رواية نور الفصل التاسع 9 بقلم سماح عزت

رواية نور الفصل التاسع 9 بقلم سماح عزت

رواية نور البارت التاسع

رواية نور الجزء التاسع

رواية نور الحلقة التاسعة

الجد عبدالله: لازم نوصله في اقرب وقت عشان ممكن ياذيهم
احمد: مش هسمح ليه أنه ياذيهم
مراد: متقلقش ياباشا احنا هنعرف مكانه وبعدين بما ان الصقر خطفهم يبقى هيطلب مننا حاجه وهيامرنا ننفذها لاني مظنش أنه هياذيهم الصقر لعند دلوقتي مقتلش
احمد بعصبية: انت نسيت أنه حاول يقتل امي؟
مراد: يا احمد مفيش حاجه تثبت أنه الفاعل
احمد وهو يقطع كلامه: مراد بس مش عايز اتكلم في الموضوع ده
مراد: لأ لازم نتكلم لانك بتهرب من الواقع انا مصدقش إن فهد ممكن يقتل
احمد: واديه قتل… فهد حاول يقتل امي اللي اعتبرته ابنها ولعند دلوقتي في المستشفى… في غيبوبه ولا انت نسيت
مراد: بس يا احمد
الجد عبدالله: من غير بس يا مراد انا اصدق أن ابن ابراهيم يعمل اكتر من كده

مراد: بس ده مش ابن ابراهيم وكلنا عارفين إن ابراهيم متبنيه
الجد عبدالله: بس أتربى في بيته وعاش في حضنه وهو اللي رباه لازم يطلع زيه
مراد: اللي ربى فهد ماما صفاء مش ابراهيم
احمد: واهو بسببه ماما صفاء في المستشفى بقالها تلات سنين
مراد: يا احمد لازم تحاول تفهم الموضوع وتشوفه من جهة تانيه انا متاكد ان فهد عمره ما يعملها
احمد: اذا كان الطلقات كانت من مسدس فهد
مراد: ومقدمتش الدليل للنيابه ليه
احمد: لأن الدليل اختفى حد خفاه وسرقه
مراد: الحقيقه انك جواك جزء بينكر إن فهد القاتل وعشان كده مستني اي حاجه تثبت أنه مش هو
احمد: عمري ما هنسا كلمة امي وهي بتحذرني و بتقولي خد بالك من فهد
مراد: وليه مفهمتهاش أنها بتوصيك عليه لانها اكيد عارفه مين القاتل وعرفت المخطط كله
احمد: خلاص قفل على الموضوع ده
مراد: انا عارف وانت عارف انك مش بتسعى لانك تسجن فهد انت بس عايز تخوفه عشان يبعد عن السكه اللي ماشي فيها بسببك وعايز تخوفه بس الكلام ده عمره ما هيحصل لأن فهد عمره ما هيخاف وعارف كمان انك لو قبضت عليه إن فهد هيطلع نفسه منها زي الشعره من العجين
احمد: بسببي؟؟
مراد: ايوه بسببك لانك جرحته ولا نسيت
احمد: انت عارف اني معملتش كده
مراد: زي ما عارف ان فهد معملش كده
احمد بعصبيه: بكره تصدق ان فهد اللي عمل كده ولعند ما اثبتلك ان هو مش عايز اعرفك تاني
مراد بحزن : مش عايز تعرفني بسهوله كده هتبعني انا كمان
الجد عبدالله: بس بقا انا دلوقتي عايز انقذ بناتي مش مستني اشوف مين صح ومين غلط
“عند نور”

ريم: جسمه سخن اووي لازم اعمله كمادات
“في الصباح”
ريم: الكمادات مش جايبه نتيجه انا هروح اصحي بهاء
ريم: بهاء اصحى
بهاء بفزع: ايه فهد حصله حاجه
ريم: فهد جسمه سخن اووي وعملتله كمادات ومفيش نتيجه
بهاء : طب هنعمل ايه
ريم: الحل اني هكتبلك على شويه ادويه وانت تروح تجيبهم بسرعه من اي صيدليه
بهاء: ماشي انا هروح بس هتاخر شويه عشان مفيش صيدليات قريبه من هنا
ريم: لعند لما تيجي هفضل اعمله كمادات
” ذهب بهاء ليحضر الدواء”
نور: هو فهد عمل ايه
ريم: جسمه سخن وبيهلوس وبعمله كمادات مفيش نتيجه وبعت بهاء يجيب شوية ادويه من الصيدليه بس هو بيقول هيتاخر
نور: طب انا عندي فكره لعند لما بهاء يجي
ريم: ايه هي
نور: احنا لازم نخلع كل ملابسه عشان جسمه ياخد هواء ونعمله كمادات على جسمه نفسه
ريم: طب ما كده هنستنى بهاء لما يجي
نور: لأ طبعا احنا اللي هنخلع هدومه
ريم باحراج: انا مستحيل اعمل كده
نور: ده دلوقتي مريض ولو انتي في مستشفى ولازم تخلعي هدوم مريض مش هتخلعيها
ريم: بس
نور: من غير بس احنا هنخلع ليه القميص بس
ريم بتردد: امم ماشي
نور: يلا
” وبعد أن خلعوا قميصه ريم حست بالاحراج الشديد”
نور: ودلوقتي حطي ليه كماده تحت ابطيه وحطي واحده على بطنه
فهد وهو يخرف: انتي شبهها اووي

نور: انا شبه مين
فهد: نور
نور: لا ده انت شكل السخونيه أثرت عليك
“بعد شويه”
ريم : الحمدلله السخونيه نزلت خالص
بهاء: انسه ريم الدواء اهو
ريم: هات أما اديله الدواء هي السخونيه نزلت الحمدلله بس هديله الدواء عشان مترفعش تاني
“في وقت الغروب استيقظ فهد”
فهد: ريم
ريم: اممم
فهد: قومي انتي نائمه كده ليه.
بهاء: كانت بتعملك كمادات ده مسبتكش طول الليل والنهار
فهد: خايفه عليا ولا ايه
ريم: ده واجبي اني اساعد الناس
بهاء: فهد تحب اجبلك ايه تأكله
فهد وهو يبرق بعينيه: فهد اي انا اسمممي توفيق
ريم: احنا عارفين انك اسمك فهد مش توفيق
نور: معرفش ليه بتخبي اسمك مع إن فهد احسن من توفيق
فهد وهو ينظر لبهاء: انت قولتلهم ايه
بهاء: ولا فتحت بقي
ريم: احنا عارفين من اول يوم
فهد: عرفتوا منين

ريم: اصل اول يوم مكنش جاي لينا نوم فقعدنا نلف في البيت وشوفنا الصندوق اللي هناك ده وفتحناه شكله كده متفتحش بقالو سنين وشوفنا رسائل حبيبتك وهي بتنادي ليك فهد وشوفنا صوركوا مع بعض
نور: اظن مادام مخبي الحاجات دي هنا يبقى اتجوزتوا عشان كل شويه تفتكر غلطتك انك اتجوزت
فهد.: لا متجوزناش
ريم: وايه السبب
فهد: خانتني مع اعز اصدقائي وكسرو قلبي

يتبع..

لقرءاة الفصل التالي : اضغط هنا

لقراءة باقي حلقات الرواية اضغط على (رواية نور)