رواية عرسان الصالونات الفصل الرابع 4 بقلم فونا

رواية عرسان الصالونات الفصل الرابع 4 بقلم فونا

رواية عرسان الصالونات البارت الرابع

رواية عرسان الصالونات الجزء الرابع

رواية عرسان الصالونات الحلقة الرابعة

أبتسم بشكل مريب وهو بيقفل الباب وبيقرب مني
كنت لوحدي في الأوضه وكنت خايفه فضلت أدور علي فوني بس ملقتهوش!
بصتله بخوف_أنتَ طلعت ازاي
قرب مني وابتسم بخبث_بقي أنا ترفضيني يا مريوم أنا لاء وكمان تحبسيني
أتكلمت بخوف_أنتَ هربت من السجن
بصلي وضحك ضحكه مريضه_هربت لأجل عيونك يا حبيبتي
فجأة لقيته بيقرب مني
حاولت أقوم بسرعه بس للأسف جتلي دوخه فوقعت علي الأرض بتعب
ضحك بسخريه_مفكيش حيل يا قطة مش لازم تقاومي
أتكلمت بتعب_أطلع برا قبل ما أخواتي يجو ولو شافوك هيمو*توك
ضحك بعلو صوته_مش مهم بس الأهم اني هكون خلصت عليكي
بصيتله برعب وأنا شايفه بيقرب مني مسك ايدي
نفضت ايده عني بعنف وصرخت_أوعي تلمسني
ولا كأنه سمعني وقرب أكتر فضلت أضربه في صدره لغاية ما مسك ايدي جامد وصرخ في وشي_بطلي فرك
بصيتله بخوف ودموعي بدأت تنزل_أبعد عني متلمسنيش
فجأة لقيت نظرته اتحولت لشر_بقي أنا اتح*بس بسبب عيله زيك
ضر*بني بالقلم
وكمل بعصبيه_أنا اتبهدل بسببك ده أنا هوريكي النجوم في عز الضهر
فضل يض*ربني بالأقلام لدرجة أن شفايفي جابت د*م
كنت بصرخ بعياط_أبعد عني
وهنا راح حاطت ايده علي رقبتي جامد وأتكلم بغضب_هم*وتك يا مريم هم*وتك
بدأت اتخنق مكنتش قادره أخد نفسي ومكنتش قادرة اضر*به اعصابي بدأت تبوظ وخلاص شايفة النهاية قدامي
بس في لحظه لقيت چون شده جامد من قدامي راسي وقعت علي الأرض كنت بحاول أخد نفسي
أتكلم چون بغضب_عايز تم*وتها يا *** ده أنا هم*وتك
يا *****
فضل يضر*ب فيه بغل وهنا دخل جرجس بسرعة ولقي چون وتحته واحد عمال يضرب فيه وبص قدام لقي أختي مرميه علي الأرض مش بتتحرك
صرخ بفزع_مريم
جري عليها وشاف وشها أزرق جدا وكانت فاقدة الوعي
هنا دخل يوسف وكام واحد بسبب الصوت
يوسف مسك چون وحاول يبعده_خلاص يا چون هيم*وت في ايدك خلاص
چون مكانش شايف حد من عصبيته حاول يبعد عن يوسف بس يوسف كان ماسكه هو وواحد تاني من المستشفى
حاول يوسف يهدي چون وفي قوات جم أخدو المرمي علي الأرض ده
وجرجس شال مريم بسرعه حطها علي السرير والدكتور جيه كشف عليها
وكان الوضع فوضوي بمعني الكلمة
اليوم التاني
كانو قاعدين معاها في الأوضه يوسف وچون
بدأت أفتح عيوني بتعب بصيت لقيتهم حواليا
قربو مني بلهفة
يوسف بحنان_حبيبتي أنتِ كويسة
بصيتله ودموعي نزلت فبصلي بخضه_مالك في حاجة وجعاكي
حاولت أقوم بتعب وقربت منه حضنته وقعدت أعيط
فضل يطبطب علي ضهري بحنان_أهدي يا مريوم خلاص مفيش حاجه مستاهله دمعة من عيونك
اتكلمت من وسط دموعي_كنت خايفه أوي يا يوسف
غمض عيونه بألم من وجعها وحاول يطمنها_حقك علي عيني يا مريومه حقك علي قلبي متخافيش هو اتقبض عليه واتوصي بيه جدا
حاولت أهدأ شوية وفضلت في حضن يوسف كنت مكسوفه ألف وشي ويشوف دموعي
حاولت أمسح دموعي وأنا في حضن يوسف
بعدت عنه بكسوف من اللي قاعد معانا رفعت عيني عليه كان باصصلي بحزن!
