رواية طفلة الفهد الفصل الرابع والستون 64 بقلم دعاء حجاج

رواية طفلة الفهد الفصل الرابع والستون 64 بقلم دعاء حجاج

رواية طفلة الفهد البارت الرابع والستون

رواية طفلة الفهد الجزء الرابع والستون

رواية طفلة الفهد الحلقة الرابعة والستون

 

زينه كانت طالعه ولكن فهد وقفها
_زينه
زينه التفت وقالت بفرحه: نعم
_اقفلى الباب وراكى والنبي
زينه بعصبية: نعم
فهد ابتسم وزينه طلعت ورزعت الباب وراها
فهد بعصبية: الباب يا هبله

 

 

دخلت الاوضه وحمدت ربنا وفي ثانيه الفرحه اتحولت إلى خوف وقعدت على الطرف السرير وقالت بتفكير: لما فهد يعرف أن ماما زينب مش امه ولا جمال اللى قت”ل أهله
زينه بخوف: معقول يكر”هنى ؟
دخلت الحمام وغسلت وشها وقالت: مش عارفه حاسه ان الايام اللى جايه هتكون دما”ر
في صباح اليوم التالى
قامت من النوم دخلت الحمام كالعاده وخدت شاور ونزلت لقت الكل بيفطر ما عدا مالك وسمر
زينه كانت رايحه تقعد جنب فهد ولكن فهد زق الكرسي وبص لزينه وقال: اقعدي جنب ماما
زينه بصت لفهد بصدمه ومبقتش فاهمه حاجه
زينه قعدت جنب زينب وبصت لفهد باستغراب وقالت في سرها: هو اللى حصل امبارح كان حلم ولا انا متهيالى
بعد شويه طلع وزينه طلعت ورا عالطول
_فهد
فهد وقف وقال: اي يا زينه
زينه وقفت قصاد فهد وقالت: هو انت مجنون
فهد ضم حواجبه وقال: ليه
_من امبارح للنهارده اتغيرت اوى

 

 

_اتغيرت ازاى
_يعنى دلوقتى زقيت الكرسي عشان مقعدش جنبك
فهد ابتسم وقال: مزاج
زينه مسكت دراع فهد وقالت: هو اي اللى مزاج
فهد باس زينه من خدها وقال: هتاخر على الشغل سلااام
اتعصبت اوى وقالت بضيق: طيب
في اوضه جمال
كان بيتكلم في التليفون مع محامى نور الدين المنصوري اللى متفق معا في كل حاجه
_طب وبعدين يا جابر(محامى نور الدين المنصوري)
_انا عطيتك الورق يا جمال وعملت اللى عليا اعمل اللى عليك بقا وخلى فهد يوقع
جمال بخبث: انا هقت”ل فهد
المحامى بصدمه: مينفعش يا جمال وصيه نور الدين بتقول أن لو جرا حاجه لابنه ورث عائله المنصوري كله يروح للجمعيات الخيريه
_ما انا قبل ما اقت”له هخلى يوقع عن التنازل
_وده ازاى
جمال بشر: زي ما كنت بعمل معا وهو صغير
_اعمل اللى انت عايزو يا جمال بس استعجل شويه
جمال هز رأسه وقال: النهايه قربت اوى يا جابر والحقيقة اللى فضلت ٢٣ سنه هتنكشف
قفل التليفون وقعد على طرف السرير وقال بكل حقد: ساعتها زينه هتكون ارمله وهتجوزها
دخلت وقالت: جمال جمال
جمال بخضه: في اي
_الوضع بين زينه وفهد متوتر جدااا
جمال ابتسم وقال: واي الجديد ما انا عارف
_زينه كانت ماشيه امبارح
جمال بصدمه: اي

 

 

