رواية خدعة العشق الفصل الثاني 2 بقلم سولييه نصار

رواية خدعة العشق الفصل الثاني 2 بقلم سولييه نصار

رواية خدعة العشق البارت الثاني

رواية خدعة العشق الجزء الثاني

رواية خدعة العشق الحلقة الثانية

-افتكرتك بنت بصراحة
الرسالة اتبعتتلي فقلبي دق وقولت:
-وده مضايقك في حاجة ..
بعت ايموشن ضحك وقال :
-كنت افضل أنك تكون بنت بصراحة …كلامهم ممتع اكتر أنا ليا اصحاب كتير بنات …
-ابه مبتصاحبش ولاد ….
بعتها وانا مخنوقة وعيوني دمعت …طريقة كلامه خن*قتني كان نفسي اصرخ فيه واقوله اني بحبه وانه بحس بيا شوية بس …كلامه عن البنات خلاني احس بغيرة …قلبي دق لما رد وقال:
-اكيد عندي اصحاب ولاد …دوول صحاب حقيقية بس انت عارف أننا كشباب لازم نصاحب بنات يعني عادي بنتسلي …
اتخنقت اكتر ودموعي نزلت وقولت:
-هي البنات بالنسبالك تسلية ؟!
اتصدمت لما بعتلي:

-ايوة طبعا …يعني هما اللي بيرموا نفسهم عليا يبقوا يستاهلوا ….البنت اللي تكون سكتها وح*شة وترمي نفسها عليا يبقي تستاهل لانها متربتش …أنا اختي مثلا قمة في الادب عشان لا معاها فون ولا عاملة الفيس لكن البنات التانيين عاملين فيس وانستا وبيكلموا شباب ويردوا عليهم .
.انت عارف يا نور …احيانا بقرف من البنات دي بس بكمل عشان اك*سرهم …المساكين فاكرين اني هتجوز واحدة منهم لكن هما عبط ميعرفوش انهم مجرد تسلية لحد ما الاقي البنت المحترمة …
قعدت اتنفس بصعوبة…بدأت احس بالندم اني حبيت حد بالشكل ده …حسيت قد ايه هو ت*افه وسط*حي وانسان مش كويس …ازاي بيبص للبنات بالطريقة دي …ازاي بيحاسبهم علي نفس الذ*نوب اللي بيعملها …حسيت الغشاوة اللي علي عيني بتتشال وحسيته بيسقط من نظري …وحسيت نفسي قليلة …
بعتله وانا بعيط
-طب عمر ما في بنت لفتت نظرك…
شاف الرسالة وبدأ يكتب …
-بصراحة أه …بنت اسمها ليليان حسيتها غيرهم …

قلبي دق بس اللي كتبه خلاني اغير رأيي .
-بس للأسف اكتشفت انها عندها اكونت…غير انها بتفضل دايما تبصلي …اكتشفت انها معندهاش حياء وانا سايبها كده لحد ما هي تقرب مني بنفسها عشان اتسلي شوية …بس اللي حاليا براقبها بإهتمام هي صاحبتها ندي البنت دي عنده فيس صحيح لكن عمرها ما عبرتني بنظرة حتي …حتي لو بصت عليا بتبصلي بقر*ف …اهو أنا نفسي اوقع البنت دي في حبي واك*سرها وده هيحصل لو صاحبتها قربت مني …
قعدت اتنفس بصعوبة …اذان الفجر اليوم ده لمس روحي …قفلت الموبايل وروحت اصلي …كنت بصلي وبدعي ان ربنا يسامحني علي اللي عاملته …أنا كنت مبهورة بشكله بس لما عرفت تفكيره المر*يض قفلت منه …وصلاة الفجر دي كانت أول مرة ادعي فيها ان ربنا يبعده عني …فضلت لحد الصبح بقرأ قران وادعي ربنا واحمده اني فوقت بسرعة كده …معاد المدرسة جه جهزت نفسي ولبست وانا حاسة بإحساس راحة بس أول حاجة عملتها قفلت الاكونت الفيك فورا وروحت علي ملف صور زياد ومسحتهم كلهم مترددتش لحظة وبعدين روحت المدرسة ….
كنت بمشي بسرعة لحد ما شوفت زياد ماشي مع البنات ولاول مرة مدهوش اهتمام …روحت المدرسة وكنت بدور علي ندي راحت نوران وقفت قصادي وقالت:
-ها يا ليليان عملتي ايه ؟!
ابتسمت وقولت:

-قفلت الاكونت قررت مستمرش في الغلط وانتي كمان يا نوران قدامك فرصة عشان تبقي كويسة ..
ابتسمت بحزن وقالت:
-وده مش هيخلي الناس تتكلم عليا يعني …
مسكت ايديها وقولت :
-مش مهم الناس كده كده بيتكلموا المهم ترضي ربنا..
-انا مش عارفة أعمل ايه
قالتها بعيون مدمعة ..فشديت علي ايديها وقولت:
-متعمليش خليكي معايا بس وانا هساعدك …
ضحكت وحضنتني …نوران كانت طيبة بس كانت محتاجة صديق يوجهها وانا من النهاردة هكون صديقتها …شوفت ندي من بعيد ومسكت ايد نوران وشديتها ورايا وقفت قدام ندي اللي بصتلي بإستغراب وحضنتها جامد اوووي وانا بعيط …مكنتش مضطرة حتي اعتذر لان ندي بدورها حضنتني وقالتلي قبل ما اعتذر:
-كنت مستنياكي …كنت عارفة أنك هتفوقي …
…..
مرت الايام والتزمت في الصلاة بدأت أقرب من اهلي واصحابي …كنا أنا ونوران وندي مع بعض بنذاكر كويس ومستوانا اتحسن اوووي …
……

بعد شهور من التعب في الثانوية العامة النهاردة كانت النتيجة …كنت مرعوبة وكنا أنا وندي ونوران قاعدين قدام الموقع واهلينا معانا صرخت فجأة نوران وقالت:
-ليليان دخلتي طب يا ليليان …
ضحكت بسعادة وانا بحضنها والسعادة كملت لما عرفت ان نوران وندي جابوا طب كمان قعدنا تبكي من الفرحة في اليوم ده فضلنا نصلي واتصدقنا …كنا بنشكر الله علي كرمه …أنا زياد فهو سقط وابوه عا*قبه ومنع عنه الموبيلات وبدأ يشغله شغل صعب …
…
روحنا الكلية كنا تلاتة مبنفترقش في نفس السكان بنذاكر مع بعض ونصلي مع بعض …في مرة كنا بنذاكر فقولت فجأة :.
-بنات أنا بحبكم ..
ضحكوا وحضننا بعض وقالوا:
-واحنا بنحبك كمان♥️
الحب مش حبيب بس ممكن يكون صديق ياخد بإيدك للطريق الصح فيارب دايما ربنا يرزقنا بالصحبة الصالحة ♥️
تمت

لقراءة باقي حلقات الرواية اضغط على : (رواية خدعة العشق)