رواية المنبوذة الفصل السادس 6 بقلم جيجي

رواية المنبوذة الفصل السادس 6 بقلم جيجي

رواية المنبوذة الجزء السادس

رواية المنبوذة البارت السادس

رواية المنبوذة الحلقة السادسة

مريم:ايييه رايك فى بنتك دلوقتى ،على ما اعتقد دلوقتى بقيت اعجبك مش كدا…
سوسن:بسم الله ما شاء الله بقيتى قمر يا مريومه…
مريم:مريومه!!!!انتى عارفه انتى بقالك قد ايه ما قولتليش مريومه دى__تقريبا من اعدادى…..سبحان الله للدرجادى جمالى كان فارق معاكى يا ماما…
سوسن:سيبك من الكلام الانشاء دا وقوليلى عملتى كدا ازاى واتخطبتى ازاى من غير ما تعرفينا…
كريم:بقولك ايه يا خالتو ممكن اخطف خطيبتى شويه علشان ارقص معاها…
سوسن:اتفضل يا روح خالتك ،روحى يا مريم ارقصى مع خطيبك
كريم وهو بيرقص سلو مع مريم ومندمج فى جو الاغنيه لدرجه انه نسى نفسه وبدأ يغنى لمريم بصوت عالى جذب المعازيم من حلاوة صوته….
النهاردة يا حبيبي سيبلي نفسك
ده انت عمري اللي عمري ما عيشته قبلك
انت مني مش بإيدي ده غصب عني
انت كلمة أحلى من كلمة بحبك
وأنا معاك بعيش واقدر واكون
ولا بخاف لو إيه في هواك يكون
لو ده جنان إيه أحلى من الجنون

نتجنن أكتر وأكتر كمان
وأنا معاك مبخافش من السنين
أنا هروح وياك لو روحت فين
أنا بجيب الجرأة دي منين
غيرت فيا كتير عن زمان
انت حالة من حالات العشق نادرة
انت ماضي وانت بردو حلم بكرة
كنت بحسب لما أحب هحب عادي
لما شفتك مين أنا مبقتش فارقة
وأنا معاك بعيش واقدر واكون
ولا بخاف لو إيه في هواك يكون
لو ده جنان إيه أحلى من الجنون
نتجنن أكتر وأكتر كمان
وأنا معاك مبخافش من السنين
أنا هروح وياك لو روحت فين
أنا بجيب الجرأة دي منين
غيرت فيا كتير عن زمان
وأنا معاك بعيش واقدر واكون
ولا بخاف لو إيه في هواك يكون
لو ده جنان إيه أحلى من الجنون
نتجنن أكتر وأكتر كمان

المعازيم كانو بيصفروا ويصقفوا ليهم لدرجه انهم نسيوا ان اليوم دا مش فرح مريم وكريم…دا كان فرح زياد وماهيتاب
زياد بغيره وغضب: للدرجادى اختك وابن خالك نسيوا نفسهم ومندمجين اوى…خلاااص يعنى الحب ولع فى الدرة…
ماهيتاب:دا بدل ما تقلدهم وتحسسنى ان دا فرحى….مهتم اوى بمريم…
زياد نظر لماهيتاب نظره …تعنى انتى مصدقه ان دا فرحنا بجد دا كله تمثيل…
ماهيتاب بكسره نفس فهمت نظرته كويس وسكتت…ماهى اصلها هتقول ايه. ….المفروض تحمد ربنا انه ستر عليها ورضى يتجوزها بعد اللِ حصلها…
مريم:صوتك حلو اوى يا كركر.. كنت مخبى عنى صوتك دا يا ظالم..
كريم بضحك:اخاف يختى لتحسدينى اصل عينك مدوره ومقوره…
مريم:بقااااا كدا طاااايب اما وريتك …هروح اعدل مكياجى وارجعلك تانى اوعاااا عينك تزوغ على اى واحده والا هخليك اعور انت فااااهم…
كريم: هو فى حد عاقل يبقى معاه القمر ويبص للنجوم…اطمنى هغمض عينى لحد ما ترجعى تانى…بس متتأخريش
مريم ذهبت لتعديل مكياجها وعند خروجها من حمام السيدات تفاجأت بزياد ينتظرها على الباب….
زياد:وحشتينى اوى يا مريم اهون عليكى كدا تغيبى عنى كل الوقت دا انا كنت بموووت من غيرك…
مريم:!!!!!زياااد مالك انت شارب حاجه ولا ايه..انت بقيت جوز اختى ايييه اللِ انت بتقوله دا…
زياد:انتِ مش فاهمه حاجه…دا جواز مش حقيقى….هبقى افهمك كل حاجه بعدين…انا بحبك يا مريم اوعى تتصورى انى هكون لحد غيرك ….
مريم:تفهمنى ايييه انت اكيد اتجننت. …
انا رايحه لخطيبى بعد اذنك….
زياد:انتِ رايحه فييين …انتِ ازاى قدرتى تتخطبى لحد غيرى …
مريم:ااه زيااااد سيب ايدى انت بتوجعنى…ثم انت مااالك دى حياتى وانا حره فيها انت خلاص بقيت جوز اختى شرعا وقانونا….يعنى حرام تكون جوز اختى وبتفكر فياااا انسانى يا زياد وعيش حياتك مع اختى ماهيتاب بتحبك قدر دا….
زياد بصوت عالى:انتِ مش فاهمه حاجه الجوازه دى مجرد تمثيليه شهر او اتنين وهطلقها .. اختك واحده مغت..
ماهيتاب:زيااااد متكملش من فضلك…
مريم:ماهيتاب !!!! هو فى ايييه مالكم انتوا مخبين عليا ايه….
زياد بغضب:اسألى اختك وهى تقولك…

