رواية 30 يوم حياة 3 الفصل الثامن عشر 18 بقلم أميرة أسامة

رواية 30 يوم حياة 3 الفصل الثامن عشر 18 بقلم أميرة أسامة

رواية 30 يوم حياة 3 البارت الثامن عشر

رواية 30 يوم حياة 3 الجزء الثامن عشر

رواية 30 يوم حياة 3 الحلقة الثامنة عشر

 

البارت الثامن عشر ..
أعلن صباح تاني يوم العيد عن فرح اهم شاب في السيده زينب….زين الرجال
واللي كان استعداده استعداد اسطوري…استعدله كل الناس من كل مكان..😍❣️
…..صحي زين الصبح كله نشاط وحاسس ان الدنيا مش سيعاه من الفرح..
زين….صباح الخير يا امي
مدبحه….صباح الخير يا احلي عريس في الدنيا
قرب زين منها وباس راسها واعد جمبها خدته مديحه في حضنه بحب ودموع بتلمع في عينها.
مديحه….اتمنيت البوم ده كتير اوي يا زين.

 

 

باس زبن ايدها وهو نايم في حضنها
زين….عارف يا امي وانا كمان اتمنيته بس مكنتش اعرف اني هبقي فرحان اوي كده
مديحه…ربنا يجعل ايامك انت ووعد كلها فرح وحب وسعاده خد بالك منها عشان خاطري يا زين حطها في عينك واوعي في يوم تزعلها
زين…بتوصيني علي وعد يا مديحه ما انتي اكتر واحده عارفه اللي فيها
مديحه….عارفه انك بتحبها اكتر من نفسك بس لازم اوصيك عليها وعد بنتي يا زين مش بنت اختي. حته مني وغلبانه وبتحبك اوعي عمرك تتعصب غليها او تضايقها خدها براحه يا زين حتي لو في يوم زعلتك اعتبرها بنتك وصحبتك مش مراتك
زين….متخافيش عليها يا مديحه وعد فعلا بنتي وبخاف عليها من نفسي وبحاول اي وقت اتعصب مخليش عصبيتي تطولها ابدا عشان مقدرش اشوفها زعلانه انتي بس ادعيلنا وانا ليكي عليا احطها في عيني وفي قلبي والاهم من كل ده بطلي دموعك دي بقي انتي زعلانه اني هتجوز ولا ايه
مديحه…ياواد دي دموع الفرح

 

 

زين…بحب باس ايدها ربنا يفرحك علي طول يا امي ويخليكي لينا..هي وعد لسه نايمه ولا ايه.
مديحه…لا وعد صاحيه وكملت وهي موطيه صوتها وعلي ما اظن كده شكلها منامتش اصلا راحه جايه تظبط الشنطه اللي هتاخد فيها حاجتها وتحطها وترجع تخرج كل حاجه عالسرير تمسك الفستان تبص فيه شويه وترجع تشيله وتعلقه
زين…بأبتسامه وعد متوتره يا مديحه انا حاسس بيها بقالها كام يوم وعشان كده سايبها مش بحاول اضايقها ولا اتكلم معاها.
مديحه….انا دخلتلها من شويه كانت سرحان ومش دريانه بيا ولما حست قولتلها تخرج نفطر قالتلي لما زبن يصحي.
زين…طيب انا هدخل اشوفها عشان تجهز بقي يادوب نفطر وتجهز عشان اوصلها هي والبنات..
مديحه…ماشي يا حبيبي وانا هقوم احضر الفطار بسرعه
زين..ماشي يا ست الكل.
قام زين…وراح عالاوضه خبط وفتح
وعد كانت اعده علي حرف السرير اول ما شافته قامت وقفت وملامحها باين عليها الخوف والتوتر حتي أبتسامتها مكانتش ابتسامه عاديه كانت أبتسامه مصاحبها القلق والتوتر..
حس زين بيها وكان عارف من الاول خالص ان وعد خايفه منه ومن يوم الفرح فا كان بيحاول يبعد طول الوقت وميقربلهاش عشان ميخوفهاش منه اكتر.
فضل زين واقف علي الباب وماسك اوكره الباب..
زين….صباح النور.

