رواية جائزة السماء الفصل الثامن عشر 18 بقلم إيمان

رواية جائزة السماء الفصل الثامن عشر 18 بقلم إيمان

رواية جائزة السماء البارت الثامن عشر

رواية جائزة السماء الجزء الثامن عشر

رواية جائزة السماء الحلقة الثامنة عشر

 

أيه بجد ياسميح انت بتتكلم بجد
طب تعالى جنبى هنا وبص وركز كويس أدى واحد اتنين تلاته اربعة
فلم يتمالك يوسف نفسه واخذ يقفز من الفرح وهو يحمد الله
أيه يابنى أنت اتجننت خلاص ما توقف كده وتركز وانت ياست صفية مالك سكته كده ما تقوليلوا حاجة
تصدق بالله يا دكتور

 

 

لا اله الا الله
أنا عوزة أقوم اعمل زيه كده
انتوا اتنين محانين بقه اوعى تعمليها انت لازم تاخدى بالك كويس اوى من نفسك الكام شهر الجايين عشان تمر الفترة دى على خير وتقومى بالسلامة انت والولاد
يوسف : انا جبت وحدة تساعدها ومش بخليها تعمل حاجة خالص
كده احسن وربنا يتمملكم على خير وعقبالى يارب عقبااااالى

 

 

فقال الاثنان معا ياااااارب
بقولك أيه ياصفية انا حوصلك بقه وانزل لثريا ماشى انا حاسس ان انهاردة يوم خير وبركة كده وان . ان شاء الله حقنعها واخليها تخرج للدنيا تانى
طب خلاص ادخلها وربنا يصلح حالها يارب وانا حكمل الدور اللى فاضل ده
لالا انا حطمن عليك الاول وانزل
سمعت فوزية طرقات على الباب فأسرعت بفتحه لتجد يوسف أمامها
سى يوسف ازيك

 

 

ازيك انت يا فوزية
ان شالله تسلم يا سى يوسف
بقولك ايه هى ثريا فى أوضتها
ايوة قاعدة وقفلة على نفسها
طب بقولك ايه ادخلى قوللها انى عاوز ادخلها
طيب
ذهبت فوزية لغرفة ثريا ثم عادت على الفور تقول ليوسف : بتقولك تعالى
السلام عليكم
وعليكم السلام ورحمة الله وبركاته

 

 

 

ازيك يا ثريا عامله ايه
قاعدة اهو زى ما انت شايف
وحتفضلى ع الحال ده كتير وتعبه قلبى وقلب ابوك كده حتى كليتك اللى كنت بتحبيها مباقتيش تروحيها تقدرى تقوليلى حتستفادى ايه من كل ده
مش قادرة اقابل حد ولا اشوف حد بعد اللى حصل
لا انت اول ولا اخر وحدة اخوها يموت وامها نفسيتها تتعب

 

 

تقصد اخوها ينتحر وأمها تتجنن
ماشى صح برضو انت ايه ذنبك فى كل ده وليه تضيعى مستقبلك مش فاهم انا
خلاص يايوسف مبقاش ليا نفس لحاجة
وده يرضى ربنا تضيعى مستقبلك والحياة اللى فتحالك درعتها وتموتى مع اللى ماتوا ان كنتى فقدتى منصور فأنا بداله ياستى ومستعد اعمل اى حاجة فى الدنيا دى كلها بس اشوفك مبسوطة
يااااه يا يوسف انت طيب وحنين وقلبك كبير ياريتك كنت قاعدت معايا القعدة دى من زمان اوى يمكن مكنش كل ده حصل
قدر الله وماشاء فعل وكل شىء بوقته ها قولتى ايه حتريحى قلبى وتخرجى بقه للدنيا وتشوفى مستقبلك وكمان تريحى الراجل اللى رايح جاى ع الحارة عشان يجبلك المحاضرات لحد عندك الراجل ياحرام تعب مالمرواح والمجى
راجل مين ده !!!!

