رواية حنين الليل 2 الفصل الثاني 2 بقلم أميرة رمضان

رواية حنين الليل 2 الفصل الثاني 2 بقلم أميرة رمضان

رواية حنين الليل 2 البارت الثاني

رواية حنين الليل 2 الجزء الثاني

رواية حنين الليل 2 الحلقة الثانية

الحقني يا باشا عايز يقتلني انقذوووووووني يا ناااااااااااااس
ايان : ماهو لو تبطل مصايب مش هيعملك حاجه
رعد : ايوا قوله عشان انا والله جبت اخري منه
يوسف : منك لله ي رعد ي ابن ام رعد علي البهدله اللي عاملهالي دي
رعد : انا برضو طب تحب اقوله كنت هقتلك ليه
يوسف بصدمه : لاااء عيييب انت اخويا حبيبي مطلعش سري برا ابوس ايدك
#بقلمي_اميره_رمضان
رعد : شفت بقا
حنين بفرحه : ايااااااان (جرت عليه وحضنتو )
جيت ايمتا
ايان : لسه واصل (وقال بقلق ) لابسين اسود كده ليه كنتو في عزا ولا اي
كارما بضحك : ههههههه اه كنا هنحضر عزا يوسف
يوسف : منكم لله ان شالله انتو كلكم
ميرا : نورت بيتك ي رجوله
ايان : اهلا بالمحامي
ميرا بغضب : محااااااميه بلاش تكلمني بصيغه الولد كده
ايان : وفيه بنوته رقيقه بتتكلم زيك كده
ميرا بضحك : لاء
رعد : اعمل اي ربنا رزقني بأخ اهطل واخت مسترجله
ميرا بغرور : انا استثناء لاي حد ياباااا

رعد : طب يلا غورو بقا من هنا عشان ايان هينام
خديجه : ينام فين والغدا
ايان : ماهو انا كلت انا ورعد وهموووووت وانام
________
بليل ماريا ماسكه التلفون بتتفرج علي فيلم رعب وكانت عطشانه
ماريا : كارما بت اصحي انتي ي زفته
كارما بنوم : في اااااي سبيني اتخمد بقااا
ماريا :عايزه اشرب
كارما : طب متطفحي انا مالي
ماريا : ماهو مفيش مايه هنا المايه تحت وخايفه انزل لوحدي تعالي معايا
كارما بعصبيه : بقووووولكككك اي ماهو انتي مش تتفرجي علي رعب وت*قرفينا مش كفايه انك جايه تنامي معايا ومضيقه عليا السرير
ماريا : بااااااااس خلااااص اخرسي هتصحي اللي في البيت بتعايريني عشان نايمه معاكي في اوضتك انا ماشيه رايحه اوضتي حبيبتي وخليكي انتي نايمه نامت عليكي حيطه
#بقلمي_اميره_رمضان
طلعت ماريا من الاوضه ونزلت تحت تجيب مايه
ماريا بخوف : يخربيت الرعب وسنينه طب انا وحده بخاف من خيالي اي اللي يخليني اتنيل اتفرج عليه مني لله علي اللي عملاه في نفسي ده
دخلت المطبخ خدت ازازه وطلعت تجري بسرعه عشان خايفه من العفاريت وفجاء خبطت في حد قدامها
ماريا بصراخ : اعااااااا ي ماماااااااااا (وحاطه ايدها علي وشها بخوف)