 

 

وعد…احمم صباح الخير
زين…بتعملي ايه
وعد…مفيش كنت بحضر الشنطه وبجهز الحاجه اللي هاخدها معايا.
زين….انتي بقالك يومين تحضري الحاجه وتدخليها جوه الشنطه وترجعي تخرجيها تاني ولا كأن الموضوع عجبك وعملتيها لعبه
وعد….ابدا والله بس حاسه طول الوقت اني ناسيه حاجه فا بحاول اني اتأكد.
زين….لا حطي يلا الحاجه وقفلي الشنطه علي كده ولو حتي نسيتي اي حاجه كلميني وانا هتصرف وهجبهالك لحد عندك
وعد….طيب حاضر..
حب زبن يفكها شويه بس بطريقه غير مباشره..
زين….بقولك ايه يلا نفطر عشان بعد ما نفطر انا هطلع كده ابص علي حاجه في الشقه وهنزل تكوني جهزتي..
نسيت بسرعه وعد خوفها وتوترها..
وعد…شقه ايه
زين….شقتنا
وعد…لا طبعا
زين…هو ايه اللي لا طبعا

 

 

ممنوع اطلع شقتنا ولا ايه
وعد…اه ممنوع يا زين ومش هتطلع ريح نفسك
زين…بضحكه جميله انتي شايفه كده
وعد…راحت ادامه زين من فضلك هات المفتاح اللي معاك
زين….ليه مش معاكي واحد ده بتاعي
وعد…عارفه انه بتاعك هديهولك تاني
زين…لا معلش انتي معاكي واحد سبيلي واحد
وعد…بقولك هديهولك تاني بليل بس عشان اضمن انك مش هتطلع الشقه وانا مش هنا
زين….بقت كده
وعد…اه بقت كده
زين….طيب يا ستي هجيبهولك من الاوضه الوقت بس اعملي حسابك اني مخاصمك
وعد…طيب ماشي خاصمني
زين…بقت كده
وعد..خلص يا زين بقي
زين….حاضر يا ستي راح زين جاب المفتاح وحطه في ايدها. وحس ان الطريقه دي مجابتش معاها فا قرر يلعب عالوتر الحساس ويستخدم طريقه تانيه..😔😔 😁
زين….اتفضلي يا وعد وعلي فكره بقي انا لا كنت عايز اجيب حاجه من فوق ولا من تحت انا بس حاسس انك مش معايا خالص فاحسيت أنك وحشتيني قولت ارخم عليكي شويه..بس واضح انك مصممه متبقيش معايا
يلا هظبك نفسي لحد ما تخرجي عشان نفطر.
وعد….زين استني
زين…وهو مديها ضهره 😉🤭 ايوه يا وعد
وعد…راحت وقفت ورا ضهره حطت أيدها علي كتفه أنا اسفه.
لف بسرعه زين وبصلها..
وعد…متزعلش مني انا بس مش مظبوطه شويه لاني منمتش كويس
زين….بس؟
وعد….يعني ايه؟
زين…يعني هو ده بس اللي مخليكي مش مظبوطه ولا في سبب تاني.
نزلت وعد عينها للارض وهزت راسها لا مفيش يا زين

 

 

 

زين…ماشي مع اني مش مصدقك اول مره احس انك بتكذبي عليا بس هعديها لحد ما اعرف بنفسي السبب
وعد….صدقني يا زين مفيش اي حاجه انا كويسه يمكن بس توتر من الفرح انت عارف اني مش بحب الدوشه ولا بحب احس ان في حد مركز معايا
زين….وانا مش مصدقك يا قلب زين بس كمان مش زعلان منك ولما تحسي انك حابه تقولي حاجه اكيد هتلاقيني موجود يلا خلصي بسرعه ويلا عشان نفطر انا رايح اغير هدومي لحد ما مديحه تخلص.
ابتسمت وعد وهي بتهز راسها
…………….
عامر…يامنار في ايه انا بقالي ربع ساعه بحاول اعرف مالك تقولي مفيش وقالبه وحشك عليا يا حبيبتي لو عملت حاجه ضايقتك قوليلي
منار….عامر قولتلك مفيش حاجه
عامر….انتي كده طبيعيه يعني
منار…اه طبيعيه يا عامر
عامر….ماشي يا منار اللي تشوفيه
منار….تمام يا عامر
عامر….سلام

 

 

سكت منار شويه وهي بتعيط وقالتله سلام وقفلت
وفضلت تعيط
ثواني ولقت عامر بيتصل تاني
فتحت الخط وهي ساكته
عامر…مبحبش اشوفك مضايقه عارف ان في حاجه مضيقاكي وحاسس كمان ان انا السبب بس وحيات منار عندي اكيد ما قصدتش اضايقك لو انا السبب واسف لو اتعصبت بس انا عايز اعرف مالك وانتي مصممه انه مفيش.وانا مصمم ان مش دي منار حبيبتي المجنونه.
منار بدموع زي الاطفال علي فكره بقي انا مضايقه منك اوي
عامر….بصدمه انتي بتعيطي
طب براحه قوليلي ضايقتك في ايه
منار….بقالك اكتر من عشر ايام مش عارفه اتلم عليك مش قادره اعرف كنت بتعمل ايه في يومك معرفش اي اخبار عنك حتي كلامنا مش بيكمل ثواني وكأنك بتعمل ده عشان بس تجبر بخاطري وتبقي عملت اللي عليك ده انا حتي الحفله اللي في شرم وسفرك عرفتهم بالصدفه من وعد لما قالتلي ان هديتك ليها هي وزين سفر معاك في شرم وهيحضروا الحفله سكت وكان منظري زي الزفت وهي بتقولي علي حاجه عي خطيبي انا معرفهاش وفالاخر جاي تقولي مالك ومضايقه ليه ومتعصب عشان انا مضايقه.
نفسي اشوفك ونفسي اسمع صوتك حتي لو دقيقتين علي بعض وانت ولا هنا كل حاجه شغل بسجل براجع شغل في الاستديو معايا ناس شويه وهكلمك تتأخر عليا اكلمك تكنسل ومش بيهون عليك تبعت ماسدچ حتي وتقولي بتكنسل ليه
ولا كأني موجوده في حياتك
فضلت تعيط وهو ساكت وسامعها ولحد ما سكتت..

