رواية عائلة بالإكراه الفصل الحادي عشر 11 بقلم سلمى بسيوني

رواية عائلة بالإكراه الفصل الحادي عشر 11 بقلم سلمى بسيوني

رواية عائلة بالإكراه البارت الحادي عشر

رواية عائلة بالإكراه الجزء الحادي عشر

رواية عائلة بالإكراه الحلقة الحادية عشر

الاكل نزل اطباق متغطيه قالت بس ..اكيد حط الخاتم فى الطبق بتاعى المتغطى دا وبراحه فتحت الغطاء
بصت للطبق وقالت بصدمه : اى دا
يوسف بإستغراب :اى يبنتى فى اى
حنان :اى دا يا يوسف
يوسف : دى مكرونه بشاميل
حنان :دا انت بتهرج بقا
يوسف ابتسم بمكر :مالك يا حنان فى اى
حنان :لا ابدا ولا حاجه
سابته وقامت كانت ماشيه متعصبه وبترطم :غبي ..غبى اوى يعنى
وهى بتتكلم خبطت فى حد وهى مش واخده بالها
_انا اسفه جداا
رفعت عنيها فيه ..كان شاب طويل وسيم رد عليها بذوق :لا ابدا محصلش حاجه ..انا يونس المنشاوى .. اهلا بحضرتك
ردت لطف :حنان القاضى ..تشرفنا
سابته ومشيت عشان ترجع لاوضتها بعد ما يوسف عصبها ووقف من وراها يونس بيبص عليها وهى
ماشيه وابتسم بخبث :اخيرا يا حبيبتى
واقف بعيد يوسف مضيق عينه و ‏مراقب الموقف
*************
اسلام بيكلم على
_اكيد قولى اسمه بس وانا هتصرف …
_تسلم يا دكتور بجد ..هو اسمه (…….)
_ايه !!!!!!
_اى فى حاجه ؟!
_احم …لا ابدا مفيش ..انا ….. هحاول اشوفهولك
_ يبقى كتر خيرك والله يا دكتور
علي قفل مع اسلام وفكر كتير اكيد هو لو مدمن مش هيتصل يسأل على الدواء اكيد فى حاجه غلط
اتصل بيوسف عشان يفهم منه
_ايوا يا علي ازيك
_الحمدلله يا يوسف …المهم ..لازم اشوفك والوضع مستعجل جداا
_اى يبنى فى اى
_ لازم نتكلم ومش هينفع فى التليفون
_ ماهو انا مش فى القاهره انا فى الغردقه عندى ايڨنت مهم وهرجع على الفجر كدا خليها لبكرا احسن
_لا الفجر كويس اول ما توصل رن عليا
_تمام
يوسف قفل معاه مستغرب اى اللى ممكن يكون مهم اوى كدا
*************

