رواية عشق أحفاد الجوهري الفصل السادس والعشرون 26 بقلم آية المهدي

رواية عشق أحفاد الجوهري الفصل السادس والعشرون 26 بقلم آية المهدي

رواية عشق أحفاد الجوهري البارت السادس والعشرون

رواية عشق أحفاد الجوهري الجزء السادس والعشرون

رواية عشق أحفاد الجوهري الحلقة السادسة والعشرون

في المستشفي
كانت تتحدث رانيا مع الطبيب
رانيا : كله تمام يا دكتور
الطبيب : أيوة وهي مش هتفوق الا بعد ٦ساعات نكون خلصنا العملية كمان وذهب الطبيب لغرفة العمليات لتنفيذ ما طلب منه
ورحلت رانيا وهاتفت حازم لتخبره بأن كل شيء كما يريد
علي الجانب الاخر ذهب سليم لمنزل والد حور وظل يطرق الباب ولم يجب أحد وخرج أحد الجيران
الجار : انت عايز مين يا بني
سليم : هو مافيش حد هنا يا عمي
الجار بحزن : لا والله يا بني كلهم في المستشفي من ساعة اللي حصل
سليم بخوف : وهو اي اللي حصل
الجار : بنتهم يا بني حصل معاها حادثة ومن وقتها وهي في غيبوبة
سليم : واسمها اي البنت دي
الجار : اسمها حور يا بني وهي شبه اسمها كده ربنا يقومها بالسلامة علشان خاطر ابوها واخواتها
سليم بحزن وخوف لمعرفة جده بما حدث : طيب ممكن تقولي فين المستشفي دي لو سمحت
الجار : طبعا يا بني وقال الراجل لسليم اسم المستشفي
وذهب سليم لمكان ابنه عمه
علي الجانب الاخر بعد مرور الوقت خرج الطبيب من غرفة حور وتم إجراء العملية لها وظلت حور تحت تأثير المخدر حتي فاقت
حور بتعب: انا فين
الممرضة : انتي في المستشفي حضرتك
حور باستغراب : مستشفي ليه حصل اي
وفجأة دخل الطبيب
الطبيب: حمد الله على سلامتك يا مدام مليكة
حور : الله يسلمك هو أي اللي حصلي

الطبيب: حضرتك كنتي فاقدة للوعي وعلقنا ليكي محاليل وده بسبب انك مش بتهتمي بنفسك
حور : طيب انا بقالي قد اي غايبة عن الوعي
الطبيب بعمليه : بقالك ٧ ساعات
حور بتعب : طب أنا عايزة امشي
الطبيب: مينفعش لازم ترتاحي وكمان لازم تاخدي الأدوية والراحة التامة
حور باستغراب: اي يا دكتور دول شوية إرهاق مش لازم ده كله
الطبيب بتوتر : لاء لو ما اهتمتيش بصحتك هتتعبي
حور : تمام ممكن امشي
الطبيب : انا اتصلت بسيف بيه وقولتله أنه حضرتك تعبتي وهنا في المستشفي وهو علي وصول حمد الله على سلامتك يا مدام مليكة الممرضة معاكي لو احتجتي حاجة وذهب الطبيب بعد ما اوصي الممرضة بالاهتمام بحور
علي الجهة الأخري وصل سليم للمستشفي
سليم للممرضة: لو سمحتي فين غرفة ٢٠٤
الممرضة : اتفضل حضرتك معايا وذهب سليم مع الممرضة لغرفة حور
الممرضة لسليم : اتفضل حضرتك دي غرفة المريضة بس والداها جوا معاها
سليم : شكرا ودق سليم باب الغرفة وسمح له والد حور بالدخول
والد حور : اتفضل مين حضرتك يا بني
سليم بذهول لرؤية الشبه الشديد ما بين حور ومليكة وظل ينظر لها ولم يفق الا علي صوت والداها
سليم : حضرتك والد الآنسة حور
والداها: أيوة مين حضرتك وتعرف بنتي منين
سليم : هاحكي لحضرتك كل حاجة بس اتمني تفهمني وتتقبل الموضوع بهدوء ومن غير انفعال
والداها : قول يا ابني قلقتني
وحكي سليم لوالد حور كل ما قاله حاتم وكان والد حور يستمع ومذهول من كلام سليم وانتهي سليم من حديثه
والد حور بصدمة : انت عايز تقولي أنه حور مش بنتي وبنتي الحقيقة اتوفت اول ما اتولدت ازاي عايزاني اصدق دي بنتي وانا مش مصدق كلامك