 

 

عامر….انا اسف
بجد اسف مكنتش اعرف اني مقصر معاكي اوي كده ولا تخيلت حتي اني مزعلك وموصلك للحاله دي كل الحكايه اني مشغول حقيقي يا منار بحاول اقدم احسن ما عندي بحاول اتعب عشان شغلي يكون مظبوط وينجح مكنتش اعرف اني هاجي عليكي وانا مش حاسس بجد اسف
منار….انا مش عيزاك تتأسفلي ولا عيزاك تفضل مركز معايا وتسيب شغلك بس كمان مش عيزاك تبعد عامر انا يمكن نفسيا اتحسنت كتير بس مجرد ما بحس انك بعيد شويه بحس اني متوتره وخايفه مش عايزه ارجع للنقطه دي تاني ولا عايزه افتكرها ولا بستحمل بعدك مش عيزاك تسيب شغلك عشاني بس عالاقل تبعتلي ماسدچ تطمني
عامر….انا اسيب كل حاجه عشانك يا منار انا لو بنجح بنجح عشان انتي في حياتي
والله ما قصدت الاهمال ابدا حقك عليا انا اسف
عامر….قولي بقي انك مش زعلانه
منار…مش زعلانه
عامر….لا من قلبك
منار….خلاص بقي مش زعلانه
عامر….طيب اصالحك ازاي
منار…..مش بأي حاجه انا مش زعلانه صدقني

 

 

عامر…كده مش زعلانه🤨
ابتسمت منار.
عامر…ايوه كده اصحكي وبعدين سؤال يعني بس متفهمنيش غلط
منار….ايه
عامر…..بضحك هو موضوع الهرمونات بتاعت البنات دي حقيقيه ولا ايه
سكتت منار ووشها جاب الوان
عامر…..يابت ردي.
منار….احترم نفسك ياعامر
عامر….يابنتي والله ما اقصد قله ادب بس بتأكد
اصل انا امبارح قافل معاكي بليل كنتي كويسه
منار….متعلقش غلطك عالهرمونات وخليني ساكته كفايه اني عرفت بسفرك من صاحبتي
عامر….حقك عليا بقي والله ما جه في بالي حتي اني مقولتش ادامك
منار….ماشي هعديهالك
عامر….طيب يلا قومي جهزي نفسك عشان هاجي اوصلك
منار….ماشي هلبس وهروح لوعد بسرعه عشان لو ناقصها حاجه

 

 

عامر…ماشي يا حبيبي يلا باي
منار….باي
………
بعد وقت بسيط الكل جهز
منار….يلا يا وعد مش ناقصك حاجه
منه….لا انا شوفت كل حاجه تقريبا كله تمام
رحاب…. انتي يابت مالك قالبه وشك ليه
وعد …مفيش بس منمتش من امبارح
رحاب….وايه اللي مسهرك
منه…بضحك تلاقيها بتفكر فاللي هيحصل فيها انهارده😂😂
وعد….اتلمي يا قليله الادب
منار…..منه باظت من ساعت ما اتجوزت
رحاب….اخويا بوظها هيما يبوظ بلد انا عرفاه😂😂😂😂
ابتسمت وعد.أبتسامه بسيطه وبعد وقت بسيط خرجوا كلهم واتجمعوا مع بعض.
وكان هيوصلهم زين وعامر ادهم..
زين….يلا مين هيجي معايا
ادهم….انا توته وشمس ورحاب ومنه
زين….ايه كل ده ما العربيات كتير
عامر…شهد ومنار وسهر ومريم معايا
زين….طيب هاتوا منه ومريم معايا انا كده مش معايا غير وعد في مكان.
منه….هركب معاك انا
يوسف…طب تعالي انتي كمان يا مريم مع زين عربيته اوسع عشان متتعبيش
وانت ياعم زين خلاص متركبش حد معاك تاني كده جبرت خلاص
زين….وحيات امك انت ياض مركبهم ميكروباص

 

 

