رواية كبرياء الريحانة الفصل الثاني 2 بقلم روان محمد

رواية كبرياء الريحانة الفصل الثاني 2 بقلم روان محمد

رواية كبرياء الريحانة البارت الثاني

رواية كبرياء الريحانة الجزء الثاني

رواية كبرياء الريحانة الحلقة الثانية

تعديل:جماعة ده التاني مع شوية من التالت والرابع مش عارفه ليه اللخبطة دي بس غصب عني لانها كانت اتسر.قت واتمسحت من عندي ف مكنش معايا نسخة ليها وتعبت على ما رجعتها مسروقة ف كانت نازلة كدا ف ان شاءلله اللي هينزل هيكون الخامس وحسبي ف اي حد ياخدها معلش مش مسامحه لو دخلتو عالهاشتاج هتلاقوها من 2020
مش يلا بينا ي بابا، الظاهر العروسة مفيش نصيب بقا قالها عمر وهو واقف مع باباه برة الأوضة الخاصة بريحانة
ي ابني عيب كده، ، أبوها جوه مع الدكتور مش نستنى نطمن عليها وخلي بالك هتتجوزها يعني هتتجوزها
اووف بقا دي حاجه تطهق قالها عمر بزهق في لحظة خروج عبد الله والد ريحانة برفقة الطبيب من الغرفة
_____
اتفضل ي دكتور
عبد الحكيم:خير ي عبد الله مالها
عبد الله: الدكتور قالي جالها هبوط مكلتش كويس بس والجرح اللي في ايدها الحمد لله مش عميق طهرهولها وخلاص
عمر: طيب ي عمو حمد الله على سلامتها و نستأذن احنا بقا ، عشان نسيبها ترتاح
عبد الحكيم واتحرج طبعا ففضل السكوت.
عبد الله لسه هيتكلم، ، لقو حد خارج من الأوضة
كانت ريحانة، ، لا أنا كويسة وميصحش حضراتكم تمشو قبل ما تشربو حاجه
عمر بصدمة فهو كان سيأخذ تعبها حجة ليذهب ولا يجلس معها، ، ولكن سرعان ما جائت بباله فكرة.
كانت ريحانة تتقدم تجاههم بالكرسي المتحرك، ، قدمت لهم العصير وعمر لم يعرها نظرة أو اهتمام حتى لم ينتبه لملامحها، كل ما كان يشغل باله كيف يهرب من مأزق زواجه منها
___

 

 

 

 

 

 

قطع شروده ،،، عبد الله: نسيب الولاد مع بعض شوية
عمر وحك رأسه بخفة .
احم هتفضل ساكت كتير
وانتي مستنياني أقول اي
طب عالأقل بصلي ده حقك.
أنتي تعرفي اي عني
أعرف أنك ابن صاحب بابا، ، عمر عبد الحكيم… ظابط شرطة من أكفأ الظباط
بس كده.
أعرف أنك موقوف عن العمل بس معرفش ليه
فجأة اتوتر عمر وبدأ يتصبب عرق ونظر لها لأول مرة كانت نظرته موجهة لعينيها مباشرة، ، أنا مش موقوف أنا اللي سايب الشغل بمزاجي
طب اهدى بس بلاش تتضايق أوي كده المهم العموم إن حضرتك عاطل
انتي إزاي تتكلمي معايا كده، ، انت مفكرة نفسك اي.. أنتي مش شايفه نفسك هه وانت مين يرضى بيكي بحالتك دي
رَيحانة وبدأت تتعصب : وأنا مفتكرش اني أجبرت سيادتك تيجي تتقدملي، ، ثم اللي أنا في بسبب حادثة ومش مطالبة أوضحلك الباقي.. انا يمكن مريضة جسمانيا بس انت المرض في نفسك ي حضرة الظابط. قالت كلمتها الأخيرة بنبرة من الإستهزاء
ثم اني والله لو أعرف العجرفه اللي انت فيها كنت رفضت قبل ما أشوفك
_ طيب بسيطة جدا، ، أنا ي ستي هسيبلك الفرصة، ، هتخرجي تقوليلهم انك مش موافقة وطبعا باباكي مش هيغصبك على حاجه. قلتي اي واهو أكون استريحت وارتحت
كانت ريحانة في قمة غضبها، ، طيب ماشي قالتها بمنتهى الهدوء.
____________

