رواية صدفة جميلة الفصل الحادي عشر 11 بقلم آية الفرجاني

رواية صدفة جميلة الفصل الحادي عشر 11 بقلم آية الفرجاني

رواية صدفة جميلة البارت الحادي عشر

رواية صدفة جميلة الجزء الحادي عشر

رواية صدفة جميلة الحلقة الحادية عشر

بعد اسبوع كان الوضع هادي جدا وخلال الاسبوع ده احمد واسماء كانو بيتواصلو مع بعض واحمد كان بيحس باحساس غريب جدا ناحية اسماء، واسماء كمان كانت حاسه انها طايره من الفرحه، انهارده يوم خطبتهم كانت قاعده قدام الميكب ارتيست وصحبها حواليها
مبسوطين وفرحانين لاسماء
اميره:
ياااااه أخيراً جيه اليوم اهو الي كنت بتحلمي بيه كنت دايما تقولي” ربّ صدفه خير من الف معاد ” زي ما تكون عارفه انو نصيبك هيكون كده
اسماء بفرحه:
كانت مجرد كلمه بقولها مع اني كنت بتمنها دايما من ربنا والحمد لله ربنا استجاب ليا؛
وكملت في فرح
انا مبسوطه قوي يبنات
العريس وصل العريس وصل
قالتها بنت صغيره وهيا بتجرى
اسماء قلبها دق جامد وكانت متوتره وقالت للبنت الي بتعمل الي بتعمل ليها ميكب:
خلصتِ انا معتش قادره اقعد حاسه اني متوتره
البنت:
اه خلاص كده تمام شوفو كده يبنات
البنات في نفس واحد
واو اللهم بارك
اسماء بتوتر وابتسامه:
بجد شكلي حلو
دخلت سناء عليهم وهيا بتقول بزعيق:
دا كله بتعملي مكياج يبت الناس جت وقفت لما لاقت اسماء قدمها وهي مبسوطه
سناء بدموع وفرح:
بسم الله ماشاء قمر ي قلبي ربنا يحميك من اعين الحاسدين والحاقدين’ قُل أعوذ بِرَب الفَلَق’من شر مَا خَلق’ ومن شَرِ غَاسق إذا وقب’ ومن شرِ النفاثات في العقد’ومن شرحاسد إذا حسد’
اسماء بضحك:
خلاص يماما انا مش ملكه جمال يعني عشان ترقيني كده وبعدين متخافيش انا قايله الاذكار كلها الصبح وقولت ايه الكرسي دلوقتي
سناء:
يبت الناس عينها وحشه محدش منهم بيقول
ولا ماشاءالله ولا اللهم بارك لازم ناخد حزرنا برضو يحببتي وانا كلمت ام احمد زمنها رقت احمد كمان عشان ربنا يحميكم من العين
اسماء بضحك:
والله انت وطنط سلمي بحسكم شبه بعض يلا زمان احمد زهق بره
اميره بغمزه:
ايوا بقي الحب ولع في الدره ههههههههه
اسماء بضيق:
بس يبت
خرجت اسماء ومامتها ومامت احمد في نفس واحد لولولولولولولى
(اعتبروها كده بقي عشان تحسوها اشوف مين زرغطت ورايا🤭😂)
احمد اول ما شاف اسماء وقف وبقي متوتر جدا، واسماء قعدت جنبو في المكان المخصص ليهم لانهم كانو عاملين الخطبه في بيت اسماء احمد بص علي اسماء بحب وكان منبهر من مظهرها وقالها
بسم الله ماشاء الله عليك قمر
اسماء بصتلو واتكسفت والخطبه انتهت وكان الجو جميل تحت رقص اصحاب اسماء الي ولعو الجو حرفيا طبعا مكنش في شباب في المكان احمد بعد ما لبسو الدبل اتصور مع اسماء وخرج يقعد مع الرجاله
&&&&
عند فارس كان بيحاول علي قد ما يقدر انو ينقذ ياسين من الذنوب الي بيعملها في الناس وفعلا قدر انو يعمل كده ، لما بلغ عن ياسين من غير ما يعرف علي البضاعه الي كانت جايه
