رواية نور الفصل الحادي والثلاثون 31 بقلم سماح عزت

رواية نور الفصل الحادي والثلاثون 31 بقلم سماح عزت

رواية نور البارت الحادي والثلاثون

رواية نور الجزء الحادي والثلاثون

رواية نور الحلقة الحادية والثلاثون

الجد عبدالله:ايه اللي انت بتقوله ده
ابراهيم: بنتك هايدي معايا
احمد: احنا عرفنا أن خالتو هايدي ماتت خلاص ومش هتقدر تضحك علينا
ابراهيم: هايدي عايشه ولو مش مصدقني هوريكم صورتها واللواء يقول دي بنته ولا لأ
مراد: حتى لو بنت اللواء معاك احنا هنعذبك لحد اما تقول هي فين
ابراهيم: انا مجرد ما اضغط على الرقم ده يبقى كده هو معاه أمر أنه يقتلها
الجد عبدالله بصدمه: وريني الصورة كده
ابراهيم وهو يخرج صورة من هاتفه لمرأه مقيده : اهيي
الجد عبدالله: بنتي انت عامل فيها كده ليه
ابراهيم بغل: لاني بكرهك وعمري ما حبيتك انت في الاول كنت بالنسبالي مجرد ضابط عادي وبيأدي واجبه لكن انت أدخلت ومرضيتش تجوزني صفاء ولا نسيت
احمد باستغراب: امييي
ابراهيم: ايوه امك … كنت بحبها وكنت اكتر واحد هسعدها وكنت مستعد ابطل اي حاجه بعملها ولو كان طلب مني حياتي كنت ادتهاله لكن هو رفضني ومستكفاش بكده لا ده كمان حذرها مني وحكى كل حاجه هو يعرفها وان ازاي بنت اخوه تتجوز نصاب حاولت بكل الطرق أني اقرب منها واخليها تحبني لك نهي كانت كل مره بتصدني ورفضتني رفض تام …. من وقتها وانا كرهتك وكرهي كل يوم بيزيد عن اليوم اللي قبله ..كل ما ابص في وش مراتي اكرهك اكتر لانك حرمتني من اني ابص في وشها هي … كنت وقتها بنصب بسرق بشتغل لناس بس من بعدها وانا الكل بقا يهابني … لاني كنت بشوفها في الجامعه بس انت نقلتني خلتني استقال انت عملت كل حاجه تخليني ادمر تخليني امشي في الطريق اكتر كل يوم كنت بنغمس معاهم عن اليوم اللي قبله …. واول حاجه عملتها بعد ما عملت لنفسي كيان وسط المجرمين كانت اني اقتل صاحي عمرك ومش بس كده خدت ابنه اربيه وحاولت على قد ما اقدر اني اخليه مجرم بس هو اتجه لصفاء وبيسمع كلامها بس في نفس الوقت كنت عايزك تدمر خليت البنت زميلته في الكليه تضحك عليه مقابل مبلغ مادي وخليتها توقع بينهم هم الاتنين وسعد راح من ورايا وضرب صفاء بالنار كنت وقتها عايز اقتل سعد بس اللي منعني أنه ابني وأنها في العنايه كنت بدخل ليها كل يوم وهي في العنايه وكنت بقدر أشوفها لا وكمان كنت بقدر المس أيدها
احمد وهو يضربه بقبضة يده في وجه: بس انت ازاي تفكر تلمس امي
ابراهيم بغل: امك دي ملكي انا

 

 

 