 

 

 

 

 

ارتمت ريحانة على سريرها لتسمح لدموعها في الإنهمار هي أبدا لا تستطيع أن تظهر ضعفها أمام أحد
فلاش باك 《 ماشي ي عمر
ها ي ولاد اي الأخبار.
ي عمي.. لم يكمل عمر كلمته حتى سبقته ريحانة
أنا موافقة ي بابا وعمر قالي ان شقته جاهزه والفرح بعد شهر
عمر وكان في قمة الصدمة والغضب حتى لم يستطع أن ينطق بكلمة
طيب ي ولاد على بركة الله نقرأ الفاتحة
عبد الحكيم في سره:أنا عارف ان مش انت اللي وافقت ي عمر واللي أكدلي الصدمة اللي انت فيها لما قالت بس ربنا يهدي وهي اللي تصلحلك حالك
______
ذهب كل من عمر ووالده لمنزلهم، ، لم يتفوه عمر بكلمة دخل غرفته وأغلق الباب بالمفتاح، ، بقا أنا تحرجيني وتفاجئيني كده!!
قالها وهو ينظر في المرآه
اااه ي بنت ال اما وريتك مش قلتي الفرح بعد شهر
استعدي لجحيمك ي حلوة و يانا ي انتي. ولا ميبقاش اسمي عمر عبد الحكيم اما طينت عيشتك وندمتك عاليوم اللي قلتي فيه انك موافقة..
وصعد إلي سريره وهو يغلي، ، ولا يعلم أنه في الجهة الأخرى من وافقت كان رغما عنهاولكن سبب موافقتها لم يعلمه أحد للآن لو كان عمر تحدث بهدوء كانت ستشرح له، ، لكن غروره أثار كبريائها …. ونامت وهي تتقطع أنفاسها من البكاء.
صحي النوم ي عم عمر اي هو من لقى احبابه ولا ايه
عمر بصوت نعسان: اي ي كيمو عامل ايه
كريم:لا ده انت لسه نايم خالص طب فوق كده هعدي عليك نروح نقعد في مكان عشان تحكيلي
عمر:طيب تمام
____

 

 

 

 

 

عبد الحكيم: انت نازل ي ابني
_ اه ي بابا نازل خير في حاجه
لا ي ابني طب مش هتفطر
لا كريم هيعدي عليا وهنفطر سوا
تاني كريم الزفت ده هو مش قلت ميه مرة ابعد عنه
أنا مش فاهم يعني ماله، أنا مشفتش منه حاجه وحشه ثم أنا مش صغير انا عارف الصح من الغلط كويس، ، ولا دي كمان هتبقى إجبار زي الجواز
في اللحظة دي عبد الحكيم متحكمش في نفسه وضرب عمر بالقلم على وشه، ، الظاهر إن تعاملي معاك براحة نساك إزاي تحترمني
عمر بعصبية أنا نازل ،، وقفته كلمه عبد الحكيم… ياريتك ي يوسف كنت موجود تعالى شوف الحال اتبدل ازاي
الكلمة وقعت على عمر زي جردل ميه ساقع، ، ملتفتش ورزع الباب ومشي.
________
صباح الخير ي بابا خدت الدوا
صباح الخير ي قلب بابا، اه خدته ي حبيبتي
طيب أنا هروح أحضر الفطار
ريحانة استني
نعم ي بابا
بصي يا بنتي، هو صحيح أنا اللي فاتحتك في موضوع عمر، ، وشايفه في نظري عريس كويس، ، وأبوه صاحب عمري
بس في الأول وفي الأخر أنا مش هجبرك على حاجه، ،أنا ي بنتي كل منايا أفرح بيكي أنا معنديش غيرك والعمر بيعدي
محتاج أسيبك مع حد أطمن عليكي وانتي معاه
متقلقش ي بابا أنا موافقة على عمر وهنعمل فرح كمان وهبدأ أهتم بجلسات العلاج الطبيعي
طيب ي حبيبتي ربنا يريح قلبك ويسعدك
____