يوسف…بضحك يا جدع مقصدش لا اهدي انت عريس
زين….بضحك ماشي يا اخويا
يوسف….رايح مكان ولا راجع
زين…..هرجع علي هنا وبعدين نشوف مع بعض
يوسف….ماشي انا طالع لامي بقي سوق بالراحه مراتي وابني امانه في رقبتك 😂😂
زين….غور ياض😡
عامر….لا مايلا ياعمممم😡
ادهم…..انا طالع اهو ابو معرفتكم
زين…تشكر يا ذوق
……….
بعد وقت بسيط وصلوا ادام الصالون نزلوا البنات ودخلوا علي جوه ودخلوا حاجتهم كلها

 

 

زين….ناقصك حاجه
وعد….بابتسامه بسيطه لا خالص كله تمام
زين…طيب بصيتي كويس احسن تكوني ناسيه حاجه
وعد….لا يا حبيبي كله تمام
زين….ماشي ياحبيبي لو احتاجتي اي حاجه بلغيني علي طول وانا علي العصر كده في اوردر هيوصلك انتي والبنات وكل الموجود معاكم عشان تتغدي انا اديت توته العلاج بتاعك عشان واثق انك هتنسيه ميتاخدش غير لما تاكلي مفهوم
أبتسمت وعد….مفهوم يا حبيبي
ابتسم زين…بحبك ياوعد
وعد….وانا كمان بحبك اوي
باسها من راسها بحب.
عامر……مايلا ياعم الحبيبي مش وقته
زين…..عيل رخم….يلا يا قلبي سلام
وعد….سلام
خرج زين الشباب…ابو اللي يعرفك يا شيخ
عامر….ليه بس يا عم الرومانسي.
ادهم…بضحك ما تسيبه من نفسه ياعامر ده بليل هيتعمل عليه حفله

 

 

زين….حفله ايه ياض
ادهم…اصل احنا ناويين نطلع نسهر معاك
زين….بضحك لو قلبك يطاوعك اعملها لو بايع عمرك اعملعا
ادهم…ياجدع ده بدل ما تقولي تنور …بيت اخوك اي حاجه من الكلام ده.
زين….اسسسكت مش انا مليش اخوات
عامر….تصدق يا ادهم يستاهل اللي هنعمله معاه
ادهم…صح ياض ياعامر اهو انهارده بالذات انا محتاج جنانك
زين…..الدكر فيكم يعمل دقه نقص معايا.
عامر….انا مالي ياعم انا صاحبك
ادهم…اه يا واطي بتبيعنا ياض
عامر….اصل زين بصراحه مينفعش حد يهزر معاه اصل قلبته وحشه وايده مرزبه بعيد عنك جربتها قبل كده ولو مش متأكد أسأل صالح😂😂😂
زين….صالح ده صالح جربها بضمير😂😂😂
ادهم….طب بقول ايه هنرجع نغسل العربيات دي

 

 

زين….انا الاول عايز احلق وبعد كده اغسل العربيه واروح اوديها لبتتع محل الورد.
عامر….لا ورد ايه انت سلمني العربيه هعمل الجديد كله قال ورد قال
زين….مش مطمنلك
عامر…ياجدع عيب عليك ده انا هسيطك
زين….اما نشوف المهم ادهم بالله عليك شد علي هيما مش عايز قلق في الزفه مش عايز حاجه وحشه تحصل اخوك مجنون وشباب الحاره اجن منه والمجنون التاني ده شاور علي عامر…مقلق منه برده.
ادهم….متقلقش احنا هنخربها.
زين…شوف وانا اللي فكرته العاقل
ادهم….معلش يوم فرحي مكنت قادر اتجنن براحتي فا هعوض معاهم انهارده بس اقولك سبها علي الله
عامر….ده انا عاملك زفه تاريخيه
زين….ربنا يستر يلا بينا
ادهم…زين…يلا.
…..

رجعوا علي الحاره
وراح زين عشان يحلق..

 

 

صحابه كانوا معاه كلهم واقفين .
زين….لعامر انت رايح فين ياض
عامر…بضحك جاي معاك
زين….لا ياروح امك مفيش دخول انت مش فاكر الصاروخ اللي كنت هتطير بيه ودن عادل🤨 وبص لسامح الحلاق بتاعهم
زين…سامح الواد ده ميدخلش هنا
سامح…بضحك يا جدع عيب متخفش مش هيعمل حاجه
زين….وحيات امك ما انت كنت متفق معاه انت كمان
علي عادل..
سامح…بضحك طب خلاص هفتشه قبل ما يدخل
زين….ورحمه ابويا يا عامر لو عملت مقلب من مقالبك لا هاكلك علقه زي اللي ادتها لصالح وأبوظ وشك
صالح…في ايه يا جدع هو انا بقيت رمز الضرب ولا ايه
زين…بضحك اسكت انت
صالح…ماشي ياعم سكت بقولك ادخل وانا واقف عالباب اي دقه نقص منه هقفشه متخافش.
زين….ماشي
عامر…ببراءه انا مش فاهم بس بيقلقوا مني ليه

