رواية ما بين الحب والحياة الفصل السابع 7 بقلم عمرو علي

رواية ما بين الحب والحياة الفصل السابع 7 بقلم عمرو علي

رواية ما بين الحب والحياة البارت السابع

رواية ما بين الحب والحياة الجزء السابع

رواية ما بين الحب والحياة الحلقة السابعة

اثبت مكانك!
” في اللحظة دي سابوني و ركبو العربية ومشيو بسرعة ، فجأه لقيت البوليس محاوطني و حد جه جنبي وقال
انتي كويسة ، حصلك حاجة؟
” مش قادرة ارد ، حاسة اني في دنيا تانية ، على أعتاب اني افقد الوعي بس هو طبطب عليا
متقلقيش ، أنتي في امان ، احنا جنبك
” نده على العسكري
هات يا ابني الجاكت من العربية
” العسكري جابه وخده منه ، حاوطني بيه ، بعد كدا حاول يسندني عشان امشي
روح يا ابني اركب في العربية التانية
” كان بيكلم العسكري ، فتحلي الباب و ركبني جنبه ، اتحركنا من على الطريق ، مكنتش مركزة في اي حاجة ، فعلا غايبة عن الوعي ، سامعاه بيتكلم بس مش عارفة ارد ، لحد ما وصلنا للقسم ، نزل من العربية و فتحلي الباب ، نزلت و دخلنا
عايزك تحكيلي كل حاجة بالظبط
” بصيت الناحية التانية و مردتش
انا سيبتك طول الطريق براحتك بس انا عايز اعرف التفاصيل دي عشان اعرف اساعدك ، ايه اللي جابك في المكان المقطوع دا ، كنتي بتعملي ايه ، أنتي تعرفي حد من العيال دي
” فضلت ساكتة وبسمعه بس
طب أنتي اسمك ايه
= ش.. شهد

 

 

 

 

 

 

 

الحمدلله ما أنتي بتتكلمي اهو ، امال في ايه ، عايزك تحكيلي بقا ايه اللي حصل بالظبط وحاولي تركزي عشان نعرف نساعدك
= انا.. انا.. انا كنت راجعة البيت ، ومستنية مواصلات وفجأه العربية دي ظهرت ونزل منها تلاتة و حاولو…
” مقدرتش امسك نفسي اكتر من كدا وعيطت
انا معملتش حاجة لحد عشان يعمل فيا كدا
= مش شرط تكوني عملتي حاجة ، ولاد الحرام كتير ، بس برضو كنتي بتعملي ايه هناك
كنت بدور على شغل
= أنتي بتدرسي ايه ولا أنتي متخرجة ولا ايه بالظبط
انا خلصت دراسة من زمان ، معايا دبلوم تجارة ، كنت متجوزة و اتطلقت من فترة
= هو انا ليه حاسس اني اعرفك من قبل كدا
” سكت ومردتش
عموما خلاص ، سبيلي بطاقتك و انا هكل..
” العسكري خبط و دخل
احنا مسكنا المتهمين يا فندم
= دخلهم بسرعة
” قلبي دق بسرعة ، اتوترت وخوفت ، وفي لحظة الباب اتفتح و دخلو ، وقفو قدامي ، الظابط قام من مكانه
مين وراكو يلااا
انطق

 

 

 

 

 

 

براحتكو كدا كدا هتشيلو الليلة لوحدكو ، خدهم على الحجز عقبال ما يتعرضو على النيابة
” لف وشه وكلمني
متخافيش هجبلك حقك ، تقدري تروحي دلوقتي ولو احتاجتك هكلمك
” فكرت ثواني وانا قاعدة
خلاص هوصلك انا ب العربية عشان محدش يضايقك تاني
” نزلنا و ركبنا العربية ، سرحت في حياتي وكل اللي حصلي من اول جوازي مرورا لحد النهاردة ، كنت لسة هعيط لحد ما سمعته
واتنسيت كأني ما جيت ولو حسيت هتكسرني
معلش صوتي وحش صح
= لا عادي كويس
طب استني بقا نعيد من الأول
مبقتش عارف اعمل ، حالي مش صعبان عليه
بسسس
= ايه
صوتك مزعج
= يعني عربيتي و موبايلي وعايزاني اسكت كمان
اه لو سمحت
= تحبي نشغل حاجة تانية
لا ، عايزة اروح في هدوء
= دا أنتي فصيلة موت ، تاكلي ترمس؟
لا

 

 

 

 

 

 

= طب لب
هو انا قاعدة في المولد ، في ايه ، هو مش المفروض انك ظابط
= ما أنتي قولتي اهو ، ظابط مش كافر
طب ممكن بقا شوية هدوء
= لا خلص والله ، ممكن ييجي الأسبوع الجاي
يااربي
= خلاص هسكت ساكت
ياريت
= الله ، شامة ريحة الكشري
ريحة ايه
” لقيته وقف بالعربية
في ايه
= استني هشوف الكاوتش شكله نام
ماشي
” نزل ولقيته اتأخر ، ناديت عليه
يا حضرة الظابط ، هو نزل راح فين دا ، عدت دقايق ولقيته جه قدامي
يا ساتر ، الناس بقت صعبة أوي
= ايه اللي في ايدك دا
دول علبتين كشري بس ايه اورجانيك
= هنعمل بيهم ايه
هنتصور جنبهم ، هاشتاج مقدرش اعمل حاجة من غير الكشري
= نعم!