____استغفرو _
عند ايان سمع صراخ قام بسرعه رهيبه ونزل تحت قابله رعد
رعد بقلق : في اااي مين اللي بيصرخ
ايان : الصوت جاي من تحت
خديجه بخوف : مااااااري مااااالك ي بت في اااااي (جرت عليها وحضنتها)
ايان : في اااي مالك
رعد : عز هي اي اللي حصلها
عز : والله معرف انا كانت جاي من برا ودخلت لقيتها بتجري من المطبخ بسرعه لسه هسالها في اي اتخبطت فيا وصرخت
#بقلمي_اميره_رمضان
بعد شويه
ميرا بنوم: منككك لله ي زفته قلقتي البيت كله متقولي في اي خلينا ننام
(ماريا مش عارفه تقول اي عشان هيضحكو عليها )
كارما : انا عارفه هي صرخت ليه الهانم كانت بتتفرج علي فيلم رعب ونزلت وهي خايفه صحتني انزل معاها بس مرضتش ولما شافت عز فكرته عفريت عشان كده صرخت
ايان باستغراب: ماريا هو ده اللي حصل فعلا
ماريا : ماهو موقف فعلا يخوف اخوك دخل من غير صوت ولما اتخبط فيه فكرته فعلا عفريت
عز : يعني انا عفريت ي سرنجه انتي
ماريا : انا مش سرنجه انا ممرضه ي دكتور البهايم انت
عز : انا دكتور بهايم
ميرا بمكر: مش دي ي زيزو اللي رجليها اتلوت من كام شهر وانت عالجتها
كارما بضحك ؛ عرفتي مين البهايم دلوقتي
ماريا : انتو بتحفلو عليا انا طالعه اتخمد
#بقلمي_اميره_رمضان
جنه : مش مسامحاكي عشان خرجتيني من مود المذاكره
ماريا بسخريه : احنا اسفين لمودك ي اختي
(كلهم طلعو ينامو تاني وعز كان طالع لكن ايان قاله يستني شويه)
عز : في اي ي قبطان
ايان : كنت فين

عز باستغراب : اي اللي كنت فين منا كنت في العياده
ايان : الساعه دلوقتي 3الفجر ومعتقدش انك فاتح العياده لحد دلوقتي
عز : ساعات بيكون في كشف كتير عشان كده بتاخر ليه بقا للاساله دي
ايان بغضب : عشان انت بتكدب عليا خليك راجل واتكلم بصراحه انت كل يوم بتاجي الساعه3 او 5وساعات بتصل لساعه7 الصبح انا لو عارف انك في العياده كنت اشيلك في عيني لكن انت بتبقا صايع مع اصحابك برا
عز : انت بتراقبني بقا
ايان : انا لو عايز اراقبك هراقبك بس انت عارف ان عيلتنا مش قليله في البلد ومعروفين طبيعي لما حد يشوفك عايز تبوظ سمعت العيله لازم يقولولنا
عز بعصبيه : انا مش عيل صغير عشان لما حد يشوفني بعمل حاجه ياجي يشتكيلك انت بتسهر في حفلات وبتخرج في اي وقت مفيش حد بيحاسبك
ايان بجمود : لاني عارف انا بعمل اي ومش بعمل حاجه غلط الدور والباقي عليك انت
عز : وانا مش بعمل حاجه غلط والشاطر اللي يثبت عليا حاجه
ايان : ولو حد ثبت عليك حاجه هتشوف مني تصرف مش هيعجبك تصبح علي خير
#بقلمي_اميره_رمضان
_________
تاني يوم
تالين بصوت عالي : بتعيطي ليييييه
لينا : سونه ضربني
مالك بعصبيه: ضربتها لييه ياض
ياسين : بتبوظ لعبتي ومش بعرف العب منها
مالك بهدوء : طب تعالي اقولك انت راجل ولا لاء
ياسين : ايوا راجل
مالك : طب الراجل يخاف علي اخته وميزعلهاش ابدا ويلاعبها مش لما انا بضربك هي بتطبطب عليك
ياسين ببراء : اه
مالك : طب يلا بقا صالحها ومتزعلهاش لو كسرت حاجه انا هجبلك احسن منها
(ياسين خد لينا بفرحه وكملو لعب )
مالك باستغراب : مالك ي بنتي واقفه بتبصيلي كده ليييه
تالين بعصبيه : طب ي اخويا طلاما انت كده قاعد تحل مشكله العيال متحل مشكلتنا الاول
مالك : مشكله اي