 

 

ادهم….طب ادخل اعد زي الالف يا برئ
ايهاب….😂😂😂 سمعتك بقت زفت مش طالع عاقل لاخوك
هيما….اتنيل ما انت زيه
أبتدا زين يحلق ويظبط نفسه وهما مش مبطلين ضحك وعامر هيموت ويعمل مقلب بس مش عارف واقفنله علي الباب ومش مدينله فرصه.
جه يوسف…ايه لسه كتير ياعريس
عامر….وربنا ما عارف بيعمل ايه هو مفيهوش شعر اصلا
بصله زين بطرف عينه
عامر….اهدي يا جدع بلاش البصه دي الله يخربيتك بخاف😂😂😂
زين….بقولك ايه ياض انت عشان اخلص منك ما تروح تعمل اللي قولت عليه في العربيه
عامر….مش لما تتغسل الاول
زين….اه صح
يوسف….بقولك ايه طب انا لسه غاسل عربيتي هروح اغسل عربيتك واخليها عروسه تكون خلصت
عامر….اه استني خدني معاك نظبطها بسرعه عشان اروح بيها بسرعه
زين….طيب تمام امسكوا المفاتيح

 

 

 

راح عامر عشان ياخد المفاتيح من ايد زين
وفجأه عامر سرع زين.كان ماسك كوبايه شاي وعمل انها هتقع عليه
عامر….حااااسب
اتنطر زين لفوق وكلهم فطسوا من الضحك جري عامر قبل ما زين يقفشوا
زين….مانت اصلك عيل………
عامر….من بعيد بتشتم النجم الفنان اللي مسيطكم برنس الحته القمر الكيوت.
هيما…ماخلاص يا روح امك انت بتدلل لنفسك ولا ايه
عامر…..مش اسلوب صحاب ده والله…زين زين
زين…امشي ياعامر
عامر….طب ما تجيب بوسه يا جدع
ضحك زين غصب عنه..والله هضربك يا عامر
دخل عامر براحه قفشه هيما
عامر…ياجدع اوعي هصالحه
سابه دخل وقف جمبه مش هتجيب بوسه
زين…..لو مسكتك هنفخك
عامر….والله هصالحك مش كفايه ان الفنان رايح يغسلك العربيه بنفسه يا معفن😎

 

 

زين…احترم نفسك هقل منك يا فنان
نط عليه عامر وفضل يبوسه
عامر…حبيبي يا عرررريس
زين…بضحك ابو معرفتك يا شيخ يلا ياض اخلص
عامر….خلاص والله هخليهالك عروسه يكش يتمر
زين …شكرا يا ذوق.
………
في الكوافير.
بوسي…يلا يا حلوين ودعوا وعد
توته ..ليه هي مسافره
بوسي…لا هتطلع في الدور اللي فوق ومحدش هيشوفها غير لما زين يجي
توته…لا مليش فيه عايزه اشوفها
بوسي…محدش هيشوفها خالص هتأعد فوق في الاوضه لوحدها مش معاها حد غيري وانتوا هنا البنات هتظبطكم
توته….انا هظبط نفسي مش عايزه حد يظبطني
بوسي….ماشي يا اختي المحل ادامك اعملي اللي انتي عيزاه
منه…وعد يا قلبي طب انا اشوفك
بوسي….ولا اي حد يلا يا وعد ادامي
طلعت وعد الاوضه والبنات جابولها حاجتها كلها قفلت بوسي عليهم وأبتدت تجهزها من غير ما اي حد يشوفها خالص عشان تكون مفجأه للكل..
………..
خرج يوسف وعامر يغسلوا عربيه زين وبعدها غسل عامر عربيته وظبطها وخد عربيه زين راح وداها حطلها ورد وزينها وطلع علي واحد بيبيع صواريخ وشماريخ بتطلع شرار ركبها في العربيه عشان الدخله بتاعته للقاعه
وشويه ورجع كان زين والشباب خلصوا

 

 

طلع زين ياخد شاور ويجهز
وراحوا الشباب يجهزوا هما كمان .
مديحه….خلصت يا حبيبي
زين…اه يا امي هدخل اخد دش كده بس ولسه ادامي شويه عايز بس انام ساعه
مديحه طيب يا حبيبي بس مش كتير احسن تتأخر
زين…لا متقلقيش الساعه الوقت 5 احنا هنتحرك علي سبعه كده
مديحه…طيب ماشي يلا ادخل بسرعه
دخل زين خد شاور بسرعه وخرج..نام عالسرير.
ومسك موبايله بعت رساله لوعد.
زين…وحشتيني
أبتسمت وعد اول ما شافت الرساله….وانت كمان بتعمل ايه
زين….لسه داخل كنت بحلق خدت شاور ومريح شويه عالسرير
وعد….انت هتنام ولا ايه
زين….مش نوم يعني بس قولت اريح ساعه حاسس بصداع
وعد….كلت طيب
زين…اه كلت من شويه كلتي كويس

