رواية زواج غصب الفصل الثاني 2 بقلم هبة المعداني

رواية زواج غصب الفصل الثاني 2 بقلم هبة المعداني

رواية زواج غصب البارت الثاني

رواية زواج غصب الجزء الثاني

رواية زواج غصب الحلقة الثانية

وصلو لي الحوش خشيت لي الحوش بس لما خشيت شفت بنات خالتي بس كانو ميحبونيش
ندا:شن جايبها هادي امك شن ادير
مروة:تو اكيد بي تشاركنا في كل شي
خشت أسيل وسلمت بس حست كأنها مش مرغوب بيها بس مطره تقعد لان معندهاش وين بي تمشي للحديت متطلع حناها من المستشفى
ندا:يمه احني ناقصين ولا قالولك اعلينا دار ايتام 😂
نجوى:بوك هو السبب اتصلت بيا خديجة وقالت له أن ايامها معدوده والبنت ابروحها مفيش وين بي تمشي
ندا :تو ايجي بابا ونقوله يرفع ألهم هادي
نجوى: ردبلك تفتحي الموضوع هد مع بوك
وطبعآ الدوه هادي كلها قدام أسيل وقعدت تبكي

أسيل :اني شن درتلكم وشن سبب اللي خلاكم تكرهوني وانتم حتى متعرفونيش حتى ولا مرة اسألتو اعليا
نجوى:امك.هيا السبب هربت مع بوك وتجوزت وخلت روسنا في الوطا وبوي مات بسببها هيا مستحيل ننسو اللي داراته وكيف دمرت العيله
طبعا اسيل انصدمت لان الكلام اول مرة تسمعه
بس ماغير شي وامها تزوجت بوها ومدارتش حاجه غلط كانت تحبه
مهتمتش اسيل لكلامهم
نجوى :امتى تطلع حناك وترفعك من عليا خير ماديري العار زي امك
اسيل امي متجبديهاش
نجوى مشاءالله وتعلي في صوتك عليا طبعا حيكون اسلوبك هكي لان مافيش من رباك
اسيل: اني متربية بالك بناتك مش متربيات
مروة :منو مش متربي يا حقيره يا تافها
اسيل: احترمي روحك خير
كيف نجوى بتضرب اسيل ويخش صالح راجلها امشتله تجري
نجوى: صالح روحت
صالح :امشيتي جبتي بنت اختك
ندى :مشاءالله يسأل عليها طول
مروة: الباين بتاخد معانا كل شي انشاء مطولش عندنا
اسيل :متخافوش اني صح اول مرة نتعرف عليكم لكن كرهتكم ونتمنى نطلع منكم اليوم قبل غدوى
نجوى: اي اهيا مع البنات كيف خشيت اني وياها
جي صالح سالم عليها

صالح: بنتي اعتبري الحوش حوشك وتبي اي حاجه اني موجود اعتبرني بوك
اسيل: بارك الله فيك عمي
طبعا اسيل نصدمت من معاملة راجل خالتها وكانت خايفه يكون زي نجوى وبناتها لكن طلع العكس والحاجة هده ريحتها
صالح: ندى مروة اسيل من اليوم وحدة منا وزي اختكم وردو بالكم نسمعكم قلتولها كلمه ولا زعلتوها وقتها حنتفاهم معاكم
ندى ومروة حاضر
صالح :ارفعوها لي غرفتها خلوها ترتاح
مروة: تعالي اسيل خلي نوريك دارك
امشت اسيل مع مروة ومعاهم ندى
خشت أسيل لي الدار وعجبتها
ندى: ردي بالك تفكري ان كلام بابا اتر فينا حسابك مزال مكملش معانا ومشو وخلوها
اتكت اسيل ع السرير ونزلو دموعها وتفكرت امها وبوها وحناها
اسيل: علاش ياربي منفرحش زيني زي البنات علاش مكتوبلي نتعدب
بعدها اخدت تليفونها واتصلت بي سارة
سارة الو اسيل وينك خيرك مترديش
اسيل :حكتلها اللي صار معاها
سارة: حبيبتي الله غالب اتحملي لين تطلع حناك من المستشفى ومتخافيش اني معاك وغدوة توا انجيك
اسيل: ربي يخليك ليا اني معنديش غيرك انتي وحناي
بعدها مصكرت من سارة ارقدت ساعة وجو أطيق في لباب
ندا:عشاء وتي كان بي تنزلي انزلي
اسيل :مخاطريش😒
ندا:احسن بي الناقص منك
بعد مصكرت لباب وليت ارقدت لا ثاني يوم نزلت أفطرت امعاهم طبعا ايعملو فيا اكويس لما ايكون موجود راجل خالتي بعد ما فطرت اركبت لي الدار
______________________________
سميرة:تحلم انك تاخدها تبي اضحك الناس اعلينا البنت سمعتها مش اكويسه تخدع فيك تبي افلوسك بس افهم
أوس: هد آخر كلام عندك
سميرة:اي ولي بي تاخدها اني أللي من ناخدهالك وعلي دوقي
أوس:واني مش حا ناخد إلا هيا

