رواية الشقة المسكونة الفصل الرابع 4 بقلم Shádòw Helal

رواية الشقة المسكونة الفصل الرابع 4 بقلم Shádòw Helal

رواية الشقة المسكونة البارت الرابع

رواية الشقة المسكونة الجزء الرابع

رواية الشقة المسكونة الحلقة الرابعة

ساره برعب : انت مين ؟؟؟؟
الخيال : ناصور ملك الجان عاشقك يا انسيه !!!!!!!!
ساره برعب : ملك الجان !!!! وبيغمي عليها
~ ساره بتصحي بعد شويه بتلاقي نفسها ع سريرها والنور شغال بتقوم تبص حواليها ف اركان الاوضه ولما مش بتلاقي حد بتفتكر انه كابوس ~
ساره لنفسها : يا ربي ايه حكايه الكوابيس ده … انا تعبت
~ وبتيجي تروح تكمل نومها بتلاقي ناصور ظهر وقاعد ع الكرسي اللي قدام السرير ~
ساره برعب :انت .. انت حقيقي .. يعني ده مكنش كابوس وبتيجي تصرخ بصوت عالي : عاااااا ماماااااا
ناصور : متتعبيش نفسك محدش هيسمعك
ساره بخوف : محدش هيسمعني ازاي يعني
ناصور : لاني مامتك نايمه وانا خليتها متقدرش تسمعك
ساره برعب : ماما .. انت عملت فيها ايه
ناصور : معملتش فيها حاجه كل الحكايه ان خليتها متقدرش تسمعك .. ومتخفيش انا مقدرش ااذيكي
ساره : بتتنهد بإرتياح وبتلتمس الصدق ف كلامه .. طب انت مين ؟؟

ناصور : ما قولتلك مره انا ملك الجان ناصور
ساره : وعايز مني ايه ي عم ماسوره انت ؟؟
ناصور بضحك : ناصور ايه ماسوره دي
ساره : وات إيڤر يعني عايز مني ايه
ناصور : انا بعشقك
ساره بصدمه ( لانها مخدتش بالها وهو بيقولها كده اول لما ظهرلها لانها كانت خايفه من شكل عينه ) : انت بتتكلم كده ازاي انت جن وانا انس يا عم روح شوف حد من الجن بتوعك وسبني ف حالي
ناصور : انا مقدرش انا بعشقك من زمان من لما كنتي طفله .. كنت كل ما يجي يتقدملك عريس كنت ببعده عنك بأي طريقه ..
ساره بصدمه من كلامه : انت بتقول ايه .. انا اصلا مش بيقدملي عرسان
ناصور : لا كان بيتقدملك لحد من سنتين واخر واحد اصر انه يتقدم بالرغم من اني حاولت ابعده عنك بكل الطرق ولما مجاش بفايده اضطريت اقلب العربيه بتاعته وجاله شلل وبعدين عملت حواليكي ساتر محدش يقدر يشوفك غير اللي انا اسمحلوهم بس
ساره بصدمه : لا انت مش طبيعي انت مجنون
ناصور : انا قولتلك مش هأذيكي خايفه من ايه
ساره : وانت لما تقولي كده هصدقك يعني .. انتي مستوعب انت بتقول ايه
ناصور بغضب وعنيه بدأت تتحول للاحمر : مفيش حد بيأذي حد بيحبه وانا مش بحبك انا بعشقك
ساره بخوف : وانا مش بحب حد ومش عايزاك ف حياتي
ناصور : ده مش بمزاجك .. وبعدين يلا نامي علشان وراكي جامعه الصبح ولما تيجي هنكمل كلامنا
ساره : طب سؤال بس .. هو ازاي انت جن وحركات بس شكلك بني ادم مش شيفالك قرون يعني ولا جسمك بيطلع نار !!!
ناصور : قرون !!! وجسمي يطلع نار !! نامي دلوقتي وبكره لما ترجعي من الجامعه هتلاقيني مستنيكي هنا .. وهفهمك كل حاجه
ساره : طيب امشي .. اكيد مش هنام وانت ف الاوض…
~ وقبل ما تكمل كلامها بتلاقيه اختفي وكأنه لم يجد ~
ساره : ايه ده !! هو راح فين ده !!!