شيري هزت راسها وقالت: بس خالتى زينب اللى منعتها ده معنى اي
جمال بخبث: ده معنى أن زينه وفهد هيطلقوا قريب اوى
شيري بفرحه: يا رب يا جمال ده هيكون اسعد يوم في حياتى
جمال بص لشيري وقال في سره: مسكينه اوى مفكره انى بساعدها وانا للأسف بستغلها
في غرفه مالك
كانت نايمه في حضنه وفجاه المنبه رن وكان صوته مزعج جدا
مالك بعصبية: سمرر
سمر:_______
مالك فتح عينه وبص على سمر وهمس في ودنها وقال: اتاخرت على المدرسه يا صغنن
سمر فتحت عينها وقالت بابتسامه: صباح الخير
مالك بابتسامه ساحره: صباح العسل
_هي الساعه كام
مالك بص في الساعه وقال بتريقه: نامى لسه بدري
_امممم كام يعنى
مالك مسك التليفون وبص فياا وسمر مسكت منه التليفون وقالت: ينهار اسو”د اتاخرت على المدرسه
مالك خدها في حضنه وقال: مدرسه اي بس خليكى زي زينه
سمر زقت مالك وقالت: لا انا عايزه اكمل تعليمى
مالك بتريقه: هتطلعى اي يعنى
سمر بصت لمالك وقالت بعصبية: على الاقل هيكون معايا شهاده مش زيك يا فاشل
ضم حواجبه وقال: فاشل
_قوم بقاا وصلنى
_وانا مالى
_مالك ازاى انت السبب
مالك غمز ليها وقال: انا السبب ازاى
سمر بصت لتحت وقالت بخجل: ممكن تقوم توصلنى
_ياااا اي الاحترام ده يا بت انا عمري ما شوفتك مهذبه كده

 

 

سمر مسكت المخده ورمتها على مالك وقالت: انا مهذبه غصب عنك
مالك قام ومسك المخده ونزل على سمر
_اعاااااا
قعد يضر”بها بالمخده لحد ما الريش اللى فيها طلع
خدها في حضنه وقال: كفايه كده
_والله رقبتى وجعتنى
مالك بص ليها وابتسم ابتسامه تخطف القلب
_مالك
مالك بص في عيونها وقال: قلب مالك
_انا معجبه اوى بضحكتك بتخطف قلبي
_بجد
سمر هزت راسها وقالت: ضحكتك بتدينى امل في الحياه وطاقه إيجابية
مالك بغرور: ما طلع منى فايده اهو امال بتقولى عليا فاشل ليه
سمر حضنت مالك وقالت: انت مش فاشل يا حبيبي
_تعجبينى كده يا منال
سمر بصت في عيون مالك وقالت: اقصد انك متخلف عقليا
مالك زق سمر وقال: اللى زيك مينفعش معااا الحنيه خالص اللى زيك عايز علقه تكسر عظامك
سمر برقت وقالت: عايز تكسر عظامى يا مالك
_هو حد يقدر عليكى
سمر قامت وقالت: خلصانه يا ابن الكيلانى
مالك مسك ايد سمر وقال: رايحه فين
سمر بعصبية: لو فضلت قاعده معاك كده ممكن أتجن
_طب ما تيجى نخرج من زمان اوى مخرجناش
سمر بفرحه: فين

 

 

مالك قام وضر”ب سمر على رأسها وقال: بهزر
سمر حطت ايدها حوالين رقبه مالك وقالت برقه: عشان خاطري
مالك بضعف: في اي
_تعالى نخرج
_لاء وبعدين انا كنت بهزر متخديش الكلام على محمل الجد كده
سمر قربت من مالك اكتر وقالت: اي رايك نقضي اليوم كله برا
مالك حاول يتماسك قدام جمالها خصوصاً عيونها إللى بتستخدمها بطريقه ملفته للنظر
_يلاا بقااا
_وانا قولتلك لا ابعدي بقااا
_لا ليه مش حضرتك لسه قايل
_وانا قولتلك كنت بهزر متخديش الكلام على محمل الجد
مالك شال أيدها وطلع قميص اسود وبنطلون اسود أيضا ودخل الحمام
قعدت على طرف السرير وكانت متنرفزه اوى وقالت بتلميح: يعنى ولا مدرسه ولا خروجه
بعد شويه طلع من الحمام وكان وسيم اوى خصوصا أن اللون الاسود بيجعله وسيم للغايه
وقف قدام المرايا ورش البرفان اللى بيشد اي بنت لياا من رائحته
بصت ليا وقالت: رايح فين
مالك:________
سمر قامت وقالت:انا بكلمك على فكره
مالك بص ليها وقال: مخدتش بالى كنتى بتقولى اي
_رايح فين
_مشوار كده مش هتاخر
_مشوار اي بقااا
_خارج مع قمر النهارده
_بنت يعنى
مالك هز رأسه وقال: بحب ذكاءك ده أوى