مريم:فى ايييه يا ماهي ….اتكلمى….
ماهيتاب:عاوزه تعرفى ايييه…ان زياد اتجوزنى علشان يستر علياااا. ..انى ما بقتش بنت بنوت…انى واحده مغتصبه…وان زياد كتب الكتاب قدام الناس علشان يحافظ على سمعتنا قدام الناس بدل الفضايح….
مريم:ايييه!!!!!انتِ بتقولى اييييه……
امتى حصل الكلام دا وليه ماقولتليش هو انا مش اختك ولازم اقف جمبك …انتى شيفانى عدوتك…للدرجادى بتكرهينى…انتى فكرانى انى هشمت فيكى مش كدااااا ردى علياااا…..اخس عليكى انا اختك فاهمه يعنى ايه اختك ….انتى حته منى دمنا واحد ….
ماهيتاب: يعنى انتى مش شمتانا فياااا وفرحانه بالى حصلى …ربنا انتقملك منى علشان كنت بتريق عليكى …
مريم:تبقى عبيييطه لو تفتكرى انى ممكن اشمت فيكى او هعيرك انتى اختى الصغيره
يعلم ربنا ان قلبى بيتقطع عليكى كل لما افكر انك كنتى لوحدك فى المصيبه دى …تعالى يا عبيطه فى حضنى…احنا اخوات….
ماهيتاب تحضن اختها وتبكى بحرقه…..
مريم:خلاص ماتعيطيش مكياجك باظ تعالى اعدلك مكياجك عاوزاكى تكونى زى القمر النهارده فرحك يا عبيطه….
ماهيتاب:فرح ايه بقاااا ما العريس مش بيحبنى ولا بيطقنى….انا سمعت كل كلامكم هو بيحبك انتى يا مريم…احنا جوازنا سورى يعنى جواز على ورق شهرين كدا ونطلق…وتتجوزا انتوا بقااا وانا مش هزعل والله..
مريم:انتى عبيطه يا بت ولا واقعه على دماغك اتجوزه ليييه انتى مش شايفه الدبله اللِ فى ايدى ولا ايييه …
ماهيتاب: هو انتى بتحبى كريم…
مريم:طبعااااا اومال هتخطب ليه شفقه..ولا يكونش مديونه ليييه…دا كريم دا عسل والله حتت سكر كدا يا خرابى يتاكل اكل ابن الايه بحبه والله
كريم بغمزه:وانا بموووت فيكى يا قمر اتاخرتى كدا ليه هو انتى كنتى بتعدلى مكياجك ولا بتدهنى وشك…
مريم:ادهن وشى!!!!تصدق انت قفلتنى منك غووور ياااض…
كريم:عاجبك كدا يا ماهيتاب اختك مش بتحترمنى …بس على مييين بعد الجواز همشيهاااا على عجين ماتلغبطهوش…
مريم:كرييييم……
كريم:خلاااص هتنزل المرادى بس اعملى حسابك المرا الجايه لا ممكن تنزل ابداً
ماهيتاب بضحك:هههههههههههه خلاص انتوا اييييه هتموتونى من كتر الضحك دا انتوا مصيبه…

سوسن:انتوا بتعملوا اييييه هنا وسايبين الفرح…. الناس بتسأل على العروسه اقولهم ايييه واقفه عند الحمام بتهزر مع اختها وابن خالها… انتوا عاوزين تجلطونى…يلااا ياهانم منك ليهااا
زياد:اول لما دخلت مريم القاعه مع ماهيتاب وكان كريم ماسك ايدها اكنها هتهرب منه الدم غلى فى عروقى كنت عاوز اكسر ايده اللِ ماسك بيها ايدها ..مريم دى بتاعتى انا…دى حب طفولتى..
كريم:ايييه يا عريس هتفضل لازق فى الكرسي كتير قوم وارقص مع عروستك دى الليله ليلتك يا عرييييس….
زياد: وماله قومى يا عروسه نرقص. .
ماهيتاب:اااه براحه هتكسر ضلوعى….فى ايييه يا زيااد انت بتنتقم منى…
زياد:مش عاوز اسمع صوتك كله بسببك ..كان زمان دا فرحى على مريم لكن ازاى فضلتى تحربى لغايه لما طفشتيها على المانيا والنتيجه رجعالى مخطوبه من ابن خالها…

ماهيتاب بدموع:علشان كنت بحبك .. انت السبب انت اللِ قربت منى لحد ما لقيت نفسي بحبك انت كنت النفس اللِ بتنفسه . …ثم خلاص ربنا انتقملكم منى عينى بقت مكسوره وفرحتى اللِ كنت بتمناها بقت نكد وحزن…ارتاح واتبسط ماهيتاب اللى كانت بتبص للناس من فوق بقت ماتقدرش ترفع عنيها قدام اى حد….
زياد بتأنيب ضمير: انا اسف يا ماهيتاب…اعذرينى على كلامى اللِ قولته ليكى امسحى دموعك….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية المنبوذة)