وياسين اتقبض عليه ، والناس كلها شهدت ضدو وعشان يخرج منها كان لازم يرجع الارض لاصحبها دا كان اتفاق فارس مع اصحاب الارض ياسين كان رافض لانو مكنش معاه اي فلوس كله فلوسه كان بيدفعها للبضاعه المضروبه الي بيجبها ودلوقتي عشان يخرج لازم يدفع كفاله والناس تتنازل عن المحضر
ياسين لاقي انو مش قدامه اي حل غير انو يرجع الارض لاصحبها وكده الحكم هيتخفف عليه فارس كان مبسوط جدا انو ياسين وافق وانو فكرته نجحت رغم حزنو علي اخوه انو اتحبس
فارس كان قاعد وامنيه جنب منو
امنيه:
زعلان ليه هو اخد جزائو ودا التمن والحمدلله محدش عرف انك ورا الي حصل انت كان كل هدفك تنقذ الناس منو وكمان دا ذنب عظيم جدا النصب والاحتيال
فارس بحزن:
دا اخوي مهما كان وحاسس بذنب تجاهو رغم انو هو الي مسبش ليا اي فرصه تانيه غير بس انا لازم اخرجو كفايه كده بقالو اسبوع اكيد عرف انو الي عملو غلط
امنيه بحزن:
مفيش في ايدنا حاجه نعملها كله بايد ربنا، هو كده ممكن ياخد قد ايه في السجن
فارس:
مش عارف من خمس ل خمستاشر سنه
امنيه بشهقه:
يلهووى لا ي فارس حاول تخرجو كتير قوي عشان الاولاد حتي وعمي اكيد زعلان دا مهما كان ابنو مهما كان كلامو انو مش فارق معاه لكن اقسملك عمي زعلان قوي في نفسو
فارس بحزن:
عارف بس انا هساعدو انا كنت متفق مع الظابط الي جيه انو ياخدو تهويش كده بس هو قال القانون قانون ميقدرش يعمل كده
بس انا كلمت احمد امبارح وقال انو عندو فكره يخرجو بيها وطبعا عشان كان امبارح خطبتو مقدرش يعمل حاجه فهستني كده.
امنيه بفرحه:
متعرفش انا مبسوطه قد ايه انو احمد خطب
فارس بحزن:
اسف ليك عارف انك اكيد مدايقه عشان محضرناش لكن اوعدك اول ما الموضوع دا يخلص هنروح نزورهم
امنيه:
متقولش كده يفارس انا بجد مفكرتش في كده
ابدا وبعدين انا وسمسمه اتفقنا واخدت رقمها من ماما وبكلمها وبعتت ليا كل فديوهات الشبكه وكمان ماما كانت بتكلمني فديو وقت ما احمد دخل لحد ما خرج يعني حضرت كل حاجه كاني موجوده معاهم بالظبط
فارس ابتسم وقال:
انت بجد احسن حاجه حصلت ليا في حياتي انا بشكر ربنا كل يوم علي العوض الجميل ده بتهوني عليا كل حاجه رغم اني متاكد ان اكيد زعلانه ربنا ما يحرمني منك ابدا
امنيه بسعاده: “حضنتو’
ولا يحرمني منك يا اجمل واحن واطيب اب في الدنيا كلها
فارس بضحك:
اول مره تقولي اب دي دايما بتقولي ي روحي يعمري و يا فروستي بس حبتها صدقي قوليها علي طول
امنيه:
احم بس مش انا الي قولتها انت فعلا فروستي زي ما انت وكمان انا بحسك بطيبه وحنيه بابا الله يرحمه
فارس باستغراب:
امال ايه
امنيه حطت ايدها علي بطنها وقالت دا اللي اتكلم وقال يبابا
فارس بصح لايدها وبعدين بصلها وقال:
مش فاهم برضو قصدك ايه
امنيه بضيق:
فارس متبقاش غبي بقي
فارس حضنها وهو مبسوط وامنيه استغربت تصرفو وهو بعد عنها ومسك وشها بايدو وقال:
الغبي فاهم بس مش مصدق حاسس اني بحلم انت بتتكلمِ بجد صح
امنيه حركت دمغها بكسوف وفارس ضحك جامد وهو مبسوط ومش مصدق اخيرا هيبقي اب
فارس بفرح:
متعرفيش انا مبسوط قد ايه رغم كل المشاكل الي الواحد فيها وربنا بعتلي فرحه تنسيني كل حاجه انا بحبك قوي ي امنيه قوي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية صدفة جميلة)