 

 

 

وعد….اه الحمد لله
زين….توته ادتك العلاج
وعد….ايوه خدته الحمد لله
زين….بقولك ايه ما تبعتيلي صوره كده
وعد….بابتسامه لا لما تيجي ابقي شوفنؤ وبعدين انت عايز بوسي تقتلني ده مخبياني في اوضه لوحدي حتي البنات مش شايفني
زين….طيب صوره واحده من غير ما تعرف
وعد….لا
زين….ماشي يارخمه
وعد….شكرا😔
زين…..وعد ممكن أسألك سؤال
وعد….ايوه
زين….انتي مش مبسوطه؟؟
وعد…لا طبعا مبسوطه ليه بتقول كده
زين….احساس مش اكتر بقالك كذا يوم مش مبسوطه لدرجه اني حاسس انك بتحاولي كمان تبعدي عني
وعد….لا خالص بس يمكن اكون مضغوطه مش اكتر وقولتلك اني مش متخيله اني اكون عروسه وكل الناس عينها عليا
زين….وانا قولتلك اني مش مصدق السبب ده….وعد انتي خايفه صح؟؟
شافت وعد الرساله وفضلت باصه عليها من غير ما ترد وعيونها كلها دموع بتحاول تداريها
زين……؟؟؟؟؟؟؟
وعد….ايوه

 

 

 

زين….حبيبي انتي خايفه مني
وعد….لا مش منك بس معرفش انا مش مظبوطه يا زين وحاسه ان قلبي مقبوض حاسه ان في حاجه هتحصل او يمكن خوفي مسيطر عليا
زين….ليه كل ده يا وعد وازاي تبقي عامله كده ومتقوليش او تتكلمي معايا
وعد….هقولك ايه بس
زين…اي حاجه المهم انك تتكلمي وترتاحي وبعدين لو مكلمتنيش هتكلمي مين بقالك فتره تعبانه مش بتاكلي مش بتنامي كويس اكلمك تبعدي بتخافي اكون قريب منك ديما حاسس انك مرعوبه يمكن انا حاسس بكل اللي جواكي من غير ما تتكلمي بس مرضتش اكلمك عشان متتحرجيش مني زقولت اسيبك لحد ما انتي تكلميني
وعد….مينفعش اكلمك
زين…..لا ينفع لو بتحبيني بجد هينفع يا وعد بصي بقي هنتفق اتفاق صغير عشان انا مش عايزك تفضلي خايفه بالمنظر ده ممكن
وعد….بدموع ممكن

 

 

زين….اولا تمسحي دموعك
وعد…بصدمه😳انت فين يا زين
زين…بابتسامه نايم والله عالسرير متخافيش مش شايفك بس حاسس بيكي
وعد…..بحب انت خضتني علي فكره
زين….طيب امسحي دموعك يلا ثانيا بقي شيلي الخوف ده من دماغك انهارده عشان عايز الفرح يكون حلو ويوم ميتنسيش وتتبسطي فيه علي اد ما تقدري مش عايز خوفك يسيطر عليكي والاهم بقي لنا نرجع هناكل واخدك في حضني وننام عشان تاني يوم عندما سفر وعايزك تكوني مرتاحه يعني من الاخر اللي خايفه منه مش هيحصل يا وعد اتفقنا
وعد….يعني انت موافق بجد
زين…بحب طبعا موافق ومش هيحصل يا وعد غير لما تكوني مستعده ومفيش خوف جواكي ماشي
وعد…..انا بحبك اوي بجد
زين….وانا بموت فيكي اضحكي بقي وحشتني ضحكتك
وعد…..ربنا يخليك ليا يازين
زين…ويخليكي ليا ياقلب زين يلا شوفي بتعملي ايه وانا شويه وهقوم البس اتفقنا
وعد….بابتسامه وراحه اتفقنا
…….
الوقت كان بيجري بسرعه
خلص الشباب لبسهم وراحوا يشوفوا زين لقوه لسه يادوب قايم وهيلبس فضلوا يلبسوه بسرعه ويساعدوه عامر بيربكلوا الجرافته وايهاب بيلبسوا الچاكت وعادل بيحكلوا البرڤيوم والوقت بينهم كله ضحك وحب وسعاده…شويه واتجمع شباب الخته واصحاب شباب الحته وبقي في بره اسطول من الشباب والعربيات والموتسيكلات والريس 🙈🙈🙈
خرج الشباب ونزل الجميع كانوا طايرين من الفرحه ركبوا كل واحد عربيته الكبار سبقوهم عالقاعه ومشي الشباب كلهم علي الكوافير وكانت زفه كبيره جداااااا
فضلوا الشباب يتحركوا بالعربيات بطريقه جنونيه عامر وهيما ويوسف وصالح كانوا خاربين الدنيا زين كان مرعوب وبيدعي اليوم يمر بسلام ومحدش يحصله اي حاجه… الطريق كان كويس جداوصلوا بسرعه علي الصالون عند بوسي.ارتاح زين شويه…لكن فضلوا واقفين بره لما بوسي بلغت زين ان فاضل حوالي ربع ساعه والكل يكون جاهز

