه لكن ميعرفش أنه هيلاقيه فوقيه هو و مشاكله
—————————-

المشهد الخامس
———————–
سحر :- انتوا بتعملوا ايه يا بنات …. و مدخلتوش حاجة للناس ليه
وردة :- مفيش يا ماما …. ما احنا بنجهز حاجة نقدمها اهو
سحر :- كل دة …. الناس خلاص زهقت … انجزي شوية يا وردة
وردة :- حاضر يا ماما … و بعدين هما مش غرب
شهد :- صحيح يا ماما …. هما مش غرب و عارفين أن وردة مبتعرفش تعمل حاجة ههههههههه
وردة :- و الله …. طب كملي انتي بقي
شهد :- خدي يا وردة انا بهزر معاكي
سحر :- يا بنات خلصوا الاول و دخلوا الحاجة احسن ابوكوا يزعق و بعدين ابقوا هزروا و اضحكوا مع بعض زي ما انتوا عايزين
وردة : حاضر يا ماما
——————————-
المشهد السادس
———————-
عبد الله :- المهم يا عاصم يا اخويا …. انت ايه طلباتك
عاصم :- بص يا عبد الله يا اخويا …. انا ماليش طلبات مهما كان حسن دة ابنك يعني ابني الاهم من دة كله أنه راجل يعتمد عليه و أنه هيحافظ علي وردة
حسن :- بس يا عمي برضو حضرتك مقولتلناش علي طلباتك
عاصم :- بص بالنسبة للشبكة هتجيب زي كل الناس ما بتجيب دبلة و محبس و خاتم
عبد الله :- طب باقي الطلبات يا عاصم
عاصم :- يا عبد الله ما انا قولتلك حسن دة زي ابني
حسن :- يا عمي ابوس ايدك ريحني و عرفني طلبات حضرتك ايه
عاصم :- مانا بريحك اهو يا حسن اعمل ايه تاني … يا عم اللي انت تجيبه … كدة كدة دي شقتك انت و مراتك و انتوا اللي هتعيشوا فيها
حسن :- يا عمي حضرتك مصمم تتعبني ليه
عبد الله :- طب بص يا عاصم احنا هنجيب ال ٣ اوض و السفرة و هنعمل الستائر و انتوا عليكوا أجهزة الكهرباء و التنجيد و السجاد

عاصم :- و انا موافق علي خيرة الله ….
عبد الله :- نقرأ الفاتحة
عاصم :- نقرأ الفاتحة
عبد الله :- الف مبروووك يا حسن
——————————
المشهد السابع
———————
وردة :- ايه دة ….. ايه صوت الزغاريط دة
شهد :- اكيد اتفقوا علي كل حاجة …. مبروووك يا وردة
وردة :- الله يبارك فيكي يا شهد عقبالك
شهد :- أمتي بس يحصل
وردة :- مالك كدة يا شهد مستعجلة علي ايه …. بكرة تتجوزي و تحصليني
————————–
المشهد الثامن
———————-
احلام :- بس مش كتير يا عبد الله الاتفاق دة علي حسن
عبد الله :- كتير …. يا احلام هو اكل و بحلقة لاء طبعا مش كتير لان اللي هو شايله مش شوية … و بعدين يا احلام حسن لازم يفهم أن الجواز مش بالساهل
احلام :- يا ابو حسن انا بس كان قصدي أنه يشيل أوضة مع ابنك
عبد الله :- لاء مكانش هينفع اتكلم معاه في حاجة زي كدة و بعدين انا عايزك تفهمي أن عاصم اخويا عمل مع ابنك زي مانا عملت مع حسين جوز بنت رانيا و مرضاش يعمل معاه زي ما عمل مع جوز ميرفت بنته الكبيرة
احلام :- يا عبد الله انت هتجيب ابنك حسن للظابط اللي اتجوز ميرفت
عبد الله :- انا بعرفك بس أن عاصم كان رحيم بحال ابننا …. و اللي يخليه يعمل كدة أنه عارف كويس أن حسن و وردة بيحبوا بعض من و هما لسة اطفال و هو قالي الكلام دة بنفسه
—————————–
المشهد التاسع
————————
رانيا :- الوووووو
ميرفت :- أيوة يا رانيا ….. عاملة ايه
رانيا :- اهلا ازيك يا ميرفت … انا الحمد لله تمااام …. انتي ايه اخبارك
ميرفت :- اهو الحمد لله تمااام …. مبروووك يا ستي علي قراية فاتحة حسن و وردة
رانيا :- الله يبارك فيكي يا حبيبتي …. مبروووك علينا احنا الاتنين
ميرفت :- بقولك ايه يا رانيا
رانيا :- خير يا ميرفت اتفضلي قولي
ميرفت :- كنت عايزة منك رقم سارة
رانيا :- سارة … سارة مين

ميرفت :- سارة عبد الوهاب يا رانيا
رانيا :- سارة … طب خير كنتي عايزاها في ايه
ميرفت :- عايزة اسال عليها يا رانيا … انتي اسالتك كتيرة كدة ليه … هي مش صاحبتي زي ما هي صاحبتك
رانيا :- طب خلاص هابعتلك رقمها علي الواتس
ميرفت :- ماشي هاستني منك تبعتيلي الرقم …. متنسيش
رانيا :- لاء خلاص متخافيش مش هانسي و هبعتلك الرقم علي طول
ميرفت :- طب خلاص …. يالا سلام
رانيا :- سلام يا ميرفت …. سلام
رانيا تقفل السكة و تسال و تقول يا تري عايزة سارة في ايه يا ميرفت
حسين :- مالك يا رانيا … سرحانة في ايه
رانيا :- مفيش بافكر في حاجة كدة
حسين :- حاجة …. حاجة ايه
رانيا :- لاء… ولا حاجة …. المهم انت متشيك كدة و رايح علي فين
حسين :- مفيش خارج
رانيا :- خارج …. و خارج رايح علي فين ان شاء الله
حسين :- مفيش رايح ازور واحد صاحبي
رانيا :- يعني مينفعش تروح لصاحبك الا و انت متشيك يا حسين
حسين :- يعني اروح له معفن يا رانيا
رانيا :- حسين انا مش مرتحالك انطق رايح علي فين
حسين :- ايه دة انت بتغير عليا ولا ايه يا جميل
رانيا :- بغير عليك

حسين :- و فيها ايه يعني لما تغيري عليا هو انا مش جوزك ولا ايه
رانيا :- انت عايزني اغير عليك ليه …. انت فاكر نفسك حسين فهمي ولا ايه …. و علي العموم روح يا حبيبي لصاحبك بالسلامة و القلب داعيلك
حسين :- اعوذ بالله من لسانك يا شيخة … الواحد عمره ما يسمع منك كلمة عدلة ابدا

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية الوردة الدبلانة)