رواية حب الخديوي الفصل الثالث 3 بقلم توته
رواية حب الخديوي الفصل الثالث 3 بقلم توته
رواية حب الخديوي البارت الثالث
رواية حب الخديوي الجزء الثالث
رواية حب الخديوي الحلقة الثالثة
أيمن : احنا عرفنا فعلا مكانهم بالتفصيل بس بعد وقت طويل وقدرنا نعرف إن هما بيسهروا في مكان اسمه ** وممكن يتفقوا هناك .. لحد ما عرفنا أن في واحده بتشتغل مع القناص اسمها صوفيا حاولنا ندخل المكان ونقرب منها ونعرف اي معلومات عن الصفقه اللي هتتم بس هيا اللي غفلتنا وقدرت تعرف عننا كل المعلومات
ادهم : وانتوا زي الأغبيه قولتلها .. أنا بس عايز اعرف انتوا دخلتوا شرطه ازاي .. يا عم ينعل الواسطات اللي بتدخل متخلفين زيكوا الشرطه اصلا .. انتوا شوفتوني كام مره بنفذ عمليه هااه .. سمعتوا اني بقوم بواحده منهم وبفشل .. لاء عشان في ده ( شاور ع دماغه ) .. بنفكر بيه .. أنا هقوم انا لوحدي بالعمليه دي .. بعد م عقدتوها .. وشوفوا بقا أنا هعمل ايه .. بس بجد بقا لو متعلمتوش ومشغلتوش مخكوا .. صدقوني هستغني عنكوا .. وفي 100 شرطي غيركوا يتمنى بس يكون من ضمن فريقي .. اتفضلوا
خرجوا ودخل زياد
زياد : في ايه العيال دي عملت ايه ؟
ادهم : هو أنا مش قلت اتفضلوا
زياد : في ايه يا عم ادهم ؟
ادهم : ايه العيال دي .. جبتوهم منين دول ؟؟؟
زياد : شكلهم مضايقينك خالص
ادهم : مش خالص اوي .. ضيعوا عليا شويه معلومات تساعدني في العمليه الجديده بس
زياد : وانت بتعتمد عليهم كده من الأول ؟؟
ادهم : كنت بشوف مدي خبرتهم .. واديني اهو أنا اللي بتحمل المسؤوليه
زياد : تمام .. كنت جاي اقولك عابد عايزنا الاسبوع الجاي في نزهه كده
ادهم : ومجاش هو يقولي ليه .. لسه مقموص !!
زياد : م انت عارف بقا عابد
ادهم : قوله لو عايزني اجي يجي هو بنفسه يقولي
زياد : كبر دماغك بقا ومتعملش الحركات دي
ادهم : أنا قلت اللي عندي .. اتفضل بقا عندي شغل
عند تاليا
عمرو : تاليا !!
تاليا : ايه .. في ايه ؟
عمرو : تعالي
تاليا : لاء انت هتعمل حركه من بتوعك
عمرو : لاء مش انهارده .. ومش هسامحك برضو ع اللي عملتيه فيا انهارده .. أنا .. أنا يتحطلي شطه بالكميه دي ؟؟
تاليا : عشان أما تحب تأكلها تاني تفتكر وتحرم
عمرو : وحياتك لتتردلك .. حسابك كبر معايا على فكره
تاليا : كل يوم تقولي كده عادي .. المهم كنت عايز ايه ؟؟
عمرو : ابقي عدي على بابا بكره
تاليا : ليه ؟
عمرو : مش عارف .. هو كلمني قالي كده
تاليا : طب ومكلمنيش أنا ليه ؟؟
عمرو : فونك مقفول
تاليا : طيب اروح له المكتب ولا البيت ؟
عمرو : المكتب لانه بيكون في شغله الصبح
تاليا : احسن برضو عشان مشوفش العقربه أميره
عمرو : هههههه .. محسساني انها مش بتروح معاه الشغل .. ده انتي غلبانه اوي
تاليا : أن شاء الله مش هشوفها خالص .. يلا تصبح على خير عندي شغل الصبح
عمرو : وانتي من أهله
عند زياد
زياد : قولتلك روحله انت
عابد : يعني هو اللي قالك ؟
زياد : اه .. وقالي لو مروحتش انت عزمته مش هييجي
عابد : قال حاجه تاني !