تالين : انت نسيت ولا اي منا قولتلك انا عايزه ننزل مصر نقضي العيد وسط العيله
مالك : وانا قولتلك صعب اووي بالاخص ان بقيت المدير ومينفعش اسيب الشغل وانزل
#بقلمي_اميره_رمضان
تالين بحزن : كنت مفكره ان الترقيه في شغلك حلوه بس للاسف خدتك مننا
مالك بحب : محدش يقدر ياخدني منك ي بنت قلبي
تالين : اهو كلام بس اللي باخدو منك وفي الاخر برضو الشغل بياخدك
مالك بضحك : منا قولتلك حبي شغلي بدل مانتي بتتعاملي معاه كانه ضرتك كده
تالين : هحاول المهم يلا نفطر الاول
مالك : والله هتاخر عندي اجتماع بدري ولازم الحق
تالين : برضووووووو الشغل
__________
ميرا : اي رايكم في الاكل
يوسف : استغفر الله العظيم دي المره اللي 100 تسالي فيها عن الاكل وبعدين ده اكل ده استغفر الله دانتي لو بتعملي اكل للبط كنتي عملتيه احسن من كده وبطلي اساله بقا صدعتينا
ميرا بغضب : طب تصدق وتامن بالله انت عيل واطي ومش هرد عليك عارف ليه
(رد عز في نفس الوقت مع ميرا )
عشان واااااطي
رعد بصلهم بخيبه امل : هووو انتوووو اي متبطلو بقااا كلام وجعتو دماغناااا
ميرا : هو انا اتكلمت ي باشا ده هو الزفت ده المش بيبطل خناق معايا وانا طيبه و علي نياتي
ماريا وهي نازله من فوق : علي يددددددددي
عز : اهلااااا بالبطل الخارق اللي عامله نفسها شبح وبتتفرج علي افلام رعب
#بقلمي_اميره_رمضان

يوسف : يالهووووووي دانا كنت هموت من الضحك لما عز حكالي
كارما : وانت مصحتش ليه يلااا ده البيت كلو صحي علي صوتها
حنين : ده غيبوبه
يوسف : والله وسمعنا صوتك ي ست نونا بلاش انتي تقفي ضدي عشان مش هتسلكي معايا
رعد : انت مال اهلك ياض دي تقول اللي هي عايزاه
نزل ايان : في اي مالكم علي الصبح متهدو كده
رعد : عجباك لمت العيله دي ي اخويا
ميرا بمشاكسه : يجماعه احنا هنسيب المشكله الاساسيه ونمسك في التفاهه دي احنا انهارده معانا شبح المجره (وبصت لماريا)
تقدري تقوليلنا ي ماري فيلم امبارح كان بيتكلم عن اي
ماريا : انا عارفه اني مش هخلص طب والله كنت بتاخر فوق عشان انزل والاقيكم مشيتو
سليم بصوت عالي وهو واقف برا : حد خالع راسه
ميرا وكارما بضحك: غطي ي جوووو
يوسف مسك كوبايه المايه وكان هيحدفها عليهم
وهنا اتكلم ايان بصوت جهوري : اقسم بالله لو مسكتو لعرفكم شغلكم ده اي تصرفات الاطفال دي
ميرا قالت بصوت واطي لحنين : بقولك اي ي ملبن مصر متلمي اخوكي عني هو مش قدي
ضحكت حنين وقالت : لو جدعه عيدي اللي انتي قولتيه ده بصوت عالي
ميرا : ده لو بقااا

دخل سليم وقال بسرعه : انتو بتفطرووو من غيري بقولك اي ي كاريكا نوليني المخلل من قدامك
كارما بغضب : كاريكا في عينك اسمي كارما ي لطخ
ايان : عيب كده ده اكبر منك اتكلمي باحترام
كارما : هو ده يعرف حاجه عن الاحترام عشان اتكلم معاه بيه
يوسف : اوووو كارما غلطت وانا كنت مستنيها تغلط
رعد : ايااان يلا نمشي احنا مش هنخلص من الصداع ده ومسك ايد سليم وانت كمان يلااااا
سليم : لسه باكل يخربيتككككك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حنين الليل 2)