رواية حطام الفصل الثامن 8 بقلم مريم محمد

رواية حطام الفصل الثامن 8 بقلم مريم محمد

رواية حطام البارت الثامن

رواية حطام الجزء الثامن

رواية حطام الحلقة الثامنة

= هتستحملنى
رد سيف و كأنه لا يعلم شيئًا قائلا : استحملك ازاى يعنى ؟
قالت سماء : انا لسه بجمع فى شتات نفسى بحاول اجمع البقايا اللى لسه فاضلة منى انا مش حمل أذى تانى !
قال سيف بثقة : انا هبقى فى ضهرك فى كل حاجة
ابتسمت سماء بخفوت و قالت : شكرًا
ابتسم سيف حتى دخلت عائلة كل منهم من جديد
مر الوقت و غادرت عائلة سيف
كانت سماء تجلس فى غرفتها و هى تفكر سمعت احد يطرق على الباب فأذنت له بالدخول فوجدت زين و يوسف معًا
قالت سماء : تعالوا واقفين عندكم ليه
دخل الاثنان و جلس يوسف أمامها و قال : مبسوطة
هزت سماء رأسها و هى تبتسم بسعادة
رد يوسف وهو يقول : عايزة الخطوبة فين
قالت سماء : فى اى حتة مش هتفرق بس انا عايزاها تكون بسيطة كده و متكونش فى دوشة كتير
قال يوسف : بس كده ده انتِ تؤمري
وجدت سماء زين ينظر لها فقالت : مالك يا زين ؟

رد عليها زين وهو يقول : انا كويس
قال يوسف : طب هقوم انام انا
غادر يوسف الغرفة و بقى زين و سماء معًا قالت سماء : مالك يا زين انا حاسة ان فيك حاجة .
رد عليها زين قائلا : بقيتى مشغولة عنى اليومين دول يا سماء بقيتى مهتمة بيوسف و نسيتى زين
شهقت سماء وقالت : انا آسفة بس انا اكيد مقصدش يا زين ده انت اللى كنت مهون عليا كل حاجة انت الجانب الحلو اللى فى حياتى
ابتسم زين و قال : طب مانا عارف
= تصدق انك رخم ده انا كنت فكراك زعلان
_ انا مبسوط اوى انك انتى و سيف هتتخطبوا
ابتسمت سماء و قالت : اى انت مش ناوى تفرحنا بيك ولا اى
_ أعوذ بالله ليه يا بنتى السيرة دى انا عايشة حياتى كده زى القمر
ضحكت عليه سماء و ظل زين يتحدث معها فى عديد من المواضيع حتى ذهب لينام و نامت سماء ايضًا
____________________________
فى صباح اليوم التالى أخبر سيف زين بأنه يريد أن يقابله
قال زين وهو يجلس : ايه يا سيدى جايبنى من على سريرى ليه
= اقعد بس
_ قعدت اهو قول

= كنت عاوز أسألك شوية أسألة عن الآنسة سماء
_ اسأل
= هو يعنى الانسة سماء عندها صحاب؟
استغرب زين وقال : بتقول كده ليه يعنى ؟
_ ما ترد على السؤال و خلاص يا زين
= لا معندهاش صحاب
= طيب يعنى هى اى اللى ممكن يفرحها ؟
_ والله حاجات كتير يعنى ممكن خروجة على البحر أو الملاهي او اوردر من عند فاطمة البرى
هز سيف رأسه وقال : طيب يا زين شكرا جدا جدا
= أنت مش هتفطرنى ولا اى
_ يبنى انت كل ما تخرج تقول اكلونى انت مبتاكلش فى بيتكم ولا اى ؟
= لا مباكلش ولو مأكلتنيش يا سيف الجوازة دى هتتفشكل فى خلال ساعة
جلس سيف مرة أخرى وقال : لا و على ايه هأكلك يا زين عينى ليك يا حبيبى
____________________________