سليم بهدوء: انا عارف انها صدمة بس لو مش مصدقني هنعمل تحليل DNA الآنسة حور وعمي وقتها هتصدق وكمان أنا معايا الورق اللي يثبت إنه الطفلة اللي اتوفت بنت حضرتك وكمان الممرضة موجودة
والد حور بتعب : انا مش مصدق حور بنتي ومش بنت حد تاني أنا اللي كبرتها وانا اللي كنت معاها وقت مراحل حياتها دي بنتي ومحدش يقدر يقول غير كده
سليم : حضرتك انا مقدر مشاعرك وانا مقدرش أنكر انك والداها بس جدي وعمي والعيلة كلها من حقهم يعرفوا ويشوفوا بنتهم اللي كانوا فاكرين انها ميته واظن ده كله هيحصل لما الآنسة تفوق وتقرر بعد ما تسمع كل ده وعشان كده يا عمي باستاذنك بصفتك والداها أنه ننقل الآنسة حور لمستشفي الجوهري العلاج هناك افضل وكمان هيجي افضل دكاترة من برة يقيموا حالتها وان شاء الله هيكون في تحسن قريب
والد حور بتعب : انا وفجأة فقد الوعي وصرخ سليم ليأتي الطبيب ويقوموا بإخراج والد حور لغرفة اخري للكشف عن حالته
علي الجهة الأخري في المستشفي وصل سيف لغرفة حور
سيف بخوف : مليكة حبيبتي انتي كويسة
حور بتوتر : اه كويسة الحمد لله كان شوية إرهاق
سيف : إرهاق انتي باين عليكي التعب
حور : لاء ابدا انا بس محتاجة ارتاح شوية علشان كده عايزة ارجع البيت
سيف : طيب يلا بينا وذهب سيف وحور من المستشفي لقصر الجوهري وكانت هناك عيون تراقبهم
الطبيب اتصل بحازم : كله تمام يا باشا وحطيت الأدوية في علب فيتامينات والعملية تمت بس بعد ٢٠يوم لازم ناخد عينه ونشوف نجحت ولا لاء
حازم : لاء دي سهله خليها عليا واياك يا محسن تتنفس من غير اذني انا حاطط عيني عليك وكمان علي عيلتك
الطبيب بخوف : لاء يا باشا انا مش هاتكلم وعملت كل اللي طلبته مني
حازم : براڤو عليك هو ده المطلوب منك
وقفل حازم مع الطبيب فرحا لنجاح خطته
حازم بحقد : ودلوقتي محدش هيوقفني انا هادمر عيلة الجوهري وهادمرك يا سليم
علي الجهة الأخري في قصر عائلة الجوهري
في المكتب كان الجد ينتظر مكالمة سليم لمعرفة لما وصل ولكن لم يرد سليم علي مكالمات جده وبعد مرور الوقت وصل سليم للقصر

الجد : سليم عملت اي يا ابني بنت عمك قبلت تيجي معاك واهلها قالوا اي
سليم بحزن : حور في المستشفي يا جدي وفي غيبوبة بقالها فترة وانا اتكلمت مع والداها ومن الصدمة متحملش وفقد الوعي وانا فضلت معاه لحد ما ولاده وصلوا ومقولتش ليهم حاجة
الجد بصدمة وحزن لما حدث : حفيدتي انا في المستشفي ليه ووالداها كمان تعبان انا عايز اشوفها يا ابني انت شوفتها يا سليم شبه مين
سليم : شوفتها يا جدي ولما شوفتها كاني شايف مليكة قدامي
الجد : يلا بينا يا ابني انا عايز اشوفها
سليم : جدي الوقت اتاخر وكمان انت هتتعب اي رايك نخليها بكرة انا هاخدك لحد عندها لازم ترتاح دلوقتي
الجد بحزن : ارتاح ازاي يا ابني وحفيدتي في الوضع ده هقول لعمك ومراته اي يوم ما لقيت بنتك كانت في مستشفي وفي غيبوبة
سليم : ان شاء الله هتكون كويسة وهتشوفها ادامك
الجد : يا رب يا ابني

يتبع..

• لقراءة الفصل التالي : اضغط هنا
• لقراءة الرواية كاملة اضغط على : (رواية عشق أحفاد الجوهري)