اسراء طالعه من اوضتها بعد ما لبست فستان بسيط على حجابها …مشيت شويه فى الممر اللى بيطل على البحر وهى رايحه ناحيه السور شافته ..شافته ..ايوا هو ..هى متأكده كان بيلف عشان يرجع اوضته بصلها وشافها ود لو يجرى عليها ويحضنها نظر لعنيها نظره هى تعرفها واتأكدت مش شكوكها و همست فى صدمه :سليم !!
اتحركت بسرعه لمكانه بس فى لحظه اختفى ..ومعدش موجود دورت عليه بس بالفعل اختفى قلبها وجعها اوى وحطت ايديها عليه وكأنها هتخفف من ضرباته العنيفه:اكيد مرجعتش اخرف تانى ..اكيد مش هرجع اسراء القديمه .. انا شفته بعيونى ..اكيد مبخرفش
نزلت بسرعه لاستقبال الفندق
اسراء فى توتر ظاهر :لوسمحتى عايزه اسأل على نزليل هنا
_اتفضلى يا فندم
_ فى واحد واخد غرفه هنا اسمه سليم القاضى
_لحظه يا فندم اتأكد
بدأت تتأكد بعدها بصتلها بأسف :لا للاسف يا فندم مفيش حد هنا بالاسم دا
بصتلها بتعب : م ..معلش اتأكدى تانى
بالفعل اتأكدت تانى وبصتلها :لا يا فندم للاسف مش موجود فعلا
اسراء حاولت تبتسم بس فشلت :تمام شكرا لحضرتك
خرجت برا قعدت فى كافيه تبع الفندق حاسه انها مش قادره تتنفس عنيها رافضه تدمع وكأن روحها بتقول انتى متأثرتيش بس قلبها دقاته بترد وتقول انه وحشها وحشها صوته وروحه وضحكته وكلامهم سوا كل حاجه فيه كل تفاصيله لون عيونه ريحه العطر بتاعه ….رفضت الوصول للمرحله دى تانى …هوا مضربهاش بحجره وجرى …فوقى بقا يا اسراء …اكيد هى ما اتجننتش …اكيد مرجعتش تتخيله تانى …اكيد دى مش هلاوس
طلعت تليفونها
قالت بهدوء وعيونها سرحانه فى كل حته :الو …ايوا يا ثائر
ثائر :ازيك يا اسراء عامله اى .. مش تسألى يا بنتى الواحد معدش يشوفك كدا ولا عشان امى مسافره و..
قاطعته :شفته
ثائر بأستغراب :اى !
اسراء بهدوء: بقولك شفته …ومتأكده من دا ..
ثائر :انتى فين يا اسراء
اسراء:فى الغردقه يا ثائر
ثائر بإستغرب : بتعملى اى فى الغردقه يا اسراء ..هو يوسف معاكى ؟!
اسراء: هوا انا مش ممكن اهلوس تانى يا ثائر صح ..انت دكتور نفسي واكيد عارف وكنت معايا لغايه ما خفيت ..اتكلم يا ثائر
ثائر :لازم اشوفك يا اسراء ..
اسراء :ارجوك قولى ..
ثائر اتنهد وقفل عينه بحزن : مش شرط هلوسه يا اسراء ممكن تكونى شبهتيه بحد
اسراء :بصلى ..شافنى وعيونه جت فى عيونى ..عارف يا ثائر …حسيت كأنى بقالى ٨ سنين قاعده فى الشتاء والبرد مرعوبه وخايفه..وجه هو بنظره واحده دفى قلبى وطبطب عليه وطمني ..عايز تقنعنى بعد اللى حسيته من شويه ان مش هو ..مش هصدقك ..ببساطه مش هصدقك
ثائر :هترجعى امتا
اسراء : يوسف وحنان عندهم ايڤنت آخر النهار ..هنخلصه ونرجع ..
ثائر :تمام يا اسراء ..ابقى عرفينى
★★★★★★
سليم اول ما شاف اسراء كان نفسه ياخدها فى حضنه ويقولها وحشتينى رجع بيه الزمن ب٨ سنين …ساعة ما كانوا سوا ..ساعه ما كانت مراته حبيبته وكل حاجه فى حياته وكان فاضل على فرحهم تكه…دخل اوضته وقفل الباب سرحان فيها وفى ملامحها المتلخبطه عنيها وشكلها …
قطع تفكيره بتليفونه اللى رن وكان فيرديان
_الو فيرديان
_ اهلا سليم وصلتنا معلومات من القياده .. الشركه اللى هتتعامل مع اديل وباقى العصابه هى مجموعه شركات القاضى ..
_نعم ..شركه عمى
_اه ..وحنان القاضى ويوسف غفران موجودين فى الفندق ..ومعاهم ..
قاطعه سليم :اسراء مش كدا
_اوعى تكون قابلتها
_ شفتها …اتفاجأت وجسمها اتصلب فى مكانه شافتنى ….بس اختفيت من قدامها بسرعه ..
_ كويس انك نزلت الفندق بأسم غير اسمك ..
_هنتصرف ازاى ..
_كلهم هيحضروا نفس الايڤنت يعنى اسراء مش هتكون موجوده ..هتكون تحت معاهم …هتدخل وهتاخد السي دى ..وبس ..وهترجع على ايطاليا النهارده ..
_تمام ..هيحصل
_سليم مش عايز افكرك …اوعى تتعامل معاها وتحاول تبرر وتتكلم ..هتبوظها وهتكشف نفسك ..وحتى مش هتعرف تقدملها مبرر ..اوعى يا سليم
سليم اتنهد بوجع : حاضر يا فيرديان ..حاضر
****************