 

 

 

وقف زين والشباب فضلوا يعملوا حركات بالموتسيكلات والعربيات ومعاهم المصور بيصور كل لحظه .
مسك عامر الطبله وفضل يكبل والشباب ماسكين شماريخ وقلبوا الدنيا ادام الصالون وكأنه الفرح في المكان ده…😍😍😍
عدي الوقت بسرعه عرفته بوسي انه يدخل في الوقت ده كانت وعد نزلت والبنات انبهروا بجمالها كانت ملاك حقيقي وقفت وعد ضربات قلبها من شدتها أقسم الجميع علي سماعها حاسه ان جسمها متلج وبتحارب عشان دموعها متزلش.
بوسي….بقولك ايه عارفه لو عيطي هقتلك الميكب ده يفضل زي ما هو انتي فاهمه
هزت وعد راسها..
وفجأة البنات كلهم بقوا يزغرطوا عرفت وعد ان زين جه دخل الشباب كلهم وراه وكل واحد فيهم راح لنصه التاني كانوا قمرات.
حضنت منه زين وهي دموعها جوه عينها.
منه…شكلك حلو اوي
زين….انتي اللي قمر
هيما….ايه رايك في عريسنا يابت
منه…شكله حلو اوي وانت كمان قمر
زين….اتلمي يابت
هيما…ياعم خليك في الانت فيه…
وفجأه شغلوا اغتني بصوت عالي وأبتدت اللحظه اللي زين بيقرب فيها عشان يشوف وعد والمصور والبنات الكل بيوثق اللحظه.
فضل زين يقرب وماسك في ايده الورد وعينه علي وعد وكأن هو وهي بس اللي موجودين في المكان ومبقاش في اي حاجه في باله غير شريط بيمر ادام عينه من بدايه ما حب وعد اتحفر جوه قلبه لشكلها وهي بتكبر ادامه خوفه عليها سهره معاها في المذاكره نومها في ايده وهي بيبي لحظه اعترافها ليه بحبها وهما بيتفرجوا علي الفيلم في سطح الحاج سعيد…سرح زين في كل كلمه قالتها وعد وكأن الكلام لسه حافظه …
فلاش باك…..
وعدبصوت واطي انا عارفه انك قلقان ومضايق مني عشان مقولتكش اللي فيا وعارفه انك هتتجنن وتعرف فيا ايه بس انا عايزه اقولك علي حاجه انا عايزه اقولك ان اللي جوايا اكتر بكتير من الانت عايز تعرفه و يمكن لو انا وانت لوحدنا الوقت حالا كنت هفضل زي مانا مش قادره اتكلم عشان وقتها كنت هترد عليا وانا اللي هقوله لا عيزاك تعلق عليه ولا عايزه اقولهولك واحنا لوحدنا عشان انا اضعف بكتير من اني اواجهك بعد اللي هقوله يمكن اللي هقوله مش هيعجبك ويمكن يضايقك ويمكن حجات كتير مجاتش في بالي بس انا مش هقدر اسكت اكتر من كده وايآ كان رد فعلك كفايه اني اقولك يازين اني بحبك
بااااااااك…
أبتسم زين وفضل يقرب مشي جمبها وهو مش باصص عليها راح وقف ادامها وهو لسه عينه في الارض مش بيرفعها…واخيرا رفع عينه بهدوء من اول طرف فستانها لحد ما ثبتت عينه علي ملامحها ابتسامه جميله من غير اي كلام ضربات سريعه عيون بتحارب الدموع ومن غير اي مقدمات راح عليها زين وخدها في حضنه من غير ولا كلمه وسط الجميع البنات فضلت تزغرط والشباب يصفروا
زين..بحبك ياوعد
كان نفسه يخبيها عن عيون الجميع ويدخلها بين ضلوعه حبه ليها كان اكبر من اي كلام.