فجأة الباب اتفتح ودخل منه جرجس أول ما شافني قرب مني بلهفة_حبيبتي أنتِ كويسة
أبتسمت_الحمدلله يا حبيبي
قطع كلامنا خبط علي الباب
سمحله يوسف بالدخول فدخل شاب كان شايل ورد
_انسه مريم حمدلله علي السلامة
أخواتي بصوله بصدمة وأما التالت فبصله بضيق
أتكلم يوسف بخشونه_مش تعرفينا يا مريم
أتكلمت بحرج_ده مينا زميل معايا في الجامعة
رد جرجس بهدوء_أهلا وسهلا أتفضل يا مينا
دخل مينا وقرب مني ومد ايده بالبوكيه_أتفضلي دي حاجة بسيطة
كنت بصاله بتوتر ومعرفش ليه عيني جت في عين چون اللي كان باصصلي بغضب واضح
خدته منه عشان محرجهوش_شكرا يا مينا
أبتسم بهدوء وعم الصمت في المكان
أتكلم چون وهو بيبصله_وأنتَ تعرف مريم منين بقي
مينا_عادي زمايل في الجامعة والمحاضرات
بصله في عينه_يعني ده سبب يخليك تيجي لغاية عندها وتديها ورد
كلنا بصيناله فكمل بضيق_ده بدل ما تدخل ومعاك اتنين كيلو تفاح ولا موز
حاولت أكتم ضحكتي وبصيت الناحيه التانية لقيت يوسف باصصلي ورافع حاجبه
أتكلم جرجس بغيره_وانا متفق مع چون برضو
يوسف حاول يخلص الموقف_خلاص حصل خير
وبص لچون وأتكلم_وبعدين كتر خير الراجل ذوق داخل وايده مش فاضية علي التعبانة
بصله چون بضيق وفهم مغزي الكلام اللي محدش عارفه غيره هو ويوسف
قام فجأة جرجس_حبيب قلبي يا مينا شرفتنا منجلكش في حاجة وحشه
بصله بصدمة وبعدين بصلي وهمس_هو أنا بتطرد
ضحكت بخفوت_معلش أخواتي بيغيرو شوية متاخدش في بالك
أبتسم بهدوء_حصل خير أنا همشي ولو احتجتي اي حاجه في المحاضرات اللي غيبتيها قوليلي وهبعتهالك
مشي مينا والتلاته قعدو قدامي بنظراتهم الغريبة
أتكلمت بأستغراب_في ايه
أتكلم چون بنرفزة_مين ده وبتاع ايه يجبلك ورد
بصلته باستغراب _أظن إني عرفتكم عليه وبعدين أنت بتتكلم معايا كده ليه
بصلي بغضب_هيكون ليه يعني براحتك اشبعو ببعض
وقام وطلع برا وقفل الباب وراه بغضب
بصيت له بصدمة_ماله ده
_يمكن غيران
بصيت لجرجس اللي أتكلم بصيتله وسكت وقلبي بدأ يدق جامد
بصيت ليوسف اللي كان متابع الموضوع بهدوء وأتكلمت بتوتر_هو جرجس قصده ايه
اتنهد يوسف وقرب مسك ايدي بحنان_چون متقدملك
بصيتله بصدمة_ازاي
ضحك جرجس بسخرية_زي الناس جيه طلبك من أخوكي وهو رفض
بصيتله بصدمة أكبر_ايه رفض
بصولي هما الاتنين بحاجب مرفوع وهنا أدركت اللي قولته بصيت لتحت بخجل واحراج
_بتحبيه يا مريم وياريت تتكلمي بصراحة
بصيت ليوسف ورديت بهدوء_مش عارفه يا يوسف
بصلي وأتكلم تاني_كنتم بتتكلمو
اتنهدت_ أنا مش بحب أعمل حاجة من وراكم هو كان عندي علي الفيس ورقمه معايا طبيعي لأني لما مش بعرف اوصلكم بكلمه عشان ببقي عارفه أنه معاكم وأنتم عارفين الموضوع ده بس صدقني أنا متكلمتش معاه خالص غير مرة من كام يوم وو
اتكسفت فهو بصلي وشجعني إني اكمل_وايه