 

 

 

 

 

سبت بابا ودخلت المطبخ وأنا في راسي ألف تفكير أولهم يا ترى اللي عملته ده صح ولا غلط
أنا لما قلت اني موافقة، يمكن كان عند لعمر عشان غروره وطريقته اللي جرحتني، ، بس أنا مش هجازف ببابا بردو
يمكن عمر شكل طبعه صعب، ، بس انا صليت استخارة ومرتاحة عشان كده انا واثقه ان ربنا عمره ما هيخذلني.
______
بس ي سيدي
ي بنت ال اي يعني تقولك إنها مش موافقة وتخرج تقول قدامهم موافقة
شفت اللي انا فيه
طب هي حلوة ي عمر
ها لا انا مخدتش بالي أصلا مكنتش طايق أبصلها
طب وانت اي اللي مخليك رافض أوي كده في حد في بالك
لا لا بس يمكن عشان مش حابب أتجوز دلوقتي ومسؤلية بقا
_عمر مرضيش يقول العيب اللي عند ريحانة، يمكن خاف من نظرة زمايله ليه لما يعرفو انه هيتجوز واحده بتمشي على كرسي متحرك وكمان مش قادر يرفض عشان باباه مهو اكيد تفكيرهم راجعي زيه هو حتى مفكرش يسمع منها عن سبب قعادها عالكرسي
______

 

 

 

 

بابا أنا نازلة
ماشي ي حبيبتي متتأخريش
قررت اني هواجه نظرة الجميع حتى لو مؤذية، ، أنا مش ضعيفه انا ريحت دماغي من مجتمع عمره ما هيفهم إن ظروفنا مش بنختارها إن ممكن أي حد من اللي بيتريقو يبقى مكاني تفكير راجعي ومتخلف لمجرد النقض والإعتراض بدون حتى ما نفهم من ساعة ما عملت الحادثة تقريبا منزلتش من البيت، ، أنا خريجة هندسة ديكور صحيح الحادثة حصلتلي وأنا في أخر سنة وعدا دلوقتي سنة كمان، ، بس مش قادرة أنسى نظرات الكل ليا لما كنت بروح الكلية بالكرسي
الدكتور قالي ان رجلي الشمال هي اللي اتضررت اكتر من اليمين وممكن مع العلاج الطبيعي أرجع أمشي تاني بس ساعتها كانت الإمتحانات قربت ومقدرتش أجازف بسنة من عمري، ، كان ي هركز في العلاج ي المذاكرة وانا اختارت المذاكرة، ،، ويمكن سبحان الله ده كان سبب عشان أكتشف كل المزيفين اللي كانو حواليا، ، كل اللي اعتبرتهم صحابي بلا استثناء، ، بعدو عني وكأني بقيت عبئ أو وباء… في منهم اللي جالي البيت بعد الحادثة بعد كده كل ده اختفى بقو يشوفوني يبعدو، ، نظرات بينهم وبين بعض… مش فاهمة هي شفقه ولا شماته
المهم واللي مفرحني اني قدرت أتجاهل كل ده ورا ضهري واتخرجت بتقدير ممتاز وطلعت الأولى عالدفعه كالعادة وأثبتلهم إن المرض كان في عقولهم والعجز في تفكيرهم، ، بقو يحاولوا يتصلو بيا بعدها انا اللي قطعت علاقتي بيهم.. ميلزمنيش ناس مزيفة
الصديق المزيف مثل الظل يكون معك في النور ويتركك في الظلام💙
وصلتي ي أنسة اتفضلي،…… شكرا
أنسة ريحانة أهلا وسهلا
ازي حضرتك ي دكتور
انا تمام انتي اي الأخبار
انا بصراحه جاية لحضرتك ومستعدة أمشي عالعلاج والتمارين عشان اقدر يعني أمشي تاني إن شاء الله
دي حاجه تفرحني جدا، ، هتعمليلي بس شويه الأشعة دي عشان نشوف عضلات الرجل لسه قويه ولا حصل ارتخاء
خلاص تمام وانا مع حضرتك، .
تمام هنعملهم ولما النتيجة تطلع هنتصل بيكي عشان نحدد أول جلسة للعلاج الطبيعي
تمام ي دكتور
_______