 

 

بصت ليا بقرف وقالت: enjoy (استمتع)
كانت داخله الحمام ولكن مسك أيدها وقال: مش عايزه تعرفي مين اللى طالع معها
_لا مش عايزه اعرف
مالك شدها ليا وحط ايدو على خدها وقال: اصلا البت اللى طالع معها زعلانه واعتقد انها مش هتوافق تطلع معايا
_اصالحكم على بعض يعنى
_يا ريت
_طب هات رقمها
_هتعملى اي
سمر بعصبية: هخليها تندم على اليوم اللى جت فيا على وش الدنيا
ثم قالت: اقصد هصالحكم على بعض
مالك ابتسم وقال: محدش يقدر يصالحها الا أناا
_ويا تري بتصالحها ازاى
مالك قرب من سمر وقبلها وقال: بصالحها كده
سمر زقت مالك وقالت بعصبية: مش هتتغير ولا عمرك هتتغير
مالك ضم حواجبه وقال: انتى بتقولى اي يا حماره
سمر طلعت فستان لونه كشميري وقالت بغيره: روح صالحها وخليك حنين اكتر من كده تلاقيها محتاجه حد جنبها
_غيوره اوى
سمر وقفت عند مالك وقالت: فك الشاش ده
_وانا مالى
سمر ضر”بت مالك في بطنه وقالت: انجز
وقف ورا ضهرها وبدأ يفك الشاش فعلاا وكان لازق في الجلد نتيجه النار اللى مسكت في جلدها
_اعااااااا
مالك خدها في حضنه عالطول وقال: انا اسف

 

 

_يالههوي نار يا مالك
مالك حس بوجع وقال: استحملى يا قلب مالك
بعدت عنه ومسكت ايدو جامد اوى وبدا يفك ليها الشاش اللى كان ملفوف حوالين رقبتها
_اعااااا
مالك فكوا فعلاا وكان مصدوم من حاله صغيرته وقال: سمر انتى حاسه بأي دلوقتى
_ولا حاجه
الدموع نزلت من عين مالك وقال: امال انا حاسس بوجع ليه وعايز اعيط
سمر بصت في عيون مالك وقالت: ليه
_بحس بوجعك أو يمكن انا اللى بتوجع
سمر حضنت مالك وقالت: انا بحبك اوى يا مالك
باسها على رأسها وقال: ادخلى البسي وهستناكى
سمر بعدت عن مالك واكن الألم اختفي وقالت: يعنى موافق نطلع سواا
مالك هز رأسه وقال: متتاخريش
سمر حطت الفستان اللى طلعتوا وبصت لمالك وقالت: عايزه اكون شبهك
مالك ضم حواجبه وقال: ازاى
_هدومنا زي بعض يعنى
مالك وقف جنبها وقال: الفستان ده حلو
سمر طلعت الفستان وبصت عليا وبعدها بصت على هدوم مالك وقالت: متاكد
مالك هز رأسه وقال: وهيبقا احلى لما تلبسي كمان
سمر بفرحه جنونيه: اشطاا
دخلت الحمام وهو قعد على الكنبه وكان منتظرها
بعد شويه كانت بتصرخ وبتقول : مش عارفه البس الفستان

 

 

 

مالك قام ووقف عند الباب وقال: في اي يا قلبي
_مش عارفه البس من رقبتى يا مالك يا ريتك ما شلت الشاش
_طب افتحى الباب
سمر بعصبية: نعم يا روح امك انت مجنون
_انا جوزك يا هبله
_لا انا بتكسف
_اممم واللى حصل امبارح
سمر وقفت عند الباب وقالت بخجل: وهتعمل اي لما تدخل
_هساعدك
_ازاى
_استغفر الله العظيم هلبسك
_لا يا عم انا مش طفله
مالك خد نفس عميق وقال: طب البسي ويا ريت تخلصي
وقفت قدام المرايا وكانت بتحاول تلبس الفستان لكن معرفتش من شده الألم اللى بتحس بيا لما بترفع أيدها
بعد مرور خمس دقائق
_سمر اخلصي
طلعت من الحمام اخيرااا ومالك قام وقال: اخيرااا
بصت لتحت وقالت بخجل: هطلع كده
مالك بص ليها فهى كانت لابسه برنص ومكسوفه اوى
مالك قرب منها وسمر لاحظت خطواتها وقالت: في يا حبيبي خليك مكانك
مالك وقف مكانه وقال: طب اخلصي والا هاجى اساعدك غصب عنك