احمد لسه هيضربه وقفه الجد
الجد عبدالله: بس يا احمد … كما يا ابراهيم
ابراهيم: بعد ما قتلت صاحبك وخطفت اسد اللي سميته فهد لانه مفيش اسد غيري وعشان هو هيبقى الكلب المطيع سميته فهد
فهد كان هيضربه ولكن مسك يده الجد لا يا أسد متمدش ايدك عليه سيبه يكمل كلامه
ابراهيم: خلييت واحد من للشغالين معايا يضحك على بنتك ويمثل دور الحب عليها وهي وثقت فيه وكذبتك انت مش زي ما صفاء عملت بس هو ده اخرة دلعك وقولتله أن أهلها أغنياء وأنه بعد ما رفضته خليته يهرب معاها وقعدت اوسوس ليه لحد لما اديته مسدس فشينك وهو فاكر أنه قتلها وساعتها قولتله خد بنتك واهرب وغير اسم امها في شهادة الميلاد واكتب اسمك الحقيقي وانا اخدت بنتك وحبستها وكل ما اروح أشوفها وأشوف شعر رأسها وهو بيبيض بحس بانتقامي منك وكل ما اشوف فهد وهو جاي يبوس ايدي ببقى فرحان لان ده اشد انتقام منك يا عبدالله
الجد عبدالله: احمد خده على القسم وانت يا أسد روح عشان تشهد ضده
احمد: بس خالتو
الجد عبدالله: مستحيل اسئله بهرب وياذي ويقتل ناس اكتر لمجرد اني خايف على بنتي هي لو كانت بنت حد تاني كنا هربناه
فهد: بعد اذنك يا سيادة اللواء: انا من رأي زي احمد وان احنا نسيبه المهم ننقذ بنتك ونفرح العيله وانت كمان من حقك تفرح
الجد عبدالله: بس يا بني
احمد: ياجدو من غير بس احنا لازم ننقذ خالتوا
مراد: يا حضرة اللواء هم معاهم حق وإن كان على ابراهيم فهي الجايات اكتر من الرايح ومسيرة هيقع هيقغ
الجد عبدالله: طب ما هو كده هيهرب
احمد وهو يغمز الجد: مضرين يا جدو أن نهربه عشان خالتوا صدقني ماما وتيتا وكلنا هنفرح برجوعها
الجد عبدالله: مراد روح جهز كل حاجه لسفر ابراهيم وانت يا احمد انت وفهد ومراد هتروحو معاه وقبل ما يركب الطياره بقولكوا على المكان وان طلع المكان غلط معاك تصريح انك تقتله في وقته
ابراهيم: وانا موافق
روح يا مراد ومعلش هنتعبك معانا يا ايهاب توصل جدو لعند البيت بس ياريت يا جدو متعرفش حد أنه احنا هنرجع خالتو عشان مش ضامنين ابراهيم

 

 

 

الجد عبدالله: ماشي يا حبيبي
عند العربية
ايهاب: يلا يا جدو اركب العربيه
الجد عبدالله: جدو ايه يلا ده ابوك اكبر مني
ايهاب: 😂😂😂 اللي عرفته من ابويا انك انت الكبير
الجد عبدالله: ماهو مش بالسن بص لأبوك وبصلي هتقول انا ابنه
ايهاب: ياااه لدرجادي 😂😂😂ده انت اصغر مني بقا
الجد عبدالله: تحب تشوف مين اصغر من مين
ايهاب: لااااا….. اخاف على نفسي 😂😂
الجد عبدالله: النهاردة احلى يوم في حياتي يا ايهاب انا اول حاجه هعملها بعد ما اروح انك تروح تجبلي ابوك عايز اشارك معاه فرحتي
ايهاب: تؤمر يا جدو😂
الجد عبدالله بحزم: طب سرع يلا عشان نروح
ايهاب: نفسي اسالك سؤال
الجد عبدالله: اسال
ايهاب: انت ازاي بتقلب زي امشير كده
الجد عبدالله: وحياة ابوك….. طب بلاش تشوف قلبتي
ايهاب: لا مش عايز أشوفها
عند أحمد
فهد: انا كده مش هنتقم لاهلي
ابراهيم: انت كده بترد جميل تربيتي ليك
فهد: الجميل ده انا رديته من زمان ردينه لما كنت بساعدك وكنت بحميك وبحمي ابنك المعتوه
ابراهيم : هههه هتزعلوا اووى لما تعرفوا سعد فين
احمد: قصدك ايه
ابراهيم: هتعرف بعدين
فهد: يلا عشان ناخدو من هنا اصل مش هنفضل متحفظين عليه هنا في المستشفى
احمد: هنحطوا فين
فهد وهو يغمز لاحمد: انا عارف مكان حلو اووي
احمد: قولتلي😂😂 طب تمام
ابراهيم: مكان ايه ده
فهد: متخفش مش مكان وحش ده هو مكان هنحطك فيه عشان متهربش
احمد وهو يضع الكلابشات في ايد ابراهيم: يلا بينا😂😂
ابراهيم:انتوا هتودوني فين
احمد: أأمن مكان في العالم السجن😂😂😂
ابراهيم: انا مستحيل ادخل السجن
احمد: ده هي ليله واحده واصلا خلاص ده هي ساعتين والصبح يطلع ومراد بيحاول يحجزلك تذكره لطيارة الساعه 9
في الحجز
احمد وهو ينوه على رجالة السجن بحزم: محدش يقرب منه ده ليه توصيه جامده مفهوم
الرجال: مفهوم يا باشا
احمد: والتم لما يصحا تقولوله أن ده توصية اللواء عبدالله فاهم يا تتتم
التم وهو يعتدل من مكانه: فاهم يا باشا (ده اسم شهرة)
بعد ما احمد مشي جه واحد من الرجاله
الرجل: قوم يااض
ابراهيم: امشي من وشي الساعدي
التم: مختار ارجع مكانك ده توصية اللواء يعني محدش يجي جنبه ده في امانتي
مختار: أوامرك يا معلم
وصل احمد وفهد عند بيت اللواء ووجدوا الكل متجمع
فهد : هو سيادة اللواء فين