سمير خرج من الحجز متبهدل وهدومه متربه وهيئته كلها اتمسح بيها الارض وشه مليان كدمات على الاخر
ابوه كان مستنيه برا
حسن مقروف من منظر ابنه ومتعصب جدا :هتبطل قرف امتا و****** هتبطلها امتا ..هاا …فضحتنا بنى ادم مغفل وغبى
_بابا انا تعبان جدا ومش قادر اتحرك وعايز اروح
_طبعا يا *** مانتا مش هامك الفضيحه اللى اتفضحناه وبتتكلم بكل بجاحه
سمير ببرود :بات ليلتين فى الحجز وبعدين تعالا ناقشنى فى موضوع البجاحه دا ..
ساب ابوه ومشى وهو مش طايق حد ولا حتى طايق نفسه
***********
حنان طلعت لاسراء اوضتها
وخبطت عليها بس مفيش حد فى الاوضه كانت هتتصل تسأل يوسف بس لقت اسراء طالعه على السلم …شكلها يغنى عن اى كلام وصلت لاوضتها حنان قربت منها :مالك يا اسراء ..فيكى اى يا حبيبتى
اسراء مردتش عليها وفتحت اوضتها ودخلت ودخلت وراها حنان ..
_اسراء ردى عليا مالك اى اللى حصل يا بنتى
وكأنها قررت متنهارش غير حالا فى حضن صاحبتها
اسراء معملتش اى حاجه غير انها اترمت فى حضنها وعيطت كتير :شفته يا حنان …انا متأكده ..ثائر م …مش مصدقنى …بس انا متأكده يا حنان
_طب خدى نفسك بس يا حبيبتى واهدى وقوليلى مين دا اللى شفتيه ..
_سليم …شفته هنا يا حنان …
_سليم !!
قالت فى نفسها :احنا هنعيده تانى ولا اى ..يااارب
_عارفه يا حنان …انا بس عايزه سبب …عايزه مبرر عمرى ما اسمحله يقرب بس عايزه سبب اللى عمله فيا وكسره قلبى دى
اسراء فضلت فى حضنها منهاره وحنان جنبها بتواسيها لغايه ما نامت خرجت من الاوضه وكلمت ثائر
_ يا حنان انا حاسس اننا رجعنا لنقطه الصفر ..حاسس ان تعبى معاها سنين ضاع ..واللى حصل دا استحاله يكون من مجرد هلاوس دا سليم ..وانا متأكد استحاله هلاوس ترجعها للحاله دى ..
حنان اتنهدت بتعب : كويس انك مقولتلهاش ..
طب هو مش ممكن يكون عنده مبرر ليه ظهر واختفى فجأه ….انا هتجنن
_مش عارف ..انا حقيقى نفسي امسك الراجل دا مسيبهوش غير لما اربيه …حنان .. دى نظره ..حست بيه من نظره ونظره هى اللى عملت فيها كدا ……المهم …ياريت لما تفوق متبقيش جنبها
_نعم !! …هسيبها ازاى يا ثائر ..
_ حنان ..انا عايزها تاخد قرار ..اسراء دلوقتى لازم تقرر ..يا هتقعد على النظره دى سنتين كمان زى ما ضيعت سنين من عمرها فى غباء …لازم تبقى لوحدها يا حنان فاهمه
_مش هقدر اسيبها فى الحاله دى يا ثائر
_معلش دا عشان مصلحتها
_حاضر يا ثائر هحاول
_ لا مش هتحاولى هتنفذى ..سامعه
_حاضر ..
*************
اسلام نزل امتحانه ورجع ونفس الصداع مش مفارقه ومستنى مكالمه من على
وساره لسه بتجهز المرسم بتاعها ومنهكه فيه
حنان اتكلمت مع البنات فيديو كول وحكت لهم اللى حصل مع اسراء وكل حاجه
نور: طب ليييه …ليه يظهر ويختفى …
حنان : انا مش عارفه …واسراء مش كويسه ..والمفروض يوسف ميعرفش ..سألنى عليها الصبح بس قلتله تعبانه ونايمه وخلاص ..
ساره :لازم تعرفيه يا حنان ..لازم يعرف اخته فيها اى
حنان :انتى عيزانى احسسه نفس احساس العجز اللى حاسين بيه دا …مش عارفين حتى نعملها اى …واقفين بنتفرج ..
نور :معلش بس بردو لازم يعرف يا حنان
حنان بحيره :طيب هقوله …لازم اقفل عشان ننزل ام الايڤنت دا …مش فاهمه انا اللى جابنا الغردقه
قفلت معاهم وجهزت عشان تنزل وعدت على اوضه اسراء تشوفها ..لقيتها لسه نايمه كملت ونزلت تحت
**************
حسام العيادى : ايوا يا باشا ..الورق جاهز وهيتمضى فى سهره النهارده …اه كله جاهز
مجهول : كويس اوى
**********
اديل عدت على المدير بتاعها ونزلوا وسليم بدأ يشوف شغله ودخل يدور على السي دى وهو بيدور لقا ورق اتفاق لسه هيتمضى بين شركات القاضى والشركه الوهميه اللى عملاها العصابه
اخد السي دى وصور الورق واتحرك لغرفته بسرعه ومهاره مسمحتش لحد ياخد باله من وجوده
دخل اوضته وحط السي دى فى اللاب بتاعه
وبدأ يشوف اتفاق مصور بين طرفين واحد منهم هو يعرفه والتانى مش ظاهر فى الكاميرا ..
الفديو بدا يشتغل
حسام العيادى : المطلوب ؟!
مجهول بإستهزاء :كلك نظر … هتتبدل الشحنه ..هنشيل المتفق عليه ونحط البضاعه بتاعتنا ..ولما يتم التفتيش فى الميناء هيتحقق المراد
حسام بسخريه :شكلك بتعزهم اوى ..
المجهول : اموت فيهم هم والمرحوم ..
ضحكوا هما الاتنين ..
الفديو انتهى وسليم شاله بسرعه من اللاب
_كدا صح ..تمام اوى
خلص شغله ولم هدومه عشان يتحرك
*************

