رواية احبني اناني الفصل الرابع 4 بقلم هبة المعداني

رواية احبني اناني الفصل الرابع 4 بقلم هبة المعداني

رواية احبني اناني البارت الرابع

رواية احبني اناني الجزء الرابع

رواية احبني اناني الحلقة الرابعة

ارجوان:رجوان:انت شن تبي مني حرام اعليك دمرتني شن استفدت بعد هدا كله حسبى الله فيك
ركان : احترمي المكان اللي انتي فيه وين تحسابي روحك
طبعا المحل كانوا فيه زباين
امل :خلاص يا ارجوان مش وقت الكلام توا
ربي ح ياخدلك حقك منه
ارجوان :خليني النماذج اللي زيه هكي يبو باش يقعدوا عبره لي غيرهم
ركان : بصوت عالي
النماذج اللي زيكم امتى يتموا
شفت منكم هلبا كل مره جايتني وحده وتتبلى
وتلفت لي الناس وقال

هادم كانوا يخدمو في المحل وطبعا لما شافوا العز وشافو الزباين اللي يتعاملوا معاي طمعوا وبدو يخنبو فيا
ارجوان انصدمت هيا وامل
ارجوان:انت شن تقول عيب عليك انت مش انسان
امل:حسبي الله ونعم الوكيل فيك
ركان :شاف لي الولد اللي يخدم في المحل وقاله
ركان : اتصرف معاهم منبيش نشوف وجوهم ثاني وياريت تفهمهم أن النمادج اللي زيهم ريت منهم هلبااا
الولد :حاضر
امل :خلينا نمشوا الناس هده متخافش من ربي
ارجوان :شافت لي ركان وقالت له
حنتقابلو ثاني او وقتها اني ح نتشمت فيك
واللي في راسك مش ح توصله ومشت
ركان : لي الزباين سامحونا ع الفوضى اللي صارت
وطلع من المحل وكان قريب يهبل كان يحساب ارجوان ساهله وبعد اللي داره معاها ح اتجي وتترجى ان ياخدها لكن شاف العكس وارجوان اليوم زادت حرقاته
ركان كان يسوق بسرعة ويتحلف في أرجوان
____________________________________________________________________________
#تسريع في الاحداث
فاتو اسبوعين وارجوان حاولت انها متكونش ضعيفه وامل كانت ديمه واقفه معاها وتصبر فيها
وشافو خدمه في محل ثاني وخدو نفس الوقت مع بعض باش متقعدش كل وحده بروحها
اما ركان ف كانت أخبار ارجوان توصله اول ب اول
وعرف انها بدت تشتغل ورجعت للجامعه وانها تحاول تكمل حياتها عادي
وهدا اللي زاد الغضب متاعه
وقرر أن يمشيلها في الجامعة
وفعلا ثاني يوم ركان طلع وعلي طول امشي لي ارجوان
واول ما شافها جاها

ارجوان :يا حقير مزال عندك وجه تقابلني بيه
ركان : أكثر من مره نقولك تكلمي معاي كويس
انتي شفتي كلامك هذا لي وين وصلك ولا تبي نعاود نفس الشي معاك
ارجوان: والله إلا حقير وماتجيش راجل
ركان :لالا لالا هكي بنزعل منك اللي ما يجيش راجل هذا شفتي شن دار معاك ولو تبي نتبتلك ثاني عادي انتي هكي ولا هكي بديتي ليا اني بس شنو يا حلوه
ارجوان : هدا في حلمك حتي لو خديت شرفي مستحيل نكون ليك لو نموت اني لو يخيروني بينك وبين الموت ح نختار الموت باش تتاكد قداش نكرهك
ركان :كلامك مش ح يأثر فيا لان كل اللي نعرفه ومتأكد منه انك ح اتجي لي عندي وتطلبي أن نستر اعليك ونبيك تتاكدي أن مش ح نخليك ترتاحي
وكيف بي يمشي رجع
اها اذكرت نبي نقولك حاجه اني نقدر ناخدك او نطلعك معاي امتى مانبي وغصب عنك
لكن اني قاعد لي توا نبيها تجي منك انتي لانها احلى
ارجوان:معناها خليك استنى لي آخر يوم في حياتك
ركان :انتي تعرفي ان اللي صار بيني وبينك هديك الليله كله مصور وعندي الفيديو
وفتح التليفون واول ما شافت ارجوان روحها بالمنضر اللي كانت فيه باعدت التليفون
ارجوان :اني عارفه انك حقير لكن متوقعتش تكون بالحقاره هده اتفووو عليك
ومشت وخلاته
ضحك ركان ضحكت خبث وامشي
طبعا ارجوان كانت قوية قدام ركان
لكن بينها وبين نفسها كانت ضعيفه هلبا
ارجوان : اعلاش ياربي تعبت كل ما نحاول نبدا حياتي من جديد تطلع حاجه جديدة يا رب فرج عليا
فات شهر وارجوان نفس ماهيا
معبرتش ركان
اما ركان ف كان كل يوم يضايق فيها بي حاجه جديدة وصل لي درجة بدي يبعتلها في صورها
وهيا في وضع🔞
وهذه الحاجه كانت إضايق فيها هلبااا
ركان فقد الامل مع ارجوان وفكر أن يدير حاجه جديده تخلي ارجوان تجي راكعه عنده
وفعلا ركان قرر يدير اللي في رأسه

اتصل ركان بي أحمد
احمد:الوو
ركان :في حاجه نبيك اديرها
احمد :قول اني في الخدمه
ركان :نبيك تقول لي اللي في الجامعه
ان أرجوان خناتك وباعت شرفها ع خاطر الفلوس
أحمد:هده حاجه كبيره
ركان:والمقابل ح يكون اكبر
احمد :تمام اعتبره تم
ركان :تمام
وصكرو الخط

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية احبني اناني)