 

 

 

الجد عبدالله: بلاش بقا سيادة اللواء دي قول يا جدو ولو مستصغرني قولي يا عمي 😂😂😂😂
فهد وهو يحتضن الجد: انا اسف مكنتش الابن اللي يتمناه ابويا ولا اللي كنت تتمناه
الجد عبدالله وهو يشدد في حضنه: بالعكس انت احسن ابن يا أسد وعايز اقولك أن محمود لو كان عايش وكان هو اللي بيدور عليك كان هيبقى فخور بيك
فهد: انا لما عرفت اتحرجت اقولك الحقيقه
الجد عبدالله: انا اسف يا حبيبي لاني السبب ملقتكش واتربيت في بيت عقرب
احمد: خلاص بقا بطلوا فقرة الاسف دي عشان الواحد يا دوب وعايز يشوف هيعمل ايه
فهد: تمام عايزك تيجي تحت ايدي مش هرحمك
احمد: انا مبجيش تحت ايد حد
حور وهي تنزل من على السلم بعد أن فاقت: احممممد
احمد وهو يذهب اليها: حور انتي فوقتي
حور: انا اسفه انا السبب انك تقتل سعد
احمد بصوت هادي: دي شغلتي يا قمري وسعد حسابه تقل معايا وكان لازم اخلص منه
حور ظلت تبكي
احمد بحنيه: خلاص بقا مش عايزك تعيطي تاني ولا والله هيبقى ليا فعل قدام عيلتك كلها مش هيعجبك
ولكن حور لم تتوقف عن البكاء
احمد: طب والله هتندمي
حور ببكاء: هتعمل ايه
احمد وهو يمسح دموعها : اخاف والله اصل جدك يعلقني من قفايا
ابتسمت حور وهي تنظر وراء احمد
احمد: بتبصي على ايه
فهد وهو يمسك احمد من قفاه ويشده: بطل محن شويه
احمد: ايه اللي انت بتعمله ده
فهد: مش قولتلك متقعش تحت ايدي
بعد اذنك يا حور هاخده بس عشان في حاجه مهمة بنتناقش فيها
حور بابتسامه: خده
احمد: بايعاني كده
الجد عبدالله: تعالوا ورايا المكتب وتعال يا محمد انت وحامد واياد هو فين اياد
احمد: بعد اللي حصل في المستشفى هو مشي عشان يجي ويوصل هيا عند اهلها
الجد عبدالله: عشان يوصلها برصوا طب ما اخوها كان جه وصلها
فهد: سيبوا يا جدوا ياخد راحته
عدى فهد من أمام ريم التي تنظر له ولكنه لم يعيرها انتباه ودخل المكتب خلف الجد
بعد ساعه خرج جميع من في المكتب

 

 

 