 

 

 

زين….ايه الجمال ده
وعد….بدموع انت كمان شكلك حلو اوي
زين….بلاش دموع بوسي هتقتلك
وعد…بضحك وهي بتمسح دموعها عارفه هي مستحلفالي اصلا
فضلوا واقفين يتكلموا مع بعض ونسيوا اللي حواليهم
عامر…..يلا عام بقي اخلص
دقايق بسيطه وخرجوا كلهم وخرجت بوسي معاهم وقفلت الصالون واللي شغالين معاها مشيوا
صالح….ايه القمر ده
بوسي…بجد شكلي حلو انا كنت مستعجله اصلا عشان كل ده مكنتش جهزت
صالح…لا والله شكلك حلو اوي
بوسي…انت كنان زي القمر
صالح…بجد عندك عروسه
بوسي….اتلم🤨
صالح…بحب انا قولت حاجه
انس راح لسهر من ورا ضهرها
اسف عالتأخير
سهر…بزعل كل ده يا انس
انس…حقك عليا والله علي مالبست وجيت انا حتي ملحقتش الزفه والله
شهر….ماشي
انس….ايه الحلاوه دي كلها
سهر…باحراج شكرا
انس….مفيش انت كمان زي القمر مفيش حاجه كده
سهر…بغيره واضحه في كلامها روح لحبيتك اسألها وهي تقولك
انس….اللللله
أبتسمت سهر باحراج علي الكلام اللي طلع من غير ما تحس

 

 

 

انس…..احنا بنغير ولا ايه
سهر….انا لا يعني اغير انا مالي انت فهمتني غلط
انس….يمكن 🙄
سهر…هو ايه اللي يمكن هغير ليه انا
انس…..بدون مقدمااااات عشان بتحبيني يا سهر زي ما انا بحبك بالظبط
وقفت سهر مصدومه ومعرفتش تنطق بصاله وساكته
انس…..انا مبقتش قادر اسكت اكتر من كده كل كلمن قولتهالك عن البنت اللي بحبها ومش عارف هي بتحبني ولا لا كانت انتي ياسهر واتأكدت من حبك ليا كل تصرفاتك بتقول انك بتحبيني زي ما بحبك يا سهر
أبتسمت سهر ونزلت دموعها
مسح انس دموعها ومدلها ايده مسكت سهر ايده وكأنها مغيبه وراح بيها عالعربيه ركبها…وركب الكل
وراحوا علي القاعه
وسط زفه اسطوريه.
عامر….بحب اتفضلي يا احلي منار في الدنيا
منار…مسكت منه الورد والشيكولاته الله ايه. ده حلوين اوي
عامر….ده عشان اصالحك واقولك حقك عليا الشغل خدني منك بس غصب عني
منار…بحب بحبك يا عامر

 

 

عامر….وانا بعشقك يا قلب. عامر.
وصلوا اخيرا القاعه.
ودخل زين دخله اسطوريه وسط الشماريخ وشرارات النار
وبعد وقت بسيط نزلوا من العربيات دخلوا القاعه وابتدت الزفه الحقيقيه الكل كان طاير من الفرح وابتدوا اول رقصه ليهم علي انغام اغنيه عبالي لاليسا..
وعد كانت بين ايده حاسه انها طايره
ابتدا الفرح واتقلب من الشباب عامر وايهاب وانس كانوا مولعين الفرح
جه احمد البرنس وبارك لزين ووعد ووقف مع الشباب بحب واتعامل كأنه واحد منهم
مكنش في حد اعد في مكانه الكل بيرقص وبيتنطط وكالعاده يوسف كان بيجري ورا روحيه في كل مكان خايف تبعد عن عينه ومبهدل الدنيا هو وهي رقص..
واخيرااااا خلص يومهم كان فرح مبهج المل واقف مع زين اللي عمره ما ساب حد غير ووقف معاه مكانش في نفس لاخر الفرح محدش كان بيمشي من حلاوه الفرح.
وبعد وقت بسيط وصلوهم تحت البيت
زين….شكرا يا جماعه تعبتكم معايا
عامر…شكرا ايه بس يا جدع احنا طالعين معاك
ادهم…يلا ياشباب زين عازمنا عالعشا.
زين…..اللي قلبه ميت يخطي بس جوه البيت

 

 

ادعم…بضحك بقت كده يا صاحبي
زين…بضحك مانا قولتهالكم قبل كده يا صحبي وقفه الراحل بميت ست بس لو جت الست..
نطق الشباب كلهم مع بعض….يغووووور الراجل
ضحك الجميع وطلع وعد وزين شقتهم
كان اول مره يشوفها زين بعد ما اتفرشت كان طاير من الفرحه المكان اللي حلم بيه اخيرا جمعه بوعد
خدها زين في حضنه بحب
زين….اخيرا يا وعد وحشتيني اوي

 

 

زين…باحراج انت كمان وحشتني اوي
باس زين راسها
زين….يلا نغير هدومنا وناكل عشان هموت من الجوع ونصلي مع بعض وننام عشان نصحي بدري نحضر شنطنا ونسافر مع بعض
وعد….طيب هو انت مش مضايق
زين…مضايق؟؟؟ انا كفايه عليا نصيبي من الفرحه انهارده يا وعد اي حاجه تانيه تيجي بعدين كفايه عليا اني هخدك في حضني وانام
وعد…بحب حضنت وعد
خدها زين في حضنه بكل قوته وكأنه نفسه يدخلها جوه قلبه….😍😍😍
واخيرااااا اكتملت حكايه وعد وزين….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية 30 يوم حياة)