زياد : قال عليك مقموص
عابد : مقموص ليه بقا أن شاء الله ؟
زياد : عشان بتقفش بسرعه
عابد : مهو لو كان شهد معايا كان زماني مقفشتش
زياد : عشان شهد بالحق !
عابد : لاء عشان موقفش مع صاحبه
زياد : لاء طبعا انت كده بتتهمه .. وانت عارف ان ادهم عمره م هيسيب صحابه .. بس هو قال الحق مش اكتر
عابد : وادينا اهو متخانقيين
زياد : كده او كده هتكونوا متخانقيين .. بس أنا عارفكوا مبتستغنوش عن بعض خالص .. المهم روحله يلا
عابد : هو في مكتبه دلوقتي !؟
زياد : اه
عابد راح لادهم مكتبه ودخل
ادهم : اهلا بالأستاذ القموص
عابد : متسمهاش قموص
ادهم : اومال اسميها ايه !!؟
عابد : قافش منك
ادهم : وليه بقا أن شاء الله ؟
عابد : عشان موقفتش مع صاحبك
ادهم : أنا !!؟ أنا موقفتش معاك !؟
عابد : مش قصدي .. قصدي انك منصفتينيش
ادهم : أنا قلت الحق مش اكتر
عابد : وادينا اهو مش بنكلم بعض اكتر من اسبوع
ادهم : سيبها عليا دي .. كنت عايز ايه بقا
عابد : يعني انت مش عارف ؟
ادهم : لاء عارف انت عايز ايه .. بس انت لو عايز حاجه هتقولها
عابد : كنت عايز اغير جو الاسبوع الجاي
ادهم : وانت شايف أنه ينفع بدراعي ده !
عابد : ادهم انت بتتلكك
ادهم : وانا برضو بتاع الحوارات دي .. بس هريحك
عابد : أنا عارف ان وراك حاجه
ادهم : عندي كده عمليه مهمه
عابد : بتاع القناص مش كده ؟
ادهم : بالظبط اللي أدتها لرجالتي يشوفوها ويجبولي المعلومات اللي أنا عايزها بس فشلوا
عابد : يعني انت عايز تفهمني انك سبتهم لوحدهم وانت خرجت نفسك منها .. ده مستحيل .. اكيد كنت معاهم ومراقبهم بالمللي
ادهم : امممم .. فعلا
عابد : واكيد استفدت برضو من فشلهم
ادهم : فاهمني انت
عابد : عيب عليك ده انا صاحبك اكتر من 10 سنين
ادهم : وفي غيرك ميعرفنيش خالص بالرغم من أنهم عارفني من زمان اوي
عابد : بس انا غير
ادهم : اكيد
عابد : طب اي أاجل ولا اي
ادهم : خليها لما العمليه تخلص
عابد : خلاص ماشي .. اتفقنا
عدى اليوم وجه الصبح
في بيت ادهم
ادهم : صباح الخير على أجمل ناس في الدنيا
مامت ادهم : صباح النور يا حبيبي .. يلا تعالي أفطر
مريم : ادهم .. انت هتوصلني انهارده الجامعه ؟
ادهم : اه يا حبيبي عندي شغل وهوصلك في طريقي
مريم : تمام
عند تاليا
تاليا صحت واتوضت وصلت وغيرت هدومها وخرجت لمامتها المطبخ كالعاده
تاليا : صباح الخير ع ست الكل
مامت تاليا : صباح النور .. ايه الروقان ده ؟
تاليا : روقان ايه بس .. بابا عايزني انهارده بعد الشغل
مامت تاليا : وده عايزك ليه أن شاء الله !!؟
تاليا : أنا أعرف !!! .. أنا اصلا مش طايقه اروح اشوف اميره دي
مامت تاليا : هتقوليله لاء يعني !