الجده: بتعمل كده ليه في نفسك يا عبدالله انت لازم ترتاح
الجد عبدالله: متاخفيش عليا انا صحتي زي البومب ….. ايه ده عمرو انت هنا من امتى
عمرو: ايهاب جه خدني وقالي انك خرجت وعايزني قولت اجي اشوفك
الجد عبدالله: طب ما دخلتش ليه
عمرو: عارف انك مبتحبش حد يدخل عليك المكتب
الجد عبدالله: اي حد غيرك انت يا عمرو انت لما بتدخل المكتب بتفكرني بايامنا مع محمود
عمرو بحزن: الله يرحمه
انت يا فهد طلعت ابن محمود في الاخر
الجد عبدالله: تصدق واخد جسم أبوه وطوله
عمرو: لا بس الشكل شبه قمر
الجد عبدالله: لا بس هو عينه خضره زي أبوه
احمد: انتو هنتخانقوا خلاص
فهد: انت مالك بقيت فصيل كده ليه
احمد: انااا😳😳
مراد وهو. يدخل: حجزت التذاكر
احمد: اهم حاجه حجزت لايهاب بالباسبور الأمريكي ولا لأ
مراد: اههه حجزت بالباسبور الأمريكي
فهد: يبقى احنا كده في التمام
الجد عبدالله: ريحوا شويه عقبال ما تيجي الساعه 7
احمد: ده هي ساعه واحده فاضله وخلاص
الجد عبدالله: ساعه ساعه بس ريحوا جسمكوا شويه
فهد : طب تمام انا هروح اقعد في الجنينه شويه
احمد: انا جاي معاك بس بعد اذنك يا جدو هاخد حور عشان تغير هواء وندردش شويه
الجد عبدالله: ماشي يا ولاد اللي عايز يقعد في الجنينه يقعد انا داخل انا وعمرو المكتب ومش عايز حد يخش علينا
في الجنينه
خرجت ريم وظلت جالسه بمفردها وفهد ينظر لها دون أن تراه وجاء عامر وجلس مع ريم
عامر: عامله ايه دلوقتي
ريم: بخير

 

 

 

عامر: اسف على كل الكلام اللي كنت بقوله وعلى تصرفاتي
ريم: انا اللي اسفه لاني بسببي انت تعرضت لمواقف بايخه
عامر: الحمد لله أن كل ده حصل اصل مكنش ينفع انا وانتي نتجوز
ريم بضحك: ليه بقا
عامر: اصلك مش فتاة احلامي
ريم: يا شيخ طب اتقدمتلي ليه
عامر: عشان امي اللي كانت عاوزه كده
ريم: وانت عايز ايه المهم انت مش مامتك
عامر: هسافر وهتابع شغلى من هناك
ريم: هتسافر فين
عامر: باريس
ريم: ابقى ابعتلي تذكره اروح اقضي يومين والنبي
عامر: من عنيا …بس في شخص مش هيوافق
ريم باستغراب: ميين
عامر: اللي مشلش عينه من علينا من ساعة ما قعدت هنا
ريم: مين ده
عامر: فهد
ريم وهي تنظر وراها لفهد: بس هو مبيبصش علينا ده حتى متجاهلني
عامر: هو مش متجاهلك هو بيبين كده بس
ريم: ليه بقا
عامر: يمكن مش عايز يقرب وخائف أنه يقول لجدو أنه بيبحبك
ريم: يعني انت شايف أن فهد بيحبني
عامر: هو بيحبك بس ده باين عليه واقع اووي اقولك حاجه بس ما تبصيش عليه
ريم: قول
عامر: فهد دلوقتي عينه بتبص عليكي وبتلطع شرار
ريم: بجد طب ليه لما ببص يلاقيه مش بيبص
عامر: لانه عايز يبين كده اول ما انتي بتبصي عليه بيبعد عينه عنك
ريم: طب وده اعمل معاه ايه
عامر: متركزيش معاه بس عايز كل ما اقولك حاجه تضحكي
ريم: ازاي
عامر: هقولك نكت وانتي اضحكي
ريم: قول

 

 

 

عامر: مره كوسه وقعت من الدور العاشر قالت ايييي اتاورت
ريم وهي تضحك:😂😂😂😂 متقولش نكت تاني😂😂
عامر: طب اسمعي دي مره واحد راكب قطر وبيقول لواحد جنبه المحطه الجايه ايه الراجل رد قاله حدايق حلوان قاله مين ضايقها😂😂
ريم: لا لا كفايه كده مش هستحمل النكت دي ..دي بايخه بشكل
عامر: استني بس والنبي😂😂😂😂 مره محشش اشتغل في مستشفى ومن بعدها لقوا حالة الوفاه بتزيد ولما حققوا في الموضوع لقوه بيفصل أجهزة الانعاش عشان يشحن تليفونه😂😂😂
ريم: انا كده هضطر اضحك كده وكده😂😂😂😂
فهد: شايفك مبسوطه
ريم وهي تنظر له بعدم اهتمام: نعم وانت مالك
فهد: لا مالي انتي ناسيه انك مراتي
ريم: اه ناسيه ومش عايزه افتكر
فهد: لا والله يعني كده
ريم: اه كده
فهد وهو يشدها من يدها: قومي معايا
ريم: سيب ايدي
فهد بحزم وهو يشدها: عايزك تعالي
ريم: لا مش جايه
عامر: معلش يا ريم روحي معاه شوفيه عايزك في ايه
ريم: ماشي بس بسرعه عشان عايزه ادخل
فهد: اقعدي هنا
ريم: اهوو قولي بقا عايزني في ايه
فهد وهو يجلس بجانبها: ريم انتي بتحبيني ولا لأ
ريم بتوتر: نعم