~ وبتدور ف الاوضه مش بتلاقيه وبتتجه لسريرها علشان تنام وبتقعد تفكر ومستغربه ازاي هي صدقته وكانت بتتكلم معاه عادي كده وبتقرر انها تفهم منه كل حاجه بكره وبتروح ف النوم ~
………………………………………………………………………
ف الصباح :
الام بتدخل الاوضه بتلاقي ساره صاحيه وبتجهز نفسها للكليه
الام : ايه النشاط ده كله .. دي اول مره تحصل
ساره : قولت اعفيكي من المهمه دي النهارده
الام : طيب هروح احضر الفطار ع ما تجهزي
~ الام وهي خارجه من الباب ساره بتنادي عليها ~
ماما : هو انا بيتقدملي عرسان !!!
الام بإستغراب : ليه بتسألي؟؟
ساره : اصل كل البنات اللي ف سني بيتقدملها عرسان ف قولت اسأل ( هي بتسأل علشان تتأكد من صحه كلام ناصور )
الام : انتي كان بيتقدملك عرسان كتير اوي من سنتين وبعدين محدش بقي يتقدم … ايه ي ست ساره عايزه تسبيني وتمشي
ساره : انا اقدر يا ماما انا ليا حد غيرك بعد بابا اللي يرحمه
الام بحزن : الله يرحمه .. يلا خلصي بسرعه علشان تلحقي تفطري قبل ما تنزلي
~ ساره بتفطر مع مامتها وبتروح كليتها وبتبقي عايزه ترجع بسرعه علشان تفهم من ناصور كل حاجه وبتخلص محاضرتها وبتروح للبيت ~
الام : حمد الله ع السلامه ي حبيبتي
ساره وهي بتبوس ايديها : الله يسلمك يا ماما
الام : يلا ي حبيبتي ادخلي غيري وتعالي علشان تاكلي
ساره : لا انا كان عندي وقت فاضي ف الكليه وروحت كلت انا هدخل دلوقتي اغير وانام شويه
الام : ماشي ي حبيبتي

~ وساره بتروح اوضتها بسرعه علشان بتبقي عايزه تشوف ناصور علشان يفهمها وبتدخل مش بتلاقيه ~
ساره بضيق : هو مجاش ليه ده
ناصور من وراها وظهر من العدم : انا هنا
ساره بخضه : بسم الله الرحمن الرحيم انت بتظهر منين
ناصور : من اي حته
ساره : ما علينا … دلوقتي بقي انا عايزه افهم كل حاجه
ناصور : عايزه تفهمي ايه بالظبط
ساره : يعني ازاي انت شكلك انسان وانت من الجن … وازاي عينك بتقلب حمرا …وانت ليه ظهرتلي اصلا
ناصور بهدوء : انا ليه شكل الانسان لان مش كلي من الجن .. انا امي انسيه .. وابويا كان ملك الجن .. علشان كده انا بجمع بين صفات الانس والجن .. شكلي شكل انس … بس عندي قوه الجن … اما بقي انا ظهرتلك ليه لان انتي كنت بتتعرضي لخطر وكان لازم اظهرلك علشان اعرف احميكي
~ ساره بصتله بإستغراب ~
ناصور : اها انا عارف كل اللي شوفتيه انتي كنتي بتقولي انك بتخيلي لكن ده مش تخيل ده كان بيبقي حقيقه … ومن النهارده مش هتشوفي اي حاجه تاني
ساره : طيب وليه الحاجات دي بتظهرلي اصلا .
ناصور : هتعرفي كل حاجه ف وقتها .

~ ساره اصلا مستغربه نفسها ازاي عماله تكلمه كده وازاي مرتحاله بالشكل ده ~
ساره بداخلها : فوقي يا ساره ده جن وانتي انس
ناصور : متفكريش كتير
~ وبتنتبه ع خبط مامتها وبتدخل بتلاقي …………

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية الشقة المسكونة)