حنان قابلت يوسف واول ما شافها استغرب ان اسراء مش معاها
_فين اسراء يا حنان
_احم ..اسراء تعبت ونايمه ..
يوسف بقلق :مالها انتى قلتيلى الصبح ارهاق من السفر … اختى مالها يا حنان
حنان اتنهدت بترقب لرده فعله : سليم هنا يا يوسف
يوسف بصدمه :نعم !!! …فين ..شفتيه ؟!!
ردى عليها
حنان: اختفى يا يوسف …ظهر فجأه واختفى فجأه ..
يوسف غيظ الدنيا كله اتجمع فيه وعلى صوته وسط الناس : ازاى يعنى اى التهريج دا ؟!!!!!!
حنان بتبص ومكسوفه من علو صوته والناس بصالهم : يا يوسف اهدى …اهدى بس ..هى اللى شافته ..انا مشفتوش …
_طب ماهى ممكن تكون هلاوس زى زمان
_كلمت ثائر ..قال ان استحاله هلاوس توصلها للمرحله دى
_اى اللى حصل …مرحله اى اللى وصلتلها
_رطعت لنقطه الصفر … انهارت وعيطت زى زمان بالظبط
اتحرك بسرعه عشان اخته
_يا الله ….طب انا طالع اشوفها
_ثائر قال لما تصحى لازم تبقى لوحدها عشان تقرر تانى …لان مفيش اى استعداد سنين عمرها تضيع تاني يا يوسف ..
يوسف وقف مكانه وجواه الف دعاء ربنا يهدى اخته وييسر لها الخير دايما
*************
اسراء صحيت من نومها ..مدروخه ..اخدت شاور وحاولت تهدى….راحت على التسريحه تسرح شعرها لقت ملزوق عليها ورقه ومكتوب فيها
” لانك فى ضلوعى تسافرين”
وافتكرت
فلاااش بااك ..
_ اتفضلى
_اى دى
_هديتك ..
اسراء بتفتح هديتها لقت فستان جميل اوى وفوقه ورقه صغيره مكتوب عليها “لانك فى ضلوعى تسافرين”
_سألتينى قبل كدا ..بحبك ليه …ودى اجابه سؤالك ..لانك جوايا يا اسراء …عشان انتى حته منى
ضمها لحضنه وقال فى هدوء :لانك فى ضلوعى تسافرين
بااك
اسراء اتعصبت جدا وشالت الورقه وقطعتها بعنف ورمتها
لبست هدومها وجهزت ونزلت لحنان ويوسف تحت
نزلت
حنان اول ماشافتها استغربت جداا
_اسراء ؟!! ….انتى كويسه
_الحمدلله كويسه ..
_ متأكده …طب عامله اى حالا
_ كويسه والله اهو يا بنتى
_قررتى طيب ؟!
_قررت ايه …انا زى ما انا …هلاوس حقيقه مش فارقه …انا بدأت حياتى من تانى … ومش هسمح تتهد كدا ..حنان انا معدتش اسراء المكسوره اللى اللى سابها ومشي ..اتأخرت اه بس معدش ..دا ميمنعش انى لسه لغايه حالا مستنيه مبرر …بس مش هسيب نفسي تانى ابدا ..كفايه توهه
حنان حضنتها وحمدت ربنا انها اخدت القرار الصح
شافهم يوسف من بعيد وقرب عليهم
وحضن اسراء :حبيبه قلبى …عامله اى
اسراء ابتسمت وبصتلهم : انا بخير طول ما انتوا بخير ..
الايڤنت خلص والناس بتمشي
اديل جت عليهم واتكلمت بالفرنسيه : الورق جاهز مسيو يوسف …اتفضل معانا نمضيه
حنان ويوسف بصوا بعض
ويوسف قال ..

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (عائلة بالإكراه)