سميرة: كان بي تاخدها مش حا تاخد ولا ربع ولا ورث حا تنحرم منها واني لا عاد امك لا نعرفك
أوس: اوكي تمام خودلي على ذوقك
سميرة:هد ولدي لي نعرفة😍
طبعآ أوس كان بي ايدير اللي في رأسه سكت امه بي كلمتين
______________________________
مواصفات أوس عيونه كبار عندا لحيه خفيفه نقشه علي البني شعرة طويل وعندة عضلات وعصبي هلبااا
سميرة: اليوم بنمشي نهدرز في حوش خوي صالح خاطر نجوى جابت بنت اختها عندها
أوس: هدا وين ادكرت اتجيبها
سميرة: حناها تاعبه هلبا والدكتورة قالت لهم أيامها معدودة
أوس: لا حولا ولا قوة الا بالله والمسكينه شن بدير انتي تعرفي خالتها متحبهاش
سميره: متقدرش اديرلها شي في وجود خالك هي شنو ترفعني
أوس :به نوضي هي
ناضت سميرة لبست وبتمشي لي حوش خوها صالح
طبعا سميرة كان عندها ولد واحد وطبعآ عنده عمه وحده وعايشه برا وعنده تلاته خوال وزوز خالات
طبعا سميرة راجلها معبي هلبااا وعنده شركات وطبعآ أوس كان الولد الوحيد لي بوه فكل الشركات ليه
نجوى:يابنات اليوم جايه عمتكم سميرة ردبلكم تلقحو على بنت خالتكم قدامها
ندا:باهي باه
وطبعآ ندا كانت حاطه عينها على أوس
ندا:ماما جايبه أوس
نجوى:فكينا من حركاتك متع العار وتحشمينى قدام عمتك
ندا:غريبه مخطبتنيش لي ولدها مستحيله يكون هو مش معجب بيا
مروة:وين الجمال بللهي اعليك مصدقه روحك علي الفاضي و أوس مش اين وحدها تعجبه
ندا:ونبي انتي سكري فمك اعليا وانتي ديمه مصكرتها
نجوى:هي اسكتي انتي وياها وبرو قولو لي اسيل ان

عمتكم جايه باش تنزل تسلم عليها
مروة وشن دخلها باش تنزل تسلم عليها
نجوى والله ماهو بوك قلها ان نجوى جابت بنت اختها
مروة باهي باه تو نركب نكلمها
ركبت مروة لي اسيل
فتحت باب الدار
اسيل: متعلمتوش اطقطقو علي الباب قبل ماتخشو
مروة: لما تبدي في حوشكم نستأدن منك
المهم عمتي جايه قتلك امي باش تنزلي تسلمي عليها
اسيل: واني شن ليا علاقه في عمتكم
مروة: والله حتي اني قلتها لكن بابا ربي يهدي قلها ان جبناك عندنا وبتشوفك
اسيل :باهي انشاءالله لمه اتجي تو ننزل
مروة: نزلت بعد مقالت لي اسيل
طق باب الحوش امشت ندى تجري فتحت الباب
ندي :عمتي سميره كيف حالك
سميرة: حمدالله
أوس: لمه بتروحي كلميني باش انجيك

سميرة: باهي وليدي
ندى: أوس خش اشرب قهوة
اوس :معدلش عليها وركب السيارة
خشت سميرة وندى لي الحوش……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج غصب)