 

 

 

فهد: بتحبيني ولا لأ
ريم: ليه السؤال ده
فهد: انا بحبك يا ريم
ريم بتوهان: هااااا
فهد: بحبك
ريم: ………😳😳😳
فهد: ردي عليا بتحبيني ولا لأ
ريم: هيفرق معاك
فهد: جداا
ريم: في ايه
فهد: لو مش بتحبيني هسيبك وامشي وابعد عن هنا خالص لكن لو بتحبيني
ريم: هتعمل ايه
فهد: ساعتها هطلب ايدك من جدك من تاني وهتجوزك وهفضل جنبك هنااا
ريم:انا ..انا
فهد: انتي ايه
ريم بكسوف: عايزاك تفضل هنا
فهد بفرحه: يعني بتحبيني
ريم وهي تركض : لاا
فهد وهو يركض خلفها: طب استني خدي تعالي عايزك
ريم وهو تلتقط أنفاسها: نعم
فهد وهو. يضع يده على كتفيها: بحبك
ريم بكسوف: ماشي
فهد: قوليها يا ريم عشان خاطري
ريم وهي تنظر للأرض بكسوف: ب..بحبك يا فهد
احتضنها فهد وظل يدور ويدور بها وهو يضحك

 

 

 

عند أحمد كان جالس على المرجيحه وحور تضع رأسها على كتفه وممسكين يدهم بيد بعضهم ويتمرجحون
احمد: ادعيلي كل حاجه تتم على خير يا حور
حور: أن شاء الله ربنا هينصركم
احمد: يارب بجد يتمنا أن الموضوع يمشي زي ما مخططين ليه بجد انتي اكتر واحده هتبقي مبسوطه
حور: طول ما انت بخير هكون مبسوطه بس لازم توعدني وعد
احمد: وعد ايه
حور: انك تبقى كويس ومتخاطرش بحياتك لأن شكل فيه حاجه مقلقه عشان كده توعدني انك ترجعلي تاني
احمد: اوعدك اني ارجعلك يا قمري
حور: ايه حكاية قمري دي
احمد: لا حكايه ولا حاجه
حور: اومال
احمد: كنت دائما اقول لنور ولاصحابي اني هتجوز اللي لساني يقولها يا قمري وبعد ما حبيتك وفي اول مره قولتيلي ميل قولتلك يا قمري
حور: 😂😂😂 ايه ده
احمد: انا عارف أنها حاجه هبله بس ده كان كلامي وانا صغير بي فعلا عملت كده
حور: عايزه انام
احمد وهو يبوس رأسها: نامي هنا
حور: ازاي بقا انا هدخل انام جوه
احمد: تعالي بس كده افردي بقا رجلك ايوه وحطي راسك على رجلي هنا كده بس بقا نامي
حور: انام ازاي وانت ايدك بتلعب فى شعري
احمد: هتنامي متقلقيش 😂
بعد شويه
اياد: هو ايه اللي نايم حور هنا كده
احمد: بقا كده تسيبنا وتمشي امبارح
اياد: بعد ما مسكتوا ابراهيم ولقيت والدي كويس قولت اجي ابص على البنات ولما جيت لقيت حور نايمه وريم وهيا قاعدين وخدت هيا وروحت وصلتها

 

 

 

احمد : ملكش امان انت دائما طايش
اياد: لا بقولك ايه انا مش طائش
الجد عبدالله: لا طائش وطايش اووي كمان جهزو نفسكوا يلا يا ولاد عشان خاطر تروحوا تاخدوا ابراهيم
اياد: ياخدوه فين
فهد: ماهو لو انت ممشيتش كنت عرفت كل حاجه لكن دلوقتي هتمشي معانا زي الاطرش في الزفه
احمد وهو يحمل حور النائمه: انا هدخل انيمها مكانها
وذهب فهد إلى ريم : هرجعلك بس لما ارجع في كلام كتير عايز احكهولك
ريم: خد بالك من نفسك يا فهد
فهد: متخفيش كل حاجه تمام أن شاء الله
الجد عبدالله : احمد هتروح انت واياد مع ابراهيم المطار
اياد: هنعمل ايه في المطار
الجد عبدالله: احمد هيفهمك كل حاجه
وانت يا فهد انت ومراد هتروحوا على المكان اللي ابراهيم هيقول عليه
احمد: يلا اياد تعال اركب معايا العربيه
عند القسم
احمد:روح يا عسكري طلعلي ابراهيم الابياري الي دخلته الحجز امبارح
العسكري: تمام يا فندم
اياد: يعني هايدي اختي عايشه
احمد: ايوه من ساعة ما حكتلك وانت كل شويه تسالني قولتلك مئة مره ايوه عايشه
ابراهيم: ايه جهزتوا كل حاجه
احمد: كل حاجه جاهزه يا ابراهيم بس عايزين الجهاز اللي معاك ده لتضغط على الرقم غصب عنك
ابراهيم: لا مش هضغط غصب عني عند الطيارة وانا على السلم ابقى اديك الجهاز