 

 

سمر بصت لتحت وقالت بخجل: ما انا مش عارفه البس
_اقولك خليكى كده انا مش هتاخر
سمر طلعت تجري ومسكت ايد مالك وقالت: انا ما صدقت انك وافقت متبقاش رزل
_طب اقلعى
قالها بكل جرأة فهي انكسفت اوى وقالت: طب غمض عينيك
مالك خد نفس عميق وقال: حاضر
بعد شويه
لبست الفستان فعلا بمساعده مالك ووقفت قدام المرايا وقالت: متاكد ان الفستان متناسق مع هدومك
مالك حضنها وقال: جدااا
_طب اعمل شعري ازاى
مالك شال الدبوس وقال: كده
_مفرود
مالك هز رأسه وقال: كده احلى
_طيب
_مش يلااا
_استنى الميك اب
مالك بنفاذ صبر: ما انتى كده حلوه ميك أب اي وخرا اي
_ما انا مش هطلع كده وحضرتك تطلع كده
_مش فاهم
سمر بصت عليا في المرايا وقالت: انت وسيم وكل اللى هيشوفك هيقول مين القمر ده
مالك ابتسم على صغر عقلها
رسمت الروج بطريقه تحفه

 

 

مالك قعد على السرير وحط ايدو على خدوا وسرح في جمالها
بعد شويه خلصت وقالت: اي رايك
مالك:__________
_مالككك
مالك بخضه: نعم
_بقولك اي رايك
مالك قام وقال: انا غيرت رايي
سمر ضم حواجبه وقالت: غيرت رايك في اي
مالك شد سمر من خصرها وقال:الصراحه خايف من نظرات الناس ليكى
_ازاى
_مقدرش اشوف حد بيبصلك
_يعنى اي
_اقعدي مع ماما احسن وانا مش هتاخر
سمر زقت مالك وقالت بعصبية: كنت عارفه انك هتقول كده
مالك خدها في حضنه وقال: انا عندي حل يرضي الطرفين
_امممم
_اغسلى وشك
سمر بصت لمالك بصدمه وقالت: الميك اب هادي على فكره
_هادي وطالعه زي القمر امال لو كان تقيل شويه
_مالك انا فرحانه انى هطلع معاك متزعلنيش منك
_ده الحل اللى عندي
_من كلامك انا وحشه في الطبيعه صح
_مين قال كده بس
سمر قعدت على السرير وقالت: خلاص مش عايزه أخرج

 

 

مالك قعد جنبها وقال: خلاص يا سمر قومى
_خلاص مش عايزه روح شوف حبيبه القلب
مالك ضحك وقال: على فكره كنت بتكلم عليكى
سمر بصت لمالك وقالت: كداب
مالك خدها في حضنه وقال: انتى البنت اللى بتزعل منى كتير ومشاغبه كماان
_طب قول ماشي
_ماشي على اي
_اطلع كده
مالك بص في عيونه وقال: ماشي
الابتسامه اترسمت على وجهه سمر وقالت: طب يلاا
مالك قام ومد ايدو لسمر وحط الايد التانيه ورا ضهرو وقال: يلاا يا اميرتى
سمر ابتسمت وكانت رايحه تحط أيدها ولكن قامت عالطول وقالت: هستناك تحت اوعك تتاخر
_في حد بيقلدنى هنا ولا اي
نزلت تحت وزينه باستغراب: رايحه فين
_صباح الخير
زينه بابتسامه: صباح النور
مالك نزل من على السلم عالطول وقال: يلا يا اميرتي
قالت بابتسامه: روح طلع العربيه وهاجى وراك عالطول
_اشطااا
زينه مسكت ايد سمر وقالت” طالعين فين يا بت
_قولنا نخرج شويه
_طب خدي بالك من نفسك ومن مالك كمان
سمر قعدت تضحك وقالت: يلا سلام
_سلاام
في شركه الكيلانى (نور الدين المنصوري)
_حساااام
فتح الباب وقال: في اي يا فهد
_باتريك جاي النهارده
حسام باستغراب: مش عارف هو النهارده اي
_النهارده واحد مارس
(الابطال عايشين معانا على فكره 😂)
_اه تصدق كنت ناسي