_واعترفلي أنه معجب بيا بس أنا اتوترت ومعرفتش أقوله ايه وحتي مردتش عليه وعملتله بلوك
بعد ما كان ماسك ايدي سابها
اتنهد وبصلي_وأنا عارف كل ده
بصيت له باستغراب_ازاي
رد ببساطة_هو حكالي نفس اللي أنتِ قولتيه وقالي أنه مش حابب يعمل حاجة من ورانا عشان منخسرش بعض
بصيتله بهدوء وبعدين اتكلم_أنا شايف أنه مناسب وأنك لو مرتحاله فللأسف هنوافق عليه عشان خاطر عيونك
مكنتش حاسه بنفسي وأنا بضحك
جرجس أتكلم بصدمه_أختك شكلها واقعة
ضحكنا وفجأة الباب اتفتح وهو دخل منه بضيق وكان ماسك في ايده علبة تورتة قرب وحطها علي رجلي_زيارة المريض واجب يا مريضة
بصيتله بصدمة وبعدين بصيت ليوسف_شكلي اتسرعت ولا ايه
ضحك يوسف وجرجس وچون مكانش فاهم حاجة
_اتسرعتي علي ايه
بصيتله ببراءة_ده كلام كبار مليش فيه
بصلي باستغراب وبص ليوسف
يوسف_بما أنها كويسة وهنروح انهاردة فكمان يومين كده جيب أمك وعلبة جاتوه وهنستناك علي الساعة ٧
كان واقف باصصله مش فاهم حاجة وبعدين برق بصدمة وبصلي_أنتِ موافقه
ضحكت بكسوف ومردتش
قرب من جرجس فجأة حضنه
جرجس بخضه_في ايه يا ابني فزعتني اوعي يا عم مش ناقصه تلزيق
بصله چون وراح باسه في خده بسرعة
ورمي بوسه هوا علي يوسف وطلع برا الأوضه بسرعة
كنا مصدومين وفجأة ضحكنا كلنا بعلو صوتنا
“اليوم اللي اتقدم فيه”
كان قاعد في الصالون هو ومامته ومعاه يوسف
جرجس دخلي المطبخ
_جاهزة يا مريوم
أتكلمت بتوتر_شكلي حلو
بصلي وابتسم_قمر….يلا بينا عشان الواد مش علي بعضه برا
طلعت برا وأنا ماسكه صينيه فيها مشروبات
قربت بهدوء وقدمتلهم وبعدين عطاني بوكيه ورد أزرق شكله تحفه
قعدت جنب مامته_قمورة يا حبيبتي
أبتسمت بخجل_شكرا يا طنط
حمحم چون فطنط بصتله وبصت لأخواتي_طب نسيب العرسان لوحدهم شوية
جرجس كشر_لا يا سوسو جو الرؤية الشرعية ده مش علينا إحنا مسيحيين
قامت طنط شدته من دراعه_تعالي بس أقولك خناقتي مع أم سماح علي الغسيل
بصلها باهتمام_هي الولية دي مبتتهدش ولا ايه
ضحكت عليهم وهنا چون بص ليوسف اللي قاعد باصصله ببرود_جرا ايه يا أبو نسب مش هتروح تشوف أم سماح ولا ايه
يوسف ببرود_قاعد علي قلبك
بصله چون وابتسم بمكر_يا ماما نسيتي يوسف
*أبوة صح تعالي ياض يا يوسف
بصله يوسف بضيق_خمس دقايق وربنا لو لقيتك قربت منها سنتي لهفشكل الجوازة
ضحكنا وأول ما يوسف مشي هو بصلي وغمز_حلو البوكيه مش كده
ضحكت بكسوف ومردتش
_لاء وحياة أمك متسكتيش ده كلها خمس دقايق وأخوكي يطب علينا
ضحكت_منا مش عارفة أقول ايه
بصلي وعينه بدأت تلمع_فرحان أوي يا مريم أنك وافقتي
ضحكت وبصيتله_اشمعنا
أبتسم وبصلي في عيوني_كنتِ دعوة في صلاة كل يوم أنك تكوني ليا والحمدلله الدعوة بتتحقق
بصيتله وابتسمت وحقيقي هو ميعرفش إني فرحانه أكتر منه!!