تاليا : لاء هروح بس لو شفتها هقولها اميره عشان هيا بتضايق لما اقولها اميره أو يا مرات ابويا عايزاني اقولها ايه .. ميرا ..
مامت تاليا : ملكيش دعوه بيها يا بنتي
تاليا : مليش دعوه بيها اصلا .. أنا بقول لو شوفتها
مامت تاليا : غيري السيره .. روحي صحي أخوكي
تاليا : تاني !!؟
مامت تاليا : بت .. اتلمي وصحي اخوكي عدل زي الناس
تاليا : ماما هو مش عنده شغل والمفروض هو بنفسه اللي يصحي ؟
مامت تاليا : مهو بيسهر بالليل عشان شغله
تاليا : ماشي .. اما نشوف اخرتها
راحت ناحية اوضة اخوها وسمعت صوته
عمرو : يا بنتي متخافيش .. بصي اول م حد ييجي استخبي .. أنا هنقذك متقلقيش .. أنا معاكي اهو
تاليا : هيا حصلت بنات في الأوضه يا عمرو
فتحت الباب وهيا بتنادي
تاليا : عمروووووووووووو !!!!!!!!
عمرو : في ايه يا بنت المجنونه ؟
تاليا : انت بتعمل ايه ؟ .. ايه ده بلاي ستيشن وكمان ببچي !
عمرو : وانتي مالك انتي !!؟
تاليا : طيب مش عيب شحط زيك كده يلعب ببچي
عمرو : يوووه .. ملكيش دعوه يا ستي
تاليا : ومين بقا اللي كنت بتكلمها دي ؟ في اللعبه مش كده !
عمرو : اه واحده اتعرفت عليها ملكيش دعوه بقا
تاليا : اممممم .. الموضوع في واحده !
مامت تاليا : يلا يا ولاد الفطار جهز
تاليا : حاضر يا ماااما جايين .. يلا يا ولاد زي ايام المدرسه لما كانت تيجي تصحينا بالشبشب بتاع أبو ورده وبعدها تخرج تجهز الفطار ولا كأنها تعرف أن احنا هننام تاني .. يلا يا مان والنبي عشان متجيش تجيبنا بنفسها
عمرو : يلا يا داهيه
عند ادهم
زياد : في ايه مالك ؟
ادهم : كتفي ده مزهقني .. بقولك ايه .. أنا هروح افكه بسرعه في المستشفى اللي قريبه من هنا
زياد : الجرح لسه ملمش وهيتعبك
ادهم : والله أنا مش باخد رأيك أنا بس بقولك
زياد : براحتك .. انت اصلا دماغك دي انشف من النشفان نفسه ومحدش هيعرف يقنعك
سابه ادهم وراح المستشفى
عند الاستقبال
ادهم : لو سمحتي !! عايز دكتور جراحه
الاستقبال : كنت متابع مع حد حضرتك !؟
ادهم : اها كنت متابع مع دكتوره
الاستقبال : اسمها !!
ادهم : تقريبا دكتوره داليا او تاليا .. دانيا عالوزن ده
الاستقبال : بس في دكتور هاني هنا وهو …..
ادهم : هو انتي مبتزهقيش يعني .. هو أنا كل أما اجي ام المستشفى دي لازم تعقبي على اي حاجه .. ؟؟ ..
الاستقبال : اسفه يا فندم اوضه دكتوره تاليا رقم ١٧ وهيا هنا دلوقتي
ادهم : تمام شكرا
مشي ادهم ناحية الأوضه وخبط
تاليا : اتفضل
ادهم دخل
تاليا : اهلا يا حضرة الظابط جاي تغير ع الجرح !