 

 

 

المعيد بتاعك اللى كل يوم والتانى يا عينى يدب المشوار للحارة عشان خاطرك
مين ده !!!
أشرف ياستى أشرف عبد الرؤوف مش اسمه كده برضو
ايه !!! هو اللى بيجيب المحاضرات وبنفسه انا فكرت ان حد من زمايلى
لا هو بذات نفسه أصله ياستى معجب ولهان
نعم !!! انت بتقول ايه يايوسف
بصى هو الحقيقة طلب ايدك منى وقالى اسألك انت والحاج رأيكم ايه وساب الكارت بتاعه عشان ابلغه الرد ها ايه رأيك
انا راى راى ايه

 

 

ايه مش موافقة خلاص بلاش وحجوزك سيد سيده
ايه يا يوسف انا لسه نطقت ولا قولت اى حاجة
طب ايه قولى عوزة تقولى ايه
طب ابويا رايه ايه
انا قولت اسألك الاول عشان لو قولتى لا يبقه مفيش موضوع من الاساس لكن فى حالة انك موافقة حسأل عنه الاول هو وعيلته وأجيب قراره عشان لما ابلغ الحاج تبقة الصورة كاملة هو ساعتها بقه اللى يتمم الموضوع ها قولتى ايه بقه يا بنتى وجعتى قلبى
انا وجعت قلبك هو انا عملت حاجة
طب قولى ياقلب اخوك اه نسيت اقولك حاجة أشرف مرشح لبعثة وعشان كده لو وفقتى الجواز حيتم فى اقرب وقت عشان تسافرى معاه واهو ياستى تبقى حققتى اللى كان نفسك فيه طول عمرك وطلعتى من الحارة اللى مش عجباك
طب ممكن تسبنى بس يومين افكر فى موضوع اشرف ده
برحتك خالص بس بشرط
شرط ايه
انك من بكرة تنزلى كليتك والجدول بتاعك اهو

 

 

انت مرتب كل شىء بقه
ايوة قولتى ايه
خلاص يا يوسف حنزل كليتى من بكرة
فلم يجيبها بشىء بل جذبها على الفور واحتضنها بشدة
ياااه يابت يا ثريا تصدقى حضنك حلو اوى بس بقولك ايه اوعى تقولى الكلام ده لصفية
فانفجرت فى الضحك وملاءت الدموع عينيها فمسحها يوسف بيده ثم قال
صحيح انا قولتلك سميح قالنا صفية حامل فى أيه
لا مقولتش ايه حتجيب ولد ولا بنت
لالالا المسألة تعدت المرحلة دى
يعنى ايه مش فاهمه
ماشاء الله ماشاء الله صفية حامل فى وأشار لها بأصابعه الاربع
ايه انت تقصد ايه يايوسف صفية حامل فى اربع اطفال
فأومأ لها برأسة أن نعم
بجد يا يوسف بجد ماشاء الله الله أكبر تعرف يا يوسف دى جايزة ربنا ليكم عن كل اللى حصلكم
فعلا يا ثريا أنا برضو حاسسها كده مش حترضى عن صفية بقه وتطلعى تبركلها وتخدى بالك منها يا عمتو
فقالت بخجل : انا عملت معاها كتير واكيد مش ممكن تسامحنى

 

 

 

طب تصدقى بالله
لا اله الا الله
انا لما قولتلها انى جاى اكلمك عشان تخرجى من اللى انت فيه فضلت تدعيلك دعا دا يمكن دعاها ليك هو اللى خلاك ربنا يهديك وتسمعينى وتستجيبى لكلامى
انتوا طيبين اوى اوى يا يوسف انا ازاى كنت بتعامل معاكم وحش
خلاص بقه قولنا حننسى اللى فات بقولك ايه ماتيجى أخدك انت وابوك ونطلع نتعشى عندى واقول لبوك على خبر العيال ده عشان نخليها ليلة الافراح بيكى وبالعيال

 

 

خلاص انا موافقة
طب قومى غيرى هدومك واغسلى وشك كده وفوقى عقبال ما اروح اقول للحاج كمان

 

 

لقراءة الفصل التالي : اضغط هنا

لقراءة باقي حلقات الرواية اضغط على (رواية جائزة السماء)