 

 

 

 

مشيت من الدكتور وانا عندي كمية أمل كبير وتفاؤل إن إن شاء الله هتحسن
ألو اه ي بابا أنا جايه اهو اجيب حاجة معايا
لا ي حبيبتي ده عمك عبد الحكيم هنا وعاوزك فكنت بشوفك فين
معاه عمر رد ي اه ي لا
لا
اوف الحمد لله طيب ي بابا مسافة الطريق
___
اه ي بابا انت فين
وانت مالك مش القعاد مع صحابك حلو
ي بابا بقا
في مشوار وجاي الأكل عندك يلا سلام
___ السلام عليكم
ازي حضرتك ي عمو
تمام ي حبيبتي انا كنت معدي وقلت اجي أسلم على باباكي واكلمك في حاجه كده
عبد الله:طيب أنا هسيبكو هنزل اجيب حاجة من تحت واسيبكم براحتكم
خير ي عمو
بصي يا بنتي انتي زي ابني عمر ويمكن أغلى، ، انتي موافقه علي ابني بإرادتك ؟
اه ي عمو
طب بصراحه كده انا عارف ان عمري ابني عصبي ودبش واكيد قالك حاجه يوميها مش عاوز اعرف اي بس الصدمة اللي كانت على وشه وأظنك لاحظتي، تدل أنكم قلت و هتفركشو بس انتي اللي غيرتي صح كده ي بنتي
مش هكدب على حضرتك بس انا مكنش قصدي اوافق انا لقيتها كلمه بتخرج مني
طيب بصي انا مش هغصبك حابه تنهي كل حاجة قوليلي وملكيش دعوه ب أبوكي
مهو الموضوع كله متعلق ب بابا
مش فاهم

 

 

 

 

بصراحه ي عمو ، بابا القلب عنده تعبان أوي
فلاش باك 《 ها ي دكتور بابا عنده اي
مش هكدب عليكي باباكي القلب عنده تعبان وحتى الدوا معدش ينفع
طب الحل ي دكتور ممكن نزرعله أو أي حاجه نتصرف
للأسف كان هينفع لو في مرحلة مبكرة، ، لكن..
لكن اي
الأعمار بيد الله عاوزك تتماسكي وحاولي تفرحيه وبلاش اي عصبيه أو زعل مش حلو عشانه
بااك》
طب وانتي ازاي متقوليش ي بنتي
انا كنت ناوية اقول لعمر انه بس نتجوز قدام بابا وبعدين يبقى يطلقني
لا لا الحمد لله انك مقولتيلوش كده
مش فاهمه ،، ليه يعني
ي بنتي عمر ابني حاله مش هو هو، ، لولا انه حالف عليا مجيبش سيرة الموضوع ده لحد كنت حكيتلك
لكنبس طلب ي بنتي وبلاش تخذليني
لما تتجوزي انتي وهو بلاش حكايه الطلاق دي وحاولي تستحمليه وخليكي جنبه، ، هو عصبي بس والله يتراضى بكلمة
ربنا يقدم اللي فيه الخير ي عمو
طيب استأذن أنا وهبقى أطمن على باباكي تاني ولو عوزتي أي حاجه كلميني
عمو بابا ميعرفش إن تعبه شديد أرجوك يفضل الوضع كده متجبلوش سيرة
من غير ما تقولي ي بنتي.
______^^______^^_____