ادهم : لاء جاي افكه
تاليا : مينفعش لسه ملمش وممكن يفتح تاني وساعتها هيقعد مده اطول
ادهم : ممكن تنفذي الكلام وانتي ساكته !!؟
تاليا : لاء طبعا .. مش هيحصل .. كده أنا بضر مريض
ادهم : بصي .. انتي هنا دكتوره مش اكتر يعني تنفذي الكلام وخلاص وده واجبك هنا
تاليا : لاء .. واجبي اني اعالج المرضي وهما اللي بيسمعوا كلامي مش أنا ولو اي حاجه بتضر اللي قدامي ببعدها عنه
ادهم : يعني كده هتمنعيني يعني ولا اي مش فاهم ؟ .. مش انتي الدكتوره الوحيده يعني
تاليا : بس انا مش هسمح لأي دكتور يعمل كده
ادهم قرب منها : والله وهتعملي اي يعني .. وهتمنعيني ازاي ؟؟
تاليا : لو سمحت ابعد مينفعش كده
ادهم : ولو مبعدتش
تاليا : اسفه بس ده اللي هيحصل
قالت تاليا جملتها وضربته برجلها تحت الحزام بس للأسف متهزش وواقف زي الجبل
ادهم : أنا مش زي اي حد قابلتيه قبل كده .. اخلصي فكيلي الجبس ده عشان متأخر وعايز امشي
تاليا : مش هفك حاجه .. اتفضل شوف دكتور غيري
ادهم : مش هشوف حد وانتي اللي هتفكيه هيا ركبت في دماغي
تاليا : والله !!؟ وهتخليني افكه ازاي بقا ؟.
ادهم : زي اي دكتور
تاليا : مش هفك حاجه أنا .. لسه الجرح ملمش
ادهم : ملكيش دعوه أنا اللي هتحمل مش انتي
تاليا : بس ده اكبر غلط
ادهم : هو انتي مبتفهميش ولا اي م تفكيه وانتي ساكته
تاليا : عايز تفكه اتفضل خلي حد غيري يفكه
ادهم : لاء انتي اللي هتفكيه ويا ستي مفيش اي ضرر هيمسك
تاليا : تمام براحتك
وافقت تاليا لما عرفت أنه عنيد وأنها مش هتقدر عليه
تاليا في سرها : وانا مالي بيه اصلا انشالله يموت حتي وانا مالي
تاليا : اتفضل ع الشيزلونج
بدأت تفكله الجبس وكانت بتديله حقنه
ادهم : اي دي ؟
تاليا : لاء دي حقنة بنج مش اكتر
ادهم : لاء اشتغلي عادي من غيرها
تاليا : تمام
فكتله الجبس بس ملمش خالص
تاليا : اهو شوفت .. ملمش خالص
ادهم : أظن دي حاجه متخصكيش .. متشكر
سابها ومشي
تاليا : والله بني آدم غريب جدا وجبله .. ايه ده يا ربي ؟
خلصت تاليا شغلها وراحت عند باباها
دخلت وقابلت هناك اميره
تاليا : هاي اميره
اميره : ميرا يا حبيبتي .. قولتلك قوليلي ميرا
تاليا : اوووه سوري بنسى
اميره : محمد مستنيكي جوه
تاليا : بابي .. تمام
دخلت تاليا المكتب سلمت على بابها
محمد : عامله ايه يا حبيبتي ؟؟
تاليا : الحمد لله يا بابا .. عايشين
محمد : شديتي مع ميرا طبعا
تاليا : وانا أشد معاها ليه اصلا ؟؟
محمد : مش عارف
تاليا : حضرتك كنت عايزني في موضوع مش كده !؟
محمد : مظبوط
تاليا : اتفضل
محمد : بصراحه كده في واحد صاحبي معرفه قديمه ابنه شافك وعجبتيه وكان جاي طالب ايدك مني وانا قولتله اشوفك وارد عليه
تاليا :
يا تري تاليا هتعمل ايه وهتقول ايه !!؟
ادهم وتاليا ممكن يتقابلوا تاني ولا لاء !!؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب الخديوي)