 

 

_ليه بتحب
_احب وعلى مراتى انت مجنون
_لا مش مجنون واطلع برااا
حسام كان طالع ولكن فهد واقفه وقال: هي الواحده بتحب اي
حسام وقف عند الباب والتفت وقال: قولت اي
فهد قام وقال: بص انا ماليش في رومانسيه اوى وانت عارف انى شخص اجتماعى
_امممم
_كنت عايز اعرف اي اللى بيبسط اي واحده
حسام بتريقه: واي اللى بيبسط اي واحد
_حسام انا مش بهزر
_ما انا عايز اقولك حاجه الستات نكديه متحاولش تبقا لطيف مع مراتك عشان مهما حاولت هتنكد عليك
_تصدق بالله انا غلطان انى سالتك وبعدين زينه مش زي اي واحده زينه مختلفه
حسام بص لفهد وقال: مختلفه ازاى
فهد سرح وقال: مختلفه بكل تفاصيلها ضحكتها جنانها طيبه قلبها كل حاجه
_واي تانى يا راميو
_اطلع برااا
_خلاص اهدا يا عم هقولك بس بشرط
_عارف شرطك
_اممم يبقا على بركه الله بص اي اكتر حاجه بتحبها زينه
فهد بص ليا وقال: ما تحترم نفسك يا جدع
_المدام زينه الخانم زينه بتحب اي
_الحقيقه معرفش
_فعلا مالكش في الرومانسيه خالص
_حسام انا مش بهزر اخلص
_عشاء رومانسي
فهد بص ليا وقال: تفتكر
_بص انا رومانسي مع كل البنات الا مراتى فممكن اهبل شويه
فهد مسك ملف ورمى على حسام وقال: اطلع برااا ياض

 

 

حسام وهو واقف عند الباب: باتريك جاي النهارده فكر في المقابله الاول
_هو انا جاي اتقدم لامك
_والله وكبرت وطلعلك لسان
_اطلع برااا والا
حسام بتريقه: والا هطردك من الشركه وللابد
_اطلع برااا يا كل”ب
حسام طلع فعلاا وفهد قعد على الكرسي وقال: متخلف
مسك تليفونه ورن على زينه
كانت واقفه قدام المرايا وبتقول: هو انا احلى ولا شيري
وفجاه تليفونها رن
زينه مسكت التليفون وقالت: الوو مين
فهد ضم حواجبه وقال: مسحتى رقمي ولا اي
زينه بفرحه: فهد
_انزلى واركبي مع جاسر
زينه بفضول: ليه
_تعالى الشركه
زينه بفرحه: هكون مودل زى المره اللى فاتت
_لاء
_امال اي
_كده وخلاص هنتظرك ثم قال بتحذير: ويا رب تلعبي بديلك
_هو انا بتاعت كده يا فهودتى
_لا ابدااا ثم كمل بتريقه: انتى ام كده
_بلاش نكد وهاجى فوراا
_في انتظارك
_ماشي
قفلت التليفون وطلعت كل الفساتين اللى في الدولاب وقالت بتفكير: البس اي
_ده لا لا مش حلو
زينه حطت أيدها على دماغها وقالت: ما البس بنطلون وخلاص
زينه دخلت الحمام فعلا
بعد شويه طلعت من الحمام وكانت لابسه بنطلون اسود وشميز ابيض وكان شكلها حلو اوى
وقفت قدام المرايا وقالت بغرور: هو القمر بيطلع بليل ولا بالنهار ينهاااري انا معجبه بنفسي اوى وبعشق نفسي
طلعت وكانت الاخري ماشيه ودخلوا في بعض

 

 