 

 

 

 

عدا أسبوع بدون أحداث جديدة.
لحد ما في يوم بليل
ألو
ألو
مين معايا
اي ده مش عارفه صوتي معقول تنسيني كده
اه مش عارفه ولو مقولتش مين هقفل السكة
براحه بس على نفسك
أنا…..
ايييي وعاوز اي مني
أنا عمر اي اتفزعتي كده ليه
لا متفزعتش ولا حاجه بس رقمك مش متسجل وكمان من ساعة ما كنت مع باباك هنا لا اتصلت ولا أي حاجة فاستغربت، وبعدين أنت عارف الساعه كام!!
آه الساعة ١
امم طيب تصدق مكنتش اعرف. عاوز اي يعمر
لا مفيش لقيت نفسي فاضي قلت أتصل أتغزل بسيادتك شويه
في سرها:ظريف أوي…
انا بكلمك عشان اقولك هعدي عليكي بكرة الساعه 3 كده هنروح نشتري الدهب
دهب؟!
أه دهب ولا مش عاوزه شبكة
أنا مش فاهمه انت ليه بتعاملني كأني عدوة ليك أنا حتى متأكدة أنك متعرفش شكلي كويس
لا خالص أنتي مش عدوتي انتي اسوأ.. وانجزي عشان عاوز أنام الساعه 3بكرة تكوني جاهزه
ريحانة مقدرتش ترد فقفلت السكة بهدوء

 

 

 

 

 

_______
هو بيعاملني كده ليه، ، واتفتحت في العياط.. يارب أنا مليش غيرك قويني ،يارتني ما وافقت
عقلها:طب ما ترفضي م الفرصه لسه في ايدك
لا مقدرش عشان بابا عالأقل
طيب لما تقابليه بكرة فهميه
مهو عمو حلفني انا خلاص تعبت تعبت ومش قادرة أقاوم
____
تاني يوم
بابا عمر قالك انه هيعدي عليا
اه ي حبيبتي عبد الحكيم اتصل بيا هتروحي معاه وهيوصلك
نزلت لقيته مستني قدام العربية
هو هو حلو وقمور بس عينه مخبيه حاجه
احم هتطلعي ازاي بالكرسي ، تعالي هسندك
لا شكرا
مسمعش كلامها وشالها من عالكرسي
ي خبر انا قلبي بيدق كده ليه.. ممكن تنزلني
عمر كان باصص في عنيها وسرحان لأول مرة يبقى قريب منها كده ويلاحظ ملامحها
احم اه طبعا قعدها على الكرسي اللي قدام جنبه وحطلها الحزام.
طول الطريق كانو ساكتين كان بيخطف النظر ليها من غير ما تاخد بالها.
وصلنا.

 

 

 

 

 

نزلها وقعدها عالكرسي ودخلو المحل
اتفضل ي فندم تحب أساعدك
ورينا أحلى حاجة عندك
بص حضرتك دي دبلتين couple مكتوب جواهم love
اي رأيك وبيبص لريحانة
احم أي حاجة
طيب قيسيها كده
لبستها وكأنها اتفصلت لصباعها وطلب سلسلة على شكل قلب.
وجابلها توينز، ده هدية بابا ليكي.
ابتسمت مكنش فيه داعي يتعب نفسه
عمر ابتسم على ابتسامتها وبعدين رجع كشر تاني.. طب يلا بينا عشان اتأخرنا
وصلها للبيت جت تنزل
ريحانة
نعم
اي سبب الحادثة
مش جاهزة أحكيلك دلوقتي ممكن نأجلها
تمام.
____
طلعت البيت وأنا مرتاحة، يا ترى هيتغير معايا، مش قادرة أفهمه بجد
انتي جيتي ي ريحانة
اه ي بابا هغير هدومي وجاية
اتعشيت
لا ي حبيبتي مستنيكي
ليه بس ي بابا مش عشان الدوا بتاعك
شفت عمر جابلي اي، وعمو عبد الحكيم
ربنا يسعدك ي بنتي، مبسوطة ي ريحانة
اه ي بابا الحمد لله
______