 

 

 

في المطار
احمد: انت خلاص يا ابراهيم بقيت على السلم ولسه قدامنا شويه هات الجهاز
ابراهيم: هتعمل بيه ايه مش انت عرفت المكان
احمد: احنا لسه على اتفاقنا انا معايا أمر اني اقتلك يا ابراهيم ده غير أن تصويبي عمره ما فشل
ابراهيم: خد اهووو ودخل الطياره اللي طارت في السماء
احمد وهو يتصل على الجد : هاا يا جدو لاقيتوها ولا لأ
الجد عبدالله: فهد ومراد لاقوها بس اضطروا يقتلوا الراجل اللي هناك بيحرسها
وهناخدها على المستشفى لانها مغمى عليها
احمد: طب الحمد لله ابراهيم ركب الطياره
الجد عبدالله: خلاص نفذ بقا
احمد: أوامرك
اياد: هنعمل ايه تاني
احمد: كلم ايهاب وقوله نفذ الاتفاق
اياد: وهو ايه اللي دخل ايهاب دلوقتي
احمد: ايهاب على الطياره دلوقتي
اياد: اههه طب ماشي ……
الو ايوه يا ايهاب نفذ الاتفاق
عند ايهاب: داخل الطياره ضغط ايهاب على الزر حتى تأتي له مضيفة الطيران وبدأ بالتكلم باللغه الامريكيه وأخبارها أنه جلاله ازمه ولازم ينزل دلوقتي ودخلت المضيفه للطيار
المضيفه: معانا واحد امريكي على الرحله وشكله عنده ازمه وعايز ينزل
الطيار: مش هينفع
المضيفه: طب هنعمل ايه
الطيار: دوري على حد يكون دكتور ولا حاجه على الطياره
المضيفه ذهبت لايهاب: We apologize and we will see a doctor on the plane with us who can treat you
(احنا بنعتذر وهنشوف دكتور معانا على الطياره يقدر يعالجك)
ايهاب بزعيق:

 

 

 

I will sue you, how do you waste the human soul like this?
(انا هقاضيكوا انتوا ازاي تهدرو روح الإنسان كده)
المضيفه:What do you want now and we do it
(انت عايز ايه دلوقتي واحنا نعمله)
ايهاب:
I want to get off the plane right now
(عايز انزل من الطياره حالا)
ذهبت المضيفه للطيار: عمال يزعق وعايز ينزل من الطياره وان هيقاضينا
الطياره: قوليلهم يربطوا أحزمة الأمان عشان الطياره هترجع المطار تاني
المضيفه في المايك: رجاءاً ربط أحزمة الأمان
ورجعت الطائره ودخل احمد بامر القبض على ابراهيم
ابراهيم: انتوا بتعملوا ايه
احمد : مش انت لوحدك اللي بتفكر يا ابراهيم احنا بس هاودناك لعند لما خدنا خالتوا بس كل حاجه متخطط لها
اخذ احمد ابراهيم على القسم ودخل الحجز وقال
احمد: محدش يقرب منه يا تيم انت فاهم ده متوصي عليه مني اناااا
التيم: أوامرك يا باشا
مختار: هو ايه حكاية الراجل ده هو مش لسه خارج من ساعتين
التيم: مختار
مختار: ايوه يا معلم
التيم: عروستك جت يا مختار اعمل اللي انت عاوزه
مختار: بس ده متوصي عليه
التيم: توصية اللواء عبدالله غير الظابط احمد عشان كده لازم نتوصى بيه
ابراهيم: انتوا عايزين ايه ابعدوووا عنيييييييييي

لقراءة باقي حلقات الرواية اضغط على (رواية نور)