_اعاااااااا
_مش تاخدي بالك يا حما”ره
زينه رفعت راسها لفوق ليترمى شعرها على وش شيري
_مفيش حد حما”ر هنا الا انتى
شيري بصت لزينه من تحت لفوق وقالت: فهد يعرف انك لابسه كده
_وانتى مالك
_اه صحيح فهد مش بيكلمك اصلاا
زينه قبضت ايدها وقالت: لو فضلت اتكلم معاكى كتير هوجع دماغى على الفاضي سلام
شيري بتفكير: يا تري رايحه فين
نزلت تحت وقالت: عمو جاسر
_نعم يا جميله الجميلات
_والله ما حد بيرفع معنوياتى الا انت يا عمو جاسر
_امال رايحه فين كده
_عند فهد
_جاسر بفرحه: اتصالحتوا
زينه هزت رأسها وقالت: اه
_طب الحمدالله اطلعى غيري هدومك وهستناكى
زينه بصت على هدومها وقالت: ما انا كده جاهزه
جاسر بخوف: فهد بيه ممكن يزعق يا بنتى بلاش اسمعى منى
_لا انا عايزه اروح كده وفهد مش هيعارض
_انتى حراا بس فهد بيكر”ه البنطلون اوى
_وانت عرفت ازاى
_يا بنتى انا هنا من زمان اوى ومكنش بيخلى بتول تطلع ببنطلون مره طلعت كان عايز يقعدها من الجامعه لولا المدام زينب كانت بتول قاعده من زمان
زينه حست بخوف وسرعان اترددت وقالت: فهد ميقدرش يزعلنى يلاا
جاسر بخوف: يلاااا
زينه ركبت فعلا وجاسر قال: ربنا يستر

 

 

في مكان ما
_ده انت شجاع بقااا
_انت اي مش مكسوف من نفسك
_لا مش مكسوف فاكر انا قولت اي
حمزه وقف بجبروت وقال: انا مش خايف منك ويوم ما هخاف هخاف من ربنا مش من واحد زيك
جمال طلع المسدس وقال: الوداع يا حلو
حمزه وقع على الأرض والد”م نزل عالطول من بطنه
جمال نفخ في المسدس وقال: نهايه زينه وفهد قربت اوى عشان ناوي أد’مر العائله
حمزه بص ليا وقال بصوت مقطع: مستحيل تكون بنى ادم
جمال قعد يضحك وقال: فعلاا
حمزه باخر جمله: أشهد ان لا اله الا الله وأشهد أن محمدا رسول الله
وللأسف بعدها ما”ت
_انزلوا خدوا
_فين يا بيه
_ارموا في اي حته مش عايز ليا اثر فاهمين
هزوا راسهم وقالوا بصوت واحد: حاضر يا بيه
جمال ركب العربيه وبيفتكر
فلاش بااااك
كان قاعد على السرير وفجاه تليفونه رن
مسك التليفون وقال: الوووو
_اخيرااا رديت انا رنيت عليك كتير
_اخلص
_حمزه راح لفهد امبارح
جمال قام وقال: اي
_ايوه يا بيه
_متاكد من كده
_يا بيه انا براقب حمزه في كل خطوه ومتاكد طبعاا
جمال قفل التليفون وقال: بقا كده طيب
رن على واحد من رجالته
_اوامرك يا بيه
_هبعتلك صوره شاب عايزك تجيبوا حتى لو في حضن امه
_تمام يا بيه
قفل معا وبعت الصوره عالطول
بعد مرور نصف ساعه

 

 

كان واقف عند بيت حمزه ومنتظر خروجه
حمزه طلع فعلا والآخر نزل من العربيه وغر”ز في رقبته ابره عملت على فقدان واعيه
باااك
جمال بشر: وكده فاضل شخص واحد بس فهد نور الدين المنصوري
في شركه الكيلانى ( نور الدين المنصوري)
زينه دخلت الشركه والكل بص ليها بصدمه
_مش ده مرات البيه بردو
_ايوه هي
_ولابسه كده عادي

 

 

_مش عارف ربنا يستر
زينه فتحت الباب وقالت: يا صباح العسل
التفت ليها وفجاه الفرحه اتحولت إلى غضب
#احتمال مفيش بارتين بكره هيكون بارت واحد بس وهيكون على موعدنا الساعه ١٠ مساءاً
محدش يزعل عندي ظروف والله
يتبع٠٠٠٠
روايه _طفله _الفهد
بقلمى _دعآآء_ حجآآج

 

لقراءة الفصل التالي : اضغط هنا

لقراءة باقي حلقات الرواية اضغط على (رواية طفلة الفهد)