عدت الأيام والشهور واتخطبنا
_ايه اللي أنتِ لابساه ده
بصيتله باستغراب_مالك يا چون فيه ايه ما الدريس واسع اهو
بصلي بضيق_فين واسع ده أنتِ مبتشوفيش
بصيتله بضيق_في ايه يا چون وايه الأسلوب ده
كنا واقفين تحت البيت بتاعي فجأة لقينا مشبك اتحدف عليه بصينا فوق لقيته يوسف اللي قال بنبرة عالية_ولا اعدل وشك وأتكلم عدل لحسن وربي أنزلك وأفضها سيرة
بصله چون بضيق ورجع بصلي نفخ بضيق_أمتي هخلص من الهم ده
بصيت له بضيق_لو مش عاجبك اطلع عند أخواتي تاني
مسك ايدي وشدني براحه وفتحلي باب العربية_اركبي يا مريم ربنا يهديكي ويهد أخواتك زي ما هما هدين حيلي
ركبت وبصتله بصدمه_بعد الشر أن شاله اللي يكرهم
ركب ومشينا كنت مضايقه منه كنت باصه للشباك مش بتكلم فجأة سمعته بينفخ بضيق هنا اتعصبت_لو مخنوق أوي رجعني يا چون أنا مش بفرض نفسي علي حد
اتنهد_حقك عليا يا مريم مكنتش أقصد اكلمك كده
انفعلت_وبعيدن ماله الفستان مش فاهمة مهو جميل أوي
بصلي بنرفزة_مشكلته أنه حلو أوي عليكي يا زفته وأنا مش عايز حد يشوف الجمال ده غيري
بصيتله بصدمه فضلت ساكته شوية وبعدين انفجرت في الضحك
بصلي بقلة حيلة_اضحكي اضحكي يا اخرة صبري
_أيوة يعني بتاع ايه تبصلها وتضحك مش فاهمة
بصلي بصدمة_ضحكت فين هو أنا فتحت بوقي يا بت
بصيتله بضيق_كنت مبتسم يا چون مبتسم ايه حلوة اخطبهالك
بصلي وأتكلم بخبث_أنا رأي ندخل علي جواز علي طول
بصيتله بصدمة وقومت من مكاني_مالك يا حبيبي
ضحك_اقعدي يا مجنونه احنا في مكان عام
كمل بحب_وبعدين أنا ميملاش عيوني غيرك يا جميل
عدت الشهور ومش عارفه إزاي بالسرعة دي انهاردة فرحنا!
كنت مبسوطة ومتوترة في نفس الوقت
كنت لابسه فستاني الأبيض وكنت زي الفراشة
فستان بسيط وميكب بسيط
خلصت وجيه وقت الفيرست لوك
كنت واقف ومدياله ضهري
قرب مني براحه ولفلي بصلي بعيون بتلمع بحب
قرب مني وباس راسي وهمس_زي القمر يا حبيبتي
“في القاعة”
كنا بنرفص سلو
حضني بحب_أنا مش مصدق أنك بقيتي ليا يا مريم حقيقي مش مصدق حاسس إني بحلم
بصيتله بحب_صدق يا حبيبي صدق
فجأة راح شالني وقعد يلف بيا
ضحكت_خلاص يا مجنون دوخت
نزلني وهمس جنب ودني_بحبك
_وانا بعشقك
تمت

لقراءة باقي حلقات الرواية اضغط على : (رواية عرسان الصالونات)