بعد مرور اسبوعان ها هو اليوم يوم خطوبة سيف و سماء
^ سماء … سماء …يبنتى قومى ده خطوبتك النهاردة
_ يماما سيبينى شوية
^ يبنتى قومى الوقت اتأخر
_ ابقوا هاتوا حد غيرى لو اتاخرت
^ نجيب حد تانى اى يبنتى قومى هى شيفت
_ قومت يماما اهو معرفش انام شوية . صباح الورد
^ انتى بتتحولى كده ليه ؟
سمعت سماء و والدتها طرق على الباب
ذهبت والدة سماء لترى من
^ اهلا و سهلا يا بنتى
_ اهلا يطنط حضرتك عارفانى انا ليان اخت سيف
^ اه طبعا يا حبيبتى عرفاكى اتفضلى
أوضة سماء من هنا تعالى
دخلت والدة سماء الغرفة و قالت: اتفضلى اقعدى يا حبيبتى سماء شوية و هتجيلك
^ براحتها انا مستنياها

ذهبت والدة سماء إليها و قالت : سماء اخت سيف برا و مستنياكى
_ حاضر حاضر ادينى جاية
دخلت سماء إلى غرفتها وجدت ليان تجلس على السرير قامت ليان من مكانها و ذهبت إلى سماء و قالت : ازيك يا سماء انا ليان
بإبتسامة_ الحمدلله تمام ، اتفضلى
_ انا يعنى كنت جاية نجهز انا و انتى مع بعض بما انى بنت وحيدة و مش معايا غير سيف ولا انتى عندك مشكلة
فرحت سماء كثيرا لانها كانت تخشى ان تكون بمفردها و قالت : لا طبعا مفيش مشكلة
_ و رنا صحبتى هتيجى شوية كده علشان تبقى معانا
بإبتسامة كبيرة _ مفيش مشكلة
ثم اكملت : تعالى نفطر الأول و بعدين نبدأ
_ شكرا جدًا بس انا مش جعانة
= لا لا ده انا محدش دخل اوضتى الا و لازم ياخد واجب الضيافة بتاعته
كانت ستهم ليان بالحديث و لكن سبقتها سماء بالحديث : مفيش نقاش هناكل هناكل
قضت سماء اليوم هى و ليان بسعادة كبيرة لأول مرة تشعر سماء بهذا الشعور وهو ان يكون للمرء أصدقاء خصوصًا عندما جاءت رنا صديقة ليان

خرج كلاً من سماء و ليان و رنا و توجهوا للمكان الذى ستقام فيه حفلة الخطوبة
وجدت سماء الكثير من الناس يجلسون كانت تمشى وهى تبتسم بسعادة كبيرة
حتى جلست و حان وقت ان يلبس كل منهم دبلته فطلبت سماء من يوسف ان يُلبسها هو الدبلة بارك لها يوسف و ذهب ليبارك لسيف ايضًا و قال بهمس لسيف فى أذنه
_ هو انتوا حاطين الكراسى قريبة من بعضها كده ليه
قال سيف بنفس الهمس : ده انا بينى و بين اختك اتنين متر و نص انت هتموتنى يا يوسف
ضحك يوسف وابتعد عنهم بينما قال سيف لسماء بخفوت : مبروك
ابتسمت سماء و قالت : الله يبارك فيك .
جاء زين وهو يهمس لسماء بضحك قائلا : يوسف جايب آخره
ضحكت سماء على أخيها وقالت : مانا واخدة بالى
____________________________

مرت ستة أشهر كاملة وها هو اليوم يوم زفاف كلاً من
سيف و سماء
يوسف و ليان
وهذا بناء على رغبتهم جميعًا بإقامة حفل زفافهم معًا اما عن زين فقد اصبحت رنا ” صديقة ليان” خطيبته
كان الحفل يسير بسعادة شديدة بينهم جميعًا حتى جاءت ريم لتهنئ يوسف و ليان
قالت ريم ببعض الغيرة : الف مبروك يا يوسف
رد يوسف ولا يظهر على وجهه اى تعبير : الله يبارك فيكى عقبالك
كما انها باركت ل ” ليان ” ايضًا
مالت ليان على يوسف وهى تقول بغيظ : الف مبروك
ضحك يوسف عليها بصوت عالٍ بينما صمتت هى من غيظها
اما عن زين فهو كان يجلس بجانب رنا فقال لها بصوت منخفض : عقبالنا
ردت ” رنا ” بإبتسامة هادئة : إن شاء الله
كان سيف يقف بجانب سماء فقال لها بصوت منخفض : مبسوطة يا سماء ؟
فقالت سماء بضحك : ابقى فكرنى انزل بوست اكتب فيه العوض

تمت

لقراءة باقي حلقات الرواية اضغط على (رواية حطام)