رواية قدري الفصل الرابع 4 بقلم رحمة سامي

رواية قدري الفصل الرابع 4 بقلم رحمة سامي

رواية قدري البارت الرابع

رواية قدري الجزء الرابع

رواية قدري الحلقة الرابعة

ام رزان بصيت بصد*مة: حسن انت رجعت امتا يا حبيبي وعرفت البيت منين
حسن: انتي انك قولتيلي اسم جوز اختي ولا اي يا ماما واللي يسال ميتوهش وبالذات لو كان كريم الصعيدي
ام رزان: طب اقعد يا ابني وواطي صوتك واحنا هنفهمك كل حاجه عشان رزان نايمه فوق
حسن قعد وكان بيبص لكريم بغضب: اتفضلوا فهموني اي سبب الجوازة السريعة دي وعلاج اي اللي اختي لازم تبداء فيه اي الحكاية بالظبط
كريم: اسمع كويس يا حسن رزان مريضة عندها كا*نسر ولازم تبداء في العلاج عشان العملية بتاعتها والمشكلة انها متعرفش ولو عرفت مستحيل توافق
حسن: يعني انت اتجوزت اختي شف*قة بقي
كريم: لا طبعا انا بحب رزان فعلا وسرعة الجوازة عشان اقنعها بالعلاج بس انا خايف عليها
حسن: انا هتكلم معاها وهعرف اقنعها دي اختي وانا هعرف اتصرف معاها
ام رزان بخوف: لا لا اوع تتكلم معاها في حاجه يا حسن انا هشوف الوقت المناسب وهعرف اقنعها او جوزها موجود اهو ملناش دعوة بقي
حسن: اه هي الهانم بتحبه بقي ومبقتش عايزة مننا حاجه تمام يلا بقي خلينا نرجع بيتنا
كريم: يا حسن افهم بلاش تسرع
ام رزان: خلاص يا كريم يا ابني احنا هنمشي وهبقي اكلمك اطمن علي رزان
حسن بقرف: انا هستناكي بره هاتي شنطتك وتعالي يلا

بعد ما حسن خرج كريم: انتي ليه عملتي كدا وهتمشي ازاي رزان مش هتسكت
ام رزان: حسن مش لازم يعرف بظروف جوازكم مهما حصل دا مجنون وغير رزان خالص الاحسن اني امشي وهتابع معاك
كريم بتفهم: ماشي يا امي اللي تشوفيه واي جديد هبلغك
في العربية بره حسن كان بيتكلم في التلفون: مفيش حاجه ضاعت متقلقش انا هعرف اتصرف بص هقابلك ونتكلم عشان في التلفون مش هينفع تمام
حسن: ماشي يا رزان انا هوريكي انا ادبس التدبيسة دي بسببك اصبري عليا بس
ام رزان: يلا بينا يا حسن
رزان وهي في اوضتها تلفونها رن وكانت صحبتها منه رديت عليها: اي يا منه في اي بقالك ساعه بترني انتي اي يا بنتي تخصص قلة نوم
منه: انتي جيالك نوم دا انتي فظيعه قوليلي عملتي اي ومش طمنتيني عليكي ليه
رزان: منه انا اللي فيا مكفيني ارحميني يا ماما انا بجد مش عارفه اعمل اي ولا قادرة استحمل الوضع دا
منه: رزان انتي بقيتي مراته خلاص وبصراحه كريم دا ميتعوضش خالص بصي انا عندي خطة حلوة
رزان: يا اختي تعالي خديه انا متنازلة عنه والله بس اخلصي قولي الخطة بتاعتك
منه: بصي يا ستي انتي طبعا هتنزلي الكلية وهتفضلي عايشه معه ما هو بقي اجباري بقي ويابختك احم المهم يعني انتي هتعملي اللي هقولك عليه دا……………………
رزان بضحك: يخرب عقلك يا منه انتي بتجيبي الافكار دي منين يا بت قوليلي بس
منه: يا اختي المهم تجيب بفايدة وابداي من دلوقتي قومي يلا وحسابك معايا بعدين علي اللي عملتيه في نفسك دا
رزان بحزن: غصب عني مكنتش قادرة يا منه والحمدالله انها جت سليمة هقوم بقي وربنا يستر
منه: ماشي يا حبيبتي وابقي طمنيني عليكي سلام
قامت رزان ودخلت اخدت دش وطلعت لبست فستان احمر دايق من فوق ونازل علي واسع وكوتشي ابيض لانها مش بتحب الهيلز ورفعت شعرها ديل حصان ونزلت شوية من الجانبين وحطيت روج خفيف ونزلت وهي ايدها علي قلبها من اللي هيحصل…

