رواية قمر الزين الفصل الرابع عشر 14 بقلم ساسو محمد

رواية قمر الزين الفصل الرابع عشر 14 بقلم ساسو محمد

رواية قمر الزين البارت الرابع عشر

رواية قمر الزين الجزء الرابع عشر

رواية قمر الزين الحلقة الرابعة عشر

قمر بصدمه : ده في فرح في بيت زين
هند : ممكن تكون مرات اخوه ولدت
قمر : بس دي مش اغاني سبوع
هند : يبقي خلاص هو بيتجوز
قمر بصدمه اكبر : اي
هند : اتجوز
قمر : طب وانا
هند : انتي اي
قمر : مش كان بيحبني
هند : وانتي اختارتي نهايه الحب
قمر : مش قصدي
هند : قصدك ولا مش قصدك خلاص بقي انسي وشوفي حياتك واوعي في يوم من الايام تلومي زين او كاميليا
قمر : لي بقي مش هما غلطوا
هند : الغلط الاكبر عندك انتي عشان حكمتي عليهم وبعدتي من غير ما تسمعي حد فيهم يبقي تستاهلي اللي حصل
قمر : بعد ده كله انا اللي غلطانه
هند : اه انتي اللي غلطانه ومسمعش كلمه تاني في الموضوع ده خلاص
قمر : انا داخله اوضتي
هند : يبقي احسن

 

 

 

 

 

دخلت قمر اوضتها وفتحت الشباك اللي بيطل علي شقه زين وشافته فرحان ومبسوط ومش فارق معاه حاجه وفي لحظه عينهم جت في عين بعض بصلها لثواني ولف وشه الناحيه التانيه كأنه مشافهاش ودخلت قمر وعماله تكلم نفسها : ازاي من يومين كان طاير اننا رجعنا ومش مصدق نفسه ودلوقتي بيتجوز ولا همه حاجه المفروض اني ابقي العروسه مش حد تاني المفروض يبقي فرحان معايا انا مش مع حد تاني وفضلت كده لحد ما غلبها النوم
عند زين بعد ما خلص الفرح
زين : زياد تفتكر انها عرفت اني اتجوزت
زياد : مش بتقول شافتك
زين : اه شافتني وعينها جت في عيني
زياد : وانت عملت بما عينك جت في عينها
زين : بصيت الناحيه التانيه وكملت رقص مع رقيه
زياد : يبقي كده فعلا فهمت انك اتجوزت
زين : احسن عشان تعرف أخرة بعدها كان اي
زياد : انت لسه بتحبها
زين بحزن : اه
زياد : طب والعمل دلوقتي
زين : مش هعمل حاجه غير اني ادخل انام
زياد بمرح : والبت اللي اتجوزتها دي
زين بضحك : امشي ياض من هنا
وخلص اليوم وتأتي يوم جديد

 

 

 

 

 

 

صحيت قمر دخلت الحمام توضأت وأدت فرضها ودعت ربها ان يختار لها الصالح وجهزت وخرجت
قمر : صباح الخير يا ماما
هند : صباح النور ، انتي لابسه كده ورايحه فين
قمر : رايحه الشغل
هند : احسن اخرجي وفكي يمكن ربنا يرزقك بحد احسن
قمر : لا مش عايزه اتجوز خلاص
هند : براحتك بس ساعة ما هيجي النصيب مش هتقولي لا
قمر : سلام يا ماما
هند : سلام
وراحت قمر البنك والكل استقبلها بفرح
ودخلت مكتبها
قمر : صباح الخير يا ريم
ريم بفرحه : صباح النور يا قمري ، عامله اي. ، وحشتيني
قمر : وانتي كمان وحشتيني
ريم : طب احكيلي اي اللي حصل واختفيتي فجأه ورجعتي فجأه في اي
قمر : قوليلي الاول زين جاي النهارده ولا متعرفيش
ريم : زين يا بنتي قدم استقالته من بعد اختفائك
قمر بصدمه : اي

 

 

 

 

 

ريم : لا احكيلي اللي حصل عشان مش فاهمه حاجه
حكت قمر الموضوع باختصار من اول مازين حضن كوكي لحد فرح زين
ريم : كل ده حصل
قمر : للاسف
ريم : خلاص يا قمر هو اللي خسران مش انتي
قمر : مبقتش تفرق من اللي خسران
ريم : طب اي رأيك نخرج بعد الشغل عشان تفكي شويه
قمر : مش قادره
ريم : لا والنبي انا كنت مستنياكي ترجعي عشان تنزلي معايا
قمر باستغراب : اشمعنا ، هو احمد مش بيخرجك ولا اي
ريم : لا بيخرجني بس ملوش خلق للشوبنج
قمر : شوبنج اي انتي مش المفروض عروسه بقالك سنه
ريم : مش عشاني والله
قمر : عشان مين يا ختي
ريم : عشان الصغنن حجي اللي هيشرف كمان كام شهر
قمر بفرحه : مبروووك يا روحي وقامت حضنتها
ريم : الله يبارك فيكي يا قلبي ،عقبالك
قمر : معتقدش

 

 

 

 

 

 

ريم بضحك : انا بقول من الاول بومه محدش صدقني
قمر : بقي كده
ريم : اه ، واخلصي بقي هتيجي معايا ولا اي
قمر : طبعا
كلمت قمر هند عشان تقولها
هند : طب متتأخريش وباركلها
قمر : حاضر
هند : خلي بالك من نفسك
قمر : حاضر يا حبيبتي
هند : لا اله الا الله
قمر : محمد رسول الله
قمر لريم : بتباركلك
ريم : الله يبارك فيكي وفيها
وخلص اليوم وراحوا يشتروا الهدوم وحاجات البيبي
وبعد وقت طويل
ريم : انا تعبت
قمر : المفروض انا اللي اقول اني تعبت اي كل اللي انتي جايباه ده
ريم : ده لسه في حاجات كتير ناقصه
قمر : طب تعالي ناكل الاول وبعدين نكمل
ريم : فكره حلوه برضو
ودخلوا مطعم وهما داخلين زين ورقيه كانوا خارجين
قمر : زين

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية قمر الزين)