 

 

 

 

 

هناكلهم يا شهد ، هناكلهم
= انا مش جعانة
مقولتش انك جعانة ، أنا بقول اننا هناكلهم
= انا عايزة اروح لو سمحت
ناكل بس الكشري و نروح
= مش عايزة ااكل ، مش هاكل الكشري ، مستحيل
بقولك ايه ناولني الدقة كدا
= مش أنتي لسة واخدة
عايزة تاني
= امسكي
بس تصدق طعمه حلو
= اه طبعا ، هو انا هاكل اي حاجة ولا ايه
اممم
= نحلي بقا
نروح بقا
= هنحلي بس الاول ، اصل لازم بعد الكشري ناكل حاجات حلوة
مينفعش انا اتأخرت و لازم اروح ، كفاية كدا
هو ليه الرز بلبن مش عليه مكسرات
= بتاعي فيه مكسرات
ممكن تجيبه
= وانا هاكل ايه
خد اللي معايا
= اتفضلي اهو
شكرا

 

 

 

 

 

= ممكن بقا نروح
تعرفي ان..
= انا اللي اعرفه دلوقتي اني عايزة اروح ، لو سمحت بقا
عصير القصب دا ساقع اوي
= دي احلى حاجة فيه
هو بصراحة حلو
= اي خدمة
نروح بقا
= نروح بقا
” وصلنا البيت
خلي بالك من نفسك ، ولو حصل حاجة هكلمك
= تمام
باي
= باي
” طلعت السلم ، والابتسامة على وشي ، اللي يشوف الموقف اللي حصلي ويشوف وشي دلوقتي هيقول اني مجنونة ، فتحت الشقة لقيت يارا في وشي
كنتي فين يا شهد
= كنت في حلم
حلم ايه اللي يقعد لحد دلوقتي
= هحكيلك
عملت ايه

 

 

 

 

 

= الصراحة يا خالد بيه العيال اللي كنت باعتهم اتمسكو
يا نهار ابوك اسود ، اتمسكو ازاي
= حكومة هجمت عليهم وهما بيخطفو البت
اوعا حد يجيب سيرتي ، غور دلوقتي
” قفلت السكة ، ماشي يا شهد ، هربتي منها المرادي بس مش هتهربي المرة الجاية
” صحيت من النوم تاني يوم لقيت مكالمة من رقم غريب تجاهلته ، لكن هو مصمم و اتصل كتير لحد ما رديت
شهد ، اخيرا رديتي
= مين معايا
انا سيف
= سيف مين
اه ، الظابط سيف
= اه ، أنا اسفة ، مكنتش اعرف اسمك حتى بعد الوقت اللي قعدناه امبارح
انا اللي نسيت اقولك ، بس عموما ، أنتي كويسة؟
= كويسة

 

 

 

 

 

 

” اتكلمنا كتير ، كنت سرحانة معاه بس فوقت وقومت بسرعة عشان الشغل ، لبست ونزلت ، روحت على مكان الشغل بس لقيت المحل قافل ، يارب ليه كدا ، بس لمحت لقيت كوافير جنب المحل كاتب انه محتاج حد يشتغل ، دخلت وقدمت ، استلمت الشغل من تاني يوم ، بدأت شغل او بمعنى اصح بدأت التدريب ، حاسة ان الدنيا بدأت تضحكلي تاني ، عدا شهر كبرت في الشغل واتعلمت كل حاجة ، حياتي بقت مقتصرة على يارا والشغل مكالمات سيف اللي حاسة انه عايز يقرب مني ، بس خايفة ، لحد كدا وكنت حاسة ان حياتي استقرت لحد ما المدير جه وكلمني
في اوردر جالك ، في ناس طلبوكي بالاسم وعايزينك تروحي ليهم البيت
= بس انا مش بروح بيوت
معلش يا شهد ، دي فيها فلوس كتير وكمان هيجيلك نسبة كويسة
= تمام
” روحت على العنوان ، خبطت على باب الشقة وانا مش مطمنة ، الباب اتفتح ، شوفت بنات كتير أوي ، اضاءات غريبة
مين أنتي
= انا شهد
اااه أنتي الكوافيرة
= اه
طب ادخلي
” فعلا دخلت الشقة ، شكلها غريب ، واحدة جات شكلها كانت هي الرئيسة بتاعتهم
اهلا بيكي

 

 

 

 

 

 

= اهلا ب حضرتك
اتفضلي جوا والبنات هتجيلك
= ممكن سؤال
اتفضلي
= هو ايه دا
دا عيد ميلاد يا حبيبتي
= تمام
” اجابتها مش مقنعة ، شوفت رف كان عليه خمور ، كنت خايفة ، دخلت الأوضة وواحدة جاتلي
يلا نبدأ
= بس بسرعة اصل الزبون قاعد لوحده
زبون مين
= متاخديش في بالك
يعني اي….

 

 

 

 

 

 

” سمعت صوت قوي ، وصوت ناس بتصوت ، فجأه الباب اتفتح عليا
يلا يا بت
= في ايه
امشي قدامي يا روح امك
= انا معملتش حاجة ، سيبني ، والله انا مليش دعوة
” كان ماسكني بقوة ، خرجت من الاوضة بس كل دا كان سهل شوية لحد ما لقيته واقف برا
سيف
= شهد ، أنتي بتعملي ايه هنا
والله انا جيت هنا غلط ، سيف اسمعني بس ، أنا مظلومة والله
انا عرفت أنتي مين ، شهد عادل صاحبة القضية المشهورة ، اتطلقتي من جوزك عشان تيجي تشتغلي في بيت دعارة ، المشكلة اني كنت مصدقك ، خدها على البوكس!

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية ما بين الحب والحياة)