 

 

 

 

الشهر عدا بسرعه كثفت جلسات العلاج الطبيعي والحمد لله كان في تحسن ملحوظ في حالتي الدكتور قالي كده
عضلات رجلي رجعت تقوى تاني وممكن ابدأ استندعلى عكاز بس كمان كم جلسه يعني، ، عمر كان بيتصل بيا ساعات، ي يطمن على بابا.. ي يقولي على معاد حاجه كده يعني،.
____
فاضل على فرحي يومين!
فرحي وأنا لوحدي تماما محدش حتى اتصل بيا
ألو ازيك يا عمر
تمام الحمد لله انتي اخبارك ايه
انا تمام اي في حاجه ولا اي
هو لازم يكون في حاجه عشان أكلمك
لا والله مش قصدي
طيب ي ستي، أنا كنت بجهز قائمة المعازيم وعاوز اعرف لو الأسماء اللي عندك عشان احطهم
عينها دمعت..وبصوت يكاد يكون منعدم.. مفيش حد
اي مش سامع معلش
احم بقولك مفيش حد
ازاي! زمايلك صحابك
انا مليش صحاب.
احم طيب أنا هنام تصبحي على خير
وانت بخير
______

 

 

 

 

 

اليوميين عدوا والمفروض مستنيه عمر هيوصلني للكوافير
الباب بيخبط اكيد هو
اي ده انتي
ازيك ي ريحانة
اي فكرك بيا ي ي صاحبه عمري
انا اسفه والله طب مش هتدخليني
عمر انت اللي جبتها
اه ندخل نتكلم جوه ممكن
انا اسفه ي ريحانة انا بعدت عنك غصب عنى والله، ، بس عمر خطيبك هو اللي جالي شكله بيحبك اوي
ها خلصتو ولا اي في قاعه وكده
اه انا وريحانة جايين أهو
يلا ي ريري وحشتيني اوي هتبقي أحلى عروسة
خلصت الكوافير واسراء مسابتنيش ولا لحظة كنت فعلا مفتقدة حد يقف جنبي حتى لو بشكل مؤقت اتعلمت اني أستمتع باللحظة حتى لو هتضيع مني بعد كده مش مشكلة.
رنيت على عمر عشان يجي ياخدني
اي القمر ده

 

 

 

 

احم آنا
هو في غيرنا
ياترى من قلبك
طبعا
اي غيرك
يووه أرجع عصبي يعني هنكد يوم الفرح في سره اصبري عليا بس اما وريتك وقلبه بيقوله حرام عليك هي اي ذنبها بلاش قسوة
____
دخلنا القاعه من هنا عشان الكل ينفجر ضحك وهمهمه ونظرات كلها تحرق القلب ،، مسكت نفسي عن العياط بالعافية
اسراء مسكت ايدي جامد تبت فيها وكأني طفل بيستخبى في أمه
عمر كان واقف ملامحه مش مفهومه استنيت يتكلم استنيت اي رد فعل دخلنا عالكوشه على طول
كنا ساكتين لحد ما الدي جي قال وقت الرقصة الslow
أنا وعمر بصينا لبعض بسرعه وكأننا مكناش مخططين لكده
طيب ما تلغوها انت مش شايف العروسه عامله ازاي ههههههه كانت كلمة من حد من المعازيم
وفجأة عمر اي ده .

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية كبرياء الريحانة)