رواية ملاكي على الأرض الفصل التاسع 9 بقلم أسماء وائل
رواية ملاكي على الأرض الفصل التاسع 9 بقلم أسماء وائل
رواية ملاكي على الأرض البارت التاسع
رواية ملاكي على الأرض الجزء التاسع
رواية ملاكي على الأرض الحلقة التاسعة
فضلت ملاك تعيط وهي سامعه صوت مروان وهو بيدعي وفضلت تدعيله ان ربنا يقويه ويعدي المرحله دي علي خير
ــــــــ لا حول ولا قوة إلا بالله العلي العظيم ـــــــــ
تاني يوم الكل صحي في نشاط وحيويه مروان اتوضي وصلي فرضه ولبس بدله كحلي وكوتشي ابيض وساعه سوده وبرفان من اغلي الماركات في العالم
مروان /ماااااازن يااااا ماااااازن
مازن بنعاس /ها
مروان/ها اي قوم كده علشان تصلي وتروح درسك
مازن /طب خمسه بس يا مارو
مروان /خمسه اي يا صايع الساعه 10
قام مازن زي المجنون /يالهوي 10اي لا دا انا عندي درس الساعه تسعه ونص اعمل اي في وكستي دي يالهوي
مروان فضل يضحك علي اخوه /لا لا بجد اي دا انت السموله فاكه خالص قوم يا حبيبي الساعه لسه سبعه ونص
مازن /منك لله يا شيخ خضتني يلا اخطف نصايه كده علي السريع وراح نام
حدفه مروان بالمخده /قوم يا حيوان علشان افطار جهز
مازن /خلاص قايم اهوه متزقش
مروان /هستناك تحت خمس دقايق ونكون علي السفره
مازن بزهق /حاضر حاضر
نزل مروان وشاف ملاك وهي كانت لابسه عبايه بيتي الزهري وعليها خمار لونه ازرق وكانت في غايه الجمال
مروان في نفسه /بسم الله ما شاء الله تبارك الرحمن يارب انت اللي عالم باللي جوايا حققه لي عاجلا لا اجلا يا الله انك علي كل شيء قدير
مروان /صباح الخير
ملاك /صباح النور
مروان /اومال نونا فين
ملاك /بتقرأ قرآن في الاوضه
مروان /وسيباكي تعملي انتي الاكل لا مينفعش سيبي من ايدك
ملاك /لا خالص انا اللي اتحايلت عليها تدخل جوه علشان كانت تعبانه شويه واصلا مكانش في حاجه تتعمل غير اني اوضب السفره حاجه بسيطه
مروان /تمام تسلمي اوي يا ملاك
ملاك /ميرسي
مروان عن اذنك هروح اشوفها
ومشي مروان راحه لنوال
مروان /مالك يا ست نونا تعبانه مالك
نوال /مفيش بس رجلي وجعاني شويه
مروان/مش قولتلك متتعبيش نفسك وخدي العلاج في الوقت بتاعه
نوال /ايوا بس
مروان /بس اي انا عرفت انك موقفه العلاج بقالك فتره لي بقا يا ست نونا ها عاوز جواب
نوال /طب اهدي بس يا مروان انا
مروان /انتي اي عاوزاني اخسرك انتي كمان زي ما خسرتهم عاوزه تشوفيني مكسور قولي
نوال فضلت تعيطت وجات ملاك
ملاك /في اي صوتكم جايب البيت كله
مروان /تعالي شوفي يا ست ملاك نونا موقفه العلاج بقالها فتره ومش بتاخده عاوزه تموت وتسبني زي ما امي سابتني ها ردوا
ملاك /اهدي بس يا مروان اكيد في سبب تعالي بس علشان مازن ممكن ينزل في اي وقت ولو شافكم كده هيزعل وانت عارف اللي فيه ولما تبقي ترجع من الشغل ابقوا اتكلموا
مروان هدي /خلا ص ماشي يلا يا نونا اسندي عليا
وقاموا فطروا ومشي مروان للشركه واخد مازن في طريقه علي يوديه الدرس
ـــــــ صل علي محمد 🌺ـ،
وصل مروان الشركه وكان عاوز يخلص بسرعه الثفقات علشان يرجع ويشوف ملاكه واثناء وهو قاعد جاله المحاسب بتاع الشركه /استاذ مروان بعد اذنك ممكن اخد اجازه يومين لان مراتي هتولد ودا اول مولود ليا
مروان فكر شويه وقاله /
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية ملاكي على الأرض)