رزان: احم ممكن ادخل يا دكتور كريم
كريم بانبهار من جمالها كان في عالم تاني وفضل ساكت
رزان باستغراب: دكتور كريم انت كويس
كريم: اه كويس كنتي بتقولي اي معلش
رزان: بقول لحضرتك ينفع ادخل عايزة اتكلم معاك شوية
كريم: اتفضلي يا رزان خير في اي حاسه بتعب
رزان: لا خالص بس انا كان عندي سؤال مهم هو انت ليه اختارتني انا اللي اعرفه انك ملكش في الكلام دا واصلا مش بتحب الستتا**ت وبتفضل الحياة لوحدك
كريم بتوتر: ملهوش لازمه السؤال دا انتي بقيتي مراتي خلاص ودا شئ مفروغ منه يا رزان ياريت تقبلي بالواقع دا
رزان بحزن: تمام ماشي انا هنزل الكلية من بكره عندي محاضرات مهمه ولا انت ناوي تحبسني في البيت ولا اي حكايتك بالظبط
كريم: اكيد مش هحبسك يا رزان بس انتي تعبانه والدكتور كتبلك علي علاج لازم تمشي عليه بسبب الغباء اللي عملتيه في نفسك دا
رزان بخ*نقه: يوووه هاخد العلاج يا كريم بس لو سمحت عايزة انزل الكلية انا مش بحب قعدت البيت وبعدين ما انت موجود في الكلية يعني مش هيحصلي حاجه
كريم عشان عارف انها عنيدة وافق: ماشي يا رزان بس بعد كل محاضرة هتيجي مكتبي عشان العلاج وهدهولك بنفسي وزي ما كنتي مفيش اي تعامل مع شباب
رزان: تمام ماشي بس صح هو انت عرفت حد اننا اتجوزنا
كريم: اكيد طبعا الكلية كلها عرفت عشان محدش يقربلك
رزان بص*دمه: نهارك ابيض انت بتقول اي هروح الكلية ازاي دلوقتي اكيد الكل بيتكلم عليا منك لله يا شيخ
كريم وهو بيضحك: يا ستي بهزار في اي معرفتش حد ومش هعرفهم غير لما تسامحيني وتحبيني كمان
رزان: انت بتحلم يا كريم مش معني اني بتكلم معاك وبحاول اقبل بوضعنا دا اني هسامحك انت واحد اغت*صبتني واستغليت ثقتي فيكي كدكتور انا مستحيل اسامحك

وطلعت تجري علي فوق وهي بتعيط وكريم موجوع علي وجعها وقال: تعملي العملية بس وهعرفك كل حاجه وليه عملت فيكي يا حبيبت روحي
……………………
في البيت المهجور ظهرت البنت اللي كانت بتتكلم مع سيد وهو واقف قدامها وبتضحك بشر
~بقي كل دا يطلع من كريم لا بجد مش مصدقة دا اتغير خالص
سيد: دا كل اللي عرفته يا هانم وكمان دا معين حراسة كبيرة اوي علي البيت معرفش ليه رغم انها بنت عادية مفيش خوف عليها
~اكيد في سر محدش يعرفه غير كريم اصله مش سهل يعني بقولك اي متعرفش تجبلي واحد من الحراس يبقي في صفنا
سيد: دا مش سهل انتي عارفه كريم منقي احسن فريق حراس الموضوع صعب اوي
~بقولك اي اتصرف وهتاخد اللي انت عايزوا انا عايزة اعرف كل حاجه بتحصل جوه البيت وبره البيت كمان
سيد: طب براحه متزعقيش انا مش بحب الصوت العالي سبيني احاول بس هتدفعي كتير
~قولتلك متقلقش المهم تنفذ اللي انا عايزاه
مشي سيد وهي قعدت وقالت: لو الحمار دا مقدرش يعمل حاجه هيبقي لازم اتصرف بنفسي ما انا هخليك تعيش يوم مرتاح يا كريم وهتشوف
…………………………….
في نايت كاب ظهر حسن وهو قاعد بيشرب وبيتكلم مع واحد وهو بيضحك…
حسن: يا عم في اي قولتلك متقلقش رزان هتجيلك
عصام: يا حسن انت زودتها اوي المفروض كانت تيجي النهارده كدا التسليم هيتاخر
حسن: اصبر بس اسبوع وانا هجبهالك لحد عندك
عصام: ماشي لما نشوف اخرتها بس انا عندي سؤال انت ازاي هتبيع اختك انا مش مستوعب بجد
حسن بضحك: مش لما تكون اختي الاول……………

*ياتري اي الحكاية وازاي رزان مش اخت حسن…. ورزان ومنه اتفقوا علي اي….. وكريم هيقدر يعالج رزان وتعمل العملية ولا اي هيحصل…. ومين البنت المجهولة دي وعايزة اي من كريم….. توقعتكم بقي…. 😉❤

يتبع …

لقراءة الفصل التالي : اضغط هنا

لقراءة جميع فصول الرواية اضغط على (رواية قدري)