رواية عبط ميكس الفصل الخامس 5 بقلم نرمينا راضي

رواية عبط ميكس الفصل الخامس 5 بقلم نرمينا راضي

رواية عبط ميكس البارت الخامس

رواية عبط ميكس الجزء الخامس

رواية عبط ميكس الحلقة الخامسة

–زعلوك.. زعلوك اصحى
–ايه تـاني في ايه ؟؟؟
— حلمت إن فيه مسمار دخل رجلي
— وأنتِ نايمه حافيه ليه ؟
–هاه !
–جاكِ هوا.. اتخمدي
–طيب البس ايه بُكره ؟
–والله يا نرمينا لو منمتي واتمسيتي لأجي البسك في الحيطة
–بحبك تناديني زريبه
–نامي يا اسطبل الحمير
–حاضر
___________♡
–زعلوك وحشتني.. بص فستاني.. ايه رأيك ؟
–وحش
–…..!!!
–ايوه وحش.. نص ضهرك باين
–هو أنت مش قولتلي عايزك تمثلي انك سيدة أعمال ؟
–تقومي لابسه زي الرقاصين !
–زعلوك والله شكله حلو.. أنت بتغير عليا ؟
–اسمعي.. لو فضلتي تعاندي وتعملي اللي في دماغك يبقى مش هنكمل مع بعض
–طب أعمل ايه.. معيش لبس تاني
–خدي.. حُطي جاكيت البدلة بتاعي على كتافك
–وعهد الله بتغير عليا و بتحبني
–هي عافيه !

–لأ كريستال
–أبوس ايدك صوبع صوبع وعُقله عقله متهزريش تاني.. ألش رخيص
–ابوك عايش ؟
–الحمدلله
–يرحمكم الله.. ابوك عايش ؟؟
–هو انا عطست ؟
–طب هات رقمه
–اشمعنا ؟
–هتقدملك
–هو مش المفروض العكس ؟
–لأ الدنيا بتطور
–اه.. وادخل أنا الاوضه اقعد ألعب في شنبي وأنا مكسوف وأمي تيجي تقولي تعالى طلع العصير.. مش كده ؟
–ما شاء الله دمك خفيف
–يا ستي متشكرين.. حلي عني بقى
–لا يمكن.. مستواك الفرفوشي اهم من جمالك ولو عندك الاتنين فا السجاد والنجف والاجهزه والعفش عليا متشغلش بالك.
–أنتِ بتتكلمي ازاي ؟
–ببوقي
–صدقي بالله.. أنا استاهل ضرب الجزمه إن عرفتك
–اقولك نكته ؟

–اخرســـــــي.. اخرسـي
–هقولك..مره اخطبوط شاف ابنه بيعيط قاله مالك يا حبيبى قاله مش عارف ايدي من رجلي
–…….
–أنت مبتضحكش ليه ؟.. زعلوك.. زعلوله.. زعازيـ
–بـــــــاس بـــس الله يخدني عشان ترتاحي
–يخدك لعندي
–افهميني كويس.. دلوقت هندخل الشركة دي على اساس انك سيدة أعمال وأنا المترجم والمحامي بتاعك وأنتِ عاوزه تعقدي صفقة معاهم.. حلو ؟
— ما حلو إلا جسمك.. ضلعاتك دي ؟
–ضلعات !!!
–ضلعاتك ولا بروتين ؟
–مفيش حاجه اسمها ضلعات ياللي تنشكي
— توعدني نكمل حياتنا مع بعض.؟
— لو قدرت أكملها مع نفسي هكملها معاكِ.. حاضر .
–هنعمل ايه دلوقت
–حضرتك هتتفضلي قدامي وعاوزك تلعبي الدور كويس.. مش عاوز غلطة يا كريستينا
–كريستينا مين يا عنيا !!

–اهدي.. هتاكليني ! ده اسمك المزيف تمام
–اه بحسب.. شوف اما اقولك.. أنا ست قوية ومفترية و أي حاجة بتاعتي محبش حد يشاركني فيها
–أنا حاجه ؟!
–وبتاعتي
–لا بلطجيه بلطجيه مفيش كلام
–وبحبك
–طيب
–بقولك بحبك
–ماشي يا زريبه
–مش هتقولي وأنا كمان ؟
–بعدين
–لأ شوف هترد عليا كل 12 ساعه هرد عليك مرة كل 24 ساعه وشغل المضاد الحيوي هيبتدي
–متأكده ؟
–طب جرب كده ثبتني بكلمة.. لو وقفت على شعر راسك مش هتعرف
–اممم.. حلو شعرك
–أنا كلي ملكك
–يا خوفي نتقفش على ايدك وكل حاجه تضيع
–ثق فيا بس.. بص هبهرك
–بالله عليكِ بلاش الكلمة دي عشان ميحصلش زي اللي حصل في الحفلة
–اعتمد عليا بس وشوف زريبتك هتعمل ايه
–زريبتي ! توكلنا على الله
______________♡

قبل ما ندخل أوضة الاجتماعات أنا ويزن قصدي وزعلوكي.. حسيت ان عطشانه أوي.. شُفت ازازة لون العصير بتاعها شبه الشويبس كده.. شربت منها من غير ما زعلوك ياخد باله.. وعينكم ما تشوف إلا النور.
–زعـ… زعلوك
–زريبـه !! في اي مالك ؟؟
–حاسه… حاسه… اي ده.. بص هناك كده
–في اي !!
–ايه اللي جاب جُحا وحماره هنا
–لا فوقي كده بالله عليك
–أنت عملتي ايه ولا شربتي ايه… ايه ده.. أنتِ شربتي من الازازة دي !!
–عايزه اروح ستاد برج العرب اللي في جمصه
–ينهار مش فايت.. دي خمرة ياغبيه.. شربتي خمرة.. هنتفضح انهارده
— عارف يا زعلوكي هيحصل ايه لو البحر اتحرق ؟
–البحر اتحرق !!!
— هناكل سمك مشوي
–لأ كده نقوم نروح بدل منتشد من قفانا ويكتشفوا اننا نصابين
___________

–زريبه بطلي ضحك.. هنتفضح
–حاضر هحاول… بتحبني؟
–يابنتي ابوس ايدك كفايا
–كملها
–اكمل ايه
–الأغنية.. منديلي مش معايا
–تعرفي أنا نفسي ادخل دماغك وافصل السلك اللي بيخليكِ تضحكي في أوقات غلط
–وأنا صغيرة لما كنت أزعل من درس كنت بحط مادته أخر كتاب بالشنطة.. خلي بالك من زعلي عشان وحش
–ابوس فصوص دماغك فص فص تسكتي لحد ما نطلع من أم الشركه اللي هنتجرس فيها دي
–احنا عجين ؟
–مش فاهم !
–اصلك بتقول هنتجرس
–أنا مش هتكلم
–هو أنا حلوة ؟
–يا سلام.. ده أنتِ جميلة جمال ملوش مثال
–أخاف أقول يخربيت الجمال بيتي يتخرب
–ده أنا اللي بيتي وحياتي اتخربوا من ساعة ما شوفتك
–تنستر

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عبط ميكس)